| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౧౦. ఖన్ధసుత్తం
10. Khandhasuttaṃ
౩౩౧. సావత్థినిదానం. ‘‘యో, భిక్ఖవే, రూపస్మిం ఛన్దరాగో, చిత్తస్సేసో ఉపక్కిలేసో…పే॰… యో విఞ్ఞాణస్మిం ఛన్దరాగో, చిత్తస్సేసో ఉపక్కిలేసో. యతో ఖో, భిక్ఖవే, భిక్ఖునో ఇమేసు పఞ్చసు ఠానేసు చేతసో ఉపక్కిలేసో పహీనో హోతి, నేక్ఖమ్మనిన్నఞ్చస్స చిత్తం హోతి. నేక్ఖమ్మపరిభావితం చిత్తం కమ్మనియం ఖాయతి, అభిఞ్ఞా సచ్ఛికరణీయేసు ధమ్మేసూ’’తి. దసమం.
331. Sāvatthinidānaṃ. ‘‘Yo, bhikkhave, rūpasmiṃ chandarāgo, cittasseso upakkileso…pe… yo viññāṇasmiṃ chandarāgo, cittasseso upakkileso. Yato kho, bhikkhave, bhikkhuno imesu pañcasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Dasamaṃ.
కిలేససంయుత్తం సమత్తం.
Kilesasaṃyuttaṃ samattaṃ.
తస్సుద్దానం –
Tassuddānaṃ –
చక్ఖు రూపఞ్చ విఞ్ఞాణం, ఫస్సో చ వేదనాయ చ;
Cakkhu rūpañca viññāṇaṃ, phasso ca vedanāya ca;
సఞ్ఞా చ చేతనా తణ్హా, ధాతు ఖన్ధేన తే దసాతి.
Saññā ca cetanā taṇhā, dhātu khandhena te dasāti.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౬. కిలేససంయుత్తవణ్ణనా • 6. Kilesasaṃyuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౬. కిలేససంయుత్తవణ్ణనా • 6. Kilesasaṃyuttavaṇṇanā
