| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೭. ಕಥಾಸುತ್ತಂ
7. Kathāsuttaṃ
೯೭. ‘‘ಪಞ್ಚಹಿ , ಭಿಕ್ಖವೇ, ಧಮ್ಮೇಹಿ ಸಮನ್ನಾಗತೋ ಭಿಕ್ಖು ಆನಾಪಾನಸ್ಸತಿಂ ಭಾವೇನ್ತೋ ನಚಿರಸ್ಸೇವ ಅಕುಪ್ಪಂ ಪಟಿವಿಜ್ಝತಿ। ಕತಮೇಹಿ ಪಞ್ಚಹಿ? ಇಧ, ಭಿಕ್ಖವೇ, ಭಿಕ್ಖು ಅಪ್ಪಟ್ಠೋ ಹೋತಿ ಅಪ್ಪಕಿಚ್ಚೋ ಸುಭರೋ ಸುಸನ್ತೋಸೋ ಜೀವಿತಪರಿಕ್ಖಾರೇಸು; ಅಪ್ಪಾಹಾರೋ ಹೋತಿ ಅನೋದರಿಕತ್ತಂ ಅನುಯುತ್ತೋ; ಅಪ್ಪಮಿದ್ಧೋ ಹೋತಿ ಜಾಗರಿಯಂ ಅನುಯುತ್ತೋ; ಯಾಯಂ ಕಥಾ ಆಭಿಸಲ್ಲೇಖಿಕಾ ಚೇತೋವಿವರಣಸಪ್ಪಾಯಾ, ಸೇಯ್ಯಥಿದಂ – ಅಪ್ಪಿಚ್ಛಕಥಾ…ಪೇ॰… ವಿಮುತ್ತಿಞಾಣದಸ್ಸನಕಥಾ, ಏವರೂಪಿಯಾ ಕಥಾಯ ನಿಕಾಮಲಾಭೀ ಹೋತಿ ಅಕಿಚ್ಛಲಾಭೀ ಅಕಸಿರಲಾಭೀ; ಯಥಾವಿಮುತ್ತಂ ಚಿತ್ತಂ ಪಚ್ಚವೇಕ್ಖತಿ। ಇಮೇಹಿ ಖೋ, ಭಿಕ್ಖವೇ, ಪಞ್ಚಹಿ ಧಮ್ಮೇಹಿ ಸಮನ್ನಾಗತೋ ಭಿಕ್ಖು ಆನಾಪಾನಸ್ಸತಿಂ ಭಾವೇನ್ತೋ ನಚಿರಸ್ಸೇವ ಅಕುಪ್ಪಂ ಪಟಿವಿಜ್ಝತೀ’’ತಿ। ಸತ್ತಮಂ।
97. ‘‘Pañcahi , bhikkhave, dhammehi samannāgato bhikkhu ānāpānassatiṃ bhāvento nacirasseva akuppaṃ paṭivijjhati. Katamehi pañcahi? Idha, bhikkhave, bhikkhu appaṭṭho hoti appakicco subharo susantoso jīvitaparikkhāresu; appāhāro hoti anodarikattaṃ anuyutto; appamiddho hoti jāgariyaṃ anuyutto; yāyaṃ kathā ābhisallekhikā cetovivaraṇasappāyā, seyyathidaṃ – appicchakathā…pe… vimuttiñāṇadassanakathā, evarūpiyā kathāya nikāmalābhī hoti akicchalābhī akasiralābhī; yathāvimuttaṃ cittaṃ paccavekkhati. Imehi kho, bhikkhave, pañcahi dhammehi samannāgato bhikkhu ānāpānassatiṃ bhāvento nacirasseva akuppaṃ paṭivijjhatī’’ti. Sattamaṃ.
Related texts:
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೦. ಪಠಮಸಮ್ಪದಾಸುತ್ತಾದಿವಣ್ಣನಾ • 1-10. Paṭhamasampadāsuttādivaṇṇanā
