| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੨. ਕਾਯਸਂਸਗ੍ਗਸਿਕ੍ਖਾਪਦਂ
2. Kāyasaṃsaggasikkhāpadaṃ
੨੬੯. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਦਾਯੀ ਅਰਞ੍ਞੇ વਿਹਰਤਿ। ਤਸ੍ਸਾਯਸ੍ਮਤੋ વਿਹਾਰੋ ਅਭਿਰੂਪੋ ਹੋਤਿ ਦਸ੍ਸਨੀਯੋ ਪਾਸਾਦਿਕੋ, ਮਜ੍ਝੇਗਬ੍ਭੋ, ਸਮਨ੍ਤਾਪਰਿਯਾਗਾਰੋ, ਸੁਪਞ੍ਞਤ੍ਤਂ ਮਞ੍ਚਪੀਠਂ ਭਿਸਿਬਿਮ੍ਬੋਹਨਂ, ਪਾਨੀਯਂ ਪਰਿਭੋਜਨੀਯਂ ਸੁਪਟ੍ਠਿਤਂ, ਪਰਿવੇਣਂ ਸੁਸਮ੍ਮਟ੍ਠਂ। ਬਹੂ ਮਨੁਸ੍ਸਾ ਆਯਸ੍ਮਤੋ ਉਦਾਯਿਸ੍ਸ વਿਹਾਰਪੇਕ੍ਖਕਾ ਆਗਚ੍ਛਨ੍ਤਿ। ਅਞ੍ਞਤਰੋਪਿ ਬ੍ਰਾਹ੍ਮਣੋ ਸਪਜਾਪਤਿਕੋ ਯੇਨਾਯਸ੍ਮਾ ਉਦਾਯੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਉਦਾਯਿਂ ਏਤਦવੋਚ – ‘‘ਇਚ੍ਛਾਮ ਮਯਂ ਭੋਤੋ ਉਦਾਯਿਸ੍ਸ વਿਹਾਰਂ ਪੇਕ੍ਖਿਤੁ’’ਨ੍ਤਿ। ‘‘ਤੇਨ ਹਿ, ਬ੍ਰਾਹ੍ਮਣ, ਪੇਕ੍ਖਸ੍ਸੂ’’ਤਿ, ਅવਾਪੁਰਣਂ 1 ਆਦਾਯ ਘਟਿਕਂ ਉਗ੍ਘਾਟੇਤ੍વਾ ਕવਾਟਂ ਪਣਾਮੇਤ੍વਾ વਿਹਾਰਂ ਪਾવਿਸਿ। ਸੋਪਿ ਖੋ ਬ੍ਰਾਹ੍ਮਣੋ ਆਯਸ੍ਮਤੋ ਉਦਾਯਿਸ੍ਸ ਪਿਟ੍ਠਿਤੋ ਪਾવਿਸਿ। ਸਾਪਿ ਖੋ ਬ੍ਰਾਹ੍ਮਣੀ ਤਸ੍ਸ ਬ੍ਰਾਹ੍ਮਣਸ੍ਸ ਪਿਟ੍ਠਿਤੋ ਪਾવਿਸਿ। ਅਥ ਖੋ ਆਯਸ੍ਮਾ ਉਦਾਯੀ ਏਕਚ੍ਚੇ વਾਤਪਾਨੇ વਿવਰਨ੍ਤੋ ਏਕਚ੍ਚੇ વਾਤਪਾਨੇ ਥਕੇਨ੍ਤੋ ਗਬ੍ਭਂ ਅਨੁਪਰਿਗਨ੍ਤ੍વਾ ਪਿਟ੍ਠਿਤੋ ਆਗਨ੍ਤ੍વਾ ਤਸ੍ਸਾ ਬ੍ਰਾਹ੍ਮਣਿਯਾ ਅਙ੍ਗਮਙ੍ਗਾਨਿ ਪਰਾਮਸਿ। ਅਥ ਖੋ ਸੋ ਬ੍ਰਾਹ੍ਮਣੋ ਆਯਸ੍ਮਤਾ ਉਦਾਯਿਨਾ ਸਦ੍ਧਿਂ ਪਟਿਸਮ੍ਮੋਦਿਤ੍વਾ ਅਗਮਾਸਿ। ਅਥ ਖੋ ਸੋ ਬ੍ਰਾਹ੍ਮਣੋ ਅਤ੍ਤਮਨੋ ਅਤ੍ਤਮਨવਾਚਂ ਨਿਚ੍ਛਾਰੇਸਿ – ‘‘ਉਲ਼ਾਰਾ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਯੇ ਇਮੇ ਏવਰੂਪੇ ਅਰਞ੍ਞੇ વਿਹਰਨ੍ਤਿ। ਭવਮ੍ਪਿ ਉਦਾਯੀ ਉਲ਼ਾਰੋ ਯੋ ਏવਰੂਪੇ ਅਰਞ੍ਞੇ વਿਹਰਤੀ’’ਤਿ।
269. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā udāyī araññe viharati. Tassāyasmato vihāro abhirūpo hoti dassanīyo pāsādiko, majjhegabbho, samantāpariyāgāro, supaññattaṃ mañcapīṭhaṃ bhisibimbohanaṃ, pānīyaṃ paribhojanīyaṃ supaṭṭhitaṃ, pariveṇaṃ susammaṭṭhaṃ. Bahū manussā āyasmato udāyissa vihārapekkhakā āgacchanti. Aññataropi brāhmaṇo sapajāpatiko yenāyasmā udāyī tenupasaṅkami; upasaṅkamitvā āyasmantaṃ udāyiṃ etadavoca – ‘‘icchāma mayaṃ bhoto udāyissa vihāraṃ pekkhitu’’nti. ‘‘Tena hi, brāhmaṇa, pekkhassū’’ti, avāpuraṇaṃ 2 ādāya ghaṭikaṃ ugghāṭetvā kavāṭaṃ paṇāmetvā vihāraṃ pāvisi. Sopi kho brāhmaṇo āyasmato udāyissa piṭṭhito pāvisi. Sāpi kho brāhmaṇī tassa brāhmaṇassa piṭṭhito pāvisi. Atha kho āyasmā udāyī ekacce vātapāne vivaranto ekacce vātapāne thakento gabbhaṃ anuparigantvā piṭṭhito āgantvā tassā brāhmaṇiyā aṅgamaṅgāni parāmasi. Atha kho so brāhmaṇo āyasmatā udāyinā saddhiṃ paṭisammoditvā agamāsi. Atha kho so brāhmaṇo attamano attamanavācaṃ nicchāresi – ‘‘uḷārā ime samaṇā sakyaputtiyā ye ime evarūpe araññe viharanti. Bhavampi udāyī uḷāro yo evarūpe araññe viharatī’’ti.
ਏવਂ વੁਤ੍ਤੇ ਸਾ ਬ੍ਰਾਹ੍ਮਣੀ ਤਂ ਬ੍ਰਾਹ੍ਮਣਂ ਏਤਦવੋਚ – ‘‘ਕੁਤੋ ਤਸ੍ਸ ਉਲ਼ਾਰਤ੍ਤਤਾ! ਯਥੇવ ਮੇ ਤ੍વਂ ਅਙ੍ਗਮਙ੍ਗਾਨਿ ਪਰਾਮਸਿ ਏવਮੇવ ਮੇ ਸਮਣੋ ਉਦਾਯੀ ਅਙ੍ਗਮਙ੍ਗਾਨਿ ਪਰਾਮਸੀ’’ਤਿ। ਅਥ ਖੋ ਸੋ ਬ੍ਰਾਹ੍ਮਣੋ ਉਜ੍ਝਾਯਤਿ ਖਿਯ੍ਯਤਿ વਿਪਾਚੇਤਿ – ‘‘ਅਲਜ੍ਜਿਨੋ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਦੁਸ੍ਸੀਲਾ ਮੁਸਾવਾਦਿਨੋ। ਇਮੇ ਹਿ ਨਾਮ ਧਮ੍ਮਚਾਰਿਨੋ ਸਮਚਾਰਿਨੋ ਬ੍ਰਹ੍ਮਚਾਰਿਨੋ ਸਚ੍ਚવਾਦਿਨੋ ਸੀਲવਨ੍ਤੋ ਕਲ੍ਯਾਣਧਮ੍ਮਾ ਪਟਿਜਾਨਿਸ੍ਸਨ੍ਤਿ! ਨਤ੍ਥਿ ਇਮੇਸਂ ਸਾਮਞ੍ਞਂ ਨਤ੍ਥਿ ਇਮੇਸਂ ਬ੍ਰਹ੍ਮਞ੍ਞਂ, ਨਟ੍ਠਂ ਇਮੇਸਂ ਸਾਮਞ੍ਞਂ ਨਟ੍ਠਂ ਇਮੇਸਂ ਬ੍ਰਹ੍ਮਞ੍ਞਂ, ਕੁਤੋ ਇਮੇਸਂ ਸਾਮਞ੍ਞਂ ਕੁਤੋ ਇਮੇਸਂ ਬ੍ਰਹ੍ਮਞ੍ਞਂ, ਅਪਗਤਾ ਇਮੇ ਸਾਮਞ੍ਞਾ ਅਪਗਤਾ ਇਮੇ ਬ੍ਰਹ੍ਮਞ੍ਞਾ। ਕਥਞ੍ਹਿ ਨਾਮ ਸਮਣੋ ਉਦਾਯੀ ਮਮ ਭਰਿਯਾਯ ਅਙ੍ਗਮਙ੍ਗਾਨਿ ਪਰਾਮਸਿਸ੍ਸਤਿ! ਨ ਹਿ ਸਕ੍ਕਾ ਕੁਲਿਤ੍ਥੀਹਿ ਕੁਲਧੀਤਾਹਿ ਕੁਲਕੁਮਾਰੀਹਿ ਕੁਲਸੁਣ੍ਹਾਹਿ ਕੁਲਦਾਸੀਹਿ ਆਰਾਮਂ વਾ વਿਹਾਰਂ વਾ ਗਨ੍ਤੁਂ। ਸਚੇ 3 ਕੁਲਿਤ੍ਥਿਯੋ ਕੁਲਧੀਤਰੋ 4 ਕੁਲਕੁਮਾਰਿਯੋ ਕੁਲਸੁਣ੍ਹਾਯੋ ਕੁਲਦਾਸਿਯੋ ਆਰਾਮਂ વਾ વਿਹਾਰਂ વਾ ਗਚ੍ਛੇਯ੍ਯੁਂ, ਤਾਪਿ ਸਮਣਾ ਸਕ੍ਯਪੁਤ੍ਤਿਯਾ ਦੂਸੇਯ੍ਯੁ’’ਨ੍ਤਿ!
Evaṃ vutte sā brāhmaṇī taṃ brāhmaṇaṃ etadavoca – ‘‘kuto tassa uḷārattatā! Yatheva me tvaṃ aṅgamaṅgāni parāmasi evameva me samaṇo udāyī aṅgamaṅgāni parāmasī’’ti. Atha kho so brāhmaṇo ujjhāyati khiyyati vipāceti – ‘‘alajjino ime samaṇā sakyaputtiyā dussīlā musāvādino. Ime hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti! Natthi imesaṃ sāmaññaṃ natthi imesaṃ brahmaññaṃ, naṭṭhaṃ imesaṃ sāmaññaṃ naṭṭhaṃ imesaṃ brahmaññaṃ, kuto imesaṃ sāmaññaṃ kuto imesaṃ brahmaññaṃ, apagatā ime sāmaññā apagatā ime brahmaññā. Kathañhi nāma samaṇo udāyī mama bhariyāya aṅgamaṅgāni parāmasissati! Na hi sakkā kulitthīhi kuladhītāhi kulakumārīhi kulasuṇhāhi kuladāsīhi ārāmaṃ vā vihāraṃ vā gantuṃ. Sace 5 kulitthiyo kuladhītaro 6 kulakumāriyo kulasuṇhāyo kuladāsiyo ārāmaṃ vā vihāraṃ vā gaccheyyuṃ, tāpi samaṇā sakyaputtiyā dūseyyu’’nti!
ਅਸ੍ਸੋਸੁਂ ਖੋ ਭਿਕ੍ਖੁ ਤਸ੍ਸ ਬ੍ਰਾਹ੍ਮਣਸ੍ਸ ਉਜ੍ਝਾਯਨ੍ਤਸ੍ਸ ਖਿਯ੍ਯਨ੍ਤਸ੍ਸ વਿਪਾਚੇਨ੍ਤਸ੍ਸ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਦਾਯੀ ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਦਾਯਿਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍વਾ ਆਯਸ੍ਮਨ੍ਤਂ ਉਦਾਯਿਂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤ੍વਂ, ਉਦਾਯਿ, ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਸੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ – ‘‘ਅਨਨੁਚ੍ਛવਿਕਂ, ਮੋਘਪੁਰਿਸ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਿਸ੍ਸਸਿ! ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ વਿਰਾਗਾਯ ਧਮ੍ਮੋ ਦੇਸਿਤੋ ਨੋ ਸਰਾਗਾਯ…ਪੇ॰… ਕਾਮਪਰਿਲ਼ਾਹਾਨਂ વੂਪਸਮੋ ਅਕ੍ਖਾਤੋ। ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Assosuṃ kho bhikkhu tassa brāhmaṇassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī mātugāmena saddhiṃ kāyasaṃsaggaṃ samāpajjissatī’’ti! Atha kho te bhikkhū āyasmantaṃ udāyiṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ udāyiṃ paṭipucchi – ‘‘saccaṃ kira tvaṃ, udāyi, mātugāmena saddhiṃ kāyasaṃsaggaṃ samāpajjasī’’ti? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, mātugāmena saddhiṃ kāyasaṃsaggaṃ samāpajjissasi! Nanu mayā, moghapurisa, anekapariyāyena virāgāya dhammo desito no sarāgāya…pe… kāmapariḷāhānaṃ vūpasamo akkhāto. Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੨੭੦. ‘‘ਯੋ ਪਨ ਭਿਕ੍ਖੁ ਓਤਿਣ੍ਣੋ વਿਪਰਿਣਤੇਨ ਚਿਤ੍ਤੇਨ ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜੇਯ੍ਯ ਹਤ੍ਥਗ੍ਗਾਹਂ વਾ વੇਣਿਗ੍ਗਾਹਂ વਾ ਅਞ੍ਞਤਰਸ੍ਸ વਾ ਅਞ੍ਞਤਰਸ੍ਸ વਾ ਅਙ੍ਗਸ੍ਸ ਪਰਾਮਸਨਂ, ਸਙ੍ਘਾਦਿਸੇਸੋ’’ਤਿ।
270.‘‘Yo pana bhikkhu otiṇṇo vipariṇatena cittena mātugāmena saddhiṃ kāyasaṃsaggaṃ samāpajjeyya hatthaggāhaṃ vā veṇiggāhaṃ vā aññatarassa vā aññatarassa vā aṅgassa parāmasanaṃ, saṅghādiseso’’ti.
੨੭੧. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
271.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਓਤਿਣ੍ਣੋ ਨਾਮ ਸਾਰਤ੍ਤੋ ਅਪੇਕ੍ਖવਾ ਪਟਿਬਦ੍ਧਚਿਤ੍ਤੋ।
Otiṇṇo nāma sāratto apekkhavā paṭibaddhacitto.
વਿਪਰਿਣਤਨ੍ਤਿ ਰਤ੍ਤਮ੍ਪਿ ਚਿਤ੍ਤਂ વਿਪਰਿਣਤਂ। ਦੁਟ੍ਠਮ੍ਪਿ ਚਿਤ੍ਤਂ વਿਪਰਿਣਤਂ। ਮੂਲ਼੍ਹਮ੍ਪਿ ਚਿਤ੍ਤਂ વਿਪਰਿਣਤਂ। ਅਪਿਚ, ਰਤ੍ਤਂ ਚਿਤ੍ਤਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਂ વਿਪਰਿਣਤਨ੍ਤਿ।
Vipariṇatanti rattampi cittaṃ vipariṇataṃ. Duṭṭhampi cittaṃ vipariṇataṃ. Mūḷhampi cittaṃ vipariṇataṃ. Apica, rattaṃ cittaṃ imasmiṃ atthe adhippetaṃ vipariṇatanti.
ਮਾਤੁਗਾਮੋ ਨਾਮ ਮਨੁਸ੍ਸਿਤ੍ਥੀ, ਨ ਯਕ੍ਖੀ ਨ ਪੇਤੀ, ਨ ਤਿਰਚ੍ਛਾਨਗਤਾ। ਅਨ੍ਤਮਸੋ ਤਦਹੁਜਾਤਾਪਿ ਦਾਰਿਕਾ, ਪਗੇવ ਮਹਤ੍ਤਰੀ।
Mātugāmo nāma manussitthī, na yakkhī na petī, na tiracchānagatā. Antamaso tadahujātāpi dārikā, pageva mahattarī.
ਸਦ੍ਧਿਨ੍ਤਿ ਏਕਤੋ।
Saddhinti ekato.
ਕਾਯਸਂਸਗ੍ਗਂ ਸਮਾਪਜ੍ਜੇਯ੍ਯਾਤਿ ਅਜ੍ਝਾਚਾਰੋ વੁਚ੍ਚਤਿ।
Kāyasaṃsaggaṃsamāpajjeyyāti ajjhācāro vuccati.
ਹਤ੍ਥੋ ਨਾਮ ਕਪ੍ਪਰਂ ਉਪਾਦਾਯਂ ਯਾવ ਅਗ੍ਗਨਖਾ।
Hattho nāma kapparaṃ upādāyaṃ yāva agganakhā.
વੇਣੀ ਨਾਮ ਸੁਦ੍ਧਕੇਸਾ વਾ, ਸੁਤ੍ਤਮਿਸ੍ਸਾ વਾ, ਮਾਲਾਮਿਸ੍ਸਾ વਾ, ਹਿਰਞ੍ਞਮਿਸ੍ਸਾ વਾ, ਸੁવਣ੍ਣਮਿਸ੍ਸਾ વਾ, ਮੁਤ੍ਤਾਮਿਸ੍ਸਾ વਾ, ਮਣਿਮਿਸ੍ਸਾ વਾ।
Veṇī nāma suddhakesā vā, suttamissā vā, mālāmissā vā, hiraññamissā vā, suvaṇṇamissā vā, muttāmissā vā, maṇimissā vā.
ਅਙ੍ਗਂ ਨਾਮ ਹਤ੍ਥਞ੍ਚ વੇਣਿਞ੍ਚ ਠਪੇਤ੍વਾ ਅવਸੇਸਂ ਅਙ੍ਗਂ ਨਾਮ।
Aṅgaṃ nāma hatthañca veṇiñca ṭhapetvā avasesaṃ aṅgaṃ nāma.
੨੭੨. ਆਮਸਨਾ , ਪਰਾਮਸਨਾ, ਓਮਸਨਾ, ਉਮ੍ਮਸਨਾ, ਓਲਙ੍ਘਨਾ, ਉਲ੍ਲਙ੍ਘਨਾ, ਆਕਡ੍ਢਨਾ, ਪਤਿਕਡ੍ਢਨਾ, ਅਭਿਨਿਗ੍ਗਣ੍ਹਨਾ, ਅਭਿਨਿਪ੍ਪੀਲ਼ਨਾ, ਗਹਣਂ, ਛੁਪਨਂ।
272. Āmasanā , parāmasanā, omasanā, ummasanā, olaṅghanā, ullaṅghanā, ākaḍḍhanā, patikaḍḍhanā, abhiniggaṇhanā, abhinippīḷanā, gahaṇaṃ, chupanaṃ.
ਆਮਸਨਾ ਨਾਮ ਆਮਟ੍ਠਮਤ੍ਤਾ।
Āmasanā nāma āmaṭṭhamattā.
ਪਰਾਮਸਨਾ ਨਾਮ ਇਤੋਚਿਤੋ ਚ ਸਂਚੋਪਨਾ।
Parāmasanā nāma itocito ca saṃcopanā.
ਓਮਸਨਾ ਨਾਮ ਹੇਟ੍ਠਾ ਓਰੋਪਨਾ।
Omasanā nāma heṭṭhā oropanā.
ਉਮ੍ਮਸਨਾ ਨਾਮ ਉਦ੍ਧਂ ਉਚ੍ਚਾਰਣਾ।
Ummasanā nāma uddhaṃ uccāraṇā.
ਓਲਙ੍ਘਨਾ ਨਾਮ ਹੇਟ੍ਠਾ ਓਨਮਨਾ।
Olaṅghanā nāma heṭṭhā onamanā.
ਉਲ੍ਲਙ੍ਘਨਾ ਨਾਮ ਉਦ੍ਧਂ ਉਚ੍ਚਾਰਣਾ।
Ullaṅghanā nāma uddhaṃ uccāraṇā.
ਪਤਿਕਡ੍ਢਨਾ ਨਾਮ ਪਤਿਪ੍ਪਣਾਮਨਾ।
Patikaḍḍhanā nāma patippaṇāmanā.
ਅਭਿਨਿਗ੍ਗਣ੍ਹਨਾ ਨਾਮ ਅਙ੍ਗਂ ਗਹੇਤ੍વਾ ਨਿਪ੍ਪੀਲ਼ਨਾ।
Abhiniggaṇhanā nāma aṅgaṃ gahetvā nippīḷanā.
ਅਭਿਨਿਪ੍ਪੀਲ਼ਨਾ ਨਾਮ ਕੇਨਚਿ ਸਹ ਨਿਪ੍ਪੀਲ਼ਨਾ।
Abhinippīḷanā nāma kenaci saha nippīḷanā.
ਗਹਣਂ ਨਾਮ ਗਹਿਤਮਤ੍ਤਂ।
Gahaṇaṃ nāma gahitamattaṃ.
ਛੁਪਨਂ ਨਾਮ ਫੁਟ੍ਠਮਤ੍ਤਂ।
Chupanaṃ nāma phuṭṭhamattaṃ.
ਸਙ੍ਘਾਦਿਸੇਸੋਤਿ…ਪੇ॰… ਤੇਨਪਿ વੁਚ੍ਚਤਿ ਸਙ੍ਘਾਦਿਸੇਸੋਤਿ।
Saṅghādisesoti…pe… tenapi vuccati saṅghādisesoti.
੨੭੩. ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ ਭਿਕ੍ਖੁ ਚ। ਨਂ ਇਤ੍ਥਿਯਾ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ ਓਮਸਤਿ ਉਮ੍ਮਸਤਿ ਓਲਙ੍ਘੇਤਿ ਉਲ੍ਲਙ੍ਘੇਤਿ ਆਕਡ੍ਢਤਿ ਪਤਿਕਡ੍ਢਤਿ ਅਭਿਨਿਗ੍ਗਣ੍ਹਾਤਿ ਅਭਿਨਿਪ੍ਪੀਲ਼ੇਤਿ ਗਣ੍ਹਾਤਿ ਛੁਪਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
273. Itthī ca hoti itthisaññī sāratto ca bhikkhu ca. Naṃ itthiyā kāyena kāyaṃ āmasati parāmasati omasati ummasati olaṅgheti ullaṅgheti ākaḍḍhati patikaḍḍhati abhiniggaṇhāti abhinippīḷeti gaṇhāti chupati, āpatti saṅghādisesassa.
ਇਤ੍ਥੀ ਚ ਹੋਤਿ વੇਮਤਿਕੋ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
Itthī ca hoti vematiko sāratto ca. Bhikkhu ca naṃ itthiyā kāyena kāyaṃ āmasati parāmasati…pe… gaṇhāti chupati, āpatti thullaccayassa.
ਇਤ੍ਥੀ ਚ ਹੋਤਿ ਪਣ੍ਡਕਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
Itthī ca hoti paṇḍakasaññī sāratto ca. Bhikkhu ca naṃ itthiyā kāyena kāyaṃ āmasati parāmasati…pe… gaṇhāti chupati, āpatti thullaccayassa.
ਇਤ੍ਥੀ ਚ ਹੋਤਿ ਪੁਰਿਸਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
Itthī ca hoti purisasaññī sāratto ca. Bhikkhu ca naṃ itthiyā kāyena kāyaṃ āmasati parāmasati…pe… gaṇhāti chupati, āpatti thullaccayassa.
ਇਤ੍ਥੀ ਚ ਹੋਤਿ ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
Itthī ca hoti tiracchānagatasaññī sāratto ca. Bhikkhu ca naṃ itthiyā kāyena kāyaṃ āmasati parāmasati…pe… gaṇhāti chupati, āpatti thullaccayassa.
ਪਣ੍ਡਕੋ ਚ ਹੋਤਿ ਪਣ੍ਡਕਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਪਣ੍ਡਕਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
Paṇḍako ca hoti paṇḍakasaññī sāratto ca. Bhikkhu ca naṃ paṇḍakassa kāyena kāyaṃ āmasati parāmasati…pe… gaṇhāti chupati, āpatti thullaccayassa.
ਪਣ੍ਡਕੋ ਚ ਹੋਤਿ વੇਮਤਿਕੋ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਪਣ੍ਡਕਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ।
Paṇḍako ca hoti vematiko sāratto ca. Bhikkhu ca naṃ paṇḍakassa kāyena kāyaṃ āmasati parāmasati…pe… gaṇhāti chupati, āpatti dukkaṭassa.
ਪਣ੍ਡਕੋ ਚ ਹੋਤਿ ਪੁਰਿਸਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਪਣ੍ਡਕਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ।
Paṇḍako ca hoti purisasaññī sāratto ca. Bhikkhu ca naṃ paṇḍakassa kāyena kāyaṃ āmasati parāmasati…pe… gaṇhāti chupati, āpatti dukkaṭassa.
ਪਣ੍ਡਕੋ ਚ ਹੋਤਿ ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਪਣ੍ਡਕਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ , ਆਪਤ੍ਤਿ ਦੁਕ੍ਕਟਸ੍ਸ।
Paṇḍako ca hoti tiracchānagatasaññī sāratto ca. Bhikkhu ca naṃ paṇḍakassa kāyena kāyaṃ āmasati parāmasati…pe… gaṇhāti chupati , āpatti dukkaṭassa.
ਪਣ੍ਡਕੋ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਪਣ੍ਡਕਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ।
Paṇḍako ca hoti itthisaññī sāratto ca. Bhikkhu ca naṃ paṇḍakassa kāyena kāyaṃ āmasati parāmasati…pe… gaṇhāti chupati, āpatti dukkaṭassa.
ਪੁਰਿਸੋ ਚ ਹੋਤਿ ਪੁਰਿਸਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਪੁਰਿਸਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ।
Puriso ca hoti purisasaññī sāratto ca. Bhikkhu ca naṃ purisassa kāyena kāyaṃ āmasati parāmasati…pe… gaṇhāti chupati, āpatti dukkaṭassa.
ਪੁਰਿਸੋ ਚ ਹੋਤਿ વੇਮਤਿਕੋ…ਪੇ॰… ਪੁਰਿਸੋ ਚ ਹੋਤਿ ਤਿਰਚ੍ਛਾਨਗਤਸਞ੍ਞੀ… ਪੁਰਿਸੋ ਚ ਹੋਤਿ ਇਤ੍ਥਿਸਞ੍ਞੀ… ਪੁਰਿਸੋ ਚ ਹੋਤਿ ਪਣ੍ਡਕਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਪੁਰਿਸਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ।
Puriso ca hoti vematiko…pe… puriso ca hoti tiracchānagatasaññī… puriso ca hoti itthisaññī… puriso ca hoti paṇḍakasaññī sāratto ca. Bhikkhu ca naṃ purisassa kāyena kāyaṃ āmasati parāmasati…pe… gaṇhāti chupati, āpatti dukkaṭassa.
ਤਿਰਚ੍ਛਾਨਗਤੋ ਚ ਹੋਤਿ ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਤਿਰਚ੍ਛਾਨਗਤਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ।
Tiracchānagato ca hoti tiracchānagatasaññī sāratto ca. Bhikkhu ca naṃ tiracchānagatassa kāyena kāyaṃ āmasati parāmasati…pe… gaṇhāti chupati, āpatti dukkaṭassa.
ਤਿਰਚ੍ਛਾਨਗਤੋ ਚ ਹੋਤਿ વੇਮਤਿਕੋ…ਪੇ॰… ਤਿਰਚ੍ਛਾਨਗਤੋ ਚ ਹੋਤਿ ਇਤ੍ਥਿਸਞ੍ਞੀ… ਤਿਰਚ੍ਛਾਨਗਤੋ ਚ ਹੋਤਿ ਪਣ੍ਡਕਸਞ੍ਞੀ… ਤਿਰਚ੍ਛਾਨਗਤੋ ਚ ਹੋਤਿ। ਪੁਰਿਸਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਤਿਰਚ੍ਛਾਨਗਤਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ।
Tiracchānagato ca hoti vematiko…pe… tiracchānagato ca hoti itthisaññī… tiracchānagato ca hoti paṇḍakasaññī… tiracchānagato ca hoti. Purisasaññī sāratto ca. Bhikkhu ca naṃ tiracchānagatassa kāyena kāyaṃ āmasati parāmasati…pe… gaṇhāti chupati, āpatti dukkaṭassa.
ਏਕਮੂਲਕਂ ਨਿਟ੍ਠਿਤਂ।
Ekamūlakaṃ niṭṭhitaṃ.
੨੭੪. ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਦ੍વਿਨ੍ਨਂ ਇਤ੍ਥੀਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਸਙ੍ਘਾਦਿਸੇਸਾਨਂ।
274. Dve itthiyo dvinnaṃ itthīnaṃ itthisaññī sāratto ca. Bhikkhu ca naṃ dvinnaṃ itthīnaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ saṅghādisesānaṃ.
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ વੇਮਤਿਕੋ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਦ੍વਿਨ੍ਨਂ ਇਤ੍ਥੀਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਥੁਲ੍ਲਚ੍ਚਯਾਨਂ।
Dve itthiyo dvinnaṃ itthīnaṃ vematiko sāratto ca. Bhikkhu ca naṃ dvinnaṃ itthīnaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ thullaccayānaṃ.
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਪਣ੍ਡਕਸਞ੍ਞੀ…ਪੇ॰… ਪੁਰਿਸਸਞ੍ਞੀ… ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਦ੍વਿਨ੍ਨਂ ਇਤ੍ਥੀਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਥੁਲ੍ਲਚ੍ਚਯਾਨਂ।
Dve itthiyo dvinnaṃ itthīnaṃ paṇḍakasaññī…pe… purisasaññī… tiracchānagatasaññī sāratto ca. Bhikkhu ca dvinnaṃ itthīnaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ thullaccayānaṃ.
ਦ੍વੇ ਪਣ੍ਡਕਾ ਦ੍વਿਨ੍ਨਂ ਪਣ੍ਡਕਾਨਂ ਪਣ੍ਡਕਸਞ੍ਞੀ ਸਾਰਤ੍ਤੋ ਚ ਭਿਕ੍ਖੁ ਚ ਨਂ ਦ੍વਿਨ੍ਨਂ ਪਣ੍ਡਕਾਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਥੁਲ੍ਲਚ੍ਚਯਾਨਂ।
Dve paṇḍakā dvinnaṃ paṇḍakānaṃ paṇḍakasaññī sāratto ca bhikkhu ca naṃ dvinnaṃ paṇḍakānaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ thullaccayānaṃ.
ਦ੍વੇ ਪਣ੍ਡਕਾ ਦ੍વਿਨ੍ਨਂ ਪਣ੍ਡਕਾਨਂ વੇਮਤਿਕੋ…ਪੇ॰… ਪੁਰਿਸਸਞ੍ਞੀ… ਤਿਰਚ੍ਛਾਨਗਤਸਞ੍ਞੀ… ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਦ੍વਿਨ੍ਨਂ ਪਣ੍ਡਕਾਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ।
Dve paṇḍakā dvinnaṃ paṇḍakānaṃ vematiko…pe… purisasaññī… tiracchānagatasaññī… itthisaññī sāratto ca. Bhikkhu ca naṃ dvinnaṃ paṇḍakānaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ dukkaṭānaṃ.
ਦ੍વੇ ਪੁਰਿਸਾ ਦ੍વਿਨ੍ਨਂ ਪੁਰਿਸਾਨਂ ਪੁਰਿਸਸਞ੍ਞੀ ਸਾਰਤ੍ਤੋ ਚ ਭਿਕ੍ਖੁ ਚ ਨਂ ਦ੍વਿਨ੍ਨਂ ਪੁਰਿਸਾਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ।
Dve purisā dvinnaṃ purisānaṃ purisasaññī sāratto ca bhikkhu ca naṃ dvinnaṃ purisānaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ dukkaṭānaṃ.
ਦ੍વੇ ਪੁਰਿਸਾ ਦ੍વਿਨ੍ਨਂ ਪੁਰਿਸਾਨਂ વੇਮਤਿਕੋ…ਪੇ॰… ਤਿਰਚ੍ਛਾਨਗਤਸਞ੍ਞੀ… ਇਤ੍ਥਿਸਞ੍ਞੀ… ਪਣ੍ਡਕਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਦ੍વਿਨ੍ਨਂ ਪੁਰਿਸਾਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ।
Dve purisā dvinnaṃ purisānaṃ vematiko…pe… tiracchānagatasaññī… itthisaññī… paṇḍakasaññī sāratto ca. Bhikkhu ca naṃ dvinnaṃ purisānaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ dukkaṭānaṃ.
ਦ੍વੇ ਤਿਰਚ੍ਛਾਨਗਤਾ ਦ੍વਿਨ੍ਨਂ ਤਿਰਚ੍ਛਾਨਗਤਾਨਂ ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਦ੍વਿਨ੍ਨਂ ਤਿਰਚ੍ਛਾਨਗਤਾਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ।
Dve tiracchānagatā dvinnaṃ tiracchānagatānaṃ tiracchānagatasaññī sāratto ca. Bhikkhu ca naṃ dvinnaṃ tiracchānagatānaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ dukkaṭānaṃ.
ਦ੍વੇ ਤਿਰਚ੍ਛਾਨਗਤਾ ਦ੍વਿਨ੍ਨਂ ਤਿਰਚ੍ਛਾਨਗਤਾਨਂ વੇਮਤਿਕੋ…ਪੇ॰… ਇਤ੍ਥਿਸਞ੍ਞੀ… ਪਣ੍ਡਕਸਞ੍ਞੀ … ਪੁਰਿਸਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਦ੍વਿਨ੍ਨਂ ਤਿਰਚ੍ਛਾਨਗਤਾਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ।
Dve tiracchānagatā dvinnaṃ tiracchānagatānaṃ vematiko…pe… itthisaññī… paṇḍakasaññī … purisasaññī sāratto ca. Bhikkhu ca naṃ dvinnaṃ tiracchānagatānaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ dukkaṭānaṃ.
੨੭੫. ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ।
275. Itthī ca paṇḍako ca ubhinnaṃ itthisaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti saṅghādisesena dukkaṭassa.
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ વੇਮਤਿਕੋ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ।
Itthī ca paṇḍako ca ubhinnaṃ vematiko sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti thullaccayena dukkaṭassa.
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਪਣ੍ਡਕਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਥੁਲ੍ਲਚ੍ਚਯਾਨਂ।
Itthī ca paṇḍako ca ubhinnaṃ paṇḍakasaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ thullaccayānaṃ.
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਪੁਰਿਸਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ।
Itthī ca paṇḍako ca ubhinnaṃ purisasaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti thullaccayena dukkaṭassa.
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ।
Itthī ca paṇḍako ca ubhinnaṃ tiracchānagatasaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti thullaccayena dukkaṭassa.
ਇਤ੍ਥੀ ਚ ਪੁਰਿਸੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ।
Itthī ca puriso ca ubhinnaṃ itthisaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti saṅghādisesena dukkaṭassa.
ਇਤ੍ਥੀ ਚ ਪੁਰਿਸੋ ਚ ਉਭਿਨ੍ਨਂ વੇਮਤਿਕੋ…ਪੇ॰… ਪਣ੍ਡਕਸਞ੍ਞੀ… ਪੁਰਿਸਸਞ੍ਞੀ… ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ।
Itthī ca puriso ca ubhinnaṃ vematiko…pe… paṇḍakasaññī… purisasaññī… tiracchānagatasaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti thullaccayena dukkaṭassa.
ਇਤ੍ਥੀ ਚ ਤਿਰਚ੍ਛਾਨਗਤੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ।
Itthī ca tiracchānagato ca ubhinnaṃ itthisaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti saṅghādisesena dukkaṭassa.
ਇਤ੍ਥੀ ਚ ਤਿਰਚ੍ਛਾਨਗਤੋ ਚ ਉਭਿਨ੍ਨਂ વੇਮਤਿਕੋ…ਪੇ॰… ਪਣ੍ਡਕਸਞ੍ਞੀ… ਪੁਰਿਸਸਞ੍ਞੀ … ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ।
Itthī ca tiracchānagato ca ubhinnaṃ vematiko…pe… paṇḍakasaññī… purisasaññī … tiracchānagatasaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti thullaccayena dukkaṭassa.
ਪਣ੍ਡਕੋ ਚ ਪੁਰਿਸੋ ਚ ਉਭਿਨ੍ਨਂ ਪਣ੍ਡਕਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ।
Paṇḍako ca puriso ca ubhinnaṃ paṇḍakasaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti thullaccayena dukkaṭassa.
ਪਣ੍ਡਕੋ ਚ ਪੁਰਿਸੋ ਚ ਉਭਿਨ੍ਨਂ વੇਮਤਿਕੋ…ਪੇ॰… ਪੁਰਿਸਸਞ੍ਞੀ… ਤਿਰਚ੍ਛਾਨਗਤਸਞ੍ਞੀ… ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ।
Paṇḍako ca puriso ca ubhinnaṃ vematiko…pe… purisasaññī… tiracchānagatasaññī… itthisaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ dukkaṭānaṃ.
ਪਣ੍ਡਕੋ ਚ ਤਿਰਚ੍ਛਾਨਗਤੋ ਚ ਉਭਿਨ੍ਨਂ ਪਣ੍ਡਕਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ।
Paṇḍako ca tiracchānagato ca ubhinnaṃ paṇḍakasaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti thullaccayena dukkaṭassa.
ਪਣ੍ਡਕੋ ਚ ਤਿਰਚ੍ਛਾਨਗਤੋ ਚ ਉਭਿਨ੍ਨਂ વੇਮਤਿਕੋ…ਪੇ॰… ਪੁਰਿਸਸਞ੍ਞੀ… ਤਿਰਚ੍ਛਾਨਗਤਸਞ੍ਞੀ… ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ।
Paṇḍako ca tiracchānagato ca ubhinnaṃ vematiko…pe… purisasaññī… tiracchānagatasaññī… itthisaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ dukkaṭānaṃ.
ਪੁਰਿਸੋ ਚ ਤਿਰਚ੍ਛਾਨਗਤੋ ਚ ਉਭਿਨ੍ਨਂ ਪੁਰਿਸਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ।
Puriso ca tiracchānagato ca ubhinnaṃ purisasaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ dukkaṭānaṃ.
ਪੁਰਿਸੋ ਚ ਤਿਰਚ੍ਛਾਨਗਤੋ ਚ ਉਭਿਨ੍ਨਂ વੇਮਤਿਕੋ…ਪੇ॰… ਤਿਰਚ੍ਛਾਨਗਤਸਞ੍ਞੀ… ਇਤ੍ਥਿਸਞ੍ਞੀ… ਪਣ੍ਡਕਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ।
Puriso ca tiracchānagato ca ubhinnaṃ vematiko…pe… tiracchānagatasaññī… itthisaññī… paṇḍakasaññī sāratto ca. Bhikkhu ca naṃ ubhinnaṃ kāyena kāyaṃ āmasati parāmasati…pe… gaṇhāti chupati, āpatti dvinnaṃ dukkaṭānaṃ.
ਦੁਮੂਲਕਂ ਨਿਟ੍ਠਿਤਂ।
Dumūlakaṃ niṭṭhitaṃ.
੨੭੬. ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ॰…।
276. Itthī ca hoti itthisaññī sāratto ca. Bhikkhu ca naṃ itthiyā kāyena kāyapaṭibaddhaṃ āmasati parāmasati…pe… gaṇhāti chupati, āpatti thullaccayassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਦ੍વਿਨ੍ਨਂ ਇਤ੍ਥੀਨਂ ਕਾਯੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਥੁਲ੍ਲਚ੍ਚਯਾਨਂ …ਪੇ॰…।
Dve itthiyo dvinnaṃ itthīnaṃ itthisaññī sāratto ca. Bhikkhu ca naṃ dvinnaṃ itthīnaṃ kāyena kāyapaṭibaddhaṃ āmasati parāmasati…pe… gaṇhāti chupati, āpatti dvinnaṃ thullaccayānaṃ …pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Bhikkhu ca naṃ ubhinnaṃ kāyena kāyapaṭibaddhaṃ āmasati parāmasati…pe… gaṇhāti chupati, āpatti thullaccayena dukkaṭassa…pe….
ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯਪਟਿਬਦ੍ਧੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ॰…।
Itthī ca hoti itthisaññī sāratto ca. Bhikkhu ca naṃ itthiyā kāyapaṭibaddhena kāyaṃ āmasati parāmasati…pe… gaṇhāti chupati, āpatti thullaccayassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਦ੍વਿਨ੍ਨਂ ਇਤ੍ਥੀਨਂ ਕਾਯਪਟਿਬਦ੍ਧੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਥੁਲ੍ਲਚ੍ਚਯਾਨਂ…ਪੇ॰…।
Dve itthiyo dvinnaṃ itthīnaṃ itthisaññī sāratto ca. Bhikkhu ca naṃ dvinnaṃ itthīnaṃ kāyapaṭibaddhena kāyaṃ āmasati parāmasati…pe… gaṇhāti chupati, āpatti dvinnaṃ thullaccayānaṃ…pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯਪਟਿਬਦ੍ਧੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Bhikkhu ca naṃ ubhinnaṃ kāyapaṭibaddhena kāyaṃ āmasati parāmasati…pe… gaṇhāti chupati, āpatti thullaccayena dukkaṭassa…pe….
ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰…।
Itthī ca hoti itthisaññī sāratto ca. Bhikkhu ca naṃ itthiyā kāyapaṭibaddhena kāyapaṭibaddhaṃ āmasati parāmasati…pe… gaṇhāti chupati, āpatti dukkaṭassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਦ੍વਿਨ੍ਨਂ ਇਤ੍ਥੀਨਂ ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Dve itthiyo dvinnaṃ itthīnaṃ itthisaññī sāratto ca. Bhikkhu ca naṃ dvinnaṃ itthīnaṃ kāyapaṭibaddhena kāyapaṭibaddhaṃ āmasati parāmasati…pe… gaṇhāti chupati, āpatti dvinnaṃ dukkaṭānaṃ…pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Bhikkhu ca naṃ ubhinnaṃ kāyapaṭibaddhena kāyapaṭibaddhaṃ āmasati parāmasati…pe… gaṇhāti chupati, āpatti dvinnaṃ dukkaṭānaṃ…pe….
ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਇਤ੍ਥਿਯਾ ਨਿਸ੍ਸਗ੍ਗਿਯੇਨ ਕਾਯਂ ਆਮਸਤਿ ਆਪਤ੍ਤਿ ਦੁਕ੍ਕਟਸ੍ਸ…ਪੇ॰…।
Itthī ca hoti itthisaññī sāratto ca. Bhikkhu ca naṃ itthiyā nissaggiyena kāyaṃ āmasati āpatti dukkaṭassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਦ੍વਿਨ੍ਨਂ ਇਤ੍ਥੀਨਂ ਨਿਸ੍ਸਗ੍ਗਿਯੇਨ ਕਾਯਂ ਆਮਸਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Dve itthiyo dvinnaṃ itthīnaṃ itthisaññī sāratto ca. Bhikkhu ca naṃ dvinnaṃ itthīnaṃ nissaggiyena kāyaṃ āmasati, āpatti dvinnaṃ dukkaṭānaṃ…pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਨਿਸ੍ਸਗ੍ਗਿਯੇਨ ਕਾਯਂ ਆਮਸਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Bhikkhu ca naṃ ubhinnaṃ nissaggiyena kāyaṃ āmasati, āpatti dvinnaṃ dukkaṭānaṃ…pe….
ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਇਤ੍ਥਿਯਾ ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰…।
Itthī ca hoti itthisaññī sāratto ca. Bhikkhu ca naṃ itthiyā nissaggiyena kāyapaṭibaddhaṃ āmasati, āpatti dukkaṭassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਦ੍વਿਨ੍ਨਂ ਇਤ੍ਥੀਨਂ ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Dve itthiyo dvinnaṃ itthīnaṃ itthisaññī sāratto ca. Bhikkhu ca naṃ dvinnaṃ itthīnaṃ nissaggiyena kāyapaṭibaddhaṃ āmasati, āpatti dvinnaṃ dukkaṭānaṃ…pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Bhikkhu ca naṃ ubhinnaṃ nissaggiyena kāyapaṭibaddhaṃ āmasati, āpatti dvinnaṃ dukkaṭānaṃ…pe….
ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਇਤ੍ਥਿਯਾ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰…।
Itthī ca hoti itthisaññī sāratto ca. Bhikkhu ca naṃ itthiyā nissaggiyena nissaggiyaṃ āmasati, āpatti dukkaṭassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਦ੍વਿਨ੍ਨਂ ਇਤ੍ਥੀਨਂ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Dve itthiyo dvinnaṃ itthīnaṃ itthisaññī sāratto ca. Bhikkhu ca naṃ dvinnaṃ itthīnaṃ nissaggiyena nissaggiyaṃ āmasati, āpatti dvinnaṃ dukkaṭānaṃ…pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਭਿਕ੍ਖੁ ਚ ਨਂ ਉਭਿਨ੍ਨਂ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Bhikkhu ca naṃ ubhinnaṃ nissaggiyena nissaggiyaṃ āmasati, āpatti dvinnaṃ dukkaṭānaṃ…pe….
ਭਿਕ੍ਖੁਪੇਯ੍ਯਾਲੋ ਨਿਟ੍ਠਿਤੋ।
Bhikkhupeyyālo niṭṭhito.
੨੭੭. ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ ਓਮਸਤਿ ਉਮ੍ਮਸਤਿ ਓਲਙ੍ਘੇਤਿ ਉਲ੍ਲਙ੍ਘੇਤਿ ਆਕਡ੍ਢਤਿ ਪਤਿਕਡ੍ਢਤਿ ਅਭਿਨਿਗ੍ਗਣ੍ਹਾਤਿ ਅਭਿਨਿਪ੍ਪੀਲ਼ੇਤਿ ਗਣ੍ਹਾਤਿ ਛੁਪਤਿ, ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ॰…।
277. Itthī ca hoti itthisaññī sāratto ca. Itthī ca naṃ bhikkhussa kāyena kāyaṃ āmasati parāmasati omasati ummasati olaṅgheti ullaṅgheti ākaḍḍhati patikaḍḍhati abhiniggaṇhāti abhinippīḷeti gaṇhāti chupati, sevanādhippāyo kāyena vāyamati phassaṃ paṭivijānāti, āpatti saṅghādisesassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਕਾਯੇਨ ਕਾਯਂ ਆਮਸਨ੍ਤਿ ਪਰਾਮਸਨ੍ਤਿ ਓਮਸਨ੍ਤਿ ਉਮ੍ਮਸਨ੍ਤਿ ਓਲਙ੍ਘੇਨ੍ਤਿ ਉਲ੍ਲਙ੍ਘੇਨ੍ਤਿ ਆਕਡ੍ਢਨ੍ਤਿ ਪਤਿਕਡ੍ਢਨ੍ਤਿ ਅਭਿਨਿਗ੍ਗਣ੍ਹਨ੍ਤਿ ਅਭਿਨਿਪ੍ਪੀਲ਼ੇਨ੍ਤਿ ਗਣ੍ਹਨ੍ਤਿ ਛੁਪਨ੍ਤਿ, ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦ੍વਿਨ੍ਨਂ ਸਙ੍ਘਾਦਿਸੇਸਾਨਂ…ਪੇ॰…।
Dve itthiyo dvinnaṃ itthīnaṃ itthisaññī sāratto ca. Itthiyo ca naṃ bhikkhussa kāyena kāyaṃ āmasanti parāmasanti omasanti ummasanti olaṅghenti ullaṅghenti ākaḍḍhanti patikaḍḍhanti abhiniggaṇhanti abhinippīḷenti gaṇhanti chupanti, sevanādhippāyo kāyena vāyamati phassaṃ paṭivijānāti, āpatti dvinnaṃ saṅghādisesānaṃ…pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਉਭੋ ਚ ਨਂ ਭਿਕ੍ਖੁਸ੍ਸ ਕਾਯੇਨ ਕਾਯਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ॰… ਗਣ੍ਹਨ੍ਤਿ ਛੁਪਨ੍ਤਿ, ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Ubho ca naṃ bhikkhussa kāyena kāyaṃ āmasanti parāmasanti…pe… gaṇhanti chupanti, sevanādhippāyo kāyena vāyamati phassaṃ paṭivijānāti, āpatti saṅghādisesena dukkaṭassa…pe….
ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਕਾਯੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ॰…।
Itthī ca hoti itthisaññī sāratto ca. Itthī ca naṃ bhikkhussa kāyena kāyapaṭibaddhaṃ āmasati parāmasati…pe… gaṇhāti chupati, sevanādhippāyo kāyena vāyamati phassaṃ paṭivijānāti, āpatti thullaccayassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਕਾਯੇਨ ਕਾਯਪਟਿਬਦ੍ਧਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ॰… ਗਣ੍ਹਨ੍ਤਿ ਛੁਪਨ੍ਤਿ, ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦ੍વਿਨ੍ਨਂ ਥੁਲ੍ਲਚ੍ਚਯਾਨਂ…ਪੇ॰…।
Dve itthiyo dvinnaṃ itthīnaṃ itthisaññī sāratto ca. Itthiyo ca naṃ bhikkhussa kāyena kāyapaṭibaddhaṃ āmasanti parāmasanti…pe… gaṇhanti chupanti, sevanādhippāyo kāyena vāyamati phassaṃ paṭivijānāti, āpatti dvinnaṃ thullaccayānaṃ…pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਉਭੋ ਚ ਨਂ ਭਿਕ੍ਖੁਸ੍ਸ ਕਾਯੇਨ ਕਾਯਪਟਿਬਦ੍ਧਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ॰… ਗਣ੍ਹਨ੍ਤਿ ਛੁਪਨ੍ਤਿ, ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Ubho ca naṃ bhikkhussa kāyena kāyapaṭibaddhaṃ āmasanti parāmasanti…pe… gaṇhanti chupanti, sevanādhippāyo kāyena vāyamati phassaṃ paṭivijānāti, āpatti thullaccayena dukkaṭassa…pe….
ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਕਾਯਪਟਿਬਦ੍ਧੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ॰…।
Itthī ca hoti itthisaññī sāratto ca. Itthī ca naṃ bhikkhussa kāyapaṭibaddhena kāyaṃ āmasati parāmasati…pe… gaṇhāti chupati sevanādhippāyo kāyena vāyamati phassaṃ paṭivijānāti, āpatti thullaccayassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਕਾਯਪਟਿਬਦ੍ਧੇਨ ਕਾਯਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ॰… ਗਣ੍ਹਨ੍ਤਿ ਛੁਪਨ੍ਤਿ, ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦ੍વਿਨ੍ਨਂ ਥੁਲ੍ਲਚ੍ਚਯਾਨਂ…ਪੇ॰…।
Dve itthiyo dvinnaṃ itthīnaṃ itthisaññī sāratto ca. Itthiyo ca naṃ bhikkhussa kāyapaṭibaddhena kāyaṃ āmasanti parāmasanti…pe… gaṇhanti chupanti, sevanādhippāyo kāyena vāyamati phassaṃ paṭivijānāti, āpatti dvinnaṃ thullaccayānaṃ…pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਉਭੋ ਚ ਨਂ ਭਿਕ੍ਖੁਸ੍ਸ ਕਾਯਪਟਿਬਦ੍ਧੇਨ ਕਾਯਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ॰… ਗਣ੍ਹਨ੍ਤਿ ਛੁਪਨ੍ਤਿ, ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Ubho ca naṃ bhikkhussa kāyapaṭibaddhena kāyaṃ āmasanti parāmasanti…pe… gaṇhanti chupanti, sevanādhippāyo kāyena vāyamati phassaṃ paṭivijānāti, āpatti thullaccayena dukkaṭassa…pe….
੨੭੮. ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ॰… ਗਣ੍ਹਾਤਿ ਛੁਪਤਿ, ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰…।
278. Itthī ca hoti itthisaññī sāratto ca. Itthī ca naṃ bhikkhussa kāyapaṭibaddhena kāyapaṭibaddhaṃ āmasati parāmasati…pe… gaṇhāti chupati, sevanādhippāyo kāyena vāyamati phassaṃ paṭivijānāti, āpatti dukkaṭassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ॰… ਗਣ੍ਹਨ੍ਤਿ ਛੁਪਨ੍ਤਿ, ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Dve itthiyo dvinnaṃ itthīnaṃ itthisaññī sāratto ca. Itthiyo ca naṃ bhikkhussa kāyapaṭibaddhena kāyapaṭibaddhaṃ āmasanti parāmasanti…pe… gaṇhanti chupanti, sevanādhippāyo kāyena vāyamati phassaṃ paṭivijānāti, āpatti dvinnaṃ dukkaṭānaṃ…pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਉਭੋ ਚ ਨਂ ਭਿਕ੍ਖੁਸ੍ਸ ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ॰… ਗਣ੍ਹਨ੍ਤਿ ਛੁਪਨ੍ਤਿ, ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Ubho ca naṃ bhikkhussa kāyapaṭibaddhena kāyapaṭibaddhaṃ āmasanti parāmasanti…pe… gaṇhanti chupanti, sevanādhippāyo kāyena vāyamati phassaṃ paṭivijānāti, āpatti dvinnaṃ dukkaṭānaṃ…pe….
ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਕਾਯਂ ਆਮਸਤਿ। ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰…।
Itthī ca hoti itthisaññī sāratto ca. Itthī ca naṃ bhikkhussa nissaggiyena kāyaṃ āmasati. Sevanādhippāyo kāyena vāyamati phassaṃ paṭivijānāti, āpatti dukkaṭassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਕਾਯਂ ਆਮਸਨ੍ਤਿ। ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Dve itthiyo dvinnaṃ itthīnaṃ itthisaññī sāratto ca. Itthiyo ca naṃ bhikkhussa nissaggiyena kāyaṃ āmasanti. Sevanādhippāyo kāyena vāyamati phassaṃ paṭivijānāti, āpatti dvinnaṃ dukkaṭānaṃ…pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਉਭੋ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਕਾਯਂ ਆਮਸਨ੍ਤਿ। ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Ubho ca naṃ bhikkhussa nissaggiyena kāyaṃ āmasanti. Sevanādhippāyo kāyena vāyamati phassaṃ paṭivijānāti, āpatti dvinnaṃ dukkaṭānaṃ…pe….
ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਤਿ। ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰…।
Itthī ca hoti itthisaññī sāratto ca. Itthī ca naṃ bhikkhussa nissaggiyena kāyapaṭibaddhaṃ āmasati. Sevanādhippāyo kāyena vāyamati phassaṃ paṭivijānāti, āpatti dukkaṭassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਨ੍ਤਿ। ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Dve itthiyo dvinnaṃ itthīnaṃ itthisaññī sāratto ca. Itthiyo ca naṃ bhikkhussa nissaggiyena kāyapaṭibaddhaṃ āmasanti. Sevanādhippāyo kāyena vāyamati phassaṃ paṭivijānāti, āpatti dvinnaṃ dukkaṭānaṃ…pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਉਭੋ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਨ੍ਤਿ। ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Ubho ca naṃ bhikkhussa nissaggiyena kāyapaṭibaddhaṃ āmasanti. Sevanādhippāyo kāyena vāyamati phassaṃ paṭivijānāti, āpatti dvinnaṃ dukkaṭānaṃ…pe….
ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਤਿ। ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ, ਨ ਚ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰…।
Itthī ca hoti itthisaññī sāratto ca. Itthī ca naṃ bhikkhussa nissaggiyena nissaggiyaṃ āmasati. Sevanādhippāyo kāyena vāyamati, na ca phassaṃ paṭivijānāti, āpatti dukkaṭassa…pe….
ਦ੍વੇ ਇਤ੍ਥਿਯੋ ਦ੍વਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਨ੍ਤਿ। ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ, ਨ ਚ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Dve itthiyo dvinnaṃ itthīnaṃ itthisaññī sāratto ca. Itthiyo ca naṃ bhikkhussa nissaggiyena nissaggiyaṃ āmasanti. Sevanādhippāyo kāyena vāyamati, na ca phassaṃ paṭivijānāti, āpatti dvinnaṃ dukkaṭānaṃ…pe….
ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ। ਉਭੋ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਨ੍ਤਿ। ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ, ਨ ਚ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰…।
Itthī ca paṇḍako ca ubhinnaṃ itthisaññī sāratto ca. Ubho ca naṃ bhikkhussa nissaggiyena nissaggiyaṃ āmasanti. Sevanādhippāyo kāyena vāyamati, na ca phassaṃ paṭivijānāti, āpatti dvinnaṃ dukkaṭānaṃ…pe….
੨੭੯. ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
279. Sevanādhippāyo kāyena vāyamati phassaṃ paṭivijānāti, āpatti saṅghādisesassa.
ਸੇવਨਾਧਿਪ੍ਪਾਯੋ ਕਾਯੇਨ વਾਯਮਤਿ, ਨ ਚ ਫਸ੍ਸਂ ਪਟਿવਿਜਾਨਾਤਿ, ਆਪਤ੍ਤਿ ਦੁਕ੍ਕਟਸ੍ਸ।
Sevanādhippāyo kāyena vāyamati, na ca phassaṃ paṭivijānāti, āpatti dukkaṭassa.
ਸੇવਨਾਧਿਪ੍ਪਾਯੋ ਨ ਚ ਕਾਯੇਨ વਾਯਮਤਿ, ਫਸ੍ਸਂ ਪਟਿવਿਜਾਨਾਤਿ, ਅਨਾਪਤ੍ਤਿ।
Sevanādhippāyo na ca kāyena vāyamati, phassaṃ paṭivijānāti, anāpatti.
ਸੇવਨਾਧਿਪ੍ਪਾਯੋ ਨ ਚ ਕਾਯੇਨ વਾਯਮਤਿ, ਨ ਚ ਫਸ੍ਸਂ ਪਟਿવਿਜਾਨਾਤਿ, ਅਨਾਪਤ੍ਤਿ।
Sevanādhippāyo na ca kāyena vāyamati, na ca phassaṃ paṭivijānāti, anāpatti.
ਮੋਕ੍ਖਾਧਿਪ੍ਪਾਯੋ ਕਾਯੇਨ વਾਯਮਤਿ, ਫਸ੍ਸਂ ਪਟਿવਿਜਾਨਾਤਿ, ਅਨਾਪਤ੍ਤਿ।
Mokkhādhippāyo kāyena vāyamati, phassaṃ paṭivijānāti, anāpatti.
ਮੋਕ੍ਖਾਧਿਪ੍ਪਾਯੋ ਕਾਯੇਨ વਾਯਮਤਿ, ਨ ਚ ਫਸ੍ਸਂ ਪਟਿવਿਜਾਨਾਤਿ , ਅਨਾਪਤ੍ਤਿ।
Mokkhādhippāyo kāyena vāyamati, na ca phassaṃ paṭivijānāti , anāpatti.
ਮੋਕ੍ਖਾਧਿਪ੍ਪਾਯੋ ਨ ਚ ਕਾਯੇਨ વਾਯਮਤਿ, ਫਸ੍ਸਂ ਪਟਿવਿਜਾਨਾਤਿ, ਅਨਾਪਤ੍ਤਿ।
Mokkhādhippāyo na ca kāyena vāyamati, phassaṃ paṭivijānāti, anāpatti.
ਮੋਕ੍ਖਾਧਿਪ੍ਪਾਯੋ ਨ ਚ ਕਾਯੇਨ વਾਯਮਤਿ, ਨ ਚ ਫਸ੍ਸਂ ਪਟਿવਿਜਾਨਾਤਿ, ਅਨਾਪਤ੍ਤਿ।
Mokkhādhippāyo na ca kāyena vāyamati, na ca phassaṃ paṭivijānāti, anāpatti.
੨੮੦. ਅਨਾਪਤ੍ਤਿ ਅਸਞ੍ਚਿਚ੍ਚ, ਅਸਤਿਯਾ, ਅਜਾਨਨ੍ਤਸ੍ਸ, ਅਸਾਦਿਯਨ੍ਤਸ੍ਸ, ਉਮ੍ਮਤ੍ਤਕਸ੍ਸ, ਖਿਤ੍ਤਚਿਤ੍ਤਸ੍ਸ, વੇਦਨਾਟ੍ਟਸ੍ਸ, ਆਦਿਕਮ੍ਮਿਕਸ੍ਸਾਤਿ।
280. Anāpatti asañcicca, asatiyā, ajānantassa, asādiyantassa, ummattakassa, khittacittassa, vedanāṭṭassa, ādikammikassāti.
વਿਨੀਤવਤ੍ਥੁਉਦ੍ਦਾਨਗਾਥਾ
Vinītavatthuuddānagāthā
ਮਾਤਾ ਧੀਤਾ ਭਗਿਨੀ ਚ, ਜਾਯਾ ਯਕ੍ਖੀ ਚ ਪਣ੍ਡਕੋ।
Mātā dhītā bhaginī ca, jāyā yakkhī ca paṇḍako;
ਸੁਤ੍ਤਾ ਮਤਾ ਤਿਰਚ੍ਛਾਨਾ, ਦਾਰੁਧਿਤਲਿਕਾਯ ਚ॥
Suttā matā tiracchānā, dārudhitalikāya ca.
ਸਮ੍ਪੀਲ਼ੇ ਸਙ੍ਕਮੋ ਮਗ੍ਗੋ, ਰੁਕ੍ਖੋ ਨਾવਾ ਚ ਰਜ੍ਜੁ ਚ।
Sampīḷe saṅkamo maggo, rukkho nāvā ca rajju ca;
ਦਣ੍ਡੋ ਪਤ੍ਤਂ ਪਣਾਮੇਸਿ, વਨ੍ਦੇ વਾਯਮਿ ਨਚ੍ਛੁਪੇਤਿ॥
Daṇḍo pattaṃ paṇāmesi, vande vāyami nacchupeti.
વਿਨੀਤવਤ੍ਥੁ
Vinītavatthu
੨੮੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਾਤੁਯਾ ਮਾਤੁਪੇਮੇਨ ਆਮਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗવਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਸਙ੍ਘਾਦਿਸੇਸਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸਿ। ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
281. Tena kho pana samayena aññataro bhikkhu mātuyā mātupemena āmasi. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਧੀਤੁਯਾ ਧੀਤੁਪੇਮੇਨ ਆਮਸਿ…ਪੇ॰… ਭਗਿਨਿਯਾ ਭਗਿਨਿਪੇਮੇਨ ਆਮਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu dhītuyā dhītupemena āmasi…pe… bhaginiyā bhaginipemena āmasi. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪੁਰਾਣਦੁਤਿਯਿਕਾਯ ਕਾਯਸਂਸਗ੍ਗਂ ਸਮਾਪਜ੍ਜਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ।
Tena kho pana samayena aññataro bhikkhu purāṇadutiyikāya kāyasaṃsaggaṃ samāpajji. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਯਕ੍ਖਿਨਿਯਾ ਕਾਯਸਂਸਗ੍ਗਂ ਸਮਾਪਜ੍ਜਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññataro bhikkhu yakkhiniyā kāyasaṃsaggaṃ samāpajji. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਣ੍ਡਕਸ੍ਸ ਕਾਯਸਂਸਗ੍ਗਂ ਸਮਾਪਜ੍ਜਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ , ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññataro bhikkhu paṇḍakassa kāyasaṃsaggaṃ samāpajji. Tassa kukkuccaṃ ahosi…pe… ‘‘anāpatti , bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸੁਤ੍ਤਿਤ੍ਥਿਯਾ ਕਾਯਸਂਸਗ੍ਗਂ ਸਮਾਪਜ੍ਜਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ।
Tena kho pana samayena aññataro bhikkhu suttitthiyā kāyasaṃsaggaṃ samāpajji. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਤਿਤ੍ਥਿਯਾ ਕਾਯਸਂਸਗ੍ਗਂ ਸਮਾਪਜ੍ਜਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññataro bhikkhu matitthiyā kāyasaṃsaggaṃ samāpajji. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਤਿਰਚ੍ਛਾਨਗਤਿਤ੍ਥਿਯਾ ਕਾਯਸਂਸਗ੍ਗਂ ਸਮਾਪਜ੍ਜਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu tiracchānagatitthiyā kāyasaṃsaggaṃ samāpajji. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦਾਰੁਧੀਤਲਿਕਾਯ ਕਾਯਸਂਸਗ੍ਗਂ ਸਮਾਪਜ੍ਜਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu dārudhītalikāya kāyasaṃsaggaṃ samāpajji. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
੨੮੨. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਇਤ੍ਥਿਯੋ ਅਞ੍ਞਤਰਂ ਭਿਕ੍ਖੁਂ ਸਮ੍ਪੀਲ਼ੇਤ੍વਾ ਬਾਹਾਪਰਮ੍ਪਰਾਯ ਆਨੇਸੁਂ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਸਾਦਿਯਿ ਤ੍વਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗવਾ, ਸਾਦਿਯਿ’’ਨ੍ਤਿ। ‘‘ਅਨਾਪਤ੍ਤਿ, ਭਿਕ੍ਖੂ, ਅਸਾਦਿਯਨ੍ਤਸ੍ਸਾ’’ਤਿ।
282. Tena kho pana samayena sambahulā itthiyo aññataraṃ bhikkhuṃ sampīḷetvā bāhāparamparāya ānesuṃ. Tassa kukkuccaṃ ahosi…pe… ‘‘sādiyi tvaṃ, bhikkhū’’ti? ‘‘Nāhaṃ, bhagavā, sādiyi’’nti. ‘‘Anāpatti, bhikkhū, asādiyantassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਯਾ ਅਭਿਰੂਲ਼੍ਹਂ ਸਙ੍ਕਮਂ ਸਾਰਤ੍ਤੋ ਸਞ੍ਚਾਲੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu itthiyā abhirūḷhaṃ saṅkamaṃ sāratto sañcālesi. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਂ ਪਟਿਪਥੇ ਪਸ੍ਸਿਤ੍વਾ ਸਾਰਤ੍ਤੋ ਅਂਸਕੂਟੇਨ ਪਹਾਰਂ ਅਦਾਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ।
Tena kho pana samayena aññataro bhikkhu itthiṃ paṭipathe passitvā sāratto aṃsakūṭena pahāraṃ adāsi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਯਾ ਅਭਿਰੂਲ਼੍ਹਂ ਰੁਕ੍ਖਂ ਸਾਰਤ੍ਤੋ ਸਞ੍ਚਾਲੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu itthiyā abhirūḷhaṃ rukkhaṃ sāratto sañcālesi. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਯਾ ਅਭਿਰੂਲ਼੍ਹਂ ਨਾવਂ ਸਾਰਤ੍ਤੋ ਸਞ੍ਚਾਲੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu itthiyā abhirūḷhaṃ nāvaṃ sāratto sañcālesi. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਯਾ ਗਹਿਤਂ ਰਜ੍ਜੁਂ ਸਾਰਤ੍ਤੋ ਆવਿਞ੍ਛਿ 9। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññataro bhikkhu itthiyā gahitaṃ rajjuṃ sāratto āviñchi 10. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਯਾ ਗਹਿਤਂ ਦਣ੍ਡਂ ਸਾਰਤ੍ਤੋ ਆવਿਞ੍ਛਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññataro bhikkhu itthiyā gahitaṃ daṇḍaṃ sāratto āviñchi. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਇਤ੍ਥਿਂ ਪਤ੍ਤੇਨ ਪਣਾਮੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññataro bhikkhu sāratto itthiṃ pattena paṇāmesi. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਯਾ વਨ੍ਦਨ੍ਤਿਯਾ ਸਾਰਤ੍ਤੋ ਪਾਦਂ ਉਚ੍ਚਾਰੇਸਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ।
Tena kho pana samayena aññataro bhikkhu itthiyā vandantiyā sāratto pādaṃ uccāresi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਂ ਗਹੇਸ੍ਸਾਮੀਤਿ વਾਯਮਿਤ੍વਾ ਨ ਛੁਪਿ।
Tena kho pana samayena aññataro bhikkhu itthiṃ gahessāmīti vāyamitvā na chupi.
ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
ਕਾਯਸਂਸਗ੍ਗਸਿਕ੍ਖਾਪਦਂ ਨਿਟ੍ਠਿਤਂ ਦੁਤਿਯਂ।
Kāyasaṃsaggasikkhāpadaṃ niṭṭhitaṃ dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਕਾਯਸਂਸਗ੍ਗਸਿਕ੍ਖਾਪਦવਣ੍ਣਨਾ • 2. Kāyasaṃsaggasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੨. ਕਾਯਸਂਸਗ੍ਗਸਿਕ੍ਖਾਪਦવਣ੍ਣਨਾ • 2. Kāyasaṃsaggasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
੨. ਕਾਯਸਂਸਗ੍ਗਸਿਕ੍ਖਾਪਦવਣ੍ਣਨਾ • 2. Kāyasaṃsaggasikkhāpadavaṇṇanā
ਪਦਭਾਜਨੀਯવਣ੍ਣਨਾ • Padabhājanīyavaṇṇanā
વਿਨੀਤવਤ੍ਥੁવਣ੍ਣਨਾ • Vinītavatthuvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਕਾਯਸਂਸਗ੍ਗਸਿਕ੍ਖਾਪਦવਣ੍ਣਨਾ • 2. Kāyasaṃsaggasikkhāpadavaṇṇanā
