| Library / Tipiṭaka / တိပိဋက • Tipiṭaka / ပဋိသမ္ဘိဒာမဂ္ဂပာဠိ • Paṭisambhidāmaggapāḷi |
၄၁. ခန္တိဉာဏနိဒ္ဒေသော
41. Khantiñāṇaniddeso
၉၂. ကထံ ဝိဒိတတ္တာ ပညာ ခန္တိဉာဏံ? ရူပံ အနိစ္စတော ဝိဒိတံ , ရူပံ ဒုက္ခတော ဝိဒိတံ, ရူပံ အနတ္တတော ဝိဒိတံ။ ယံ ယံ ဝိဒိတံ တံ တံ ခမတီတိ – ဝိဒိတတ္တာ ပညာ ခန္တိဉာဏံ။ ဝေဒနာ။ပေ.။ သညာ။ သင္ခာရာ။ ဝိညာဏံ။ စက္ခု။ပေ.။ ဇရာမရဏံ အနိစ္စတော ဝိဒိတံ, ဇရာမရဏံ ဒုက္ခတော ဝိဒိတံ, ဇရာမရဏံ အနတ္တတော ဝိဒိတံ။ ယံ ယံ ဝိဒိတံ တံ တံ ခမတီတိ – ဝိဒိတတ္တာ ပညာ ခန္တိဉာဏံ။ တံ ဉာတဋ္ဌေန ဉာဏံ, ပဇာနနဋ္ဌေန ပညာ။ တေန ဝုစ္စတိ – ‘‘ဝိဒိတတ္တာ ပညာ ခန္တိဉာဏံ’’။
92. Kathaṃ viditattā paññā khantiñāṇaṃ? Rūpaṃ aniccato viditaṃ , rūpaṃ dukkhato viditaṃ, rūpaṃ anattato viditaṃ. Yaṃ yaṃ viditaṃ taṃ taṃ khamatīti – viditattā paññā khantiñāṇaṃ. Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ aniccato viditaṃ, jarāmaraṇaṃ dukkhato viditaṃ, jarāmaraṇaṃ anattato viditaṃ. Yaṃ yaṃ viditaṃ taṃ taṃ khamatīti – viditattā paññā khantiñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘viditattā paññā khantiñāṇaṃ’’.
ခန္တိဉာဏနိဒ္ဒေသော ဧကစတ္တာလီသမော။
Khantiñāṇaniddeso ekacattālīsamo.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ပဋိသမ္ဘိဒာမဂ္ဂ-အဋ္ဌကထာ • Paṭisambhidāmagga-aṭṭhakathā / ၄၁-၄၂. ခန္တိဉာဏပရိယောဂာဟဏဉာဏနိဒ္ဒေသဝဏ္ဏနာ • 41-42. Khantiñāṇapariyogāhaṇañāṇaniddesavaṇṇanā
