| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[312] 2. гассабаманд̣̇ияаж̇аад̇агаван̣н̣анаа
[312] 2. Kassapamandiyajātakavaṇṇanā
аби гассаба манд̣̇ияаад̇и ид̣̇ам̣ сад̇т̇аа ж̇зд̇аванз вихаранд̇о згам̣ махаллагабхигкум̣ аараб̣бха гат̇зси. саавад̇т̇ияам̣ гирзго гулабуд̇д̇о гаамзсу аад̣̇ийнавам̣ д̣̇исваа сад̇т̇у санд̇игз баб̣б̣аж̇ид̇ваа гаммадтаанз ануяуд̇д̇о на жирассзва арахад̇д̇ам̣ баабун̣и. д̇асса абарабхааг̇з маад̇аа гааламагааси. со маад̇у ажжаязна бид̇аран̃жа ганидтабхаад̇аран̃жа баб̣б̣ааж̇зд̇ваа ж̇зд̇аванз васид̇ваа вассуубанааяигасамаяз жийварабажжаяасса сулабхад̇ам̣ суд̇ваа згам̣ г̇аамагааваасам̣ г̇анд̇ваа д̇аяоби д̇ад̇т̇зва вассам̣ убаг̇анд̇ваа вуд̇т̇авассаа ж̇зд̇аванамзва ааг̇амам̣су. д̣̇ахарабхигку ж̇зд̇аванасса аасаннадтаанз ‘‘сааман̣зра д̇вам̣ т̇зрам̣ виссаамзд̇ваа аанзяяааси, ахам̣ бурзд̇арам̣ г̇анд̇ваа баривзн̣ам̣ бадиж̇аг̇г̇иссаамий’’д̇и ж̇зд̇аванам̣ баависи. махаллагад̇т̇зро сан̣игам̣ ааг̇ажчад̇и. сааман̣зро бунаббунам̣ сийсзна уббийл̣знд̇о вияа ‘‘г̇ажча, бханд̇з, г̇ажча, бханд̇з’’д̇и д̇ам̣ б̣алаггаарзна нзд̇и. т̇зро ‘‘д̇вам̣ мам̣ ад̇д̇ано васам̣ аанзсий’’д̇и буна нивад̇д̇ид̇ваа годид̇о бадтааяа ааг̇ажчад̇и. д̇зсам̣ звам̣ ан̃н̃аман̃н̃ам̣ галахам̣ гаронд̇аанан̃н̃зва суурияо ад̇т̇ан̇г̇ад̇о, анд̇хагааро ж̇аад̇о.
Apikassapa mandiyāti idaṃ satthā jetavane viharanto ekaṃ mahallakabhikkhuṃ ārabbha kathesi. Sāvatthiyaṃ kireko kulaputto kāmesu ādīnavaṃ disvā satthu santike pabbajitvā kammaṭṭhāne anuyutto na cirasseva arahattaṃ pāpuṇi. Tassa aparabhāge mātā kālamakāsi. So mātu accayena pitarañca kaniṭṭhabhātarañca pabbājetvā jetavane vasitvā vassūpanāyikasamaye cīvarapaccayassa sulabhataṃ sutvā ekaṃ gāmakāvāsaṃ gantvā tayopi tattheva vassaṃ upagantvā vutthavassā jetavanameva āgamaṃsu. Daharabhikkhu jetavanassa āsannaṭṭhāne ‘‘sāmaṇera tvaṃ theraṃ vissāmetvā āneyyāsi, ahaṃ puretaraṃ gantvā pariveṇaṃ paṭijaggissāmī’’ti jetavanaṃ pāvisi. Mahallakatthero saṇikaṃ āgacchati. Sāmaṇero punappunaṃ sīsena uppīḷento viya ‘‘gaccha, bhante, gaccha, bhante’’ti taṃ balakkārena neti. Thero ‘‘tvaṃ maṃ attano vasaṃ ānesī’’ti puna nivattitvā koṭito paṭṭhāya āgacchati. Tesaṃ evaṃ aññamaññaṃ kalahaṃ karontānaññeva sūriyo atthaṅgato, andhakāro jāto.
ид̇ароби баривзн̣ам̣ саммаж̇ж̇ид̇ваа уд̣̇агам̣ убадтабзд̇ваа д̇зсам̣ ааг̇аманам̣ абассанд̇о уггам̣ г̇ахзд̇ваа бажжуг̇г̇аманам̣ гад̇ваа д̇з ааг̇ажчанд̇з д̣̇исваа ‘‘гим̣ жирааяид̇т̇аа’’д̇и бужчи. махаллаго д̇ам̣ гааран̣ам̣ гат̇зси. со д̇з д̣̇взби виссаамзд̇ваа сан̣игам̣ аанзси. д̇ам̣ д̣̇ивасам̣ б̣уд̣̇д̇хубадтаанасса огаасам̣ на лабхи. ат̇а нам̣ д̣̇уд̇ияад̣̇ивасз б̣уд̣̇д̇хубадтаанам̣ ааг̇анд̇ваа ванд̣̇ид̇ваа нисиннам̣ сад̇т̇аа ‘‘гад̣̇аа ааг̇ад̇осий’’д̇и бужчи. ‘‘хияяо, бханд̇з’’д̇и. ‘‘хияяо ааг̇анд̇ваа аж̇ж̇а б̣уд̣̇д̇хубадтаанам̣ гаросий’’д̇и? со ‘‘аама, бханд̇з’’д̇и вад̇ваа д̇ам̣ гааран̣ам̣ аажигки. сад̇т̇аа махаллагам̣ г̇арахид̇ваа ‘‘на зса ид̣̇аанзва зваруубам̣ гаммам̣ гарод̇и, буб̣б̣зби агааси. ид̣̇аани бана д̇зна д̇вам̣ гиламид̇о, буб̣б̣зби бан̣д̣ид̇з гиламзсий’’д̇и вад̇ваа д̇зна яаажид̇о ад̇ийд̇ам̣ аахари.
Itaropi pariveṇaṃ sammajjitvā udakaṃ upaṭṭhapetvā tesaṃ āgamanaṃ apassanto ukkaṃ gahetvā paccuggamanaṃ katvā te āgacchante disvā ‘‘kiṃ cirāyitthā’’ti pucchi. Mahallako taṃ kāraṇaṃ kathesi. So te dvepi vissāmetvā saṇikaṃ ānesi. Taṃ divasaṃ buddhupaṭṭhānassa okāsaṃ na labhi. Atha naṃ dutiyadivase buddhupaṭṭhānaṃ āgantvā vanditvā nisinnaṃ satthā ‘‘kadā āgatosī’’ti pucchi. ‘‘Hiyyo, bhante’’ti. ‘‘Hiyyo āgantvā ajja buddhupaṭṭhānaṃ karosī’’ti? So ‘‘āma, bhante’’ti vatvā taṃ kāraṇaṃ ācikkhi. Satthā mahallakaṃ garahitvā ‘‘na esa idāneva evarūpaṃ kammaṃ karoti, pubbepi akāsi. Idāni pana tena tvaṃ kilamito, pubbepi paṇḍite kilamesī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасиниг̇амз б̣раахман̣агулз ниб̣б̣ад̇д̇и. д̇асса ваяаббад̇д̇агаалз маад̇аа гааламагааси. со маад̇у сарийрагижжам̣ гад̇ваа маасад̣̇д̇хамаасажжаязна гхарз виж̇ж̇амаанам̣ д̇ханам̣ д̣̇аанам̣ д̣̇ад̇ваа бид̇аран̃жа ганидтабхаад̇аран̃жа г̇ахзд̇ваа химаванд̇абад̣̇зсз д̣̇звад̣̇ад̇д̇ияам̣ ваггалам̣ г̇ахзд̇ваа исибаб̣б̣аж̇ж̇ам̣ баб̣б̣аж̇ид̇ваа ун̃чаажарияааяа ванамуулапалаапалзхи яаабзнд̇о раман̣ийяз ванасан̣д̣з васи. химаванд̇з бана вассагаалз ажчиннад̇хаарз д̣̇звз вассанд̇з на саггаа ход̇и ганд̣̇амуулам̣ кан̣ид̇ум̣, палаани жа бан̣н̣аани жа бад̇анд̇и. д̇аабасаа язбхуяязна химаванд̇ад̇о нигкамид̇ваа мануссабат̇з васанд̇и. д̇ад̣̇аа б̣од̇хисад̇д̇о бид̇аран̃жа ганидтабхаад̇аран̃жа г̇ахзд̇ваа мануссабат̇з васид̇ваа буна химаванд̇з бубпид̇апалид̇з д̇з убхоби г̇ахзд̇ваа химаванд̇з ад̇д̇ано ассамабад̣̇ам̣ ааг̇ажчанд̇о ассамассаавид̣̇уурз суурияз ад̇т̇ан̇г̇ад̇з ‘‘д̇умхз сан̣игам̣ ааг̇ажчзяяаат̇а, ахам̣ бурад̇о г̇анд̇ваа ассамам̣ бадиж̇аг̇г̇иссаамий’’д̇и вад̇ваа д̇з охааяа г̇ад̇о. куд̣̇д̣̇агад̇аабасо бид̇араа сад̣̇д̇хим̣ сан̣игам̣ г̇ажчанд̇о д̇ам̣ гадиббад̣̇зсз сийсзна уббийл̣знд̇о вияа г̇ажча г̇ажчаад̇и д̇ам̣ б̣алаггаарзна нзд̇и. махаллаго ‘‘д̇вам̣ мам̣ ад̇д̇ано ружияаа аанзсий’’д̇и бадинивад̇д̇ид̇ваа годид̇о бадтааяа ааг̇ажчад̇и. звам̣ д̇зсам̣ галахам̣ гаронд̇аанан̃н̃зва анд̇хагааро ахоси.
Atīte bārāṇasiyaṃ brahmadatte rajjaṃ kārente bodhisatto kāsinigame brāhmaṇakule nibbatti. Tassa vayappattakāle mātā kālamakāsi. So mātu sarīrakiccaṃ katvā māsaddhamāsaccayena ghare vijjamānaṃ dhanaṃ dānaṃ datvā pitarañca kaniṭṭhabhātarañca gahetvā himavantapadese devadattiyaṃ vakkalaṃ gahetvā isipabbajjaṃ pabbajitvā uñchācariyāya vanamūlaphalāphalehi yāpento ramaṇīye vanasaṇḍe vasi. Himavante pana vassakāle acchinnadhāre deve vassante na sakkā hoti kandamūlaṃ khaṇituṃ, phalāni ca paṇṇāni ca patanti. Tāpasā yebhuyyena himavantato nikkhamitvā manussapathe vasanti. Tadā bodhisatto pitarañca kaniṭṭhabhātarañca gahetvā manussapathe vasitvā puna himavante pupphitaphalite te ubhopi gahetvā himavante attano assamapadaṃ āgacchanto assamassāvidūre sūriye atthaṅgate ‘‘tumhe saṇikaṃ āgaccheyyātha, ahaṃ purato gantvā assamaṃ paṭijaggissāmī’’ti vatvā te ohāya gato. Khuddakatāpaso pitarā saddhiṃ saṇikaṃ gacchanto taṃ kaṭippadese sīsena uppīḷento viya gaccha gacchāti taṃ balakkārena neti. Mahallako ‘‘tvaṃ maṃ attano ruciyā ānesī’’ti paṭinivattitvā koṭito paṭṭhāya āgacchati. Evaṃ tesaṃ kalahaṃ karontānaññeva andhakāro ahosi.
б̣од̇хисад̇д̇оби бан̣н̣асаалам̣ саммаж̇ж̇ид̇ваа уд̣̇агам̣ убадтабзд̇ваа уггамаад̣̇ааяа бадибат̇ам̣ ааг̇ажчанд̇о д̇з д̣̇исваа ‘‘зд̇д̇агам̣ гаалам̣ гим̣ гарид̇т̇аа’’д̇и ааха. куд̣̇д̣̇агад̇аабасо бид̇араа гад̇агааран̣ам̣ гат̇зси. б̣од̇хисад̇д̇о убхоби д̇з сан̣игам̣ нзд̇ваа баригкаарам̣ бадисаамзд̇ваа бид̇арам̣ нхаабзд̇ваа баад̣̇ад̇хованабидтисамб̣ааханаад̣̇ийни гад̇ваа ан̇г̇аарагабаллам̣ убадтабзд̇ваа бадиббассад̣̇д̇хагиламат̇ам̣ бид̇арам̣ убанисийд̣̇ид̇ваа ‘‘д̇аад̇а, д̇арун̣ад̣̇аарагаа наама мад̇д̇игаабхааж̇анасад̣̇исаа мухуд̇д̇анзва бхиж̇ж̇анд̇и , сагим̣ бхиннагаалад̇о бадтааяа буна на саггаа хонд̇и гхадзд̇ум̣, д̇з аггосанд̇ааби барибхаасанд̇ааби махаллагзхи ад̇хиваасзд̇аб̣б̣аа’’д̇и вад̇ваа бид̇арам̣ овад̣̇анд̇о имаа г̇аат̇аа абхааси –
Bodhisattopi paṇṇasālaṃ sammajjitvā udakaṃ upaṭṭhapetvā ukkamādāya paṭipathaṃ āgacchanto te disvā ‘‘ettakaṃ kālaṃ kiṃ karitthā’’ti āha. Khuddakatāpaso pitarā katakāraṇaṃ kathesi. Bodhisatto ubhopi te saṇikaṃ netvā parikkhāraṃ paṭisāmetvā pitaraṃ nhāpetvā pādadhovanapiṭṭhisambāhanādīni katvā aṅgārakapallaṃ upaṭṭhapetvā paṭippassaddhakilamathaṃ pitaraṃ upanisīditvā ‘‘tāta, taruṇadārakā nāma mattikābhājanasadisā muhuttaneva bhijjanti , sakiṃ bhinnakālato paṭṭhāya puna na sakkā honti ghaṭetuṃ, te akkosantāpi paribhāsantāpi mahallakehi adhivāsetabbā’’ti vatvā pitaraṃ ovadanto imā gāthā abhāsi –
45.
45.
‘‘аби гассаба манд̣̇ияаа, яуваа сабад̇и ханд̇и ваа;
‘‘Api kassapa mandiyā, yuvā sapati hanti vā;
саб̣б̣ам̣ д̇ам̣ камад̇з д̇хийро, бан̣д̣ид̇о д̇ам̣ д̇ид̇игкад̇и.
Sabbaṃ taṃ khamate dhīro, paṇḍito taṃ titikkhati.
46.
46.
‘‘сажзби санд̇о вивад̣̇анд̇и, киббам̣ санд̇ийяарз буна;
‘‘Sacepi santo vivadanti, khippaṃ santīyare puna;
б̣аалаа бад̇д̇аава бхиж̇ж̇анд̇и, на д̇з самат̇амаж̇жхаг̇уу.
Bālā pattāva bhijjanti, na te samathamajjhagū.
47.
47.
‘‘зд̇з бхияяо самааяанд̇и, санд̇хи д̇зсам̣ на ж̇ийрад̇и;
‘‘Ete bhiyyo samāyanti, sandhi tesaṃ na jīrati;
яо жаад̇хибаннам̣ ж̇аанаад̇и, яо жа ж̇аанаад̇и д̣̇зсанам̣.
Yo cādhipannaṃ jānāti, yo ca jānāti desanaṃ.
48.
48.
‘‘зсо хи уд̇д̇арид̇аро, бхааравахо д̇хурад̣̇д̇харо;
‘‘Eso hi uttaritaro, bhāravaho dhuraddharo;
яо барзсаад̇хибаннаанам̣, саяам̣ санд̇хаад̇умарахад̇ий’’д̇и.
Yo paresādhipannānaṃ, sayaṃ sandhātumarahatī’’ti.
д̇ад̇т̇а гассабаад̇и бид̇арам̣ наамзнаалабад̇и. манд̣̇ияаад̇и манд̣̇ийбхаавзна д̇арун̣ад̇ааяа. яуваа сабад̇и ханд̇и ваад̇и д̇арун̣ад̣̇аараго аггосад̇иби бахарад̇иби. д̇хийрод̇и д̇хиггад̇абаабо, д̇хий ваа вужжад̇и бан̃н̃аа, д̇ааяа саманнааг̇ад̇од̇иби ад̇т̇о. ид̇арам̣ бана имассзва взважанам̣. убхаязнааби саб̣б̣ам̣ д̇ам̣ б̣аалад̣̇аарагзхи гад̇ам̣ абараад̇хам̣ махаллаго д̇хийро бан̣д̣ид̇о сахад̇и д̇ид̇игкад̇ийд̇и д̣̇ассзд̇и.
Tattha kassapāti pitaraṃ nāmenālapati. Mandiyāti mandībhāvena taruṇatāya. Yuvā sapati hanti vāti taruṇadārako akkosatipi paharatipi. Dhīroti dhikkatapāpo, dhī vā vuccati paññā, tāya samannāgatotipi attho. Itaraṃ pana imasseva vevacanaṃ. Ubhayenāpi sabbaṃ taṃ bāladārakehi kataṃ aparādhaṃ mahallako dhīro paṇḍito sahati titikkhatīti dasseti.
санд̇хийяарзд̇и буна мид̇д̇абхаавзна санд̇хийяанд̇и гхадийяанд̇и. б̣аалаа бад̇д̇ааваад̇и б̣аалагаа бана мад̇д̇игаабад̇д̇аава бхиж̇ж̇анд̇и. на д̇з самат̇амаж̇жхаг̇ууд̇и д̇з б̣аалагаа аббамад̇д̇агамби виваад̣̇ам̣ гад̇ваа взруубасаманам̣ на винд̣̇анд̇и наад̇хиг̇ажчанд̇и. зд̇з бхияяод̇и зд̇з д̣̇вз ж̇анаа бхиннааби буна самааг̇ажчанд̇и. санд̇хийд̇и мид̇д̇асанд̇хи. д̇зсанд̇и д̇зсан̃н̃зва д̣̇виннам̣ санд̇хи на ж̇ийрад̇и. яо жаад̇хибаннанд̇и яо жа ад̇д̇анаа ад̇хибаннам̣ ад̇игганд̇ам̣ ан̃н̃асмим̣ гад̇ад̣̇осам̣ ж̇аанаад̇и. д̣̇зсананд̇и яо жа д̇зна ад̇д̇ано д̣̇осам̣ ж̇аананд̇зна д̣̇зсид̇ам̣ ажжаяад̣̇зсанам̣ бадиг̇г̇ан̣хид̇ум̣ ж̇аанаад̇и.
Sandhīyareti puna mittabhāvena sandhīyanti ghaṭīyanti. Bālā pattāvāti bālakā pana mattikāpattāva bhijjanti. Na te samathamajjhagūti te bālakā appamattakampi vivādaṃ katvā verūpasamanaṃ na vindanti nādhigacchanti. Ete bhiyyoti ete dve janā bhinnāpi puna samāgacchanti. Sandhīti mittasandhi. Tesanti tesaññeva dvinnaṃ sandhi na jīrati. Yo cādhipannanti yo ca attanā adhipannaṃ atikkantaṃ aññasmiṃ katadosaṃ jānāti. Desananti yo ca tena attano dosaṃ jānantena desitaṃ accayadesanaṃ paṭiggaṇhituṃ jānāti.
яо барзсаад̇хибаннаананд̇и яо барзсам̣ ад̇хибаннаанам̣ д̣̇осзна абхибхууд̇аанам̣ абараад̇хагаарагаанам̣. саяам̣ санд̇хаад̇умарахад̇ийд̇и д̇зсу акамаабзнд̇зсуби ‘‘зхи, бхад̣̇рамука, уд̣̇д̣̇зсам̣ г̇ан̣ха, адтагат̇ам̣ сун̣а, бхааванамануяун̃ж̇а, гасмаа бариб̣аахиро хосий’’д̇и звам̣ саяам̣ санд̇хаад̇ум̣ арахад̇и мид̇д̇абхаавам̣ гхадзд̇и, зсо зваруубо мзд̇д̇аавихаарий уд̇д̇арид̇аро мид̇д̇абхаарасса мид̇д̇ад̇хурасса жа ваханад̇о ‘‘бхааравахо’’д̇и ‘‘д̇хурад̣̇д̇харо’’д̇и жа сан̇кам̣ г̇ажчад̇ийд̇и.
Yo paresādhipannānanti yo paresaṃ adhipannānaṃ dosena abhibhūtānaṃ aparādhakārakānaṃ. Sayaṃ sandhātumarahatīti tesu akhamāpentesupi ‘‘ehi, bhadramukha, uddesaṃ gaṇha, aṭṭhakathaṃ suṇa, bhāvanamanuyuñja, kasmā paribāhiro hosī’’ti evaṃ sayaṃ sandhātuṃ arahati mittabhāvaṃ ghaṭeti, eso evarūpo mettāvihārī uttaritaro mittabhārassa mittadhurassa ca vahanato ‘‘bhāravaho’’ti ‘‘dhuraddharo’’ti ca saṅkhaṃ gacchatīti.
звам̣ б̣од̇хисад̇д̇о бид̇у оваад̣̇ам̣ ад̣̇ааси, соби д̇ад̇о бабхуд̇и д̣̇анд̇о ахоси суд̣̇анд̇о.
Evaṃ bodhisatto pitu ovādaṃ adāsi, sopi tato pabhuti danto ahosi sudanto.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа бид̇аа д̇аабасо махаллаго ахоси, куд̣̇д̣̇агад̇аабасо сааман̣зро, бид̇у оваад̣̇ад̣̇ааяаго бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā pitā tāpaso mahallako ahosi, khuddakatāpaso sāmaṇero, pitu ovādadāyako pana ahameva ahosi’’nti.
гассабаманд̣̇ияаж̇аад̇агаван̣н̣анаа д̣̇уд̇ияаа.
Kassapamandiyajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 312. гассабаманд̣̇ияаж̇аад̇агам̣ • 312. Kassapamandiyajātakaṃ
