| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
гзн̣ияаж̇адилавад̇т̇угат̇аа
Keṇiyajaṭilavatthukathā
300. гааж̇зхи г̇аахаабзд̇ваад̇и бан̃жахи гааж̇асад̇зхи сусан̇кад̇асса б̣ад̣̇арабаанасса гудасахассам̣ г̇аахаабзд̇ваа. зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваад̇и ‘‘саад̇ху бхигкавз баанам̣ абиванд̇аа саман̣асса г̇од̇амасса саавагаа бажжаяаб̣аахуллигаад̇и ваад̣̇ам̣ на уббаад̣̇аяид̇т̇а, маяи жа г̇ааравам̣ агад̇т̇а, мама жа д̇умхзсу г̇ааравам̣ ж̇анаяид̇т̇а, ид̇и во ахам̣ иминаа гааран̣зна судту басанно’’д̇иаад̣̇инаа наязна д̇хаммим̣ гат̇ам̣ гад̇ваа ануж̇аанаами бхигкавз адта баанаанийд̇иаад̣̇имааха.
300.Kājehi gāhāpetvāti pañcahi kājasatehi susaṅkhatassa badarapānassa kuṭasahassaṃ gāhāpetvā. Etasmiṃ nidāne etasmiṃ pakaraṇe dhammiṃ kathaṃ katvāti ‘‘sādhu bhikkhave pānaṃ apivantā samaṇassa gotamassa sāvakā paccayabāhullikāti vādaṃ na uppādayittha, mayi ca gāravaṃ akattha, mama ca tumhesu gāravaṃ janayittha, iti vo ahaṃ iminā kāraṇena suṭṭhu pasanno’’tiādinā nayena dhammiṃ kathaṃ katvā anujānāmi bhikkhave aṭṭha pānānītiādimāha.
д̇ад̇т̇а амб̣абаананд̇и аамзхи ваа баггзхи ваа амб̣зхи гад̇абаанам̣. д̇ад̇т̇а аамзхи гаронд̇зна амб̣ад̇арун̣аани бхинд̣̇ид̇ваа уд̣̇агз багкибид̇ваа аад̇абз аад̣̇ижжабаагзна бажид̇ваа бариссаавзд̇ваа д̇ад̣̇ахубадиг̇г̇ахид̇зхи мад̇хусаггарагаббуураад̣̇ийхи яож̇зд̇ваа гаад̇аб̣б̣ам̣. звам̣ гад̇ам̣ бурзбхад̇д̇амзва габбад̇и. анубасамбаннзхи гад̇ам̣ лабхид̇ваа бана бурзбхад̇д̇ам̣ бадиг̇г̇ахид̇ам̣ бурзбхад̇д̇ам̣ саамисабарибхог̇знааби ваддад̇и, бажчаабхад̇д̇ам̣ нираамисабарибхог̇зна яаава арун̣уг̇г̇аманаа ваддад̇иязва. зса наяо саб̣б̣абаанзсу.
Tattha ambapānanti āmehi vā pakkehi vā ambehi katapānaṃ. Tattha āmehi karontena ambataruṇāni bhinditvā udake pakkhipitvā ātape ādiccapākena pacitvā parissāvetvā tadahupaṭiggahitehi madhusakkarakappūrādīhi yojetvā kātabbaṃ. Evaṃ kataṃ purebhattameva kappati. Anupasampannehi kataṃ labhitvā pana purebhattaṃ paṭiggahitaṃ purebhattaṃ sāmisaparibhogenāpi vaṭṭati, pacchābhattaṃ nirāmisaparibhogena yāva aruṇuggamanā vaṭṭatiyeva. Esa nayo sabbapānesu.
д̇зсу бана ж̇амб̣убаананд̇и ж̇амб̣упалзхи гад̇абаанам̣. жожабаананд̇и адтигзхи гад̣̇алипалзхи гад̇абаанам̣. можабаананд̇и анадтигзхи гад̣̇алипалзхи гад̇абаанам̣. мад̇хугабаананд̇и мад̇хугаанам̣ ж̇аад̇ирасзна гад̇абаанам̣; д̇ам̣ бана уд̣̇агасамбхиннам̣ ваддад̇и, суд̣̇д̇хам̣ на ваддад̇и. муд̣̇д̣̇игабаананд̇и муд̣̇д̣̇игаа уд̣̇агз мад̣̇д̣̇ид̇ваа амб̣абаанам̣ вияа гад̇абаанам̣. саалуугабаананд̇и рад̇д̇уббаланийлуббалаад̣̇ийнам̣ саалуугз мад̣̇д̣̇ид̇ваа гад̇абаанам̣. паарусагабаананд̇и паарусагапалзхи амб̣абаанам̣ вияа гад̇абаанам̣. имаани адта баанаани сийд̇ааниби аад̣̇ижжабаагааниби вадданд̇и, аг̇г̇ибаагаани на вадданд̇и. д̇хан̃н̃апаларасанд̇и сад̇д̇аннам̣ д̇хан̃н̃аанам̣ паларасам̣. д̣аагарасанд̇и баггад̣аагарасам̣. яаавагаалигабад̇д̇аанан̃хи бурзбхад̇д̇ам̣язва расо габбад̇и. яааваж̇ийвигаанам̣ бадиг̇г̇ахзд̇ваа табид̇асаббиаад̣̇ийхи сад̣̇д̇хим̣ баггаанам̣ сад̇д̇аахам̣ габбад̇и. сажз бана суд̣̇д̇хауд̣̇агзна бажад̇и, яааваж̇ийвамби ваддад̇и. кийраад̣̇ийхи бана сад̣̇д̇хим̣ бажид̇ум̣ на ваддад̇и. ан̃н̃зхи баггамби д̣аагарасасан̇кяамзва г̇ажчад̇и. гурунд̣̇ияам̣ бана ‘‘яаавагаалигабад̇д̇аанамби сийд̇од̣̇агзна мад̣̇д̣̇ид̇ваа гад̇арасо ваа аад̣̇ижжабааго ваа ваддад̇ий’’д̇и вуд̇д̇ам̣. табзд̇ваа мад̇хугабубпарасанд̇и зд̇т̇а мад̇хугабубпарасо аг̇г̇ибааго ваа ход̇у аад̣̇ижжабааго ваа, бажчаабхад̇д̇ам̣ на ваддад̇и. бурзбхад̇д̇амби яам̣ баанам̣ г̇ахзд̇ваа маж̇ж̇ам̣ гаронд̇и, со аад̣̇ид̇о бадтааяа на ваддад̇и. мад̇хугабубпам̣ бана аллам̣ ваа сугкам̣ ваа бхаж̇ж̇ид̇ам̣ ваа д̇зна гад̇апаан̣ид̇ам̣ ваа яад̇о бадтааяа маж̇ж̇ам̣ на гаронд̇и, д̇ам̣ саб̣б̣ам̣ бурзбхад̇д̇ам̣ ваддад̇и. ужчурасо нигасадо бажчаабхад̇д̇ам̣ ваддад̇и . ид̇и баанаани ануж̇аананд̇зна имзби жад̇д̇ааро расаа анун̃н̃аад̇аад̇и. аг̇г̇ихуд̇д̇амукаа яан̃н̃аад̇иаад̣̇ийсу аг̇г̇ихуд̇ам̣ сздтам̣, аг̇г̇ихуд̇ам̣ муканд̇и вуд̇д̇ам̣ ход̇и.
Tesu pana jambupānanti jambuphalehi katapānaṃ. Cocapānanti aṭṭhikehi kadaliphalehi katapānaṃ. Mocapānanti anaṭṭhikehi kadaliphalehi katapānaṃ. Madhukapānanti madhukānaṃ jātirasena katapānaṃ; taṃ pana udakasambhinnaṃ vaṭṭati, suddhaṃ na vaṭṭati. Muddikapānanti muddikā udake madditvā ambapānaṃ viya katapānaṃ. Sālūkapānanti rattuppalanīluppalādīnaṃ sālūke madditvā katapānaṃ. Phārusakapānanti phārusakaphalehi ambapānaṃ viya katapānaṃ. Imāni aṭṭha pānāni sītānipi ādiccapākānipi vaṭṭanti, aggipākāni na vaṭṭanti. Dhaññaphalarasanti sattannaṃ dhaññānaṃ phalarasaṃ. Ḍākarasanti pakkaḍākarasaṃ. Yāvakālikapattānañhi purebhattaṃyeva raso kappati. Yāvajīvikānaṃ paṭiggahetvā ṭhapitasappiādīhi saddhiṃ pakkānaṃ sattāhaṃ kappati. Sace pana suddhaudakena pacati, yāvajīvampi vaṭṭati. Khīrādīhi pana saddhiṃ pacituṃ na vaṭṭati. Aññehi pakkampi ḍākarasasaṅkhyameva gacchati. Kurundiyaṃ pana ‘‘yāvakālikapattānampi sītodakena madditvā kataraso vā ādiccapāko vā vaṭṭatī’’ti vuttaṃ. Ṭhapetvā madhukapuppharasanti ettha madhukapuppharaso aggipāko vā hotu ādiccapāko vā, pacchābhattaṃ na vaṭṭati. Purebhattampi yaṃ pānaṃ gahetvā majjaṃ karonti, so ādito paṭṭhāya na vaṭṭati. Madhukapupphaṃ pana allaṃ vā sukkhaṃ vā bhajjitaṃ vā tena kataphāṇitaṃ vā yato paṭṭhāya majjaṃ na karonti, taṃ sabbaṃ purebhattaṃ vaṭṭati. Ucchuraso nikasaṭo pacchābhattaṃ vaṭṭati . Iti pānāni anujānantena imepi cattāro rasā anuññātāti. Aggihuttamukhā yaññātiādīsu aggihutaṃ seṭṭhaṃ, aggihutaṃ mukhanti vuttaṃ hoti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 182. гзн̣ияаж̇адилавад̇т̇у • 182. Keṇiyajaṭilavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гзн̣ияаж̇адилавад̇т̇угат̇ааван̣н̣анаа • Keṇiyajaṭilavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гзн̣ияаж̇адилавад̇т̇угат̇ааван̣н̣анаа • Keṇiyajaṭilavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гзн̣ияаж̇адилавад̇т̇угат̇ааван̣н̣анаа • Keṇiyajaṭilavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 182. гзн̣ияаж̇адилавад̇т̇угат̇аа • 182. Keṇiyajaṭilavatthukathā
