| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
3. க²ம்ப⁴கதவக்³க³-அத்த²யோஜனா
3. Khambhakatavagga-atthayojanā
596. க²ம்போ⁴ கதோ யேனாதி க²ம்ப⁴கதோ. க²ம்போ⁴தி ச படிப³த்³தோ⁴. கத்த² படிப³த்³தோ⁴தி ஆஹ ‘‘கடியங் ஹத்த²ங் ட²பெத்வா’’தி. ஸஸீஸங் அவகு³ண்ட²யதி பரிவேட²தீதி ஓகு³ண்டி²தோதி ஆஹ ‘‘ஸஸீஸங் பாருதோ’’தி.
596. Khambho kato yenāti khambhakato. Khambhoti ca paṭibaddho. Kattha paṭibaddhoti āha ‘‘kaṭiyaṃ hatthaṃ ṭhapetvā’’ti. Sasīsaṃ avaguṇṭhayati pariveṭhatīti oguṇṭhitoti āha ‘‘sasīsaṃ pāruto’’ti.
600. உத்³த⁴ங் ஏகா கோடி இமிஸ்ஸா க³மனாயாதி உக்குடிகாதி த³ஸ்ஸெந்தோ ஆஹ ‘‘உக்குடிகா வுச்சதீ’’திஆதி³. எத்தா²தி ‘‘உக்குடிகாயா’’திபதே³.
600. Uddhaṃ ekā koṭi imissā gamanāyāti ukkuṭikāti dassento āha ‘‘ukkuṭikā vuccatī’’tiādi. Etthāti ‘‘ukkuṭikāyā’’tipade.
601. ஹத்த²பல்லத்தீ²கது³ஸ்ஸபல்லத்தீ²கேஸு த்³வீஸு து³ஸ்ஸபல்லத்தி²கே ஆயோக³பல்லத்தீ²காபி ஸங்க³ஹங் க³ச்ச²தீதி ஆஹ ‘‘ஆயோக³பல்லத்தி²காபி து³ஸ்ஸபல்லத்தி²கா ஏவா’’தி.
601. Hatthapallatthīkadussapallatthīkesu dvīsu dussapallatthike āyogapallatthīkāpi saṅgahaṃ gacchatīti āha ‘‘āyogapallatthikāpi dussapallatthikā evā’’ti.
602. ஸதியா உபட்டா²னங் ஸக்கச்சந்தி ஆஹ ‘‘ஸதிங்உபட்ட²பெத்வா’’தி.
602. Satiyā upaṭṭhānaṃ sakkaccanti āha ‘‘satiṃupaṭṭhapetvā’’ti.
603. பிண்ட³பாதங் தெ³ந்தேபீதி பிண்ட³பாதங் பத்தே பக்கி²பந்தேபி. பத்தே ஸஞ்ஞா பத்தஸஞ்ஞா, ஸா அஸ்ஸத்தீ²தி பத்தஸஞ்ஞீ. ‘‘கத்வா’’ திஇமினா கிரியாவிஸேஸனபா⁴வங் த³ஸ்ஸேதி.
603.Piṇḍapātaṃ dentepīti piṇḍapātaṃ patte pakkhipantepi. Patte saññā pattasaññā, sā assatthīti pattasaññī. ‘‘Katvā’’ tiiminā kiriyāvisesanabhāvaṃ dasseti.
604. ஸமஸூபகங் பிண்ட³பாதந்தி எத்த² ஸூபபிண்ட³பாதானங் ஸமஉபட்³ட⁴பா⁴வங் ஆஸங்கா ப⁴வெய்யாதி ஆஹ ‘‘ஸமஸூபகோ நாமா’’திஆதி³. யத்தா²தி பிண்ட³பாதே. ப⁴த்தஸ்ஸ சதுத்த²பா⁴க³பமாணோ ஸூபோ ஹோதி, ஸோ பிண்ட³பாதோ ஸமஸூபகோ நாமாதி யோஜனா. ஓலோணீ ச ஸாகஸூபெய்யஞ்ச மச்ச²ரஸோ ச மங்ஸரஸோ சாதி த்³வந்தோ³. தத்த² ஓலோணீதி ஏகா ப்³யஞ்ஜனவிகதி. ஸாகஸூபெய்யந்தி ஸூபஸ்ஸ ஹிதங் ஸூபெய்யங், ஸாகமேவ ஸூபெய்யங் ஸாகஸூபெய்யங். இமினா ஸப்³பா³பி ஸாகஸூபெய்யப்³யஞ்ஜனவிகதி க³ஹிதா. மச்ச²ரஸமங்ஸரஸாதீ³னீதி எத்த² ஆதி³ஸத்³தே³ன அவஸேஸா ஸப்³பா³பி ப்³யஞ்ஜனவிகதி ஸங்க³ஹிதா. தங் ஸப்³ப³ங் ரஸானங் ரஸோ ரஸரஸோதி கத்வா ‘‘ரஸரஸோ’’தி வுச்சதி.
604.Samasūpakaṃ piṇḍapātanti ettha sūpapiṇḍapātānaṃ samaupaḍḍhabhāvaṃ āsaṅkā bhaveyyāti āha ‘‘samasūpako nāmā’’tiādi. Yatthāti piṇḍapāte. Bhattassa catutthabhāgapamāṇo sūpo hoti, so piṇḍapāto samasūpako nāmāti yojanā. Oloṇī ca sākasūpeyyañca maccharaso ca maṃsaraso cāti dvando. Tattha oloṇīti ekā byañjanavikati. Sākasūpeyyanti sūpassa hitaṃ sūpeyyaṃ, sākameva sūpeyyaṃ sākasūpeyyaṃ. Iminā sabbāpi sākasūpeyyabyañjanavikati gahitā. Maccharasamaṃsarasādīnīti ettha ādisaddena avasesā sabbāpi byañjanavikati saṅgahitā. Taṃ sabbaṃ rasānaṃ raso rasarasoti katvā ‘‘rasaraso’’ti vuccati.
605. ஸமபுண்ணங் ஸமப⁴ரிதந்தி வேவசனமேவ. தூ²பங் கதோ தூ²பீகதோதி அத்த²ங் த³ஸ்ஸெந்தோ ஆஹ ‘‘தூ²பீகதோ நாமா’’திஆதி³.
605. Samapuṇṇaṃ samabharitanti vevacanameva. Thūpaṃ kato thūpīkatoti atthaṃ dassento āha ‘‘thūpīkato nāmā’’tiādi.
தத்தா²தி ‘‘தூ²பீகத’’ந்திஆதி³வசனே. தேஸந்தி அப⁴யத்தே²ரதிபிடகசூளனாக³த்தே²ரானங். இதி புச்சி²ங்ஸு, தேஸஞ்ச தே²ரானங் வாத³ங் ஆரோசேஸுந்தி யோஜனா. தே²ரோதி சூளஸுமனத்தே²ரோ. ஏதஸ்ஸாதி திபிடகசூளனாக³த்தே²ரஸ்ஸ . ஸத்தக்க²த்துந்தி ஸத்த வாரே. குதோதி கஸ்ஸாசரியஸ்ஸ ஸந்திகா. தஸ்மாதி யஸ்மா யாவகாலிகேன பரிச்சி²ன்னோ, தஸ்மா. ஆமிஸஜாதிகங் யாகு³ப⁴த்தங் வா ப²லாப²லங் வாதி யோஜனா. தஞ்ச கோ²தி தஞ்ச ஸமதித்தி²கங். இதரேன பனாதி நாதி⁴ட்டா²னுபகே³ன பத்தேன பன. யங் பூவஉச்சு²க²ண்ட³ப²லாப²லாதி³ ஹெட்டா² ஓரோஹதி, தங் பூவஉச்சு²க²ண்ட³ப²லாப²லாதீ³தி யோஜனா. பூவவடங்ஸகோதி எத்த² வடங்ஸகோதி உத்தங்ஸோ. ஸோ ஹி உத்³த⁴ங் தஸீயதே அலங்கரீயதேதி வடங்ஸோதி வுச்சதி உகாரஸ்ஸ வகாரங், தகாரஸ்ஸ ச டகாரங் கத்வா, ஸோயேவ வடங்ஸகோ, முத்³த⁴னி பிலந்தி⁴தோ ஏகோ அலங்காரவிஸேஸோ. பூவமேவ தங்ஸதி³ஸத்தா பூவவடங்ஸகோ, தங். புப்ப²வடங்ஸகோ ச தக்கோலகடுகப²லாதி³வடங்ஸகோ சாதி த்³வந்தோ³, தே.
Tatthāti ‘‘thūpīkata’’ntiādivacane. Tesanti abhayattheratipiṭakacūḷanāgattherānaṃ. Iti pucchiṃsu, tesañca therānaṃ vādaṃ ārocesunti yojanā. Theroti cūḷasumanatthero. Etassāti tipiṭakacūḷanāgattherassa . Sattakkhattunti satta vāre. Kutoti kassācariyassa santikā. Tasmāti yasmā yāvakālikena paricchinno, tasmā. Āmisajātikaṃ yāgubhattaṃ vā phalāphalaṃ vāti yojanā. Tañca khoti tañca samatitthikaṃ. Itarena panāti nādhiṭṭhānupagena pattena pana. Yaṃ pūvaucchukhaṇḍaphalāphalādi heṭṭhā orohati, taṃ pūvaucchukhaṇḍaphalāphalādīti yojanā. Pūvavaṭaṃsakoti ettha vaṭaṃsakoti uttaṃso. So hi uddhaṃ tasīyate alaṅkarīyateti vaṭaṃsoti vuccati ukārassa vakāraṃ, takārassa ca ṭakāraṃ katvā, soyeva vaṭaṃsako, muddhani pilandhito eko alaṅkāraviseso. Pūvameva taṃsadisattā pūvavaṭaṃsako, taṃ. Pupphavaṭaṃsako ca takkolakaṭukaphalādivaṭaṃsako cāti dvando, te.
இதா⁴தி இமஸ்மிங் ஸிக்கா²பதே³. நனு ஸப்³ப³தூ²பீகதேஸு படிக்³க³ஹணஸ்ஸ அகப்பியத்தா பரிபு⁴ஞ்ஜனம்பி ந வட்டதீதி ஆஹ ‘‘ஸப்³ப³த்த² பனா’’திஆதி³. தத்த² ஸப்³ப³த்தா²தி ஸப்³பே³ஸு தூ²பீகதேஸூதி. ததியோ வக்³கோ³.
Idhāti imasmiṃ sikkhāpade. Nanu sabbathūpīkatesu paṭiggahaṇassa akappiyattā paribhuñjanampi na vaṭṭatīti āha ‘‘sabbattha panā’’tiādi. Tattha sabbatthāti sabbesu thūpīkatesūti. Tatiyo vaggo.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. க²ம்ப⁴கதவக்³கோ³ • 3. Khambhakatavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 3. க²ம்ப⁴கதவக்³க³வண்ணனா • 3. Khambhakatavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. க²ம்ப⁴கதவக்³க³வண்ணனா • 3. Khambhakatavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 3. க²ம்ப⁴கதவக்³க³வண்ணனா • 3. Khambhakatavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 3. க²ம்ப⁴கதவக்³க³வண்ணனா • 3. Khambhakatavaggavaṇṇanā
