| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
3. க²ம்ப⁴கதவக்³க³வண்ணனா
3. Khambhakatavaggavaṇṇanā
604. ஸூபோ பத்தப்பமாணவண்ணனாயங் வுத்தாகாரோ. ஓலோணீ வுச்சதி குதி⁴தங், கோ³ரஸதோ பூரா தூ²பிதோதி அத்தோ².
604. Sūpo pattappamāṇavaṇṇanāyaṃ vuttākāro. Oloṇī vuccati kudhitaṃ, gorasato pūrā thūpitoti attho.
605. ஹெட்டா² ஓரோஹதீதி எத்த² ‘‘ஓரோஹனப்பமாணே ஸதி ஏகதே³ஸே தூ²பீகதேபி அனாபத்தீ’’தி வத³ந்தி. ‘‘பத்தஸ்ஸ பன ஹெட்டா² ச உபரி ச பது³மினிபண்ணாதீ³ஹி படிச்சா²தெ³த்வா ஓத³ஹந்தியா லத்³த⁴ங் நாம வட்டதீ’’தி ச வத³ந்தி. எத்த² ‘‘யஸ்மா ‘ஸமதித்திகோ பிண்ட³பாதோ படிக்³க³ஹேதப்³போ³’தி வசனங் பிண்ட³பாதோ ஸமபுண்ணோ படிக்³க³ஹேதப்³போ³தி தீ³பேதி, தஸ்மா அத்தனோ ஹத்த²க³தே பத்தே பிண்ட³பாதோ தி³ய்யமானோ தூ²பீகதோபி சே ஹோதி, வட்டதீதி தீ³பேதி. ‘தூ²பீகதங் பிண்ட³பாதங் படிக்³க³ண்ஹாதி, ஆபத்தி து³க்கடஸ்ஸா’தி ஹி வசனங் பட²மங் தூ²பீகதங் பிண்ட³பாதங் பச்சா² படிக்³க³ண்ஹதோ, ஆபத்தீதி தீ³பேதி. பத்தேன படிக்³க³ண்ஹதோ சேபி தூ²பீகதங் ஹோதி, வட்டதி அதூ²பீகதஸ்ஸ படிக்³க³ஹிதத்தா. பயோகோ³ பன நத்தி² அஞ்ஞத்ர புப்³ப³தே³ஸா’’தி ச ‘‘ஸமதித்திகந்தி வா பா⁴வனபுங்ஸக’’ந்தி ச வத³ந்தி, தஸ்மா விசாரெத்வா க³ஹேதப்³ப³ங்.
605.Heṭṭhā orohatīti ettha ‘‘orohanappamāṇe sati ekadese thūpīkatepi anāpattī’’ti vadanti. ‘‘Pattassa pana heṭṭhā ca upari ca paduminipaṇṇādīhi paṭicchādetvā odahantiyā laddhaṃ nāma vaṭṭatī’’ti ca vadanti. Ettha ‘‘yasmā ‘samatittiko piṇḍapāto paṭiggahetabbo’ti vacanaṃ piṇḍapāto samapuṇṇo paṭiggahetabboti dīpeti, tasmā attano hatthagate patte piṇḍapāto diyyamāno thūpīkatopi ce hoti, vaṭṭatīti dīpeti. ‘Thūpīkataṃ piṇḍapātaṃ paṭiggaṇhāti, āpatti dukkaṭassā’ti hi vacanaṃ paṭhamaṃ thūpīkataṃ piṇḍapātaṃ pacchā paṭiggaṇhato, āpattīti dīpeti. Pattena paṭiggaṇhato cepi thūpīkataṃ hoti, vaṭṭati athūpīkatassa paṭiggahitattā. Payogo pana natthi aññatra pubbadesā’’ti ca ‘‘samatittikanti vā bhāvanapuṃsaka’’nti ca vadanti, tasmā vicāretvā gahetabbaṃ.
க²ம்ப⁴கதவக்³க³வண்ணனா நிட்டி²தா.
Khambhakatavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. க²ம்ப⁴கதவக்³கோ³ • 3. Khambhakatavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 3. க²ம்ப⁴கதவக்³க³வண்ணனா • 3. Khambhakatavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. க²ம்ப⁴கதவக்³க³வண்ணனா • 3. Khambhakatavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 3. க²ம்ப⁴கதவக்³க³வண்ணனா • 3. Khambhakatavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 3. க²ம்ப⁴கதவக்³க³-அத்த²யோஜனா • 3. Khambhakatavagga-atthayojanā
