| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
6. கடுவியஸுத்தவண்ணனா
6. Kaṭuviyasuttavaṇṇanā
129. ச²ட்டே² கோ³யோக³பிலக்க²ஸ்மிந்தி கா³வீனங் விக்கயட்டா²னே உட்டி²தபிலக்க²ஸ்ஸ ஸந்திகே. ரித்தஸ்ஸாத³ந்தி ஜா²னஸுகா²பா⁴வேன ரித்தஸ்ஸாத³ங். பா³ஹிரஸ்ஸாத³ந்தி காமகு³ணஸுக²வஸேன பா³ஹிரஸ்ஸாத³ங். கடுவியந்தி உச்சி²ட்ட²ங். ஆமக³ந்தே⁴னாதி கோத⁴ஸங்கா²தேன விஸ்ஸக³ந்தே⁴ன. அவஸ்ஸுதந்தி திந்தங். மக்கி²காதி கிலேஸமக்கி²கா. நானுபதிஸ்ஸந்தீதி உட்டா²ய ந அனுப³ந்தி⁴ஸ்ஸந்தி. நான்வாஸ்ஸவிஸ்ஸந்தீதி அனுப³ந்தி⁴த்வா ந கா²தி³ஸ்ஸந்தி. ஸங்வேக³மாபாதீ³தி ஸோதாபன்னோ ஜாதோ.
129. Chaṭṭhe goyogapilakkhasminti gāvīnaṃ vikkayaṭṭhāne uṭṭhitapilakkhassa santike. Rittassādanti jhānasukhābhāvena rittassādaṃ. Bāhirassādanti kāmaguṇasukhavasena bāhirassādaṃ. Kaṭuviyanti ucchiṭṭhaṃ. Āmagandhenāti kodhasaṅkhātena vissagandhena. Avassutanti tintaṃ. Makkhikāti kilesamakkhikā. Nānupatissantīti uṭṭhāya na anubandhissanti. Nānvāssavissantīti anubandhitvā na khādissanti. Saṃvegamāpādīti sotāpanno jāto.
கடுவியகதோதி உச்சி²ட்ட²கதோ. ஆரகா ஹோதீதி தூ³ரே ஹோதி. விகா⁴தஸ்ஸேவ பா⁴க³வாதி து³க்க²ஸ்ஸேவ பா⁴கீ³. சரேதீதி சரதி க³ச்ச²தி. து³ம்மேதோ⁴தி து³ப்பஞ்ஞோ. இமஸ்மிங் ஸுத்தே வட்டமேவ கதி²தங், கா³தா²ஸு வட்டவிவட்டங் கதி²தந்தி. ஸத்தமே வட்டமேவ பா⁴ஸிதங்.
Kaṭuviyakatoti ucchiṭṭhakato. Ārakā hotīti dūre hoti. Vighātasseva bhāgavāti dukkhasseva bhāgī. Caretīti carati gacchati. Dummedhoti duppañño. Imasmiṃ sutte vaṭṭameva kathitaṃ, gāthāsu vaṭṭavivaṭṭaṃ kathitanti. Sattame vaṭṭameva bhāsitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. கடுவியஸுத்தங் • 6. Kaṭuviyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. கடுவியஸுத்தவண்ணனா • 6. Kaṭuviyasuttavaṇṇanā
