| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
೩. ಖಮ್ಭಕತವಗ್ಗವಣ್ಣನಾ
3. Khambhakatavaggavaṇṇanā
೬೦೪. ಸೂಪೋ ಪತ್ತಪ್ಪಮಾಣವಣ್ಣನಾಯಂ ವುತ್ತಾಕಾರೋ। ಓಲೋಣೀ ವುಚ್ಚತಿ ಕುಧಿತಂ, ಗೋರಸತೋ ಪೂರಾ ಥೂಪಿತೋತಿ ಅತ್ಥೋ।
604. Sūpo pattappamāṇavaṇṇanāyaṃ vuttākāro. Oloṇī vuccati kudhitaṃ, gorasato pūrā thūpitoti attho.
೬೦೫. ಹೇಟ್ಠಾ ಓರೋಹತೀತಿ ಏತ್ಥ ‘‘ಓರೋಹನಪ್ಪಮಾಣೇ ಸತಿ ಏಕದೇಸೇ ಥೂಪೀಕತೇಪಿ ಅನಾಪತ್ತೀ’’ತಿ ವದನ್ತಿ। ‘‘ಪತ್ತಸ್ಸ ಪನ ಹೇಟ್ಠಾ ಚ ಉಪರಿ ಚ ಪದುಮಿನಿಪಣ್ಣಾದೀಹಿ ಪಟಿಚ್ಛಾದೇತ್ವಾ ಓದಹನ್ತಿಯಾ ಲದ್ಧಂ ನಾಮ ವಟ್ಟತೀ’’ತಿ ಚ ವದನ್ತಿ। ಏತ್ಥ ‘‘ಯಸ್ಮಾ ‘ಸಮತಿತ್ತಿಕೋ ಪಿಣ್ಡಪಾತೋ ಪಟಿಗ್ಗಹೇತಬ್ಬೋ’ತಿ ವಚನಂ ಪಿಣ್ಡಪಾತೋ ಸಮಪುಣ್ಣೋ ಪಟಿಗ್ಗಹೇತಬ್ಬೋತಿ ದೀಪೇತಿ, ತಸ್ಮಾ ಅತ್ತನೋ ಹತ್ಥಗತೇ ಪತ್ತೇ ಪಿಣ್ಡಪಾತೋ ದಿಯ್ಯಮಾನೋ ಥೂಪೀಕತೋಪಿ ಚೇ ಹೋತಿ, ವಟ್ಟತೀತಿ ದೀಪೇತಿ। ‘ಥೂಪೀಕತಂ ಪಿಣ್ಡಪಾತಂ ಪಟಿಗ್ಗಣ್ಹಾತಿ, ಆಪತ್ತಿ ದುಕ್ಕಟಸ್ಸಾ’ತಿ ಹಿ ವಚನಂ ಪಠಮಂ ಥೂಪೀಕತಂ ಪಿಣ್ಡಪಾತಂ ಪಚ್ಛಾ ಪಟಿಗ್ಗಣ್ಹತೋ, ಆಪತ್ತೀತಿ ದೀಪೇತಿ। ಪತ್ತೇನ ಪಟಿಗ್ಗಣ್ಹತೋ ಚೇಪಿ ಥೂಪೀಕತಂ ಹೋತಿ, ವಟ್ಟತಿ ಅಥೂಪೀಕತಸ್ಸ ಪಟಿಗ್ಗಹಿತತ್ತಾ। ಪಯೋಗೋ ಪನ ನತ್ಥಿ ಅಞ್ಞತ್ರ ಪುಬ್ಬದೇಸಾ’’ತಿ ಚ ‘‘ಸಮತಿತ್ತಿಕನ್ತಿ ವಾ ಭಾವನಪುಂಸಕ’’ನ್ತಿ ಚ ವದನ್ತಿ, ತಸ್ಮಾ ವಿಚಾರೇತ್ವಾ ಗಹೇತಬ್ಬಂ।
605.Heṭṭhā orohatīti ettha ‘‘orohanappamāṇe sati ekadese thūpīkatepi anāpattī’’ti vadanti. ‘‘Pattassa pana heṭṭhā ca upari ca paduminipaṇṇādīhi paṭicchādetvā odahantiyā laddhaṃ nāma vaṭṭatī’’ti ca vadanti. Ettha ‘‘yasmā ‘samatittiko piṇḍapāto paṭiggahetabbo’ti vacanaṃ piṇḍapāto samapuṇṇo paṭiggahetabboti dīpeti, tasmā attano hatthagate patte piṇḍapāto diyyamāno thūpīkatopi ce hoti, vaṭṭatīti dīpeti. ‘Thūpīkataṃ piṇḍapātaṃ paṭiggaṇhāti, āpatti dukkaṭassā’ti hi vacanaṃ paṭhamaṃ thūpīkataṃ piṇḍapātaṃ pacchā paṭiggaṇhato, āpattīti dīpeti. Pattena paṭiggaṇhato cepi thūpīkataṃ hoti, vaṭṭati athūpīkatassa paṭiggahitattā. Payogo pana natthi aññatra pubbadesā’’ti ca ‘‘samatittikanti vā bhāvanapuṃsaka’’nti ca vadanti, tasmā vicāretvā gahetabbaṃ.
ಖಮ್ಭಕತವಗ್ಗವಣ್ಣನಾ ನಿಟ್ಠಿತಾ।
Khambhakatavaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೩. ಖಮ್ಭಕತವಗ್ಗೋ • 3. Khambhakatavaggo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā / ೩. ಖಮ್ಭಕತವಗ್ಗವಣ್ಣನಾ • 3. Khambhakatavaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ೩. ಖಮ್ಭಕತವಗ್ಗವಣ್ಣನಾ • 3. Khambhakatavaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ೩. ಖಮ್ಭಕತವಗ್ಗವಣ್ಣನಾ • 3. Khambhakatavaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೩. ಖಮ್ಭಕತವಗ್ಗ-ಅತ್ಥಯೋಜನಾ • 3. Khambhakatavagga-atthayojanā
