| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[293] 3. гааяаниб̣б̣инд̣̇аж̇аад̇агаван̣н̣анаа
[293] 3. Kāyanibbindajātakavaṇṇanā
пудтасса мзд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ бурисам̣ аараб̣бха гат̇зси. саавад̇т̇ияам̣ гирзго бурисо бан̣д̣урог̇зна аддид̇о взж̇ж̇зхи бадигкид̇д̇о. буд̇д̇ад̣̇ааробисса ‘‘го имам̣ бадиж̇аг̇г̇ид̇ум̣ саггод̇ий’’д̇и жинд̇зси. д̇асса зд̇ад̣̇ахоси – ‘‘сажаахам̣ имамхаа рог̇аа вудтахиссаами, баб̣б̣аж̇иссаамий’’д̇и. со гад̇ибаахзнзва гин̃жи саббааяам̣ лабхид̇ваа арог̇о худ̇ваа ж̇зд̇аванам̣ г̇анд̇ваа сад̇т̇аарам̣ баб̣б̣аж̇ж̇ам̣ яаажи. со сад̇т̇у санд̇игз баб̣б̣аж̇ж̇ан̃жа убасамбад̣̇ан̃жа лабхид̇ваа нажирассзва арахад̇д̇ам̣ баабун̣и. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, асуго наама бан̣д̣урог̇ий ‘имамхаа рог̇аа вудтид̇о баб̣б̣аж̇иссаамий’д̇и жинд̇зд̇ваа баб̣б̣аж̇ид̇о жзва арахад̇д̇ан̃жа бад̇д̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и . бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аани аяамзва; буб̣б̣з бан̣д̣ид̇ааби звам̣ вад̇ваа рог̇аа вудтааяа баб̣б̣аж̇ид̇ваа ад̇д̇ано вуд̣дхимагам̣суу’’д̇и вад̇ваа ад̇ийд̇ам̣ аахари.
Phuṭṭhassa meti idaṃ satthā jetavane viharanto aññataraṃ purisaṃ ārabbha kathesi. Sāvatthiyaṃ kireko puriso paṇḍurogena aṭṭito vejjehi paṭikkhitto. Puttadāropissa ‘‘ko imaṃ paṭijaggituṃ sakkotī’’ti cintesi. Tassa etadahosi – ‘‘sacāhaṃ imamhā rogā vuṭṭhahissāmi, pabbajissāmī’’ti. So katipāheneva kiñci sappāyaṃ labhitvā arogo hutvā jetavanaṃ gantvā satthāraṃ pabbajjaṃ yāci. So satthu santike pabbajjañca upasampadañca labhitvā nacirasseva arahattaṃ pāpuṇi. Athekadivasaṃ bhikkhū dhammasabhāyaṃ kathaṃ samuṭṭhāpesuṃ – ‘‘āvuso, asuko nāma paṇḍurogī ‘imamhā rogā vuṭṭhito pabbajissāmī’ti cintetvā pabbajito ceva arahattañca patto’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti . Pucchitvā ‘‘imāya nāmā’’ti vutte ‘‘na, bhikkhave, idāni ayameva; pubbe paṇḍitāpi evaṃ vatvā rogā vuṭṭhāya pabbajitvā attano vuḍḍhimakaṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о гудумб̣ам̣ сан̣табзд̇ваа васанд̇о бан̣д̣урог̇ий ахоси. взж̇ж̇ааби бадиж̇аг̇г̇ид̇ум̣ наасагким̣су, буд̇д̇ад̣̇ааробисса виббадисаарий ахоси. со ‘‘имамхаа рог̇аа вудтид̇о баб̣б̣аж̇иссаамий’’д̇и жинд̇зд̇ваа гин̃жид̣̇зва саббааяам̣ лабхид̇ваа арог̇о худ̇ваа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа уббаад̣̇зд̇ваа жхаанасукзна вихаранд̇о ‘‘зд̇д̇агам̣ гаалам̣ зваруубам̣ сукам̣ наама наалад̇т̇а’’нд̇и уд̣̇аанам̣ уд̣̇аанзнд̇о имаа г̇аат̇аа ааха –
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vayappatto kuṭumbaṃ saṇṭhapetvā vasanto paṇḍurogī ahosi. Vejjāpi paṭijaggituṃ nāsakkhiṃsu, puttadāropissa vippaṭisārī ahosi. So ‘‘imamhā rogā vuṭṭhito pabbajissāmī’’ti cintetvā kiñcideva sappāyaṃ labhitvā arogo hutvā himavantaṃ pavisitvā isipabbajjaṃ pabbajitvā abhiññā ca samāpattiyo ca uppādetvā jhānasukhena viharanto ‘‘ettakaṃ kālaṃ evarūpaṃ sukhaṃ nāma nālattha’’nti udānaṃ udānento imā gāthā āha –
127.
127.
‘‘пудтасса мз ан̃н̃ад̇арзна б̣яаад̇хинаа, рог̇зна б̣аал̣хам̣ д̣̇укид̇асса руббад̇о;
‘‘Phuṭṭhassa me aññatarena byādhinā, rogena bāḷhaṃ dukhitassa ruppato;
барисуссад̇и киббамид̣̇ам̣ гал̣зварам̣, бубпам̣ яат̇аа бам̣суни аад̇абз гад̇ам̣.
Parisussati khippamidaṃ kaḷevaraṃ, pupphaṃ yathā paṃsuni ātape kataṃ.
128.
128.
‘‘аж̇ан̃н̃ам̣ ж̇ан̃н̃асан̇каад̇ам̣, асужим̣ сужисаммад̇ам̣;
‘‘Ajaññaṃ jaññasaṅkhātaṃ, asuciṃ sucisammataṃ;
наанаагун̣абабарибуурам̣, ж̇ан̃н̃аруубам̣ абассад̇о.
Nānākuṇapaparipūraṃ, jaññarūpaṃ apassato.
129.
129.
‘‘д̇хирад̇т̇умам̣ аад̇урам̣ бууд̇игааяам̣, ж̇зг̇ужчияам̣ ассужим̣ б̣яаад̇хид̇хаммам̣;
‘‘Dhiratthumaṃ āturaṃ pūtikāyaṃ, jegucchiyaṃ assuciṃ byādhidhammaṃ;
яад̇т̇аббамад̇д̇аа ад̇химужчид̇аа баж̇аа, хаабзнд̇и маг̇г̇ам̣ суг̇ад̇уубабад̇д̇ияаа’’д̇и.
Yatthappamattā adhimucchitā pajā, hāpenti maggaṃ sugatūpapattiyā’’ti.
д̇ад̇т̇а ан̃н̃ад̇арзнаад̇и адтанавуд̇ияаа рог̇зсу згзна бан̣д̣урог̇аб̣яаад̇хинаа. рог̇знаад̇и руж̇ж̇анасабхаавад̇д̇аа звам̣лад̣̇д̇ханаамзна. руббад̇од̇и гхаддияамаанасса бийл̣ияамаанасса. бам̣суни аад̇абз гад̇анд̇и яат̇аа аад̇абз д̇ад̇д̇аваалигааяа табид̇ам̣ сукумабубпам̣ барисуссзяяа, звам̣ барисуссад̇ийд̇и ад̇т̇о.
Tattha aññatarenāti aṭṭhanavutiyā rogesu ekena paṇḍurogabyādhinā. Rogenāti rujjanasabhāvattā evaṃladdhanāmena. Ruppatoti ghaṭṭiyamānassa pīḷiyamānassa. Paṃsuni ātape katanti yathā ātape tattavālikāya ṭhapitaṃ sukhumapupphaṃ parisusseyya, evaṃ parisussatīti attho.
аж̇ан̃н̃ам̣ ж̇ан̃н̃асан̇каад̇анд̇и бадигуулам̣ аманаабамзва б̣аалаанам̣ манаабанд̇и сан̇кам̣ г̇ад̇ам̣. наанаагун̣абабарибууранд̇и гзсаад̣̇ийхи д̣̇вад̇д̇им̣сааяа гун̣абзхи барибун̣н̣ам̣ . ж̇ан̃н̃аруубам̣ абассад̇од̇и абассанд̇асса анд̇хаб̣аалабут̇уж̇ж̇анасса манаабам̣ саад̇хуруубам̣ барибхог̇асабхаавам̣ худ̇ваа убадтаад̇и, ‘‘агкимхаа агкиг̇уут̇аго’’д̇иаад̣̇инаа наязна багаасид̇о асубхасабхааво б̣аалаанам̣ на убадтаад̇и.
Ajaññaṃ jaññasaṅkhātanti paṭikūlaṃ amanāpameva bālānaṃ manāpanti saṅkhaṃ gataṃ. Nānākuṇapaparipūranti kesādīhi dvattiṃsāya kuṇapehi paripuṇṇaṃ . Jaññarūpaṃ apassatoti apassantassa andhabālaputhujjanassa manāpaṃ sādhurūpaṃ paribhogasabhāvaṃ hutvā upaṭṭhāti, ‘‘akkhimhā akkhigūthako’’tiādinā nayena pakāsito asubhasabhāvo bālānaṃ na upaṭṭhāti.
аад̇уранд̇и нижжаг̇илаанам̣. ад̇химужчид̇аад̇и гилзсамужчааяа ад̇ивияа мужчид̇аа. баж̇аад̇и анд̇хаб̣аалабут̇уж̇ж̇анаа. хаабзнд̇и маг̇г̇ам̣ суг̇ад̇уубабад̇д̇ияаад̇и имасмим̣ бууд̇игааяз лаг̇г̇аа лаг̇г̇ид̇аа худ̇ваа абааяамаг̇г̇ам̣ буурзнд̇аа д̣̇звамануссабхзд̣̇ааяа суг̇ад̇иубабад̇д̇ияаа маг̇г̇ам̣ барихаабзнд̇и.
Āturanti niccagilānaṃ. Adhimucchitāti kilesamucchāya ativiya mucchitā. Pajāti andhabālaputhujjanā. Hāpenti maggaṃ sugatūpapattiyāti imasmiṃ pūtikāye laggā laggitā hutvā apāyamaggaṃ pūrentā devamanussabhedāya sugatiupapattiyā maggaṃ parihāpenti.
ид̇и махаасад̇д̇о наанаббагаарзна асужибхааван̃жа нижжаад̇урабхааван̃жа бариг̇г̇ан̣ханд̇о гааяз ниб̣б̣инд̣̇ид̇ваа яааваж̇ийвам̣ жад̇д̇ааро б̣рахмавихаарз бхаавзд̇ваа б̣рахмалогабарааяан̣о ахоси.
Iti mahāsatto nānappakārena asucibhāvañca niccāturabhāvañca pariggaṇhanto kāye nibbinditvā yāvajīvaṃ cattāro brahmavihāre bhāvetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз б̣ахуж̇анаа сод̇аабад̇д̇ипалаад̣̇ийни баабун̣им̣су. ‘‘д̇ад̣̇аа д̇аабасо ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne bahujanā sotāpattiphalādīni pāpuṇiṃsu. ‘‘Tadā tāpaso ahameva ahosi’’nti.
гааяаниб̣б̣инд̣̇аж̇аад̇агаван̣н̣анаа д̇ад̇ияаа.
Kāyanibbindajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 293. гааяаниб̣б̣инд̣̇аж̇аад̇агам̣ • 293. Kāyanibbindajātakaṃ
