| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[375] 5. габод̇аж̇аад̇агаван̣н̣анаа
[375] 5. Kapotajātakavaṇṇanā
ид̣̇аани комхийд̇и ид̣̇ам̣ сад̇т̇аа ж̇зд̇аванз вихаранд̇о згам̣ лолабхигкум̣ аараб̣бха гат̇зси. лолавад̇т̇у анзгасо вид̇т̇аарид̇амзва. д̇ам̣ бана сад̇т̇аа ‘‘сажжам̣ гира д̇вам̣ бхигку, лоло’’д̇и бужчид̇ваа ‘‘аама, бханд̇з’’д̇и вуд̇д̇з ‘‘на ко бхигку ид̣̇аанзва, буб̣б̣зби д̇вам̣ лолоси, лолад̇ааяа бана ж̇ийвид̇агкаяам̣ бад̇д̇о’’д̇и вад̇ваа ад̇ийд̇ам̣ аахари.
Idāni khomhīti idaṃ satthā jetavane viharanto ekaṃ lolabhikkhuṃ ārabbha kathesi. Lolavatthu anekaso vitthāritameva. Taṃ pana satthā ‘‘saccaṃ kira tvaṃ bhikkhu, lolo’’ti pucchitvā ‘‘āma, bhante’’ti vutte ‘‘na kho bhikkhu idāneva, pubbepi tvaṃ lolosi, lolatāya pana jīvitakkhayaṃ patto’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о баараавад̇аяонияам̣ ниб̣б̣ад̇д̇ид̇ваа б̣аараан̣асисздтино махаанасз нийл̣абажчияам̣ васад̇и. ат̇зго гааго мажчамам̣салуд̣̇д̇хо д̇зна сад̣̇д̇хим̣ мзд̇д̇им̣ гад̇ваа д̇ад̇т̇зва васи. со згад̣̇ивасам̣ б̣ахум̣ мажчамам̣сам̣ д̣̇исваа ‘‘имам̣ каад̣̇иссаамий’’д̇и нид̇т̇унанд̇о нийл̣абажчияам̣язва нибаж̇ж̇ид̇ваа баараавад̇зна ‘‘зхи, самма, г̇ожарааяа г̇амиссаамаа’’д̇и вужжамааноби ‘‘аж̇ийрагзна нибанномхи, г̇ажча д̇ва’’нд̇и вад̇ваа д̇асмим̣ г̇ад̇з ‘‘г̇ад̇о мз бажжаамид̇д̇аган̣даго, ид̣̇аани яат̇ааружи мажчамам̣сам̣ каад̣̇иссаамий’’д̇и жинд̇знд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto pārāvatayoniyaṃ nibbattitvā bārāṇasiseṭṭhino mahānase nīḷapacchiyaṃ vasati. Atheko kāko macchamaṃsaluddho tena saddhiṃ mettiṃ katvā tattheva vasi. So ekadivasaṃ bahuṃ macchamaṃsaṃ disvā ‘‘imaṃ khādissāmī’’ti nitthunanto nīḷapacchiyaṃyeva nipajjitvā pārāvatena ‘‘ehi, samma, gocarāya gamissāmā’’ti vuccamānopi ‘‘ajīrakena nipannomhi, gaccha tva’’nti vatvā tasmiṃ gate ‘‘gato me paccāmittakaṇṭako, idāni yathāruci macchamaṃsaṃ khādissāmī’’ti cintento paṭhamaṃ gāthamāha –
135.
135.
‘‘ид̣̇аани комхи сукид̇о арог̇о, нигган̣даго ниббад̇ид̇о габод̇о;
‘‘Idāni khomhi sukhito arogo, nikkaṇṭako nippatito kapoto;
гаахаами д̣̇ааний хад̣̇аяасса д̇удтим̣, д̇ат̇аа хи мам̣ мам̣сасаагам̣ б̣алзд̇ий’’д̇и.
Kāhāmi dānī hadayassa tuṭṭhiṃ, tathā hi maṃ maṃsasākaṃ baletī’’ti.
д̇ад̇т̇а ниббад̇ид̇од̇и ниг̇г̇ад̇о. габод̇од̇и баараавад̇о. гаахаами д̣̇аанийд̇и гариссаами д̣̇аани. д̇ат̇аа хи мам̣ мам̣сасаагам̣ б̣алзд̇ийд̇и д̇ат̇аа хи мам̣сан̃жа авасзсам̣ сааган̃жа маяхам̣ б̣алам̣ гарод̇и, удтзхи каад̣̇аад̇и вад̣̇амаанам̣ вияа уссаахам̣ мамам̣ гарод̇ийд̇и ад̇т̇о.
Tattha nippatitoti niggato. Kapototi pārāvato. Kāhāmi dānīti karissāmi dāni. Tathā hi maṃ maṃsasākaṃ baletīti tathā hi maṃsañca avasesaṃ sākañca mayhaṃ balaṃ karoti, uṭṭhehi khādāti vadamānaṃ viya ussāhaṃ mamaṃ karotīti attho.
со бхад̇д̇агаарагз мажчамам̣сам̣ бажид̇ваа махаанасаа нигкамма сарийрад̇о сзд̣̇ам̣ баваахзнд̇з бажчид̇о нигкамид̇ваа расагародияам̣ нилийяид̇ваа ‘‘гири гирий’’д̇и сад̣̇д̣̇амагааси. бхад̇д̇агаараго взг̇знааг̇анд̇ваа гаагам̣ г̇ахзд̇ваа саб̣б̣абад̇д̇аани лун̃ж̇ид̇ваа алласин̇г̇ийвзран̃жа сид̣̇д̇хад̇т̇агз жа бисид̇ваа ласун̣ам̣ бууд̇ид̇аггзна мад̣̇д̣̇ид̇ваа сагаласарийрам̣ магкзд̇ваа згам̣ гаталам̣ гхам̣сид̇ваа виж̇жхид̇ваа суд̇д̇агзна д̇асса г̇ийвааяам̣ б̣анд̇хид̇ваа нийл̣абажчияам̣язва д̇ам̣ багкибид̇ваа аг̇амааси. баараавад̇о ааг̇анд̇ваа д̇ам̣ д̣̇исваа ‘‘гаа зсаа б̣алаагаа мама сахааяасса бажчияам̣ нибаннаа, жан̣д̣о хи со ааг̇анд̇ваа гхаад̇зяяааби на’’нд̇и барихаасам̣ гаронд̇о д̣̇уд̇ияам̣ г̇аат̇амааха –
So bhattakārake macchamaṃsaṃ pacitvā mahānasā nikkhamma sarīrato sedaṃ pavāhente pacchito nikkhamitvā rasakaroṭiyaṃ nilīyitvā ‘‘kiri kirī’’ti saddamakāsi. Bhattakārako vegenāgantvā kākaṃ gahetvā sabbapattāni luñjitvā allasiṅgīverañca siddhatthake ca pisitvā lasuṇaṃ pūtitakkena madditvā sakalasarīraṃ makkhetvā ekaṃ kaṭhalaṃ ghaṃsitvā vijjhitvā suttakena tassa gīvāyaṃ bandhitvā nīḷapacchiyaṃyeva taṃ pakkhipitvā agamāsi. Pārāvato āgantvā taṃ disvā ‘‘kā esā balākā mama sahāyassa pacchiyaṃ nipannā, caṇḍo hi so āgantvā ghāteyyāpi na’’nti parihāsaṃ karonto dutiyaṃ gāthamāha –
136.
136.
‘‘гааяам̣ б̣алаагаа сикиний, жорий лан̇гхибид̇аамахаа;
‘‘Kāyaṃ balākā sikhinī, corī laṅghipitāmahā;
орам̣ б̣алаагз ааг̇ажча, жан̣д̣о мз вааяасо сакаа’’д̇и.
Oraṃ balāke āgaccha, caṇḍo me vāyaso sakhā’’ti.
саа хздтаа (ж̇аа. адта. 2.3.70) вуд̇д̇ад̇т̇ааязва.
Sā heṭṭhā (jā. aṭṭha. 2.3.70) vuttatthāyeva.
д̇ам̣ суд̇ваа гааго д̇ад̇ияам̣ г̇аат̇амааха –
Taṃ sutvā kāko tatiyaṃ gāthamāha –
137.
137.
‘‘алан̃хи д̇з ж̇аг̇гхид̇ааяз, мамам̣ д̣̇исваана зд̣̇исам̣;
‘‘Alañhi te jagghitāye, mamaṃ disvāna edisaṃ;
вилуунам̣ сууд̣̇абуд̇д̇зна, бидтаман̣д̣зна магкид̇а’’нд̇и.
Vilūnaṃ sūdaputtena, piṭṭhamaṇḍena makkhita’’nti.
д̇ад̇т̇а аланд̇и бадисзд̇хад̇т̇з нибаад̇о. ж̇аг̇гхид̇ааязд̇и хасид̇ум̣. ид̣̇ам̣ вуд̇д̇ам̣ ход̇и – ид̣̇аани мам̣ зд̣̇исам̣ звам̣ д̣̇угкаббад̇д̇ам̣ д̣̇исваа д̇ава алам̣ хасид̇ум̣, маа зд̣̇исз гаалз барихаасагзл̣им̣ гарохийд̇и.
Tattha alanti paṭisedhatthe nipāto. Jagghitāyeti hasituṃ. Idaṃ vuttaṃ hoti – idāni maṃ edisaṃ evaṃ dukkhappattaṃ disvā tava alaṃ hasituṃ, mā edise kāle parihāsakeḷiṃ karohīti.
со барихаасагзл̣им̣ гаронд̇ова буна жад̇уд̇т̇ам̣ г̇аат̇амааха –
So parihāsakeḷiṃ karontova puna catutthaṃ gāthamāha –
138.
138.
‘‘сунхаад̇о сувилид̇д̇оси, аннабаанзна д̇аббид̇о;
‘‘Sunhāto suvilittosi, annapānena tappito;
ган̣тз жа д̇з взл̣урияо, аг̇амаа ну гаж̇ан̇г̇ала’’нд̇и.
Kaṇṭhe ca te veḷuriyo, agamā nu kajaṅgala’’nti.
д̇ад̇т̇а ган̣тз жа д̇з взл̣урияод̇и аяам̣ д̇з взл̣урияаман̣иби ган̣тз бил̣анд̇хо, д̇вам̣ зд̇д̇агам̣ гаалам̣ амхаагам̣ зд̇ам̣ на д̣̇ассзсийд̇и габаалам̣ санд̇хааязвамааха. гаж̇ан̇г̇аланд̇и ид̇ха б̣аараан̣асийязва ‘‘гаж̇ан̇г̇алаа’’д̇и ад̇хиббзд̇аа. ид̇о нигкамид̇ваа гажжи анд̇онаг̇арам̣ г̇ад̇осийд̇и бужчад̇и.
Tattha kaṇṭhe ca te veḷuriyoti ayaṃ te veḷuriyamaṇipi kaṇṭhe piḷandho, tvaṃ ettakaṃ kālaṃ amhākaṃ etaṃ na dassesīti kapālaṃ sandhāyevamāha. Kajaṅgalanti idha bārāṇasīyeva ‘‘kajaṅgalā’’ti adhippetā. Ito nikkhamitvā kacci antonagaraṃ gatosīti pucchati.
д̇ад̇о гааго бан̃жамам̣ г̇аат̇амааха –
Tato kāko pañcamaṃ gāthamāha –
139.
139.
‘‘маа д̇з мид̇д̇о амид̇д̇о ваа, аг̇амааси гаж̇ан̇г̇алам̣;
‘‘Mā te mitto amitto vā, agamāsi kajaṅgalaṃ;
бин̃чаани д̇ад̇т̇а лааяид̇ваа, ган̣тз б̣анд̇ханд̇и ваддана’’нд̇и.
Piñchāni tattha lāyitvā, kaṇṭhe bandhanti vaṭṭana’’nti.
д̇ад̇т̇а бин̃чаанийд̇и бад̇д̇аани. д̇ад̇т̇а лааяид̇ваад̇и д̇асмим̣ б̣аараан̣асинаг̇арз лун̃жид̇ваа. ваддананд̇и гаталигам̣.
Tattha piñchānīti pattāni. Tattha lāyitvāti tasmiṃ bārāṇasinagare luñcitvā. Vaṭṭananti kaṭhalikaṃ.
д̇ам̣ суд̇ваа баараавад̇о осаанаг̇аат̇амааха –
Taṃ sutvā pārāvato osānagāthamāha –
140.
140.
‘‘бунабаабаж̇ж̇асий самма, сийлан̃хи д̇ава д̇аад̣̇исам̣;
‘‘Punapāpajjasī samma, sīlañhi tava tādisaṃ;
на хи маанусагаа бхог̇аа, субхун̃ж̇аа хонд̇и багкинаа’’д̇и.
Na hi mānusakā bhogā, subhuñjā honti pakkhinā’’ti.
д̇ад̇т̇а бунабаабаж̇ж̇асийд̇и бунаби зваруубам̣ аабаж̇ж̇иссаси. зваруубан̃хи д̇з сийланд̇и.
Tattha punapāpajjasīti punapi evarūpaṃ āpajjissasi. Evarūpañhi te sīlanti.
ид̇и нам̣ со овад̣̇ид̇ваа д̇ад̇т̇а авасид̇ваа багкз басаарзд̇ваа ан̃н̃ад̇т̇а аг̇амааси. гаагоби д̇ад̇т̇зва ж̇ийвид̇агкаяам̣ баабун̣и.
Iti naṃ so ovaditvā tattha avasitvā pakkhe pasāretvā aññattha agamāsi. Kākopi tattheva jīvitakkhayaṃ pāpuṇi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз лолабхигку анааг̇аамипалз бад̇идтахи. д̇ад̣̇аа гааго лолабхигку ахоси, габод̇о бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne lolabhikkhu anāgāmiphale patiṭṭhahi. Tadā kāko lolabhikkhu ahosi, kapoto pana ahameva ahosinti.
габод̇аж̇аад̇агаван̣н̣анаа бан̃жамаа.
Kapotajātakavaṇṇanā pañcamā.
ад̣дхаваг̇г̇о д̇ад̇ияо.
Aḍḍhavaggo tatiyo.
ж̇аад̇агуд̣̇д̣̇аанам̣ –
Jātakuddānaṃ –
ман̣игун̣д̣ала суж̇аад̇аа, взнасаакан̃жа ораг̇ам̣;
Maṇikuṇḍala sujātā, venasākhañca oragaṃ;
гхадам̣ горан̣д̣и ладуги, д̇хаммабаалам̣ миг̇ам̣ д̇ат̇аа.
Ghaṭaṃ koraṇḍi laṭuki, dhammapālaṃ migaṃ tathā.
суяонанд̣̇ий ван̣н̣аароха, сийлам̣ хирий каж̇ж̇обанам̣;
Suyonandī vaṇṇāroha, sīlaṃ hirī khajjopanaṃ;
ахи г̇умб̣ияа саал̣ияам̣, д̇ажасаарам̣ мид̇д̇авинд̣̇ам̣.
Ahi gumbiya sāḷiyaṃ, tacasāraṃ mittavindaṃ.
балаасан̃жзва д̣̇ийгхид̇и, миг̇абод̇ага муусигам̣;
Palāsañceva dīghiti, migapotaka mūsikaṃ;
д̇хануг̇г̇ахо габод̇ан̃жа, ж̇аад̇агаа бан̃жавийсад̇и.
Dhanuggaho kapotañca, jātakā pañcavīsati.
бан̃жаганибаад̇аван̣н̣анаа нидтид̇аа.
Pañcakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 375. габод̇аж̇аад̇агам̣ • 375. Kapotajātakaṃ
