| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[203] 3. канд̇хаж̇аад̇агаван̣н̣анаа
[203] 3. Khandhajātakavaṇṇanā
вируубагкзхи мз мзд̇д̇анд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ бхигкум̣ аараб̣бха гат̇зси. д̇ам̣ гира ж̇анд̇аагхарад̣̇ваарз гадтаани паалзнд̇ам̣ бууд̇иругканд̇араа нигкамид̇ваа зго саббо баад̣̇ан̇г̇улияам̣ д̣ам̣си, со д̇ад̇т̇зва мад̇о. д̇асса мад̇абхааво сагалавихаарз баагадо ахоси. д̇хаммасабхааяам̣ бхигкуу гат̇ам̣ самудтаабзсум̣ – ‘‘аавусо, асуго гира бхигку ж̇анд̇аагхарад̣̇ваарз гадтаани паалзнд̇о саббзна д̣̇адто д̇ад̇т̇зва мад̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘сажз со, бхигкавз, бхигку жад̇д̇аари ахирааж̇агулаани аараб̣бха мзд̇д̇ам̣ абхааваяисса, на нам̣ саббо д̣ам̣сзяяа. бораан̣агад̇аабасааби ануббаннз б̣уд̣̇д̇хз жад̇уусу ахирааж̇агулзсу мзд̇д̇ам̣ бхаавзд̇ваа д̇аани ахирааж̇агулаани ниссааяа уббаж̇ж̇анагабхаяад̇о мужжим̣суу’’д̇и вад̇ваа ад̇ийд̇ам̣ аахари.
Virūpakkhehi me mettanti idaṃ satthā jetavane viharanto aññataraṃ bhikkhuṃ ārabbha kathesi. Taṃ kira jantāgharadvāre kaṭṭhāni phālentaṃ pūtirukkhantarā nikkhamitvā eko sappo pādaṅguliyaṃ ḍaṃsi, so tattheva mato. Tassa matabhāvo sakalavihāre pākaṭo ahosi. Dhammasabhāyaṃ bhikkhū kathaṃ samuṭṭhāpesuṃ – ‘‘āvuso, asuko kira bhikkhu jantāgharadvāre kaṭṭhāni phālento sappena daṭṭho tattheva mato’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘sace so, bhikkhave, bhikkhu cattāri ahirājakulāni ārabbha mettaṃ abhāvayissa, na naṃ sappo ḍaṃseyya. Porāṇakatāpasāpi anuppanne buddhe catūsu ahirājakulesu mettaṃ bhāvetvā tāni ahirājakulāni nissāya uppajjanakabhayato mucciṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз б̣раахман̣агулз ниб̣б̣ад̇д̇ид̇ваа ваяаббад̇д̇о гаамз бахааяа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа химаванд̇абад̣̇зсз згасмим̣ г̇ан̇г̇аанивад̇д̇анз ассамабад̣̇ам̣ маабзд̇ваа жхаанагийл̣ам̣ гийл̣анд̇о исиг̇ан̣абаривуд̇о вихааси. д̇ад̣̇аа г̇ан̇г̇аад̇ийрз наанаббагаараа д̣̇ийгхаж̇аад̇игаа исийнам̣ барибант̇ам̣ гаронд̇и, язбхуяязна исаяо ж̇ийвид̇агкаяам̣ баабун̣анд̇и. д̇аабасаа д̇амад̇т̇ам̣ б̣од̇хисад̇д̇асса аарожзсум̣. б̣од̇хисад̇д̇о саб̣б̣з д̇аабасз саннибаад̇аабзд̇ваа ‘‘сажз д̇умхз жад̇уусу ахирааж̇агулзсу мзд̇д̇ам̣ бхаавзяяаат̇а, на во саббаа д̣ам̣сзяяум̣, д̇асмаа ид̇о бадтааяа жад̇уусу ахирааж̇агулзсу звам̣ мзд̇д̇ам̣ бхаавзт̇аа’’д̇и вад̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe brāhmaṇakule nibbattitvā vayappatto kāme pahāya isipabbajjaṃ pabbajitvā abhiññā ca samāpattiyo ca nibbattetvā himavantapadese ekasmiṃ gaṅgānivattane assamapadaṃ māpetvā jhānakīḷaṃ kīḷanto isigaṇaparivuto vihāsi. Tadā gaṅgātīre nānappakārā dīghajātikā isīnaṃ paripanthaṃ karonti, yebhuyyena isayo jīvitakkhayaṃ pāpuṇanti. Tāpasā tamatthaṃ bodhisattassa ārocesuṃ. Bodhisatto sabbe tāpase sannipātāpetvā ‘‘sace tumhe catūsu ahirājakulesu mettaṃ bhāveyyātha, na vo sappā ḍaṃseyyuṃ, tasmā ito paṭṭhāya catūsu ahirājakulesu evaṃ mettaṃ bhāvethā’’ti vatvā imaṃ gāthamāha –
105.
105.
‘‘вируубагкзхи мз мзд̇д̇ам̣, мзд̇д̇ам̣ зраабат̇зхи мз;
‘‘Virūpakkhehi me mettaṃ, mettaṃ erāpathehi me;
чаб̣яаабуд̇д̇зхи мз мзд̇д̇ам̣, мзд̇д̇ам̣ ган̣хааг̇од̇амагзхи жаа’’д̇и.
Chabyāputtehi me mettaṃ, mettaṃ kaṇhāgotamakehi cā’’ti.
д̇ад̇т̇а вируубагкзхи мз мзд̇д̇анд̇и вируубагканааг̇арааж̇агулзхи сад̣̇д̇хим̣ маяхам̣ мзд̇д̇ам̣. зраабат̇аад̣̇ийсуби зсзва наяо. зд̇ааниби хи зраабат̇анааг̇арааж̇агулам̣ чаб̣яаабуд̇д̇анааг̇арааж̇агулам̣ ган̣хааг̇од̇амаганааг̇арааж̇агуланд̇и нааг̇арааж̇агулаанзва.
Tattha virūpakkhehi me mettanti virūpakkhanāgarājakulehi saddhiṃ mayhaṃ mettaṃ. Erāpathādīsupi eseva nayo. Etānipi hi erāpathanāgarājakulaṃ chabyāputtanāgarājakulaṃ kaṇhāgotamakanāgarājakulanti nāgarājakulāneva.
звам̣ жад̇д̇аари нааг̇арааж̇агулаани д̣̇ассзд̇ваа ‘‘сажз д̇умхз зд̇зсу мзд̇д̇ам̣ бхаавзд̇ум̣ сагкиссат̇а, д̣̇ийгхаж̇аад̇игаа во на д̣ам̣сиссанд̇и на вихзтзссанд̇ий’’д̇и вад̇ваа д̣̇уд̇ияам̣ г̇аат̇амааха –
Evaṃ cattāri nāgarājakulāni dassetvā ‘‘sace tumhe etesu mettaṃ bhāvetuṃ sakkhissatha, dīghajātikā vo na ḍaṃsissanti na viheṭhessantī’’ti vatvā dutiyaṃ gāthamāha –
‘‘абаад̣̇агзхи мз мзд̇д̇ам̣, мзд̇д̇ам̣ д̣̇вибаад̣̇агзхи мз;
‘‘Apādakehi me mettaṃ, mettaṃ dvipādakehi me;
жад̇уббад̣̇зхи мз мзд̇д̇ам̣, мзд̇д̇ам̣ б̣ахуббад̣̇зхи мз’’д̇и.
Catuppadehi me mettaṃ, mettaṃ bahuppadehi me’’ti.
д̇ад̇т̇а батамабад̣̇зна од̣̇иссагам̣ гад̇ваа саб̣б̣зсу абаад̣̇агзсу д̣̇ийгхаж̇аад̇игзсу жзва мажчзсу жа мзд̇д̇аабхааванаа д̣̇ассид̇аа, д̣̇уд̇ияабад̣̇зна мануссзсу жзва багкиж̇аад̇зсу жа, д̇ад̇ияабад̣̇зна хад̇т̇иассаад̣̇ийсу саб̣б̣ажад̇уббад̣̇зсу, жад̇уд̇т̇абад̣̇зна вижчигасад̇абад̣̇иужжаалин̇г̇абаан̣агамаггадагаад̣̇ийсу.
Tattha paṭhamapadena odissakaṃ katvā sabbesu apādakesu dīghajātikesu ceva macchesu ca mettābhāvanā dassitā, dutiyapadena manussesu ceva pakkhijātesu ca, tatiyapadena hatthiassādīsu sabbacatuppadesu, catutthapadena vicchikasatapadiuccāliṅgapāṇakamakkaṭakādīsu.
звам̣ саруубзна мзд̇д̇аабхааванам̣ д̣̇ассзд̇ваа ид̣̇аани ааяаажанавасзна д̣̇ассзнд̇о имам̣ г̇аат̇амааха –
Evaṃ sarūpena mettābhāvanaṃ dassetvā idāni āyācanavasena dassento imaṃ gāthamāha –
‘‘маа мам̣ абаад̣̇аго хим̣си, маа мам̣ хим̣си д̣̇вибаад̣̇аго;
‘‘Mā maṃ apādako hiṃsi, mā maṃ hiṃsi dvipādako;
маа мам̣ жад̇уббад̣̇о хим̣си, маа мам̣ хим̣си б̣ахуббад̣̇о’’д̇и.
Mā maṃ catuppado hiṃsi, mā maṃ hiṃsi bahuppado’’ti.
д̇ад̇т̇а маа манд̇и зд̇зсу абаад̣̇агаад̣̇ийсу гожи згоби маа мам̣ хим̣сад̇у, маа вихзтзд̇ууд̇и звам̣ ааяаажанд̇аа мзд̇д̇ам̣ бхаавзт̇аад̇и ад̇т̇о.
Tattha mā manti etesu apādakādīsu koci ekopi mā maṃ hiṃsatu, mā viheṭhetūti evaṃ āyācantā mettaṃ bhāvethāti attho.
ид̣̇аани анод̣̇иссагавасзна мзд̇д̇аабхааванам̣ д̣̇ассзнд̇о имам̣ г̇аат̇амааха –
Idāni anodissakavasena mettābhāvanaṃ dassento imaṃ gāthamāha –
‘‘саб̣б̣з сад̇д̇аа саб̣б̣з баан̣аа, саб̣б̣з бхууд̇аа жа гзвалаа;
‘‘Sabbe sattā sabbe pāṇā, sabbe bhūtā ca kevalā;
саб̣б̣з бхад̣̇раани бассанд̇у, маа ган̃жи баабамааг̇амаа’’д̇и.
Sabbe bhadrāni passantu, mā kañci pāpamāgamā’’ti.
д̇ад̇т̇а д̇ан̣хаад̣̇идтивасзна ваддз бан̃жасу канд̇хзсу аасад̇д̇аа висад̇д̇аа лаг̇г̇аа лаг̇г̇ид̇аад̇и сад̇д̇аа, ассаасабассаасабавад̇д̇анасан̇каад̇зна баан̣анавасзна баан̣аа, бхууд̇абхаавид̇аниб̣б̣ад̇д̇анавасзна бхууд̇аад̇и звам̣ важанамад̇д̇ависзсо взд̣̇ид̇аб̣б̣о. ависзсзна бана саб̣б̣аанибзд̇аани бад̣̇аани саб̣б̣асад̇д̇асан̇г̇аахагаанзва. гзвалаад̇и сагалаа. ид̣̇ам̣ саб̣б̣асад̣̇д̣̇ассзва хи барияааяаважанам̣. бхад̣̇раани бассанд̇ууд̇и саб̣б̣збзд̇з сад̇д̇аа бхад̣̇раани саад̇хууни галяаан̣аанзва бассанд̇у. маа ган̃жи баабамааг̇амаад̇и зд̇зсу ган̃жи згам̣ сад̇д̇амби баабам̣ лаамагам̣ д̣̇угкам̣ маа ааг̇амаа, маа ааг̇ажчад̇у маа баабун̣аад̇у, саб̣б̣з авзраа аб̣яаабаж̇ж̇аа сукий нид̣̇д̣̇угкаа хонд̇ууд̇и.
Tattha taṇhādiṭṭhivasena vaṭṭe pañcasu khandhesu āsattā visattā laggā laggitāti sattā, assāsapassāsapavattanasaṅkhātena pāṇanavasena pāṇā, bhūtabhāvitanibbattanavasena bhūtāti evaṃ vacanamattaviseso veditabbo. Avisesena pana sabbānipetāni padāni sabbasattasaṅgāhakāneva. Kevalāti sakalā. Idaṃ sabbasaddasseva hi pariyāyavacanaṃ. Bhadrāni passantūti sabbepete sattā bhadrāni sādhūni kalyāṇāneva passantu. Mā kañci pāpamāgamāti etesu kañci ekaṃ sattampi pāpaṃ lāmakaṃ dukkhaṃ mā āgamā, mā āgacchatu mā pāpuṇātu, sabbe averā abyāpajjā sukhī niddukkhā hontūti.
звам̣ ‘‘саб̣б̣асад̇д̇зсу анод̣̇иссагавасзна мзд̇д̇ам̣ бхаавзт̇аа’’д̇и вад̇ваа буна д̇ин̣н̣ам̣ рад̇анаанам̣ г̇ун̣з ануссараабзд̇ум̣ –
Evaṃ ‘‘sabbasattesu anodissakavasena mettaṃ bhāvethā’’ti vatvā puna tiṇṇaṃ ratanānaṃ guṇe anussarāpetuṃ –
106.
106.
‘‘аббамаан̣о б̣уд̣̇д̇хо, аббамаан̣о д̇хаммо;
‘‘Appamāṇo buddho, appamāṇo dhammo;
аббамаан̣о сан̇гхо’’д̇и ааха.
Appamāṇo saṅgho’’ti āha.
д̇ад̇т̇а бамаан̣агараанам̣ гилзсаанам̣ абхаавзна г̇ун̣аанан̃жа бамаан̣аабхаавзна б̣уд̣̇д̇харад̇анам̣ аббамаан̣ам̣. д̇хаммод̇и нававид̇хо логуд̇д̇арад̇хаммо. д̇ассаби бамаан̣ам̣ гаад̇ум̣ на саггаад̇и аббамаан̣о. д̇зна аббамаан̣зна д̇хаммзна саманнааг̇ад̇ад̇д̇аа сан̇гхоби аббамаан̣о.
Tattha pamāṇakarānaṃ kilesānaṃ abhāvena guṇānañca pamāṇābhāvena buddharatanaṃ appamāṇaṃ. Dhammoti navavidho lokuttaradhammo. Tassapi pamāṇaṃ kātuṃ na sakkāti appamāṇo. Tena appamāṇena dhammena samannāgatattā saṅghopi appamāṇo.
ид̇и б̣од̇хисад̇д̇о ‘‘имзсам̣ д̇ин̣н̣ам̣ рад̇анаанам̣ г̇ун̣з ануссарат̇аа’’д̇и вад̇ваа д̇ин̣н̣ам̣ рад̇анаанам̣ аббамаан̣аг̇ун̣ад̇ам̣ д̣̇ассзд̇ваа саббамаан̣з сад̇д̇з д̣̇ассзд̇ум̣ –
Iti bodhisatto ‘‘imesaṃ tiṇṇaṃ ratanānaṃ guṇe anussarathā’’ti vatvā tiṇṇaṃ ratanānaṃ appamāṇaguṇataṃ dassetvā sappamāṇe satte dassetuṃ –
‘‘бамаан̣аванд̇аани сарийсабаани, ахи вижчига сад̇абад̣̇ий;
‘‘Pamāṇavantāni sarīsapāni, ahi vicchika satapadī;
ун̣н̣анаабхи сараб̣уу муусигаа’’д̇и ааха.
Uṇṇanābhi sarabū mūsikā’’ti āha.
д̇ад̇т̇а сарийсабаанийд̇и саббад̣̇ийгхаж̇аад̇игаанам̣ наамам̣. д̇з хи саранд̇аа г̇ажчанд̇и, сирзна ваа сабанд̇ийд̇и сарийсабаа. ‘‘ахий’’д̇иаад̣̇и д̇зсам̣ саруубад̇о нид̣̇ассанам̣. д̇ад̇т̇а ун̣н̣анаабхийд̇и маггадаго. д̇асса хи наабхид̇о ун̣н̣аасад̣̇исам̣ суд̇д̇ам̣ нигкамад̇и, д̇асмаа ‘‘ун̣н̣анаабхий’’д̇и вужжад̇и. сараб̣ууд̇и гхараг̇ол̣игаа.
Tattha sarīsapānīti sappadīghajātikānaṃ nāmaṃ. Te hi sarantā gacchanti, sirena vā sapantīti sarīsapā. ‘‘Ahī’’tiādi tesaṃ sarūpato nidassanaṃ. Tattha uṇṇanābhīti makkaṭako. Tassa hi nābhito uṇṇāsadisaṃ suttaṃ nikkhamati, tasmā ‘‘uṇṇanābhī’’ti vuccati. Sarabūti gharagoḷikā.
ид̇и б̣од̇хисад̇д̇о ‘‘яасмаа зд̇зсам̣ анд̇орааг̇аад̣̇аяо бамаан̣агараа д̇хаммаа ад̇т̇и, д̇асмаа д̇аани сарийсабаад̣̇ийни бамаан̣аванд̇ааний’’д̇и д̣̇ассзд̇ваа ‘‘аббамаан̣аанам̣ д̇ин̣н̣ам̣ рад̇анаанам̣ аанубхаавзна имз бамаан̣аванд̇аа сад̇д̇аа рад̇д̇инд̣̇ивам̣ барид̇д̇агаммам̣ гаронд̇ууд̇и звам̣ д̇ин̣н̣ам̣ рад̇анаанам̣ г̇ун̣з ануссарат̇аа’’д̇и вад̇ваа д̇ад̇о уд̇д̇ари гад̇д̇аб̣б̣ам̣ д̣̇ассзд̇ум̣ имам̣ г̇аат̇амааха –
Iti bodhisatto ‘‘yasmā etesaṃ antorāgādayo pamāṇakarā dhammā atthi, tasmā tāni sarīsapādīni pamāṇavantānī’’ti dassetvā ‘‘appamāṇānaṃ tiṇṇaṃ ratanānaṃ ānubhāvena ime pamāṇavantā sattā rattindivaṃ parittakammaṃ karontūti evaṃ tiṇṇaṃ ratanānaṃ guṇe anussarathā’’ti vatvā tato uttari kattabbaṃ dassetuṃ imaṃ gāthamāha –
‘‘гад̇аа мз рагкаа гад̇аа мз барид̇д̇аа, бадиггаманд̇у бхууд̇аани;
‘‘Katā me rakkhā katā me parittā, paṭikkamantu bhūtāni;
сохам̣ намо бхаг̇авад̇о, намо сад̇д̇аннам̣ саммаасамб̣уд̣̇д̇хаана’’нд̇и.
Sohaṃ namo bhagavato, namo sattannaṃ sammāsambuddhāna’’nti.
д̇ад̇т̇а гад̇аа мз рагкаад̇и маяаа рад̇анад̇д̇аяаг̇ун̣з ануссаранд̇зна ад̇д̇ано рагкаа г̇уд̇д̇и гад̇аа. гад̇аа мз барид̇д̇аад̇и барид̇д̇аан̣амби мз ад̇д̇ано гад̇ам̣. бадиггаманд̇у бхууд̇аанийд̇и маяи ахид̇аж̇жхаасаяаани бхууд̇аани бадиггаманд̇у абаг̇ажчанд̇у. сохам̣ намо бхаг̇авад̇од̇и со ахам̣ звам̣ гад̇абарид̇д̇о ад̇ийд̇асса бариниб̣б̣уд̇асса саб̣б̣ассаби б̣уд̣̇д̇хасса бхаг̇авад̇о намо гароми. намо сад̇д̇аннам̣ саммаасамб̣уд̣̇д̇хаананд̇и висзсзна бана ад̇ийд̇з бадибаадияаа бариниб̣б̣уд̇аанам̣ сад̇д̇аннам̣ саммаасамб̣уд̣̇д̇хаанам̣ намо гаромийд̇и.
Tattha katā me rakkhāti mayā ratanattayaguṇe anussarantena attano rakkhā gutti katā. Katā me parittāti parittāṇampi me attano kataṃ. Paṭikkamantu bhūtānīti mayi ahitajjhāsayāni bhūtāni paṭikkamantu apagacchantu. Sohaṃ namo bhagavatoti so ahaṃ evaṃ kataparitto atītassa parinibbutassa sabbassapi buddhassa bhagavato namo karomi. Namo sattannaṃ sammāsambuddhānanti visesena pana atīte paṭipāṭiyā parinibbutānaṃ sattannaṃ sammāsambuddhānaṃ namo karomīti.
звам̣ ‘‘намаггаарам̣ гаронд̇ааби сад̇д̇а б̣уд̣̇д̇хз ануссарат̇аа’’д̇и б̣од̇хисад̇д̇о исиг̇ан̣асса имам̣ барид̇д̇ам̣ б̣анд̇хид̇ваа ад̣̇ааси. аад̣̇ид̇о бана бадтааяа д̣̇вийхи г̇аат̇аахи жад̇уусу ахирааж̇агулзсу мзд̇д̇ааяа д̣̇ийбид̇ад̇д̇аа од̣̇иссагаанод̣̇иссагавасзна ваа д̣̇виннам̣ мзд̇д̇аабхааванаанам̣ д̣̇ийбид̇ад̇д̇аа ид̣̇ам̣ барид̇д̇ам̣ ид̇ха вуд̇д̇анд̇и взд̣̇ид̇аб̣б̣ам̣, ан̃н̃ам̣ ваа гааран̣ам̣ бариязсид̇аб̣б̣ам̣. д̇ад̇о бадтааяа исиг̇ан̣о б̣од̇хисад̇д̇асса оваад̣̇з тад̇ваа мзд̇д̇ам̣ бхаавзси, б̣уд̣̇д̇хаг̇ун̣з ануссари. звамзд̇зсу б̣уд̣̇д̇хаг̇ун̣з ануссаранд̇зсуязва саб̣б̣з д̣̇ийгхаж̇аад̇игаа бадиггамим̣су. б̣од̇хисад̇д̇оби б̣рахмавихаарз бхаавзд̇ваа б̣рахмалогабарааяан̣о ахоси.
Evaṃ ‘‘namakkāraṃ karontāpi satta buddhe anussarathā’’ti bodhisatto isigaṇassa imaṃ parittaṃ bandhitvā adāsi. Ādito pana paṭṭhāya dvīhi gāthāhi catūsu ahirājakulesu mettāya dīpitattā odissakānodissakavasena vā dvinnaṃ mettābhāvanānaṃ dīpitattā idaṃ parittaṃ idha vuttanti veditabbaṃ, aññaṃ vā kāraṇaṃ pariyesitabbaṃ. Tato paṭṭhāya isigaṇo bodhisattassa ovāde ṭhatvā mettaṃ bhāvesi, buddhaguṇe anussari. Evametesu buddhaguṇe anussarantesuyeva sabbe dīghajātikā paṭikkamiṃsu. Bodhisattopi brahmavihāre bhāvetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа исиг̇ан̣о б̣уд̣̇д̇хабарисаа ахоси, г̇ан̣асад̇т̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā isigaṇo buddhaparisā ahosi, gaṇasatthā pana ahameva ahosi’’nti.
канд̇хаж̇аад̇агаван̣н̣анаа д̇ад̇ияаа.
Khandhajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 203. кан̣д̣аж̇аад̇агам̣ • 203. Khaṇḍajātakaṃ
