| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
11. гзваддасуд̇д̇аван̣н̣анаа
11. Kevaṭṭasuttavaṇṇanā
гзваддаг̇ахабад̇ибуд̇д̇авад̇т̇уван̣н̣анаа
Kevaṭṭagahapatiputtavatthuvaṇṇanā
481. баавааригамб̣аванзд̇и баавааригасздтино амб̣аб̣ахулз убаванз. д̇ам̣ гира со сздтий бхаг̇авад̇о анужчавигам̣ г̇анд̇хагудим̣, бхигкусан̇гхасса жа рад̇д̇идтаанад̣̇иваадтаанагудиман̣д̣абаад̣̇ийни самбаад̣̇зд̇ваа баагаарабаригкид̇д̇ам̣ д̣̇ваарагодтагасамбаннам̣ гад̇ваа б̣уд̣̇д̇хаббамукасса сан̇гхасса нияяаад̇зси, буримавохаарзна бана ‘‘баавааригамб̣авана’’нд̇и вужжад̇и, д̇асмим̣ баавааригамб̣аванз. гзваддод̇и ид̣̇ам̣ д̇асса наамам̣ гзваддзхи сам̣рагкид̇ад̇д̇аа, д̇зсам̣ ваа санд̇игз сам̣вад̣дхид̇ад̇д̇аад̇и гзжи. ‘‘г̇ахабад̇ибуд̇д̇ассаа’’д̇и зд̇т̇а гаамам̣ д̇ад̣̇аа со г̇ахабад̇идтаанз тид̇о, бид̇у банасса ажирагаалам̣гад̇ад̇ааяа буримасаман̃н̃ааяа ‘‘г̇ахабад̇ибуд̇д̇о’’ д̇взва вохарийяад̇и, д̇знааха ‘‘г̇ахабад̇и махаасаало’’д̇и. махаавибхавад̇ааяа махаасааро, г̇ахабад̇ийд̇и ад̇т̇о ра-гаарасса ла-гаарам̣ гад̇ваа ‘‘махаасаало сукумаало аха’’нд̇иаад̣̇ийсу (а. ни. 3.39) вияа. сад̣̇д̇хаасамбаннод̇и бот̇уж̇ж̇анигааяа сад̣̇д̇хааяа васзна сад̣̇д̇хаа саманнааг̇ад̇о.
481.Pāvārikambavaneti pāvārikaseṭṭhino ambabahule upavane. Taṃ kira so seṭṭhī bhagavato anucchavikaṃ gandhakuṭiṃ, bhikkhusaṅghassa ca rattiṭṭhānadivāṭṭhānakuṭimaṇḍapādīni sampādetvā pākāraparikkhittaṃ dvārakoṭṭhakasampannaṃ katvā buddhappamukhassa saṅghassa niyyātesi, purimavohārena pana ‘‘pāvārikambavana’’nti vuccati, tasmiṃ pāvārikambavane. Kevaṭṭoti idaṃ tassa nāmaṃ kevaṭṭehi saṃrakkhitattā, tesaṃ vā santike saṃvaḍḍhitattāti keci. ‘‘Gahapatiputtassā’’ti ettha kāmaṃ tadā so gahapatiṭṭhāne ṭhito, pitu panassa acirakālaṃkatatāya purimasamaññāya ‘‘gahapatiputto’’ tveva voharīyati, tenāha ‘‘gahapati mahāsālo’’ti. Mahāvibhavatāya mahāsāro, gahapatīti attho ra-kārassa la-kāraṃ katvā ‘‘mahāsālo sukhumālo aha’’ntiādīsu (a. ni. 3.39) viya. Saddhāsampannoti pothujjanikāya saddhāya vasena saddhā samannāgato.
самид̣̇д̇хаад̇и саммад̣̇зва ид̣̇д̇хаа, ид̣̇д̇хияаа вибхавасамбад̇д̇ияаа взбуллаббад̇д̇аад̇и ад̇т̇о. ‘‘зхи д̇вам̣ бхигку анвад̣̇д̇хамаасам̣, анумаасам̣, анусам̣важчарам̣ ваа мануссаанам̣ басаад̣̇ааяа ид̣̇д̇хибаадихаарияам̣ гарохий’’д̇и згасса бхигкуно аан̣аабанам̣ д̇асмим̣ таанз д̇асса табанам̣ наама ход̇ийд̇и ааха ‘‘таананд̇арз табзд̇уу’’д̇и. уд̇д̇аримануссаанам̣ д̇хаммад̇од̇и уд̇д̇аримануссаанам̣ б̣уд̣̇д̇хаад̣̇ийнам̣ ад̇хиг̇амад̇хаммад̇о. нид̣̇д̇хааран̣з жзд̇ам̣ ниссаггам̣. ид̣̇д̇хибаадихаарияан̃хи д̇ад̇о нид̣̇д̇хаарзд̇и. мануссад̇хаммад̇о уд̇д̇арийд̇и багад̇имануссад̇хаммад̇о убари. баж̇ж̇алид̇абад̣̇ийбод̇и баж̇ж̇аланд̇о бад̣̇ийбо.
Samiddhāti sammadeva iddhā, iddhiyā vibhavasampattiyā vepullappattāti attho. ‘‘Ehi tvaṃ bhikkhu anvaddhamāsaṃ, anumāsaṃ, anusaṃvaccharaṃ vā manussānaṃ pasādāya iddhipāṭihāriyaṃ karohī’’ti ekassa bhikkhuno āṇāpanaṃ tasmiṃ ṭhāne tassa ṭhapanaṃ nāma hotīti āha ‘‘ṭhānantare ṭhapetū’’ti. Uttarimanussānaṃdhammatoti uttarimanussānaṃ buddhādīnaṃ adhigamadhammato. Niddhāraṇe cetaṃ nissakkaṃ. Iddhipāṭihāriyañhi tato niddhāreti. Manussadhammato uttarīti pakatimanussadhammato upari. Pajjalitapadīpoti pajjalanto padīpo.
482. на д̇хам̣сзмийд̇и г̇ун̣асамбад̇д̇ид̇о на жаавзми, д̇знааха ‘‘сийлабхзд̣̇а’’нд̇иаад̣̇и. виссаасам̣ вад̣дхзд̇ваа бхаг̇авад̇и ад̇д̇ано виссад̇т̇абхаавам̣ б̣руухзд̇ваа вибхууд̇ам̣ баагадам̣ гад̇ваа.
482.Na dhaṃsemīti guṇasampattito na cāvemi, tenāha ‘‘sīlabheda’’ntiādi. Vissāsaṃ vaḍḍhetvā bhagavati attano vissatthabhāvaṃ brūhetvā vibhūtaṃ pākaṭaṃ katvā.
ид̣̇д̇хибаадихаарияаван̣н̣анаа
Iddhipāṭihāriyavaṇṇanā
483-4. аад̣̇ийнаванд̇и д̣̇осам̣. г̇анд̇хаарийд̇и жуул̣аг̇анд̇хаарий, махааг̇анд̇хаарийд̇и д̣̇вз г̇анд̇хаарийвиж̇ж̇аа. д̇ад̇т̇а жуул̣аг̇анд̇хаарий наама д̇ивассад̇о орам̣ мад̇аанам̣ сад̇д̇аанам̣ убабаннадтаанаж̇аананавиж̇ж̇аа. махааг̇анд̇хаарий д̇амби ж̇аанаад̇и д̇ад̇о уд̇д̇ариби ид̣̇д̇хивид̇хан̃аан̣агаббам̣ язбхуяязна ид̣̇д̇хивид̇хагижжам̣ саад̇хзд̇и. д̇ассаа гира виж̇ж̇ааяа саад̇хаго буг̇г̇ало д̇аад̣̇исз д̣̇зсагаалз манд̇ам̣ бариж̇аббид̇ваа б̣ахуд̇хааби ад̇д̇аанам̣ д̣̇ассзд̇и, хад̇т̇иаад̣̇ийниби д̣̇ассзд̇и, д̣̇ассанийяоби ход̇и, аг̇г̇ит̇амбхамби гарод̇и, ж̇алат̇амбхамби гарод̇и, аагаасзби ад̇д̇аанам̣ д̣̇ассзд̇и. саб̣б̣ам̣ инд̣̇аж̇ааласад̣̇исам̣ д̣̇адтаб̣б̣ам̣. аддод̇и д̣̇угкид̇о б̣аад̇хид̇о, д̇знааха ‘‘бийл̣ид̇о’’д̇и.
483-4.Ādīnavanti dosaṃ. Gandhārīti cūḷagandhārī, mahāgandhārīti dve gandhārīvijjā. Tattha cūḷagandhārī nāma tivassato oraṃ matānaṃ sattānaṃ upapannaṭṭhānajānanavijjā. Mahāgandhārī tampi jānāti tato uttaripi iddhividhañāṇakappaṃ yebhuyyena iddhividhakiccaṃ sādheti. Tassā kira vijjāya sādhako puggalo tādise desakāle mantaṃ parijappitvā bahudhāpi attānaṃ dasseti, hatthiādīnipi dasseti, dassanīyopi hoti, aggithambhampi karoti, jalathambhampi karoti, ākāsepi attānaṃ dasseti. Sabbaṃ indajālasadisaṃ daṭṭhabbaṃ. Aṭṭoti dukkhito bādhito, tenāha ‘‘pīḷito’’ti.
аад̣̇зсанаабаадихаарияаван̣н̣анаа
Ādesanāpāṭihāriyavaṇṇanā
485. гаамам̣ ‘‘жзд̇асига’’нд̇и бад̣̇ам̣ яз жзд̇аси нияуд̇д̇аа жид̇д̇зна самбаяуд̇д̇аа, д̇зсам̣ саад̇хааран̣аважанам̣, саад̇хааран̣з бана г̇ахид̇з жид̇д̇ависзсо г̇ахид̇ова ход̇и, сааман̃н̃аж̇од̇анаа жа висзсз авад̇идтад̇ийд̇и жзд̇асигаг̇г̇ахан̣асса ад̇хиббааяам̣ виваранд̇о ‘‘соманассад̣̇оманассам̣ ад̇хиббзд̇а’’нд̇и ааха. соманассаг̇г̇ахан̣зна жзд̇т̇а д̇ад̣̇згадтаа рааг̇аад̣̇аяо, сад̣̇д̇хаад̣̇аяо жа д̣̇ассид̇аа хонд̇и, д̣̇оманассаг̇г̇ахан̣зна д̣̇осаад̣̇аяо. вид̇аггавижаараа бана саруубзнзва д̣̇ассид̇аа. звам̣ д̇ава манод̇и иминаа аагаарзна д̇ава мано бавад̇д̇од̇и ад̇т̇о . гзна багаарзна бавад̇д̇од̇и ааха ‘‘соманассид̇о ваа’’д̇иаад̣̇и. ‘‘звам̣ д̇ава мано’’д̇и ид̣̇ам̣ бана соманассид̇ад̇аад̣̇имад̇д̇ад̣̇ассанам̣, на бана язна язна соманассид̇о ваа д̣̇оманассид̇о ваа, д̇ам̣ д̇ам̣ д̣̇ассанам̣. д̣̇уд̇ияанд̇и ‘‘ид̇т̇амби д̇з мано’’д̇и ид̣̇ам̣. ид̇ибийд̇и зд̇т̇а ид̇и-сад̣̇д̣̇о нид̣̇ассанад̇т̇о ‘‘ад̇т̇ийд̇и ко, гажжаана, аяамзго анд̇о’’д̇иаад̣̇ийсу (сам̣. ни. 2.15; 3.90) вияа, д̇знааха ‘‘иман̃жа иман̃жа ад̇т̇ам̣ жинд̇аяамаана’’нд̇и би-сад̣̇д̣̇о вуд̇д̇ад̇т̇асамбин̣д̣анад̇т̇о. барасса жинд̇ам̣ манад̇и ж̇аанаад̇и зд̇знаад̇и жинд̇ааман̣и. д̇ассаа гира виж̇ж̇ааяа саад̇хаго буг̇г̇ало д̇аад̣̇исз д̣̇зсагаалз манд̇ам̣ бариж̇аббид̇ваа яасса жид̇д̇ам̣ ж̇аанид̇угаамо, д̇асса д̣̇идтасуд̇аад̣̇ивисзсасан̃ж̇аананамукзна жид̇д̇аажаарам̣ ануминанд̇о гат̇зд̇ийд̇и гзжи. абарз ‘‘ваажам̣ нижчараабзд̇ваа д̇ад̇т̇а агкарасаллагкан̣авасзнаа’’д̇и вад̣̇анд̇и.
485. Kāmaṃ ‘‘cetasika’’nti padaṃ ye cetasi niyuttā cittena sampayuttā, tesaṃ sādhāraṇavacanaṃ, sādhāraṇe pana gahite cittaviseso gahitova hoti, sāmaññajotanā ca visese avatiṭṭhatīti cetasikaggahaṇassa adhippāyaṃ vivaranto ‘‘somanassadomanassaṃ adhippeta’’nti āha. Somanassaggahaṇena cettha tadekaṭṭhā rāgādayo, saddhādayo ca dassitā honti, domanassaggahaṇena dosādayo. Vitakkavicārā pana sarūpeneva dassitā. Evaṃ tava manoti iminā ākārena tava mano pavattoti attho . Kena pakārena pavattoti āha ‘‘somanassito vā’’tiādi. ‘‘Evaṃ tava mano’’ti idaṃ pana somanassitatādimattadassanaṃ, na pana yena yena somanassito vā domanassito vā, taṃ taṃ dassanaṃ. Dutiyanti ‘‘itthampi te mano’’ti idaṃ. Itipīti ettha iti-saddo nidassanattho ‘‘atthīti kho, kaccāna, ayameko anto’’tiādīsu (saṃ. ni. 2.15; 3.90) viya, tenāha ‘‘imañca imañca atthaṃ cintayamāna’’nti pi-saddo vuttatthasampiṇḍanattho. Parassa cintaṃ manati jānāti etenāti cintāmaṇi. Tassā kira vijjāya sādhako puggalo tādise desakāle mantaṃ parijappitvā yassa cittaṃ jānitukāmo, tassa diṭṭhasutādivisesasañjānanamukhena cittācāraṃ anuminanto kathetīti keci. Apare ‘‘vācaṃ niccharāpetvā tattha akkharasallakkhaṇavasenā’’ti vadanti.
анусаасанийбаадихаарияаван̣н̣анаа
Anusāsanīpāṭihāriyavaṇṇanā
486. бавад̇д̇знд̇аад̇и бавад̇д̇анагаа худ̇ваа, бавад̇д̇анавасзнаад̇и ад̇т̇о. ‘‘зва’’нд̇и хи бад̣̇ам̣ яат̇аанусидтааяа анусаасанияаа вид̇хивасзна, бадисзд̇хавасзна жа бавад̇д̇иаагаарабараамасанам̣, саа жа саммаавид̇аггаанам̣ мижчаавид̇аггаанан̃жа бавад̇д̇иаагаарад̣̇ассанавасзна бавад̇д̇ад̇и д̇ад̇т̇а аанисам̣сасса аад̣̇ийнавасса жа вибхааванад̇т̇ам̣. анижжасан̃н̃амзва на нижжасан̃н̃анд̇и ад̇т̇о. бадияог̇ийнивад̇д̇анад̇т̇ан̃хи зва-гаараг̇г̇ахан̣ам̣. ид̇хааби звам̣ сад̣̇д̣̇аг̇г̇ахан̣асса ад̇т̇о, баяож̇анан̃жа вуд̇д̇анаязнзва взд̣̇ид̇аб̣б̣ам̣. ид̣̇ам̣г̇ахан̣зби зсзва наяо. бан̃жагаамаг̇ун̣игарааг̇анд̇и нид̣̇ассанамад̇д̇ам̣ д̣̇адтаб̣б̣ам̣, д̇ад̣̇ан̃н̃арааг̇асса, д̣̇осаад̣̇ийнан̃жа бахаанасса ижчид̇ад̇д̇аа, д̇аббахаанасса жа д̇ад̣̇ан̃н̃арааг̇аад̣̇икзбанасса убааяабхаавад̇о д̇ат̇аа вуд̇д̇ам̣ д̣̇удталохид̇авиможанасса буб̣б̣ад̣̇удтамам̣сакзбануубааяад̇аа вияа. логуд̇д̇арад̇хаммамзваад̇и авад̇хааран̣ам̣ бадибагкабхаавад̇о сааваж̇ж̇ад̇хамманивад̇д̇анабарам̣ д̣̇адтаб̣б̣ам̣ д̇ассаад̇хиг̇амуубааяаанисам̣сабхууд̇аанам̣ д̇ад̣̇ан̃н̃зсам̣ анаваж̇ж̇ад̇хаммаанам̣ наананд̇арияабхаавад̇о. ид̣̇д̇хивид̇хам̣ ид̣̇д̇хибаадихаарияанд̇и д̣̇ассзд̇и ид̣̇д̇хид̣̇ассанзна барасанд̇аанз басаад̣̇аад̣̇ийнам̣ бадибагкасса харан̣ад̇о. иминаа наязна сзсабад̣̇ад̣̇ваязби ад̇т̇о взд̣̇ид̇аб̣б̣о. сад̇ад̇ам̣ д̇хаммад̣̇зсанаад̇и саб̣б̣агаалам̣ д̣̇зсзд̇аб̣б̣ад̇хаммад̣̇зсанаа.
486.Pavattentāti pavattanakā hutvā, pavattanavasenāti attho. ‘‘Eva’’nti hi padaṃ yathānusiṭṭhāya anusāsaniyā vidhivasena, paṭisedhavasena ca pavattiākāraparāmasanaṃ, sā ca sammāvitakkānaṃ micchāvitakkānañca pavattiākāradassanavasena pavattati tattha ānisaṃsassa ādīnavassa ca vibhāvanatthaṃ. Aniccasaññameva na niccasaññanti attho. Paṭiyogīnivattanatthañhi eva-kāraggahaṇaṃ. Idhāpi evaṃ saddaggahaṇassa attho, payojanañca vuttanayeneva veditabbaṃ. Idaṃgahaṇepi eseva nayo. Pañcakāmaguṇikarāganti nidassanamattaṃ daṭṭhabbaṃ, tadaññarāgassa, dosādīnañca pahānassa icchitattā, tappahānassa ca tadaññarāgādikhepanassa upāyabhāvato tathā vuttaṃ duṭṭhalohitavimocanassa pubbaduṭṭhamaṃsakhepanūpāyatā viya. Lokuttaradhammamevāti avadhāraṇaṃ paṭipakkhabhāvato sāvajjadhammanivattanaparaṃ daṭṭhabbaṃ tassādhigamūpāyānisaṃsabhūtānaṃ tadaññesaṃ anavajjadhammānaṃ nānantariyabhāvato. Iddhividhaṃ iddhipāṭihāriyanti dasseti iddhidassanena parasantāne pasādādīnaṃ paṭipakkhassa haraṇato. Iminā nayena sesapadadvayepi attho veditabbo. Satataṃ dhammadesanāti sabbakālaṃ desetabbadhammadesanā.
ид̣̇д̇хибаадихаариязнаад̇и сахаяог̇з гаран̣аважанам̣, ид̣̇д̇хибаадихаариязна сад̣̇д̇хинд̇и ад̇т̇о. аад̣̇зсанаабаадихаариязнаад̇и зд̇т̇ааби зсзва наяо. д̇хаммасзнаабад̇исса аажин̣н̣анд̇и яож̇анаа. ‘‘жид̇д̇аажаарам̣ н̃ад̇ваа’’д̇и иминаа аад̣̇зсанаабаадихаарияам̣ д̣̇ассзд̇и. ‘‘д̇хаммам̣ д̣̇зсзсий’’д̇и иминаа анусаасанийбаадихаарияам̣ ‘‘б̣уд̣̇д̇хаанам̣ сад̇ад̇ам̣ д̇хаммад̣̇зсанаа’’д̇и анусаасанийбаадихаарияасса д̇ад̇т̇а саад̇исаяад̇ааяа вуд̇д̇ам̣. саубаарамбхаани бад̇ируубзна убаарамбхид̇аб̣б̣ад̇о. сад̣̇осаани д̣̇осасамужчинд̣̇анасса анубааяабхаавад̇о. сад̣̇осад̇д̇аа зва ад̣̇д̇хаанам̣ на д̇идтанд̇и жирагааладтааяийни на хонд̇и. ад̣̇д̇хаанам̣ ад̇идтанад̇о на нияяанд̇ийд̇и палзна хзд̇уно анумаанам̣. анияяаанигад̇ааяа хи д̇аани анад̣̇д̇ханияаани. анусаасанийбаадихаарияам̣ анубаарамбхам̣ висуд̣̇д̇хиббабхавад̇о, висуд̣̇д̇хиниссаяад̇о жа. д̇ад̇о зва нид̣̇д̣̇осам̣. на хи д̇ад̇т̇а буб̣б̣аабаравирод̇хаад̣̇ид̣̇осасамбхаво. нид̣̇д̣̇осад̇д̇аа зва ад̣̇д̇хаанам̣ д̇идтад̇и бараваад̣̇аваад̇зхи, гилзсаваад̇зхи жа анубаханд̇аб̣б̣ад̇о. д̇асмаад̇и яат̇аавуд̇д̇агааран̣ад̇о, д̇зна саубаарамбхаад̣̇им̣, анубаарамбхаад̣̇им̣ жаад̇и убхаяам̣ убхаяад̇т̇а яат̇ааггамам̣ г̇аараяхабаасам̣сабхааваанам̣ хзд̇убхаавзна бажжаамасад̇и.
Iddhipāṭihāriyenāti sahayoge karaṇavacanaṃ, iddhipāṭihāriyena saddhinti attho. Ādesanāpāṭihāriyenāti etthāpi eseva nayo. Dhammasenāpatissa āciṇṇanti yojanā. ‘‘Cittācāraṃ ñatvā’’ti iminā ādesanāpāṭihāriyaṃ dasseti. ‘‘Dhammaṃ desesī’’ti iminā anusāsanīpāṭihāriyaṃ ‘‘buddhānaṃ satataṃ dhammadesanā’’ti anusāsanīpāṭihāriyassa tattha sātisayatāya vuttaṃ. Saupārambhāni patirūpena upārambhitabbato. Sadosāni dosasamucchindanassa anupāyabhāvato. Sadosattā eva addhānaṃ na tiṭṭhanti cirakālaṭṭhāyīni na honti. Addhānaṃ atiṭṭhanato na niyyantīti phalena hetuno anumānaṃ. Aniyyānikatāya hi tāni anaddhaniyāni. Anusāsanīpāṭihāriyaṃ anupārambhaṃ visuddhippabhavato, visuddhinissayato ca. Tato eva niddosaṃ. Na hi tattha pubbāparavirodhādidosasambhavo. Niddosattā eva addhānaṃ tiṭṭhati paravādavātehi, kilesavātehi ca anupahantabbato. Tasmāti yathāvuttakāraṇato, tena saupārambhādiṃ, anupārambhādiṃ cāti ubhayaṃ ubhayattha yathākkamaṃ gārayhapāsaṃsabhāvānaṃ hetubhāvena paccāmasati.
бхууд̇анирод̇хзсагавад̇т̇уван̣н̣анаа
Bhūtanirodhesakavatthuvaṇṇanā
487. анияяаанигабхаавад̣̇ассанад̇т̇анд̇и яасмаа махаабхууд̇абариязсаго бхигку буримзсу д̣̇вийсу баадихаариязсу васиббад̇д̇о гусалоби самаано махаабхууд̇аанам̣ абарисзсанирод̇хасан̇каад̇ам̣ ниб̣б̣аанам̣ нааваб̣уж̇жхи , д̇асмаа д̇аани нияяаанаавахад̇аабхаавад̇о анияяаанигаанийд̇и д̇зсам̣ анияяаанигабхаавад̣̇ассанад̇т̇ам̣. д̇ад̇ияам̣ бана д̇аггарасса зганд̇ад̇о нияяаанааваханд̇и д̇ассзва нияяаанигабхаавад̣̇ассанад̇т̇ам̣.
487.Aniyyānikabhāvadassanatthanti yasmā mahābhūtapariyesako bhikkhu purimesu dvīsu pāṭihāriyesu vasippatto kusalopi samāno mahābhūtānaṃ aparisesanirodhasaṅkhātaṃ nibbānaṃ nāvabujjhi , tasmā tāni niyyānāvahatābhāvato aniyyānikānīti tesaṃ aniyyānikabhāvadassanatthaṃ. Tatiyaṃ pana takkarassa ekantato niyyānāvahanti tasseva niyyānikabhāvadassanatthaṃ.
звамзд̇иссаа д̣̇зсанааяа мукяабаяож̇анам̣ д̣̇ассзд̇ваа ид̣̇аани анусан̇г̇игамби д̣̇ассзд̇ум̣ ‘‘абижаа’’д̇иаад̣̇и аарад̣̇д̇хам̣. махаабхууд̇з бариязсанд̇од̇и абарисзсам̣ нируж̇жханавасзна махаабхууд̇з г̇авзсанд̇о, д̇зсам̣ анавасзсанирод̇хам̣ виймам̣санд̇од̇и ад̇т̇о. вижарид̇ваад̇и д̇хаммад̇ааяа жод̣̇ияамаано вижарид̇ваа. д̇хаммад̇аасид̣̇д̇хам̣ гирзд̇ам̣, яад̣̇ид̣̇ам̣ д̇асса бхигкуно д̇ат̇аа вижаран̣ам̣, яат̇аа абхиж̇аад̇ияам̣ махаабат̇авигамбаад̣̇и. маханд̇абхааваббагаасанад̇т̇анд̇и сад̣̇звагз логз анан̃н̃асаад̇хааран̣асса б̣уд̣̇д̇хаанам̣ маханд̇абхаавасса махаанубхаавад̇ааяа д̣̇ийбанад̇т̇ам̣. ид̣̇ан̃жа гааран̣анд̇и саб̣б̣зсамби б̣уд̣̇д̇хаанам̣ саасанз ийд̣̇исо зго бхигку д̇ад̣̇аанубхааваббагаасано ход̇ийд̇и ид̣̇амби гааран̣ам̣ д̣̇ассзнд̇о.
Evametissā desanāya mukhyapayojanaṃ dassetvā idāni anusaṅgikampi dassetuṃ ‘‘apicā’’tiādi āraddhaṃ. Mahābhūte pariyesantoti aparisesaṃ nirujjhanavasena mahābhūte gavesanto, tesaṃ anavasesanirodhaṃ vīmaṃsantoti attho. Vicaritvāti dhammatāya codiyamāno vicaritvā. Dhammatāsiddhaṃ kiretaṃ, yadidaṃ tassa bhikkhuno tathā vicaraṇaṃ, yathā abhijātiyaṃ mahāpathavikampādi. Mahantabhāvappakāsanatthanti sadevake loke anaññasādhāraṇassa buddhānaṃ mahantabhāvassa mahānubhāvatāya dīpanatthaṃ. Idañca kāraṇanti sabbesampi buddhānaṃ sāsane īdiso eko bhikkhu tadānubhāvappakāsano hotīti idampi kāraṇaṃ dassento.
гад̇т̇аад̇и нимид̇д̇з бхуммам̣, д̇асмаа гад̇т̇аад̇и гисмим̣ таанз гааран̣абхууд̇з. гим̣ ааг̇аммаад̇и гим̣ аарамман̣ам̣ бажжаяабхууд̇ам̣ ад̇хиг̇анд̇ваа, д̇знааха ‘‘гим̣ бад̇д̇ассаа’’д̇и. д̇зд̇и махаабхууд̇аа. аббавад̇д̇ивасзнаад̇и ануббаж̇ж̇анавасзна. саб̣б̣аагаарзнаад̇и важанад̇т̇алагкан̣аад̣̇исамудтаанагалаабажун̣н̣анаанад̇д̇згад̇д̇авиниб̣бхог̇аавиниб̣бхог̇а- сабхааг̇ависабхааг̇ааж̇жхад̇д̇игаб̣аахирасан̇г̇ахабажжаяасаманнаахаарабажжаяавибхааг̇аагаарад̇о, сасамбхаарасан̇кзбасасамбхааравибхад̇д̇исалагкан̣асан̇кзбасалагкан̣авибхад̇д̇иаагаарад̇о жаад̇и саб̣б̣зна аагаарзна.
Katthāti nimitte bhummaṃ, tasmā katthāti kismiṃ ṭhāne kāraṇabhūte. Kiṃ āgammāti kiṃ ārammaṇaṃ paccayabhūtaṃ adhigantvā, tenāha ‘‘kiṃ pattassā’’ti. Teti mahābhūtā. Appavattivasenāti anuppajjanavasena. Sabbākārenāti vacanatthalakkhaṇādisamuṭṭhānakalāpacuṇṇanānattekattavinibbhogāvinibbhoga- sabhāgavisabhāgaajjhattikabāhirasaṅgahapaccayasamannāhārapaccayavibhāgākārato, sasambhārasaṅkhepasasambhāravibhattisalakkhaṇasaṅkhepasalakkhaṇavibhattiākārato cāti sabbena ākārena.
488. д̣̇иб̣б̣анд̇и зд̇т̇а бан̃жахи гаамаг̇ун̣зхи саман̇г̇ийбхууд̇аа худ̇ваа вижаранд̇и, гийл̣анд̇и, ж̇од̇анд̇и жаад̇и д̣̇зво, д̣̇звалого. д̇ам̣ яанд̇и убаг̇ажчанд̇и зд̇знаад̇и д̣̇зваяаанияо. васам̣ вад̇д̇знд̇од̇и зд̇т̇а васавад̇д̇анам̣ наама яат̇ижчид̇адтаанаг̇аманам̣. жад̇д̇ааро махаарааж̇аано зд̇зсам̣ иссараад̇и жаад̇умахаарааж̇игаа яаа д̣̇звад̇аа маг̇г̇апалалаабхино д̇аа д̇амад̇т̇ам̣ згад̣̇зсзна ж̇аанзяяум̣ б̣уд̣̇д̇хависаяо банааяам̣ бан̃ход̇и жинд̇зд̇ваа ‘‘на ж̇аанаамаа’’д̇и аахам̣су, д̇знааха ‘‘б̣уд̣̇д̇хависаяз’’д̇иаад̣̇и. аж̇жход̇т̇аран̣ам̣ наамзд̇т̇а ниббийл̣ананд̇и ааха ‘‘бунаббунам̣ бужчад̇ий’’д̇и. абхигганд̇ад̇араад̇и руубасамбад̇д̇ияаа жзва бан̃н̃аабадибхаанаад̣̇иг̇ун̣зхи жа амхз абхибхуяяа барзсам̣ гааманийяад̇араа. бан̣ийд̇ад̇араад̇и ул̣аарад̇араа, д̇знааха ‘‘уд̇д̇амад̇араа’’д̇и.
488. Dibbanti ettha pañcahi kāmaguṇehi samaṅgībhūtā hutvā vicaranti, kīḷanti, jotanti cāti devo, devaloko. Taṃ yanti upagacchanti etenāti devayāniyo. Vasaṃ vattentoti ettha vasavattanaṃ nāma yathicchitaṭṭhānagamanaṃ. Cattāro mahārājāno etesaṃ issarāti cātumahārājikā yā devatā maggaphalalābhino tā tamatthaṃ ekadesena jāneyyuṃ buddhavisayo panāyaṃ pañhoti cintetvā ‘‘na jānāmā’’ti āhaṃsu, tenāha ‘‘buddhavisaye’’tiādi. Ajjhottharaṇaṃ nāmettha nippīḷananti āha ‘‘punappunaṃ pucchatī’’ti. Abhikkantatarāti rūpasampattiyā ceva paññāpaṭibhānādiguṇehi ca amhe abhibhuyya paresaṃ kāmanīyatarā. Paṇītatarāti uḷāratarā, tenāha ‘‘uttamatarā’’ti.
491-3. д̣̇зваяаанияасад̣̇исо ид̣̇д̇хивид̇хан̃аан̣ассзва ад̇хиббзд̇ад̇д̇аа. ‘‘д̣̇зваяаанияамаг̇г̇од̇и ваа …бз… саб̣б̣амзд̇ам̣ ид̣̇д̇хивид̇хан̃аан̣ассзва наама’’нд̇и ид̣̇ам̣ баал̣ияам̣ адтагат̇аасу жа д̇ад̇т̇а д̇ад̇т̇а ааг̇ад̇арул̣хивасзна вуд̇д̇ам̣.
491-3.Devayāniyasadiso iddhividhañāṇasseva adhippetattā. ‘‘Devayāniyamaggoti vā …pe… sabbametaṃ iddhividhañāṇasseva nāma’’nti idaṃ pāḷiyaṃ aṭṭhakathāsu ca tattha tattha āgataruḷhivasena vuttaṃ.
494. ааг̇аманабуб̣б̣абхааг̇з нимид̇д̇анд̇и б̣рахмуно ааг̇аманасса буб̣б̣абхааг̇з уббаж̇ж̇ананимид̇д̇ам̣. баад̇урахосийд̇и аави бхави. баагадо ахосийд̇и багаасо ахоси.
494.Āgamanapubbabhāge nimittanti brahmuno āgamanassa pubbabhāge uppajjananimittaṃ. Pāturahosīti āvi bhavi. Pākaṭo ahosīti pakāso ahosi.
497. бад̣̇зсзнаад̇и згад̣̇зсзна, убаад̣̇иннагавасзна, сад̇д̇асанд̇аанабарияаабаннзнаад̇и ад̇т̇о. анубаад̣̇иннагзбийд̇и анинд̣̇рияаб̣ад̣̇д̇хзби. ниббад̣̇зсад̇о анавасзсад̇о. бужчаамуул̣хассаад̇и бужчид̇ум̣ аж̇аананд̇асса. бужчааяа д̣̇осам̣ д̣̇ассзд̇ваад̇и д̇зна гад̇абужчааяа бужчид̇аагаарз д̣̇осам̣ вибхаавзд̇ваа. яасмаа виссаж̇ж̇анам̣ наама бужчаануруубам̣ бужчаасабхааг̇зна виссаж̇ж̇зд̇аб̣б̣ад̇о, на жа д̇ат̇ааг̇ад̇аа вираж̇жхид̇ваа гад̇абужчаануруубам̣ виссаж̇ж̇знд̇и, ад̇т̇асабхааг̇ад̇ааяа жа виссаж̇ж̇анасса бужчагаа д̇ад̣̇ад̇т̇ам̣ анаваб̣уж̇жханд̇аа саммуяханд̇и, д̇асмаа бужчааяа сигкаабанам̣ б̣уд̣̇д̇хаажин̣н̣ам̣, д̇знааха ‘‘бужчам̣ сигкаабзд̇ваа’’д̇иаад̣̇и.
497.Padesenāti ekadesena, upādinnakavasena, sattasantānapariyāpannenāti attho. Anupādinnakepīti anindriyabaddhepi. Nippadesato anavasesato. Pucchāmūḷhassāti pucchituṃ ajānantassa. Pucchāya dosaṃ dassetvāti tena katapucchāya pucchitākāre dosaṃ vibhāvetvā. Yasmā vissajjanaṃ nāma pucchānurūpaṃ pucchāsabhāgena vissajjetabbato, na ca tathāgatā virajjhitvā katapucchānurūpaṃ vissajjenti, atthasabhāgatāya ca vissajjanassa pucchakā tadatthaṃ anavabujjhantā sammuyhanti, tasmā pucchāya sikkhāpanaṃ buddhāciṇṇaṃ, tenāha ‘‘pucchaṃ sikkhāpetvā’’tiādi.
498. аббад̇идтаад̇и аббажжаяаа, саб̣б̣асо самужчиннагааран̣аад̇и ад̇т̇о. убаад̣̇иннам̣ язваад̇и инд̣̇рияаб̣ад̣̇д̇хамзва. яасмаа згад̣̇исаабхимукам̣ санд̇аанавасзна сан̣тид̇з руубаббаб̣анд̇хз д̣̇ийгхасаман̃н̃аа д̇ам̣ убаад̣̇ааяа д̇ад̇о аббагз рассасаман̃н̃аа д̇ад̣̇убхаяан̃жа висзсад̇о руубаг̇г̇ахан̣амукзна г̇аяхад̇и, д̇асмаа ааха ‘‘д̣̇ийгхан̃жа рассан̃жаад̇и сан̣таанавасзна убаад̣̇ааруубам̣ вуд̇д̇а’’нд̇и. аббабаримаан̣з руубасан̇гхаад̇з ан̣усаман̃н̃аа, д̇ам̣ убаад̣̇ааяа д̇ад̇о махад̇и т̇ууласаман̃н̃аа. ид̣̇амби д̣̇ваяам̣ висзсад̇о руубаг̇г̇ахан̣амукзна г̇аяхад̇и, д̇знааха ‘‘иминаабий’’д̇иаад̣̇и. би-сад̣̇д̣̇зна жзд̇т̇а ‘‘сан̣таанавасзна убаад̣̇ааруубам̣ вуд̇д̇а’’нд̇и зд̇т̇ааби ван̣н̣амад̇д̇амзва гат̇ид̇анд̇и имамад̇т̇ам̣ самужжинад̇ийд̇и вад̣̇анд̇и. субханд̇и сунд̣̇арам̣, идтанд̇и ад̇т̇о. асубханд̇и асунд̣̇арам̣, анидтанд̇и вуд̇д̇ам̣ ход̇и. д̇знзвааха ‘‘идтаанидтаарамман̣ам̣ банзвам̣ гат̇ид̇а’’нд̇и. д̣̇ийгхам̣ рассам̣, ан̣ум̣ т̇уулам̣, субхаасубханд̇и д̇ийсу таанзсу убаад̣̇ааруубассзва г̇ахан̣ам̣, бхууд̇аруубаанам̣ висум̣ г̇ахид̇ад̇д̇аа. нааманд̇и взд̣̇анаад̣̇игканд̇хажад̇уггам̣ д̇ан̃хи аарамман̣аабхимукам̣ наманад̇о, наамагаран̣ад̇о жа ‘‘наама’’нд̇и вужжад̇и. хздтаа ‘‘д̣̇ийгхам̣ расса’’нд̇иаад̣̇инаа вуд̇д̇амзва ид̇ха руббанадтзна ‘‘рууба’’нд̇и г̇ахид̇анд̇и ааха ‘‘д̣̇ийгхаад̣̇ибхзд̣̇ам̣ руубан̃жаа’’д̇и. д̣̇ийгхаад̣̇ийд̇и жа аад̣̇и-сад̣̇д̣̇зна аабаад̣̇ийнан̃жа сан̇г̇ахо д̣̇адтаб̣б̣о. яасмаа ваа д̣̇ийгхаад̣̇исаман̃н̃аа на руубааяад̇анавад̇т̇угаава, ат̇а ко бхууд̇аруубавад̇т̇угааби. д̇ат̇аа хи сан̣таанам̣ пусанамукзнаби г̇аяхад̇и, д̇асмаа д̣̇ийгхарассаад̣̇иг̇г̇ахан̣зна бхууд̇аруубамби г̇аяхад̇зваад̇и ‘‘д̣̇ийгхаад̣̇ибхзд̣̇ам̣ рууба’’мижжзва вуд̇д̇ам̣. гим̣ ааг̇аммаад̇и гим̣ ад̇хиг̇анд̇ваа гисса ад̇хиг̇амахзд̇у. ‘‘убаруж̇жхад̇ий’’д̇и ид̣̇ам̣ ануббаад̣̇анирод̇хам̣ санд̇хааяа вуд̇д̇ам̣, на кан̣анирод̇ханд̇и ааха ‘‘асзсамзд̇ам̣ наббавад̇д̇ад̇ий’’д̇и.
498.Appatiṭṭhāti appaccayā, sabbaso samucchinnakāraṇāti attho. Upādinnaṃ yevāti indriyabaddhameva. Yasmā ekadisābhimukhaṃ santānavasena saṇṭhite rūpappabandhe dīghasamaññā taṃ upādāya tato appake rassasamaññā tadubhayañca visesato rūpaggahaṇamukhena gayhati, tasmā āha ‘‘dīghañca rassañcāti saṇṭhānavasena upādārūpaṃ vutta’’nti. Appaparimāṇe rūpasaṅghāte aṇusamaññā, taṃ upādāya tato mahati thūlasamaññā. Idampi dvayaṃ visesato rūpaggahaṇamukhena gayhati, tenāha ‘‘imināpī’’tiādi. Pi-saddena cettha ‘‘saṇṭhānavasena upādārūpaṃ vutta’’nti etthāpi vaṇṇamattameva kathitanti imamatthaṃ samuccinatīti vadanti. Subhanti sundaraṃ, iṭṭhanti attho. Asubhanti asundaraṃ, aniṭṭhanti vuttaṃ hoti. Tenevāha ‘‘iṭṭhāniṭṭhārammaṇaṃ panevaṃ kathita’’nti. Dīghaṃ rassaṃ, aṇuṃ thūlaṃ, subhāsubhanti tīsu ṭhānesu upādārūpasseva gahaṇaṃ, bhūtarūpānaṃ visuṃ gahitattā. Nāmanti vedanādikkhandhacatukkaṃ tañhi ārammaṇābhimukhaṃ namanato, nāmakaraṇato ca ‘‘nāma’’nti vuccati. Heṭṭhā ‘‘dīghaṃ rassa’’ntiādinā vuttameva idha ruppanaṭṭhena ‘‘rūpa’’nti gahitanti āha ‘‘dīghādibhedaṃ rūpañcā’’ti. Dīghādīti ca ādi-saddena āpādīnañca saṅgaho daṭṭhabbo. Yasmā vā dīghādisamaññā na rūpāyatanavatthukāva, atha kho bhūtarūpavatthukāpi. Tathā hi saṇṭhānaṃ phusanamukhenapi gayhati, tasmā dīgharassādiggahaṇena bhūtarūpampi gayhatevāti ‘‘dīghādibhedaṃ rūpa’’micceva vuttaṃ. Kiṃ āgammāti kiṃ adhigantvā kissa adhigamahetu. ‘‘Uparujjhatī’’ti idaṃ anuppādanirodhaṃ sandhāya vuttaṃ, na khaṇanirodhanti āha ‘‘asesametaṃ nappavattatī’’ti.
499. вин̃н̃аад̇аб̣б̣анд̇и висидтзна н̃аад̇аб̣б̣ам̣, н̃аан̣уд̇д̇амзна арияамаг̇г̇ан̃аан̣зна бажжагкад̇о ж̇аанид̇аб̣б̣анд̇и ад̇т̇о, д̇знааха ‘‘ниб̣б̣аанассзд̇ам̣ наама’’нд̇и. нид̣̇иссад̇ийд̇и нид̣̇ассанам̣, жагкувин̃н̃зяяам̣. на нид̣̇ассанам̣ анид̣̇ассанам̣, ажагкувин̃н̃зяяанд̇и зд̇амад̇т̇ам̣ вад̣̇анд̇и. нид̣̇ассанам̣ ваа убамаа, д̇ам̣ зд̇асса над̇т̇ийд̇и анид̣̇ассанам̣. на хи ниб̣б̣аанасса нижжасса згасса ажжанд̇асанд̇абан̣ийд̇асабхаавасса сад̣̇исам̣ нид̣̇ассанам̣ гуд̇ожи лаб̣бхад̇ийд̇и. яам̣ ахуд̇ваа самбход̇и, худ̇ваа бадивзд̇и д̇ам̣ сан̇кад̇ам̣ уд̣̇аяаваяанд̇зхи саанд̇ам̣, асан̇кад̇асса бана ниб̣б̣аанасса нижжасса д̇з убхоби анд̇аа на санд̇и, д̇ад̇о зва навабхааваабаг̇амасан̇каад̇о ж̇аранд̇оби д̇асса над̇т̇ийд̇и ааха ‘‘уббаад̣̇анд̇о…бз… ананд̇а’’нд̇и. ‘‘д̇ид̇т̇асса наама’’нд̇и вад̇ваа д̇ад̇т̇а ниб̣б̣ажанам̣ д̣̇ассзд̇ум̣ ‘‘бабанд̇и зд̇т̇аад̇и баба’’нд̇и вуд̇д̇ам̣. зд̇т̇а хи бабанд̇и баанад̇ид̇т̇ам̣. бха-гааро гад̇о нируд̇д̇инаязна. висуд̣̇д̇хадтзна ваа саб̣б̣ад̇обабхам̣, гзнажи анубаггилидтад̇ааяа саманд̇ад̇о бабхассаранд̇и ад̇т̇о . язна ниб̣б̣аанам̣ ад̇хиг̇ад̇ам̣, д̇ам̣ санд̇ад̇ибарияаабаннаанам̣язва ид̇ха ануббаад̣̇анирод̇хо ад̇хиббзд̇од̇и вуд̇д̇ам̣ ‘‘убаад̣̇иннагад̇хаммаж̇аад̇ам̣ нируж̇жхад̇и аббавад̇д̇ам̣ ход̇ий’’д̇и.
499.Viññātabbanti visiṭṭhena ñātabbaṃ, ñāṇuttamena ariyamaggañāṇena paccakkhato jānitabbanti attho, tenāha ‘‘nibbānassetaṃ nāma’’nti. Nidissatīti nidassanaṃ, cakkhuviññeyyaṃ. Na nidassanaṃ anidassanaṃ, acakkhuviññeyyanti etamatthaṃ vadanti. Nidassanaṃ vā upamā, taṃ etassa natthīti anidassanaṃ. Na hi nibbānassa niccassa ekassa accantasantapaṇītasabhāvassa sadisaṃ nidassanaṃ kutoci labbhatīti. Yaṃ ahutvā sambhoti, hutvā paṭiveti taṃ saṅkhataṃ udayavayantehi saantaṃ, asaṅkhatassa pana nibbānassa niccassa te ubhopi antā na santi, tato eva navabhāvāpagamasaṅkhāto jarantopi tassa natthīti āha ‘‘uppādanto…pe… ananta’’nti. ‘‘Titthassa nāma’’nti vatvā tattha nibbacanaṃ dassetuṃ ‘‘papanti etthāti papa’’nti vuttaṃ. Ettha hi papanti pānatitthaṃ. Bha-kāro kato niruttinayena. Visuddhaṭṭhena vā sabbatopabhaṃ, kenaci anupakkiliṭṭhatāya samantato pabhassaranti attho . Yena nibbānaṃ adhigataṃ, taṃ santatipariyāpannānaṃyeva idha anuppādanirodho adhippetoti vuttaṃ ‘‘upādinnakadhammajātaṃ nirujjhati appavattaṃ hotī’’ti.
д̇ад̇т̇аад̇и ‘‘вин̃н̃аан̣асса нирод̇хзнаа’’д̇и яам̣ бад̣̇ам̣ вуд̇д̇ам̣, д̇асмим̣. ‘‘вин̃н̃аан̣а’’нд̇и вин̃н̃аан̣ам̣ уд̣̇д̇харад̇и вибхад̇д̇аб̣б̣ад̇д̇аа зд̇т̇зд̇ам̣ убаруж̇жхад̇ийд̇и зд̇асмим̣ ниб̣б̣аанз зд̇ам̣ наамаруубам̣ жаримагавин̃н̃аан̣анирод̇хзна ануббаад̣̇авасзна нируж̇жхад̇и анубаад̣̇исзсааяа ниб̣б̣аанад̇хаад̇уяаа, д̇знааха ‘‘виж̇жхаад̇ад̣̇ийбасикаа вияа абан̣н̣ад̇д̇игабхаавам̣ яаад̇ий’’д̇и. ‘‘жаримагавин̃н̃аан̣а’’нд̇и хи арахад̇о жуд̇ижид̇д̇ам̣ ад̇хиббзд̇ам̣. ‘‘абхисан̇кааравин̃н̃аан̣ассаабий’’д̇иаад̣̇инааби саубаад̣̇исзсаниб̣б̣аанамукзна анубаад̣̇исзсаниб̣б̣аанамзва вад̣̇ад̇и наамаруубасса анавасзсад̇о убаруж̇жханасса ад̇хиббзд̇ад̇д̇аа, д̇знааха ‘‘ануббаад̣̇авасзна убаруж̇жхад̇ий’’д̇и. сод̇аабад̇д̇имаг̇г̇ан̃аан̣знаад̇и гад̇д̇ари, гаран̣з ваа гаран̣аважанам̣. нирод̇хзнаад̇и бана хзд̇умхи. зд̇т̇аад̇и зд̇асмим̣ ниб̣б̣аанз. сзсамзд̇т̇а яам̣ ад̇т̇ад̇о на вибхад̇д̇ам̣, д̇ам̣ сувин̃н̃зяяамзва.
Tatthāti ‘‘viññāṇassa nirodhenā’’ti yaṃ padaṃ vuttaṃ, tasmiṃ. ‘‘Viññāṇa’’nti viññāṇaṃ uddharati vibhattabbattā etthetaṃ uparujjhatīti etasmiṃ nibbāne etaṃ nāmarūpaṃ carimakaviññāṇanirodhena anuppādavasena nirujjhati anupādisesāya nibbānadhātuyā, tenāha ‘‘vijjhātadīpasikhā viya apaṇṇattikabhāvaṃ yātī’’ti. ‘‘Carimakaviññāṇa’’nti hi arahato cuticittaṃ adhippetaṃ. ‘‘Abhisaṅkhāraviññāṇassāpī’’tiādināpi saupādisesanibbānamukhena anupādisesanibbānameva vadati nāmarūpassa anavasesato uparujjhanassa adhippetattā, tenāha ‘‘anuppādavasena uparujjhatī’’ti. Sotāpattimaggañāṇenāti kattari, karaṇe vā karaṇavacanaṃ. Nirodhenāti pana hetumhi. Etthāti etasmiṃ nibbāne. Sesamettha yaṃ atthato na vibhattaṃ, taṃ suviññeyyameva.
гзваддасуд̇д̇аван̣н̣анааяа лийнад̇т̇аббагаасанаа.
Kevaṭṭasuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 11. гзваддасуд̇д̇ам̣ • 11. Kevaṭṭasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 11. гзваддасуд̇д̇аван̣н̣анаа • 11. Kevaṭṭasuttavaṇṇanā
