| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
9. гааяаг̇ад̇аасад̇исуд̇д̇аван̣н̣анаа
9. Kāyagatāsatisuttavaṇṇanā
153-4. д̇аббадисаран̣аанам̣ гаамааважарасад̇д̇аанам̣ бадисаран̣адтзна г̇зхаа гаамаг̇ун̣аа, г̇зхз сид̇аа аараб̣бха бавад̇д̇ияаа аллийнаад̇и г̇зхассид̇аа. саранд̇ийд̇и взг̇асаа бавад̇д̇анд̇и. взг̇зна хи бавад̇д̇и д̇хаавад̇ийд̇и вужжад̇и. сан̇габбаад̇и яз гзжи мижчаасан̇габбаа, б̣яаабаад̣̇авихим̣саасан̇габбаад̣̇аяоби гаамаг̇ун̣асид̇аа зваад̇и. г̇ожараж̇жхад̇д̇асмим̣язваад̇и бариг̇г̇ахид̇з гаммадтаанз зва вад̇д̇анд̇и. д̇ан̃хи д̇хаммавасзна убадтид̇ааяа бхааванааяа г̇ожарабхаавад̇о ‘‘г̇ожараж̇жхад̇д̇а’’нд̇и вуд̇д̇ам̣. ассаасабассаасагааяз г̇ад̇аа бавад̇д̇аад̇и гааяаг̇ад̇аа, д̇ам̣ гааяаг̇ад̇аасад̇им̣. сад̇исийсзна д̇ам̣сахаг̇ад̇з бхааванаад̇хаммз вад̣̇ад̇и ассаасабассаасагааяаад̣̇игз д̇ам̣д̇ам̣годтаасз самат̇авад̇т̇убхаавзна бариг̇г̇ахзд̇ваа сад̇ияаа бариг̇г̇ахид̇ад̇д̇аа; д̇ат̇аабариг̇г̇ахид̇з ваа д̇з аараб̣бха анижжаад̣̇иманасигааравасзна бавад̇д̇аа гааяаарамман̣аа сад̇ий сад̇ибхаавзна вад̇ваа згаж̇жхам̣ д̣̇ассзнд̇о ‘‘гааяабариг̇г̇аахига’’нд̇иаад̣̇имааха.
153-4. Tappaṭisaraṇānaṃ kāmāvacarasattānaṃ paṭisaraṇaṭṭhena gehā kāmaguṇā, gehe sitā ārabbha pavattiyā allīnāti gehassitā. Sarantīti vegasā pavattanti. Vegena hi pavatti dhāvatīti vuccati. Saṅkappāti ye keci micchāsaṅkappā, byāpādavihiṃsāsaṅkappādayopi kāmaguṇasitā evāti. Gocarajjhattasmiṃyevāti pariggahite kammaṭṭhāne eva vattanti. Tañhi dhammavasena upaṭṭhitāya bhāvanāya gocarabhāvato ‘‘gocarajjhatta’’nti vuttaṃ. Assāsapassāsakāye gatā pavattāti kāyagatā, taṃ kāyagatāsatiṃ. Satisīsena taṃsahagate bhāvanādhamme vadati assāsapassāsakāyādike taṃtaṃkoṭṭhāse samathavatthubhāvena pariggahetvā satiyā pariggahitattā; tathāpariggahite vā te ārabbha aniccādimanasikāravasena pavattā kāyārammaṇā satī satibhāvena vatvā ekajjhaṃ dassento ‘‘kāyapariggāhika’’ntiādimāha.
сад̇ибадтаанзд̇и махаасад̇ибадтаанасуд̇д̇з (д̣̇ий. ни. 2.378; ма. ни. 1.111), жуд̣̇д̣̇асавид̇хзна гааяаанубассанаа гат̇ид̇аа, жун̣н̣агаж̇аад̇аани адтигаани барияосаанам̣ гад̇ваа гааяаанубассанаа нид̣̇д̣̇идтаа, ид̇ха бана гзсаад̣̇ийсу ван̣н̣агасин̣авасзна ниб̣б̣ад̇д̇ид̇аанам̣ жад̇уннам̣ жхаанаанам̣ васзна убарид̣̇зсанааяа вад̣дхид̇ад̇д̇аа адтаарасавид̇хзна гааяаг̇ад̇аасад̇ибхааванаа.
Satipaṭṭhāneti mahāsatipaṭṭhānasutte (dī. ni. 2.378; ma. ni. 1.111), cuddasavidhena kāyānupassanā kathitā, cuṇṇakajātāni aṭṭhikāni pariyosānaṃ katvā kāyānupassanā niddiṭṭhā, idha pana kesādīsu vaṇṇakasiṇavasena nibbattitānaṃ catunnaṃ jhānānaṃ vasena uparidesanāya vaḍḍhitattā aṭṭhārasavidhena kāyagatāsatibhāvanā.
156. д̇асса бхигкунод̇и яо гааяаг̇ад̇аасад̇ибхааванааяа васийбхууд̇о, д̇асса бхигкуно. самбаяог̇авасзна виж̇ж̇ам̣ бхаж̇анд̇ийд̇и сахаж̇аад̇а-ан̃н̃аман̃н̃а-ниссаяа-самбаяуд̇д̇а-ад̇т̇и-авиг̇ад̇абажжаяавасзна виж̇ж̇ам̣ бхаж̇анд̇и, д̇ааяа саха згийбхаавамива г̇ажчанд̇ийд̇и ад̇т̇о. виж̇ж̇аабхааг̇з виж̇ж̇аагодтаасз вад̇д̇анд̇ийд̇и виж̇ж̇аасабхааг̇ад̇ааяа д̇ад̣̇згад̣̇зсз виж̇ж̇аагодтаасз вад̇д̇анд̇и. д̇аахи самбаяуд̇д̇ад̇хаммаа пассаад̣̇аяо. нану жзд̇т̇а виж̇ж̇аанам̣ виж̇ж̇аабхааг̇ияад̇аа на самбхавад̇ийд̇и? но на самбхавад̇и. яааяа хи виж̇ж̇ааяа виж̇ж̇аасамбаяуд̇д̇аанам̣ виж̇ж̇аабхааг̇ияад̇аа, саа д̇ам̣нимид̇д̇ааяа виж̇ж̇ааяа убажарийяад̇ийд̇и. згаа виж̇ж̇аа виж̇ж̇аа, сзсаа виж̇ж̇аабхааг̇ияаад̇и адтасу виж̇ж̇аасу згам̣ ‘‘виж̇ж̇аа’’д̇и г̇ахзд̇ваа ид̇араа д̇ассаа бхааг̇ад̇ааяа ‘‘виж̇ж̇аабхааг̇ияаа’’д̇и взд̣̇ид̇аб̣б̣аа. сад̣̇д̇хим̣ бавад̇д̇анасабхааваасу аяамзва виж̇ж̇аад̇и вад̇д̇аб̣б̣аад̇и нияамасса абхаавад̇о виж̇ж̇аабхааг̇о вияа виж̇ж̇аабхааг̇ияааби бавад̇д̇ад̇и зваад̇и вад̇д̇аб̣б̣ам̣. аабопаран̣анд̇и бадибхааг̇анимид̇д̇абхууд̇зна аабогасин̣зна саб̣б̣асо махаасамуд̣̇д̣̇апаран̣ам̣ аабопаран̣ам̣ наама. д̣̇иб̣б̣ажагкун̃аан̣асса гижжам̣ паран̣анд̇и гад̇ваа, д̣̇иб̣б̣ажагкуад̇т̇ам̣ ваа аалогапаран̣ам̣ д̣̇иб̣б̣ажагкупаран̣анд̇и д̣̇адтаб̣б̣ам̣. убхаяасмимби багкз самуд̣̇д̣̇ан̇г̇амаанам̣ гуннад̣̇ийнам̣ самуд̣̇д̣̇анд̇ог̇ад̇хад̇д̇аа д̇зсам̣ жзд̇асаа пудад̇аа взд̣̇ид̇аб̣б̣аа. гуннад̣̇иг̇г̇ахан̣ан̃жзд̇т̇а ган̃жимзва гаалам̣ санд̣̇ид̇ваа д̇аасам̣ уд̣̇агасса самуд̣̇д̣̇абарияаабаннабхаавуубаг̇аманад̇д̇аа, на б̣ахи махаанад̣̇ияо вияа барид̇д̇агааладтид̇игаад̇и.
156.Tassa bhikkhunoti yo kāyagatāsatibhāvanāya vasībhūto, tassa bhikkhuno. Sampayogavasena vijjaṃ bhajantīti sahajāta-aññamañña-nissaya-sampayutta-atthi-avigatapaccayavasena vijjaṃ bhajanti, tāya saha ekībhāvamiva gacchantīti attho. Vijjābhāge vijjākoṭṭhāsevattantīti vijjāsabhāgatāya tadekadese vijjākoṭṭhāse vattanti. Tāhi sampayuttadhammā phassādayo. Nanu cettha vijjānaṃ vijjābhāgiyatā na sambhavatīti? No na sambhavati. Yāya hi vijjāya vijjāsampayuttānaṃ vijjābhāgiyatā, sā taṃnimittāya vijjāya upacarīyatīti. Ekā vijjā vijjā, sesā vijjābhāgiyāti aṭṭhasu vijjāsu ekaṃ ‘‘vijjā’’ti gahetvā itarā tassā bhāgatāya ‘‘vijjābhāgiyā’’ti veditabbā. Saddhiṃ pavattanasabhāvāsu ayameva vijjāti vattabbāti niyamassa abhāvato vijjābhāgo viya vijjābhāgiyāpi pavattati evāti vattabbaṃ. Āpopharaṇanti paṭibhāganimittabhūtena āpokasiṇena sabbaso mahāsamuddapharaṇaṃ āpopharaṇaṃ nāma. Dibbacakkhuñāṇassa kiccaṃ pharaṇanti katvā, dibbacakkhuatthaṃ vā ālokapharaṇaṃ dibbacakkhupharaṇanti daṭṭhabbaṃ. Ubhayasmimpi pakkhe samuddaṅgamānaṃ kunnadīnaṃ samuddantogadhattā tesaṃ cetasā phuṭatā veditabbā. Kunnadiggahaṇañcettha kañcimeva kālaṃ sanditvā tāsaṃ udakassa samuddapariyāpannabhāvūpagamanattā, na bahi mahānadiyo viya parittakālaṭṭhitikāti.
од̇ааранд̇и гилзсуббад̇д̇ияаа авасарам̣, д̇ам̣ бана виварам̣ чид̣̇д̣̇анд̇и жа вуд̇д̇ам̣. аарамман̣анд̇и гилзсуббад̇д̇ияаа оламб̣анам̣. яаава барияосаанаад̇и мад̇д̇игаабун̃ж̇асса яаава барияосаанаа.
Otāranti kilesuppattiyā avasaraṃ, taṃ pana vivaraṃ chiddanti ca vuttaṃ. Ārammaṇanti kilesuppattiyā olambanaṃ. Yāva pariyosānāti mattikāpuñjassa yāva pariyosānā.
158. абхин̃н̃ааяаад̇и ид̣̇д̇хивид̇хаад̣̇иабхин̃н̃ааяа. сажчигаад̇аб̣б̣ассаад̇и бажжагкад̇о гаад̇аб̣б̣асса ад̇хидтаанавигуб̣б̣анаад̣̇ид̇хаммасса. абхин̃н̃аава гааран̣анд̇и ааха – ‘‘сажчигирияаабзгкааяа, абхин̃н̃аагааран̣асса бана сид̣̇д̇хияаа баагадаа’’д̇и. марияаад̣̇аб̣ад̣̇д̇хаад̇и уд̣̇агамаад̇игаамукз гад̇аа.
158.Abhiññāyāti iddhividhādiabhiññāya. Sacchikātabbassāti paccakkhato kātabbassa adhiṭṭhānavikubbanādidhammassa. Abhiññāva kāraṇanti āha – ‘‘sacchikiriyāpekkhāya, abhiññākāraṇassa pana siddhiyā pākaṭā’’ti. Mariyādabaddhāti udakamātikāmukhe katā.
яуд̇д̇аяаанам̣ вияа гад̇ааяа ижчид̇ижчид̇з гаалз сукзна бажжавзгкид̇аб̣б̣ад̇д̇аа. бад̇идтаагад̇ааяаад̇и самбад̇д̇ийнам̣ бад̇идтаабхаавам̣ баабид̇ааяа. ануббавад̇д̇ид̇ааяаад̇и бхааванааб̣ахулийгаарзхи ануббавад̇д̇ид̇ааяа. барижаяагад̇ааяаад̇и аасзванад̣̇ал̣хад̇ааяа сужирам̣ барижаяааяа. сусамбаг̇г̇ахид̇ааяаад̇и саб̣б̣асо уггам̣сам̣ баабид̇ааяа. сусамаарад̣̇д̇хааяаад̇и ад̇ивияа саммад̣̇зва ниб̣б̣ад̇д̇игад̇ааяа. сзсам̣ сувин̃н̃зяяамзва.
Yuttayānaṃ viya katāya icchiticchite kāle sukhena paccavekkhitabbattā. Patiṭṭhākatāyāti sampattīnaṃ patiṭṭhābhāvaṃ pāpitāya. Anuppavattitāyāti bhāvanābahulīkārehi anuppavattitāya. Paricayakatāyāti āsevanadaḷhatāya suciraṃ paricayāya. Susampaggahitāyāti sabbaso ukkaṃsaṃ pāpitāya. Susamāraddhāyāti ativiya sammadeva nibbattikatāya. Sesaṃ suviññeyyameva.
гааяаг̇ад̇аасад̇исуд̇д̇аван̣н̣анааяа лийнад̇т̇аббагаасанаа самад̇д̇аа.
Kāyagatāsatisuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. гааяаг̇ад̇аасад̇исуд̇д̇ам̣ • 9. Kāyagatāsatisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. гааяаг̇ад̇аасад̇исуд̇д̇аван̣н̣анаа • 9. Kāyagatāsatisuttavaṇṇanā
