| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
11. гаяавиггаяасамаабад̇д̇ивинижчаяагат̇аа
11. Kayavikkayasamāpattivinicchayakathā
57. звам̣ бхан̣д̣абадисааманавинижчаяам̣ гат̇зд̇ваа ид̣̇аани гаяавиггаяавинижчаяам̣ гат̇знд̇о ‘‘гаяавиггаяасамаабад̇д̇ий’’д̇иаад̣̇имааха. д̇ад̇т̇а гаяанам̣ гаяо, барабхан̣д̣асса г̇ахан̣ам̣, виггаяанам̣ виггаяо, сагабхан̣д̣асса д̣̇аанам̣, гаяо жа виггаяо жа гаяавиггаяам̣. самаабаж̇ж̇анам̣ самаабад̇д̇и, д̇асса д̣̇увид̇хасса гирияасса гаран̣ам̣. д̇ассаруубам̣ д̣̇ассзд̇и ‘‘иминаа’’д̇иаад̣̇инаа.
57. Evaṃ bhaṇḍapaṭisāmanavinicchayaṃ kathetvā idāni kayavikkayavinicchayaṃ kathento ‘‘kayavikkayasamāpattī’’tiādimāha. Tattha kayanaṃ kayo, parabhaṇḍassa gahaṇaṃ, vikkayanaṃ vikkayo, sakabhaṇḍassa dānaṃ, kayo ca vikkayo ca kayavikkayaṃ. Samāpajjanaṃ samāpatti, tassa duvidhassa kiriyassa karaṇaṃ. Tassarūpaṃ dasseti ‘‘iminā’’tiādinā.
сзсан̃аад̇агзсу сад̣̇д̇хаад̣̇зяяавинибаад̇асамбхавад̇о д̇ад̣̇абхаавадтаанамби д̣̇ассзд̇ум̣ ‘‘маад̇арам̣ ваа бана бид̇арам̣ ваа’’д̇иаад̣̇и вуд̇д̇ам̣. д̇зна вин̃н̃ад̇д̇исад̣̇д̇хаад̣̇зяяавинибаад̇анан̃жа на ход̇и ‘‘иминаа ид̣̇ам̣ д̣̇зхий’’д̇и вад̣̇анд̇од̇и д̣̇ассзд̇и, гаяавиггаяам̣ бана аабаж̇ж̇ад̇и ‘‘иминаа ид̣̇ам̣ д̣̇зхий’’д̇и вад̣̇анд̇од̇и д̣̇ассзд̇и. иминаа жа убари ан̃н̃аад̇аганд̇яаад̣̇инаа жа сзсан̃аад̇агам̣ ‘‘имам̣ д̣̇зхий’’д̇и вад̣̇ад̇о вин̃н̃ад̇д̇и на ход̇и, ‘‘имам̣ г̇ан̣хаахий’’д̇и бана д̣̇ад̣̇ад̇о сад̣̇д̇хаад̣̇зяяавинибаад̇анам̣, ‘‘иминаа имам̣ д̣̇зхий’’д̇и гаяавиггаяам̣ аабаж̇ж̇ад̇о ниссаг̇г̇ияанд̇и аяамби ад̇т̇о д̣̇ассид̇о ход̇и миг̇абад̣̇авалан̃ж̇ананяааязна. д̇асмааижжаад̣̇игзби ‘‘маад̇аабид̇уухи сад̣̇д̇хим̣ гаяавиггаяам̣, сзсан̃аад̇агзхи сад̣̇д̇хим̣ д̣̇вз аабад̇д̇ияо, ан̃н̃аад̇агзхи сад̣̇д̇хим̣ д̇иссо аабад̇д̇ияо’’д̇и вад̇д̇аб̣б̣з д̇знзва няааязна н̃аад̇ум̣ саггаад̇и гад̇ваа на вуд̇д̇анд̇и д̣̇адтаб̣б̣ам̣, ан̃н̃ат̇аа аб̣яаабид̇ад̣̇осо сияаа.
Sesañātakesu saddhādeyyavinipātasambhavato tadabhāvaṭṭhānampi dassetuṃ ‘‘mātaraṃ vā pana pitaraṃ vā’’tiādi vuttaṃ. Tena viññattisaddhādeyyavinipātanañca na hoti ‘‘iminā idaṃ dehī’’ti vadantoti dasseti, kayavikkayaṃ pana āpajjati ‘‘iminā idaṃ dehī’’ti vadantoti dasseti. Iminā ca upari aññātakantyādinā ca sesañātakaṃ ‘‘imaṃ dehī’’ti vadato viññatti na hoti, ‘‘imaṃ gaṇhāhī’’ti pana dadato saddhādeyyavinipātanaṃ, ‘‘iminā imaṃ dehī’’ti kayavikkayaṃ āpajjato nissaggiyanti ayampi attho dassito hoti migapadavalañjananyāyena. Tasmāiccādikepi ‘‘mātāpitūhi saddhiṃ kayavikkayaṃ, sesañātakehi saddhiṃ dve āpattiyo, aññātakehi saddhiṃ tisso āpattiyo’’ti vattabbe teneva nyāyena ñātuṃ sakkāti katvā na vuttanti daṭṭhabbaṃ, aññathā abyāpitadoso siyā.
‘‘ид̣̇ам̣ бхад̇д̇ам̣ бхун̃ж̇ид̇ваа ид̣̇ам̣ гарот̇аа’’д̇и вуд̇д̇з буб̣б̣аабарасамб̣анд̇хааяа гирияааяа вуд̇д̇ад̇д̇аа ‘‘иминаа ид̣̇ам̣ д̣̇зхий’’д̇и вуд̇д̇асад̣̇исам̣ ход̇и. ид̣̇ам̣ бхад̇д̇ам̣ бхун̃ж̇а, ид̣̇ам̣ наама гарохий’’д̇и ваа, ‘‘ид̣̇ам̣ бхад̇д̇ам̣ бхуд̇д̇оси, ид̣̇ам̣ наама гарохи, ид̣̇ам̣ бхад̇д̇ам̣ бхун̃ж̇иссаси, ид̣̇ам̣ наама гарохий’’д̇и бана вуд̇д̇з асамб̣анд̇хааяа гирияааяа вуд̇д̇ад̇д̇аа гаяавиггаяо на ход̇и. вигхаасаад̣̇аанам̣ бхад̇д̇ад̣̇аанз жа анабзгкад̇д̇аа сад̣̇д̇хаад̣̇зяяавинибаад̇анам̣ на ход̇и, гаараабанз хад̇т̇агаммамад̇д̇ад̇д̇аа вин̃н̃ад̇д̇и на ход̇и, д̇асмаа ваддад̇и. ‘‘зд̇т̇а жаа’’д̇иаад̣̇инаа асад̇иби ниссаг̇г̇ияавад̇т̇умхи баажид̇д̇ияам̣ д̣̇зсзд̇аб̣б̣анд̇и д̣̇ассзд̇и.
‘‘Idaṃ bhattaṃ bhuñjitvā idaṃ karothā’’ti vutte pubbāparasambandhāya kiriyāya vuttattā ‘‘iminā idaṃ dehī’’ti vuttasadisaṃ hoti. Idaṃ bhattaṃ bhuñja, idaṃ nāma karohī’’ti vā, ‘‘idaṃ bhattaṃ bhuttosi, idaṃ nāma karohi, idaṃ bhattaṃ bhuñjissasi, idaṃ nāma karohī’’ti pana vutte asambandhāya kiriyāya vuttattā kayavikkayo na hoti. Vighāsādānaṃ bhattadāne ca anapekkhattā saddhādeyyavinipātanaṃ na hoti, kārāpane hatthakammamattattā viññatti na hoti, tasmā vaṭṭati. ‘‘Ettha cā’’tiādinā asatipi nissaggiyavatthumhi pācittiyaṃ desetabbanti dasseti.
аг̇гхам̣ бужчид̇ум̣ ваддад̇и, зд̇д̇аавад̇аа гаяавиггаяо на ход̇ийд̇и ад̇т̇о. г̇ан̣хид̇ум̣ ваддад̇ийд̇и ‘‘иминаа ид̣̇ам̣ д̣̇зхий’’д̇и авуд̇д̇ад̇д̇аа гаяавиггаяо на ход̇и, мууласса ад̇т̇ид̇ааяа вин̃н̃ад̇д̇иби на ход̇и. бад̇д̇о на г̇ахзд̇аб̣б̣о барабхан̣д̣асса махаг̇гхад̇ааяа. звам̣ сад̇и гат̇ам̣ гаад̇аб̣б̣од̇и ааха ‘‘мама вад̇т̇у аббаг̇гханд̇и аажигкид̇аб̣б̣а’’нд̇и. бхан̣д̣ам̣ аг̇гхаабзд̇ваа гаарзд̇аб̣б̣ад̇ам̣ аабаж̇ж̇ад̇и т̇зяяаавахаарасамбхавад̇о, уунамаасагам̣ жз аг̇гхад̇и, д̣̇уггадам̣. маасагад̇о бадтааяа яаава уунабан̃жамаасагам̣ жз аг̇гхад̇и, т̇уллажжаяам̣. бан̃жамаасагам̣ жз аг̇гхад̇и, баарааж̇иганд̇и вуд̇д̇ам̣ ход̇и. д̣̇зд̇и, ваддад̇и бун̃н̃ад̇т̇ааяа д̣̇иннад̇д̇аа ад̇хигасса. габбияагаарагасса бана…бз… ваддад̇и убхад̇о габбияабхан̣д̣ад̇д̇аа. згад̇о убхад̇о ваа жз агаббияабхан̣д̣ам̣ ход̇и, на ваддад̇и. ‘‘маа г̇ан̣хаахий’’д̇и вад̇д̇аб̣б̣о, гасмаа? габбияагаарагасса ачзгад̇д̇аа.
Agghaṃ pucchituṃ vaṭṭati, ettāvatā kayavikkayo na hotīti attho. Gaṇhituṃ vaṭṭatīti ‘‘iminā idaṃ dehī’’ti avuttattā kayavikkayo na hoti, mūlassa atthitāya viññattipi na hoti. Patto na gahetabbo parabhaṇḍassa mahagghatāya. Evaṃ sati kathaṃ kātabboti āha ‘‘mama vatthu appagghanti ācikkhitabba’’nti. Bhaṇḍaṃ agghāpetvā kāretabbataṃ āpajjati theyyāvahārasambhavato, ūnamāsakaṃ ce agghati, dukkaṭaṃ. Māsakato paṭṭhāya yāva ūnapañcamāsakaṃ ce agghati, thullaccayaṃ. Pañcamāsakaṃ ce agghati, pārājikanti vuttaṃ hoti. Deti, vaṭṭati puññatthāya dinnattā adhikassa. Kappiyakārakassa pana…pe… vaṭṭati ubhato kappiyabhaṇḍattā. Ekato ubhato vā ce akappiyabhaṇḍaṃ hoti, na vaṭṭati. ‘‘Mā gaṇhāhī’’ti vattabbo, kasmā? Kappiyakārakassa achekattā.
ан̃н̃зна аббадиг̇г̇ахид̇зна ад̇т̇о, гасмаа? сад̇д̇аахагаалигад̇д̇аа д̇зласса. бадиг̇г̇ахид̇ад̇злам̣ сад̇д̇аахабарамам̣ зва табзд̇аб̣б̣ам̣, д̇асмаа д̇ад̇о барам̣ табид̇угаамасса аббадиг̇г̇ахид̇ад̇злзна ад̇т̇о ход̇и. аббадиг̇г̇ахид̇ам̣ д̣̇уусзяяа, анияамид̇агаалам̣ аббадиг̇г̇ахид̇ад̇злам̣ наал̣ияам̣ авасидтабадиг̇г̇ахид̇ад̇злам̣ ад̇д̇ано гаалам̣ вад̇д̇аабзяяа.
Aññena appaṭiggahitena attho, kasmā? Sattāhakālikattā telassa. Paṭiggahitatelaṃ sattāhaparamaṃ eva ṭhapetabbaṃ, tasmā tato paraṃ ṭhapitukāmassa appaṭiggahitatelena attho hoti. Appaṭiggahitaṃ dūseyya, aniyamitakālaṃ appaṭiggahitatelaṃ nāḷiyaṃ avasiṭṭhapaṭiggahitatelaṃ attano kālaṃ vattāpeyya.
58. ид̣̇ам̣ бад̇д̇ажад̇уггам̣ взд̣̇ид̇аб̣б̣анд̇и агаббияабад̇д̇ажад̇уггам̣ вуд̇д̇ам̣, бан̃жамо бана габбияо. д̇зна вагкад̇и ‘‘аяам̣ бад̇д̇о саб̣б̣агаббияо б̣уд̣̇д̇хаанамби барибхог̇аарахо’’д̇и. аяам̣ бад̇д̇о махааагаббияо наама, гасмаа? руубияам̣ уг̇г̇ан̣хид̇ваа аяаб̣ийж̇ам̣ самудтаабзд̇ваа д̇зна лохзна бад̇д̇асса гаарид̇ад̇д̇аа, звам̣ б̣ийж̇ад̇о бадтааяа д̣̇уусид̇ад̇д̇аа. яат̇аа жа д̇ад̇ияабаарааж̇игависаяз т̇ааварабаяог̇зсу баасасуулаад̣̇ийсу муулад̇о бадтааяа гаарид̇зсу гисмин̃жи д̣̇ан̣д̣амад̇д̇з ваа ваагамад̇д̇з ваа авасидтз сад̇и на мужжад̇и, саб̣б̣асмим̣ надтзязва мужжад̇и, звамид̇хааби б̣ийж̇ад̇о бадтааяа гад̇ад̇д̇аа д̇асмим̣ бад̇д̇з гисмин̃жи бад̇д̇з авасидтзби габбияо бхавид̇ум̣ на саггаа. д̇ат̇аа жа вагкад̇и ‘‘сажзби д̇ам̣ винаасзд̇ваа т̇аалагам̣ гаарзд̇и, д̇амби агаббияа’’нд̇яаад̣̇и. звам̣ санд̇зби д̣̇уд̇ияабад̇д̇з вияа муулз жа муулассаамигаанам̣, бад̇д̇з жа бад̇д̇ассаамигаанам̣ д̣̇иннз габбияо гаад̇ум̣ саггаа бхавзяяа ну код̇и аасан̇гааяамааха ‘‘на саггаа гзнажи убааязна габбияо гаад̇у’’нд̇и. д̇ассад̇т̇о – д̣̇уд̇ияабад̇д̇ам̣ руубияам̣ бадиг̇г̇ан̣хид̇ваа г̇ихийхи баринидтаабид̇амзва гин̣аад̇и, на б̣ийж̇ад̇о бадтааяа д̣̇уусзд̇и, д̇асмаа д̣̇уд̇ияабад̇д̇о габбияо гаад̇ум̣ саггаа, ид̇ха бана б̣ийж̇ад̇о бадтааяа д̣̇уусид̇ад̇д̇аа д̇зна бхигкунаа д̇ам̣ бад̇д̇ам̣ буна аяабаасаан̣аб̣ийж̇ам̣ гаад̇ум̣ асаггун̣зяяад̇д̇аа, бадиг̇г̇ахид̇аруубияасса жа вал̣ан̃ж̇ид̇ад̇д̇аа буна саамигаанам̣ д̣̇аад̇ум̣ асаггун̣зяяад̇д̇аа на саггаа гзнажи убааязна габбияо гаад̇унд̇и.
58.Idaṃ pattacatukkaṃ veditabbanti akappiyapattacatukkaṃ vuttaṃ, pañcamo pana kappiyo. Tena vakkhati ‘‘ayaṃ patto sabbakappiyo buddhānampi paribhogāraho’’ti. Ayaṃ patto mahāakappiyo nāma, kasmā? Rūpiyaṃ uggaṇhitvā ayabījaṃ samuṭṭhāpetvā tena lohena pattassa kāritattā, evaṃ bījato paṭṭhāya dūsitattā. Yathā ca tatiyapārājikavisaye thāvarapayogesu pāsasūlādīsu mūlato paṭṭhāya kāritesu kismiñci daṇḍamatte vā vākamatte vā avasiṭṭhe sati na muccati, sabbasmiṃ naṭṭheyeva muccati, evamidhāpi bījato paṭṭhāya katattā tasmiṃ patte kismiñci patte avasiṭṭhepi kappiyo bhavituṃ na sakkā. Tathā ca vakkhati ‘‘sacepi taṃ vināsetvā thālakaṃ kāreti, tampi akappiya’’ntyādi. Evaṃ santepi dutiyapatte viya mūle ca mūlassāmikānaṃ, patte ca pattassāmikānaṃ dinne kappiyo kātuṃ sakkā bhaveyya nu khoti āsaṅkāyamāha ‘‘na sakkā kenaci upāyena kappiyo kātu’’nti. Tassattho – dutiyapattaṃ rūpiyaṃ paṭiggaṇhitvā gihīhi pariniṭṭhāpitameva kiṇāti, na bījato paṭṭhāya dūseti, tasmā dutiyapatto kappiyo kātuṃ sakkā, idha pana bījato paṭṭhāya dūsitattā tena bhikkhunā taṃ pattaṃ puna ayapāsāṇabījaṃ kātuṃ asakkuṇeyyattā, paṭiggahitarūpiyassa ca vaḷañjitattā puna sāmikānaṃ dātuṃ asakkuṇeyyattā na sakkā kenaci upāyena kappiyo kātunti.
ид̣̇аани д̇ам̣ асаггун̣зяяад̇д̇ам̣ ан̃н̃зна багаарзна вид̇т̇аарзд̇ум̣ ‘‘сажзбий’’д̇иаад̣̇имааха. иминаа гин̃жиби аяавад̇т̇умхи авасидтз сад̇и агаббияова ход̇ийд̇и д̣̇ассзд̇и. д̇зна вуд̇д̇ам̣ вимад̇ивинод̣̇анияам̣ (ви. ви. дий. 1.591) ‘‘руубияам̣ уг̇г̇ан̣хид̇ваад̇и ид̣̇ам̣ уггадтавасзна вуд̇д̇ам̣, муд̇д̇аад̣̇ид̣̇уггадавад̇т̇умби уг̇г̇ан̣хид̇ваа гаарид̇амби бан̃жаннам̣ на ваддад̇и зва. самудтаабзд̇ийд̇и саяам̣ г̇анд̇ваа ваа ‘имам̣ гахаабан̣аад̣̇им̣ гаммагаараанам̣ д̣̇ад̇ваа б̣ийж̇ам̣ самудтаабзхий’д̇и ан̃н̃ам̣ аан̣аабзд̇ваа ваа самудтаабзд̇и. махааагаббияод̇и ад̇д̇анаава б̣ийж̇ад̇о бадтааяа д̣̇уусид̇ад̇д̇аа ан̃н̃асса муулассаамигасса абхаавад̇о вуд̇д̇ам̣. со хи жорзхи ажчинноби буна лад̣̇д̇хо ж̇аананд̇асса гассажийби на ваддад̇и. яад̣̇и хи ваддзяяа, д̇ал̣аагаад̣̇ийсу вияа ‘ажчинно ваддад̇ий’д̇и аажарияаа вад̣̇зяяум̣. на саггаа гзнажи убааязнаад̇и сан̇гхасса виссаж̇ж̇анзна жораад̣̇иажчинд̣̇анзнаби габбияо гаад̇ум̣ на саггаа, ид̣̇ан̃жа д̇зна руубзна тид̇ам̣ д̇аммуулагзна вад̇т̇амуд̇д̇аад̣̇ируубзна тид̇ан̃жа санд̇хааяа вуд̇д̇ам̣. д̣̇уггадавад̇т̇умби хи д̇аммуулагагаббияавад̇т̇у жа на саггаа гзнажи д̇зна руубзна габбияам̣ гаад̇ум̣. яад̣̇и бана со бхигку д̇зна габбияавад̇т̇унаа, д̣̇уггадавад̇т̇унаа ваа буна руубияам̣ жзд̇аабзяяа, д̇ам̣ руубияам̣ ниссаж̇ж̇аабзд̇ваа ан̃н̃зсам̣ габбияам̣ гаад̇умби саггаа бхавзяяаад̇и д̣̇адтаб̣б̣а’’нд̇и. яам̣ бана саарад̇т̇ад̣̇ийбанияам̣ бабан̃жид̇ам̣, яан̃жа д̇амзва г̇ахзд̇ваа бораан̣адийгааяам̣ бабан̃жид̇ам̣, д̇ам̣ вид̇т̇аарзд̇ваа вужжамаанам̣ ад̇ивид̇т̇аарид̇ан̃жа бхависсад̇и, сод̇уунан̃жа д̣̇уб̣б̣ин̃н̃зяяам̣, д̇асмаа зд̇д̇агамзва вад̣̇имха, ад̇т̇игзхи бана д̇зсу д̇зсу багаран̣зсу ологзд̇ваа г̇ахзд̇аб̣б̣анд̇и.
Idāni taṃ asakkuṇeyyattaṃ aññena pakārena vitthāretuṃ ‘‘sacepī’’tiādimāha. Iminā kiñcipi ayavatthumhi avasiṭṭhe sati akappiyova hotīti dasseti. Tena vuttaṃ vimativinodaniyaṃ (vi. vi. ṭī. 1.591) ‘‘rūpiyaṃ uggaṇhitvāti idaṃ ukkaṭṭhavasena vuttaṃ, muttādidukkaṭavatthumpi uggaṇhitvā kāritampi pañcannaṃ na vaṭṭati eva. Samuṭṭhāpetīti sayaṃ gantvā vā ‘imaṃ kahāpaṇādiṃ kammakārānaṃ datvā bījaṃ samuṭṭhāpehī’ti aññaṃ āṇāpetvā vā samuṭṭhāpeti. Mahāakappiyoti attanāva bījato paṭṭhāya dūsitattā aññassa mūlassāmikassa abhāvato vuttaṃ. So hi corehi acchinnopi puna laddho jānantassa kassacīpi na vaṭṭati. Yadi hi vaṭṭeyya, taḷākādīsu viya ‘acchinno vaṭṭatī’ti ācariyā vadeyyuṃ. Na sakkā kenaci upāyenāti saṅghassa vissajjanena corādiacchindanenapi kappiyo kātuṃ na sakkā, idañca tena rūpena ṭhitaṃ tammūlakena vatthamuttādirūpena ṭhitañca sandhāya vuttaṃ. Dukkaṭavatthumpi hi tammūlakakappiyavatthu ca na sakkā kenaci tena rūpena kappiyaṃ kātuṃ. Yadi pana so bhikkhu tena kappiyavatthunā, dukkaṭavatthunā vā puna rūpiyaṃ cetāpeyya, taṃ rūpiyaṃ nissajjāpetvā aññesaṃ kappiyaṃ kātumpi sakkā bhaveyyāti daṭṭhabba’’nti. Yaṃ pana sāratthadīpaniyaṃ papañcitaṃ, yañca tameva gahetvā porāṇaṭīkāyaṃ papañcitaṃ, taṃ vitthāretvā vuccamānaṃ ativitthāritañca bhavissati, sotūnañca dubbiññeyyaṃ, tasmā ettakameva vadimha, atthikehi pana tesu tesu pakaraṇesu oloketvā gahetabbanti.
д̣̇уд̇ияабад̇д̇з бан̃жаннамби сахад̇хаммигаанам̣ на габбад̇ийд̇и руубияасса бадиг̇г̇ахид̇ад̇д̇аа, гаяавиггаяасса жа гад̇ад̇д̇аа. саггаа бана габбияо гаад̇унд̇и г̇ихийхи баринидтаабид̇абад̇д̇ассзва гин̣ид̇ад̇д̇аа , б̣ийж̇ад̇о бадтааяа ад̣̇уусид̇ад̇д̇аа, мууламуулассаамигаанан̃жа бад̇д̇абад̇д̇ассаамигаанан̃жа виж̇ж̇амаанад̇д̇аа. яат̇аа бана саггаа ход̇и, д̇ам̣ д̣̇ассзд̇ум̣ ‘‘муулз’’д̇иаад̣̇имааха.
Dutiyapatte pañcannampi sahadhammikānaṃ na kappatīti rūpiyassa paṭiggahitattā, kayavikkayassa ca katattā. Sakkā pana kappiyo kātunti gihīhi pariniṭṭhāpitapattasseva kiṇitattā , bījato paṭṭhāya adūsitattā, mūlamūlassāmikānañca pattapattassāmikānañca vijjamānattā. Yathā pana sakkā hoti, taṃ dassetuṃ ‘‘mūle’’tiādimāha.
д̇ад̇ияабад̇д̇з сад̣̇исоязваад̇и ‘‘бан̃жаннамби сахад̇хаммигаанам̣ на ваддад̇и, саггаа бана габбияо гаад̇у’’нд̇и имам̣ наяам̣ нид̣̇д̣̇исад̇и. нану д̇ад̇ияабад̇д̇о габбияавохаарзна г̇ахид̇о, ат̇а гасмаа агаббияод̇и жод̣̇анам̣ санд̇хааяааха ‘‘габбияавохаарзна г̇ахид̇оби д̣̇уд̇ияабад̇д̇асад̣̇исоязва, мууласса самбадижчид̇ад̇д̇аа агаббияо’’д̇и. д̣̇уд̇ияажод̣̇анам̣ бана саяамзва вад̣̇ад̇и. зд̇т̇а жа ‘‘д̣̇уд̇ияабад̇д̇асад̣̇исоязваа’’д̇и вуд̇д̇ад̇д̇аа муулз жа муулассаамигаанам̣, бад̇д̇з жа бад̇д̇ассаамигаанам̣ д̣̇иннз габбияо ход̇и, габбияабхан̣д̣ам̣ д̣̇ад̇ваа г̇ахзд̇ваа барибхун̃ж̇ид̇ум̣ ваддад̇ийд̇и д̣̇адтаб̣б̣о. мууласса аниссадтад̇д̇аад̇и язна уг̇г̇ахид̇амуулзна бад̇д̇о гийд̇о, д̇асса мууласса сан̇гхамаж̇жхз аниссадтад̇д̇аа. зд̇зна руубияамзва ниссаж̇ж̇ид̇аб̣б̣ам̣, на д̇аммуулагам̣ аруубияанд̇и д̣̇ассзд̇и. яад̣̇и хи д̇зна самбадижчид̇амуулам̣ сан̇гхамаж̇жхз ниссадтам̣ сияаа, д̇зна габбиязна гаммзна аараамигаад̣̇ийхи г̇ахзд̇ваа д̣̇иннабад̇д̇о руубияабадиг̇г̇аахагам̣ табзд̇ваа сзсаанам̣ ваддзяяа.
Tatiyapatte sadisoyevāti ‘‘pañcannampi sahadhammikānaṃ na vaṭṭati, sakkā pana kappiyo kātu’’nti imaṃ nayaṃ niddisati. Nanu tatiyapatto kappiyavohārena gahito, atha kasmā akappiyoti codanaṃ sandhāyāha ‘‘kappiyavohārena gahitopi dutiyapattasadisoyeva, mūlassa sampaṭicchitattā akappiyo’’ti. Dutiyacodanaṃ pana sayameva vadati. Ettha ca ‘‘dutiyapattasadisoyevā’’ti vuttattā mūle ca mūlassāmikānaṃ, patte ca pattassāmikānaṃ dinne kappiyo hoti, kappiyabhaṇḍaṃ datvā gahetvā paribhuñjituṃ vaṭṭatīti daṭṭhabbo. Mūlassa anissaṭṭhattāti yena uggahitamūlena patto kīto, tassa mūlassa saṅghamajjhe anissaṭṭhattā. Etena rūpiyameva nissajjitabbaṃ, na tammūlakaṃ arūpiyanti dasseti. Yadi hi tena sampaṭicchitamūlaṃ saṅghamajjhe nissaṭṭhaṃ siyā, tena kappiyena kammena ārāmikādīhi gahetvā dinnapatto rūpiyapaṭiggāhakaṃ ṭhapetvā sesānaṃ vaṭṭeyya.
жад̇уд̇т̇абад̇д̇з д̣̇уб̣б̣ижаарид̇ад̇д̇аад̇и ‘‘имз гахаабан̣з д̣̇ад̇ваа ид̣̇ам̣ д̣̇зхий’’д̇и г̇ахид̇ад̇д̇аа г̇ихисанд̇агаанам̣ гахаабан̣аанам̣ д̣̇удтувижаарид̇ад̇д̇аа зд̇асса вижааран̣агасса бхигкуно зва на ваддад̇ийд̇и ад̇т̇о. мууласса асамбадижчид̇ад̇д̇аад̇и зд̇зна мууласса г̇ихисанд̇агад̇д̇ам̣ д̣̇ассзд̇и, д̇знзва бад̇д̇асса руубияасам̣вохаарзна ануббаннад̇ан̃жа д̣̇ассзд̇и, д̇зна жа д̇асса бад̇д̇асса ниссаж̇ж̇ияаабхаавам̣, бхигкусса жа баажид̇д̇ияаабхаавам̣ д̣̇ийбзд̇и, д̇зна жа д̣̇уб̣б̣ижаарид̇амад̇д̇зна д̣̇уггадамад̇д̇абхаавам̣ багаасзд̇и. ниссаж̇ж̇ийд̇и ид̣̇ан̃жа д̣̇аанавасзна вуд̇д̇ам̣, на винаяагаммавасзна. д̇знзва жа ‘‘саббисса буураабзд̇ваа’’д̇и вуд̇д̇ам̣.
Catutthapatte dubbicāritattāti ‘‘ime kahāpaṇe datvā idaṃ dehī’’ti gahitattā gihisantakānaṃ kahāpaṇānaṃ duṭṭhuvicāritattā etassa vicāraṇakassa bhikkhuno eva na vaṭṭatīti attho. Mūlassa asampaṭicchitattāti etena mūlassa gihisantakattaṃ dasseti, teneva pattassa rūpiyasaṃvohārena anuppannatañca dasseti, tena ca tassa pattassa nissajjiyābhāvaṃ, bhikkhussa ca pācittiyābhāvaṃ dīpeti, tena ca dubbicāritamattena dukkaṭamattabhāvaṃ pakāseti. Nissajjīti idañca dānavasena vuttaṃ, na vinayakammavasena. Teneva ca ‘‘sappissa pūrāpetvā’’ti vuttaṃ.
бан̃жамабад̇д̇з саб̣б̣агаббияод̇и ад̇д̇ано жа бан̃жаннам̣ сахад̇хаммигаанан̃жа б̣уд̣̇д̇хабажжзгаб̣уд̣̇д̇хаанан̃жа габбияо. д̇знааха ‘‘б̣уд̣̇д̇хаанамби барибхог̇аарахо’’д̇и.
Pañcamapatte sabbakappiyoti attano ca pañcannaṃ sahadhammikānañca buddhapaccekabuddhānañca kappiyo. Tenāha ‘‘buddhānampi paribhogāraho’’ti.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
Iti vinayasaṅgahasaṃvaṇṇanābhūte vinayālaṅkāre
гаяавиггаяасамаабад̇д̇ивинижчаяагат̇аалан̇гааро наама
Kayavikkayasamāpattivinicchayakathālaṅkāro nāma
згаад̣̇асамо барижчзд̣̇о.
Ekādasamo paricchedo.
