| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
કપ્પિયભૂમિઅનુજાનનકથાવણ્ણના
Kappiyabhūmianujānanakathāvaṇṇanā
૨૯૫. અભિલાપમત્તન્તિ દેસનામત્તં. આમિસખાદનત્થાયાતિ તત્થ તત્થ છડ્ડિતસ્સ આમિસસ્સ ખાદનત્થાય. અનુપ્પગેયેવાતિ પાતોયેવ. ઓરવસદ્દન્તિ મહાસદ્દં. તં પન અવત્વાપીતિ અન્ધકટ્ઠકથાયંવુત્તનયેન અવત્વાપિ. પિ-સદ્દેન તથા વચનમ્પિ અનુજાનાતિ. અટ્ઠકથાસુ વુત્તનયેનાતિ સેસઅટ્ઠકથાસુ વુત્તનયેન. ‘‘કપ્પિયકુટિં કરોમા’તિ વા, ‘કપ્પિયકુટી’તિ વા વુત્તે સાધારણલક્ખણ’’ન્તિ સબ્બઅટ્ઠકથાસુ વુત્તઉસ્સાવનન્તિકાકુટિકરણલક્ખણં. ચયન્તિ અધિટ્ઠાનં. યતો પટ્ઠાયાતિ યતો ઇટ્ઠકતો સિલતો મત્તિકાપિણ્ડતો વા પટ્ઠાય. પઠમિટ્ઠકાદીનં હેટ્ઠા ન વટ્ટન્તીતિ ભિત્તિયા પઠમિટ્ઠકાદીનં હેટ્ઠા ભૂમિયં પતિટ્ઠાપિયમાના ઇટ્ઠકાદયો ભૂમિગતિકત્તા ‘‘કપ્પિયકુટિં કરોમા’’તિ વત્વા પતિટ્ઠાપેતું ન વટ્ટન્તિ. યદિ એવં ભૂમિયં નિખણિત્વા પતિટ્ઠાપિયમાના થમ્ભા કસ્મા તથા વત્વા પતિટ્ઠાપેતું વટ્ટન્તીતિ આહ ‘‘થમ્ભા પન…પે॰… વટ્ટન્તી’’તિ. સઙ્ઘસન્તકમેવાતિ વાસત્થાય કતં સઙ્ઘિકસેનાસનં સન્ધાય વદતિ. ભિક્ખુસન્તકન્તિ વાસત્થાય એવ કતં ભિક્ખુસ્સ પુગ્ગલિકસેનાસનં. મુખસન્નિધીતિ ઇમિના અન્તોવુત્થદુક્કટમેવ દીપિતં.
295.Abhilāpamattanti desanāmattaṃ. Āmisakhādanatthāyāti tattha tattha chaḍḍitassa āmisassa khādanatthāya. Anuppageyevāti pātoyeva. Oravasaddanti mahāsaddaṃ. Taṃ pana avatvāpīti andhakaṭṭhakathāyaṃvuttanayena avatvāpi. Pi-saddena tathā vacanampi anujānāti. Aṭṭhakathāsu vuttanayenāti sesaaṭṭhakathāsu vuttanayena. ‘‘Kappiyakuṭiṃ karomā’ti vā, ‘kappiyakuṭī’ti vā vutte sādhāraṇalakkhaṇa’’nti sabbaaṭṭhakathāsu vuttaussāvanantikākuṭikaraṇalakkhaṇaṃ. Cayanti adhiṭṭhānaṃ. Yato paṭṭhāyāti yato iṭṭhakato silato mattikāpiṇḍato vā paṭṭhāya. Paṭhamiṭṭhakādīnaṃ heṭṭhā na vaṭṭantīti bhittiyā paṭhamiṭṭhakādīnaṃ heṭṭhā bhūmiyaṃ patiṭṭhāpiyamānā iṭṭhakādayo bhūmigatikattā ‘‘kappiyakuṭiṃ karomā’’ti vatvā patiṭṭhāpetuṃ na vaṭṭanti. Yadi evaṃ bhūmiyaṃ nikhaṇitvā patiṭṭhāpiyamānā thambhā kasmā tathā vatvā patiṭṭhāpetuṃ vaṭṭantīti āha ‘‘thambhā pana…pe… vaṭṭantī’’ti. Saṅghasantakamevāti vāsatthāya kataṃ saṅghikasenāsanaṃ sandhāya vadati. Bhikkhusantakanti vāsatthāya eva kataṃ bhikkhussa puggalikasenāsanaṃ. Mukhasannidhīti iminā antovutthadukkaṭameva dīpitaṃ.
કપ્પિયભૂમિઅનુજાનનકથાવણ્ણના નિટ્ઠિતા.
Kappiyabhūmianujānanakathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૭૯. કપ્પિયભૂમિઅનુજાનના • 179. Kappiyabhūmianujānanā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / કપ્પિયભૂમિઅનુજાનનકથા • Kappiyabhūmianujānanakathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / કપ્પિયભૂમિઅનુજાનનકથાવણ્ણના • Kappiyabhūmianujānanakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / કપ્પિયભૂમિઅનુજાનનકથાવણ્ણના • Kappiyabhūmianujānanakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧૭૯. કપ્પિયભૂમિઅનુજાનનકથા • 179. Kappiyabhūmianujānanakathā
