| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൧൦. ഖണികകഥാവണ്ണനാ
10. Khaṇikakathāvaṇṇanā
൯൦൬-൯൦൭. പഥവിയാദിരൂപേസൂതി അനേകകലാപസമുദായഭൂതേസു സസമ്ഭാരപഥവീആദിരൂപേസു. തത്ഥ ഹി കേസുചി പുരിമുപ്പന്നേസു ഠിതേസു കേസഞ്ചി തദഞ്ഞേസം ഉപ്പാദോ, തതോ പുരിമന്തരുപ്പന്നാനം കേസഞ്ചി നിരോധോ ഹോതി ഏകേകകലാപരൂപേസു സമാനുപ്പാദനിരോധത്താ തേസം. ഏവം പതിട്ഠാനന്തി ഏവം വുത്തപ്പകാരേന അസമാനുപ്പാദനിരോധേന പബന്ധേന പതിട്ഠാനപവത്തീതി അത്ഥോ. സാ പനായം യഥാവുത്താ പവത്തി കസ്മാ രൂപസന്തതിയാ ഏവാതി ആഹ ‘‘ന ഹി രൂപാന’’ന്തിആദി. തസ്സത്ഥോ – യദി സബ്ബേ സങ്ഖതധമ്മാ സമാനക്ഖണാ, തഥാ സതി അരൂപസന്തതിയാ വിയ രൂപസന്തതിയാപി അനന്തരാദിപച്ചയേന വിധിനാ പവത്തി സിയാ, ന ചേതം അത്ഥി. യദി സിയാ, ചിത്തക്ഖണേ ചിത്തക്ഖണേ പഥവീആദീനം ഉപ്പാദനിരോധേഹി ഭവിതബ്ബന്തി.
906-907. Pathaviyādirūpesūti anekakalāpasamudāyabhūtesu sasambhārapathavīādirūpesu. Tattha hi kesuci purimuppannesu ṭhitesu kesañci tadaññesaṃ uppādo, tato purimantaruppannānaṃ kesañci nirodho hoti ekekakalāparūpesu samānuppādanirodhattā tesaṃ. Evaṃ patiṭṭhānanti evaṃ vuttappakārena asamānuppādanirodhena pabandhena patiṭṭhānapavattīti attho. Sā panāyaṃ yathāvuttā pavatti kasmā rūpasantatiyā evāti āha ‘‘na hi rūpāna’’ntiādi. Tassattho – yadi sabbe saṅkhatadhammā samānakkhaṇā, tathā sati arūpasantatiyā viya rūpasantatiyāpi anantarādipaccayena vidhinā pavatti siyā, na cetaṃ atthi. Yadi siyā, cittakkhaṇe cittakkhaṇe pathavīādīnaṃ uppādanirodhehi bhavitabbanti.
ഖണികകഥാവണ്ണനാ നിട്ഠിതാ.
Khaṇikakathāvaṇṇanā niṭṭhitā.
ബാവീസതിമവഗ്ഗവണ്ണനാ നിട്ഠിതാ.
Bāvīsatimavaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൨൧൭) ൧൦. ഖണികകഥാ • (217) 10. Khaṇikakathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൦. ഖണികകഥാവണ്ണനാ • 10. Khaṇikakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൧൦. ഖണികകഥാവണ്ണനാ • 10. Khaṇikakathāvaṇṇanā
