| Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya |
11. гзваддасуд̇д̇ам̣
11. Kevaṭṭasuttaṃ
гзваддаг̇ахабад̇ибуд̇д̇авад̇т̇у
Kevaṭṭagahapatiputtavatthu
481. звам̣ мз суд̇ам̣ – згам̣ самаяам̣ бхаг̇аваа наал̣анд̣̇ааяам̣ вихарад̇и баавааригамб̣аванз. ат̇а ко гзваддо г̇ахабад̇ибуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко гзваддо г̇ахабад̇ибуд̇д̇о бхаг̇аванд̇ам̣ зд̇ад̣̇авожа – ‘‘аяам̣, бханд̇з, наал̣анд̣̇аа ид̣̇д̇хаа жзва пийд̇аа жа б̣ахуж̇анаа аагин̣н̣амануссаа бхаг̇авад̇и абхиббасаннаа. саад̇ху, бханд̇з, бхаг̇аваа згам̣ бхигкум̣ самаад̣̇исад̇у, яо уд̇д̇аримануссад̇хаммаа, ид̣̇д̇хибаадихаарияам̣ гариссад̇и; звааяам̣ наал̣анд̣̇аа бхияяосо мад̇д̇ааяа бхаг̇авад̇и абхиббасийд̣̇иссад̇ий’’д̇и. звам̣ вуд̇д̇з, бхаг̇аваа гзваддам̣ г̇ахабад̇ибуд̇д̇ам̣ зд̇ад̣̇авожа – ‘‘на ко ахам̣, гзвадда, бхигкуунам̣ звам̣ д̇хаммам̣ д̣̇зсзми – зт̇а д̇умхз, бхигкавз, г̇ихийнам̣ од̣̇аад̇авасанаанам̣ уд̇д̇аримануссад̇хаммаа ид̣̇д̇хибаадихаарияам̣ гарот̇аа’’д̇и.
481. Evaṃ me sutaṃ – ekaṃ samayaṃ bhagavā nāḷandāyaṃ viharati pāvārikambavane. Atha kho kevaṭṭo gahapatiputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho kevaṭṭo gahapatiputto bhagavantaṃ etadavoca – ‘‘ayaṃ, bhante, nāḷandā iddhā ceva phītā ca bahujanā ākiṇṇamanussā bhagavati abhippasannā. Sādhu, bhante, bhagavā ekaṃ bhikkhuṃ samādisatu, yo uttarimanussadhammā, iddhipāṭihāriyaṃ karissati; evāyaṃ nāḷandā bhiyyoso mattāya bhagavati abhippasīdissatī’’ti. Evaṃ vutte, bhagavā kevaṭṭaṃ gahapatiputtaṃ etadavoca – ‘‘na kho ahaṃ, kevaṭṭa, bhikkhūnaṃ evaṃ dhammaṃ desemi – etha tumhe, bhikkhave, gihīnaṃ odātavasanānaṃ uttarimanussadhammā iddhipāṭihāriyaṃ karothā’’ti.
482. д̣̇уд̇ияамби ко гзваддо г̇ахабад̇ибуд̇д̇о бхаг̇аванд̇ам̣ зд̇ад̣̇авожа – ‘‘наахам̣, бханд̇з, бхаг̇аванд̇ам̣ д̇хам̣сзми; аби жа, звам̣ вад̣̇аами – ‘аяам̣, бханд̇з, наал̣анд̣̇аа ид̣̇д̇хаа жзва пийд̇аа жа б̣ахуж̇анаа аагин̣н̣амануссаа бхаг̇авад̇и абхиббасаннаа. саад̇ху, бханд̇з, бхаг̇аваа згам̣ бхигкум̣ самаад̣̇исад̇у, яо уд̇д̇аримануссад̇хаммаа ид̣̇д̇хибаадихаарияам̣ гариссад̇и; звааяам̣ наал̣анд̣̇аа бхияяосо мад̇д̇ааяа бхаг̇авад̇и абхиббасийд̣̇иссад̇ий’’’д̇и. д̣̇уд̇ияамби ко бхаг̇аваа гзваддам̣ г̇ахабад̇ибуд̇д̇ам̣ зд̇ад̣̇авожа – ‘‘на ко ахам̣, гзвадда, бхигкуунам̣ звам̣ д̇хаммам̣ д̣̇зсзми – зт̇а д̇умхз, бхигкавз, г̇ихийнам̣ од̣̇аад̇авасанаанам̣ уд̇д̇аримануссад̇хаммаа ид̣̇д̇хибаадихаарияам̣ гарот̇аа’’’д̇и.
482. Dutiyampi kho kevaṭṭo gahapatiputto bhagavantaṃ etadavoca – ‘‘nāhaṃ, bhante, bhagavantaṃ dhaṃsemi; api ca, evaṃ vadāmi – ‘ayaṃ, bhante, nāḷandā iddhā ceva phītā ca bahujanā ākiṇṇamanussā bhagavati abhippasannā. Sādhu, bhante, bhagavā ekaṃ bhikkhuṃ samādisatu, yo uttarimanussadhammā iddhipāṭihāriyaṃ karissati; evāyaṃ nāḷandā bhiyyoso mattāya bhagavati abhippasīdissatī’’’ti. Dutiyampi kho bhagavā kevaṭṭaṃ gahapatiputtaṃ etadavoca – ‘‘na kho ahaṃ, kevaṭṭa, bhikkhūnaṃ evaṃ dhammaṃ desemi – etha tumhe, bhikkhave, gihīnaṃ odātavasanānaṃ uttarimanussadhammā iddhipāṭihāriyaṃ karothā’’’ti.
д̇ад̇ияамби ко гзваддо г̇ахабад̇ибуд̇д̇о бхаг̇аванд̇ам̣ зд̇ад̣̇авожа – ‘‘наахам̣, бханд̇з, бхаг̇аванд̇ам̣ д̇хам̣сзми; аби жа, звам̣ вад̣̇аами – ‘аяам̣, бханд̇з, наал̣анд̣̇аа ид̣̇д̇хаа жзва пийд̇аа жа б̣ахуж̇анаа аагин̣н̣амануссаа бхаг̇авад̇и абхиббасаннаа. саад̇ху, бханд̇з, бхаг̇аваа згам̣ бхигкум̣ самаад̣̇исад̇у, яо уд̇д̇аримануссад̇хаммаа ид̣̇д̇хибаадихаарияам̣ гариссад̇и. звааяам̣ наал̣анд̣̇аа бхияяосо мад̇д̇ааяа бхаг̇авад̇и абхиббасийд̣̇иссад̇ий’д̇и.
Tatiyampi kho kevaṭṭo gahapatiputto bhagavantaṃ etadavoca – ‘‘nāhaṃ, bhante, bhagavantaṃ dhaṃsemi; api ca, evaṃ vadāmi – ‘ayaṃ, bhante, nāḷandā iddhā ceva phītā ca bahujanā ākiṇṇamanussā bhagavati abhippasannā. Sādhu, bhante, bhagavā ekaṃ bhikkhuṃ samādisatu, yo uttarimanussadhammā iddhipāṭihāriyaṃ karissati. Evāyaṃ nāḷandā bhiyyoso mattāya bhagavati abhippasīdissatī’ti.
ид̣̇д̇хибаадихаарияам̣
Iddhipāṭihāriyaṃ
483. ‘‘д̇ийн̣и ко имаани, гзвадда, баадихаарияаани маяаа саяам̣ абхин̃н̃аа сажчигад̇ваа бавзд̣̇ид̇аани. гад̇амаани д̇ийн̣и? ид̣̇д̇хибаадихаарияам̣, аад̣̇зсанаабаадихаарияам̣ , анусаасанийбаадихаарияам̣.
483. ‘‘Tīṇi kho imāni, kevaṭṭa, pāṭihāriyāni mayā sayaṃ abhiññā sacchikatvā paveditāni. Katamāni tīṇi? Iddhipāṭihāriyaṃ, ādesanāpāṭihāriyaṃ , anusāsanīpāṭihāriyaṃ.
484. ‘‘гад̇аман̃жа, гзвадда, ид̣̇д̇хибаадихаарияам̣? ид̇ха, гзвадда, бхигку анзгавихид̇ам̣ ид̣̇д̇хивид̇хам̣ бажжанубход̇и. згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇и; аавибхаавам̣ д̇иробхаавам̣ д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇и сзяяат̇ааби аагаасз; бат̇авияааби уммуж̇ж̇анимуж̇ж̇ам̣ гарод̇и сзяяат̇ааби уд̣̇агз; уд̣̇агзби абхиж̇ж̇амаанз г̇ажчад̇и сзяяат̇ааби бат̇авияам̣; аагаасзби баллан̇гзна гамад̇и сзяяат̇ааби багкий сагун̣о; имзби жанд̣̇имасуурияз звам̣ махид̣̇д̇хигз звам̣ махаанубхаавз баан̣инаа бараамасад̇и баримаж̇ж̇ад̇и; яаава б̣рахмалогааби гааязна васам̣ вад̇д̇зд̇и.
484. ‘‘Katamañca, kevaṭṭa, iddhipāṭihāriyaṃ? Idha, kevaṭṭa, bhikkhu anekavihitaṃ iddhividhaṃ paccanubhoti. Ekopi hutvā bahudhā hoti, bahudhāpi hutvā eko hoti; āvibhāvaṃ tirobhāvaṃ tirokuṭṭaṃ tiropākāraṃ tiropabbataṃ asajjamāno gacchati seyyathāpi ākāse; pathaviyāpi ummujjanimujjaṃ karoti seyyathāpi udake; udakepi abhijjamāne gacchati seyyathāpi pathaviyaṃ; ākāsepi pallaṅkena kamati seyyathāpi pakkhī sakuṇo; imepi candimasūriye evaṃ mahiddhike evaṃ mahānubhāve pāṇinā parāmasati parimajjati; yāva brahmalokāpi kāyena vasaṃ vatteti.
‘‘д̇амзнам̣ ан̃н̃ад̇аро сад̣̇д̇хо басанно бассад̇и д̇ам̣ бхигкум̣ анзгавихид̇ам̣ ид̣̇д̇хивид̇хам̣ бажжанубхонд̇ам̣ – згоби худ̇ваа б̣ахуд̇хаа хонд̇ам̣, б̣ахуд̇хааби худ̇ваа зго хонд̇ам̣; аавибхаавам̣ д̇иробхаавам̣; д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаанам̣ г̇ажчанд̇ам̣ сзяяат̇ааби аагаасз; бат̇авияааби уммуж̇ж̇анимуж̇ж̇ам̣ гаронд̇ам̣ сзяяат̇ааби уд̣̇агз; уд̣̇агзби абхиж̇ж̇амаанз г̇ажчанд̇ам̣ сзяяат̇ааби бат̇авияам̣; аагаасзби баллан̇гзна гаманд̇ам̣ сзяяат̇ааби багкий сагун̣о; имзби жанд̣̇имасуурияз звам̣ махид̣̇д̇хигз звам̣ махаанубхаавз баан̣инаа бараамасанд̇ам̣ баримаж̇ж̇анд̇ам̣ яаава б̣рахмалогааби гааязна васам̣ вад̇д̇знд̇ам̣.
‘‘Tamenaṃ aññataro saddho pasanno passati taṃ bhikkhuṃ anekavihitaṃ iddhividhaṃ paccanubhontaṃ – ekopi hutvā bahudhā hontaṃ, bahudhāpi hutvā eko hontaṃ; āvibhāvaṃ tirobhāvaṃ; tirokuṭṭaṃ tiropākāraṃ tiropabbataṃ asajjamānaṃ gacchantaṃ seyyathāpi ākāse; pathaviyāpi ummujjanimujjaṃ karontaṃ seyyathāpi udake; udakepi abhijjamāne gacchantaṃ seyyathāpi pathaviyaṃ; ākāsepi pallaṅkena kamantaṃ seyyathāpi pakkhī sakuṇo; imepi candimasūriye evaṃ mahiddhike evaṃ mahānubhāve pāṇinā parāmasantaṃ parimajjantaṃ yāva brahmalokāpi kāyena vasaṃ vattentaṃ.
‘‘д̇амзнам̣ со сад̣̇д̇хо басанно ан̃н̃ад̇арасса ассад̣̇д̇хасса аббасаннасса аарожзд̇и – ‘ажчарияам̣ вад̇а, бхо, аб̣бхуд̇ам̣ вад̇а, бхо, саман̣асса махид̣̇д̇хигад̇аа махаанубхаавад̇аа. амаахам̣ бхигкум̣ ад̣̇д̣̇асам̣ анзгавихид̇ам̣ ид̣̇д̇хивид̇хам̣ бажжанубхонд̇ам̣ – згоби худ̇ваа б̣ахуд̇хаа хонд̇ам̣, б̣ахуд̇хааби худ̇ваа зго хонд̇ам̣…бз… яаава б̣рахмалогааби гааязна васам̣ вад̇д̇знд̇а’нд̇и.
‘‘Tamenaṃ so saddho pasanno aññatarassa assaddhassa appasannassa āroceti – ‘acchariyaṃ vata, bho, abbhutaṃ vata, bho, samaṇassa mahiddhikatā mahānubhāvatā. Amāhaṃ bhikkhuṃ addasaṃ anekavihitaṃ iddhividhaṃ paccanubhontaṃ – ekopi hutvā bahudhā hontaṃ, bahudhāpi hutvā eko hontaṃ…pe… yāva brahmalokāpi kāyena vasaṃ vattenta’nti.
‘‘д̇амзнам̣ со ассад̣̇д̇хо аббасанно д̇ам̣ сад̣̇д̇хам̣ басаннам̣ звам̣ вад̣̇зяяа – ‘ад̇т̇и ко, бхо, г̇анд̇хаарий наама виж̇ж̇аа. д̇ааяа со бхигку анзгавихид̇ам̣ ид̣̇д̇хивид̇хам̣ бажжанубход̇и – згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇и…бз… яаава б̣рахмалогааби гааязна васам̣ вад̇д̇зд̇ий’д̇и.
‘‘Tamenaṃ so assaddho appasanno taṃ saddhaṃ pasannaṃ evaṃ vadeyya – ‘atthi kho, bho, gandhārī nāma vijjā. Tāya so bhikkhu anekavihitaṃ iddhividhaṃ paccanubhoti – ekopi hutvā bahudhā hoti, bahudhāpi hutvā eko hoti…pe… yāva brahmalokāpi kāyena vasaṃ vattetī’ti.
‘‘д̇ам̣ гим̣ ман̃н̃аси, гзвадда, аби ну со ассад̣̇д̇хо аббасанно д̇ам̣ сад̣̇д̇хам̣ басаннам̣ звам̣ вад̣̇зяяаа’’д̇и? ‘‘вад̣̇зяяа, бханд̇з’’д̇и. ‘‘имам̣ ко ахам̣, гзвадда, ид̣̇д̇хибаадихаарияз аад̣̇ийнавам̣ самбассамаано ид̣̇д̇хибаадихаариязна аддийяаами харааяаами ж̇иг̇ужчаами’’.
‘‘Taṃ kiṃ maññasi, kevaṭṭa, api nu so assaddho appasanno taṃ saddhaṃ pasannaṃ evaṃ vadeyyā’’ti? ‘‘Vadeyya, bhante’’ti. ‘‘Imaṃ kho ahaṃ, kevaṭṭa, iddhipāṭihāriye ādīnavaṃ sampassamāno iddhipāṭihāriyena aṭṭīyāmi harāyāmi jigucchāmi’’.
аад̣̇зсанаабаадихаарияам̣
Ādesanāpāṭihāriyaṃ
485. ‘‘гад̇аман̃жа, гзвадда, аад̣̇зсанаабаадихаарияам̣? ид̇ха, гзвадда, бхигку барасад̇д̇аанам̣ барабуг̇г̇алаанам̣ жид̇д̇амби аад̣̇исад̇и, жзд̇асигамби аад̣̇исад̇и, вид̇аггид̇амби аад̣̇исад̇и, вижаарид̇амби аад̣̇исад̇и – ‘звамби д̇з мано, ид̇т̇амби д̇з мано, ид̇иби д̇з жид̇д̇а’нд̇и.
485. ‘‘Katamañca, kevaṭṭa, ādesanāpāṭihāriyaṃ? Idha, kevaṭṭa, bhikkhu parasattānaṃ parapuggalānaṃ cittampi ādisati, cetasikampi ādisati, vitakkitampi ādisati, vicāritampi ādisati – ‘evampi te mano, itthampi te mano, itipi te citta’nti.
‘‘д̇амзнам̣ ан̃н̃ад̇аро сад̣̇д̇хо басанно бассад̇и д̇ам̣ бхигкум̣ барасад̇д̇аанам̣ барабуг̇г̇алаанам̣ жид̇д̇амби аад̣̇исанд̇ам̣, жзд̇асигамби аад̣̇исанд̇ам̣, вид̇аггид̇амби аад̣̇исанд̇ам̣, вижаарид̇амби аад̣̇исанд̇ам̣ – ‘звамби д̇з мано, ид̇т̇амби д̇з мано, ид̇иби д̇з жид̇д̇а’нд̇и. д̇амзнам̣ со сад̣̇д̇хо басанно ан̃н̃ад̇арасса ассад̣̇д̇хасса аббасаннасса аарожзд̇и – ‘ажчарияам̣ вад̇а, бхо, аб̣бхуд̇ам̣ вад̇а, бхо, саман̣асса махид̣̇д̇хигад̇аа махаанубхаавад̇аа. амаахам̣ бхигкум̣ ад̣̇д̣̇асам̣ барасад̇д̇аанам̣ барабуг̇г̇алаанам̣ жид̇д̇амби аад̣̇исанд̇ам̣, жзд̇асигамби аад̣̇исанд̇ам̣, вид̇аггид̇амби аад̣̇исанд̇ам̣, вижаарид̇амби аад̣̇исанд̇ам̣ – ‘‘звамби д̇з мано, ид̇т̇амби д̇з мано, ид̇иби д̇з жид̇д̇а’’’нд̇и.
‘‘Tamenaṃ aññataro saddho pasanno passati taṃ bhikkhuṃ parasattānaṃ parapuggalānaṃ cittampi ādisantaṃ, cetasikampi ādisantaṃ, vitakkitampi ādisantaṃ, vicāritampi ādisantaṃ – ‘evampi te mano, itthampi te mano, itipi te citta’nti. Tamenaṃ so saddho pasanno aññatarassa assaddhassa appasannassa āroceti – ‘acchariyaṃ vata, bho, abbhutaṃ vata, bho, samaṇassa mahiddhikatā mahānubhāvatā. Amāhaṃ bhikkhuṃ addasaṃ parasattānaṃ parapuggalānaṃ cittampi ādisantaṃ, cetasikampi ādisantaṃ, vitakkitampi ādisantaṃ, vicāritampi ādisantaṃ – ‘‘evampi te mano, itthampi te mano, itipi te citta’’’nti.
‘‘д̇амзнам̣ со ассад̣̇д̇хо аббасанно д̇ам̣ сад̣̇д̇хам̣ басаннам̣ звам̣ вад̣̇зяяа – ‘ад̇т̇и ко, бхо, ман̣игаа наама виж̇ж̇аа; д̇ааяа со бхигку барасад̇д̇аанам̣ барабуг̇г̇алаанам̣ жид̇д̇амби аад̣̇исад̇и, жзд̇асигамби аад̣̇исад̇и, вид̇аггид̇амби аад̣̇исад̇и, вижаарид̇амби аад̣̇исад̇и – ‘звамби д̇з мано, ид̇т̇амби д̇з мано, ид̇иби д̇з жид̇д̇а’’’нд̇и.
‘‘Tamenaṃ so assaddho appasanno taṃ saddhaṃ pasannaṃ evaṃ vadeyya – ‘atthi kho, bho, maṇikā nāma vijjā; tāya so bhikkhu parasattānaṃ parapuggalānaṃ cittampi ādisati, cetasikampi ādisati, vitakkitampi ādisati, vicāritampi ādisati – ‘evampi te mano, itthampi te mano, itipi te citta’’’nti.
‘‘д̇ам̣ гим̣ ман̃н̃аси, гзвадда, аби ну со ассад̣̇д̇хо аббасанно д̇ам̣ сад̣̇д̇хам̣ басаннам̣ звам̣ вад̣̇зяяаа’’д̇и ? ‘‘вад̣̇зяяа, бханд̇з’’д̇и. ‘‘имам̣ ко ахам̣, гзвадда, аад̣̇зсанаабаадихаарияз аад̣̇ийнавам̣ самбассамаано аад̣̇зсанаабаадихаариязна аддийяаами харааяаами ж̇иг̇ужчаами’’.
‘‘Taṃ kiṃ maññasi, kevaṭṭa, api nu so assaddho appasanno taṃ saddhaṃ pasannaṃ evaṃ vadeyyā’’ti ? ‘‘Vadeyya, bhante’’ti. ‘‘Imaṃ kho ahaṃ, kevaṭṭa, ādesanāpāṭihāriye ādīnavaṃ sampassamāno ādesanāpāṭihāriyena aṭṭīyāmi harāyāmi jigucchāmi’’.
анусаасанийбаадихаарияам̣
Anusāsanīpāṭihāriyaṃ
486. ‘‘гад̇аман̃жа, гзвадда, анусаасанийбаадихаарияам̣? ид̇ха, гзвадда, бхигку зваманусаасад̇и – ‘звам̣ вид̇аггзт̇а, маа звам̣ вид̇аггаяид̇т̇а, звам̣ манасигарот̇а, маа звам̣ манасаагад̇т̇а, ид̣̇ам̣ баж̇ахат̇а, ид̣̇ам̣ убасамбаж̇ж̇а вихарат̇аа’д̇и. ид̣̇ам̣ вужжад̇и, гзвадда, анусаасанийбаадихаарияам̣.
486. ‘‘Katamañca, kevaṭṭa, anusāsanīpāṭihāriyaṃ? Idha, kevaṭṭa, bhikkhu evamanusāsati – ‘evaṃ vitakketha, mā evaṃ vitakkayittha, evaṃ manasikarotha, mā evaṃ manasākattha, idaṃ pajahatha, idaṃ upasampajja viharathā’ti. Idaṃ vuccati, kevaṭṭa, anusāsanīpāṭihāriyaṃ.
‘‘буна жабарам̣, гзвадда, ид̇ха д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо …бз… (яат̇аа 190-212 анужчзд̣̇зсу звам̣ вид̇т̇аарзд̇аб̣б̣ам̣). звам̣ ко, гзвадда, бхигку сийласамбанно ход̇и…бз… батамам̣ жхаанам̣ убасамбаж̇ж̇а вихарад̇и. ид̣̇амби вужжад̇и, гзвадда, анусаасанийбаадихаарияам̣…бз… д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и. ид̣̇амби вужжад̇и, гзвадда, анусаасанийбаадихаарияам̣…бз… н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇и…бз… ид̣̇амби вужжад̇и, гзвадда, анусаасанийбаадихаарияам̣…бз… наабарам̣ ид̇т̇ад̇д̇ааяаад̇и баж̇аанаад̇и…бз… ид̣̇амби вужжад̇и, гзвадда, анусаасанийбаадихаарияам̣.
‘‘Puna caparaṃ, kevaṭṭa, idha tathāgato loke uppajjati arahaṃ sammāsambuddho …pe… (yathā 190-212 anucchedesu evaṃ vitthāretabbaṃ). Evaṃ kho, kevaṭṭa, bhikkhu sīlasampanno hoti…pe… paṭhamaṃ jhānaṃ upasampajja viharati. Idampi vuccati, kevaṭṭa, anusāsanīpāṭihāriyaṃ…pe… dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati. Idampi vuccati, kevaṭṭa, anusāsanīpāṭihāriyaṃ…pe… ñāṇadassanāya cittaṃ abhinīharati abhininnāmeti…pe… idampi vuccati, kevaṭṭa, anusāsanīpāṭihāriyaṃ…pe… nāparaṃ itthattāyāti pajānāti…pe… idampi vuccati, kevaṭṭa, anusāsanīpāṭihāriyaṃ.
‘‘имаани ко, гзвадда, д̇ийн̣и баадихаарияаани маяаа саяам̣ абхин̃н̃аа сажчигад̇ваа бавзд̣̇ид̇аани’’.
‘‘Imāni kho, kevaṭṭa, tīṇi pāṭihāriyāni mayā sayaṃ abhiññā sacchikatvā paveditāni’’.
бхууд̇анирод̇хзсагабхигкувад̇т̇у
Bhūtanirodhesakabhikkhuvatthu
487. ‘‘бхууд̇абуб̣б̣ам̣, гзвадда, имасмин̃н̃зва бхигкусан̇гхз ан̃н̃ад̇арасса бхигкуно звам̣ жзд̇асо баривид̇агго уд̣̇абаад̣̇и – ‘гад̇т̇а ну ко имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и?
487. ‘‘Bhūtapubbaṃ, kevaṭṭa, imasmiññeva bhikkhusaṅghe aññatarassa bhikkhuno evaṃ cetaso parivitakko udapādi – ‘kattha nu kho ime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti?
488. ‘‘ат̇а ко со, гзвадда, бхигку д̇ат̇ааруубам̣ самаад̇хим̣ самаабаж̇ж̇и, яат̇аасамаахид̇з жид̇д̇з д̣̇зваяаанияо маг̇г̇о баад̇урахоси. ат̇а ко со, гзвадда, бхигку язна жаад̇умахаарааж̇игаа д̣̇зваа д̇знубасан̇гами; убасан̇гамид̇ваа жаад̇умахаарааж̇игз д̣̇звз зд̇ад̣̇авожа – ‘гад̇т̇а ну ко, аавусо, имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и?
488. ‘‘Atha kho so, kevaṭṭa, bhikkhu tathārūpaṃ samādhiṃ samāpajji, yathāsamāhite citte devayāniyo maggo pāturahosi. Atha kho so, kevaṭṭa, bhikkhu yena cātumahārājikā devā tenupasaṅkami; upasaṅkamitvā cātumahārājike deve etadavoca – ‘kattha nu kho, āvuso, ime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti?
‘‘звам̣ вуд̇д̇з, гзвадда, жаад̇умахаарааж̇игаа д̣̇зваа д̇ам̣ бхигкум̣ зд̇ад̣̇авожум̣ – ‘маяамби ко, бхигку, на ж̇аанаама, яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇ууд̇и 1. ад̇т̇и ко 2, бхигку, жад̇д̇ааро махаарааж̇аано амхзхи абхигганд̇ад̇араа жа бан̣ийд̇ад̇араа жа. д̇з ко зд̇ам̣ ж̇аанзяяум̣, яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и.
‘‘Evaṃ vutte, kevaṭṭa, cātumahārājikā devā taṃ bhikkhuṃ etadavocuṃ – ‘mayampi kho, bhikkhu, na jānāma, yatthime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātūti 3. Atthi kho 4, bhikkhu, cattāro mahārājāno amhehi abhikkantatarā ca paṇītatarā ca. Te kho etaṃ jāneyyuṃ, yatthime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti.
489. ‘‘ат̇а ко со, гзвадда, бхигку язна жад̇д̇ааро махаарааж̇аано д̇знубасан̇гами; убасан̇гамид̇ваа жад̇д̇ааро махаарааж̇з зд̇ад̣̇авожа – ‘гад̇т̇а ну ко, аавусо, имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и? звам̣ вуд̇д̇з, гзвадда, жад̇д̇ааро махаарааж̇аано д̇ам̣ бхигкум̣ зд̇ад̣̇авожум̣ – ‘маяамби ко, бхигку, на ж̇аанаама, яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у, аабод̇хаад̇у д̇зж̇од̇хаад̇у вааяод̇хаад̇ууд̇и. ад̇т̇и ко, бхигку, д̇аавад̇им̣саа наама д̣̇зваа амхзхи абхигганд̇ад̇араа жа бан̣ийд̇ад̇араа жа. д̇з ко зд̇ам̣ ж̇аанзяяум̣, яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и.
489. ‘‘Atha kho so, kevaṭṭa, bhikkhu yena cattāro mahārājāno tenupasaṅkami; upasaṅkamitvā cattāro mahārāje etadavoca – ‘kattha nu kho, āvuso, ime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti? Evaṃ vutte, kevaṭṭa, cattāro mahārājāno taṃ bhikkhuṃ etadavocuṃ – ‘mayampi kho, bhikkhu, na jānāma, yatthime cattāro mahābhūtā aparisesā nirujjhanti, seyyathidaṃ – pathavīdhātu, āpodhātu tejodhātu vāyodhātūti. Atthi kho, bhikkhu, tāvatiṃsā nāma devā amhehi abhikkantatarā ca paṇītatarā ca. Te kho etaṃ jāneyyuṃ, yatthime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti.
490. ‘‘ат̇а ко со, гзвадда, бхигку язна д̇аавад̇им̣саа д̣̇зваа д̇знубасан̇гами; убасан̇гамид̇ваа д̇аавад̇им̣сз д̣̇звз зд̇ад̣̇авожа – ‘гад̇т̇а ну ко, аавусо, имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и? звам̣ вуд̇д̇з, гзвадда, д̇аавад̇им̣саа д̣̇зваа д̇ам̣ бхигкум̣ зд̇ад̣̇авожум̣ – ‘маяамби ко, бхигку, на ж̇аанаама, яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇ууд̇и. ад̇т̇и ко, бхигку, сагго наама д̣̇зваанаминд̣̇о амхзхи абхигганд̇ад̇аро жа бан̣ийд̇ад̇аро жа. со ко зд̇ам̣ ж̇аанзяяа, яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и.
490. ‘‘Atha kho so, kevaṭṭa, bhikkhu yena tāvatiṃsā devā tenupasaṅkami; upasaṅkamitvā tāvatiṃse deve etadavoca – ‘kattha nu kho, āvuso, ime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti? Evaṃ vutte, kevaṭṭa, tāvatiṃsā devā taṃ bhikkhuṃ etadavocuṃ – ‘mayampi kho, bhikkhu, na jānāma, yatthime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātūti. Atthi kho, bhikkhu, sakko nāma devānamindo amhehi abhikkantataro ca paṇītataro ca. So kho etaṃ jāneyya, yatthime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti.
491. ‘‘ат̇а ко со, гзвадда, бхигку язна сагго д̣̇зваанаминд̣̇о д̇знубасан̇гами; убасан̇гамид̇ваа саггам̣ д̣̇зваанаминд̣̇ам̣ зд̇ад̣̇авожа – ‘гад̇т̇а ну ко, аавусо, имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и? звам̣ вуд̇д̇з, гзвадда, сагго д̣̇зваанаминд̣̇о д̇ам̣ бхигкум̣ зд̇ад̣̇авожа – ‘ахамби ко, бхигку, на ж̇аанаами, яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇ууд̇и. ад̇т̇и ко, бхигку, яаамаа наама д̣̇зваа…бз… суяаамо наама д̣̇звабуд̇д̇о… д̇усид̇аа наама д̣̇зваа… санд̇уссид̇о наама д̣̇звабуд̇д̇о… ниммаанарад̇ий наама д̣̇зваа … суниммид̇о наама д̣̇звабуд̇д̇о… бараниммид̇авасавад̇д̇ий наама д̣̇зваа… васавад̇д̇ий наама д̣̇звабуд̇д̇о амхзхи абхигганд̇ад̇аро жа бан̣ийд̇ад̇аро жа. со ко зд̇ам̣ ж̇аанзяяа, яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и.
491. ‘‘Atha kho so, kevaṭṭa, bhikkhu yena sakko devānamindo tenupasaṅkami; upasaṅkamitvā sakkaṃ devānamindaṃ etadavoca – ‘kattha nu kho, āvuso, ime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti? Evaṃ vutte, kevaṭṭa, sakko devānamindo taṃ bhikkhuṃ etadavoca – ‘ahampi kho, bhikkhu, na jānāmi, yatthime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātūti. Atthi kho, bhikkhu, yāmā nāma devā…pe… suyāmo nāma devaputto… tusitā nāma devā… santussito nāma devaputto… nimmānaratī nāma devā … sunimmito nāma devaputto… paranimmitavasavattī nāma devā… vasavattī nāma devaputto amhehi abhikkantataro ca paṇītataro ca. So kho etaṃ jāneyya, yatthime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti.
492. ‘‘ат̇а ко со, гзвадда, бхигку язна васавад̇д̇ий д̣̇звабуд̇д̇о д̇знубасан̇гами; убасан̇гамид̇ваа васавад̇д̇им̣ д̣̇звабуд̇д̇ам̣ зд̇ад̣̇авожа – ‘гад̇т̇а ну ко, аавусо, имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и? звам̣ вуд̇д̇з , гзвадда, васавад̇д̇ий д̣̇звабуд̇д̇о д̇ам̣ бхигкум̣ зд̇ад̣̇авожа – ‘ахамби ко, бхигку, на ж̇аанаами яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇ууд̇и. ад̇т̇и ко, бхигку, б̣рахмагааяигаа наама д̣̇зваа амхзхи абхигганд̇ад̇араа жа бан̣ийд̇ад̇араа жа. д̇з ко зд̇ам̣ ж̇аанзяяум̣, яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и.
492. ‘‘Atha kho so, kevaṭṭa, bhikkhu yena vasavattī devaputto tenupasaṅkami; upasaṅkamitvā vasavattiṃ devaputtaṃ etadavoca – ‘kattha nu kho, āvuso, ime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti? Evaṃ vutte , kevaṭṭa, vasavattī devaputto taṃ bhikkhuṃ etadavoca – ‘ahampi kho, bhikkhu, na jānāmi yatthime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātūti. Atthi kho, bhikkhu, brahmakāyikā nāma devā amhehi abhikkantatarā ca paṇītatarā ca. Te kho etaṃ jāneyyuṃ, yatthime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti.
493. ‘‘ат̇а ко со, гзвадда, бхигку д̇ат̇ааруубам̣ самаад̇хим̣ самаабаж̇ж̇и, яат̇аасамаахид̇з жид̇д̇з б̣рахмаяаанияо маг̇г̇о баад̇урахоси. ат̇а ко со, гзвадда, бхигку язна б̣рахмагааяигаа д̣̇зваа д̇знубасан̇гами; убасан̇гамид̇ваа б̣рахмагааяигз д̣̇звз зд̇ад̣̇авожа – ‘гад̇т̇а ну ко, аавусо, имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и? звам̣ вуд̇д̇з, гзвадда, б̣рахмагааяигаа д̣̇зваа д̇ам̣ бхигкум̣ зд̇ад̣̇авожум̣ – ‘маяамби ко, бхигку, на ж̇аанаама, яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇ууд̇и. ад̇т̇и ко, бхигку, б̣рахмаа махааб̣рахмаа абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий иссаро гад̇д̇аа ниммаад̇аа сздто саж̇ид̇аа васий бид̇аа бхууд̇абхаб̣яаанам̣ амхзхи абхигганд̇ад̇аро жа бан̣ийд̇ад̇аро жа. со ко зд̇ам̣ ж̇аанзяяа, яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’’д̇и.
493. ‘‘Atha kho so, kevaṭṭa, bhikkhu tathārūpaṃ samādhiṃ samāpajji, yathāsamāhite citte brahmayāniyo maggo pāturahosi. Atha kho so, kevaṭṭa, bhikkhu yena brahmakāyikā devā tenupasaṅkami; upasaṅkamitvā brahmakāyike deve etadavoca – ‘kattha nu kho, āvuso, ime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti? Evaṃ vutte, kevaṭṭa, brahmakāyikā devā taṃ bhikkhuṃ etadavocuṃ – ‘mayampi kho, bhikkhu, na jānāma, yatthime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātūti. Atthi kho, bhikkhu, brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyānaṃ amhehi abhikkantataro ca paṇītataro ca. So kho etaṃ jāneyya, yatthime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’’ti.
‘‘‘гахам̣ банаавусо, зд̇арахи со махааб̣рахмаа’д̇и? ‘маяамби ко, бхигку, на ж̇аанаама, яад̇т̇а ваа б̣рахмаа язна ваа б̣рахмаа яахим̣ ваа б̣рахмаа; аби жа, бхигку, яат̇аа нимид̇д̇аа д̣̇иссанд̇и, аалого сан̃ж̇ааяад̇и, обхаасо баад̇убхавад̇и, б̣рахмаа баад̇убхависсад̇и, б̣рахмуно хзд̇ам̣ буб̣б̣анимид̇д̇ам̣ баад̇убхаавааяа, яад̣̇ид̣̇ам̣ аалого сан̃ж̇ааяад̇и, обхаасо баад̇убхавад̇ий’д̇и. ат̇а ко со, гзвадда, махааб̣рахмаа нажирассзва баад̇урахоси .
‘‘‘Kahaṃ panāvuso, etarahi so mahābrahmā’ti? ‘Mayampi kho, bhikkhu, na jānāma, yattha vā brahmā yena vā brahmā yahiṃ vā brahmā; api ca, bhikkhu, yathā nimittā dissanti, āloko sañjāyati, obhāso pātubhavati, brahmā pātubhavissati, brahmuno hetaṃ pubbanimittaṃ pātubhāvāya, yadidaṃ āloko sañjāyati, obhāso pātubhavatī’ti. Atha kho so, kevaṭṭa, mahābrahmā nacirasseva pāturahosi .
494. ‘‘ат̇а ко со, гзвадда, бхигку язна со махааб̣рахмаа д̇знубасан̇гами; убасан̇гамид̇ваа д̇ам̣ махааб̣рахмаанам̣ зд̇ад̣̇авожа – ‘гад̇т̇а ну ко, аавусо, имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’’д̇и? звам̣ вуд̇д̇з, гзвадда, со махааб̣рахмаа д̇ам̣ бхигкум̣ зд̇ад̣̇авожа – ‘ахамасми, бхигку, б̣рахмаа махааб̣рахмаа абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий иссаро гад̇д̇аа ниммаад̇аа сздто саж̇ид̇аа васий бид̇аа бхууд̇абхаб̣яаана’нд̇и.
494. ‘‘Atha kho so, kevaṭṭa, bhikkhu yena so mahābrahmā tenupasaṅkami; upasaṅkamitvā taṃ mahābrahmānaṃ etadavoca – ‘kattha nu kho, āvuso, ime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’’ti? Evaṃ vutte, kevaṭṭa, so mahābrahmā taṃ bhikkhuṃ etadavoca – ‘ahamasmi, bhikkhu, brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyāna’nti.
‘‘д̣̇уд̇ияамби ко со, гзвадда, бхигку д̇ам̣ махааб̣рахмаанам̣ зд̇ад̣̇авожа – ‘на кохам̣ д̇ам̣, аавусо, звам̣ бужчаами – ‘‘д̇вамаси б̣рахмаа махааб̣рахмаа абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий иссаро гад̇д̇аа ниммаад̇аа сздто саж̇ид̇аа васий бид̇аа бхууд̇абхаб̣яаана’’нд̇и. зван̃жа ко ахам̣ д̇ам̣, аавусо, бужчаами – ‘‘гад̇т̇а ну ко, аавусо, имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’’’д̇и?
‘‘Dutiyampi kho so, kevaṭṭa, bhikkhu taṃ mahābrahmānaṃ etadavoca – ‘na khohaṃ taṃ, āvuso, evaṃ pucchāmi – ‘‘tvamasi brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyāna’’nti. Evañca kho ahaṃ taṃ, āvuso, pucchāmi – ‘‘kattha nu kho, āvuso, ime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’’’ti?
‘‘д̣̇уд̇ияамби ко со, гзвадда, махааб̣рахмаа д̇ам̣ бхигкум̣ зд̇ад̣̇авожа – ‘ахамасми, бхигку, б̣рахмаа махааб̣рахмаа абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий иссаро гад̇д̇аа ниммаад̇аа сздто саж̇ид̇аа васий бид̇аа бхууд̇абхаб̣яаана’нд̇и. д̇ад̇ияамби ко со, гзвадда, бхигку д̇ам̣ махааб̣рахмаанам̣ зд̇ад̣̇авожа – ‘на кохам̣ д̇ам̣, аавусо, звам̣ бужчаами – ‘‘д̇вамаси б̣рахмаа махааб̣рахмаа абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий иссаро гад̇д̇аа ниммаад̇аа сздто саж̇ид̇аа васий бид̇аа бхууд̇абхаб̣яаана’’нд̇и. зван̃жа ко ахам̣ д̇ам̣, аавусо, бужчаами – ‘‘гад̇т̇а ну ко, аавусо, имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’’’д̇и?
‘‘Dutiyampi kho so, kevaṭṭa, mahābrahmā taṃ bhikkhuṃ etadavoca – ‘ahamasmi, bhikkhu, brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyāna’nti. Tatiyampi kho so, kevaṭṭa, bhikkhu taṃ mahābrahmānaṃ etadavoca – ‘na khohaṃ taṃ, āvuso, evaṃ pucchāmi – ‘‘tvamasi brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyāna’’nti. Evañca kho ahaṃ taṃ, āvuso, pucchāmi – ‘‘kattha nu kho, āvuso, ime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’’’ti?
495. ‘‘ат̇а ко со, гзвадда, махааб̣рахмаа д̇ам̣ бхигкум̣ б̣аахааяам̣ г̇ахзд̇ваа згаманд̇ам̣ абанзд̇ваа д̇ам̣ бхигкум̣ зд̇ад̣̇авожа – ‘имз ко мам̣, бхигку, б̣рахмагааяигаа д̣̇зваа звам̣ ж̇аананд̇и, ‘‘над̇т̇и гин̃жи б̣рахмуно ан̃н̃аад̇ам̣, над̇т̇и гин̃жи б̣рахмуно ад̣̇идтам̣, над̇т̇и гин̃жи б̣рахмуно авид̣̇ид̇ам̣, над̇т̇и гин̃жи б̣рахмуно асажчигад̇а’’нд̇и. д̇асмаахам̣ д̇зсам̣ саммукаа на б̣яаагаасим̣. ахамби ко, бхигку, на ж̇аанаами яад̇т̇имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇ууд̇и. д̇асмаад̇иха, бхигку, д̇уяхзвзд̇ам̣ д̣̇уггадам̣, д̇уяхзвзд̇ам̣ абарад̣̇д̇хам̣, яам̣ д̇вам̣ д̇ам̣ бхаг̇аванд̇ам̣ ад̇ид̇хаавид̇ваа б̣ахид̣̇д̇хаа барияздтим̣ аабаж̇ж̇аси имасса бан̃хасса взяяаагаран̣ааяа. г̇ажча д̇вам̣, бхигку, д̇амзва бхаг̇аванд̇ам̣ убасан̇гамид̇ваа имам̣ бан̃хам̣ бужча, яат̇аа жа д̇з бхаг̇аваа б̣яаагарод̇и, д̇ат̇аа нам̣ д̇хаарзяяаасий’д̇и.
495. ‘‘Atha kho so, kevaṭṭa, mahābrahmā taṃ bhikkhuṃ bāhāyaṃ gahetvā ekamantaṃ apanetvā taṃ bhikkhuṃ etadavoca – ‘ime kho maṃ, bhikkhu, brahmakāyikā devā evaṃ jānanti, ‘‘natthi kiñci brahmuno aññātaṃ, natthi kiñci brahmuno adiṭṭhaṃ, natthi kiñci brahmuno aviditaṃ, natthi kiñci brahmuno asacchikata’’nti. Tasmāhaṃ tesaṃ sammukhā na byākāsiṃ. Ahampi kho, bhikkhu, na jānāmi yatthime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātūti. Tasmātiha, bhikkhu, tuyhevetaṃ dukkaṭaṃ, tuyhevetaṃ aparaddhaṃ, yaṃ tvaṃ taṃ bhagavantaṃ atidhāvitvā bahiddhā pariyeṭṭhiṃ āpajjasi imassa pañhassa veyyākaraṇāya. Gaccha tvaṃ, bhikkhu, tameva bhagavantaṃ upasaṅkamitvā imaṃ pañhaṃ puccha, yathā ca te bhagavā byākaroti, tathā naṃ dhāreyyāsī’ti.
496. ‘‘ат̇а ко со, гзвадда, бхигку – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва б̣рахмалогз анд̇арахид̇о мама бурад̇о баад̇урахоси. ат̇а ко со, гзвадда, бхигку мам̣ абхиваад̣̇зд̇ваа згаманд̇ам̣ нисийд̣̇и, згаманд̇ам̣ нисинно ко, гзвадда, со бхигку мам̣ зд̇ад̣̇авожа – ‘гад̇т̇а ну ко, бханд̇з, имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и?
496. ‘‘Atha kho so, kevaṭṭa, bhikkhu – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya evameva brahmaloke antarahito mama purato pāturahosi. Atha kho so, kevaṭṭa, bhikkhu maṃ abhivādetvā ekamantaṃ nisīdi, ekamantaṃ nisinno kho, kevaṭṭa, so bhikkhu maṃ etadavoca – ‘kattha nu kho, bhante, ime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti?
д̇ийрад̣̇ассисагун̣убамаа
Tīradassisakuṇupamā
497. ‘‘звам̣ вуд̇д̇з, ахам̣, гзвадда, д̇ам̣ бхигкум̣ зд̇ад̣̇авожам̣ – ‘бхууд̇абуб̣б̣ам̣, бхигку, саамуд̣̇д̣̇игаа ваан̣иж̇аа д̇ийрад̣̇ассим̣ сагун̣ам̣ г̇ахзд̇ваа наавааяа самуд̣̇д̣̇ам̣ аж̇жхог̇ааханд̇и. д̇з ад̇ийрад̣̇агкинияаа наавааяа д̇ийрад̣̇ассим̣ сагун̣ам̣ мун̃жанд̇и. со г̇ажчад̇зва бурад̇т̇имам̣ д̣̇исам̣, г̇ажчад̇и д̣̇агкин̣ам̣ д̣̇исам̣, г̇ажчад̇и бажчимам̣ д̣̇исам̣, г̇ажчад̇и уд̇д̇арам̣ д̣̇исам̣, г̇ажчад̇и уд̣̇д̇хам̣ д̣̇исам̣, г̇ажчад̇и ануд̣̇исам̣. сажз со саманд̇аа д̇ийрам̣ бассад̇и, д̇ат̇ааг̇ад̇агова 5 ход̇и. сажз бана со саманд̇аа д̇ийрам̣ на бассад̇и, д̇амзва наавам̣ бажжааг̇ажчад̇и. звамзва ко д̇вам̣, бхигку, яад̇о яаава б̣рахмалогаа бариязсамаано имасса бан̃хасса взяяаагаран̣ам̣ нааж̇жхаг̇аа, ат̇а маман̃н̃зва санд̇игз бажжааг̇ад̇о. на ко зсо, бхигку, бан̃хо звам̣ бужчид̇аб̣б̣о – ‘гад̇т̇а ну ко, бханд̇з, имз жад̇д̇ааро махаабхууд̇аа абарисзсаа нируж̇жханд̇и, сзяяат̇ид̣̇ам̣ – бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и?
497. ‘‘Evaṃ vutte, ahaṃ, kevaṭṭa, taṃ bhikkhuṃ etadavocaṃ – ‘bhūtapubbaṃ, bhikkhu, sāmuddikā vāṇijā tīradassiṃ sakuṇaṃ gahetvā nāvāya samuddaṃ ajjhogāhanti. Te atīradakkhiniyā nāvāya tīradassiṃ sakuṇaṃ muñcanti. So gacchateva puratthimaṃ disaṃ, gacchati dakkhiṇaṃ disaṃ, gacchati pacchimaṃ disaṃ, gacchati uttaraṃ disaṃ, gacchati uddhaṃ disaṃ, gacchati anudisaṃ. Sace so samantā tīraṃ passati, tathāgatakova 6 hoti. Sace pana so samantā tīraṃ na passati, tameva nāvaṃ paccāgacchati. Evameva kho tvaṃ, bhikkhu, yato yāva brahmalokā pariyesamāno imassa pañhassa veyyākaraṇaṃ nājjhagā, atha mamaññeva santike paccāgato. Na kho eso, bhikkhu, pañho evaṃ pucchitabbo – ‘kattha nu kho, bhante, ime cattāro mahābhūtā aparisesā nirujjhanti, seyyathidaṃ – pathavīdhātu āpodhātu tejodhātu vāyodhātū’ti?
498. ‘‘зван̃жа ко зсо, бхигку, бан̃хо бужчид̇аб̣б̣о –
498. ‘‘Evañca kho eso, bhikkhu, pañho pucchitabbo –
‘гад̇т̇а аабо жа бат̇авий, д̇зж̇о вааяо на г̇аад̇хад̇и;
‘Kattha āpo ca pathavī, tejo vāyo na gādhati;
гад̇т̇а д̣̇ийгхан̃жа рассан̃жа, ан̣ум̣ т̇уулам̣ субхаасубхам̣;
Kattha dīghañca rassañca, aṇuṃ thūlaṃ subhāsubhaṃ;
гад̇т̇а нааман̃жа руубан̃жа, асзсам̣ убаруж̇жхад̇ий’д̇и.
Kattha nāmañca rūpañca, asesaṃ uparujjhatī’ti.
499. ‘‘д̇ад̇ра взяяаагаран̣ам̣ бхавад̇и –
499. ‘‘Tatra veyyākaraṇaṃ bhavati –
‘вин̃н̃аан̣ам̣ анид̣̇ассанам̣, ананд̇ам̣ саб̣б̣ад̇обабхам̣;
‘Viññāṇaṃ anidassanaṃ, anantaṃ sabbatopabhaṃ;
зд̇т̇а аабо жа бат̇авий, д̇зж̇о вааяо на г̇аад̇хад̇и.
Ettha āpo ca pathavī, tejo vāyo na gādhati.
зд̇т̇а д̣̇ийгхан̃жа рассан̃жа, ан̣ум̣ т̇уулам̣ субхаасубхам̣;
Ettha dīghañca rassañca, aṇuṃ thūlaṃ subhāsubhaṃ;
зд̇т̇а нааман̃жа руубан̃жа, асзсам̣ убаруж̇жхад̇и;
Ettha nāmañca rūpañca, asesaṃ uparujjhati;
вин̃н̃аан̣асса нирод̇хзна, зд̇т̇зд̇ам̣ убаруж̇жхад̇ий’д̇и.
Viññāṇassa nirodhena, etthetaṃ uparujjhatī’ti.
500. ид̣̇амавожа бхаг̇аваа. ад̇д̇амано гзваддо г̇ахабад̇ибуд̇д̇о бхаг̇авад̇о бхаасид̇ам̣ абхинанд̣̇ийд̇и.
500. Idamavoca bhagavā. Attamano kevaṭṭo gahapatiputto bhagavato bhāsitaṃ abhinandīti.
гзваддасуд̇д̇ам̣ нидтид̇ам̣ згаад̣̇асамам̣.
Kevaṭṭasuttaṃ niṭṭhitaṃ ekādasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 11. гзваддасуд̇д̇аван̣н̣анаа • 11. Kevaṭṭasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 11. гзваддасуд̇д̇аван̣н̣анаа • 11. Kevaṭṭasuttavaṇṇanā
