| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. гассагасуд̇д̇ам̣
9. Kassakasuttaṃ
155. саавад̇т̇инид̣̇аанам̣. д̇зна ко бана самаязна бхаг̇аваа бхигкуунам̣ ниб̣б̣аанабадисам̣яуд̇д̇ааяа д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и . д̇з жа бхигкуу адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа охид̇асод̇аа д̇хаммам̣ сун̣анд̇и.
155. Sāvatthinidānaṃ. Tena kho pana samayena bhagavā bhikkhūnaṃ nibbānapaṭisaṃyuttāya dhammiyā kathāya sandasseti samādapeti samuttejeti sampahaṃseti . Te ca bhikkhū aṭṭhiṃ katvā manasi katvā sabbacetasā samannāharitvā ohitasotā dhammaṃ suṇanti.
ат̇а ко маарасса баабимад̇о зд̇ад̣̇ахоси – ‘‘аяам̣ ко саман̣о г̇од̇амо бхигкуунам̣ ниб̣б̣аанабадисам̣яуд̇д̇ааяа д̇хаммияаа гат̇ааяа…бз… яам̣нуунаахам̣ язна саман̣о г̇од̇амо д̇знубасан̇гамзяяам̣ вижагкугаммааяаа’’д̇и. ат̇а ко мааро баабимаа гассагаван̣н̣ам̣ абхинимминид̇ваа маханд̇ам̣ нан̇г̇алам̣ канд̇хз гарид̇ваа д̣̇ийгхабаажанаяадтим̣ г̇ахзд̇ваа хадахадагзсо саан̣асаадинивад̇т̇о гад̣̇д̣̇амамагкид̇зхи баад̣̇зхи язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘аби, саман̣а, б̣алийб̣ад̣̇д̣̇з ад̣̇д̣̇асаа’’д̇и? ‘‘гим̣ бана, баабима, д̇з б̣алийб̣ад̣̇д̣̇зхий’’д̇и? ‘‘мамзва, саман̣а, жагку, мама руубаа, мама жагкусампассавин̃н̃аан̣ааяад̇анам̣. гухим̣ мз, саман̣а, г̇анд̇ваа могкаси? мамзва, саман̣а, сод̇ам̣, мама сад̣̇д̣̇аа…бз… мамзва, саман̣а, гхаанам̣, мама г̇анд̇хаа; мамзва, саман̣а, ж̇ивхаа, мама расаа; мамзва, саман̣а, гааяо, мама подтаб̣б̣аа; мамзва, саман̣а, мано, мама д̇хаммаа, мама маносампассавин̃н̃аан̣ааяад̇анам̣. гухим̣ мз, саман̣а, г̇анд̇ваа могкасий’’д̇и?
Atha kho mārassa pāpimato etadahosi – ‘‘ayaṃ kho samaṇo gotamo bhikkhūnaṃ nibbānapaṭisaṃyuttāya dhammiyā kathāya…pe… yaṃnūnāhaṃ yena samaṇo gotamo tenupasaṅkameyyaṃ vicakkhukammāyā’’ti. Atha kho māro pāpimā kassakavaṇṇaṃ abhinimminitvā mahantaṃ naṅgalaṃ khandhe karitvā dīghapācanayaṭṭhiṃ gahetvā haṭahaṭakeso sāṇasāṭinivattho kaddamamakkhitehi pādehi yena bhagavā tenupasaṅkami; upasaṅkamitvā bhagavantaṃ etadavoca – ‘‘api, samaṇa, balībadde addasā’’ti? ‘‘Kiṃ pana, pāpima, te balībaddehī’’ti? ‘‘Mameva, samaṇa, cakkhu, mama rūpā, mama cakkhusamphassaviññāṇāyatanaṃ. Kuhiṃ me, samaṇa, gantvā mokkhasi? Mameva, samaṇa, sotaṃ, mama saddā…pe… mameva, samaṇa, ghānaṃ, mama gandhā; mameva, samaṇa, jivhā, mama rasā; mameva, samaṇa, kāyo, mama phoṭṭhabbā; mameva, samaṇa, mano, mama dhammā, mama manosamphassaviññāṇāyatanaṃ. Kuhiṃ me, samaṇa, gantvā mokkhasī’’ti?
‘‘д̇авзва , баабима, жагку, д̇ава руубаа, д̇ава жагкусампассавин̃н̃аан̣ааяад̇анам̣. яад̇т̇а жа ко, баабима, над̇т̇и жагку, над̇т̇и руубаа, над̇т̇и жагкусампассавин̃н̃аан̣ааяад̇анам̣, аг̇ад̇и д̇ава д̇ад̇т̇а, баабима. д̇авзва, баабима , сод̇ам̣, д̇ава сад̣̇д̣̇аа, д̇ава сод̇асампассавин̃н̃аан̣ааяад̇анам̣. яад̇т̇а жа ко, баабима, над̇т̇и сод̇ам̣, над̇т̇и сад̣̇д̣̇аа, над̇т̇и сод̇асампассавин̃н̃аан̣ааяад̇анам̣, аг̇ад̇и д̇ава д̇ад̇т̇а, баабима. д̇авзва , баабима, гхаанам̣, д̇ава г̇анд̇хаа, д̇ава гхаанасампассавин̃н̃аан̣ааяад̇анам̣. яад̇т̇а жа ко, баабима, над̇т̇и гхаанам̣, над̇т̇и г̇анд̇хаа, над̇т̇и гхаанасампассавин̃н̃аан̣ааяад̇анам̣, аг̇ад̇и д̇ава д̇ад̇т̇а, баабима. д̇авзва, баабима, ж̇ивхаа, д̇ава расаа, д̇ава ж̇ивхаасампассавин̃н̃аан̣ааяад̇анам̣…бз… д̇авзва, баабима, гааяо, д̇ава подтаб̣б̣аа, д̇ава гааяасампассавин̃н̃аан̣ааяад̇анам̣…бз… д̇авзва, баабима, мано, д̇ава д̇хаммаа, д̇ава маносампассавин̃н̃аан̣ааяад̇анам̣. яад̇т̇а жа ко, баабима, над̇т̇и мано, над̇т̇и д̇хаммаа, над̇т̇и маносампассавин̃н̃аан̣ааяад̇анам̣, аг̇ад̇и д̇ава д̇ад̇т̇а, баабимаа’’д̇и.
‘‘Taveva , pāpima, cakkhu, tava rūpā, tava cakkhusamphassaviññāṇāyatanaṃ. Yattha ca kho, pāpima, natthi cakkhu, natthi rūpā, natthi cakkhusamphassaviññāṇāyatanaṃ, agati tava tattha, pāpima. Taveva, pāpima , sotaṃ, tava saddā, tava sotasamphassaviññāṇāyatanaṃ. Yattha ca kho, pāpima, natthi sotaṃ, natthi saddā, natthi sotasamphassaviññāṇāyatanaṃ, agati tava tattha, pāpima. Taveva , pāpima, ghānaṃ, tava gandhā, tava ghānasamphassaviññāṇāyatanaṃ. Yattha ca kho, pāpima, natthi ghānaṃ, natthi gandhā, natthi ghānasamphassaviññāṇāyatanaṃ, agati tava tattha, pāpima. Taveva, pāpima, jivhā, tava rasā, tava jivhāsamphassaviññāṇāyatanaṃ…pe… taveva, pāpima, kāyo, tava phoṭṭhabbā, tava kāyasamphassaviññāṇāyatanaṃ…pe… taveva, pāpima, mano, tava dhammā, tava manosamphassaviññāṇāyatanaṃ. Yattha ca kho, pāpima, natthi mano, natthi dhammā, natthi manosamphassaviññāṇāyatanaṃ, agati tava tattha, pāpimā’’ti.
‘‘яам̣ вад̣̇анд̇и мама яид̣̇анд̇и, яз вад̣̇анд̇и маманд̇и жа;
‘‘Yaṃ vadanti mama yidanti, ye vadanti mamanti ca;
зд̇т̇а жз д̇з мано ад̇т̇и, на мз саман̣а могкасий’’д̇и.
Ettha ce te mano atthi, na me samaṇa mokkhasī’’ti.
‘‘яам̣ вад̣̇анд̇и на д̇ам̣ маяхам̣, яз вад̣̇анд̇и на д̇з ахам̣;
‘‘Yaṃ vadanti na taṃ mayhaṃ, ye vadanti na te ahaṃ;
звам̣ баабима ж̇аанаахи, на мз маг̇г̇амби д̣̇агкасий’’д̇и.
Evaṃ pāpima jānāhi, na me maggampi dakkhasī’’ti.
ат̇а ко мааро баабимаа…бз… д̇ад̇т̇званд̇арад̇хааяийд̇и.
Atha kho māro pāpimā…pe… tatthevantaradhāyīti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. гассагасуд̇д̇аван̣н̣анаа • 9. Kassakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. гассагасуд̇д̇аван̣н̣анаа • 9. Kassakasuttavaṇṇanā
