| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. каж̇ж̇анийяасуд̇д̇ам̣
7. Khajjanīyasuttaṃ
79. саавад̇т̇инид̣̇аанам̣. ‘‘яз хи гзжи, бхигкавз, саман̣аа ваа б̣раахман̣аа ваа анзгавихид̇ам̣ буб̣б̣зниваасам̣ ануссарамаанаа ануссаранд̇и саб̣б̣зд̇з бан̃жубаад̣̇аанагканд̇хз ануссаранд̇и зд̇зсам̣ ваа ан̃н̃ад̇арам̣. гад̇амз бан̃жа? ‘звам̣руубо ахосим̣ ад̇ийд̇амад̣̇д̇хаана’нд̇и – ид̇и ваа хи, бхигкавз, ануссарамаано руубам̣язва ануссарад̇и. ‘звам̣взд̣̇ано ахосим̣ ад̇ийд̇амад̣̇д̇хаана’нд̇и – ид̇и ваа хи, бхигкавз, ануссарамаано взд̣̇анам̣язва ануссарад̇и. ‘звам̣сан̃н̃о ахосим̣ ад̇ийд̇амад̣̇д̇хаана’нд̇и… ‘звам̣сан̇кааро ахосим̣ ад̇ийд̇амад̣̇д̇хаана’нд̇и… ‘звам̣вин̃н̃аан̣о ахосим̣ ад̇ийд̇амад̣̇д̇хаана’нд̇и – ид̇и ваа хи, бхигкавз, ануссарамаано вин̃н̃аан̣амзва ануссарад̇и’’.
79. Sāvatthinidānaṃ. ‘‘Ye hi keci, bhikkhave, samaṇā vā brāhmaṇā vā anekavihitaṃ pubbenivāsaṃ anussaramānā anussaranti sabbete pañcupādānakkhandhe anussaranti etesaṃ vā aññataraṃ. Katame pañca? ‘Evaṃrūpo ahosiṃ atītamaddhāna’nti – iti vā hi, bhikkhave, anussaramāno rūpaṃyeva anussarati. ‘Evaṃvedano ahosiṃ atītamaddhāna’nti – iti vā hi, bhikkhave, anussaramāno vedanaṃyeva anussarati. ‘Evaṃsañño ahosiṃ atītamaddhāna’nti… ‘evaṃsaṅkhāro ahosiṃ atītamaddhāna’nti… ‘evaṃviññāṇo ahosiṃ atītamaddhāna’nti – iti vā hi, bhikkhave, anussaramāno viññāṇameva anussarati’’.
‘‘гин̃жа, бхигкавз, руубам̣ вад̣̇зт̇а? руббад̇ийд̇и ко, бхигкавз, д̇асмаа ‘рууба’нд̇и вужжад̇и. гзна руббад̇и? сийд̇знаби руббад̇и, ун̣хзнаби руббад̇и, ж̇игхажчааяаби руббад̇и, бибаасааяаби руббад̇и, д̣ам̣самагасаваад̇аад̇абасарийсабасампассзнаби 1 руббад̇и. руббад̇ийд̇и ко, бхигкавз, д̇асмаа ‘рууба’нд̇и вужжад̇и.
‘‘Kiñca, bhikkhave, rūpaṃ vadetha? Ruppatīti kho, bhikkhave, tasmā ‘rūpa’nti vuccati. Kena ruppati? Sītenapi ruppati, uṇhenapi ruppati, jighacchāyapi ruppati, pipāsāyapi ruppati, ḍaṃsamakasavātātapasarīsapasamphassenapi 2 ruppati. Ruppatīti kho, bhikkhave, tasmā ‘rūpa’nti vuccati.
‘‘гин̃жа, бхигкавз, взд̣̇анам̣ вад̣̇зт̇а? взд̣̇аяад̇ийд̇и ко, бхигкавз, д̇асмаа ‘взд̣̇анаа’д̇и вужжад̇и. гин̃жа взд̣̇аяад̇и? сукамби взд̣̇аяад̇и, д̣̇угкамби взд̣̇аяад̇и, ад̣̇угкамасукамби взд̣̇аяад̇и. взд̣̇аяад̇ийд̇и ко, бхигкавз, д̇асмаа ‘взд̣̇анаа’д̇и вужжад̇и.
‘‘Kiñca, bhikkhave, vedanaṃ vadetha? Vedayatīti kho, bhikkhave, tasmā ‘vedanā’ti vuccati. Kiñca vedayati? Sukhampi vedayati, dukkhampi vedayati, adukkhamasukhampi vedayati. Vedayatīti kho, bhikkhave, tasmā ‘vedanā’ti vuccati.
‘‘гин̃жа, бхигкавз, сан̃н̃ам̣ вад̣̇зт̇а? сан̃ж̇аанаад̇ийд̇и ко, бхигкавз, д̇асмаа ‘сан̃н̃аа’д̇и вужжад̇и. гин̃жа сан̃ж̇аанаад̇и? нийламби сан̃ж̇аанаад̇и, бийд̇агамби сан̃ж̇аанаад̇и, лохид̇агамби сан̃ж̇аанаад̇и, од̣̇аад̇амби сан̃ж̇аанаад̇и. сан̃ж̇аанаад̇ийд̇и ко, бхигкавз, д̇асмаа ‘сан̃н̃аа’д̇и вужжад̇и.
‘‘Kiñca, bhikkhave, saññaṃ vadetha? Sañjānātīti kho, bhikkhave, tasmā ‘saññā’ti vuccati. Kiñca sañjānāti? Nīlampi sañjānāti, pītakampi sañjānāti, lohitakampi sañjānāti, odātampi sañjānāti. Sañjānātīti kho, bhikkhave, tasmā ‘saññā’ti vuccati.
‘‘гин̃жа , бхигкавз, сан̇каарз вад̣̇зт̇а? сан̇кад̇амабхисан̇каронд̇ийд̇и ко, бхигкавз, д̇асмаа ‘сан̇каараа’д̇и вужжад̇и. гин̃жа сан̇кад̇амабхисан̇каронд̇и? руубам̣ руубад̇д̇ааяа 3 сан̇кад̇амабхисан̇каронд̇и, взд̣̇анам̣ взд̣̇анад̇д̇ааяа сан̇кад̇амабхисан̇каронд̇и, сан̃н̃ам̣ сан̃н̃ад̇д̇ааяа сан̇кад̇амабхисан̇каронд̇и, сан̇каарз сан̇каарад̇д̇ааяа сан̇кад̇амабхисан̇каронд̇и, вин̃н̃аан̣ам̣ вин̃н̃аан̣ад̇д̇ааяа сан̇кад̇амабхисан̇каронд̇и. сан̇кад̇амабхисан̇каронд̇ийд̇и ко, бхигкавз, д̇асмаа ‘сан̇каараа’д̇и вужжад̇и.
‘‘Kiñca , bhikkhave, saṅkhāre vadetha? Saṅkhatamabhisaṅkharontīti kho, bhikkhave, tasmā ‘saṅkhārā’ti vuccati. Kiñca saṅkhatamabhisaṅkharonti? Rūpaṃ rūpattāya 4 saṅkhatamabhisaṅkharonti, vedanaṃ vedanattāya saṅkhatamabhisaṅkharonti, saññaṃ saññattāya saṅkhatamabhisaṅkharonti, saṅkhāre saṅkhārattāya saṅkhatamabhisaṅkharonti, viññāṇaṃ viññāṇattāya saṅkhatamabhisaṅkharonti. Saṅkhatamabhisaṅkharontīti kho, bhikkhave, tasmā ‘saṅkhārā’ti vuccati.
‘‘гин̃жа, бхигкавз, вин̃н̃аан̣ам̣ вад̣̇зт̇а? виж̇аанаад̇ийд̇и ко, бхигкавз, д̇асмаа ‘вин̃н̃аан̣а’нд̇и вужжад̇и. гин̃жа виж̇аанаад̇и? амб̣иламби виж̇аанаад̇и, д̇ид̇д̇агамби виж̇аанаад̇и, гадугамби виж̇аанаад̇и, мад̇хурамби виж̇аанаад̇и, кааригамби виж̇аанаад̇и, акааригамби виж̇аанаад̇и, лон̣игамби виж̇аанаад̇и, алон̣игамби виж̇аанаад̇и. виж̇аанаад̇ийд̇и ко, бхигкавз, д̇асмаа ‘вин̃н̃аан̣а’нд̇и вужжад̇и.
‘‘Kiñca, bhikkhave, viññāṇaṃ vadetha? Vijānātīti kho, bhikkhave, tasmā ‘viññāṇa’nti vuccati. Kiñca vijānāti? Ambilampi vijānāti, tittakampi vijānāti, kaṭukampi vijānāti, madhurampi vijānāti, khārikampi vijānāti, akhārikampi vijānāti, loṇikampi vijānāti, aloṇikampi vijānāti. Vijānātīti kho, bhikkhave, tasmā ‘viññāṇa’nti vuccati.
‘‘д̇ад̇ра, бхигкавз, суд̇аваа арияасааваго ид̇и бадисан̃жигкад̇и – ‘ахам̣ ко зд̇арахи руубзна каж̇ж̇аами. ад̇ийд̇амбаахам̣ ад̣̇д̇хаанам̣ звамзва руубзна каж̇ж̇им̣, сзяяат̇ааби зд̇арахи бажжуббаннзна руубзна каж̇ж̇аами. ахан̃жзва ко бана анааг̇ад̇ам̣ руубам̣ абхинанд̣̇зяяам̣, анааг̇ад̇амбаахам̣ ад̣̇д̇хаанам̣ звамзва руубзна каж̇ж̇зяяам̣, сзяяат̇ааби зд̇арахи бажжуббаннзна руубзна каж̇ж̇аамий’д̇и. со ид̇и бадисан̇кааяа ад̇ийд̇асмим̣ руубасмим̣ анабзгко ход̇и ; анааг̇ад̇ам̣ руубам̣ наабхинанд̣̇ад̇и; бажжуббаннасса руубасса ниб̣б̣ид̣̇ааяа вирааг̇ааяа нирод̇хааяа бадибанно ход̇и.
‘‘Tatra, bhikkhave, sutavā ariyasāvako iti paṭisañcikkhati – ‘ahaṃ kho etarahi rūpena khajjāmi. Atītampāhaṃ addhānaṃ evameva rūpena khajjiṃ, seyyathāpi etarahi paccuppannena rūpena khajjāmi. Ahañceva kho pana anāgataṃ rūpaṃ abhinandeyyaṃ, anāgatampāhaṃ addhānaṃ evameva rūpena khajjeyyaṃ, seyyathāpi etarahi paccuppannena rūpena khajjāmī’ti. So iti paṭisaṅkhāya atītasmiṃ rūpasmiṃ anapekkho hoti ; anāgataṃ rūpaṃ nābhinandati; paccuppannassa rūpassa nibbidāya virāgāya nirodhāya paṭipanno hoti.
‘‘‘ахам̣ ко зд̇арахи взд̣̇анааяа каж̇ж̇аами. ад̇ийд̇амбаахам̣ ад̣̇д̇хаанам̣ звамзва взд̣̇анааяа каж̇ж̇им̣, сзяяат̇ааби зд̇арахи бажжуббаннааяа взд̣̇анааяа каж̇ж̇аами. ахан̃жзва ко бана анааг̇ад̇ам̣ взд̣̇анам̣ абхинанд̣̇зяяам̣; анааг̇ад̇амбаахам̣ ад̣̇д̇хаанам̣ звамзва взд̣̇анааяа каж̇ж̇зяяам̣, сзяяат̇ааби зд̇арахи бажжуббаннааяа взд̣̇анааяа каж̇ж̇аамий’д̇и. со ид̇и бадисан̇кааяа ад̇ийд̇ааяа взд̣̇анааяа анабзгко ход̇и; анааг̇ад̇ам̣ взд̣̇анам̣ наабхинанд̣̇ад̇и; бажжуббаннааяа взд̣̇анааяа ниб̣б̣ид̣̇ааяа вирааг̇ааяа нирод̇хааяа бадибанно ход̇и.
‘‘‘Ahaṃ kho etarahi vedanāya khajjāmi. Atītampāhaṃ addhānaṃ evameva vedanāya khajjiṃ, seyyathāpi etarahi paccuppannāya vedanāya khajjāmi. Ahañceva kho pana anāgataṃ vedanaṃ abhinandeyyaṃ; anāgatampāhaṃ addhānaṃ evameva vedanāya khajjeyyaṃ, seyyathāpi etarahi paccuppannāya vedanāya khajjāmī’ti. So iti paṭisaṅkhāya atītāya vedanāya anapekkho hoti; anāgataṃ vedanaṃ nābhinandati; paccuppannāya vedanāya nibbidāya virāgāya nirodhāya paṭipanno hoti.
‘‘‘ахам̣ ко зд̇арахи сан̃н̃ааяа каж̇ж̇аами…бз… ахам̣ ко зд̇арахи сан̇каарзхи каж̇ж̇аами. ад̇ийд̇амбаахам̣ ад̣̇д̇хаанам̣ звамзва сан̇каарзхи каж̇ж̇им̣, сзяяат̇ааби зд̇арахи бажжуббаннзхи сан̇каарзхи каж̇ж̇аамийд̇и. ахан̃жзва ко бана анааг̇ад̇з сан̇каарз абхинанд̣̇зяяам̣ ; анааг̇ад̇амбаахам̣ ад̣̇д̇хаанам̣ звамзва сан̇каарзхи каж̇ж̇зяяам̣, сзяяат̇ааби зд̇арахи бажжуббаннзхи сан̇каарзхи каж̇ж̇аамий’д̇и. со ид̇и бадисан̇кааяа ад̇ийд̇зсу сан̇каарзсу анабзгко ход̇и; анааг̇ад̇з сан̇каарз наабхинанд̣̇ад̇и; бажжуббаннаанам̣ сан̇каараанам̣ ниб̣б̣ид̣̇ааяа вирааг̇ааяа нирод̇хааяа бадибанно ход̇и.
‘‘‘Ahaṃ kho etarahi saññāya khajjāmi…pe… ahaṃ kho etarahi saṅkhārehi khajjāmi. Atītampāhaṃ addhānaṃ evameva saṅkhārehi khajjiṃ, seyyathāpi etarahi paccuppannehi saṅkhārehi khajjāmīti. Ahañceva kho pana anāgate saṅkhāre abhinandeyyaṃ ; anāgatampāhaṃ addhānaṃ evameva saṅkhārehi khajjeyyaṃ, seyyathāpi etarahi paccuppannehi saṅkhārehi khajjāmī’ti. So iti paṭisaṅkhāya atītesu saṅkhāresu anapekkho hoti; anāgate saṅkhāre nābhinandati; paccuppannānaṃ saṅkhārānaṃ nibbidāya virāgāya nirodhāya paṭipanno hoti.
‘‘‘ахам̣ ко зд̇арахи вин̃н̃аан̣зна каж̇ж̇аами. ад̇ийд̇амби ад̣̇д̇хаанам̣ звамзва вин̃н̃аан̣зна каж̇ж̇им̣, сзяяат̇ааби зд̇арахи бажжуббаннзна вин̃н̃аан̣зна каж̇ж̇аами. ахан̃жзва ко бана анааг̇ад̇ам̣ вин̃н̃аан̣ам̣ абхинанд̣̇зяяам̣; анааг̇ад̇амбаахам̣ ад̣̇д̇хаанам̣ звамзва вин̃н̃аан̣зна каж̇ж̇зяяам̣, сзяяат̇ааби зд̇арахи бажжуббаннзна вин̃н̃аан̣зна каж̇ж̇аамий’д̇и. со ид̇и бадисан̇кааяа ад̇ийд̇асмим̣ вин̃н̃аан̣асмим̣ анабзгко ход̇и; анааг̇ад̇ам̣ вин̃н̃аан̣ам̣ наабхинанд̣̇ад̇и; бажжуббаннасса вин̃н̃аан̣асса ниб̣б̣ид̣̇ааяа вирааг̇ааяа нирод̇хааяа бадибанно ход̇и.
‘‘‘Ahaṃ kho etarahi viññāṇena khajjāmi. Atītampi addhānaṃ evameva viññāṇena khajjiṃ, seyyathāpi etarahi paccuppannena viññāṇena khajjāmi. Ahañceva kho pana anāgataṃ viññāṇaṃ abhinandeyyaṃ; anāgatampāhaṃ addhānaṃ evameva viññāṇena khajjeyyaṃ, seyyathāpi etarahi paccuppannena viññāṇena khajjāmī’ti. So iti paṭisaṅkhāya atītasmiṃ viññāṇasmiṃ anapekkho hoti; anāgataṃ viññāṇaṃ nābhinandati; paccuppannassa viññāṇassa nibbidāya virāgāya nirodhāya paṭipanno hoti.
‘‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘взд̣̇анаа … сан̃н̃аа… сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣, д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘д̇асмаад̇иха, бхигкавз, яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ руубам̣ – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. яаа гаажи взд̣̇анаа… яаа гаажи сан̃н̃аа… яз гзжи сан̇каараа… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣…бз… яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣’’.
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Vedanā … saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ, dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Tasmātiha, bhikkhave, yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ rūpaṃ – ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Yā kāci vedanā… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ…pe… yaṃ dūre santike vā, sabbaṃ viññāṇaṃ – ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ’’.
‘‘аяам̣ вужжад̇и, бхигкавз, арияасааваго абажинаад̇и, но аажинаад̇и; баж̇ахад̇и 5, на убаад̣̇ияад̇и; висинзд̇и 6, на уссинзд̇и; вид̇хуубзд̇и 7, на санд̇хуубзд̇и. гин̃жа абажинаад̇и, но аажинаад̇и? руубам̣ абажинаад̇и, но аажинаад̇и; взд̣̇анам̣ … сан̃н̃ам̣… сан̇каарз… вин̃н̃аан̣ам̣ абажинаад̇и, но аажинаад̇и. гин̃жа баж̇ахад̇и, на убаад̣̇ияад̇и? руубам̣ баж̇ахад̇и, на убаад̣̇ияад̇и; взд̣̇анам̣… сан̃н̃ам̣… сан̇каарз… вин̃н̃аан̣ам̣ баж̇ахад̇и, на убаад̣̇ияад̇и. гин̃жа висинзд̇и, на уссинзд̇и? руубам̣ висинзд̇и, на уссинзд̇и; взд̣̇анам̣… сан̃н̃ам̣… сан̇каарз… вин̃н̃аан̣ам̣ висинзд̇и, на уссинзд̇и. гин̃жа вид̇хуубзд̇и, на санд̇хуубзд̇и? руубам̣ вид̇хуубзд̇и, на санд̇хуубзд̇и; взд̣̇анам̣… сан̃н̃ам̣… сан̇каарз… вин̃н̃аан̣ам̣ вид̇хуубзд̇и, на санд̇хуубзд̇и.
‘‘Ayaṃ vuccati, bhikkhave, ariyasāvako apacināti, no ācināti; pajahati 8, na upādiyati; visineti 9, na ussineti; vidhūpeti 10, na sandhūpeti. Kiñca apacināti, no ācināti? Rūpaṃ apacināti, no ācināti; vedanaṃ … saññaṃ… saṅkhāre… viññāṇaṃ apacināti, no ācināti. Kiñca pajahati, na upādiyati? Rūpaṃ pajahati, na upādiyati; vedanaṃ… saññaṃ… saṅkhāre… viññāṇaṃ pajahati, na upādiyati. Kiñca visineti, na ussineti? Rūpaṃ visineti, na ussineti; vedanaṃ… saññaṃ… saṅkhāre… viññāṇaṃ visineti, na ussineti. Kiñca vidhūpeti, na sandhūpeti? Rūpaṃ vidhūpeti, na sandhūpeti; vedanaṃ… saññaṃ… saṅkhāre… viññāṇaṃ vidhūpeti, na sandhūpeti.
‘‘звам̣ бассам̣, бхигкавз, суд̇аваа арияасааваго руубасмимби ниб̣б̣инд̣̇ад̇и, взд̣̇анааяаби… сан̃н̃ааяаби… сан̇каарзсуби… вин̃н̃аан̣асмимби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и; вирааг̇аа вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и.
‘‘Evaṃ passaṃ, bhikkhave, sutavā ariyasāvako rūpasmimpi nibbindati, vedanāyapi… saññāyapi… saṅkhāresupi… viññāṇasmimpi nibbindati. Nibbindaṃ virajjati; virāgā vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti.
‘‘аяам̣ вужжад̇и, бхигкавз, бхигку нзваажинаад̇и на абажинаад̇и, абажинид̇ваа тид̇о нзва баж̇ахад̇и на убаад̣̇ияад̇и, баж̇ахид̇ваа тид̇о нзва висинзд̇и на уссинзд̇и, висинзд̇ваа тид̇о нзва вид̇хуубзд̇и на санд̇хуубзд̇и. вид̇хуубзд̇ваа тид̇о гин̃жа нзваажинаад̇и на абажинаад̇и? абажинид̇ваа тид̇о руубам̣ нзваажинаад̇и на абажинаад̇и; абажинид̇ваа тид̇о взд̣̇анам̣… сан̃н̃ам̣… сан̇каарз… вин̃н̃аан̣ам̣ нзваажинаад̇и на абажинаад̇и. абажинид̇ваа тид̇о гин̃жа нзва баж̇ахад̇и на убаад̣̇ияад̇и? баж̇ахид̇ваа тид̇о руубам̣ нзва баж̇ахад̇и на убаад̣̇ияад̇и; баж̇ахид̇ваа тид̇о взд̣̇анам̣… сан̃н̃ам̣… сан̇каарз… вин̃н̃аан̣ам̣ нзва баж̇ахад̇и на убаад̣̇ияад̇и. баж̇ахид̇ваа тид̇о гин̃жа нзва висинзд̇и на уссинзд̇и? висинзд̇ваа тид̇о руубам̣ нзва висинзд̇и на уссинзд̇и; висинзд̇ваа тид̇о взд̣̇анам̣… сан̃н̃ам̣… сан̇каарз… вин̃н̃аан̣ам̣ нзва висинзд̇и на уссинзд̇и. висинзд̇ваа тид̇о гин̃жа нзва вид̇хуубзд̇и на санд̇хуубзд̇и? вид̇хуубзд̇ваа тид̇о руубам̣ нзва вид̇хуубзд̇и на санд̇хуубзд̇и; вид̇хуубзд̇ваа тид̇о взд̣̇анам̣… сан̃н̃ам̣… сан̇каарз… вин̃н̃аан̣ам̣ нзва вид̇хуубзд̇и на санд̇хуубзд̇и. вид̇хуубзд̇ваа тид̇о звам̣вимуд̇д̇ажид̇д̇ам̣ ко, бхигкавз, бхигкум̣ саинд̣̇аа д̣̇зваа саб̣рахмагаа сабаж̇аабад̇игаа аарагаава намассанд̇и –
‘‘Ayaṃ vuccati, bhikkhave, bhikkhu nevācināti na apacināti, apacinitvā ṭhito neva pajahati na upādiyati, pajahitvā ṭhito neva visineti na ussineti, visinetvā ṭhito neva vidhūpeti na sandhūpeti. Vidhūpetvā ṭhito kiñca nevācināti na apacināti? Apacinitvā ṭhito rūpaṃ nevācināti na apacināti; apacinitvā ṭhito vedanaṃ… saññaṃ… saṅkhāre… viññāṇaṃ nevācināti na apacināti. Apacinitvā ṭhito kiñca neva pajahati na upādiyati? Pajahitvā ṭhito rūpaṃ neva pajahati na upādiyati; pajahitvā ṭhito vedanaṃ… saññaṃ… saṅkhāre… viññāṇaṃ neva pajahati na upādiyati. Pajahitvā ṭhito kiñca neva visineti na ussineti? Visinetvā ṭhito rūpaṃ neva visineti na ussineti; visinetvā ṭhito vedanaṃ… saññaṃ… saṅkhāre… viññāṇaṃ neva visineti na ussineti. Visinetvā ṭhito kiñca neva vidhūpeti na sandhūpeti? Vidhūpetvā ṭhito rūpaṃ neva vidhūpeti na sandhūpeti; vidhūpetvā ṭhito vedanaṃ… saññaṃ… saṅkhāre… viññāṇaṃ neva vidhūpeti na sandhūpeti. Vidhūpetvā ṭhito evaṃvimuttacittaṃ kho, bhikkhave, bhikkhuṃ saindā devā sabrahmakā sapajāpatikā ārakāva namassanti –
‘‘намо д̇з бурисааж̇ан̃н̃а, намо д̇з бурисуд̇д̇ама;
‘‘Namo te purisājañña, namo te purisuttama;
яасса д̇з наабхиж̇аанаама, яамби ниссааяа жхааяасий’’д̇и. сад̇д̇амам̣;
Yassa te nābhijānāma, yampi nissāya jhāyasī’’ti. sattamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. каж̇ж̇анийяасуд̇д̇аван̣н̣анаа • 7. Khajjanīyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. каж̇ж̇анийяасуд̇д̇аван̣н̣анаа • 7. Khajjanīyasuttavaṇṇanā
