| Library / Tipiṭaka / തിപിടക • Tipiṭaka / വിമതിവിനോദനീ-ടീകാ • Vimativinodanī-ṭīkā |
൩. ഖമ്ഭകതവഗ്ഗവണ്ണനാ
3. Khambhakatavaggavaṇṇanā
൬൦൩. പത്തേ ഗഹണസഞ്ഞാ അസ്സ അത്ഥീതി പത്തസഞ്ഞീതി ഇമമത്ഥം ദസ്സേതും ‘‘പത്തേ സഞ്ഞം കത്വാ’’തി വുത്തം.
603. Patte gahaṇasaññā assa atthīti pattasaññīti imamatthaṃ dassetuṃ ‘‘patte saññaṃ katvā’’ti vuttaṃ.
൬൦൪. ഓലോണീതി ഏകാ ബ്യഞ്ജനവികതി. കഞ്ജികതക്കാദിരസോതി കേചി. മംസരസാദീനീതി ആദി-സദ്ദേന അവസേസാ സബ്ബാപി ബ്യഞ്ജനവികതി സങ്ഗഹിതാ.
604.Oloṇīti ekā byañjanavikati. Kañjikatakkādirasoti keci. Maṃsarasādīnīti ādi-saddena avasesā sabbāpi byañjanavikati saṅgahitā.
൬൦൫. സമഭരിതന്തി രചിതം. ഹേട്ഠാ ഓരോഹതീതി സമന്താ ഓകാസസമ്ഭവതോ ഹത്ഥേന സമം കരിയമാനം ഹേട്ഠാ ഭസ്സതി. പത്തമത്ഥകേ ഠപിതാനി പൂവാനി ഏവ വടംസകാകാരേന ഠപിതത്താ ‘‘പൂവവടംസക’’ന്തി വുത്താനി. കേചി പന ‘‘പത്തം ഗഹേത്വാ ഥൂപീകതം പിണ്ഡപാതം രചിത്വാ ദിയ്യമാനമേവ ഗണ്ഹതോ ആപത്തി, ഹത്ഥഗതേ ഏവ പന പത്തേ ദിയ്യമാനേ ഥൂപീകതമ്പി ഗഹേതും വട്ടതീ’’തി വദന്തി, തം ന ഗഹേതബ്ബമേവ ‘‘സമതിത്തിക’’ന്തി ഭാവനപുംസകവസേന സാമഞ്ഞതോ വുത്തത്താ.
605.Samabharitanti racitaṃ. Heṭṭhā orohatīti samantā okāsasambhavato hatthena samaṃ kariyamānaṃ heṭṭhā bhassati. Pattamatthake ṭhapitāni pūvāni eva vaṭaṃsakākārena ṭhapitattā ‘‘pūvavaṭaṃsaka’’nti vuttāni. Keci pana ‘‘pattaṃ gahetvā thūpīkataṃ piṇḍapātaṃ racitvā diyyamānameva gaṇhato āpatti, hatthagate eva pana patte diyyamāne thūpīkatampi gahetuṃ vaṭṭatī’’ti vadanti, taṃ na gahetabbameva ‘‘samatittika’’nti bhāvanapuṃsakavasena sāmaññato vuttattā.
ഖമ്ഭകതവഗ്ഗവണ്ണനാ നിട്ഠിതാ.
Khambhakatavaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൩. ഖമ്ഭകതവഗ്ഗോ • 3. Khambhakatavaggo
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā / ൩. ഖമ്ഭകതവഗ്ഗവണ്ണനാ • 3. Khambhakatavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൩. ഖമ്ഭകതവഗ്ഗവണ്ണനാ • 3. Khambhakatavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൩. ഖമ്ഭകതവഗ്ഗവണ്ണനാ • 3. Khambhakatavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൩. ഖമ്ഭകതവഗ്ഗ-അത്ഥയോജനാ • 3. Khambhakatavagga-atthayojanā
