| Library / Tipiṭaka / တိပိဋက • Tipiṭaka / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā |
၁၀. ကဏ္ဋကသိက္ခာပဒဝဏ္ဏနာ
10. Kaṇṭakasikkhāpadavaṇṇanā
၄၂၈. ဒသမေ – ဒိဋ္ဌိဂတံ ဥပ္ပန္နန္တိ အရိဋ္ဌသ္သ ဝိယ ဧတသ္သာပိ အယောနိသော ဥမ္မုဇ္ဇန္တသ္သ ဥပ္ပန္နံ။ နာသေတူတိ ဧတ္ထ တိဝိဓာ နာသနာ – သံဝာသနာသနာ, လိင္ဂနာသနာ, ဒဏ္ဍကမ္မနာသနာတိ။ တတ္ထ အာပတ္တိယာ အဒသ္သနာဒီသု ဥက္ခေပနာ သံဝာသနာသနာ နာမ။ ‘‘ဒူသကော နာသေတဗ္ဗော (ပာရာ. ၆၆) မေတ္တိယံ ဘိက္ခုနိံ နာသေထာ’’တိ (ပာရာ. ၃၈၄) အယံ လိင္ဂနာသနာ နာမ။ ‘‘အဇ္ဇတဂ္ဂေ တေ အာဝုသော သမဏုဒ္ဒေသ န စေဝ သော ဘဂဝာ သတ္ထာ အပဒိသိတဗ္ဗော’’တိ အယံ ဒဏ္ဍကမ္မနာသနာ နာမ။ အယံ ဣဓ အဓိပ္ပေတာ။ တေနာဟ – ‘‘ဧဝဉ္စ ပန ဘိက္ခဝေ နာသေတဗ္ဗော။ပေ.။ ဝိနသ္သာ’’တိ။ တတ္ထ စရာတိ ဂစ္ဆ။ ပိရေတိ ပရ အမာမက။ ဝိနသ္သာတိ နသ္သ; ယတ္ထ တေ န ပသ္သာမ, တတ္ထ ဂစ္ဆာတိ။
428. Dasame – diṭṭhigataṃ uppannanti ariṭṭhassa viya etassāpi ayoniso ummujjantassa uppannaṃ. Nāsetūti ettha tividhā nāsanā – saṃvāsanāsanā, liṅganāsanā, daṇḍakammanāsanāti. Tattha āpattiyā adassanādīsu ukkhepanā saṃvāsanāsanā nāma. ‘‘Dūsako nāsetabbo (pārā. 66) mettiyaṃ bhikkhuniṃ nāsethā’’ti (pārā. 384) ayaṃ liṅganāsanā nāma. ‘‘Ajjatagge te āvuso samaṇuddesa na ceva so bhagavā satthā apadisitabbo’’ti ayaṃ daṇḍakammanāsanā nāma. Ayaṃ idha adhippetā. Tenāha – ‘‘evañca pana bhikkhave nāsetabbo…pe… vinassā’’ti. Tattha carāti gaccha. Pireti para amāmaka. Vinassāti nassa; yattha te na passāma, tattha gacchāti.
၄၂၉. ဥပလာပေယ္ယာတိ သင္ဂဏ္ဟေယ္ယ။ ဥပဋ္ဌာပေယ္ယာတိ တေန အတ္တနော ဥပဋ္ဌာနံ ကာရာပေယ္ယ။ သေသံ အရိဋ္ဌသိက္ခာပဒေ ဝုတ္တနယေနေဝ ဝေဒိတဗ္ဗံ သဒ္ဓိံ သမုဋ္ဌာနာဒီဟီတိ။
429.Upalāpeyyāti saṅgaṇheyya. Upaṭṭhāpeyyāti tena attano upaṭṭhānaṃ kārāpeyya. Sesaṃ ariṭṭhasikkhāpade vuttanayeneva veditabbaṃ saddhiṃ samuṭṭhānādīhīti.
ကဏ္ဋကသိက္ခာပဒံ ဒသမံ။
Kaṇṭakasikkhāpadaṃ dasamaṃ.
သမတ္တော ဝဏ္ဏနာက္ကမေန သပ္ပာဏကဝဂ္ဂော သတ္တမော။
Samatto vaṇṇanākkamena sappāṇakavaggo sattamo.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၇. သပ္ပာဏကဝဂ္ဂော • 7. Sappāṇakavaggo
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၁၀. ကဏ္ဋကသိက္ခာပဒဝဏ္ဏနာ • 10. Kaṇṭakasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၁၀. ကဏ္ဋကသိက္ခာပဒဝဏ္ဏနာ • 10. Kaṇṭakasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁၀. ကဏ္ဋကသိက္ခာပဒဝဏ္ဏနာ • 10. Kaṇṭakasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၀. ကဏ္ဋကသိက္ခာပဒံ • 10. Kaṇṭakasikkhāpadaṃ
