| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
ಕತಾಪತ್ತಿವಾರಾದಿವಣ್ಣನಾ
Katāpattivārādivaṇṇanā
೧೬೬. ಕತಾಪತ್ತಿವಾರೇ ‘‘ಸಙ್ಘಿಕಂ ಮಞ್ಚಂ ವಾ’’ತಿಆದಿ ಅಜ್ಝೋಕಾಸತ್ತಾ ವಿಹಾರಬ್ಭನ್ತರೇಪಿ ಆಪಜ್ಜನತೋ ಲೇಡ್ಡುಪಾತಾತಿಕ್ಕಮವಸೇನ ವುತ್ತಂ। ದುತಿಯೇ ಸೇಯ್ಯಂ ಸನ್ಥರಿತ್ವಾತಿ ಅಬ್ಭನ್ತರೇ ಸನ್ಥರಿತಭಾವತೋ ವಿಹಾರತೋ ಬಹಿಗಮನೇಪಿ ತಂದಿವಸಾನಾಗಮೇ ಆಪಜ್ಜನತೋ ‘‘ಪರಿಕ್ಖೇಪಂ ಅತಿಕ್ಕಾಮೇತೀ’’ತಿ ವುತ್ತಂ।
166. Katāpattivāre ‘‘saṅghikaṃ mañcaṃ vā’’tiādi ajjhokāsattā vihārabbhantarepi āpajjanato leḍḍupātātikkamavasena vuttaṃ. Dutiye seyyaṃ santharitvāti abbhantare santharitabhāvato vihārato bahigamanepi taṃdivasānāgame āpajjanato ‘‘parikkhepaṃ atikkāmetī’’ti vuttaṃ.
೧೭೧. ಸಞ್ಚಿಚ್ಚ ಪಾಣಂ ಜೀವಿತಾ ವೋರೋಪೇನ್ತೋ ಚತಸ್ಸೋ ಆಪತ್ತಿಯೋತಿ ಏತ್ಥ ಕಿಞ್ಚಾಪಿ ತಸ್ಮಿಂ ಸಿಕ್ಖಾಪದೇ ತಿರಚ್ಛಾನಗತಪಾಣೋವ ಅಧಿಪ್ಪೇತೋ, ಅಥ ಖೋ ಪಾಣೋತಿ ವೋಹಾರಸಾಮಞ್ಞತೋ ಅತ್ಥುದ್ಧಾರವಸೇನ ‘‘ಚತಸ್ಸೋ’’ತಿ ವುತ್ತಂ। ಏಸ ನಯೋ ಅಞ್ಞೇಸುಪಿ ಏವರೂಪೇಸು ಠಾನೇಸು।
171.Sañcicca pāṇaṃ jīvitā voropento catasso āpattiyoti ettha kiñcāpi tasmiṃ sikkhāpade tiracchānagatapāṇova adhippeto, atha kho pāṇoti vohārasāmaññato atthuddhāravasena ‘‘catasso’’ti vuttaṃ. Esa nayo aññesupi evarūpesu ṭhānesu.
೧೭೩. ವಿಕಾಲೇ ಗಾಮಪ್ಪವೇಸನೇ ‘‘ಪಠಮಂ ಪಾದಂ ಪರಿಕ್ಖೇಪಂ ಅತಿಕ್ಕಾಮೇತಿ, ಆಪತ್ತಿ ದುಕ್ಕಟಸ್ಸಾ’ತಿ ವುತ್ತತ್ತಾ ಉಪಚಾರೇ ನಾಪಜ್ಜತಿ, ಪರಿಕ್ಖೇಪಂ ಅತಿಕ್ಕಮಿತ್ವಾವ ಆಪಜ್ಜತೀತಿ ಸಿದ್ಧಮೇವಾ’’ತಿ ವದನ್ತಿ।
173. Vikāle gāmappavesane ‘‘paṭhamaṃ pādaṃ parikkhepaṃ atikkāmeti, āpatti dukkaṭassā’ti vuttattā upacāre nāpajjati, parikkhepaṃ atikkamitvāva āpajjatīti siddhamevā’’ti vadanti.
೧೯೩. ಪಚ್ಚಯವಾರೇ ಪುರಿಮವಾರತೋ ವಿಸೇಸೋ ಅತ್ಥಿಯೇವ, ‘‘ಮೇಥುನಂ ಧಮ್ಮಂ ಪಟಿಸೇವನ್ತೋ ಕತಿ ಆಪತ್ತಿಯೋ ಆಪಜ್ಜತೀ’’ತಿ ವುತ್ತೇ ಜತುಮಟ್ಠಕಸ್ಸೋಕಾಸೋ ನ ಜಾತೋ, ಇಧ ಪನ ‘‘ಮೇಥುನಂ ಧಮ್ಮಂ ಪಟಿಸೇವನಪಚ್ಚಯಾ’’ತಿ ವುತ್ತೇ ಪುಗ್ಗಲನಿದ್ದೇಸಾಭಾವಾ ಜತುಮಟ್ಠಕಞ್ಚ ಪವಿಟ್ಠಂ, ಏವಂ ವಿಸೇಸೋ ಅತ್ಥಿ। ತಥಾ ಏವರೂಪೇಸು ಠಾನೇಸು।
193. Paccayavāre purimavārato viseso atthiyeva, ‘‘methunaṃ dhammaṃ paṭisevanto kati āpattiyo āpajjatī’’ti vutte jatumaṭṭhakassokāso na jāto, idha pana ‘‘methunaṃ dhammaṃ paṭisevanapaccayā’’ti vutte puggalaniddesābhāvā jatumaṭṭhakañca paviṭṭhaṃ, evaṃ viseso atthi. Tathā evarūpesu ṭhānesu.
ಮಹಾವಿಭಙ್ಗೇ ಚ ಭಿಕ್ಖುನಿವಿಭಙ್ಗೇ ಸೋಳಸಮಹಾವಾರವಣ್ಣನಾ ನಿಟ್ಠಿತಾ।
Mahāvibhaṅge ca bhikkhunivibhaṅge soḷasamahāvāravaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
೨. ಭೂತಗಾಮವಗ್ಗೋ • 2. Bhūtagāmavaggo
೭. ಸಪ್ಪಾಣಕವಗ್ಗೋ • 7. Sappāṇakavaggo
೯. ರಾಜವಗ್ಗೋ • 9. Rājavaggo
೧. ಪಾರಾಜಿಕಕಣ್ಡಂ • 1. Pārājikakaṇḍaṃ
