| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. д̣̇уд̇ияаваг̇г̇о
2. Dutiyavaggo
1. габбасахассасуд̇д̇ам̣
1. Kappasahassasuttaṃ
909. згам̣ самаяам̣ ааяасмаа ануруд̣̇д̇хо саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко самб̣ахулаа бхигкуу язнааяасмаа ануруд̣̇д̇хо д̇знубасан̇гамим̣су; убасан̇гамид̇ваа ааяасмад̇аа ануруд̣̇д̇хзна сад̣̇д̇хим̣…бз… згаманд̇ам̣ нисиннаа ко д̇з бхигкуу ааяасманд̇ам̣ ануруд̣̇д̇хам̣ зд̇ад̣̇авожум̣ –
909. Ekaṃ samayaṃ āyasmā anuruddho sāvatthiyaṃ viharati jetavane anāthapiṇḍikassa ārāme. Atha kho sambahulā bhikkhū yenāyasmā anuruddho tenupasaṅkamiṃsu; upasaṅkamitvā āyasmatā anuruddhena saddhiṃ…pe… ekamantaṃ nisinnā kho te bhikkhū āyasmantaṃ anuruddhaṃ etadavocuṃ –
‘‘гад̇амзсам̣ ааяасмаа ануруд̣̇д̇хо д̇хаммаанам̣ бхаавид̇ад̇д̇аа б̣ахулийгад̇ад̇д̇аа махаабхин̃н̃ад̇ам̣ бад̇д̇о’’д̇и? ‘‘жад̇уннам̣ кваахам̣, аавусо, сад̇ибадтаанаанам̣ бхаавид̇ад̇д̇аа б̣ахулийгад̇ад̇д̇аа махаабхин̃н̃ад̇ам̣ бад̇д̇о. гад̇амзсам̣ жад̇уннам̣? ид̇хаахам̣, аавусо, гааяз гааяаанубассий вихараами…бз… взд̣̇анаасу…бз… жид̇д̇з…бз… д̇хаммзсу д̇хаммаанубассий вихараами аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣ – имзсам̣ кваахам̣, аавусо, жад̇уннам̣ сад̇ибадтаанаанам̣ бхаавид̇ад̇д̇аа б̣ахулийгад̇ад̇д̇аа махаабхин̃н̃ад̇ам̣ бад̇д̇о. имзсан̃жа банаахам̣, аавусо, жад̇уннам̣ сад̇ибадтаанаанам̣ бхаавид̇ад̇д̇аа б̣ахулийгад̇ад̇д̇аа габбасахассам̣ ануссараамий’’д̇и. батамам̣.
‘‘Katamesaṃ āyasmā anuruddho dhammānaṃ bhāvitattā bahulīkatattā mahābhiññataṃ patto’’ti? ‘‘Catunnaṃ khvāhaṃ, āvuso, satipaṭṭhānānaṃ bhāvitattā bahulīkatattā mahābhiññataṃ patto. Katamesaṃ catunnaṃ? Idhāhaṃ, āvuso, kāye kāyānupassī viharāmi…pe… vedanāsu…pe… citte…pe… dhammesu dhammānupassī viharāmi ātāpī sampajāno satimā, vineyya loke abhijjhādomanassaṃ – imesaṃ khvāhaṃ, āvuso, catunnaṃ satipaṭṭhānānaṃ bhāvitattā bahulīkatattā mahābhiññataṃ patto. Imesañca panāhaṃ, āvuso, catunnaṃ satipaṭṭhānānaṃ bhāvitattā bahulīkatattā kappasahassaṃ anussarāmī’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. д̣̇уд̇ияаваг̇г̇аван̣н̣анаа • 2. Dutiyavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. д̣̇уд̇ияаваг̇г̇аван̣н̣анаа • 2. Dutiyavaggavaṇṇanā
