| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[346] 6. гзсаваж̇аад̇агаван̣н̣анаа
[346] 6. Kesavajātakavaṇṇanā
мануссинд̣̇ам̣ ж̇ахид̇ваанаад̇и ид̣̇ам̣ сад̇т̇аа ж̇зд̇аванз вихаранд̇о виссаасабхож̇анам̣ аараб̣бха гат̇зси. анаат̇абин̣д̣игасса гира г̇зхз бан̃жаннам̣ бхигкусад̇аанам̣ ниб̣ад̣̇д̇хабхад̇д̇ам̣ ход̇и, г̇зхам̣ нижжагаалам̣ бхигкусан̇гхасса обаанабхууд̇ам̣ гаасаавабаж̇ж̇од̇ам̣ исиваад̇абадиваад̇ам̣. ат̇згад̣̇ивасам̣ рааж̇аа наг̇арам̣ бад̣̇агкин̣ам̣ гаронд̇о сздтино нивзсанз бхигкусан̇гхам̣ д̣̇исваа ‘‘ахамби арияасан̇гхасса ниб̣ад̣̇д̇хам̣ бхигкам̣ д̣̇ассаамий’’д̇и вихаарам̣ г̇анд̇ваа сад̇т̇аарам̣ ванд̣̇ид̇ваа бан̃жаннам̣ бхигкусад̇аанам̣ ниб̣ад̣̇д̇хам̣ бхигкам̣ бадтабзси. д̇ад̇о бадтааяа рааж̇анивзсанз ниб̣ад̣̇д̇хам̣ бхигкаа д̣̇ияяад̇и, д̇ивассигаг̇анд̇хасаалибхож̇анам̣ бан̣ийд̇ам̣. виссаасзнаби синзхзнаби сахад̇т̇аа д̣̇ааяагаа над̇т̇и, рааж̇аяуд̇д̇з д̣̇аабзси. бхигкуу нисийд̣̇ид̇ваа бхун̃ж̇ид̇ум̣ на ижчанд̇и, наанаг̇г̇арасабхад̇д̇ам̣ г̇ахзд̇ваа ад̇д̇ано ад̇д̇ано убадтаагагулам̣ г̇анд̇ваа д̇ам̣ бхад̇д̇ам̣ д̇зсам̣ д̣̇ад̇ваа д̇зхи д̣̇иннам̣ луукам̣ ваа бан̣ийд̇ам̣ ваа бхун̃ж̇анд̇и.
Manussindaṃ jahitvānāti idaṃ satthā jetavane viharanto vissāsabhojanaṃ ārabbha kathesi. Anāthapiṇḍikassa kira gehe pañcannaṃ bhikkhusatānaṃ nibaddhabhattaṃ hoti, gehaṃ niccakālaṃ bhikkhusaṅghassa opānabhūtaṃ kāsāvapajjotaṃ isivātapaṭivātaṃ. Athekadivasaṃ rājā nagaraṃ padakkhiṇaṃ karonto seṭṭhino nivesane bhikkhusaṅghaṃ disvā ‘‘ahampi ariyasaṅghassa nibaddhaṃ bhikkhaṃ dassāmī’’ti vihāraṃ gantvā satthāraṃ vanditvā pañcannaṃ bhikkhusatānaṃ nibaddhaṃ bhikkhaṃ paṭṭhapesi. Tato paṭṭhāya rājanivesane nibaddhaṃ bhikkhā diyyati, tivassikagandhasālibhojanaṃ paṇītaṃ. Vissāsenapi sinehenapi sahatthā dāyakā natthi, rājayutte dāpesi. Bhikkhū nisīditvā bhuñjituṃ na icchanti, nānaggarasabhattaṃ gahetvā attano attano upaṭṭhākakulaṃ gantvā taṃ bhattaṃ tesaṃ datvā tehi dinnaṃ lūkhaṃ vā paṇītaṃ vā bhuñjanti.
ат̇згад̣̇ивасам̣ ран̃н̃о б̣ахум̣ палаапалам̣ аахарим̣су. рааж̇аа ‘‘сан̇гхасса д̣̇зт̇аа’’д̇и ааха. мануссаа бхад̇д̇аг̇г̇ам̣ г̇анд̇ваа згабхигкумби ад̣̇исваа ‘‘зго бхигкуби над̇т̇ий’’д̇и ран̃н̃о аарожзсум̣. ‘‘нану взлааязва д̇ааваа’’д̇и? ‘‘аама, взлаа, бхигкуу бана д̇умхаагам̣ г̇зхз бхад̇д̇ам̣ г̇ахзд̇ваа ад̇д̇ано ад̇д̇ано виссаасигаанам̣ убадтаагаанам̣ г̇зхам̣ г̇анд̇ваа д̇зсам̣ д̣̇ад̇ваа д̇зхи д̣̇иннам̣ луукам̣ ваа бан̣ийд̇ам̣ ваа бхун̃ж̇анд̇ий’’д̇и. рааж̇аа ‘‘амхаагам̣ бхад̇д̇ам̣ бан̣ийд̇ам̣, гзна ну ко гааран̣зна абхуд̇ваа ан̃н̃ам̣ бхун̃ж̇анд̇и, сад̇т̇аарам̣ бужчиссаамий’’д̇и жинд̇зд̇ваа вихаарам̣ г̇анд̇ваа сад̇т̇аарам̣ ванд̣̇ид̇ваа бужчи. сад̇т̇аа ‘‘махаарааж̇а, бхож̇анам̣ наама виссаасабарамам̣, д̇умхаагам̣ г̇зхз виссаасам̣ бажжубадтаабзд̇ваа синзхзна д̣̇ааяагаанам̣ абхааваа бхигкуу бхад̇д̇ам̣ г̇ахзд̇ваа ад̇д̇ано ад̇д̇ано виссаасигадтаанз барибхун̃ж̇анд̇и. махаарааж̇а, виссаасасад̣̇исо ан̃н̃о расо наама над̇т̇и, ависсаасигзна д̣̇иннам̣ жад̇умад̇хурамби хи виссаасигзна д̣̇иннам̣ саамаагабхад̇д̇ам̣ на аг̇гхад̇и. бораан̣агабан̣д̣ид̇ааби рог̇з уббаннз ран̃н̃аа бан̃жа взж̇ж̇агулаани г̇ахзд̇ваа бхзсаж̇ж̇з гаарид̇зби рог̇з авуубасанд̇з виссаасигаанам̣ санд̇игам̣ г̇анд̇ваа алон̣агам̣ саамааганийваараяааг̇ун̃жзва уд̣̇агамад̇д̇асид̇д̇ам̣ алон̣агабан̣н̣ан̃жа барибхун̃ж̇ид̇ваа нирог̇аа ж̇аад̇аа’’д̇и вад̇ваа д̇зна яаажид̇о ад̇ийд̇ам̣ аахари.
Athekadivasaṃ rañño bahuṃ phalāphalaṃ āhariṃsu. Rājā ‘‘saṅghassa dethā’’ti āha. Manussā bhattaggaṃ gantvā ekabhikkhumpi adisvā ‘‘eko bhikkhupi natthī’’ti rañño ārocesuṃ. ‘‘Nanu velāyeva tāvā’’ti? ‘‘Āma, velā, bhikkhū pana tumhākaṃ gehe bhattaṃ gahetvā attano attano vissāsikānaṃ upaṭṭhākānaṃ gehaṃ gantvā tesaṃ datvā tehi dinnaṃ lūkhaṃ vā paṇītaṃ vā bhuñjantī’’ti. Rājā ‘‘amhākaṃ bhattaṃ paṇītaṃ, kena nu kho kāraṇena abhutvā aññaṃ bhuñjanti, satthāraṃ pucchissāmī’’ti cintetvā vihāraṃ gantvā satthāraṃ vanditvā pucchi. Satthā ‘‘mahārāja, bhojanaṃ nāma vissāsaparamaṃ, tumhākaṃ gehe vissāsaṃ paccupaṭṭhāpetvā sinehena dāyakānaṃ abhāvā bhikkhū bhattaṃ gahetvā attano attano vissāsikaṭṭhāne paribhuñjanti. Mahārāja, vissāsasadiso añño raso nāma natthi, avissāsikena dinnaṃ catumadhurampi hi vissāsikena dinnaṃ sāmākabhattaṃ na agghati. Porāṇakapaṇḍitāpi roge uppanne raññā pañca vejjakulāni gahetvā bhesajje kāritepi roge avūpasante vissāsikānaṃ santikaṃ gantvā aloṇakaṃ sāmākanīvārayāguñceva udakamattasittaṃ aloṇakapaṇṇañca paribhuñjitvā nirogā jātā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз б̣раамхан̣агулз ниб̣б̣ад̇д̇и, ‘‘габбагумааро’’д̇исса наамам̣ агам̣су. со ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа абарабхааг̇з исибаб̣б̣аж̇ж̇ам̣ баб̣б̣аж̇и. д̇ад̣̇аа гзсаво наама д̇аабасо бан̃жахи д̇аабасасад̇зхи баривуд̇о г̇ан̣асад̇т̇аа худ̇ваа химаванд̇з васад̇и. б̣од̇хисад̇д̇о д̇асса санд̇игам̣ г̇анд̇ваа бан̃жаннам̣ анд̇зваасигасад̇аанам̣ ж̇здтанд̇зваасиго худ̇ваа вихааси, гзсавад̇аабасасса хид̇аж̇жхаасаяо сасинзхо ахоси. д̇з ан̃н̃аман̃н̃ам̣ ад̇ивияа виссаасигаа ахзсум̣. абарабхааг̇з гзсаво д̇з д̇аабасз аад̣̇ааяа лон̣амб̣иласзванад̇т̇ааяа мануссабат̇ам̣ г̇анд̇ваа б̣аараан̣асим̣ бад̇ваа рааж̇уяяаанз васид̇ваа бунад̣̇ивасз наг̇арам̣ бхигкааяа бависид̇ваа рааж̇ад̣̇ваарам̣ аг̇амааси. рааж̇аа исиг̇ан̣ам̣ д̣̇исваа баггосаабзд̇ваа анд̇онивзсанз бхож̇зд̇ваа бадин̃н̃ам̣ г̇ахзд̇ваа уяяаанз васаабзси. ат̇а вассаарад̇д̇з ад̇игганд̇з гзсаво рааж̇аанам̣ аабужчи. рааж̇аа ‘‘бханд̇з, д̇умхз махаллагаа, амхз д̇аава убаниссааяа васат̇а, д̣̇ахарад̇аабасз химаванд̇ам̣ бзсзт̇аа’’д̇и ааха. со ‘‘саад̇хуу’’д̇и ж̇здтанд̇зваасигзна сад̣̇д̇хим̣ д̇з химаванд̇ам̣ бзсзд̇ваа саяам̣ згагова охияи. габбо химаванд̇ам̣ г̇анд̇ваа д̇аабасзхи сад̣̇д̇хим̣ васи.
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe brāmhaṇakule nibbatti, ‘‘kappakumāro’’tissa nāmaṃ akaṃsu. So vayappatto takkasilāyaṃ sabbasippāni uggaṇhitvā aparabhāge isipabbajjaṃ pabbaji. Tadā kesavo nāma tāpaso pañcahi tāpasasatehi parivuto gaṇasatthā hutvā himavante vasati. Bodhisatto tassa santikaṃ gantvā pañcannaṃ antevāsikasatānaṃ jeṭṭhantevāsiko hutvā vihāsi, kesavatāpasassa hitajjhāsayo sasineho ahosi. Te aññamaññaṃ ativiya vissāsikā ahesuṃ. Aparabhāge kesavo te tāpase ādāya loṇambilasevanatthāya manussapathaṃ gantvā bārāṇasiṃ patvā rājuyyāne vasitvā punadivase nagaraṃ bhikkhāya pavisitvā rājadvāraṃ agamāsi. Rājā isigaṇaṃ disvā pakkosāpetvā antonivesane bhojetvā paṭiññaṃ gahetvā uyyāne vasāpesi. Atha vassāratte atikkante kesavo rājānaṃ āpucchi. Rājā ‘‘bhante, tumhe mahallakā, amhe tāva upanissāya vasatha, daharatāpase himavantaṃ pesethā’’ti āha. So ‘‘sādhū’’ti jeṭṭhantevāsikena saddhiṃ te himavantaṃ pesetvā sayaṃ ekakova ohiyi. Kappo himavantaṃ gantvā tāpasehi saddhiṃ vasi.
гзсаво габбзна винаа васанд̇о угган̣тид̇ваа д̇ам̣ д̣̇адтугаамо худ̇ваа нид̣̇д̣̇ам̣ на лабхад̇и, д̇асса нид̣̇д̣̇ам̣ алабханд̇асса саммаа аахааро на барин̣аамам̣ г̇ажчад̇и, лохид̇абагканд̣̇игаа ахоси, б̣аал̣хаа взд̣̇анаа вад̇д̇анд̇и. рааж̇аа бан̃жа взж̇ж̇агулаани г̇ахзд̇ваа д̇аабасам̣ бадиж̇аг̇г̇и, рог̇о на вуубасаммад̇и. гзсаво рааж̇аанам̣ ааха ‘‘махаарааж̇а, гим̣ маяхам̣ маран̣ам̣ ижчат̇а, уд̣̇ааху арог̇абхаава’’нд̇и ? ‘‘арог̇абхаавам̣, бханд̇з’’д̇и. ‘‘д̇зна хи мам̣ химаванд̇ам̣ бзсзт̇аа’’д̇и. ‘‘саад̇ху, бханд̇з’’д̇и рааж̇аа наарад̣̇ам̣ наама амажжам̣ баггаасаабзд̇ваа ‘‘наарад̣̇а, амхаагам̣ бхад̣̇анд̇ам̣ г̇ахзд̇ваа ванажарагзхи сад̣̇д̇хим̣ химаванд̇ам̣ яаахий’’д̇и бзсзси. наарад̣̇о д̇ам̣ д̇ад̇т̇а нзд̇ваа бажжааг̇амааси. гзсавассаби габбз д̣̇идтамад̇д̇зязва жзд̇асигарог̇о вуубасанд̇о, угган̣таа бадиббассамбхи. ат̇асса габбо алон̣агзна ад̇хуубанзна уд̣̇агамад̇д̇асид̇д̇абан̣н̣зна сад̣̇д̇хим̣ саамааганийваараяааг̇ум̣ ад̣̇ааси, д̇асса д̇ан̇кан̣ан̃н̃зва лохид̇абагканд̣̇игаа бадиббассамбхи.
Kesavo kappena vinā vasanto ukkaṇṭhitvā taṃ daṭṭhukāmo hutvā niddaṃ na labhati, tassa niddaṃ alabhantassa sammā āhāro na pariṇāmaṃ gacchati, lohitapakkhandikā ahosi, bāḷhā vedanā vattanti. Rājā pañca vejjakulāni gahetvā tāpasaṃ paṭijaggi, rogo na vūpasammati. Kesavo rājānaṃ āha ‘‘mahārāja, kiṃ mayhaṃ maraṇaṃ icchatha, udāhu arogabhāva’’nti ? ‘‘Arogabhāvaṃ, bhante’’ti. ‘‘Tena hi maṃ himavantaṃ pesethā’’ti. ‘‘Sādhu, bhante’’ti rājā nāradaṃ nāma amaccaṃ pakkāsāpetvā ‘‘nārada, amhākaṃ bhadantaṃ gahetvā vanacarakehi saddhiṃ himavantaṃ yāhī’’ti pesesi. Nārado taṃ tattha netvā paccāgamāsi. Kesavassapi kappe diṭṭhamatteyeva cetasikarogo vūpasanto, ukkaṇṭhā paṭippassambhi. Athassa kappo aloṇakena adhūpanena udakamattasittapaṇṇena saddhiṃ sāmākanīvārayāguṃ adāsi, tassa taṅkhaṇaññeva lohitapakkhandikā paṭippassambhi.
буна рааж̇аа наарад̣̇ам̣ бзсзси ‘‘г̇ажча гзсавасса д̇аабасасса бавад̇д̇им̣ ж̇аанаахий’’д̇и. со г̇анд̇ваа д̇ам̣ арог̇ам̣ д̣̇исваа ‘‘бханд̇з, б̣аараан̣асирааж̇аа бан̃жа взж̇ж̇агулаани г̇ахзд̇ваа бадиж̇аг̇г̇анд̇о д̇умхз арог̇з гаад̇ум̣ наасагки, гат̇ам̣ д̇з габбо бадиж̇аг̇г̇ий’’д̇и вад̇ваа батамам̣ г̇аат̇амааха –
Puna rājā nāradaṃ pesesi ‘‘gaccha kesavassa tāpasassa pavattiṃ jānāhī’’ti. So gantvā taṃ arogaṃ disvā ‘‘bhante, bārāṇasirājā pañca vejjakulāni gahetvā paṭijagganto tumhe aroge kātuṃ nāsakkhi, kathaṃ te kappo paṭijaggī’’ti vatvā paṭhamaṃ gāthamāha –
177.
177.
‘‘мануссинд̣̇ам̣ ж̇ахид̇ваана, саб̣б̣агаамасамид̣̇д̇хинам̣;
‘‘Manussindaṃ jahitvāna, sabbakāmasamiddhinaṃ;
гат̇ам̣ ну бхаг̇аваа гзсий, габбасса рамад̇и ассамз’’д̇и.
Kathaṃ nu bhagavā kesī, kappassa ramati assame’’ti.
д̇ад̇т̇а мануссинд̣̇анд̇и мануссаанам̣ инд̣̇ам̣ б̣аараан̣асирааж̇аанам̣. гат̇ам̣ ну бхаг̇аваа гзсийд̇и гзна ну ко убааязна аяам̣ амхаагам̣ бхаг̇аваа гзсавад̇аабасо габбасса ассамз рамад̇ийд̇и.
Tattha manussindanti manussānaṃ indaṃ bārāṇasirājānaṃ. Kathaṃ nu bhagavā kesīti kena nu kho upāyena ayaṃ amhākaṃ bhagavā kesavatāpaso kappassa assame ramatīti.
звам̣ ан̃н̃зхи сад̣̇д̇хим̣ саллабанд̇о вияа гзсавасса абхирад̇игааран̣ам̣ бужчи. д̇ам̣ суд̇ваа гзсаво д̣̇уд̇ияам̣ г̇аат̇амааха –
Evaṃ aññehi saddhiṃ sallapanto viya kesavassa abhiratikāraṇaṃ pucchi. Taṃ sutvā kesavo dutiyaṃ gāthamāha –
178.
178.
‘‘саад̣̇ууни раман̣ийяаани, санд̇и вагкаа манорамаа;
‘‘Sādūni ramaṇīyāni, santi vakkhā manoramā;
субхаасид̇аани габбасса, наарад̣̇а рамаяанд̇и ма’’нд̇и.
Subhāsitāni kappassa, nārada ramayanti ma’’nti.
д̇ад̇т̇а вагкаад̇и ругкаа. баал̣ияам̣ бана ‘‘ругкаа’’д̇взва ликид̇ам̣. субхаасид̇аанийд̇и габбзна гат̇ид̇аани субхаасид̇аани мам̣ рамаяанд̇ийд̇и ад̇т̇о.
Tattha vakkhāti rukkhā. Pāḷiyaṃ pana ‘‘rukkhā’’tveva likhitaṃ. Subhāsitānīti kappena kathitāni subhāsitāni maṃ ramayantīti attho.
зван̃жа бана вад̇ваа ‘‘звам̣ мам̣ абхирамаабзнд̇о габбо алон̣агам̣ ад̇хуубанам̣ уд̣̇агасид̇д̇абан̣н̣амиссам̣ саамааганийваараяааг̇ум̣ бааязси, д̇ааяа мз сарийрз б̣яаад̇хи вуубасамид̇о, арог̇о ж̇аад̇омхий’’д̇и ааха. д̇ам̣ суд̇ваа наарад̣̇о д̇ад̇ияам̣ г̇аат̇амааха –
Evañca pana vatvā ‘‘evaṃ maṃ abhiramāpento kappo aloṇakaṃ adhūpanaṃ udakasittapaṇṇamissaṃ sāmākanīvārayāguṃ pāyesi, tāya me sarīre byādhi vūpasamito, arogo jātomhī’’ti āha. Taṃ sutvā nārado tatiyaṃ gāthamāha –
179.
179.
‘‘саалийнам̣ од̣̇анам̣ бхун̃ж̇з, сужим̣ мам̣суубасзжанам̣;
‘‘Sālīnaṃ odanaṃ bhuñje, suciṃ maṃsūpasecanaṃ;
гат̇ам̣ саамааганийваарам̣, алон̣ам̣ чаад̣̇аяанд̇и д̇а’’нд̇и.
Kathaṃ sāmākanīvāraṃ, aloṇaṃ chādayanti ta’’nti.
д̇ад̇т̇а бхун̃ж̇зд̇и бхун̃ж̇аси, аяамзва ваа баато. чаад̣̇аяанд̇ийд̇и чаад̣̇аяад̇и бийн̣зд̇и д̇осзд̇и. г̇аат̇ааб̣анд̇хасукад̇т̇ам̣ бана анунаасиго гад̇о. ид̣̇ам̣ вуд̇д̇ам̣ ход̇и – яо д̇вам̣ сужим̣ мам̣суубасзжанам̣ рааж̇агулз рааж̇аарахам̣ саалибхад̇д̇ам̣ бхун̃ж̇аси, д̇ам̣ гат̇амид̣̇ам̣ саамааганийваарам̣ алон̣ам̣ бийн̣зд̇и д̇осзд̇и, гат̇ам̣ д̇з зд̇ам̣ ружжад̇ийд̇и.
Tattha bhuñjeti bhuñjasi, ayameva vā pāṭho. Chādayantīti chādayati pīṇeti toseti. Gāthābandhasukhatthaṃ pana anunāsiko kato. Idaṃ vuttaṃ hoti – yo tvaṃ suciṃ maṃsūpasecanaṃ rājakule rājārahaṃ sālibhattaṃ bhuñjasi, taṃ kathamidaṃ sāmākanīvāraṃ aloṇaṃ pīṇeti toseti, kathaṃ te etaṃ ruccatīti.
д̇ам̣ суд̇ваа гзсаво жад̇уд̇т̇ам̣ г̇аат̇амааха –
Taṃ sutvā kesavo catutthaṃ gāthamāha –
180.
180.
‘‘саад̣̇ум̣ ваа яад̣̇и ваасаад̣̇ум̣, аббам̣ ваа яад̣̇и ваа б̣ахум̣;
‘‘Sāduṃ vā yadi vāsāduṃ, appaṃ vā yadi vā bahuṃ;
виссад̇т̇о яад̇т̇а бхун̃ж̇зяяа, виссаасабарамаа расаа’’д̇и.
Vissattho yattha bhuñjeyya, vissāsaparamā rasā’’ti.
д̇ад̇т̇а яад̣̇и ваасаад̣̇унд̇и яад̣̇и ваа асаад̣̇ум̣. виссад̇т̇од̇и нираасан̇го виссаасабад̇д̇о худ̇ваа. яад̇т̇а бхун̃ж̇зяяаад̇и яасмим̣ нивзсанз звам̣ бхун̃ж̇зяяа, д̇ад̇т̇а звам̣ бхуд̇д̇ам̣ яам̣гин̃жи бхож̇анам̣ саад̣̇умзва. гасмаа? яасмаа виссаасабарамаа расаа, виссаасо барамо уд̇д̇амо зд̇зсанд̇и виссаасабарамаа расаа. виссаасасад̣̇исо хи ан̃н̃о расо наама над̇т̇и. ависсаасигзна хи д̣̇иннам̣ жад̇умад̇хурамби виссаасигзна д̣̇иннам̣ амб̣илаган̃ж̇ияам̣ на аг̇гхад̇ийд̇и.
Tattha yadi vāsādunti yadi vā asāduṃ. Vissatthoti nirāsaṅko vissāsapatto hutvā. Yattha bhuñjeyyāti yasmiṃ nivesane evaṃ bhuñjeyya, tattha evaṃ bhuttaṃ yaṃkiñci bhojanaṃ sādumeva. Kasmā? Yasmā vissāsaparamā rasā, vissāso paramo uttamo etesanti vissāsaparamā rasā. Vissāsasadiso hi añño raso nāma natthi. Avissāsikena hi dinnaṃ catumadhurampi vissāsikena dinnaṃ ambilakañjiyaṃ na agghatīti.
наарад̣̇о д̇асса важанам̣ суд̇ваа ран̃н̃о санд̇игам̣ г̇анд̇ваа ‘‘гзсаво ид̣̇ам̣ наама гат̇зсий’’д̇и аажигки.
Nārado tassa vacanaṃ sutvā rañño santikaṃ gantvā ‘‘kesavo idaṃ nāma kathesī’’ti ācikkhi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, наарад̣̇о саарибуд̇д̇о, гзсаво б̣агаб̣рахмаа, габбо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā rājā ānando ahosi, nārado sāriputto, kesavo bakabrahmā, kappo pana ahameva ahosi’’nti.
гзсаваж̇аад̇агаван̣н̣анаа чадтаа.
Kesavajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 346. гзсаваж̇аад̇агам̣ • 346. Kesavajātakaṃ
