| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
10. гаяавиггаяасигкаабад̣̇ам̣
10. Kayavikkayasikkhāpadaṃ
593. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа убананд̣̇о сагяабуд̇д̇о баддо ход̇и жийварагаммам̣ гаад̇ум̣. со бадабилод̇игаанам̣ сан̇гхаадим̣ гарид̇ваа сурад̇д̇ам̣ субаригаммагад̇ам̣ гад̇ваа бааруби. ат̇а ко ан̃н̃ад̇аро бариб̣б̣ааж̇аго махаг̇гхам̣ бадам̣ баарубид̇ваа язнааяасмаа убананд̣̇о сагяабуд̇д̇о д̇знубасан̇гами; убасан̇гамид̇ваа ааяасманд̇ам̣ убананд̣̇ам̣ сагяабуд̇д̇ам̣ зд̇ад̣̇авожа – ‘‘сунд̣̇араа ко д̇яааяам̣, аавусо, сан̇гхаади; д̣̇зхи мз бадзнаа’’д̇и. ‘‘ж̇аанаахи, аавусо’’д̇и. ‘‘аамаавусо, ж̇аанаамий’’д̇и. ‘‘ханд̣̇аавусо’’д̇и, ад̣̇ааси. ат̇а ко со бариб̣б̣ааж̇аго д̇ам̣ сан̇гхаадим̣ баарубид̇ваа бариб̣б̣ааж̇агаараамам̣ аг̇амааси. бариб̣б̣ааж̇агаа д̇ам̣ бариб̣б̣ааж̇агам̣ зд̇ад̣̇авожум̣ – ‘‘сунд̣̇араа ко д̇яааяам̣, аавусо, сан̇гхаади; гуд̇о д̇аяаа лад̣̇д̇хаа’’д̇и? ‘‘д̇зна мз, аавусо, бадзна баривад̇д̇ид̇аа’’д̇и. ‘‘гад̇ихиби д̇яааяам̣, аавусо, сан̇гхаади бхависсад̇и, соязва д̇з бадо варо’’д̇и.
593. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā upanando sakyaputto paṭṭo hoti cīvarakammaṃ kātuṃ. So paṭapilotikānaṃ saṅghāṭiṃ karitvā surattaṃ suparikammakataṃ katvā pārupi. Atha kho aññataro paribbājako mahagghaṃ paṭaṃ pārupitvā yenāyasmā upanando sakyaputto tenupasaṅkami; upasaṅkamitvā āyasmantaṃ upanandaṃ sakyaputtaṃ etadavoca – ‘‘sundarā kho tyāyaṃ, āvuso, saṅghāṭi; dehi me paṭenā’’ti. ‘‘Jānāhi, āvuso’’ti. ‘‘Āmāvuso, jānāmī’’ti. ‘‘Handāvuso’’ti, adāsi. Atha kho so paribbājako taṃ saṅghāṭiṃ pārupitvā paribbājakārāmaṃ agamāsi. Paribbājakā taṃ paribbājakaṃ etadavocuṃ – ‘‘sundarā kho tyāyaṃ, āvuso, saṅghāṭi; kuto tayā laddhā’’ti? ‘‘Tena me, āvuso, paṭena parivattitā’’ti. ‘‘Katihipi tyāyaṃ, āvuso, saṅghāṭi bhavissati, soyeva te paṭo varo’’ti.
ат̇а ко со бариб̣б̣ааж̇аго – ‘‘сажжам̣ ко бариб̣б̣ааж̇агаа аахам̣су – ‘гад̇ихиби мяааяам̣ сан̇гхаади бхависсад̇и! соязва мз бадо варо’’’д̇и язнааяасмаа убананд̣̇о сагяабуд̇д̇о д̇знубасан̇гами; убасан̇гамид̇ваа ааяасманд̇ам̣ убананд̣̇ам̣ сагяабуд̇д̇ам̣ зд̇ад̣̇авожа – ‘‘ханд̣̇а д̇з, аавусо, сан̇гхаади 1; д̣̇зхи мз бада’’нд̇и. ‘‘нану д̇вам̣, аавусо, маяаа вуд̇д̇о – ‘ж̇аанаахи, аавусо’д̇и ! нааха д̣̇ассаамий’’д̇и. ат̇а ко со бариб̣б̣ааж̇аго уж̇жхааяад̇и кияяад̇и вибаажзд̇и – ‘‘г̇ихийби нам̣ г̇ихисса виббадисаарисса д̣̇знд̇и, гим̣ бана баб̣б̣аж̇ид̇о баб̣б̣аж̇ид̇асса на д̣̇ассад̇ий’’д̇и! ассосум̣ ко бхигкуу д̇асса бариб̣б̣ааж̇агасса уж̇жхааяанд̇асса кияяанд̇асса вибаажзнд̇асса. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа убананд̣̇о сагяабуд̇д̇о бариб̣б̣ааж̇агзна сад̣̇д̇хим̣ гаяавиггаяам̣ самаабаж̇ж̇иссад̇ий’’д̇и! ат̇а ко д̇з бхигкуу ааяасманд̇ам̣ убананд̣̇ам̣ сагяабуд̇д̇ам̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, убананд̣̇а, бариб̣б̣ааж̇агзна сад̣̇д̇хим̣ гаяавиггаяам̣ самаабаж̇ж̇асий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, бариб̣б̣ааж̇агзна сад̣̇д̇хим̣ гаяавиггаяам̣ самаабаж̇ж̇иссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Atha kho so paribbājako – ‘‘saccaṃ kho paribbājakā āhaṃsu – ‘katihipi myāyaṃ saṅghāṭi bhavissati! Soyeva me paṭo varo’’’ti yenāyasmā upanando sakyaputto tenupasaṅkami; upasaṅkamitvā āyasmantaṃ upanandaṃ sakyaputtaṃ etadavoca – ‘‘handa te, āvuso, saṅghāṭi 2; dehi me paṭa’’nti. ‘‘Nanu tvaṃ, āvuso, mayā vutto – ‘jānāhi, āvuso’ti ! Nāha dassāmī’’ti. Atha kho so paribbājako ujjhāyati khiyyati vipāceti – ‘‘gihīpi naṃ gihissa vippaṭisārissa denti, kiṃ pana pabbajito pabbajitassa na dassatī’’ti! Assosuṃ kho bhikkhū tassa paribbājakassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto paribbājakena saddhiṃ kayavikkayaṃ samāpajjissatī’’ti! Atha kho te bhikkhū āyasmantaṃ upanandaṃ sakyaputtaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, upananda, paribbājakena saddhiṃ kayavikkayaṃ samāpajjasī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, paribbājakena saddhiṃ kayavikkayaṃ samāpajjissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
594. ‘‘яо бана бхигку наанаббагаарагам̣ гаяавиггаяам̣ самаабаж̇ж̇зяяа, ниссаг̇г̇ияам̣ баажид̇д̇ияа’’нд̇и.
594.‘‘Yo pana bhikkhu nānappakārakaṃ kayavikkayaṃ samāpajjeyya, nissaggiyaṃ pācittiya’’nti.
595. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
595.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
наанаббагаарагам̣ наама жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараа, анд̇амасо жун̣н̣абин̣д̣оби д̣̇анд̇агадтамби д̣̇асигасуд̇д̇амби.
Nānappakārakaṃ nāma cīvarapiṇḍapātasenāsanagilānappaccayabhesajjaparikkhārā, antamaso cuṇṇapiṇḍopi dantakaṭṭhampi dasikasuttampi.
гаяавиггаяам̣ самаабаж̇ж̇зяяаад̇и иминаа имам̣ д̣̇зхи, иминаа имам̣ аахара, иминаа имам̣ баривад̇д̇зхи, иминаа имам̣ жзд̇аабзхийд̇и. аж̇жхаажарад̇и, аабад̇д̇и д̣̇уггадасса. яад̇о гаяид̇ан̃жа ход̇и виггаяид̇ан̃жа ад̇д̇ано бхан̣д̣ам̣ барахад̇т̇аг̇ад̇ам̣ барабхан̣д̣ам̣ ад̇д̇ано хад̇т̇аг̇ад̇ам̣, ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ахам̣, бханд̇з, наанаббагаарагам̣ гаяавиггаяам̣ самаабаж̇ж̇им̣. ид̣̇ам̣ мз ниссаг̇г̇ияам̣. имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Kayavikkayaṃ samāpajjeyyāti iminā imaṃ dehi, iminā imaṃ āhara, iminā imaṃ parivattehi, iminā imaṃ cetāpehīti. Ajjhācarati, āpatti dukkaṭassa. Yato kayitañca hoti vikkayitañca attano bhaṇḍaṃ parahatthagataṃ parabhaṇḍaṃ attano hatthagataṃ, nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… ahaṃ, bhante, nānappakārakaṃ kayavikkayaṃ samāpajjiṃ. Idaṃ me nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
596. гаяавиггаяз гаяавиггаяасан̃н̃ий, ниссаг̇г̇ияам̣ баажид̇д̇ияам̣. гаяавиггаяз взмад̇иго , ниссаг̇г̇ияам̣ баажид̇д̇ияам̣. гаяавиггаяз нагаяавиггаяасан̃н̃ий, ниссаг̇г̇ияам̣ баажид̇д̇ияам̣.
596. Kayavikkaye kayavikkayasaññī, nissaggiyaṃ pācittiyaṃ. Kayavikkaye vematiko , nissaggiyaṃ pācittiyaṃ. Kayavikkaye nakayavikkayasaññī, nissaggiyaṃ pācittiyaṃ.
нагаяавиггаяз гаяавиггаяасан̃н̃ий, аабад̇д̇и д̣̇уггадасса. нагаяавиггаяз взмад̇иго, аабад̇д̇и д̣̇уггадасса. нагаяавиггаяз нагаяавиггаяасан̃н̃ий, анаабад̇д̇и.
Nakayavikkaye kayavikkayasaññī, āpatti dukkaṭassa. Nakayavikkaye vematiko, āpatti dukkaṭassa. Nakayavikkaye nakayavikkayasaññī, anāpatti.
597. анаабад̇д̇и – аг̇гхам̣ бужчад̇и, габбияагаарагасса аажигкад̇и, ‘‘ид̣̇ам̣ амхаагам̣ ад̇т̇и, амхааган̃жа иминаа жа иминаа жа ад̇т̇о’’д̇и бхан̣ад̇и, уммад̇д̇агасса, аад̣̇игаммигассаад̇и.
597. Anāpatti – agghaṃ pucchati, kappiyakārakassa ācikkhati, ‘‘idaṃ amhākaṃ atthi, amhākañca iminā ca iminā ca attho’’ti bhaṇati, ummattakassa, ādikammikassāti.
гаяавиггаяасигкаабад̣̇ам̣ нидтид̇ам̣ д̣̇асамам̣.
Kayavikkayasikkhāpadaṃ niṭṭhitaṃ dasamaṃ.
госияаваг̇г̇о д̣̇уд̇ияо.
Kosiyavaggo dutiyo.
д̇ассуд̣̇д̣̇аанам̣ –
Tassuddānaṃ –
госияаа суд̣̇д̇хад̣̇взбхааг̇аа, чаб̣б̣ассаани нисийд̣̇анам̣;
Kosiyā suddhadvebhāgā, chabbassāni nisīdanaṃ;
д̣̇вз жа ломаани уг̇г̇ан̣хз, убхо наанаббагаарагаад̇и.
Dve ca lomāni uggaṇhe, ubho nānappakārakāti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
