баажид̇яаад̣̇ияож̇анаа

Pācityādiyojanā

бариваараваг̇г̇аяож̇анаа

Parivāravaggayojanā

жуул̣аваг̇г̇аканд̇хагассзвам̣ , гад̇ваана яож̇анаанаяам̣;

Cūḷavaggakhandhakassevaṃ , katvāna yojanānayaṃ;

ад̇хунаа бариваарасса, гариссам̣ яож̇анаанаяам̣.

Adhunā parivārassa, karissaṃ yojanānayaṃ.

сол̣асамахаавааро

Soḷasamahāvāro

бан̃н̃ад̇д̇иваараяож̇анаа

Paññattivārayojanā

звам̣ д̣̇ваавийсад̇иканд̇хагаанам̣ сам̣ван̣н̣анам̣ гад̇ваа ид̣̇аани ‘‘баривааро’’д̇и сан̇г̇ахамааруул̣хасса винаяасса сам̣ван̣н̣анам̣ гаронд̇о аяамаажарияо батамам̣ д̇аава анусанд̇хид̣̇ассанамукзна бадин̃н̃ам̣ гаад̇угаамо ааха ‘‘висуд̣̇д̇хабариваарассаа’’д̇иаад̣̇и. д̇ад̇т̇а висуд̣̇д̇хабариваарассаад̇и висуд̣̇д̇хааяа жад̇убарисааяа бариваарид̇асса, ат̇аваа висуд̣̇д̇хзна жад̇убарисасан̇каад̇зна бариваарзна саманнааг̇ад̇асса бхаг̇авад̇од̇и самб̣анд̇хо. бариваарз хи висуд̣̇д̇хз д̇зна бариваарид̇о, д̇ам̣бариваарид̇о ваа бхаг̇авааби висуд̣̇д̇хоязва наама ход̇и. иминаа сам̣ван̣н̣ияамаанасса ‘‘баривааро’’д̇и сан̇г̇ахамааруул̣хасса д̣̇зсзд̇аб̣б̣ад̇хаммасса ануруубзна д̣̇зсагабхууд̇асса бхаг̇авад̇о т̇оманам̣ гад̇ам̣ ход̇и. д̇хаммагканд̇хасарийрассаад̇и сийлаад̣̇ид̇хаммагканд̇хасан̇каад̇зна сарийрзна саманнааг̇ад̇асса, иминаа сам̣ван̣н̣ид̇аанам̣ канд̇хагаанамануруубзна бхаг̇авад̇о т̇оманам̣ гад̇ам̣ ход̇и. багад̇и хзсаажарияаанам̣ яад̣̇ид̣̇ам̣ д̣̇зсзд̇аб̣б̣ад̇хаммаануруубзна д̣̇зсагасса т̇оманаа (саарад̇т̇а. дий. 1.г̇ант̇аарамбхагат̇аа; висуд̣̇д̇хи. махаадий. 1.1). ананд̇араад̇и ананд̇арз гаалз.

Evaṃ dvāvīsatikhandhakānaṃ saṃvaṇṇanaṃ katvā idāni ‘‘parivāro’’ti saṅgahamārūḷhassa vinayassa saṃvaṇṇanaṃ karonto ayamācariyo paṭhamaṃ tāva anusandhidassanamukhena paṭiññaṃ kātukāmo āha ‘‘visuddhaparivārassā’’tiādi. Tattha visuddhaparivārassāti visuddhāya catuparisāya parivāritassa, athavā visuddhena catuparisasaṅkhātena parivārena samannāgatassa bhagavatoti sambandho. Parivāre hi visuddhe tena parivārito, taṃparivārito vā bhagavāpi visuddhoyeva nāma hoti. Iminā saṃvaṇṇiyamānassa ‘‘parivāro’’ti saṅgahamārūḷhassa desetabbadhammassa anurūpena desakabhūtassa bhagavato thomanaṃ kataṃ hoti. Dhammakkhandhasarīrassāti sīlādidhammakkhandhasaṅkhātena sarīrena samannāgatassa, iminā saṃvaṇṇitānaṃ khandhakānamanurūpena bhagavato thomanaṃ kataṃ hoti. Pakati hesācariyānaṃ yadidaṃ desetabbadhammānurūpena desakassa thomanā (sārattha. ṭī. 1.ganthārambhakathā; visuddhi. mahāṭī. 1.1). Anantarāti anantare kāle.

яод̇и винаяо. буб̣б̣ааг̇ад̇анд̇и буб̣б̣з вуд̇д̇зсу вибхан̇г̇аканд̇хагзсу ааг̇ад̇ам̣. наяанд̇и сад̣̇д̣̇аад̇т̇авинижчаяанаяасан̇каад̇ам̣ саб̣б̣ам̣ наяам̣. хид̇ваад̇и жаж̇ид̇ваа. ануд̇д̇аанад̇т̇аван̣н̣ананд̇и ануд̇д̇аанаанам̣ бад̣̇аанамад̇т̇аван̣н̣анам̣. аяам̣ банзд̇т̇а яож̇анаа – висуд̣̇д̇хабариваарасса д̇хаммагканд̇хасарийрасса бхаг̇авад̇о саасанз канд̇хагаанамананд̇араа ‘‘баривааро’’д̇и яо винаяо сан̇г̇ахам̣ самааруул̣хо, д̇асса винаяасса буб̣б̣ааг̇ад̇ам̣ наяам̣ хид̇ваа ид̣̇аани ануд̇д̇аанад̇т̇аван̣н̣анам̣ гариссаамийд̇и.

Yoti vinayo. Pubbāgatanti pubbe vuttesu vibhaṅgakhandhakesu āgataṃ. Nayanti saddaatthavinicchayanayasaṅkhātaṃ sabbaṃ nayaṃ. Hitvāti cajitvā. Anuttānatthavaṇṇananti anuttānānaṃ padānamatthavaṇṇanaṃ. Ayaṃ panettha yojanā – visuddhaparivārassa dhammakkhandhasarīrassa bhagavato sāsane khandhakānamanantarā ‘‘parivāro’’ti yo vinayo saṅgahaṃ samārūḷho, tassa vinayassa pubbāgataṃ nayaṃ hitvā idāni anuttānatthavaṇṇanaṃ karissāmīti.

1. д̇ад̇т̇а д̇ад̇т̇аад̇и ‘‘д̇асса ануд̇д̇аанад̇т̇аван̣н̣анам̣ гариссаамий’’д̇и яо бариваарасан̇каад̇о винаяо сам̣ван̣н̣зд̇аб̣б̣абхаавзна вуд̇д̇о, д̇ад̇т̇а. сан̇кзбад̇т̇од̇и самаасад̇т̇о. яам̣ д̇знаад̇и зд̇т̇а д̇асад̣̇д̣̇асса анияаманид̣̇д̣̇зсабхаавам̣ д̣̇ассзнд̇о ааха ‘‘яо со’’д̇и. д̇ад̇т̇а яод̇и анияама нид̣̇д̣̇зсо, д̇асса ‘‘д̇знаа’’д̇и нияаманам̣ д̣̇адтаб̣б̣ам̣. сод̇и бад̣̇аалан̇гааро. д̣̇вийсу хи саб̣б̣анаамзсу язбхуяязна буб̣б̣амзва бад̇хаанам̣, бажчимам̣ бана важанаалан̇гаарам̣. яо со бхаг̇аваа бан̃н̃абзсийд̇и самб̣анд̇хо. жирадтид̇игад̇т̇анд̇и жирам̣ бан̃жавассасахассагаалам̣ тид̇игад̇т̇ааяа, ‘‘яаажид̇о’’д̇и жа ‘‘бан̃н̃абзсий’’д̇и жа самб̣анд̇хо. д̇хаммасзнаабад̇инаа яаажид̇од̇и самб̣анд̇хо. яаажид̇о худ̇ваа бан̃н̃абзсийд̇и яож̇анаа. д̇зна бхаг̇авад̇аа бан̃н̃ад̇д̇анд̇и самб̣анд̇хо. ‘‘ж̇аанад̇аа бассад̇аа’’д̇и д̣̇виннам̣ бад̣̇аанам̣ гаммамзва д̣̇ассзнд̇о ааха ‘‘д̇асса д̇ассаа’’д̇иаад̣̇и. д̇ад̇т̇а ‘‘бан̃н̃ад̇д̇игаала’’нд̇и иминаа ‘‘ж̇аанад̇аа’’д̇и бад̣̇асса гаммам̣ д̣̇ассзд̇и, ‘‘д̣̇аса ад̇т̇авасз’’д̇и иминаа ‘‘бассад̇аа’’д̇и бад̣̇асса гаммам̣.

1. Tattha tatthāti ‘‘tassa anuttānatthavaṇṇanaṃ karissāmī’’ti yo parivārasaṅkhāto vinayo saṃvaṇṇetabbabhāvena vutto, tattha. Saṅkhepatthoti samāsattho. Yaṃ tenāti ettha tasaddassa aniyamaniddesabhāvaṃ dassento āha ‘‘yo so’’ti. Tattha yoti aniyama niddeso, tassa ‘‘tenā’’ti niyamanaṃ daṭṭhabbaṃ. Soti padālaṅkāro. Dvīsu hi sabbanāmesu yebhuyyena pubbameva padhānaṃ, pacchimaṃ pana vacanālaṅkāraṃ. Yo so bhagavā paññapesīti sambandho. Ciraṭṭhitikatthanti ciraṃ pañcavassasahassakālaṃ ṭhitikatthāya, ‘‘yācito’’ti ca ‘‘paññapesī’’ti ca sambandho. Dhammasenāpatinā yācitoti sambandho. Yācito hutvā paññapesīti yojanā. Tena bhagavatā paññattanti sambandho. ‘‘Jānatā passatā’’ti dvinnaṃ padānaṃ kammameva dassento āha ‘‘tassa tassā’’tiādi. Tattha ‘‘paññattikāla’’nti iminā ‘‘jānatā’’ti padassa kammaṃ dasseti, ‘‘dasa atthavase’’ti iminā ‘‘passatā’’ti padassa kammaṃ.

звам̣ гаммад̣̇ассанзна яож̇анаанаяам̣ д̣̇ассзд̇ваа ид̣̇аани гаран̣ад̣̇ассанзна абарамби яож̇анаанаяам̣ д̣̇ассзнд̇о ааха ‘‘абижаа’’д̇иаад̣̇и. ‘‘буб̣б̣зниваасаад̣̇ийхий’’д̇иаад̣̇исад̣̇д̣̇зна д̣̇иб̣б̣ажагкусса висум̣ г̇ахзд̇аб̣б̣ад̇д̇аа ид̣̇д̇хивид̇хад̣̇иб̣б̣асод̇абаражид̇д̇авиж̇аананаани г̇ахзд̇аб̣б̣аани. имзхи бад̣̇зхи ‘‘ж̇аанад̇аа, бассад̇аа’’д̇и д̣̇виннам̣ бад̣̇аанам̣ бан̃жаннам̣ логияаабхин̃н̃аанамзва гаран̣абхаавам̣ д̣̇ассзд̇и. д̇ийхи виж̇ж̇аахийд̇и буб̣б̣зниваасад̣̇иб̣б̣ажагкуаасавагкаяан̃аан̣асан̇каад̇аахи д̇ийхи виж̇ж̇аахи. чахи ваа бана абхин̃н̃аахийд̇и саха аасавагкаяан̃аан̣зна бан̃жалогияаабхин̃н̃аасан̇каад̇аахи чахи абхин̃н̃аахи. саб̣б̣ад̇т̇аад̇и саб̣б̣зсу д̇ийсу гаалзсу, бан̃жасуби н̃зяяад̇хаммзсу. саманд̇ажагкунаад̇и анааваран̣асаб̣б̣ан̃н̃уд̇ан̃н̃аан̣асан̇каад̇зна саманд̇ажагкунаа. бан̃н̃ааяаад̇и саб̣б̣ан̃н̃уд̇абан̃н̃ааяа. д̇ирогуддаад̣̇ийд̇и аад̣̇исад̣̇д̣̇зна д̇иробаб̣б̣ад̇аад̣̇аяо сан̇г̇ан̣хаад̇и. мам̣сажагкунаад̇и басаад̣̇ажагкунаа. бадивзд̇хабан̃н̃ааяаад̇и маг̇г̇абан̃н̃ааяа. д̣̇зсанаабан̃н̃ааяаад̇и саб̣б̣ан̃н̃уд̇абан̃н̃ааяа. саб̣б̣ан̃н̃уд̇абан̃н̃ааязва хи ад̇т̇ад̇о д̣̇зсанаабан̃н̃аа наама. д̇зна вуд̇д̇ам̣ ‘‘д̇ассаа бан̃н̃ааяа д̇зж̇асаа. абхид̇хаммагат̇аамаг̇г̇ам̣, д̣̇зваанам̣ самбавад̇д̇аяийд̇и (д̇ха. са. адта. г̇ант̇аарамбхагат̇аа 5). имзхи бад̣̇зхи авад̇т̇аавасзна висум̣ висум̣ д̣̇виннам̣ бад̣̇аанам̣ гаран̣асамбхавам̣ д̣̇ассзд̇и. арахад̇аад̇и арийнам̣ араанан̃жа хад̇ад̇д̇аа, бажжаяаад̣̇ийнан̃жа арахад̇д̇аа арахад̇аа. саммаасамб̣уд̣̇д̇хзнаад̇и саммаа сааман̃жа саб̣б̣ад̇хаммаанам̣ б̣уд̣̇д̇хад̇д̇аа саммаасамб̣уд̣̇д̇хзна, д̇зна бхаг̇авад̇аад̇и самб̣анд̇хо. гзнаабхад̇анд̇и д̇ам̣ батамам̣ баарааж̇игам̣ гзна аабхад̇ам̣, ид̇и сан̇кзбад̇т̇од̇и яож̇анаа.

Evaṃ kammadassanena yojanānayaṃ dassetvā idāni karaṇadassanena aparampi yojanānayaṃ dassento āha ‘‘apicā’’tiādi. ‘‘Pubbenivāsādīhī’’tiādisaddena dibbacakkhussa visuṃ gahetabbattā iddhividhadibbasotaparacittavijānanāni gahetabbāni. Imehi padehi ‘‘jānatā, passatā’’ti dvinnaṃ padānaṃ pañcannaṃ lokiyaabhiññānameva karaṇabhāvaṃ dasseti. Tīhi vijjāhīti pubbenivāsadibbacakkhuāsavakkhayañāṇasaṅkhātāhi tīhi vijjāhi. Chahi vā pana abhiññāhīti saha āsavakkhayañāṇena pañcalokiyābhiññāsaṅkhātāhi chahi abhiññāhi. Sabbatthāti sabbesu tīsu kālesu, pañcasupi ñeyyadhammesu. Samantacakkhunāti anāvaraṇasabbaññutaññāṇasaṅkhātena samantacakkhunā. Paññāyāti sabbaññutapaññāya. Tirokuṭṭādīti ādisaddena tiropabbatādayo saṅgaṇhāti. Maṃsacakkhunāti pasādacakkhunā. Paṭivedhapaññāyāti maggapaññāya. Desanāpaññāyāti sabbaññutapaññāya. Sabbaññutapaññāyeva hi atthato desanāpaññā nāma. Tena vuttaṃ ‘‘tassā paññāya tejasā. Abhidhammakathāmaggaṃ, devānaṃ sampavattayīti (dha. sa. aṭṭha. ganthārambhakathā 5). Imehi padehi avatthāvasena visuṃ visuṃ dvinnaṃ padānaṃ karaṇasambhavaṃ dasseti. Arahatāti arīnaṃ arānañca hatattā, paccayādīnañca arahattā arahatā. Sammāsambuddhenāti sammā sāmañca sabbadhammānaṃ buddhattā sammāsambuddhena, tena bhagavatāti sambandho. Kenābhatanti taṃ paṭhamaṃ pārājikaṃ kena ābhataṃ, iti saṅkhepatthoti yojanā.

2. бужчаависаж̇ж̇анз бана звамад̇т̇о взд̣̇ид̇аб̣б̣од̇и яож̇анаа. яам̣ д̇зна…бз… баарааж̇иганд̇и ид̣̇ам̣ бад̣̇ам̣ бажжуд̣̇д̇харан̣амад̇д̇амзваад̇и самб̣анд̇хо. бад̇иуд̣̇д̇харан̣амад̇д̇амзва, на ад̇т̇ад̣̇ассананд̇и ад̇т̇о. зд̇т̇аад̇и зд̇зсу бад̣̇зсу. згаа бан̃н̃ад̇д̇ийд̇и згаа батамабан̃н̃ад̇д̇и. анубан̃н̃ад̇д̇ияод̇и бажчаа табид̇аа бан̃н̃ад̇д̇ияо.

2. Pucchāvisajjane pana evamattho veditabboti yojanā. Yaṃ tena…pe… pārājikanti idaṃ padaṃ paccuddharaṇamattamevāti sambandho. Patiuddharaṇamattameva, na atthadassananti attho. Etthāti etesu padesu. Ekā paññattīti ekā paṭhamapaññatti. Anupaññattiyoti pacchā ṭhapitā paññattiyo.

зд̇д̇аавад̇аад̇и зд̇д̇агзна ‘‘згаа бан̃н̃ад̇д̇и, д̣̇вз анубан̃н̃ад̇д̇ияо’’д̇и важанамад̇д̇зна виссаж̇ж̇ид̇аа хонд̇ийд̇и самб̣анд̇хо. д̇ад̇ияам̣ бужчанд̇и самб̣анд̇хо. гасмаа ануббаннабан̃н̃ад̇д̇и д̇асмим̣ над̇т̇ийд̇и ааха ‘‘аяам̣ хий’’д̇иаад̣̇и. д̇ад̇т̇а хи яасмаа ан̃н̃ад̇ра над̇т̇и, д̇асмаа над̇т̇ийд̇и яож̇анаа. ‘‘ануббаннз д̣̇осз бан̃н̃ад̇д̇аа’’д̇и иминаа ануббаннз д̣̇осз бан̃н̃абзд̇аб̣б̣аад̇и ануббаннабан̃н̃ад̇д̇ийд̇и важанад̇т̇ам̣ д̣̇ассзд̇и. саад̇и ануббаннабан̃н̃ад̇д̇и. д̇асмаад̇и яасмаа ан̃н̃ад̇ра над̇т̇и, д̇асмаа. саб̣б̣ад̇т̇абан̃н̃ад̇д̇ийд̇и зд̇т̇а саб̣б̣асмим̣ бад̣̇зсз бан̃н̃ад̇д̇и саб̣б̣ад̇т̇абан̃н̃ад̇д̇ийд̇и алуд̇д̇асамаасам̣ д̣̇ассзнд̇о ааха ‘‘маж̇жхимад̣̇зсз жзваа’’д̇иаад̣̇и. ‘‘маж̇жхимад̣̇зсз жзва бажжанд̇имаж̇анабад̣̇зсу жаа’’д̇и иминаа ‘‘саб̣б̣ад̇т̇аа’’д̇и бад̣̇асса саруубам̣ д̣̇ассзд̇и. бад̣̇зсабан̃н̃ад̇д̇им̣ абанзд̇ваа саб̣б̣ад̇т̇абан̃н̃ад̇д̇им̣ баарисзсанаязна д̣̇ассзнд̇о ааха ‘‘винаяад̇харабан̃жамзнаа’’д̇иаад̣̇и . д̇ад̇т̇а винаяад̇харабан̃жамзнаад̇и ануссааванаажарияабан̃жамзна. зд̇т̇зваад̇и маж̇жхимад̣̇зсзязва. зд̇зхийд̇и жад̇уухи сигкаабад̣̇зхи. сзсаанийд̇и жад̇уухи сигкаабад̣̇зхи сзсаани.

Ettāvatāti ettakena ‘‘ekā paññatti, dve anupaññattiyo’’ti vacanamattena vissajjitā hontīti sambandho. Tatiyaṃ pucchanti sambandho. Kasmā anuppannapaññatti tasmiṃ natthīti āha ‘‘ayaṃ hī’’tiādi. Tattha hi yasmā aññatra natthi, tasmā natthīti yojanā. ‘‘Anuppanne dose paññattā’’ti iminā anuppanne dose paññapetabbāti anuppannapaññattīti vacanatthaṃ dasseti. Sāti anuppannapaññatti. Tasmāti yasmā aññatra natthi, tasmā. Sabbatthapaññattīti ettha sabbasmiṃ padese paññatti sabbatthapaññattīti aluttasamāsaṃ dassento āha ‘‘majjhimadese cevā’’tiādi. ‘‘Majjhimadese ceva paccantimajanapadesu cā’’ti iminā ‘‘sabbatthā’’ti padassa sarūpaṃ dasseti. Padesapaññattiṃ apanetvā sabbatthapaññattiṃ pārisesanayena dassento āha ‘‘vinayadharapañcamenā’’tiādi . Tattha vinayadharapañcamenāti anussāvanācariyapañcamena. Etthevāti majjhimadeseyeva. Etehīti catūhi sikkhāpadehi. Sesānīti catūhi sikkhāpadehi sesāni.

саад̇хааран̣абан̃н̃ад̇д̇ийд̇и зд̇т̇а саад̇хааран̣аа наама бхигкубхигкунийнамзваад̇и ааха ‘‘бхигкуунан̃жзва бхигкунийнан̃жаа’’д̇и. ид̣̇ам̣ банаад̇и батамабаарааж̇игам̣ бана, бан̃н̃ад̇д̇анд̇и самб̣анд̇хо. винийд̇агат̇аамад̇д̇амзваад̇и винийд̇авад̇т̇убагаасагам̣ гат̇аамад̇д̇амзва. д̇аасанд̇и бхигкунийнам̣. б̣яан̃ж̇анамад̇д̇амзваад̇и ‘‘саад̇хааран̣аа’’д̇и жа ‘‘убхад̇о’’д̇и жа б̣яан̃ж̇анамад̇д̇амзва. зд̇т̇аад̇и саад̇хааран̣абан̃н̃ад̇д̇иубхад̇обан̃н̃ад̇д̇ибад̣̇з.

Sādhāraṇapaññattīti ettha sādhāraṇā nāma bhikkhubhikkhunīnamevāti āha ‘‘bhikkhūnañceva bhikkhunīnañcā’’ti. Idaṃ panāti paṭhamapārājikaṃ pana, paññattanti sambandho. Vinītakathāmattamevāti vinītavatthupakāsakaṃ kathāmattameva. Tāsanti bhikkhunīnaṃ. Byañjanamattamevāti ‘‘sādhāraṇā’’ti ca ‘‘ubhato’’ti ca byañjanamattameva. Etthāti sādhāraṇapaññattiubhatopaññattipade.

‘‘нид̣̇аанз анубавидта’’нд̇и иминаа ‘‘нид̣̇ааног̇ад̇ха’’нд̇и бад̣̇асса сад̇д̇амийсамаасан̃жа ог̇ад̇хасад̣̇д̣̇асса анубавидтад̇т̇ан̃жа д̣̇ассзд̇и. ог̇аал̣хо худ̇ваа д̇харад̇и д̇идтад̇ийд̇и ог̇ад̇хам̣. нану нид̣̇ааног̇ад̇хз сад̇и ‘‘батамзна уд̣̇д̣̇зсзнаа’’д̇и вад̇д̇аб̣б̣ам̣, гасмаа ‘‘д̣̇уд̇иязна уд̣̇д̣̇зсзнаа’’д̇и вуд̇д̇анд̇и ааха ‘‘нид̣̇ааног̇ад̇ха’’нд̇и. нид̣̇аанабарияаабаннамби самаананд̇и нид̣̇аанабарияаабаннам̣ самаанамбийд̇и яож̇анаа. бисад̣̇д̣̇о г̇арахад̇т̇о, баг̇зва д̣̇уд̇ияз уд̣̇д̣̇зсз барияаабаннзд̇и д̣̇ассзд̇и. ‘‘сийлавибад̇д̇иаад̣̇ийна’’нд̇и важанам̣ вид̇т̇аарзнд̇о ааха ‘‘батамаа хий’’д̇иаад̣̇и.

‘‘Nidāne anupaviṭṭha’’nti iminā ‘‘nidānogadha’’nti padassa sattamīsamāsañca ogadhasaddassa anupaviṭṭhatthañca dasseti. Ogāḷho hutvā dharati tiṭṭhatīti ogadhaṃ. Nanu nidānogadhe sati ‘‘paṭhamena uddesenā’’ti vattabbaṃ, kasmā ‘‘dutiyena uddesenā’’ti vuttanti āha ‘‘nidānogadha’’nti. Nidānapariyāpannampi samānanti nidānapariyāpannaṃ samānampīti yojanā. Pisaddo garahattho, pageva dutiye uddese pariyāpanneti dasseti. ‘‘Sīlavipattiādīna’’nti vacanaṃ vitthārento āha ‘‘paṭhamā hī’’tiādi.

д̣̇ван̇г̇игзнаад̇и гааяажид̇д̇асан̇каад̇зна д̣̇ван̇г̇игзна. нану ‘‘згзна самудтаанзнаа’’д̇и вуд̇д̇ад̇д̇аа ‘‘гааяад̇оязваа’’д̇и вад̇д̇аб̣б̣ам̣, ат̇а гасмаа ‘‘гааяад̇о жа жид̇д̇ад̇о жа самудтаад̇ий’’д̇и вуд̇д̇анд̇и ааха ‘‘зд̇т̇а хий’’д̇иаад̣̇и. зд̇т̇аад̇и ‘‘згзна самудтаанзнаа’’д̇и важанз. жид̇д̇анд̇и сзванажид̇д̇ам̣. аабанносийд̇и д̇вам̣ аабанно асийд̇и яож̇анаа. аама аабанномхийд̇и аама ахам̣ аабанно амхийд̇и яож̇анаа. д̇аавад̣̇зваад̇и д̇асмим̣ бадиж̇аанагкан̣зязва. д̇ам̣ буг̇г̇аланд̇и баарааж̇игамаабаннам̣ д̇ам̣ буг̇г̇алам̣. д̇аббажжаяаад̇и д̇асса баарааж̇игамаабаннасса гааран̣аа. ‘‘на гад̇амзна самат̇зна саммад̇ий’’д̇и яам̣ бана важанам̣ вуд̇д̇анд̇и яож̇анаа. д̇анд̇и важанам̣, вуд̇д̇анд̇и самб̣анд̇хо.

Dvaṅgikenāti kāyacittasaṅkhātena dvaṅgikena. Nanu ‘‘ekena samuṭṭhānenā’’ti vuttattā ‘‘kāyatoyevā’’ti vattabbaṃ, atha kasmā ‘‘kāyato ca cittato ca samuṭṭhātī’’ti vuttanti āha ‘‘ettha hī’’tiādi. Etthāti ‘‘ekena samuṭṭhānenā’’ti vacane. Cittanti sevanacittaṃ. Āpannosīti tvaṃ āpanno asīti yojanā. Āma āpannomhīti āma ahaṃ āpanno amhīti yojanā. Tāvadevāti tasmiṃ paṭijānakkhaṇeyeva. Taṃ puggalanti pārājikamāpannaṃ taṃ puggalaṃ. Tappaccayāti tassa pārājikamāpannassa kāraṇā. ‘‘Na katamena samathena sammatī’’ti yaṃ pana vacanaṃ vuttanti yojanā. Tanti vacanaṃ, vuttanti sambandho.

вуд̇д̇амаад̇игаа бан̃н̃ад̇д̇ийд̇и вуд̇д̇амаад̇игаасан̇каад̇аа бан̃н̃ад̇д̇и винаяо наамаад̇и яож̇анаа. маад̇игаа хи яасмаа бан̃н̃абийяад̇и сан̇кзбзна табийяад̇и, багаарам̣ ж̇аанаабзд̇и ваа, д̇асмаа бан̃н̃ад̇д̇ийд̇и вужжад̇и. ‘‘бад̣̇абхааж̇анам̣ вужжад̇ий’’д̇и иминаа вид̇т̇аарзна бхааж̇ияад̇и зд̇ааяаад̇и вибхад̇д̇ийд̇и д̣̇ассзд̇и. вийд̇иггамод̇и гааяаваажаавийд̇иггамо. со хи на сам̣варад̇и гааяаваажам̣ на бид̣̇ахад̇ийд̇и асам̣варод̇и вужжад̇и. язсам̣ вад̇д̇ад̇ийд̇и зд̇т̇а вад̇д̇ад̇игирияааяа гад̇д̇аарам̣ д̣̇ассзнд̇о ааха ‘‘винаяабидаган̃жа адтагат̇аа жаа’’д̇и. баг̇ун̣аад̇и ваажуг̇г̇ад̇аа. д̇зд̇и д̇з буг̇г̇алаа, д̇хаарзнд̇ийд̇и самб̣анд̇хо. хийд̇и сажжам̣, яасмаа ваа. зд̇ассаад̇и батамабаарааж̇игасса. гзнаабхад̇анд̇и зд̇т̇а бхарад̇хаад̇уяаа д̇хааран̣абосанад̇т̇зсу (баан̣иний 108 д̇хаад̇убаатз) д̇хааран̣ад̇т̇ам̣ д̣̇ассзнд̇о ааха ‘‘гзна аанийд̇а’’нд̇и . ‘‘барамбарааяа аанийд̇а’’нд̇и иминаа барамбараабхад̇анд̇и бад̣̇асса д̇ад̇ияаасамаасам̣ д̣̇ассзд̇и. ат̇аваа ‘‘гзнаабхад̇а’’нд̇и бужчааяа ануруубам̣ яагааралобавасзна ваагяанд̇и д̣̇ассзд̇и.

Vuttamātikā paññattīti vuttamātikāsaṅkhātā paññatti vinayo nāmāti yojanā. Mātikā hi yasmā paññapīyati saṅkhepena ṭhapīyati, pakāraṃ jānāpeti vā, tasmā paññattīti vuccati. ‘‘Padabhājanaṃ vuccatī’’ti iminā vitthārena bhājiyati etāyāti vibhattīti dasseti. Vītikkamoti kāyavācāvītikkamo. So hi na saṃvarati kāyavācaṃ na pidahatīti asaṃvaroti vuccati. Yesaṃ vattatīti ettha vattatikiriyāya kattāraṃ dassento āha ‘‘vinayapiṭakañca aṭṭhakathā cā’’ti. Paguṇāti vācuggatā. Teti te puggalā, dhārentīti sambandho. Hīti saccaṃ, yasmā vā. Etassāti paṭhamapārājikassa. Kenābhatanti ettha bharadhātuyā dhāraṇaposanatthesu (pāṇinī 108 dhātupāṭhe) dhāraṇatthaṃ dassento āha ‘‘kena ānīta’’nti . ‘‘Paramparāya ānīta’’nti iminā paramparābhatanti padassa tatiyāsamāsaṃ dasseti. Athavā ‘‘kenābhata’’nti pucchāya anurūpaṃ yakāralopavasena vākyanti dasseti.

3. убаали д̣̇аасаго жзваад̇иаад̣̇игаа г̇аат̇ааяо гимад̇т̇ам̣ гзхи табид̇аад̇и ааха ‘‘ид̣̇ааний’’д̇иаад̣̇и. д̇анд̇и барам̣ барам̣. д̇ад̇т̇аад̇и д̇аасу г̇аат̇аасу. яанд̇и важанам̣. иминаа наязнаад̇и батамабаарааж̇игасса бужчаависаж̇ж̇анз вуд̇д̇зна иминаа наязна.

3.Upāli dāsako cevātiādikā gāthāyo kimatthaṃ kehi ṭhapitāti āha ‘‘idānī’’tiādi. Tanti paraṃ paraṃ. Tatthāti tāsu gāthāsu. Yanti vacanaṃ. Iminā nayenāti paṭhamapārājikassa pucchāvisajjane vuttena iminā nayena.

ид̇и махаавибхан̇г̇з бан̃н̃ад̇д̇иваараван̣н̣анааяа яож̇анаа самад̇д̇аа.

Iti mahāvibhaṅge paññattivāravaṇṇanāya yojanā samattā.

гад̇аабад̇д̇иваараад̣̇иван̣н̣анаа

Katāpattivārādivaṇṇanā

157. ид̇од̇и бан̃н̃ад̇д̇иваарад̇о, барам̣ вуд̇д̇аа сад̇д̇а ваараа уд̇д̇аанад̇т̇аа зваад̇и яож̇анаа. гад̇аабад̇д̇иваарод̇и ‘‘гад̇аабад̇д̇ий’’д̇и бад̣̇зна лагкид̇о вааро. зсзва наяо сзсзсуби. д̇ад̣̇ананд̇арод̇и д̇зсам̣ сад̇д̇аннам̣ ваараанам̣ ананд̇арз вуд̇д̇о. самужжаяаваарод̇и сам̣ згад̇о аабад̇д̇ивибад̇д̇иаад̣̇аяо ужияанд̇и самбин̣д̣ияанд̇и зд̇т̇аад̇и самужжаяо, соязва вааро самужжаяавааро.

157.Itoti paññattivārato, paraṃ vuttā satta vārā uttānatthā evāti yojanā. Katāpattivāroti ‘‘katāpattī’’ti padena lakkhito vāro. Eseva nayo sesesupi. Tadanantaroti tesaṃ sattannaṃ vārānaṃ anantare vutto. Samuccayavāroti saṃ ekato āpattivipattiādayo uciyanti sampiṇḍiyanti etthāti samuccayo, soyeva vāro samuccayavāro.

188. д̇ад̇од̇и д̇зхи адтахи ваарзхи, барам̣ вуд̇д̇аад̇и самб̣анд̇хо. бажжаяавасзна вуд̇д̇о зго бан̃н̃ад̇д̇иваарод̇и яож̇анаа. бажжаяавасзнаад̇и бажжаяасад̣̇д̣̇асса васзна. д̇ассаад̇и бажжаяасса. д̇збийд̇и адта ваарааби. ид̇ийд̇иаад̣̇и ниг̇аманам̣. д̇ад̇од̇и махаавибхан̇г̇ад̇о, барам̣ ааг̇ад̇аад̇и самб̣анд̇хо. звам̣ имз д̣̇вад̇д̇им̣са ваараад̇и яож̇анаа. хийд̇и сажжам̣, яасмаа ваа. зд̇т̇аад̇и д̣̇вад̇д̇им̣саваарзсу.

188.Tatoti tehi aṭṭhahi vārehi, paraṃ vuttāti sambandho. Paccayavasena vutto eko paññattivāroti yojanā. Paccayavasenāti paccayasaddassa vasena. Tassāti paccayassa. Tepīti aṭṭha vārāpi. Itītiādi nigamanaṃ. Tatoti mahāvibhaṅgato, paraṃ āgatāti sambandho. Evaṃ ime dvattiṃsa vārāti yojanā. Hīti saccaṃ, yasmā vā. Etthāti dvattiṃsavāresu.

Next: самудтаанасийсаван̣н̣анаа • Samuṭṭhānasīsavaṇṇanā

Related texts:

д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
1. баарааж̇игаган̣д̣ам̣ • 1. Pārājikakaṇḍaṃ
1. баарааж̇игаган̣д̣ам̣ • 1. Pārājikakaṇḍaṃ
1. баарааж̇игаган̣д̣ам̣ • 1. Pārājikakaṇḍaṃ

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā
бан̃н̃ад̇д̇иваараван̣н̣анаа • Paññattivāravaṇṇanā
гад̇аабад̇д̇иваараад̣̇иван̣н̣анаа • Katāpattivārādivaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃н̃ад̇д̇иваараван̣н̣анаа • Paññattivāravaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃н̃ад̇д̇иваараван̣н̣анаа • Paññattivāravaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃н̃ад̇д̇иваараван̣н̣анаа • Paññattivāravaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact