| Library / Tipiṭaka / તિપિટક • Tipiṭaka / પટિસમ્ભિદામગ્ગ-અટ્ઠકથા • Paṭisambhidāmagga-aṭṭhakathā |
૪૧-૪૨. ખન્તિઞાણપરિયોગાહણઞાણનિદ્દેસવણ્ણના
41-42. Khantiñāṇapariyogāhaṇañāṇaniddesavaṇṇanā
૯૨-૯૩. ખન્તિઞાણપરિયોગાહણઞાણનિદ્દેસેસુ રૂપં અનિચ્ચતો વિદિતન્તિ અનિચ્ચાનુપસ્સનાય અનિચ્ચન્તિ ઞાતં. રૂપં દુક્ખતો વિદિતન્તિ દુક્ખાનુપસ્સનાય દુક્ખન્તિ ઞાતં. રૂપં અનત્તતો વિદિતન્તિ અનત્તાનુપસ્સનાય અનત્તાતિ ઞાતં. યં યં વિદિતં, તં તં ખમતીતિ યં યં રૂપં અનિચ્ચાદિતો વિદિતં, તં તં રૂપં અનિચ્ચાદિતો ખમતિ રુચ્ચતિ. ‘‘રૂપં અનિચ્ચતો વિદિતં, યં યં વિદિતં, તં તં ખમતી’’તિ વિસું વિસુઞ્ચ કત્વા કેસુચિ પોત્થકેસુ લિખિતં. ‘‘વેદના સઞ્ઞા સઙ્ખારા અનિચ્ચતો વિદિતા’’તિઆદિના લિઙ્ગવચનાનિ પરિવત્તેત્વા યોજેતબ્બાનિ. ફુસતીતિ વિપસ્સનાઞાણફુસનેન ફુસતિ ફરતિ. પરિયોગહતીતિ વિપસ્સનાઞાણેન પવિસતિ. પરિયોગાહતીતિપિ પાઠો.
92-93. Khantiñāṇapariyogāhaṇañāṇaniddesesu rūpaṃ aniccato viditanti aniccānupassanāya aniccanti ñātaṃ. Rūpaṃ dukkhato viditanti dukkhānupassanāya dukkhanti ñātaṃ. Rūpaṃ anattato viditanti anattānupassanāya anattāti ñātaṃ. Yaṃ yaṃ viditaṃ, taṃ taṃ khamatīti yaṃ yaṃ rūpaṃ aniccādito viditaṃ, taṃ taṃ rūpaṃ aniccādito khamati ruccati. ‘‘Rūpaṃ aniccato viditaṃ, yaṃ yaṃ viditaṃ, taṃ taṃ khamatī’’ti visuṃ visuñca katvā kesuci potthakesu likhitaṃ. ‘‘Vedanā saññā saṅkhārā aniccato viditā’’tiādinā liṅgavacanāni parivattetvā yojetabbāni. Phusatīti vipassanāñāṇaphusanena phusati pharati. Pariyogahatīti vipassanāñāṇena pavisati. Pariyogāhatītipi pāṭho.
ખન્તિઞાણપરિયોગાહણઞાણનિદ્દેસવણ્ણના નિટ્ઠિતા.
Khantiñāṇapariyogāhaṇañāṇaniddesavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / પટિસમ્ભિદામગ્ગપાળિ • Paṭisambhidāmaggapāḷi
૪૧. ખન્તિઞાણનિદ્દેસો • 41. Khantiñāṇaniddeso
૪૨. પરિયોગાહણઞાણનિદ્દેસો • 42. Pariyogāhaṇañāṇaniddeso
