| Library / Tipiṭaka / திபிடக • Tipiṭaka / வினயவினிச்ச²ய-டீகா • Vinayavinicchaya-ṭīkā |
க²ந்த⁴கபுச்சா²கதா²வண்ணனா
Khandhakapucchākathāvaṇṇanā
300. ஸேஸேஸூதி அப⁴ப்³ப³புக்³க³லபரிதீ³பகேஸு ஸப்³ப³பதே³ஸு.
300.Sesesūti abhabbapuggalaparidīpakesu sabbapadesu.
302. ‘‘நஸ்ஸந்து ஏதே’’தி பத³ச்சே²தோ³. புரக்க²காதி எத்த² ஸாமிஅத்தே² பச்சத்தவசனங், பே⁴த³புரெக்க²கஸ்ஸ, பே⁴த³புரெக்க²காயாதி அத்தோ².
302. ‘‘Nassantu ete’’ti padacchedo. Purakkhakāti ettha sāmiatthe paccattavacanaṃ, bhedapurekkhakassa, bhedapurekkhakāyāti attho.
303. ஸேஸேஸூதி அவஸேஸேஸு அஸங்வாஸகாதி³தீ³பகேஸு படிக்கே²பபதே³ஸு.
303.Sesesūti avasesesu asaṃvāsakādidīpakesu paṭikkhepapadesu.
304. ஏகாவ து³க்கடாபத்தி வுத்தாதி வஸ்ஸங் அனுபக³மனாதி³பச்சயா ஜாதிதோ ஏகாவ து³க்கடாபத்தி வுத்தா.
304.Ekāvadukkaṭāpatti vuttāti vassaṃ anupagamanādipaccayā jātito ekāva dukkaṭāpatti vuttā.
305. உபோஸத²ஸமா மதாதி உபோஸத²க்க²ந்த⁴கே வுத்தஸதி³ஸா ஜாதா ஆபத்தியோ மதா அதி⁴ப்பேதா.
305.Uposathasamāmatāti uposathakkhandhake vuttasadisā jātā āpattiyo matā adhippetā.
306. சம்மேதி சம்மக்க²ந்த⁴கே. வச்ச²தரிங் க³ஹெத்வா மாரெந்தானங் ச²ப்³ப³க்³கி³யானங் பாசித்தி வுத்தாதி ஸம்ப³ந்தோ⁴. வச்ச²தரிந்தி ப³லஸம்பன்னங் தருணகா³விங். ஸா ஹி வச்ச²கபா⁴வங் தரித்வா அதிக்கமித்வா டி²தத்தா ‘‘வச்ச²தரீ’’தி வுச்சதி.
306.Cammeti cammakkhandhake. Vacchatariṃ gahetvā mārentānaṃ chabbaggiyānaṃ pācitti vuttāti sambandho. Vacchatarinti balasampannaṃ taruṇagāviṃ. Sā hi vacchakabhāvaṃ taritvā atikkamitvā ṭhitattā ‘‘vacchatarī’’ti vuccati.
307. அங்க³ஜாதங் சு²பந்தஸ்ஸாதி கா³வீனங் அங்க³ஜாதங் அத்தனோ அங்க³ஜாதேன ப³ஹி சு²பந்தஸ்ஸ. ஸேஸேஸூதி கா³வீனங் விஸாணாதீ³ஸு க³ஹணே, பிட்டி²அபி⁴ருஹணே ச. யதா²ஹ ‘‘ச²ப்³ப³க்³கி³யா பி⁴க்கூ² அசிரவதியா நதி³யா கா³வீனங் தரந்தீனங் விஸாணேஸுபி க³ண்ஹந்தீ’’திஆதி³ (மஹாவ॰ 252).
307.Aṅgajātaṃ chupantassāti gāvīnaṃ aṅgajātaṃ attano aṅgajātena bahi chupantassa. Sesesūti gāvīnaṃ visāṇādīsu gahaṇe, piṭṭhiabhiruhaṇe ca. Yathāha ‘‘chabbaggiyā bhikkhū aciravatiyā nadiyā gāvīnaṃ tarantīnaṃ visāṇesupi gaṇhantī’’tiādi (mahāva. 252).
309. தத்த² பே⁴ஸஜ்ஜக்க²ந்த⁴கே. ஸாமந்தா த்³வங்கு³லேதி வச்சமக்³க³பஸ்ஸாவமக்³கா³னங் ஸாமந்தா த்³வங்கு³லமத்தே பதே³ஸே. ஸத்த²கம்மங் கரொந்தஸ்ஸ து²ல்லச்சயமுதீ³ரிதந்தி யோஜனா. யதா²ஹ – ‘‘ந, பி⁴க்க²வே, ஸம்பா³த⁴ஸ்ஸ ஸாமந்தா த்³வங்கு³லே ஸத்த²கம்மங் வா வத்தி²கம்மங் வா காரேதப்³ப³ங், யோ காரெய்ய, ஆபத்தி து²ல்லச்சயஸ்ஸா’’தி (மஹாவ॰ 279). எத்த² ச ‘‘ஸாமந்தா த்³வங்கு³லே’’தி இத³ங் ஸத்த²கம்மங்யேவ ஸந்தா⁴ய வுத்தங். வத்தி²கம்மங் பன ஸம்பா³தே⁴யேவ படிக்கி²த்தங்.
309.Tattha bhesajjakkhandhake. Sāmantā dvaṅguleti vaccamaggapassāvamaggānaṃ sāmantā dvaṅgulamatte padese. Satthakammaṃ karontassa thullaccayamudīritanti yojanā. Yathāha – ‘‘na, bhikkhave, sambādhassa sāmantā dvaṅgule satthakammaṃ vā vatthikammaṃ vā kāretabbaṃ, yo kāreyya, āpatti thullaccayassā’’ti (mahāva. 279). Ettha ca ‘‘sāmantā dvaṅgule’’ti idaṃ satthakammaṃyeva sandhāya vuttaṃ. Vatthikammaṃ pana sambādheyeva paṭikkhittaṃ.
‘‘ந, பி⁴க்க²வே, அஞ்ஞத்ர நிமந்திதேன அஞ்ஞஸ்ஸ போ⁴ஜ்ஜயாகு³ பரிபு⁴ஞ்ஜிதப்³பா³, யோ பரிபு⁴ஞ்ஜெய்ய, யதா²த⁴ம்மோ காரேதப்³போ³’’தி (மஹாவ॰ 283) வுத்தத்தா ஆஹ ‘‘போ⁴ஜ்ஜயாகூ³ஸு பாசித்தீ’’தி. எத்த² ச போ⁴ஜ்ஜயாகு³ நாம ப³ஹலயாகு³. ‘‘பிண்ட³ங் வட்டெத்வா பாதப்³ப³யாகூ³’’தி க³ண்டி²பதே³ வுத்தங். பாசித்தீதி பரம்பரபோ⁴ஜனபவாரணஸிக்கா²பதே³ஹி பாசித்தி. ஸேஸேஸூதி அந்தோவுத்த²அந்தோபக்கஸயங்பக்கபரிபோ⁴கா³தீ³ஸு. யதா²ஹ ‘‘ந, பி⁴க்க²வே, அந்தோவுத்த²ங் அந்தோபக்கங் ஸாமங்பக்கங் பரிபு⁴ஞ்ஜிதப்³ப³ங், யோ பரிபு⁴ஞ்ஜெய்ய, ஆபத்தி து³க்கடஸ்ஸா’’திஆதி³ (மஹாவ॰ 274).
‘‘Na, bhikkhave, aññatra nimantitena aññassa bhojjayāgu paribhuñjitabbā, yo paribhuñjeyya, yathādhammo kāretabbo’’ti (mahāva. 283) vuttattā āha ‘‘bhojjayāgūsu pācittī’’ti. Ettha ca bhojjayāgu nāma bahalayāgu. ‘‘Piṇḍaṃ vaṭṭetvā pātabbayāgū’’ti gaṇṭhipade vuttaṃ. Pācittīti paramparabhojanapavāraṇasikkhāpadehi pācitti. Sesesūti antovutthaantopakkasayaṃpakkaparibhogādīsu. Yathāha ‘‘na, bhikkhave, antovutthaṃ antopakkaṃ sāmaṃpakkaṃ paribhuñjitabbaṃ, yo paribhuñjeyya, āpatti dukkaṭassā’’tiādi (mahāva. 274).
310. சீவரஸங்யுத்தேதி சீவரக்க²ந்த⁴கே.
310.Cīvarasaṃyutteti cīvarakkhandhake.
313. சம்பெய்யகே ச கோஸம்பே³தி சம்பெய்யக்க²ந்த⁴கே சேவ கோஸம்ப³கக்க²ந்த⁴கே ச. ‘‘கம்மஸ்மி’’ந்திஆதீ³ஸுபி ஏஸேவ நயோ.
313.Campeyyakeca kosambeti campeyyakkhandhake ceva kosambakakkhandhake ca. ‘‘Kammasmi’’ntiādīsupi eseva nayo.
317. ரோமந்தே²தி பு⁴த்தஸ்ஸ லஹுங் பாகத்தாய குச்சி²க³தங் முக²ங் ஆரோபெத்வா ஸண்ஹகரணவஸேன அனுசாலனே.
317.Romantheti bhuttassa lahuṃ pākattāya kucchigataṃ mukhaṃ āropetvā saṇhakaraṇavasena anucālane.
318. ஸேனாஸனஸ்மிந்தி ஸேனாஸனக்க²ந்த⁴கே. க³ருனோதி க³ருப⁴ண்ட³ஸ்ஸ.
318.Senāsanasminti senāsanakkhandhake. Garunoti garubhaṇḍassa.
320. ஸங்க⁴பே⁴தே³தி ஸங்க⁴பே⁴த³கக்க²ந்த⁴கே.
320.Saṅghabhedeti saṅghabhedakakkhandhake.
321. பே⁴தா³னுவத்தகானந்தி ஸங்க⁴பே⁴தா³னுவத்தகானங். க³ணபோ⁴கே³தி க³ணபோ⁴ஜனே.
321.Bhedānuvattakānanti saṅghabhedānuvattakānaṃ. Gaṇabhogeti gaṇabhojane.
322. ஸாதி எத்த² ஸப்³ப³வத்தேஸு அனாத³ரியேன ஹோதீதி ஸேஸோ. ஸேஸங் உத்தானத்த²மேவ.
322.Sāti ettha sabbavattesu anādariyena hotīti seso. Sesaṃ uttānatthameva.
இதி உத்தரே லீனத்த²பகாஸனியா
Iti uttare līnatthapakāsaniyā
க²ந்த⁴கபுச்சா²கதா²வண்ணனா நிட்டி²தா.
Khandhakapucchākathāvaṇṇanā niṭṭhitā.
