| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[404] 9. габиж̇аад̇агаван̣н̣анаа
[404] 9. Kapijātakavaṇṇanā
яад̇т̇а взрий нивасад̇ийд̇и ид̣̇ам̣ сад̇т̇аа ж̇зд̇аванз вихаранд̇о д̣̇звад̣̇ад̇д̇асса бат̇авибавзсанам̣ аараб̣бха гат̇зси. д̇асмин̃хи бат̇авим̣ бавидтз д̇хаммасабхааяам̣ гат̇ам̣ самудтаабзсум̣ ‘‘аавусо, д̣̇звад̣̇ад̇д̇о саха барисааяа надто’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва д̣̇звад̣̇ад̇д̇о саха барисааяа надто, буб̣б̣зби нассиязваа’’д̇и вад̇ваа ад̇ийд̇ам̣ аахари.
Yattha verī nivasatīti idaṃ satthā jetavane viharanto devadattassa pathavipavesanaṃ ārabbha kathesi. Tasmiñhi pathaviṃ paviṭṭhe dhammasabhāyaṃ kathaṃ samuṭṭhāpesuṃ ‘‘āvuso, devadatto saha parisāya naṭṭho’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva devadatto saha parisāya naṭṭho, pubbepi nassiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о габияонияам̣ ниб̣б̣ад̇д̇ид̇ваа бан̃жасад̇агабибаривааро рааж̇уяяаанз васи. д̣̇звад̣̇ад̇д̇оби габияонияам̣ ниб̣б̣ад̇д̇ид̇ваа бан̃жасад̇агабибаривааро д̇ад̇т̇зва васи. ат̇згад̣̇ивасам̣ бурохид̇з уяяаанам̣ г̇анд̇ваа нхад̇ваа алан̇гарид̇ваа нигкаманд̇з зго лолагаби бурзд̇арам̣ г̇анд̇ваа рааж̇уяяаанад̣̇ваарз д̇оран̣амад̇т̇агз нисийд̣̇ид̇ваа д̇асса мад̇т̇агз важжабин̣д̣ам̣ баад̇зд̇ваа буна уд̣̇д̇хам̣ ологзнд̇асса мукз баад̇зси. со нивад̇д̇ид̇ваа ‘‘ход̇у, ж̇ааниссаами д̇умхаагам̣ гад̇д̇аб̣б̣а’’нд̇и маггадз санд̇аж̇ж̇зд̇ваа буна нхад̇ваа баггаами. д̇зна взрам̣ г̇ахзд̇ваа маггадаанам̣ санд̇аж̇ж̇ид̇абхаавам̣ б̣од̇хисад̇д̇асса аарожзсум̣. со ‘‘взрийнам̣ нивасанадтаанз наама васид̇ум̣ на ваддад̇и, саб̣б̣оби габиг̇ан̣о балааяид̇ваа ан̃н̃ад̇т̇а г̇ажчад̇уу’’д̇и габисахассассаби аарожаабзси. д̣̇уб̣б̣ажагаби ад̇д̇ано бариваарамаггадз г̇ахзд̇ваа ‘‘бажчаа ж̇ааниссаамий’’д̇и д̇ад̇т̇зва нисийд̣̇и. б̣од̇хисад̇д̇о ад̇д̇ано бариваарам̣ г̇ахзд̇ваа аран̃н̃ам̣ баависи. ат̇згад̣̇ивасам̣ згиссаа вийхигоддигааяа д̣̇аасияаа аад̇абз басаарид̇авийхим̣ каад̣̇анд̇о зго зл̣аго уммуггзна бахаарам̣ лабхид̇ваа аад̣̇ид̇д̇асарийро балааяанд̇о згиссаа хад̇т̇исаалам̣ ниссааяа д̇ин̣агудияаа гуддз сарийрам̣ гхам̣си . со аг̇г̇и д̇ин̣агудигам̣ г̇ан̣хи, д̇ад̇о удтааяа хад̇т̇исаалам̣ г̇ан̣хи, хад̇т̇исаалааяа хад̇т̇ийнам̣ бидти жхааяи, хад̇т̇ивзж̇ж̇аа хад̇т̇ийнам̣ бадиж̇аг̇г̇анд̇и.
Atīte bārāṇasiyaṃ brahmadatte rajjaṃ kārente bodhisatto kapiyoniyaṃ nibbattitvā pañcasatakapiparivāro rājuyyāne vasi. Devadattopi kapiyoniyaṃ nibbattitvā pañcasatakapiparivāro tattheva vasi. Athekadivasaṃ purohite uyyānaṃ gantvā nhatvā alaṅkaritvā nikkhamante eko lolakapi puretaraṃ gantvā rājuyyānadvāre toraṇamatthake nisīditvā tassa matthake vaccapiṇḍaṃ pātetvā puna uddhaṃ olokentassa mukhe pātesi. So nivattitvā ‘‘hotu, jānissāmi tumhākaṃ kattabba’’nti makkaṭe santajjetvā puna nhatvā pakkāmi. Tena veraṃ gahetvā makkaṭānaṃ santajjitabhāvaṃ bodhisattassa ārocesuṃ. So ‘‘verīnaṃ nivasanaṭṭhāne nāma vasituṃ na vaṭṭati, sabbopi kapigaṇo palāyitvā aññattha gacchatū’’ti kapisahassassapi ārocāpesi. Dubbacakapi attano parivāramakkaṭe gahetvā ‘‘pacchā jānissāmī’’ti tattheva nisīdi. Bodhisatto attano parivāraṃ gahetvā araññaṃ pāvisi. Athekadivasaṃ ekissā vīhikoṭṭikāya dāsiyā ātape pasāritavīhiṃ khādanto eko eḷako ummukkena pahāraṃ labhitvā ādittasarīro palāyanto ekissā hatthisālaṃ nissāya tiṇakuṭiyā kuṭṭe sarīraṃ ghaṃsi . So aggi tiṇakuṭikaṃ gaṇhi, tato uṭṭhāya hatthisālaṃ gaṇhi, hatthisālāya hatthīnaṃ piṭṭhi jhāyi, hatthivejjā hatthīnaṃ paṭijagganti.
бурохид̇оби маггадаанам̣ г̇ахан̣уубааяам̣ убад̇хаарзнд̇о вижарад̇и. ат̇а нам̣ рааж̇убадтаанам̣ ааг̇анд̇ваа нисиннам̣ рааж̇аа ааха ‘‘аажарияа, б̣ахуу но хад̇т̇ий ван̣ид̇аа ж̇аад̇аа, хад̇т̇ивзж̇ж̇аа бадиж̇аг̇г̇ид̇ум̣ на ж̇аананд̇и, ж̇аанааси ну ко гин̃жи бхзсаж̇ж̇а’’нд̇и? ‘‘ж̇аанаами, махаарааж̇аа’’д̇и. ‘‘гим̣ наамаа’’д̇и? ‘‘маггадавасаа, махаарааж̇аа’’д̇и. ‘‘гахам̣ лабхиссаамаа’’д̇и? ‘‘нану уяяаанз б̣ахуу маггадаа’’д̇и? рааж̇аа ‘‘уяяаанз маггадз маарзд̇ваа васам̣ аанзт̇аа’’д̇и ааха. д̇хануг̇г̇ахаа г̇анд̇ваа бан̃жасад̇зби маггадз виж̇жхид̇ваа маарзсум̣. зго бана ж̇здтагамаггадо балааяанд̇о сарабахаарам̣ лабхид̇вааби д̇ад̇т̇зва абад̇ид̇ваа б̣од̇хисад̇д̇асса васанадтаанам̣ бад̇ваа бад̇и. ваанараа ‘‘амхаагам̣ васанадтаанам̣ бад̇ваа мад̇о’’д̇и д̇асса бахаарам̣ лад̣̇д̇хаа мад̇абхаавам̣ б̣од̇хисад̇д̇асса аарожзсум̣. со г̇анд̇ваа габиг̇ан̣амаж̇жхз нисинно ‘‘бан̣д̣ид̇аанам̣ оваад̣̇ам̣ агад̇ваа взридтаанз васанд̇аа наама звам̣ винассанд̇ий’’д̇и габиг̇ан̣асса оваад̣̇авасзна имаа г̇аат̇аа абхааси –
Purohitopi makkaṭānaṃ gahaṇūpāyaṃ upadhārento vicarati. Atha naṃ rājupaṭṭhānaṃ āgantvā nisinnaṃ rājā āha ‘‘ācariya, bahū no hatthī vaṇitā jātā, hatthivejjā paṭijaggituṃ na jānanti, jānāsi nu kho kiñci bhesajja’’nti? ‘‘Jānāmi, mahārājā’’ti. ‘‘Kiṃ nāmā’’ti? ‘‘Makkaṭavasā, mahārājā’’ti. ‘‘Kahaṃ labhissāmā’’ti? ‘‘Nanu uyyāne bahū makkaṭā’’ti? Rājā ‘‘uyyāne makkaṭe māretvā vasaṃ ānethā’’ti āha. Dhanuggahā gantvā pañcasatepi makkaṭe vijjhitvā māresuṃ. Eko pana jeṭṭhakamakkaṭo palāyanto sarapahāraṃ labhitvāpi tattheva apatitvā bodhisattassa vasanaṭṭhānaṃ patvā pati. Vānarā ‘‘amhākaṃ vasanaṭṭhānaṃ patvā mato’’ti tassa pahāraṃ laddhā matabhāvaṃ bodhisattassa ārocesuṃ. So gantvā kapigaṇamajjhe nisinno ‘‘paṇḍitānaṃ ovādaṃ akatvā veriṭṭhāne vasantā nāma evaṃ vinassantī’’ti kapigaṇassa ovādavasena imā gāthā abhāsi –
61.
61.
‘‘яад̇т̇а взрий нивасад̇и, на васз д̇ад̇т̇а бан̣д̣ид̇о;
‘‘Yattha verī nivasati, na vase tattha paṇḍito;
згарад̇д̇ам̣ д̣̇вирад̇д̇ам̣ ваа, д̣̇угкам̣ васад̇и взрису.
Ekarattaṃ dvirattaṃ vā, dukkhaṃ vasati verisu.
62.
62.
‘‘д̣̇исо вз лахужид̇д̇асса, босассаанувид̇хийяад̇о;
‘‘Diso ve lahucittassa, posassānuvidhīyato;
згасса габино хзд̇у, яуут̇асса анаяо гад̇о.
Ekassa kapino hetu, yūthassa anayo kato.
63.
63.
‘‘б̣аалова бан̣д̣ид̇амааний, яуут̇асса барихаараго;
‘‘Bālova paṇḍitamānī, yūthassa parihārako;
сажид̇д̇асса васам̣ г̇анд̇ваа, саязт̇ааяам̣ яат̇аа габи.
Sacittassa vasaṃ gantvā, sayethāyaṃ yathā kapi.
64.
64.
‘‘на саад̇ху б̣алаваа б̣аало, яуут̇асса барихаараго;
‘‘Na sādhu balavā bālo, yūthassa parihārako;
ахид̇о бхавад̇и н̃аад̇ийнам̣, сагун̣аанам̣ва жзд̇аго.
Ahito bhavati ñātīnaṃ, sakuṇānaṃva cetako.
65.
65.
‘‘д̇хийрова б̣алаваа саад̇ху, яуут̇асса барихаараго;
‘‘Dhīrova balavā sādhu, yūthassa parihārako;
хид̇о бхавад̇и н̃аад̇ийнам̣, д̇ид̣̇асаанам̣ва ваасаво.
Hito bhavati ñātīnaṃ, tidasānaṃva vāsavo.
66.
66.
‘‘яо жа сийлан̃жа бан̃н̃ан̃жа, суд̇ан̃жад̇д̇ани бассад̇и;
‘‘Yo ca sīlañca paññañca, sutañcattani passati;
убхиннамад̇т̇ам̣ жарад̇и, ад̇д̇ано жа барасса жа.
Ubhinnamatthaṃ carati, attano ca parassa ca.
67.
67.
‘‘д̇асмаа д̇улзяяа мад̇д̇аанам̣, сийлабан̃н̃аасуд̇аамива;
‘‘Tasmā tuleyya mattānaṃ, sīlapaññāsutāmiva;
г̇ан̣ам̣ ваа барихарз д̇хийро, зго вааби бариб̣б̣аж̇з’’д̇и.
Gaṇaṃ vā parihare dhīro, eko vāpi paribbaje’’ti.
д̇ад̇т̇а лахужид̇д̇ассаад̇и лахужид̇д̇о асса. ид̣̇ам̣ вуд̇д̇ам̣ ход̇и – яо босо лахужид̇д̇асса мид̇д̇асса ваа н̃аад̇ино ваа анувид̇хийяад̇и анувад̇д̇ад̇и, д̇асса босасса анувид̇хийяад̇о со лахужид̇д̇о д̣̇исо ход̇и, взригижжам̣ гарод̇и. згасса габинод̇и бассат̇а згасса лахужид̇д̇асса анд̇хаб̣ааласса габино хзд̇у аяам̣ сагаласса яуут̇асса анаяо авуд̣дхи махаавинаасо гад̇од̇и. бан̣д̣ид̇амаанийд̇и яо саяам̣ б̣аало худ̇ваа ‘‘ахам̣ бан̣д̣ид̇о’’д̇и ад̇д̇аанам̣ ман̃н̃амаано бан̣д̣ид̇аанам̣ оваад̣̇ам̣ агад̇ваа сагасса жид̇д̇асса васам̣ г̇ажчад̇и, со сажид̇д̇асса васам̣ г̇анд̇ваа яат̇ааяам̣ д̣̇уб̣б̣ажагаби мад̇асаяанам̣ саяид̇о, звам̣ саязт̇аад̇и ад̇т̇о.
Tattha lahucittassāti lahucitto assa. Idaṃ vuttaṃ hoti – yo poso lahucittassa mittassa vā ñātino vā anuvidhīyati anuvattati, tassa posassa anuvidhīyato so lahucitto diso hoti, verikiccaṃ karoti. Ekassa kapinoti passatha ekassa lahucittassa andhabālassa kapino hetu ayaṃ sakalassa yūthassa anayo avuḍḍhi mahāvināso katoti. Paṇḍitamānīti yo sayaṃ bālo hutvā ‘‘ahaṃ paṇḍito’’ti attānaṃ maññamāno paṇḍitānaṃ ovādaṃ akatvā sakassa cittassa vasaṃ gacchati, so sacittassa vasaṃ gantvā yathāyaṃ dubbacakapi matasayanaṃ sayito, evaṃ sayethāti attho.
на саад̇хууд̇и б̣аало наама б̣аласамбанно яуут̇асса барихаараго на саад̇ху на лад̣̇д̇хаго. гим̣гааран̣аа? со хи ахид̇о бхавад̇и н̃аад̇ийнам̣, винаасамзва вахад̇и. сагун̣аанам̣ва жзд̇агод̇и яат̇аа хи д̇ид̇д̇ирасагун̣аанам̣ д̣̇ийбагад̇ид̇д̇иро д̣̇ивасамби вассанд̇о ан̃н̃з сагун̣з на маарзд̇и, н̃аад̇агзва маарзд̇и, д̇зсан̃н̃зва ахид̇о ход̇и, званд̇и ад̇т̇о. хид̇о бхавад̇ийд̇и гааязнаби ваажааяаби манасааби хид̇агаарагоязва. убхиннамад̇т̇ам̣ жарад̇ийд̇и яо ид̇ха буг̇г̇ало зд̇з сийлаад̣̇аяо г̇ун̣з ад̇д̇ани бассад̇и, со ‘‘маяхам̣ аажаарасийламби ад̇т̇и, бан̃н̃ааби суд̇абарияад̇д̇иби ад̇т̇ий’’д̇и д̇ат̇ад̇о ж̇аанид̇ваа г̇ан̣ам̣ барихаранд̇о ад̇д̇ано жа барзсан̃жа ад̇д̇аанам̣ бариваарзд̇ваа жаранд̇аананд̇и убхиннамби ад̇т̇амзва жарад̇и.
Na sādhūti bālo nāma balasampanno yūthassa parihārako na sādhu na laddhako. Kiṃkāraṇā? So hi ahito bhavati ñātīnaṃ, vināsameva vahati. Sakuṇānaṃva cetakoti yathā hi tittirasakuṇānaṃ dīpakatittiro divasampi vassanto aññe sakuṇe na māreti, ñātakeva māreti, tesaññeva ahito hoti, evanti attho. Hito bhavatīti kāyenapi vācāyapi manasāpi hitakārakoyeva. Ubhinnamatthaṃ caratīti yo idha puggalo ete sīlādayo guṇe attani passati, so ‘‘mayhaṃ ācārasīlampi atthi, paññāpi sutapariyattipi atthī’’ti tathato jānitvā gaṇaṃ pariharanto attano ca paresañca attānaṃ parivāretvā carantānanti ubhinnampi atthameva carati.
д̇улзяяа мад̇д̇аананд̇и д̇улзяяа ад̇д̇аанам̣. д̇улзяяаад̇и д̇улзд̇ваа. сийлабан̃н̃аасуд̇аамиваад̇и зд̇аани сийлаад̣̇ийни вияа. ид̣̇ам̣ вуд̇д̇ам̣ ход̇и – яасмаа сийлаад̣̇ийни ад̇д̇ани саманубассанд̇о убхиннамад̇т̇ам̣ жарад̇и, д̇асмаа бан̣д̣ид̇о зд̇аани сийлаад̣̇ийни вияа ад̇д̇аанамби д̇зсу д̇улзд̇ваа ‘‘бад̇идтид̇о ну комхи сийлз бан̃н̃ааяа суд̇з’’д̇и д̇ийрзд̇ваа бад̇идтид̇абхаавам̣ бажжагкам̣ гад̇ваа д̇хийро г̇ан̣ам̣ ваа барихарзяяа, жад̇уусу ирияаабат̇зсу зго ваа худ̇ваа бариб̣б̣аж̇зяяа вад̇д̇зяяа, барисубадтаагзнаби вивзгажааринааби имзхи д̇ийхи д̇хаммзхи саманнааг̇ад̇знзва бхавид̇аб̣б̣анд̇и. звам̣ махаасад̇д̇о габирааж̇аа худ̇вааби винаяабарияад̇д̇игижжам̣ гат̇зси.
Tuleyya mattānanti tuleyya attānaṃ. Tuleyyāti tuletvā. Sīlapaññāsutāmivāti etāni sīlādīni viya. Idaṃ vuttaṃ hoti – yasmā sīlādīni attani samanupassanto ubhinnamatthaṃ carati, tasmā paṇḍito etāni sīlādīni viya attānampi tesu tuletvā ‘‘patiṭṭhito nu khomhi sīle paññāya sute’’ti tīretvā patiṭṭhitabhāvaṃ paccakkhaṃ katvā dhīro gaṇaṃ vā parihareyya, catūsu iriyāpathesu eko vā hutvā paribbajeyya vatteyya, parisupaṭṭhākenapi vivekacārināpi imehi tīhi dhammehi samannāgateneva bhavitabbanti. Evaṃ mahāsatto kapirājā hutvāpi vinayapariyattikiccaṃ kathesi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̣̇уб̣б̣ажагаби д̣̇звад̣̇ад̇д̇о ахоси, барисаабисса д̣̇звад̣̇ад̇д̇абарисаа, бан̣д̣ид̇агабирааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā dubbacakapi devadatto ahosi, parisāpissa devadattaparisā, paṇḍitakapirājā pana ahameva ahosi’’nti.
габиж̇аад̇агаван̣н̣анаа навамаа.
Kapijātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 404. габиж̇аад̇агам̣ • 404. Kapijātakaṃ
