| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[40] 10. кад̣̇иран̇г̇аараж̇аад̇агаван̣н̣анаа
[40] 10. Khadiraṅgārajātakavaṇṇanā
гаамам̣ бад̇аами нираяанд̇и ид̣̇ам̣ сад̇т̇аа ж̇зд̇аванз вихаранд̇о анаат̇абин̣д̣игам̣ аараб̣бха гат̇зси. анаат̇абин̣д̣иго хи вихаарамзва аараб̣бха жад̇убан̃н̃аасагодид̇ханам̣ б̣уд̣̇д̇хасаасанз барижжаж̇ид̇ваа вигирид̇ваа табзд̇ваа д̇ийн̣и рад̇анаани ан̃н̃ад̇т̇а рад̇анасан̃н̃амзва ануббаад̣̇зд̇ваа сад̇т̇ари ж̇зд̇аванз вихаранд̇з д̣̇звасигам̣ д̇ийн̣и махааубадтаанаани г̇ажчад̇и. баад̇ова згаваарам̣ г̇ажчад̇и, гад̇абаад̇араасо згаваарам̣, сааяанхз згаваарам̣. ан̃н̃ааниби анд̇аранд̇арубадтаанаани хонд̇иязва. г̇ажчанд̇о жа ‘‘гим̣ ну ко аад̣̇ааяа ааг̇ад̇од̇и сааман̣зраа ваа д̣̇ахараа ваа хад̇т̇амби мз ологзяяу’’нд̇и д̇ужчахад̇т̇о наама на г̇ад̇абуб̣б̣о. баад̇ова г̇ажчанд̇о яааг̇ум̣ г̇аахаабзд̇ваа г̇ажчад̇и, гад̇абаад̇араасо саббинаванийд̇амад̇хупаан̣ид̇аад̣̇ийниби, сааяанхасамаяз г̇анд̇хамаалаавад̇т̇аад̣̇ихад̇т̇од̇и. звам̣ д̣̇ивасз д̣̇ивасз барижжаж̇анд̇асса банасса барижжааг̇з бамаан̣ам̣ над̇т̇и.
Kāmaṃ patāmi nirayanti idaṃ satthā jetavane viharanto anāthapiṇḍikaṃ ārabbha kathesi. Anāthapiṇḍiko hi vihārameva ārabbha catupaññāsakoṭidhanaṃ buddhasāsane pariccajitvā vikiritvā ṭhapetvā tīṇi ratanāni aññattha ratanasaññameva anuppādetvā satthari jetavane viharante devasikaṃ tīṇi mahāupaṭṭhānāni gacchati. Pātova ekavāraṃ gacchati, katapātarāso ekavāraṃ, sāyanhe ekavāraṃ. Aññānipi antarantarupaṭṭhānāni hontiyeva. Gacchanto ca ‘‘kiṃ nu kho ādāya āgatoti sāmaṇerā vā daharā vā hatthampi me olokeyyu’’nti tucchahattho nāma na gatapubbo. Pātova gacchanto yāguṃ gāhāpetvā gacchati, katapātarāso sappinavanītamadhuphāṇitādīnipi, sāyanhasamaye gandhamālāvatthādihatthoti. Evaṃ divase divase pariccajantassa panassa pariccāge pamāṇaṃ natthi.
б̣ахуу вохааруубаж̇ийвинобисса хад̇т̇ад̇о бан̣н̣з ааробзд̇ваа адтаарасагодисан̇кяам̣ д̇ханам̣ ин̣ам̣ г̇ан̣хим̣су, д̇з махаасздти на аахараабзд̇и. ан̃н̃аа банасса гуласанд̇агаа адтаараса годияо над̣̇ийд̇ийрз нид̣̇ахид̇ваа табид̇аа ажиравад̇од̣̇агзна над̣̇ийгуулз бхиннз махаасамуд̣̇д̣̇ам̣ бавидтаа, д̇аа яат̇аабихид̇алан̃чи д̇аава лохажаадияо ан̣д̣авагужчияам̣ бавадданд̇аа вижаранд̇и. г̇зхз банасса бан̃жаннам̣ бхигкусад̇аанам̣ нижжабхад̇д̇ам̣ ниб̣ад̣̇д̇хамзва ход̇и. сздтино хи г̇зхам̣ бхигкусан̇гхасса жад̇умахаабат̇з кад̇абогкаран̣исад̣̇исам̣, саб̣б̣абхигкуунам̣ маад̇аабид̇удтаанз тид̇ам̣. д̇знасса гхарам̣ саммаасамб̣уд̣̇д̇хоби г̇ажчад̇и, асийд̇имахаат̇зрааби г̇ажчанд̇иязва. сзсабхигкуунам̣ бана г̇ажчанд̇аанан̃жа ааг̇ажчанд̇аанан̃жа бамаан̣ам̣ над̇т̇и. д̇ам̣ бана гхарам̣ сад̇д̇абхуумагам̣ сад̇д̇ад̣̇ваарагодтагабадиман̣д̣ид̇ам̣, д̇асса жад̇уд̇т̇з д̣̇ваарагодтагз згаа мижчаад̣̇идтигаа д̣̇звад̇аа васад̇и, саа саммаасамб̣уд̣̇д̇хз г̇зхам̣ бависанд̇з ад̇д̇ано вимаанз таад̇ум̣ на саггод̇и, д̣̇аарагз г̇ахзд̇ваа од̇арид̇ваа бхуумияам̣ д̇идтад̇и. асийд̇имахаат̇зрзсуби авасзсад̇т̇зрзсуби бависанд̇зсу жа нигкаманд̇зсу жа д̇ат̇зва гарод̇и. саа жинд̇зси ‘‘саман̣з г̇од̇амз жа саавагзсу жасса имам̣ г̇зхам̣ бависанд̇зсу маяхам̣ сукам̣ наама над̇т̇и, нижжагаалам̣ од̇арид̇ваа од̇арид̇ваа бхуумияам̣ таад̇ум̣ на сагкиссаами. яат̇аа имз зд̇ам̣ гхарам̣ на бависанд̇и, д̇ат̇аа маяаа гаад̇ум̣ ваддад̇ий’’д̇и. ат̇згад̣̇ивасам̣ саяануубаг̇ад̇ассзва махаагамманд̇игасса санд̇игам̣ г̇анд̇ваа обхаасам̣ парид̇ваа адтааси. ‘‘го зд̇т̇аа’’д̇и жа вуд̇д̇з ‘‘ахам̣ жад̇уд̇т̇ад̣̇ваарагодтагз ниб̣б̣ад̇д̇ад̣̇звад̇аа’’д̇и ааха. ‘‘гасмаа ааг̇ад̇аасий’’д̇и? ‘‘гим̣ д̇умхз сздтисса гирияам̣ на бассат̇а, ад̇д̇ано бажчимагаалам̣ анологзд̇ваа д̇ханам̣ нийхарид̇ваа саман̣ам̣ г̇од̇амам̣язва бууж̇зд̇и, нзва ван̣иж̇ж̇ам̣ баяож̇зд̇и, на гамманд̇з бадтабзд̇и, д̇умхз сздтим̣ д̇ат̇аа овад̣̇ат̇а, яат̇аа ад̇д̇ано гамманд̇ам̣ гарод̇и. яат̇аа жа саман̣о г̇од̇амо сасааваго имам̣ гхарам̣ на бависад̇и, д̇ат̇аа гарот̇аа’’д̇и. ат̇а нам̣ со ааха ‘‘б̣аалад̣̇звад̇з, сздти д̇ханам̣ виссаж̇ж̇знд̇о нияяаанигз б̣уд̣̇д̇хасаасанз виссаж̇ж̇зд̇и, со сажз мам̣ жуул̣ааяам̣ г̇ахзд̇ваа виггин̣иссад̇и, нзваахам̣ гин̃жи гат̇зссаами, г̇ажча д̇вам̣’’нд̇и. саа бунзгад̣̇ивасам̣ сздтино ж̇здтабуд̇д̇ам̣ убасан̇гамид̇ваа д̇ат̇зва овад̣̇и, соби д̇ам̣ буриманаязнзва д̇аж̇ж̇зси. сздтинаа бана сад̣̇д̇хим̣ гат̇зд̇ум̣язва на саггод̇и.
Bahū vohārūpajīvinopissa hatthato paṇṇe āropetvā aṭṭhārasakoṭisaṅkhyaṃ dhanaṃ iṇaṃ gaṇhiṃsu, te mahāseṭṭhi na āharāpeti. Aññā panassa kulasantakā aṭṭhārasa koṭiyo nadītīre nidahitvā ṭhapitā aciravatodakena nadīkūle bhinne mahāsamuddaṃ paviṭṭhā, tā yathāpihitalañchi tāva lohacāṭiyo aṇḍavakucchiyaṃ pavaṭṭantā vicaranti. Gehe panassa pañcannaṃ bhikkhusatānaṃ niccabhattaṃ nibaddhameva hoti. Seṭṭhino hi gehaṃ bhikkhusaṅghassa catumahāpathe khatapokkharaṇisadisaṃ, sabbabhikkhūnaṃ mātāpituṭṭhāne ṭhitaṃ. Tenassa gharaṃ sammāsambuddhopi gacchati, asītimahātherāpi gacchantiyeva. Sesabhikkhūnaṃ pana gacchantānañca āgacchantānañca pamāṇaṃ natthi. Taṃ pana gharaṃ sattabhūmakaṃ sattadvārakoṭṭhakapaṭimaṇḍitaṃ, tassa catutthe dvārakoṭṭhake ekā micchādiṭṭhikā devatā vasati, sā sammāsambuddhe gehaṃ pavisante attano vimāne ṭhātuṃ na sakkoti, dārake gahetvā otaritvā bhūmiyaṃ tiṭṭhati. Asītimahātheresupi avasesattheresupi pavisantesu ca nikkhamantesu ca tatheva karoti. Sā cintesi ‘‘samaṇe gotame ca sāvakesu cassa imaṃ gehaṃ pavisantesu mayhaṃ sukhaṃ nāma natthi, niccakālaṃ otaritvā otaritvā bhūmiyaṃ ṭhātuṃ na sakkhissāmi. Yathā ime etaṃ gharaṃ na pavisanti, tathā mayā kātuṃ vaṭṭatī’’ti. Athekadivasaṃ sayanūpagatasseva mahākammantikassa santikaṃ gantvā obhāsaṃ pharitvā aṭṭhāsi. ‘‘Ko etthā’’ti ca vutte ‘‘ahaṃ catutthadvārakoṭṭhake nibbattadevatā’’ti āha. ‘‘Kasmā āgatāsī’’ti? ‘‘Kiṃ tumhe seṭṭhissa kiriyaṃ na passatha, attano pacchimakālaṃ anoloketvā dhanaṃ nīharitvā samaṇaṃ gotamaṃyeva pūjeti, neva vaṇijjaṃ payojeti, na kammante paṭṭhapeti, tumhe seṭṭhiṃ tathā ovadatha, yathā attano kammantaṃ karoti. Yathā ca samaṇo gotamo sasāvako imaṃ gharaṃ na pavisati, tathā karothā’’ti. Atha naṃ so āha ‘‘bāladevate, seṭṭhi dhanaṃ vissajjento niyyānike buddhasāsane vissajjeti, so sace maṃ cūḷāyaṃ gahetvā vikkiṇissati, nevāhaṃ kiñci kathessāmi, gaccha tvaṃ’’nti. Sā punekadivasaṃ seṭṭhino jeṭṭhaputtaṃ upasaṅkamitvā tatheva ovadi, sopi taṃ purimanayeneva tajjesi. Seṭṭhinā pana saddhiṃ kathetuṃyeva na sakkoti.
сздтиноби ниранд̇арам̣ д̣̇аанам̣ д̣̇знд̇асса вохаарз агаронд̇асса ааяз манд̣̇ийбхууд̇з д̇ханам̣ баригкаяам̣ аг̇амааси. ат̇асса ануггамзна д̣̇аалид̣̇д̣̇ияаббад̇д̇асса барибхог̇асаадагасаяанабхож̇анааниби бураан̣асад̣̇исаани на бхавим̣су. звам̣бхууд̇оби бхигкусан̇гхасса д̣̇аанам̣ д̣̇зд̇и, бан̣ийд̇ам̣ бана гад̇ваа д̣̇аад̇ум̣ на саггод̇и . ат̇а нам̣ згад̣̇ивасам̣ ванд̣̇ид̇ваа нисиннам̣ сад̇т̇аа ‘‘д̣̇ийяад̇и бана д̇з, г̇ахабад̇и, гулз д̣̇аана’’нд̇и бужчи. со ‘‘д̣̇ийяад̇и, бханд̇з, д̇ан̃жа ко ган̣ааж̇агам̣ б̣илан̇г̇ад̣̇уд̇ияа’’нд̇и ааха. ат̇а нам̣ сад̇т̇аа ‘‘г̇ахабад̇и, ‘луукам̣ д̣̇аанам̣ д̣̇змий’д̇и маа жид̇д̇ам̣ сан̇гожаяид̇т̇а . жид̇д̇асмин̃хи бан̣ийд̇з б̣уд̣̇д̇хабажжзгаб̣уд̣̇д̇хаб̣уд̣̇д̇хасаавагаанам̣ д̣̇иннад̣̇аанам̣ луукам̣ наама на ход̇и. гасмаа? вибаагамаханд̇ад̇д̇аа’’д̇и ааха. жид̇д̇ан̃хи бан̣ийд̇ам̣ гаад̇ум̣ саггонд̇асса д̣̇аанам̣ луукам̣ наама над̇т̇ийд̇и жзд̇ам̣ звам̣ взд̣̇ид̇аб̣б̣ам̣ –
Seṭṭhinopi nirantaraṃ dānaṃ dentassa vohāre akarontassa āye mandībhūte dhanaṃ parikkhayaṃ agamāsi. Athassa anukkamena dāliddiyappattassa paribhogasāṭakasayanabhojanānipi purāṇasadisāni na bhaviṃsu. Evaṃbhūtopi bhikkhusaṅghassa dānaṃ deti, paṇītaṃ pana katvā dātuṃ na sakkoti . Atha naṃ ekadivasaṃ vanditvā nisinnaṃ satthā ‘‘dīyati pana te, gahapati, kule dāna’’nti pucchi. So ‘‘dīyati, bhante, tañca kho kaṇājakaṃ bilaṅgadutiya’’nti āha. Atha naṃ satthā ‘‘gahapati, ‘lūkhaṃ dānaṃ demī’ti mā cittaṃ saṅkocayittha . Cittasmiñhi paṇīte buddhapaccekabuddhabuddhasāvakānaṃ dinnadānaṃ lūkhaṃ nāma na hoti. Kasmā? Vipākamahantattā’’ti āha. Cittañhi paṇītaṃ kātuṃ sakkontassa dānaṃ lūkhaṃ nāma natthīti cetaṃ evaṃ veditabbaṃ –
‘‘над̇т̇и жид̇д̇з басаннамхи, аббагаа наама д̣̇агкин̣аа;
‘‘Natthi citte pasannamhi, appakā nāma dakkhiṇā;
д̇ат̇ааг̇ад̇з ваа самб̣уд̣̇д̇хз, ат̇а ваа д̇асса саавагз. (ви. ва. 804);
Tathāgate vā sambuddhe, atha vā tassa sāvake. (vi. va. 804);
‘‘на гирад̇т̇и аномад̣̇ассису, баарижарияаа б̣уд̣̇д̇хзсу аббагаа;
‘‘Na kiratthi anomadassisu, pāricariyā buddhesu appakā;
сугкааяа алон̣игааяа жа, басса палам̣ гуммаасабин̣д̣ияаа’’д̇и.
Sukkhāya aloṇikāya ca, passa phalaṃ kummāsapiṇḍiyā’’ti.
абарамби нам̣ ааха ‘‘г̇ахабад̇и, д̇вам̣ д̇аава луукам̣ д̣̇аанам̣ д̣̇ад̣̇амаано адтаннам̣ арияабуг̇г̇алаанам̣ д̣̇зси, ахам̣ взлаамагаалз сагалаж̇амб̣уд̣̇ийбам̣ уннан̇г̇алам̣ гад̇ваа сад̇д̇а рад̇анаани д̣̇ад̣̇амаано бан̃жа махаанад̣̇ияо згогхабун̣н̣ам̣ гад̇ваа вияа жа махаад̣̇аанам̣ бавад̇д̇аяамаано д̇исаран̣аг̇ад̇ам̣ ваа бан̃жасийларагканагам̣ ваа ган̃жи наалад̇т̇ам̣, д̣̇агкин̣зяяабуг̇г̇алаа наама звам̣ д̣̇уллабхаа. д̇асмаа ‘луукам̣ мз д̣̇аана’нд̇и маа жид̇д̇ам̣ сан̇гожаяид̇т̇аа’’д̇и зван̃жа бана вад̇ваа взлаамасуд̇д̇ам̣ (а. ни. 9.20) гат̇зси.
Aparampi naṃ āha ‘‘gahapati, tvaṃ tāva lūkhaṃ dānaṃ dadamāno aṭṭhannaṃ ariyapuggalānaṃ desi, ahaṃ velāmakāle sakalajambudīpaṃ unnaṅgalaṃ katvā satta ratanāni dadamāno pañca mahānadiyo ekoghapuṇṇaṃ katvā viya ca mahādānaṃ pavattayamāno tisaraṇagataṃ vā pañcasīlarakkhanakaṃ vā kañci nālatthaṃ, dakkhiṇeyyapuggalā nāma evaṃ dullabhā. Tasmā ‘lūkhaṃ me dāna’nti mā cittaṃ saṅkocayitthā’’ti evañca pana vatvā velāmasuttaṃ (a. ni. 9.20) kathesi.
ат̇а ко саа д̣̇звад̇аа иссарагаалз сздтинаа сад̣̇д̇хим̣ гат̇зд̇умби асаггонд̇ий ‘‘ид̣̇аанааяам̣ д̣̇уг̇г̇ад̇ад̇д̇аа мама важанам̣ г̇ан̣хиссад̇ий’’д̇и ман̃н̃амаанаа ад̣дхарад̇д̇асамаяз сириг̇аб̣бхам̣ бависид̇ваа обхаасам̣ парид̇ваа аагаасз адтааси. сздти д̇ам̣ д̣̇исваа ‘‘го зсо’’д̇и ааха. ‘‘ахам̣ махаасздти жад̇уд̇т̇ад̣̇ваарагодтагз ад̇хивад̇т̇аа, д̣̇звад̇аа’’д̇и. ‘‘гимад̇т̇амааг̇ад̇аасий’’д̇и? ‘‘д̇уяхам̣ оваад̣̇ам̣ гат̇зд̇угаамаа худ̇ваа ааг̇ажчаамий’’д̇и. ‘‘д̇зна хи гат̇зхий’’д̇и. махаасздти д̇вам̣ бажчимагаалам̣ на жинд̇зси, буд̇д̇ад̇хийд̇аро на ологзси, саман̣асса д̇з г̇од̇амасса саасанз б̣ахум̣ д̇ханам̣ виббагин̣н̣ам̣, со д̇вам̣ ад̇ивзлам̣ д̇ханависсаж̇ж̇анзна ваа ван̣иж̇ж̇аад̣̇игаммаанам̣ агаран̣зна ваа саман̣ам̣ г̇од̇амам̣ ниссааяа д̣̇уг̇г̇ад̇о ж̇аад̇о, звам̣бхууд̇оби саман̣ам̣ г̇од̇амам̣ на мун̃жаси, аж̇ж̇аби д̇з саман̣аа гхарам̣ бависанд̇иязва. яам̣ д̇аава д̇зхи нийд̇ам̣, д̇ам̣ на саггаа бажжаахараабзд̇ум̣, г̇ахид̇ам̣ г̇ахид̇амзва ход̇у, ид̇о бадтааяа бана саяан̃жа саман̣асса г̇од̇амасса санд̇игам̣ маа г̇амид̇т̇а, саавагаанан̃жасса имам̣ гхарам̣ бависид̇ум̣ маа ад̣̇ааси, саман̣ам̣ г̇од̇амам̣ нивад̇д̇ид̇вааби анологзнд̇о ад̇д̇ано вохаарз жа ван̣иж̇ж̇ан̃жа гад̇ваа гудумб̣ам̣ сан̣табзхий’’д̇и. ат̇а нам̣ со звамааха ‘‘аяам̣ д̇аяаа маяхам̣ д̣̇аад̇аб̣б̣аоваад̣̇о’’д̇и. ‘‘аама, аяяаа’’д̇и. д̇аад̣̇исаанам̣ д̣̇звад̇аанам̣ сад̇знаби сахассзнаби сад̇асахассзнаби агамбанийяо ахам̣ д̣̇асаб̣алзна гад̇о. мама хи сад̣̇д̇хаа синзру вияа ажалаа суббад̇идтид̇аа, маяаа нияяаанигз рад̇анасаасанз д̇ханам̣ виссаж̇ж̇ид̇ам̣, аяуд̇д̇ам̣ д̇з гат̇ид̇ам̣, б̣уд̣̇д̇хасаасанз бахааро д̣̇инно, зваруубааяа анаажаарааяа д̣̇уссийлааяа гаал̣аган̣н̣ияаа сад̣̇д̇хим̣ д̇аяаа мама згаг̇зхз васанагижжам̣ над̇т̇и, сийгхам̣ мама г̇зхаа нигкамид̇ваа ан̃н̃ад̇т̇а г̇ажчаад̇и.
Atha kho sā devatā issarakāle seṭṭhinā saddhiṃ kathetumpi asakkontī ‘‘idānāyaṃ duggatattā mama vacanaṃ gaṇhissatī’’ti maññamānā aḍḍharattasamaye sirigabbhaṃ pavisitvā obhāsaṃ pharitvā ākāse aṭṭhāsi. Seṭṭhi taṃ disvā ‘‘ko eso’’ti āha. ‘‘Ahaṃ mahāseṭṭhi catutthadvārakoṭṭhake adhivatthā, devatā’’ti. ‘‘Kimatthamāgatāsī’’ti? ‘‘Tuyhaṃ ovādaṃ kathetukāmā hutvā āgacchāmī’’ti. ‘‘Tena hi kathehī’’ti. Mahāseṭṭhi tvaṃ pacchimakālaṃ na cintesi, puttadhītaro na olokesi, samaṇassa te gotamassa sāsane bahuṃ dhanaṃ vippakiṇṇaṃ, so tvaṃ ativelaṃ dhanavissajjanena vā vaṇijjādikammānaṃ akaraṇena vā samaṇaṃ gotamaṃ nissāya duggato jāto, evaṃbhūtopi samaṇaṃ gotamaṃ na muñcasi, ajjapi te samaṇā gharaṃ pavisantiyeva. Yaṃ tāva tehi nītaṃ, taṃ na sakkā paccāharāpetuṃ, gahitaṃ gahitameva hotu, ito paṭṭhāya pana sayañca samaṇassa gotamassa santikaṃ mā gamittha, sāvakānañcassa imaṃ gharaṃ pavisituṃ mā adāsi, samaṇaṃ gotamaṃ nivattitvāpi anolokento attano vohāre ca vaṇijjañca katvā kuṭumbaṃ saṇṭhapehī’’ti. Atha naṃ so evamāha ‘‘ayaṃ tayā mayhaṃ dātabbaovādo’’ti. ‘‘Āma, ayyā’’ti. Tādisānaṃ devatānaṃ satenapi sahassenapi satasahassenapi akampanīyo ahaṃ dasabalena kato. Mama hi saddhā sineru viya acalā suppatiṭṭhitā, mayā niyyānike ratanasāsane dhanaṃ vissajjitaṃ, ayuttaṃ te kathitaṃ, buddhasāsane pahāro dinno, evarūpāya anācārāya dussīlāya kāḷakaṇṇiyā saddhiṃ tayā mama ekagehe vasanakiccaṃ natthi, sīghaṃ mama gehā nikkhamitvā aññattha gacchāti.
саа сод̇аабаннасса арияасаавагасса важанам̣ суд̇ваа таад̇ум̣ асаггонд̇ий ад̇д̇ано васанадтаанам̣ г̇анд̇ваа д̣̇аарагз хад̇т̇зна г̇ахзд̇ваа нигками. нигкамид̇ваа жа бана ан̃н̃ад̇т̇а васанадтаанам̣ алабхамаанаа ‘‘сздтим̣ камаабзд̇ваа д̇ад̇т̇зва васиссаамий’’д̇и жинд̇зд̇ваа наг̇арабариг̇г̇аахагад̣̇звабуд̇д̇асса санд̇игам̣ г̇анд̇ваа д̇ам̣ ванд̣̇ид̇ваа адтааси. ‘‘гзнадтзна ааг̇ад̇аасий’’д̇и жа вуд̇д̇з ‘‘ахам̣ саами, ад̇д̇ано б̣аалад̇ааяа анубад̇хаарзд̇ваа анаат̇абин̣д̣игзна сздтинаа сад̣̇д̇хим̣ гат̇зсим̣, со мам̣ гуж̇жхид̇ваа васанадтаанаа ниггад̣дхи, мам̣ сздтисса санд̇игам̣ нзд̇ваа камаабзд̇ваа васанадтаанам̣ мз д̣̇зт̇аа’’д̇и. ‘‘гим̣ бана д̇аяаа сздти вуд̇д̇о’’д̇и ‘‘ид̇о бадтааяа б̣уд̣̇д̇хубадтаанам̣ сан̇гхубадтаанам̣ маа гари, саман̣асса г̇од̇амасса гхараббавзсанам̣ маа ад̣̇аасий’’д̇и ‘‘звам̣ мз вуд̇д̇о, саамий’’д̇и. аяуд̇д̇ам̣ д̇аяаа вуд̇д̇ам̣, саасанз бахааро д̣̇инно, ‘‘ахам̣ д̇ам̣ аад̣̇ааяа сздтино санд̇игам̣ г̇анд̇ум̣ на уссахаамий’’д̇и. саа д̇асса санд̇игаа сан̇г̇ахам̣ алабхид̇ваа жад̇уннам̣ махаарааж̇аанам̣ санд̇игам̣ аг̇амааси.
Sā sotāpannassa ariyasāvakassa vacanaṃ sutvā ṭhātuṃ asakkontī attano vasanaṭṭhānaṃ gantvā dārake hatthena gahetvā nikkhami. Nikkhamitvā ca pana aññattha vasanaṭṭhānaṃ alabhamānā ‘‘seṭṭhiṃ khamāpetvā tattheva vasissāmī’’ti cintetvā nagarapariggāhakadevaputtassa santikaṃ gantvā taṃ vanditvā aṭṭhāsi. ‘‘Kenaṭṭhena āgatāsī’’ti ca vutte ‘‘ahaṃ sāmi, attano bālatāya anupadhāretvā anāthapiṇḍikena seṭṭhinā saddhiṃ kathesiṃ, so maṃ kujjhitvā vasanaṭṭhānā nikkaḍḍhi, maṃ seṭṭhissa santikaṃ netvā khamāpetvā vasanaṭṭhānaṃ me dethā’’ti. ‘‘Kiṃ pana tayā seṭṭhi vutto’’ti ‘‘ito paṭṭhāya buddhupaṭṭhānaṃ saṅghupaṭṭhānaṃ mā kari, samaṇassa gotamassa gharappavesanaṃ mā adāsī’’ti ‘‘evaṃ me vutto, sāmī’’ti. Ayuttaṃ tayā vuttaṃ, sāsane pahāro dinno, ‘‘ahaṃ taṃ ādāya seṭṭhino santikaṃ gantuṃ na ussahāmī’’ti. Sā tassa santikā saṅgahaṃ alabhitvā catunnaṃ mahārājānaṃ santikaṃ agamāsi.
д̇зхиби д̇ат̇зва бадигкид̇д̇аа саггам̣ д̣̇зварааж̇ам̣ убасан̇гамид̇ваа д̇ам̣ бавад̇д̇им̣ аажигкид̇ваа ‘‘ахам̣, д̣̇зва, васанадтаанам̣ алабхамаанаа д̣̇аарагз хад̇т̇зна г̇ахзд̇ваа анаат̇аа вижараами, д̇умхаагам̣ сирияаа маяхам̣ васанадтаанам̣ д̣̇аабзт̇аа’’д̇и судтуд̇арам̣ яаажи. соби нам̣ ааха ‘‘д̇аяаа аяуд̇д̇ам̣ гад̇ам̣, ж̇инасаасанз бахааро д̣̇инно, ахамби д̇ам̣ ниссааяа сздтинаа сад̣̇д̇хим̣ гат̇зд̇ум̣ на саггоми, згам̣ бана д̇з сздтисса камануубааяам̣ гат̇зссаамий’’д̇и. ‘‘саад̇ху, д̣̇зва, гат̇зхий’’д̇и. махаасздтисса хад̇т̇ад̇о мануссзхи бан̣н̣з ааробзд̇ваа адтаарасагодисан̇кяам̣ д̇ханам̣ г̇ахид̇ам̣ ад̇т̇и, д̇вам̣ д̇асса ааяуд̇д̇агавзсам̣ г̇ахзд̇ваа ган̃жи аж̇аанаабзд̇ваа д̇аани бан̣н̣аани аад̣̇ааяа гад̇ибаязхи яагкад̇арун̣зхи бариваарид̇аа згзна хад̇т̇зна бан̣н̣ам̣, згзна лзканим̣ г̇ахзд̇ваа д̇зсам̣ г̇зхам̣ г̇анд̇ваа г̇зхамаж̇жхз тид̇аа ад̇д̇ано яагкаанубхаавзна д̇з уд̇д̇аасзд̇ваа ‘‘ид̣̇ам̣ д̇умхаагам̣ ин̣абан̣н̣ам̣, амхаагам̣ сздти ад̇д̇ано иссарагаалз д̇умхз на гин̃жи ааха, ид̣̇аани д̣̇уг̇г̇ад̇о ж̇аад̇о, д̇умхзхи г̇ахид̇агахаабан̣аани д̣̇зт̇аа’’д̇и ад̇д̇ано яагкаанубхаавам̣ д̣̇ассзд̇ваа саб̣б̣ааби д̇аа адтаараса хиран̃н̃агодияо саад̇хзд̇ваа сздтисса д̇ужчагодтагз буурзд̇ваа ан̃н̃ам̣ ажиравад̇инад̣̇ийд̇ийрз нид̣̇ахид̇ам̣ д̇ханам̣ над̣̇ийгуулз бхиннз самуд̣̇д̣̇ам̣ бавидтам̣ ад̇т̇и, д̇амби ад̇д̇ано аанубхаавзна аахарид̇ваа д̇ужчагодтагз буурзд̇ваа, ан̃н̃амби асугадтаанз наама ассаамигам̣ адтаарасагодимад̇д̇амзва д̇ханам̣ ад̇т̇и, д̇амби аахарид̇ваа д̇ужчагодтагз буурзхи, имаахи жад̇убан̃н̃аасагодийхи имам̣ д̇ужчагодтагабуурагам̣ д̣̇ан̣д̣агаммам̣ гад̇ваа махаасздтим̣ камаабзхийд̇и.
Tehipi tatheva paṭikkhittā sakkaṃ devarājaṃ upasaṅkamitvā taṃ pavattiṃ ācikkhitvā ‘‘ahaṃ, deva, vasanaṭṭhānaṃ alabhamānā dārake hatthena gahetvā anāthā vicarāmi, tumhākaṃ siriyā mayhaṃ vasanaṭṭhānaṃ dāpethā’’ti suṭṭhutaraṃ yāci. Sopi naṃ āha ‘‘tayā ayuttaṃ kataṃ, jinasāsane pahāro dinno, ahampi taṃ nissāya seṭṭhinā saddhiṃ kathetuṃ na sakkomi, ekaṃ pana te seṭṭhissa khamanūpāyaṃ kathessāmī’’ti. ‘‘Sādhu, deva, kathehī’’ti. Mahāseṭṭhissa hatthato manussehi paṇṇe āropetvā aṭṭhārasakoṭisaṅkhyaṃ dhanaṃ gahitaṃ atthi, tvaṃ tassa āyuttakavesaṃ gahetvā kañci ajānāpetvā tāni paṇṇāni ādāya katipayehi yakkhataruṇehi parivāritā ekena hatthena paṇṇaṃ, ekena lekhaniṃ gahetvā tesaṃ gehaṃ gantvā gehamajjhe ṭhitā attano yakkhānubhāvena te uttāsetvā ‘‘idaṃ tumhākaṃ iṇapaṇṇaṃ, amhākaṃ seṭṭhi attano issarakāle tumhe na kiñci āha, idāni duggato jāto, tumhehi gahitakahāpaṇāni dethā’’ti attano yakkhānubhāvaṃ dassetvā sabbāpi tā aṭṭhārasa hiraññakoṭiyo sādhetvā seṭṭhissa tucchakoṭṭhake pūretvā aññaṃ aciravatinadītīre nidahitaṃ dhanaṃ nadīkūle bhinne samuddaṃ paviṭṭhaṃ atthi, tampi attano ānubhāvena āharitvā tucchakoṭṭhake pūretvā, aññampi asukaṭṭhāne nāma assāmikaṃ aṭṭhārasakoṭimattameva dhanaṃ atthi, tampi āharitvā tucchakoṭṭhake pūrehi, imāhi catupaññāsakoṭīhi imaṃ tucchakoṭṭhakapūrakaṃ daṇḍakammaṃ katvā mahāseṭṭhiṃ khamāpehīti.
саа ‘‘саад̇ху, д̣̇зваа’’д̇и д̇асса важанам̣ самбадижчид̇ваа вуд̇д̇анаязнзва саб̣б̣ам̣ д̇ханам̣ аахарид̇ваа годтагз буурзд̇ваа ад̣дхарад̇д̇асамаяз сздтисса сириг̇аб̣бхам̣ бависид̇ваа обхаасам̣ парид̇ваа аагаасз адтааси. ‘‘го зсо’’д̇и вуд̇д̇з ‘‘ахам̣ д̇з махаасздти жад̇уд̇т̇ад̣̇ваарагодтагз ад̇хивад̇т̇аа анд̇хаб̣аалад̣̇звад̇аа, маяаа махаамохамуул̣хааяа б̣уд̣̇д̇хаг̇ун̣з аж̇аанид̇ваа буримзсу д̣̇ивасзсу д̇умхзхи сад̣̇д̇хим̣ гин̃жи гат̇ид̇ам̣ ад̇т̇и, д̇ам̣ мз д̣̇осам̣ камат̇а. саггасса хи мз д̣̇зварааж̇асса важанзна д̇умхаагам̣ ин̣ам̣ сод̇хзд̇ваа адтаараса годияо, самуд̣̇д̣̇ам̣ г̇ад̇аа адтаараса годияо, д̇асмим̣ д̇асмим̣ таанз ассаамигад̇ханасса адтаараса годияод̇и жад̇убан̣н̣ааса годияо аахарид̇ваа д̇ужчагодтагабууран̣зна д̣̇ан̣д̣агаммам̣ гад̇ам̣, ж̇зд̇аванавихаарам̣ аараб̣бха баригкаяам̣ г̇ад̇ад̇ханам̣ саб̣б̣ам̣ самбин̣д̣ид̇ам̣, васанадтаанам̣ алабхамаанаа гиламаами, маяаа ан̃н̃аан̣ад̇ааяа гат̇ид̇ам̣ манаси агад̇ваа камат̇а махаасздтий’’д̇и ааха.
Sā ‘‘sādhu, devā’’ti tassa vacanaṃ sampaṭicchitvā vuttanayeneva sabbaṃ dhanaṃ āharitvā koṭṭhake pūretvā aḍḍharattasamaye seṭṭhissa sirigabbhaṃ pavisitvā obhāsaṃ pharitvā ākāse aṭṭhāsi. ‘‘Ko eso’’ti vutte ‘‘ahaṃ te mahāseṭṭhi catutthadvārakoṭṭhake adhivatthā andhabāladevatā, mayā mahāmohamūḷhāya buddhaguṇe ajānitvā purimesu divasesu tumhehi saddhiṃ kiñci kathitaṃ atthi, taṃ me dosaṃ khamatha. Sakkassa hi me devarājassa vacanena tumhākaṃ iṇaṃ sodhetvā aṭṭhārasa koṭiyo, samuddaṃ gatā aṭṭhārasa koṭiyo, tasmiṃ tasmiṃ ṭhāne assāmikadhanassa aṭṭhārasa koṭiyoti catupaṇṇāsa koṭiyo āharitvā tucchakoṭṭhakapūraṇena daṇḍakammaṃ kataṃ, jetavanavihāraṃ ārabbha parikkhayaṃ gatadhanaṃ sabbaṃ sampiṇḍitaṃ, vasanaṭṭhānaṃ alabhamānā kilamāmi, mayā aññāṇatāya kathitaṃ manasi akatvā khamatha mahāseṭṭhī’’ti āha.
анаат̇абин̣д̣иго д̇ассаа важанам̣ суд̇ваа жинд̇зси ‘‘аяам̣ д̣̇звад̇аа ‘д̣̇ан̣д̣агамман̃жа мз гад̇а’нд̇и вад̣̇ад̇и, ад̇д̇ано жа д̣̇осам̣ бадиж̇аанаад̇и, сад̇т̇аа имам̣ винзд̇ваа ад̇д̇ано г̇ун̣з ж̇аанаабзссад̇и, саммаасамб̣уд̣̇д̇хасса нам̣ д̣̇ассзссаамий’’д̇и. ат̇а нам̣ ааха ‘‘амма, д̣̇звад̇з, сажзси мам̣ камаабзд̇угаамаа, сад̇т̇у санд̇игз мам̣ камаабзхий’’д̇и. саад̇ху звам̣ гариссаами, ‘‘сад̇т̇у бана мам̣ санд̇игам̣ г̇ахзд̇ваа г̇ажчаахий’’д̇и. со ‘‘саад̇хуу’’д̇и вад̇ваа вибхаад̇ааяа рад̇д̇ияаа баад̇ова д̇ам̣ г̇ахзд̇ваа сад̇т̇у санд̇игам̣ г̇анд̇ваа д̇ааяа гад̇агаммам̣ саб̣б̣ам̣ д̇ат̇ааг̇ад̇асса аарожзси. сад̇т̇аа д̇асса важанам̣ суд̇ваа ‘‘ид̇ха, г̇ахабад̇и, баабабуг̇г̇алоби яаава баабам̣ на бажжад̇и , д̇аава бхад̣̇раани бассад̇и. яад̣̇аа банасса баабам̣ бажжад̇и, д̇ад̣̇аа баабамзва бассад̇и. бхад̣̇рабуг̇г̇алоби яаава бхад̣̇рам̣ на бажжад̇и, д̇аава баабаани бассад̇и. яад̣̇аа банасса бхад̣̇рам̣ бажжад̇и, д̇ад̣̇аа бхад̣̇рамзва бассад̇ий’’д̇и вад̇ваа имаа д̇хаммабад̣̇з д̣̇вз г̇аат̇аа абхааси –
Anāthapiṇḍiko tassā vacanaṃ sutvā cintesi ‘‘ayaṃ devatā ‘daṇḍakammañca me kata’nti vadati, attano ca dosaṃ paṭijānāti, satthā imaṃ vinetvā attano guṇe jānāpessati, sammāsambuddhassa naṃ dassessāmī’’ti. Atha naṃ āha ‘‘amma, devate, sacesi maṃ khamāpetukāmā, satthu santike maṃ khamāpehī’’ti. Sādhu evaṃ karissāmi, ‘‘satthu pana maṃ santikaṃ gahetvā gacchāhī’’ti. So ‘‘sādhū’’ti vatvā vibhātāya rattiyā pātova taṃ gahetvā satthu santikaṃ gantvā tāya katakammaṃ sabbaṃ tathāgatassa ārocesi. Satthā tassa vacanaṃ sutvā ‘‘idha, gahapati, pāpapuggalopi yāva pāpaṃ na paccati , tāva bhadrāni passati. Yadā panassa pāpaṃ paccati, tadā pāpameva passati. Bhadrapuggalopi yāva bhadraṃ na paccati, tāva pāpāni passati. Yadā panassa bhadraṃ paccati, tadā bhadrameva passatī’’ti vatvā imā dhammapade dve gāthā abhāsi –
‘‘баабоби бассад̇ий бхад̣̇рам̣, яаава баабам̣ на бажжад̇и;
‘‘Pāpopi passatī bhadraṃ, yāva pāpaṃ na paccati;
яад̣̇аа жа бажжад̇ий баабам̣, ат̇а баабо баабаани бассад̇и.
Yadā ca paccatī pāpaṃ, atha pāpo pāpāni passati.
‘‘бхад̣̇роби бассад̇ий баабам̣, яаава бхад̣̇рам̣ на бажжад̇и;
‘‘Bhadropi passatī pāpaṃ, yāva bhadraṃ na paccati;
яад̣̇аа жа бажжад̇ий бхад̣̇рам̣, ат̇а бхад̣̇ро бхад̣̇раани бассад̇ий’’д̇и. (д̇ха. ба. 119-120);
Yadā ca paccatī bhadraṃ, atha bhadro bhadrāni passatī’’ti. (dha. pa. 119-120);
имаасан̃жа бана г̇аат̇аанам̣ барияосаанз саа д̣̇звад̇аа сод̇аабад̇д̇ипалз бад̇идтааси. саа жагган̇гид̇зсу сад̇т̇у баад̣̇зсу нибад̇ид̇ваа ‘‘маяаа, бханд̇з, рааг̇арад̇д̇ааяа д̣̇осабад̣̇удтааяа мохамуул̣хааяа авиж̇ж̇анд̇хааяа д̇умхаагам̣ г̇ун̣з аж̇аананд̇ияаа баабагам̣ важанам̣ вуд̇д̇ам̣, д̇ам̣ мз камат̇аа’’д̇и сад̇т̇аарам̣ камаабзд̇ваа махаасздтимби камаабзси.
Imāsañca pana gāthānaṃ pariyosāne sā devatā sotāpattiphale patiṭṭhāsi. Sā cakkaṅkitesu satthu pādesu nipatitvā ‘‘mayā, bhante, rāgarattāya dosapaduṭṭhāya mohamūḷhāya avijjandhāya tumhākaṃ guṇe ajānantiyā pāpakaṃ vacanaṃ vuttaṃ, taṃ me khamathā’’ti satthāraṃ khamāpetvā mahāseṭṭhimpi khamāpesi.
д̇асмим̣ самаяз анаат̇абин̣д̣иго сад̇т̇у бурад̇о ад̇д̇ано г̇ун̣ам̣ гат̇зси ‘‘бханд̇з, аяам̣ д̣̇звад̇аа ‘б̣уд̣̇д̇хубадтаанаад̣̇ийни маа гарохий’д̇и ваараяамаанааби мам̣ ваарзд̇ум̣ наасагки, ‘д̣̇аанам̣ на д̣̇аад̇аб̣б̣а’нд̇и имааяа ваарияамаанобахам̣ д̣̇аанам̣ ад̣̇аасимзва, нууна зса, бханд̇з, маяхам̣ г̇ун̣о’’д̇и. сад̇т̇аа ‘‘д̇вам̣ коси г̇ахабад̇и сод̇аабанно арияасааваго ажаласад̣̇д̇хо висуд̣̇д̇хад̣̇ассано, д̇уяхам̣ имааяа аббзсагкад̣̇звад̇ааяа ваарзнд̇ияаа аваарид̇абхааво на ажчарияо . яам̣ бана буб̣б̣з бан̣д̣ид̇аа ануббаннз б̣уд̣̇д̇хз абарибагган̃аан̣з тид̇аа гаамааважариссарзна маарзна аагаасз тад̇ваа ‘сажз д̣̇аанам̣ д̣̇ассаси, имасмим̣ нираяз бажжиссасий’д̇и асийд̇ихад̇т̇аг̇амбхийрам̣ ан̇г̇аарагаасум̣ д̣̇ассзд̇ваа ‘маа д̣̇аанам̣ ад̣̇аасий’д̇и ваарид̇ааби бад̣̇умаган̣н̣игаамаж̇жхз тад̇ваа д̣̇аанам̣ ад̣̇ам̣су, ид̣̇ам̣ ажчарияа’’нд̇и вад̇ваа анаат̇абин̣д̣игзна яаажид̇о ад̇ийд̇ам̣ аахари.
Tasmiṃ samaye anāthapiṇḍiko satthu purato attano guṇaṃ kathesi ‘‘bhante, ayaṃ devatā ‘buddhupaṭṭhānādīni mā karohī’ti vārayamānāpi maṃ vāretuṃ nāsakkhi, ‘dānaṃ na dātabba’nti imāya vāriyamānopahaṃ dānaṃ adāsimeva, nūna esa, bhante, mayhaṃ guṇo’’ti. Satthā ‘‘tvaṃ khosi gahapati sotāpanno ariyasāvako acalasaddho visuddhadassano, tuyhaṃ imāya appesakkhadevatāya vārentiyā avāritabhāvo na acchariyo . Yaṃ pana pubbe paṇḍitā anuppanne buddhe aparipakkañāṇe ṭhitā kāmāvacarissarena mārena ākāse ṭhatvā ‘sace dānaṃ dassasi, imasmiṃ niraye paccissasī’ti asītihatthagambhīraṃ aṅgārakāsuṃ dassetvā ‘mā dānaṃ adāsī’ti vāritāpi padumakaṇṇikāmajjhe ṭhatvā dānaṃ adaṃsu, idaṃ acchariya’’nti vatvā anāthapiṇḍikena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣аараан̣асисздтисса гулз ниб̣б̣ад̇д̇ид̇ваа наанаббагаарзхи сукуубагаран̣зхи д̣̇звагумааро вияа сам̣вад̣дхияамаано ануггамзна вин̃н̃уд̇ам̣ бад̇ваа сол̣асавассагаалзязва саб̣б̣асиббзсу нибпад̇д̇им̣ бад̇д̇о. со бид̇у ажжаязна сздтидтаанз тад̇ваа жад̇уусу наг̇арад̣̇ваарзсу жад̇ассо д̣̇аанасаалааяо, маж̇жхз наг̇арасса згам̣, ад̇д̇ано нивзсанад̣̇ваарз зганд̇и ча д̣̇аанасаалааяо гаарзд̇ваа махаад̣̇аанам̣ д̣̇зд̇и, сийлам̣ рагкад̇и, убосат̇агаммам̣ гарод̇и.
Atīte bārāṇasiyaṃ brahmadatte rajjaṃ kārente bodhisatto bārāṇasiseṭṭhissa kule nibbattitvā nānappakārehi sukhūpakaraṇehi devakumāro viya saṃvaḍḍhiyamāno anukkamena viññutaṃ patvā soḷasavassakāleyeva sabbasippesu nipphattiṃ patto. So pitu accayena seṭṭhiṭṭhāne ṭhatvā catūsu nagaradvāresu catasso dānasālāyo, majjhe nagarassa ekaṃ, attano nivesanadvāre ekanti cha dānasālāyo kāretvā mahādānaṃ deti, sīlaṃ rakkhati, uposathakammaṃ karoti.
ат̇згад̣̇ивасам̣ баад̇араасавзлааяа б̣од̇хисад̇д̇асса наанаг̇г̇арасз манун̃н̃абхож̇анз убанийяамаанз зго бажжзгаб̣уд̣̇д̇хо сад̇д̇аахажжаязна нирод̇хаа вудтааяа бхигкаажааравзлам̣ саллагкзд̇ваа ‘‘аж̇ж̇а маяаа б̣аараан̣асисздтисса г̇зхад̣̇ваарам̣ г̇анд̇ум̣ ваддад̇ий’’д̇и нааг̇алад̇аад̣̇анд̇агадтам̣ каад̣̇ид̇ваа анод̇ад̇д̇ад̣̇ахз мукад̇хованам̣ гад̇ваа маносилаад̇алз тид̇о ниваасзд̇ваа виж̇ж̇улад̇аасад̣̇исам̣ гааяаб̣анд̇ханам̣ б̣анд̇хид̇ваа жийварам̣ баарубид̇ваа ид̣̇д̇химаяамад̇д̇игаабад̇д̇ам̣ аад̣̇ааяа аагаасзнааг̇анд̇ваа б̣од̇хисад̇д̇асса бхад̇д̇з убанийд̇амад̇д̇з г̇зхад̣̇ваарз адтааси. б̣од̇хисад̇д̇о д̇ам̣ д̣̇исваава аасанаа вудтааяа нибажжагаарам̣ д̣̇ассзд̇ваа баригаммагаарагам̣ ологзси. ‘‘гим̣ гароми, саамий’’д̇и жа вуд̇д̇з ‘‘аяяасса бад̇д̇ам̣ аахарат̇аа’’д̇и ааха. д̇ан̇кан̣ан̃н̃зва мааро баабимаа вигамбамаано удтааяа ‘‘аяам̣ бажжзгаб̣уд̣̇д̇хо ид̇о сад̇д̇амз д̣̇ивасз аахаарам̣ лабхи, аж̇ж̇а алабхамаано винассиссад̇и, иман̃жа винаасзссаами, сздтино жа д̣̇аананд̇арааяам̣ гариссаамий’’д̇и д̇ан̇кан̣ан̃н̃зва ааг̇анд̇ваа анд̇аравад̇т̇умхи асийд̇ихад̇т̇амад̇д̇ам̣ ан̇г̇аарагаасум̣ ниммини. саа кад̣̇иран̇г̇аарабун̣н̣аа самбаж̇ж̇алид̇аа саж̇од̇ибхууд̇аа авийжимахаанираяо вияа кааяид̇т̇а. д̇ам̣ бана маабзд̇ваа саяам̣ аагаасз адтааси. бад̇д̇аахаран̣ад̇т̇ааяа г̇ажчамаано бурисо д̇ам̣ д̣̇исваа махаабхаяаббад̇д̇о нивад̇д̇и. б̣од̇хисад̇д̇о ‘‘гим̣, д̇аад̇а, нивад̇д̇осий’’д̇и бужчи. аяам̣ саами анд̇аравад̇т̇умхи махад̇ий ан̇г̇аарагаасу самбаж̇ж̇алид̇аа саж̇од̇ибхууд̇аад̇и . ат̇ан̃н̃о ат̇ан̃н̃од̇и звам̣ ааг̇ад̇ааг̇ад̇аа саб̣б̣зби бхаяаббад̇д̇аа взг̇зна балааяим̣су.
Athekadivasaṃ pātarāsavelāya bodhisattassa nānaggarase manuññabhojane upanīyamāne eko paccekabuddho sattāhaccayena nirodhā vuṭṭhāya bhikkhācāravelaṃ sallakkhetvā ‘‘ajja mayā bārāṇasiseṭṭhissa gehadvāraṃ gantuṃ vaṭṭatī’’ti nāgalatādantakaṭṭhaṃ khāditvā anotattadahe mukhadhovanaṃ katvā manosilātale ṭhito nivāsetvā vijjulatāsadisaṃ kāyabandhanaṃ bandhitvā cīvaraṃ pārupitvā iddhimayamattikāpattaṃ ādāya ākāsenāgantvā bodhisattassa bhatte upanītamatte gehadvāre aṭṭhāsi. Bodhisatto taṃ disvāva āsanā vuṭṭhāya nipaccakāraṃ dassetvā parikammakārakaṃ olokesi. ‘‘Kiṃ karomi, sāmī’’ti ca vutte ‘‘ayyassa pattaṃ āharathā’’ti āha. Taṅkhaṇaññeva māro pāpimā vikampamāno uṭṭhāya ‘‘ayaṃ paccekabuddho ito sattame divase āhāraṃ labhi, ajja alabhamāno vinassissati, imañca vināsessāmi, seṭṭhino ca dānantarāyaṃ karissāmī’’ti taṅkhaṇaññeva āgantvā antaravatthumhi asītihatthamattaṃ aṅgārakāsuṃ nimmini. Sā khadiraṅgārapuṇṇā sampajjalitā sajotibhūtā avīcimahānirayo viya khāyittha. Taṃ pana māpetvā sayaṃ ākāse aṭṭhāsi. Pattāharaṇatthāya gacchamāno puriso taṃ disvā mahābhayappatto nivatti. Bodhisatto ‘‘kiṃ, tāta, nivattosī’’ti pucchi. Ayaṃ sāmi antaravatthumhi mahatī aṅgārakāsu sampajjalitā sajotibhūtāti . Athañño athaññoti evaṃ āgatāgatā sabbepi bhayappattā vegena palāyiṃsu.
б̣од̇хисад̇д̇о жинд̇зси ‘‘аж̇ж̇а маяхам̣ д̣̇аананд̇арааяам̣ гаад̇угаамо васавад̇д̇ий мааро уяяуд̇д̇о бхависсад̇и, на ко бана ж̇аанаад̇и маарасад̇зна маарасахассзнаби маяхам̣ агамбияабхаавам̣, аж̇ж̇а д̣̇аани маяхам̣ ваа маарасса ваа б̣аламаханд̇ад̇ам̣, аанубхаавамаханд̇ад̇ам̣ ж̇ааниссаамий’’д̇и д̇ам̣ яат̇аасаж̇ж̇ид̇амзва бхад̇д̇абаад̇им̣ саяам̣ аад̣̇ааяа г̇зхаа нигкамма ан̇г̇аарагаасуд̇адз тад̇ваа аагаасам̣ уллогзд̇ваа маарам̣ д̣̇исваа ‘‘госи д̇ва’’нд̇и ааха. ‘‘ахам̣, мааро’’д̇и. ‘‘аяам̣ ан̇г̇аарагаасу д̇аяаа ниммид̇аа’’д̇и? ‘‘аама, маяаа’’д̇и . ‘‘гимад̇т̇ааяаа’’д̇и. ‘‘д̇ава д̣̇аанасса анд̇арааяагаран̣ад̇т̇ааяа жа бажжзгаб̣уд̣̇д̇хасса жа ж̇ийвид̇анаасанад̇т̇ааяаа’’д̇и. б̣од̇хисад̇д̇о ‘‘нзва д̇з ахам̣ ад̇д̇ано д̣̇аанасса анд̇арааяам̣, на бажжзгаб̣уд̣̇д̇хасса ж̇ийвид̇анд̇арааяам̣ гаад̇ум̣ д̣̇ассаами, аж̇ж̇а д̣̇аани маяхам̣ ваа д̇уяхам̣ ваа б̣аламаханд̇ад̇ам̣, аанубхаавамаханд̇ад̇ам̣ ж̇ааниссаамий’’д̇и ан̇г̇аарагаасуд̇адз тад̇ваа ‘‘бханд̇з, бажжзгаб̣уд̣̇д̇ха ахам̣ имиссаа ан̇г̇аарагаасуяаа ад̇хосийсо бад̇амааноби на нивад̇д̇иссаами, гзвалам̣ д̇умхз маяаа д̣̇иннам̣ бхож̇анам̣ бадиг̇г̇ан̣хат̇аа’’д̇и вад̇ваа имам̣ г̇аат̇амааха –
Bodhisatto cintesi ‘‘ajja mayhaṃ dānantarāyaṃ kātukāmo vasavattī māro uyyutto bhavissati, na kho pana jānāti mārasatena mārasahassenapi mayhaṃ akampiyabhāvaṃ, ajja dāni mayhaṃ vā mārassa vā balamahantataṃ, ānubhāvamahantataṃ jānissāmī’’ti taṃ yathāsajjitameva bhattapātiṃ sayaṃ ādāya gehā nikkhamma aṅgārakāsutaṭe ṭhatvā ākāsaṃ ulloketvā māraṃ disvā ‘‘kosi tva’’nti āha. ‘‘Ahaṃ, māro’’ti. ‘‘Ayaṃ aṅgārakāsu tayā nimmitā’’ti? ‘‘Āma, mayā’’ti . ‘‘Kimatthāyā’’ti. ‘‘Tava dānassa antarāyakaraṇatthāya ca paccekabuddhassa ca jīvitanāsanatthāyā’’ti. Bodhisatto ‘‘neva te ahaṃ attano dānassa antarāyaṃ, na paccekabuddhassa jīvitantarāyaṃ kātuṃ dassāmi, ajja dāni mayhaṃ vā tuyhaṃ vā balamahantataṃ, ānubhāvamahantataṃ jānissāmī’’ti aṅgārakāsutaṭe ṭhatvā ‘‘bhante, paccekabuddha ahaṃ imissā aṅgārakāsuyā adhosīso patamānopi na nivattissāmi, kevalaṃ tumhe mayā dinnaṃ bhojanaṃ paṭiggaṇhathā’’ti vatvā imaṃ gāthamāha –
40.
40.
‘‘гаамам̣ бад̇аами нираяам̣, уд̣̇д̇хам̣баад̣̇о авам̣сиро;
‘‘Kāmaṃ patāmi nirayaṃ, uddhaṃpādo avaṃsiro;
наанарияам̣ гариссаами, ханд̣̇а бин̣д̣ам̣ бадиг̇г̇ахаа’’д̇и.
Nānariyaṃ karissāmi, handa piṇḍaṃ paṭiggahā’’ti.
д̇ад̇т̇ааяам̣ бин̣д̣ад̇т̇о – бханд̇з, бажжзгавараб̣уд̣̇д̇ха сажзбахам̣ д̇умхаагам̣ бин̣д̣абаад̇ам̣ д̣̇знд̇о згам̣сзнзва имам̣ нираяам̣ уд̣̇д̇хам̣баад̣̇о авам̣сиро худ̇ваа бад̇аами, д̇ат̇ааби яад̣̇ид̣̇ам̣ ад̣̇аанан̃жа асийлан̃жа ариязхи агад̇д̇аб̣б̣ад̇д̇аа анариязхи жа гад̇д̇аб̣б̣ад̇д̇аа ‘‘анарияа’’нд̇и вужжад̇и, ‘‘на д̇ам̣ анарияам̣ гариссаами , ханд̣̇а имам̣ маяаа д̣̇ийяамаанам̣ бин̣д̣ам̣ бадиг̇г̇аха бадиг̇г̇ан̣хаахий’’д̇и. зд̇т̇а жа ханд̣̇аад̇и воссаг̇г̇ад̇т̇з нибаад̇о.
Tatthāyaṃ piṇḍattho – bhante, paccekavarabuddha sacepahaṃ tumhākaṃ piṇḍapātaṃ dento ekaṃseneva imaṃ nirayaṃ uddhaṃpādo avaṃsiro hutvā patāmi, tathāpi yadidaṃ adānañca asīlañca ariyehi akattabbattā anariyehi ca kattabbattā ‘‘anariya’’nti vuccati, ‘‘na taṃ anariyaṃ karissāmi , handa imaṃ mayā dīyamānaṃ piṇḍaṃ paṭiggaha paṭiggaṇhāhī’’ti. Ettha ca handāti vossaggatthe nipāto.
звам̣ вад̇ваа б̣од̇хисад̇д̇о д̣̇ал̣хасамаад̣̇аанзна бхад̇д̇абаад̇им̣ г̇ахзд̇ваа ан̇г̇аарагаасумад̇т̇агзна багканд̇о, д̇аавад̣̇зва асийд̇ихад̇т̇аг̇амбхийрааяа ан̇г̇аарагаасуяаа д̇алад̇о убаруубариж̇аад̇ам̣ сад̇абад̇д̇абубпид̇ам̣ згам̣ махаабад̣̇умам̣ уг̇г̇анд̇ваа б̣од̇хисад̇д̇асса баад̣̇з самбадижчи. д̇ад̇о махаад̇умб̣амад̇д̇аа рзн̣у уг̇г̇анд̇ваа махаасад̇д̇асса муд̣̇д̇хани тад̇ваа сагаласарийрам̣ суван̣н̣ажун̣н̣асамогин̣н̣амива агааси. со бад̣̇умаган̣н̣игааяа тад̇ваа наанаг̇г̇арасабхож̇анам̣ бажжзгаб̣уд̣̇д̇хасса бад̇д̇з бад̇идтаабзси. со д̇ам̣ бадиг̇г̇ахзд̇ваа анумод̣̇анам̣ гад̇ваа бад̇д̇ам̣ аагаасз кибид̇ваа бассанд̇ассзва махааж̇анасса саяамби взхаасам̣ аб̣бхуг̇г̇анд̇ваа наанаббагаарам̣ валаахагабанд̇им̣ мад̣̇д̣̇амаано вияа химаванд̇амзва г̇ад̇о. маароби барааж̇ид̇о д̣̇оманассам̣ бад̇ваа ад̇д̇ано васанадтаанамзва г̇ад̇о. б̣од̇хисад̇д̇о бана бад̣̇умаган̣н̣игааяа тид̇агова махааж̇анасса д̣̇аанасийласам̣ван̣н̣анзна д̇хаммам̣ д̣̇зсзд̇ваа махааж̇анзна баривуд̇о ад̇д̇ано нивзсанамзва бависид̇ваа яааваж̇ийвам̣ д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Evaṃ vatvā bodhisatto daḷhasamādānena bhattapātiṃ gahetvā aṅgārakāsumatthakena pakkhanto, tāvadeva asītihatthagambhīrāya aṅgārakāsuyā talato uparūparijātaṃ satapattapupphitaṃ ekaṃ mahāpadumaṃ uggantvā bodhisattassa pāde sampaṭicchi. Tato mahātumbamattā reṇu uggantvā mahāsattassa muddhani ṭhatvā sakalasarīraṃ suvaṇṇacuṇṇasamokiṇṇamiva akāsi. So padumakaṇṇikāya ṭhatvā nānaggarasabhojanaṃ paccekabuddhassa patte patiṭṭhāpesi. So taṃ paṭiggahetvā anumodanaṃ katvā pattaṃ ākāse khipitvā passantasseva mahājanassa sayampi vehāsaṃ abbhuggantvā nānappakāraṃ valāhakapantiṃ maddamāno viya himavantameva gato. Māropi parājito domanassaṃ patvā attano vasanaṭṭhānameva gato. Bodhisatto pana padumakaṇṇikāya ṭhitakova mahājanassa dānasīlasaṃvaṇṇanena dhammaṃ desetvā mahājanena parivuto attano nivesanameva pavisitvā yāvajīvaṃ dānādīni puññāni katvā yathākammaṃ gato.
сад̇т̇аа ‘‘наяид̣̇ам̣, г̇ахабад̇и, ажчарияам̣, яам̣ д̇вам̣ звам̣ д̣̇ассанасамбанно зд̇арахи д̣̇звад̇ааяа на гамбид̇о, буб̣б̣з бан̣д̣ид̇зхи гад̇амзва ажчарияа’’нд̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси ‘‘д̇ад̣̇аа бажжзгаб̣уд̣̇д̇хо д̇ад̇т̇зва бариниб̣б̣ааяи, маарам̣ барааж̇зд̇ваа бад̣̇умаган̣н̣игааяа тад̇ваа бажжзгаб̣уд̣̇д̇хасса бин̣д̣абаад̇ад̣̇ааяаго б̣аараан̣асисздти бана ахамзва ахоси’’нд̇и.
Satthā ‘‘nayidaṃ, gahapati, acchariyaṃ, yaṃ tvaṃ evaṃ dassanasampanno etarahi devatāya na kampito, pubbe paṇḍitehi katameva acchariya’’nti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi ‘‘tadā paccekabuddho tattheva parinibbāyi, māraṃ parājetvā padumakaṇṇikāya ṭhatvā paccekabuddhassa piṇḍapātadāyako bārāṇasiseṭṭhi pana ahameva ahosi’’nti.
кад̣̇иран̇г̇аараж̇аад̇агаван̣н̣анаа д̣̇асамаа.
Khadiraṅgārajātakavaṇṇanā dasamā.
гулаавагаваг̇г̇о жад̇уд̇т̇о.
Kulāvakavaggo catuttho.
д̇ассуд̣̇д̣̇аанам̣ –
Tassuddānaṃ –
гулааваган̃жа нажжан̃жа, саммод̣̇амажчаваддагам̣;
Kulāvakañca naccañca, sammodamacchavaṭṭakaṃ;
сагун̣ам̣ д̇ид̇д̇ирам̣ б̣агам̣, нанд̣̇ан̃жа кад̣̇иран̇г̇ааранд̇и.
Sakuṇaṃ tittiraṃ bakaṃ, nandañca khadiraṅgāranti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 40. кад̣̇иран̇г̇аараж̇аад̇агам̣ • 40. Khadiraṅgārajātakaṃ
