| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. केसरपुप्फियत्थेरअपदानं
4. Kesarapupphiyattheraapadānaṃ
१२.
12.
‘‘विज्जाधरो तदा आसिं, हिमवन्तम्हि पब्बते।
‘‘Vijjādharo tadā āsiṃ, himavantamhi pabbate;
अद्दसं विरजं बुद्धं, चङ्कमन्तं महायसं॥
Addasaṃ virajaṃ buddhaṃ, caṅkamantaṃ mahāyasaṃ.
१३.
13.
उपसङ्कम्म सम्बुद्धं, वेस्सभुं अभिपूजयिं॥
Upasaṅkamma sambuddhaṃ, vessabhuṃ abhipūjayiṃ.
१४.
14.
‘‘एकत्तिंसे इतो कप्पे, यं कम्ममकरिं तदा।
‘‘Ekattiṃse ito kappe, yaṃ kammamakariṃ tadā;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
१५.
15.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा केसरपुप्फियो थेरो इमा गाथायो अभासित्थाति।
Itthaṃ sudaṃ āyasmā kesarapupphiyo thero imā gāthāyo abhāsitthāti.
केसरपुप्फियत्थेरस्सापदानं चतुत्थं।
Kesarapupphiyattherassāpadānaṃ catutthaṃ.
Footnotes:
