| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[42] 2. габод̇аж̇аад̇агаван̣н̣анаа
[42] 2. Kapotajātakavaṇṇanā
яо ад̇т̇агаамассаад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ лолабхигкум̣ аараб̣бха гат̇зси. д̇асса лолабхааво наваганибаад̇з гаагаж̇аад̇агз аави бхависсад̇и. д̇ад̣̇аа бана д̇ам̣ бхигкуу ‘‘аяам̣, бханд̇з, бхигку лоло’’д̇и сад̇т̇у аарожзсум̣. ат̇а нам̣ сад̇т̇аа ‘‘сажжам̣ гира д̇вам̣ бхигку лолосий’’д̇и бужчи. ‘‘аама, бханд̇з’’д̇и. сад̇т̇аа ‘‘буб̣б̣зби д̇вам̣ бхигку лоло лолагааран̣аа ж̇ийвид̇агкаяам̣ бад̇д̇о, бан̣д̣ид̇ааби д̇ам̣ ниссааяа ад̇д̇ано васанадтаанаа барихийнаа’’д̇и вад̇ваа ад̇ийд̇ам̣ аахари.
Yo atthakāmassāti idaṃ satthā jetavane viharanto aññataraṃ lolabhikkhuṃ ārabbha kathesi. Tassa lolabhāvo navakanipāte kākajātake āvi bhavissati. Tadā pana taṃ bhikkhū ‘‘ayaṃ, bhante, bhikkhu lolo’’ti satthu ārocesuṃ. Atha naṃ satthā ‘‘saccaṃ kira tvaṃ bhikkhu lolosī’’ti pucchi. ‘‘Āma, bhante’’ti. Satthā ‘‘pubbepi tvaṃ bhikkhu lolo lolakāraṇā jīvitakkhayaṃ patto, paṇḍitāpi taṃ nissāya attano vasanaṭṭhānā parihīnā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о баараавад̇аяонияам̣ ниб̣б̣ад̇д̇и. д̇ад̣̇аа б̣аараан̣асиваасино бун̃н̃агаамад̇ааяа д̇асмим̣ д̇асмим̣ таанз сагун̣аанам̣ сукавасанад̇т̇ааяа т̇усабажчияо оламб̣знд̇и. б̣аараан̣асисздтиноби бхад̇д̇агаараго ад̇д̇ано махаанасз згам̣ т̇усабажчим̣ оламб̣зд̇ваа табзси, б̣од̇хисад̇д̇о д̇ад̇т̇а ваасам̣ габбзси. со баад̇ова нигкамид̇ваа г̇ожарз жарид̇ваа сааяам̣ ааг̇анд̇ваа д̇ад̇т̇а васанд̇о гаалам̣ кзбзси. ат̇згад̣̇ивасам̣ зго гааго махаанасамад̇т̇агзна г̇ажчанд̇о амб̣илаанамб̣иламажчамам̣саанам̣ д̇хуубанаваасам̣ гхааяид̇ваа лобхам̣ уббаад̣̇зд̇ваа ‘‘гам̣ ну ко ниссааяа имам̣ мажчамам̣сам̣ лабхиссаамий’’д̇и авид̣̇уурз нисийд̣̇ид̇ваа бариг̇г̇ан̣ханд̇о сааяам̣ б̣од̇хисад̇д̇ам̣ ааг̇анд̇ваа махаанасам̣ бависанд̇ам̣ д̣̇исваа ‘‘имам̣ баараавад̇ам̣ ниссааяа мажчамам̣сам̣ лабхиссаамий’’д̇и бунад̣̇ивасз баад̇ова ааг̇анд̇ваа б̣од̇хисад̇д̇асса нигкамид̇ваа г̇ожарад̇т̇ааяа г̇аманагаалз бидтид̇о бидтид̇о аг̇амааси. ат̇а нам̣ б̣од̇хисад̇д̇о ‘‘гасмаа д̇вам̣, самма, амхзхи сад̣̇д̇хим̣ жарасий’’д̇и ааха. ‘‘саами, д̇умхаахам̣ гирияаа маяхам̣ ружжад̇и, ид̇о бадтааяа д̇умхз убадтахиссаамий’’д̇и. ‘‘самма, д̇умхз ан̃н̃аг̇ожараа, маяам̣ ан̃н̃аг̇ожараа, д̇умхзхи амхаагам̣ убадтаанам̣ д̣̇уггара’’нд̇и. ‘‘саами, д̇умхаагам̣ г̇ожараг̇г̇ахан̣агаалз ахамби г̇ожарам̣ г̇ахзд̇ваа д̇умхзхи сад̣̇д̇хим̣язва г̇амиссаамий’’д̇и. ‘‘саад̇ху, гзвалам̣ д̇з аббамад̇д̇зна бхавид̇аб̣б̣а’’нд̇и звам̣ б̣од̇хисад̇д̇о гаагам̣ овад̣̇ид̇ваа г̇ожарам̣ жаранд̇о д̇ин̣аб̣ийж̇аад̣̇ийни каад̣̇ад̇и. б̣од̇хисад̇д̇асса бана г̇ожараг̇г̇ахан̣агаалз гааго г̇анд̇ваа г̇омаяабин̣д̣ам̣ абанзд̇ваа баан̣агз каад̣̇ид̇ваа уд̣̇арам̣ буурзд̇ваа б̣од̇хисад̇д̇асса санд̇игам̣ ааг̇анд̇ваа ‘‘саами, д̇умхз ад̇ивзлам̣ жарат̇а, ад̇иб̣ахубхагкзна наама бхавид̇ум̣ на ваддад̇ий’’д̇и вад̇ваа б̣од̇хисад̇д̇зна г̇ожарам̣ г̇ахзд̇ваа сааяам̣ ааг̇ажчанд̇зна сад̣̇д̇хим̣язва махаанасам̣ баависи. бхад̇д̇агаараго ‘‘амхаагам̣ габод̇о ан̃н̃амби г̇ахзд̇ваа ааг̇ад̇о’’д̇и гаагассаби бажчим̣ табзси. д̇ад̇о бадтааяа д̣̇вз ж̇анаа васанд̇и.
Atīte bārāṇasiyaṃ brahmadatte rajjaṃ kārente bodhisatto pārāvatayoniyaṃ nibbatti. Tadā bārāṇasivāsino puññakāmatāya tasmiṃ tasmiṃ ṭhāne sakuṇānaṃ sukhavasanatthāya thusapacchiyo olambenti. Bārāṇasiseṭṭhinopi bhattakārako attano mahānase ekaṃ thusapacchiṃ olambetvā ṭhapesi, bodhisatto tattha vāsaṃ kappesi. So pātova nikkhamitvā gocare caritvā sāyaṃ āgantvā tattha vasanto kālaṃ khepesi. Athekadivasaṃ eko kāko mahānasamatthakena gacchanto ambilānambilamacchamaṃsānaṃ dhūpanavāsaṃ ghāyitvā lobhaṃ uppādetvā ‘‘kaṃ nu kho nissāya imaṃ macchamaṃsaṃ labhissāmī’’ti avidūre nisīditvā pariggaṇhanto sāyaṃ bodhisattaṃ āgantvā mahānasaṃ pavisantaṃ disvā ‘‘imaṃ pārāvataṃ nissāya macchamaṃsaṃ labhissāmī’’ti punadivase pātova āgantvā bodhisattassa nikkhamitvā gocaratthāya gamanakāle piṭṭhito piṭṭhito agamāsi. Atha naṃ bodhisatto ‘‘kasmā tvaṃ, samma, amhehi saddhiṃ carasī’’ti āha. ‘‘Sāmi, tumhāhaṃ kiriyā mayhaṃ ruccati, ito paṭṭhāya tumhe upaṭṭhahissāmī’’ti. ‘‘Samma, tumhe aññagocarā, mayaṃ aññagocarā, tumhehi amhākaṃ upaṭṭhānaṃ dukkara’’nti. ‘‘Sāmi, tumhākaṃ gocaraggahaṇakāle ahampi gocaraṃ gahetvā tumhehi saddhiṃyeva gamissāmī’’ti. ‘‘Sādhu, kevalaṃ te appamattena bhavitabba’’nti evaṃ bodhisatto kākaṃ ovaditvā gocaraṃ caranto tiṇabījādīni khādati. Bodhisattassa pana gocaraggahaṇakāle kāko gantvā gomayapiṇḍaṃ apanetvā pāṇake khāditvā udaraṃ pūretvā bodhisattassa santikaṃ āgantvā ‘‘sāmi, tumhe ativelaṃ caratha, atibahubhakkhena nāma bhavituṃ na vaṭṭatī’’ti vatvā bodhisattena gocaraṃ gahetvā sāyaṃ āgacchantena saddhiṃyeva mahānasaṃ pāvisi. Bhattakārako ‘‘amhākaṃ kapoto aññampi gahetvā āgato’’ti kākassapi pacchiṃ ṭhapesi. Tato paṭṭhāya dve janā vasanti.
ат̇згад̣̇ивасам̣ сздтисса б̣ахум̣ мажчамам̣сам̣ аахарим̣су. д̇ам̣ аад̣̇ааяа бхад̇д̇агаараго махаанасз д̇ад̇т̇а д̇ад̇т̇а оламб̣зси. гааго д̇ам̣ д̣̇исваа лобхам̣ уббаад̣̇зд̇ваа ‘‘свз г̇ожарабхуумим̣ аг̇анд̇ваа маяаа ид̣̇амзва каад̣̇ид̇аб̣б̣а’’нд̇и рад̇д̇им̣ нид̇т̇унанд̇о нибаж̇ж̇и. бунад̣̇ивасз б̣од̇хисад̇д̇о г̇ожарааяа г̇ажчанд̇о ‘‘зхи, самма, гаагаа’’д̇и ааха. ‘‘саами, д̇умхз г̇ажчат̇а, маяхам̣ гужчирог̇о ад̇т̇ий’’д̇и. ‘‘самма, гаагаанам̣ гужчирог̇о наама на гад̣̇аажи бхууд̇абуб̣б̣о, рад̇д̇им̣ д̇ийсу яаамзсу згзгасмим̣ яаамз мужчид̇аа хонд̇и, д̣̇ийбаваддим̣ г̇илид̇агаалз бана нзсам̣ мухуд̇д̇ам̣ д̇ид̇д̇и ход̇и, д̇вам̣ имам̣ мажчамам̣сам̣ каад̣̇ид̇угаамо бхависсаси, зхи мануссабарибхог̇о наама д̇умхаагам̣ д̣̇уббарибхун̃ж̇ияо, маа зваруубам̣ агааси, маяаа сад̣̇д̇хим̣язва г̇ожарааяа г̇ажчаахий’’д̇и. ‘‘на саггоми, саамий’’д̇и. ‘‘д̇зна хи бан̃н̃ааяиссаси сагзна гаммзна, лобхавасам̣ аг̇анд̇ваа аббамад̇д̇о хохий’’д̇и д̇ам̣ овад̣̇ид̇ваа б̣од̇хисад̇д̇о г̇ожарааяа г̇ад̇о.
Athekadivasaṃ seṭṭhissa bahuṃ macchamaṃsaṃ āhariṃsu. Taṃ ādāya bhattakārako mahānase tattha tattha olambesi. Kāko taṃ disvā lobhaṃ uppādetvā ‘‘sve gocarabhūmiṃ agantvā mayā idameva khāditabba’’nti rattiṃ nitthunanto nipajji. Punadivase bodhisatto gocarāya gacchanto ‘‘ehi, samma, kākā’’ti āha. ‘‘Sāmi, tumhe gacchatha, mayhaṃ kucchirogo atthī’’ti. ‘‘Samma, kākānaṃ kucchirogo nāma na kadāci bhūtapubbo, rattiṃ tīsu yāmesu ekekasmiṃ yāme mucchitā honti, dīpavaṭṭiṃ gilitakāle pana nesaṃ muhuttaṃ titti hoti, tvaṃ imaṃ macchamaṃsaṃ khāditukāmo bhavissasi, ehi manussaparibhogo nāma tumhākaṃ dupparibhuñjiyo, mā evarūpaṃ akāsi, mayā saddhiṃyeva gocarāya gacchāhī’’ti. ‘‘Na sakkomi, sāmī’’ti. ‘‘Tena hi paññāyissasi sakena kammena, lobhavasaṃ agantvā appamatto hohī’’ti taṃ ovaditvā bodhisatto gocarāya gato.
бхад̇д̇агаараго наанаббагаарам̣ мажчамам̣савигад̇им̣ самбаад̣̇зд̇ваа усуманигкаманад̇т̇ам̣ бхааж̇анаани т̇огам̣ виварид̇ваа расабариссааванагародим̣ бхааж̇анамад̇т̇агз табзд̇ваа б̣ахи нигкамид̇ваа сзд̣̇ам̣ бун̃чамаано адтааси. д̇асмим̣ кан̣з гааго бажчид̇о сийсам̣ угкибид̇ваа бхад̇д̇аг̇зхам̣ ологзнд̇о д̇асса нигканд̇абхаавам̣ н̃ад̇ваа ‘‘аяам̣д̣̇аани маяхам̣ манорат̇ам̣ буурзд̇ваа мам̣сам̣ каад̣̇ид̇ум̣ гаало, гим̣ ну ко махаамам̣сам̣ каад̣̇аами, уд̣̇ааху жун̣н̣игамам̣са’’нд̇и жинд̇зд̇ваа ‘‘жун̣н̣игамам̣сзна наама киббам̣ гужчим̣ буурзд̇ум̣ на саггаа, маханд̇ам̣ мам̣сакан̣д̣ам̣ аахарид̇ваа бажчияам̣ нигкибид̇ваа каад̣̇амаано нибаж̇ж̇иссаамий’’д̇и бажчид̇о уббад̇ид̇ваа расагародияам̣ нилийяи. саа ‘‘гирий’’д̇и сад̣̇д̣̇амагааси. бхад̇д̇агаараго д̇ам̣ сад̣̇д̣̇ам̣ суд̇ваа ‘‘гим̣ ну ко зд̇а’’нд̇и бавидто гаагам̣ д̣̇исваа ‘‘аяам̣ д̣̇удтагааго махаасздтино баггамам̣сам̣ каад̣̇ид̇угаамо, ахам̣ ко бана сздтим̣ ниссааяа ж̇ийваами, на имам̣ б̣аалам̣, гим̣ мз иминаа’’д̇и д̣̇ваарам̣ бид̇хааяа гаагам̣ г̇ахзд̇ваа сагаласарийрз бад̇д̇аани лун̃жид̇ваа алласин̇г̇ийвзралон̣аж̇ийрагаад̣̇аяо годдзд̇ваа амб̣илад̇аггзна аалол̣зд̇ваа д̇знасса сагаласарийрам̣ магкзд̇ваа д̇ам̣ гаагам̣ бажчияам̣ киби. со ад̇химад̇д̇авзд̣̇анаабхибхууд̇о нид̇т̇унанд̇о нибаж̇ж̇и.
Bhattakārako nānappakāraṃ macchamaṃsavikatiṃ sampādetvā usumanikkhamanatthaṃ bhājanāni thokaṃ vivaritvā rasaparissāvanakaroṭiṃ bhājanamatthake ṭhapetvā bahi nikkhamitvā sedaṃ puñchamāno aṭṭhāsi. Tasmiṃ khaṇe kāko pacchito sīsaṃ ukkhipitvā bhattagehaṃ olokento tassa nikkhantabhāvaṃ ñatvā ‘‘ayaṃdāni mayhaṃ manorathaṃ pūretvā maṃsaṃ khādituṃ kālo, kiṃ nu kho mahāmaṃsaṃ khādāmi, udāhu cuṇṇikamaṃsa’’nti cintetvā ‘‘cuṇṇikamaṃsena nāma khippaṃ kucchiṃ pūretuṃ na sakkā, mahantaṃ maṃsakhaṇḍaṃ āharitvā pacchiyaṃ nikkhipitvā khādamāno nipajjissāmī’’ti pacchito uppatitvā rasakaroṭiyaṃ nilīyi. Sā ‘‘kirī’’ti saddamakāsi. Bhattakārako taṃ saddaṃ sutvā ‘‘kiṃ nu kho eta’’nti paviṭṭho kākaṃ disvā ‘‘ayaṃ duṭṭhakāko mahāseṭṭhino pakkamaṃsaṃ khāditukāmo, ahaṃ kho pana seṭṭhiṃ nissāya jīvāmi, na imaṃ bālaṃ, kiṃ me iminā’’ti dvāraṃ pidhāya kākaṃ gahetvā sakalasarīre pattāni luñcitvā allasiṅgīveraloṇajīrakādayo koṭṭetvā ambilatakkena āloḷetvā tenassa sakalasarīraṃ makkhetvā taṃ kākaṃ pacchiyaṃ khipi. So adhimattavedanābhibhūto nitthunanto nipajji.
б̣од̇хисад̇д̇о сааяам̣ ааг̇анд̇ваа д̇ам̣ б̣яасанаббад̇д̇ам̣ д̣̇исваа ‘‘лолагаага, мама важанам̣ агад̇ваа д̇ава лобхам̣ ниссааяа махаад̣̇угкам̣ бад̇д̇осий’’д̇и вад̇ваа имам̣ г̇аат̇амааха –
Bodhisatto sāyaṃ āgantvā taṃ byasanappattaṃ disvā ‘‘lolakāka, mama vacanaṃ akatvā tava lobhaṃ nissāya mahādukkhaṃ pattosī’’ti vatvā imaṃ gāthamāha –
42.
42.
‘‘яо ад̇т̇агаамасса хид̇аанугамбино, оваж̇ж̇амаано на гарод̇и саасанам̣;
‘‘Yo atthakāmassa hitānukampino, ovajjamāno na karoti sāsanaṃ;
габод̇агасса важанам̣ агад̇ваа, амид̇д̇ахад̇т̇ад̇т̇аг̇ад̇ова сзд̇ий’’д̇и.
Kapotakassa vacanaṃ akatvā, amittahatthatthagatova setī’’ti.
д̇ад̇т̇а габод̇агасса важанам̣ агад̇ваад̇и баараавад̇асса хид̇аанусаасанаважанам̣ агад̇ваа. амид̇д̇ахад̇т̇ад̇т̇аг̇ад̇ова сзд̇ийд̇и амид̇д̇аанам̣ анад̇т̇агаарагаанам̣ д̣̇угкуббаад̣̇агабуг̇г̇алаанам̣ хад̇т̇ад̇т̇ам̣ хад̇т̇абат̇ам̣ г̇ад̇о аяам̣ гааго вияа со буг̇г̇ало маханд̇ам̣ б̣яасанам̣ бад̇ваа анусожамаано сзд̇ийд̇и.
Tattha kapotakassa vacanaṃ akatvāti pārāvatassa hitānusāsanavacanaṃ akatvā. Amittahatthatthagatova setīti amittānaṃ anatthakārakānaṃ dukkhuppādakapuggalānaṃ hatthatthaṃ hatthapathaṃ gato ayaṃ kāko viya so puggalo mahantaṃ byasanaṃ patvā anusocamāno setīti.
б̣од̇хисад̇д̇о имам̣ г̇аат̇ам̣ вад̇ваа ‘‘ид̣̇аани маяаа жа имасмим̣ таанз на саггаа васид̇у’’нд̇и ан̃н̃ад̇т̇а г̇ад̇о. гаагоби д̇ад̇т̇зва ж̇ийвид̇агкаяам̣ бад̇д̇о. ат̇а нам̣ бхад̇д̇агаараго сад̣̇д̇хим̣ бажчияаа г̇ахзд̇ваа сан̇гаарадтаанз чад̣д̣зси.
Bodhisatto imaṃ gāthaṃ vatvā ‘‘idāni mayā ca imasmiṃ ṭhāne na sakkā vasitu’’nti aññattha gato. Kākopi tattheva jīvitakkhayaṃ patto. Atha naṃ bhattakārako saddhiṃ pacchiyā gahetvā saṅkāraṭṭhāne chaḍḍesi.
сад̇т̇ааби ‘‘на д̇вам̣ бхигку ид̣̇аанзва лоло, буб̣б̣зби лолоязва, д̇ан̃жа бана д̇з лоляам̣ ниссааяа бан̣д̣ид̇ааби сагааваасаа барихийнаа’’д̇и имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз со бхигку анааг̇аамипалам̣ бад̇д̇о. сад̇т̇аа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа гааго лолабхигку ахоси, баараавад̇о бана ахамзва ахоси’’нд̇и.
Satthāpi ‘‘na tvaṃ bhikkhu idāneva lolo, pubbepi loloyeva, tañca pana te lolyaṃ nissāya paṇḍitāpi sakāvāsā parihīnā’’ti imaṃ dhammadesanaṃ āharitvā saccāni pakāsesi, saccapariyosāne so bhikkhu anāgāmiphalaṃ patto. Satthā anusandhiṃ ghaṭetvā jātakaṃ samodhānesi – ‘‘tadā kāko lolabhikkhu ahosi, pārāvato pana ahameva ahosi’’nti.
габод̇аж̇аад̇агаван̣н̣анаа д̣̇уд̇ияаа.
Kapotajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 42. габод̇аж̇аад̇агам̣ • 42. Kapotajātakaṃ
