| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
13. தேரஸமவக்³கோ³
13. Terasamavaggo
1. கப்பட்ட²கதா²வண்ணனா
1. Kappaṭṭhakathāvaṇṇanā
654-657. இதா³னி கப்பட்ட²கதா² நாம ஹோதி. தத்த² யேஸங் ‘‘ஸங்க⁴ங் ஸமக்³க³ங் பெ⁴த்வான, கப்பங் நிரயம்ஹி பச்சதீ’’தி ‘‘ஸகலம்பி கப்பங் ஸங்க⁴பே⁴த³கோ நிரயே திட்ட²தீ’’தி லத்³தி⁴, ஸெய்யதா²பி ராஜகி³ரிகானங்; தே ஸந்தா⁴ய கப்பட்டோ²தி புச்சா² ஸகவாதி³ஸ்ஸ, படிஞ்ஞா இதரஸ்ஸ. பு³த்³தோ⁴ ச லோகேதி இத³ங் வினா பு³த்³து⁴ப்பாதே³ன ஸங்க⁴பே⁴த³ஸ்ஸ அபா⁴வத³ஸ்ஸனத்த²ங் வுத்தங். கப்போ ச ஸண்டா²தி ஸங்கோ⁴ ச பி⁴ஜ்ஜதீதிஆதி³ ‘‘யதி³ ஸோ ஸகலங் கப்பங் திட்ட²தி, ஸண்ட²ஹனதோ பட்டா²ய தங் கம்மங் கத்வா தத்த² உப்பஜ்ஜித்வா திட்டெ²ய்யா’’தி த³ஸ்ஸேதுங் வுத்தங். அதீதந்திஆதி³ ஹெட்டா² வுத்தாதி⁴ப்பாயமேவ. கப்பட்டோ² இத்³தி⁴மாதி பஞ்ஹே பா⁴வனாமயங் ஸந்தா⁴ய படிக்கி²பதி, பரஸமயே பனஸ்ஸ ஜாதிமயங் இத்³தி⁴ங் இச்ச²ந்தி, தங் ஸந்தா⁴ய படிஜானாதி. ச²ந்தி³த்³தி⁴பாதோ³திஆதி³ ‘‘ஜாதிமயாய இத்³தி⁴யா இத்³தி⁴மாதி லத்³தி⁴மத்தமேதங், கிங் தேன, யதி³ பனஸ்ஸ இத்³தி⁴ அத்தி², இமினா நயேன இத்³தி⁴பாதா³ பா⁴விதா ப⁴வெய்யு’’ந்தி சோத³னத்த²ங் வுத்தங். ஆபாயிகோ நேரயிகோதி ஸுத்தங் யங் ஸோ ஏகங் கப்பங் அஸீதிபா⁴கே³ கத்வா ததோ ஏகபா⁴க³மத்தங் காலங் திட்டெ²ய்ய, தங் ஆயுகப்பங் ஸந்தா⁴ய வுத்தங், தஸ்மா அஸாத⁴கந்தி.
654-657. Idāni kappaṭṭhakathā nāma hoti. Tattha yesaṃ ‘‘saṅghaṃ samaggaṃ bhetvāna, kappaṃ nirayamhi paccatī’’ti ‘‘sakalampi kappaṃ saṅghabhedako niraye tiṭṭhatī’’ti laddhi, seyyathāpi rājagirikānaṃ; te sandhāya kappaṭṭhoti pucchā sakavādissa, paṭiññā itarassa. Buddho ca loketi idaṃ vinā buddhuppādena saṅghabhedassa abhāvadassanatthaṃ vuttaṃ. Kappo ca saṇṭhāti saṅgho ca bhijjatītiādi ‘‘yadi so sakalaṃ kappaṃ tiṭṭhati, saṇṭhahanato paṭṭhāya taṃ kammaṃ katvā tattha uppajjitvā tiṭṭheyyā’’ti dassetuṃ vuttaṃ. Atītantiādi heṭṭhā vuttādhippāyameva. Kappaṭṭho iddhimāti pañhe bhāvanāmayaṃ sandhāya paṭikkhipati, parasamaye panassa jātimayaṃ iddhiṃ icchanti, taṃ sandhāya paṭijānāti. Chandiddhipādotiādi ‘‘jātimayāya iddhiyā iddhimāti laddhimattametaṃ, kiṃ tena, yadi panassa iddhi atthi, iminā nayena iddhipādā bhāvitā bhaveyyu’’nti codanatthaṃ vuttaṃ. Āpāyiko nerayikoti suttaṃ yaṃ so ekaṃ kappaṃ asītibhāge katvā tato ekabhāgamattaṃ kālaṃ tiṭṭheyya, taṃ āyukappaṃ sandhāya vuttaṃ, tasmā asādhakanti.
கப்பட்ட²கதா²வண்ணனா.
Kappaṭṭhakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (126) 1. கப்பட்ட²கதா² • (126) 1. Kappaṭṭhakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 1. கப்பட்ட²கதா²வண்ணனா • 1. Kappaṭṭhakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 1. கப்பட்ட²கதா²வண்ணனா • 1. Kappaṭṭhakathāvaṇṇanā
