| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
13. д̇зрасамаваг̇г̇о
13. Terasamavaggo
1. габбадтагат̇ааван̣н̣анаа
1. Kappaṭṭhakathāvaṇṇanā
654-657. ид̣̇аани габбадтагат̇аа наама ход̇и. д̇ад̇т̇а язсам̣ ‘‘сан̇гхам̣ самаг̇г̇ам̣ бхзд̇ваана, габбам̣ нираяамхи бажжад̇ий’’д̇и ‘‘сагаламби габбам̣ сан̇гхабхзд̣̇аго нираяз д̇идтад̇ий’’д̇и лад̣̇д̇хи, сзяяат̇ааби рааж̇аг̇иригаанам̣; д̇з санд̇хааяа габбадтод̇и бужчаа сагаваад̣̇исса, бадин̃н̃аа ид̇арасса. б̣уд̣̇д̇хо жа логзд̇и ид̣̇ам̣ винаа б̣уд̣̇д̇хуббаад̣̇зна сан̇гхабхзд̣̇асса абхаавад̣̇ассанад̇т̇ам̣ вуд̇д̇ам̣. габбо жа сан̣таад̇и сан̇гхо жа бхиж̇ж̇ад̇ийд̇иаад̣̇и ‘‘яад̣̇и со сагалам̣ габбам̣ д̇идтад̇и, сан̣таханад̇о бадтааяа д̇ам̣ гаммам̣ гад̇ваа д̇ад̇т̇а уббаж̇ж̇ид̇ваа д̇идтзяяаа’’д̇и д̣̇ассзд̇ум̣ вуд̇д̇ам̣. ад̇ийд̇анд̇иаад̣̇и хздтаа вуд̇д̇аад̇хиббааяамзва. габбадто ид̣̇д̇химаад̇и бан̃хз бхааванаамаяам̣ санд̇хааяа бадигкибад̇и, барасамаяз банасса ж̇аад̇имаяам̣ ид̣̇д̇хим̣ ижчанд̇и, д̇ам̣ санд̇хааяа бадиж̇аанаад̇и. чанд̣̇ид̣̇д̇хибаад̣̇од̇иаад̣̇и ‘‘ж̇аад̇имаяааяа ид̣̇д̇хияаа ид̣̇д̇химаад̇и лад̣̇д̇химад̇д̇амзд̇ам̣, гим̣ д̇зна, яад̣̇и банасса ид̣̇д̇хи ад̇т̇и, иминаа наязна ид̣̇д̇хибаад̣̇аа бхаавид̇аа бхавзяяу’’нд̇и жод̣̇анад̇т̇ам̣ вуд̇д̇ам̣. аабааяиго нзраяигод̇и суд̇д̇ам̣ яам̣ со згам̣ габбам̣ асийд̇ибхааг̇з гад̇ваа д̇ад̇о згабхааг̇амад̇д̇ам̣ гаалам̣ д̇идтзяяа, д̇ам̣ ааяугаббам̣ санд̇хааяа вуд̇д̇ам̣, д̇асмаа асаад̇хаганд̇и.
654-657. Idāni kappaṭṭhakathā nāma hoti. Tattha yesaṃ ‘‘saṅghaṃ samaggaṃ bhetvāna, kappaṃ nirayamhi paccatī’’ti ‘‘sakalampi kappaṃ saṅghabhedako niraye tiṭṭhatī’’ti laddhi, seyyathāpi rājagirikānaṃ; te sandhāya kappaṭṭhoti pucchā sakavādissa, paṭiññā itarassa. Buddho ca loketi idaṃ vinā buddhuppādena saṅghabhedassa abhāvadassanatthaṃ vuttaṃ. Kappo ca saṇṭhāti saṅgho ca bhijjatītiādi ‘‘yadi so sakalaṃ kappaṃ tiṭṭhati, saṇṭhahanato paṭṭhāya taṃ kammaṃ katvā tattha uppajjitvā tiṭṭheyyā’’ti dassetuṃ vuttaṃ. Atītantiādi heṭṭhā vuttādhippāyameva. Kappaṭṭho iddhimāti pañhe bhāvanāmayaṃ sandhāya paṭikkhipati, parasamaye panassa jātimayaṃ iddhiṃ icchanti, taṃ sandhāya paṭijānāti. Chandiddhipādotiādi ‘‘jātimayāya iddhiyā iddhimāti laddhimattametaṃ, kiṃ tena, yadi panassa iddhi atthi, iminā nayena iddhipādā bhāvitā bhaveyyu’’nti codanatthaṃ vuttaṃ. Āpāyiko nerayikoti suttaṃ yaṃ so ekaṃ kappaṃ asītibhāge katvā tato ekabhāgamattaṃ kālaṃ tiṭṭheyya, taṃ āyukappaṃ sandhāya vuttaṃ, tasmā asādhakanti.
габбадтагат̇ааван̣н̣анаа.
Kappaṭṭhakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (126) 1. габбадтагат̇аа • (126) 1. Kappaṭṭhakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. габбадтагат̇ааван̣н̣анаа • 1. Kappaṭṭhakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. габбадтагат̇ааван̣н̣анаа • 1. Kappaṭṭhakathāvaṇṇanā
