| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[313] 3. канд̇иваад̣̇ийж̇аад̇агаван̣н̣анаа
[313] 3. Khantivādījātakavaṇṇanā
яо д̇з хад̇т̇з жа баад̣̇з жаад̇и ид̣̇ам̣ сад̇т̇аа ж̇зд̇аванз вихаранд̇о згам̣ год̇ханабхигкум̣ аараб̣бха гат̇зси. вад̇т̇у хздтаа гат̇ид̇амзва. сад̇т̇аа бана д̇ам̣ бхигкум̣ ‘‘гасмаа, д̇вам̣ бхигку, аггод̇ханасса б̣уд̣̇д̇хасса саасанз баб̣б̣аж̇ид̇ваа год̇хам̣ гароси, бораан̣агабан̣д̣ид̇аа сарийрз бахаарасахассз бад̇анд̇з хад̇т̇абаад̣̇аган̣н̣анаасаасу чиж̇ж̇амаанаасу барасса год̇хам̣ на гарим̣суу’’д̇и вад̇ваа ад̇ийд̇ам̣ аахари.
Yo te hatthe ca pāde cāti idaṃ satthā jetavane viharanto ekaṃ kodhanabhikkhuṃ ārabbha kathesi. Vatthu heṭṭhā kathitameva. Satthā pana taṃ bhikkhuṃ ‘‘kasmā, tvaṃ bhikkhu, akkodhanassa buddhassa sāsane pabbajitvā kodhaṃ karosi, porāṇakapaṇḍitā sarīre pahārasahasse patante hatthapādakaṇṇanāsāsu chijjamānāsu parassa kodhaṃ na kariṃsū’’ti vatvā atītaṃ āhari.
ад̇ийд̇з б̣аараан̣асияам̣ галааб̣у наама рааж̇аа раж̇ж̇ам̣ гаарзси. д̇ад̣̇аа б̣од̇хисад̇д̇о асийд̇игодивибхавз б̣раахман̣агулз ниб̣б̣ад̇д̇ид̇ваа гун̣д̣алагумааро наама маан̣аво худ̇ваа ваяаббад̇д̇о д̇аггасилам̣ г̇анд̇ваа саб̣б̣асиббаани уг̇г̇ан̣хид̇ваа гудумб̣ам̣ сан̣табзд̇ваа маад̇аабид̇уунам̣ ажжаязна д̇ханараасим̣ ологзд̇ваа ‘‘имам̣ д̇ханам̣ уббаад̣̇зд̇ваа мама н̃аад̇агаа аг̇г̇ахзд̇ваава г̇ад̇аа, маяаа банзд̇ам̣ г̇ахзд̇ваа г̇анд̇ум̣ ваддад̇ий’’д̇и саб̣б̣ам̣ д̇ханам̣ вижзяяад̣̇аанавасзна яо яам̣ аахарад̇и, д̇асса д̇ам̣ д̣̇ад̇ваа химаванд̇ам̣ бависид̇ваа баб̣б̣аж̇ид̇ваа палаапалзна яаабзнд̇о жирам̣ васид̇ваа лон̣амб̣иласзванад̇т̇ааяа мануссабат̇ам̣ ааг̇анд̇ваа анубуб̣б̣зна б̣аараан̣асим̣ бад̇ваа рааж̇уяяаанз васид̇ваа бунад̣̇ивасз наг̇арз бхигкааяа жаранд̇о сзнаабад̇исса ниваасанад̣̇ваарам̣ самбаабун̣и. сзнаабад̇и д̇асса ирияаабат̇зсу басийд̣̇ид̇ваа гхарам̣ бавзсзд̇ваа ад̇д̇ано бадияаад̣̇ид̇абхож̇анам̣ бхож̇зд̇ваа бадин̃н̃ам̣ г̇ахзд̇ваа д̇ад̇т̇зва рааж̇уяяаанз васаабзси.
Atīte bārāṇasiyaṃ kalābu nāma rājā rajjaṃ kāresi. Tadā bodhisatto asītikoṭivibhave brāhmaṇakule nibbattitvā kuṇḍalakumāro nāma māṇavo hutvā vayappatto takkasilaṃ gantvā sabbasippāni uggaṇhitvā kuṭumbaṃ saṇṭhapetvā mātāpitūnaṃ accayena dhanarāsiṃ oloketvā ‘‘imaṃ dhanaṃ uppādetvā mama ñātakā aggahetvāva gatā, mayā panetaṃ gahetvā gantuṃ vaṭṭatī’’ti sabbaṃ dhanaṃ viceyyadānavasena yo yaṃ āharati, tassa taṃ datvā himavantaṃ pavisitvā pabbajitvā phalāphalena yāpento ciraṃ vasitvā loṇambilasevanatthāya manussapathaṃ āgantvā anupubbena bārāṇasiṃ patvā rājuyyāne vasitvā punadivase nagare bhikkhāya caranto senāpatissa nivāsanadvāraṃ sampāpuṇi. Senāpati tassa iriyāpathesu pasīditvā gharaṃ pavesetvā attano paṭiyāditabhojanaṃ bhojetvā paṭiññaṃ gahetvā tattheva rājuyyāne vasāpesi.
ат̇згад̣̇ивасам̣ галааб̣урааж̇аа сураамад̣̇амад̇д̇о чзганаадагабаривуд̇о маханд̇зна яасзна уяяаанам̣ г̇анд̇ваа ман̇г̇аласилаабаддз саяанам̣ ад̇т̇араабзд̇ваа згиссаа бияаманаабааяа ид̇т̇ияаа ан̇гз саяи. г̇ийд̇аваад̣̇ид̇анажжзсу чзгаа наадагид̇т̇ияо г̇ийд̇аад̣̇ийни баяож̇зсум̣, саггасса д̣̇зваран̃н̃о вияа махаасамбад̇д̇и ахоси, рааж̇аа нид̣̇д̣̇ам̣ оггами. ат̇а д̇аа ид̇т̇ияо ‘‘яассад̇т̇ааяа маяам̣ г̇ийд̇аад̣̇ийни баяож̇аяаама, со нид̣̇д̣̇ам̣ убаг̇ад̇о, гим̣ но г̇ийд̇аад̣̇ийхий’’д̇и вийн̣аад̣̇ийни д̇уурияаани д̇ад̇т̇а д̇ад̇т̇зва чад̣д̣зд̇ваа уяяаанам̣ багганд̇аа бубпапалабаллаваад̣̇ийхи балобхияамаанаа уяяаанз абхирамим̣су. д̇ад̣̇аа б̣од̇хисад̇д̇о д̇асмим̣ уяяаанз субубпид̇асааламуулз баб̣б̣аж̇ж̇аасукзна вийд̇инаамзнд̇о мад̇д̇аваравааран̣о вияа нисинно ход̇и. ат̇а д̇аа ид̇т̇ияо уяяаанз жарамаанаа д̇ам̣ д̣̇исваа ‘‘зт̇а, аяяааяо, зд̇асмим̣ ругкамуулз баб̣б̣аж̇ид̇о нисинно, яаава рааж̇аа на баб̣уж̇жхад̇и, д̇аавасса санд̇игз гин̃жи сун̣амаанаа нисийд̣̇иссаамаа’’д̇и г̇анд̇ваа ванд̣̇ид̇ваа бариваарзд̇ваа нисиннаа ‘‘амхаагам̣ гат̇зд̇аб̣б̣аяуд̇д̇агам̣ гин̃жи гат̇зт̇аа’’д̇и вад̣̇им̣су. б̣од̇хисад̇д̇о д̇аасам̣ д̇хаммам̣ гат̇зси. ат̇а саа ид̇т̇ий ан̇гам̣ жаалзд̇ваа рааж̇аанам̣ баб̣од̇хзси. рааж̇аа баб̣уд̣̇д̇хо д̇аа абассанд̇о ‘‘гахам̣ г̇ад̇аа васалияо’’д̇и ааха. зд̇аа, махаарааж̇а, г̇анд̇ваа згам̣ д̇аабасам̣ бариваарзд̇ваа нисийд̣̇им̣сууд̇и. рааж̇аа губид̇о каг̇г̇ам̣ г̇ахзд̇ваа ‘‘сигкаабзссаами нам̣ гуудаж̇адила’’нд̇и взг̇зна аг̇амааси.
Athekadivasaṃ kalāburājā surāmadamatto chekanāṭakaparivuto mahantena yasena uyyānaṃ gantvā maṅgalasilāpaṭṭe sayanaṃ attharāpetvā ekissā piyamanāpāya itthiyā aṅke sayi. Gītavāditanaccesu chekā nāṭakitthiyo gītādīni payojesuṃ, sakkassa devarañño viya mahāsampatti ahosi, rājā niddaṃ okkami. Atha tā itthiyo ‘‘yassatthāya mayaṃ gītādīni payojayāma, so niddaṃ upagato, kiṃ no gītādīhī’’ti vīṇādīni tūriyāni tattha tattheva chaḍḍetvā uyyānaṃ pakkantā pupphaphalapallavādīhi palobhiyamānā uyyāne abhiramiṃsu. Tadā bodhisatto tasmiṃ uyyāne supupphitasālamūle pabbajjāsukhena vītināmento mattavaravāraṇo viya nisinno hoti. Atha tā itthiyo uyyāne caramānā taṃ disvā ‘‘etha, ayyāyo, etasmiṃ rukkhamūle pabbajito nisinno, yāva rājā na pabujjhati, tāvassa santike kiñci suṇamānā nisīdissāmā’’ti gantvā vanditvā parivāretvā nisinnā ‘‘amhākaṃ kathetabbayuttakaṃ kiñci kathethā’’ti vadiṃsu. Bodhisatto tāsaṃ dhammaṃ kathesi. Atha sā itthī aṅkaṃ cāletvā rājānaṃ pabodhesi. Rājā pabuddho tā apassanto ‘‘kahaṃ gatā vasaliyo’’ti āha. Etā, mahārāja, gantvā ekaṃ tāpasaṃ parivāretvā nisīdiṃsūti. Rājā kupito khaggaṃ gahetvā ‘‘sikkhāpessāmi naṃ kūṭajaṭila’’nti vegena agamāsi.
ат̇а д̇аа ид̇т̇ияо рааж̇аанам̣ гуд̣̇д̇хам̣ ааг̇ажчанд̇ам̣ д̣̇исваа д̇аасу валлабхад̇араа г̇анд̇ваа ран̃н̃о хад̇т̇аа асим̣ г̇ахзд̇ваа рааж̇аанам̣ вуубасамзсум̣. со ааг̇анд̇ваа б̣од̇хисад̇д̇асса санд̇игз тад̇ваа ‘‘гим̣ваад̣̇ий д̇вам̣, саман̣аа’’д̇и бужчи. ‘‘канд̇иваад̣̇ий, махаарааж̇аа’’д̇и. ‘‘гаа зсаа канд̇и наамаа’’д̇и? ‘‘аггосанд̇зсу барибхаасанд̇зсу бахаранд̇зсу агуж̇жханабхааво’’д̇и. рааж̇аа ‘‘бассиссаами д̣̇аани д̇з канд̇ияаа ад̇т̇ибхаава’’нд̇и жорагхаад̇агам̣ баггосаабзси. со ад̇д̇ано жаарид̇д̇зна парасун̃жа ган̣дагагасан̃жа аад̣̇ааяа гаасааяанивасано рад̇д̇амаалаад̇харо ааг̇анд̇ваа рааж̇аанам̣ ванд̣̇ид̇ваа ‘‘гим̣ гароми, д̣̇зваа’’д̇и ааха. имам̣ жорам̣ д̣̇удтад̇аабасам̣ г̇ахзд̇ваа аагад̣дхид̇ваа бхуумияам̣ баад̇зд̇ваа ган̣дагагасам̣ г̇ахзд̇ваа бурад̇о жа бажчад̇о жа убхосу бассзсу жаад̇и жад̇уусуби бассзсу д̣̇взбахаарасахассамасса д̣̇зхийд̇и. со д̇ат̇аа агааси . б̣од̇хисад̇д̇асса чави бхиж̇ж̇и. жаммам̣ бхиж̇ж̇и, мам̣сам̣ чиж̇ж̇и, лохид̇ам̣ баг̇гхарад̇и.
Atha tā itthiyo rājānaṃ kuddhaṃ āgacchantaṃ disvā tāsu vallabhatarā gantvā rañño hatthā asiṃ gahetvā rājānaṃ vūpasamesuṃ. So āgantvā bodhisattassa santike ṭhatvā ‘‘kiṃvādī tvaṃ, samaṇā’’ti pucchi. ‘‘Khantivādī, mahārājā’’ti. ‘‘Kā esā khanti nāmā’’ti? ‘‘Akkosantesu paribhāsantesu paharantesu akujjhanabhāvo’’ti. Rājā ‘‘passissāmi dāni te khantiyā atthibhāva’’nti coraghātakaṃ pakkosāpesi. So attano cārittena pharasuñca kaṇṭakakasañca ādāya kāsāyanivasano rattamālādharo āgantvā rājānaṃ vanditvā ‘‘kiṃ karomi, devā’’ti āha. Imaṃ coraṃ duṭṭhatāpasaṃ gahetvā ākaḍḍhitvā bhūmiyaṃ pātetvā kaṇṭakakasaṃ gahetvā purato ca pacchato ca ubhosu passesu cāti catūsupi passesu dvepahārasahassamassa dehīti. So tathā akāsi . Bodhisattassa chavi bhijji. Cammaṃ bhijji, maṃsaṃ chijji, lohitaṃ paggharati.
буна рааж̇аа ‘‘гим̣ваад̣̇ий д̇вам̣ бхигкуу’’д̇и ааха. ‘‘канд̇иваад̣̇ий, махаарааж̇а’’. ‘‘д̇вам̣ бана маяхам̣ жамманд̇арз канд̇ий’’д̇и ман̃н̃аси, над̇т̇и маяхам̣ жамманд̇арз канд̇и, д̇аяаа бана д̣̇адтум̣ асаггун̣зяяз хад̣̇аяаб̣бханд̇арз мама канд̇и бад̇идтид̇аа. ‘‘махаарааж̇аа’’д̇и. буна жорагхаад̇аго ‘‘гим̣ гаромий’’д̇и бужчи. ‘‘имасса гуудаж̇адиласса убхо хад̇т̇з чинд̣̇аа’’д̇и. со парасум̣ г̇ахзд̇ваа г̇ан̣д̣ияам̣ табзд̇ваа хад̇т̇з чинд̣̇и. ат̇а нам̣ ‘‘баад̣̇з чинд̣̇аа’’д̇и ааха, баад̣̇зби чинд̣̇и. хад̇т̇абаад̣̇агодийхи гхадачид̣̇д̣̇зхи лаакаарасо вияа лохид̇ам̣ баг̇гхарад̇и. буна рааж̇аа ‘‘гим̣ваад̣̇ийсий’’д̇и бужчи. ‘‘канд̇иваад̣̇ий, махаарааж̇а’’. ‘‘д̇вам̣ бана маяхам̣ хад̇т̇абаад̣̇агодийсу ‘канд̇и ад̇т̇ий’д̇и ман̃н̃аси, над̇т̇зсаа зд̇т̇а, маяхам̣ канд̇и г̇амбхийрадтаанз бад̇идтид̇аа’’д̇и. со ‘‘ган̣н̣анаасамасса чинд̣̇аа’’д̇и ааха. ид̇аро ган̣н̣анаасам̣ чинд̣̇и, сагаласарийрз лохид̇ам̣ ахоси. буна нам̣ ‘‘гим̣ваад̣̇ий наама д̇ва’’нд̇и бужчи. ‘‘махаарааж̇а, канд̇иваад̣̇ий наама’’. ‘‘маа ко бана д̇вам̣ ‘ган̣н̣анаасигагодийсу бад̇идтид̇аа канд̇ий’д̇и ман̃н̃аси, мама канд̇и г̇амбхийрз хад̣̇аяаб̣бханд̇арз бад̇идтид̇аа’’д̇и. рааж̇аа ‘‘гуудаж̇адила д̇ава канд̇им̣ д̇вамзва угкибид̇ваа нисийд̣̇аа’’д̇и б̣од̇хисад̇д̇асса хад̣̇аяам̣ баад̣̇зна бахарид̇ваа баггаами.
Puna rājā ‘‘kiṃvādī tvaṃ bhikkhū’’ti āha. ‘‘Khantivādī, mahārāja’’. ‘‘Tvaṃ pana mayhaṃ cammantare khantī’’ti maññasi, natthi mayhaṃ cammantare khanti, tayā pana daṭṭhuṃ asakkuṇeyye hadayabbhantare mama khanti patiṭṭhitā. ‘‘Mahārājā’’ti. Puna coraghātako ‘‘kiṃ karomī’’ti pucchi. ‘‘Imassa kūṭajaṭilassa ubho hatthe chindā’’ti. So pharasuṃ gahetvā gaṇḍiyaṃ ṭhapetvā hatthe chindi. Atha naṃ ‘‘pāde chindā’’ti āha, pādepi chindi. Hatthapādakoṭīhi ghaṭachiddehi lākhāraso viya lohitaṃ paggharati. Puna rājā ‘‘kiṃvādīsī’’ti pucchi. ‘‘Khantivādī, mahārāja’’. ‘‘Tvaṃ pana mayhaṃ hatthapādakoṭīsu ‘khanti atthī’ti maññasi, natthesā ettha, mayhaṃ khanti gambhīraṭṭhāne patiṭṭhitā’’ti. So ‘‘kaṇṇanāsamassa chindā’’ti āha. Itaro kaṇṇanāsaṃ chindi, sakalasarīre lohitaṃ ahosi. Puna naṃ ‘‘kiṃvādī nāma tva’’nti pucchi. ‘‘Mahārāja, khantivādī nāma’’. ‘‘Mā kho pana tvaṃ ‘kaṇṇanāsikakoṭīsu patiṭṭhitā khantī’ti maññasi, mama khanti gambhīre hadayabbhantare patiṭṭhitā’’ti. Rājā ‘‘kūṭajaṭila tava khantiṃ tvameva ukkhipitvā nisīdā’’ti bodhisattassa hadayaṃ pādena paharitvā pakkāmi.
д̇асмим̣ г̇ад̇з сзнаабад̇и б̣од̇хисад̇д̇асса сарийрад̇о лохид̇ам̣ бун̃чид̇ваа хад̇т̇абаад̣̇аган̣н̣анаасагодияо саадагаган̣н̣з гад̇ваа б̣од̇хисад̇д̇ам̣ сан̣игам̣ нисийд̣̇аабзд̇ваа ванд̣̇ид̇ваа згаманд̇ам̣ нисийд̣̇ид̇ваа ‘‘сажз, бханд̇з, д̇умхз гуж̇жхид̇угаамаа, д̇умхзсу гад̇аабараад̇хасса ран̃н̃ова гуж̇жхзяяаат̇а, маа ан̃н̃зса’’нд̇и яаажанд̇о батамам̣ г̇аат̇амааха –
Tasmiṃ gate senāpati bodhisattassa sarīrato lohitaṃ puñchitvā hatthapādakaṇṇanāsakoṭiyo sāṭakakaṇṇe katvā bodhisattaṃ saṇikaṃ nisīdāpetvā vanditvā ekamantaṃ nisīditvā ‘‘sace, bhante, tumhe kujjhitukāmā, tumhesu katāparādhassa raññova kujjheyyātha, mā aññesa’’nti yācanto paṭhamaṃ gāthamāha –
49.
49.
‘‘яо д̇з хад̇т̇з жа баад̣̇з жа, ган̣н̣анаасан̃жа чзд̣̇аяи;
‘‘Yo te hatthe ca pāde ca, kaṇṇanāsañca chedayi;
д̇асса гуж̇жха махаавийра, маа радтам̣ винасаа ид̣̇а’’нд̇и.
Tassa kujjha mahāvīra, mā raṭṭhaṃ vinasā ida’’nti.
д̇ад̇т̇а махаавийраад̇и махаавийрияа. маа радтам̣ винасаа ид̣̇анд̇и ид̣̇ам̣ нирабараад̇хам̣ гаасирадтам̣ маа винаасзхи.
Tattha mahāvīrāti mahāvīriya. Mā raṭṭhaṃ vinasā idanti idaṃ niraparādhaṃ kāsiraṭṭhaṃ mā vināsehi.
д̇ам̣ суд̇ваа б̣од̇хисад̇д̇о д̣̇уд̇ияам̣ г̇аат̇амааха –
Taṃ sutvā bodhisatto dutiyaṃ gāthamāha –
50.
50.
‘‘яо мз хад̇т̇з жа баад̣̇з жа, ган̣н̣анаасан̃жа чзд̣̇аяи;
‘‘Yo me hatthe ca pāde ca, kaṇṇanāsañca chedayi;
жирам̣ ж̇ийвад̇у со рааж̇аа, на хи гуж̇жханд̇и маад̣̇исаа’’д̇и.
Ciraṃ jīvatu so rājā, na hi kujjhanti mādisā’’ti.
д̇ад̇т̇а маад̣̇исаад̇и мама сад̣̇исаа канд̇иб̣алзна саманнааг̇ад̇аа бан̣д̣ид̇аа ‘‘аяам̣ мам̣ аггоси барибхааси бахари, чинд̣̇и бхинд̣̇ий’’д̇и д̇ам̣ на гуж̇жханд̇и.
Tattha mādisāti mama sadisā khantibalena samannāgatā paṇḍitā ‘‘ayaṃ maṃ akkosi paribhāsi pahari, chindi bhindī’’ti taṃ na kujjhanti.
ран̃н̃о уяяаанаа нигкаманд̇асса б̣од̇хисад̇д̇асса жагкубат̇ам̣ виж̇аханагаалзязва аяам̣ жад̇унахуд̇аад̇хигаа д̣̇вияож̇анасад̇асахассаб̣ахалаа махаабат̇авий калиб̣ад̣̇д̇хасаадаго вияа палид̇аа, авийжид̇о ж̇аалаа нигкамид̇ваа рааж̇аанам̣ гулад̣̇ад̇д̇иязна рад̇д̇агамб̣алзна баарубанд̇ий вияа г̇ан̣хи. со уяяаанад̣̇ваарзязва бат̇авим̣ бависид̇ваа авийжимахаанираяз бад̇идтахи. б̣од̇хисад̇д̇оби д̇ам̣ д̣̇ивасамзва гааламагааси. рааж̇абарисаа жа нааг̇араа жа г̇анд̇хамаалаад̇хуумахад̇т̇аа ааг̇анд̇ваа б̣од̇хисад̇д̇асса сарийрагижжам̣ агам̣су. гзжи банааху ‘‘б̣од̇хисад̇д̇о буна химаванд̇амзва г̇ад̇о’’д̇и, д̇ам̣ абхууд̇ам̣.
Rañño uyyānā nikkhamantassa bodhisattassa cakkhupathaṃ vijahanakāleyeva ayaṃ catunahutādhikā dviyojanasatasahassabahalā mahāpathavī khalibaddhasāṭako viya phalitā, avīcito jālā nikkhamitvā rājānaṃ kuladattiyena rattakambalena pārupantī viya gaṇhi. So uyyānadvāreyeva pathaviṃ pavisitvā avīcimahāniraye patiṭṭhahi. Bodhisattopi taṃ divasameva kālamakāsi. Rājaparisā ca nāgarā ca gandhamālādhūmahatthā āgantvā bodhisattassa sarīrakiccaṃ akaṃsu. Keci panāhu ‘‘bodhisatto puna himavantameva gato’’ti, taṃ abhūtaṃ.
51.
51.
‘‘ахуу ад̇ийд̇амад̣̇д̇хаанам̣, саман̣о канд̇ид̣̇ийбано;
‘‘Ahū atītamaddhānaṃ, samaṇo khantidīpano;
д̇ам̣ канд̇ияааязва тид̇ам̣, гаасирааж̇аа ачзд̣̇аяи.
Taṃ khantiyāyeva ṭhitaṃ, kāsirājā achedayi.
52.
52.
‘‘д̇асса гаммапарусасса, вибааго гадуго аху;
‘‘Tassa kammapharusassa, vipāko kaṭuko ahu;
яам̣ гаасирааж̇аа взд̣̇зси, нираяамхи самаббид̇о’’д̇и. –
Yaṃ kāsirājā vedesi, nirayamhi samappito’’ti. –
имаа д̣̇вз абхисамб̣уд̣̇д̇хаг̇аат̇аа.
Imā dve abhisambuddhagāthā.
д̇ад̇т̇а ад̇ийд̇амад̣̇д̇хаананд̇и ад̇ийд̇з ад̣̇д̇хаанз. канд̇ид̣̇ийбанод̇и ад̇хиваасанаканд̇исам̣ван̣н̣ано. ачзд̣̇аяийд̇и маараабзси. згажжз бана ‘‘б̣од̇хисад̇д̇асса буна хад̇т̇абаад̣̇аган̣н̣анаасаа гхадид̇аа’’д̇и вад̣̇анд̇и, д̇амби абхууд̇амзва. самаббид̇од̇и бад̇идтид̇о.
Tattha atītamaddhānanti atīte addhāne. Khantidīpanoti adhivāsanakhantisaṃvaṇṇano. Achedayīti mārāpesi. Ekacce pana ‘‘bodhisattassa puna hatthapādakaṇṇanāsā ghaṭitā’’ti vadanti, tampi abhūtameva. Samappitoti patiṭṭhito.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз год̇хано бхигку анааг̇аамипалз бад̇идтахи, ан̃н̃з б̣ахуу сод̇аабад̇д̇ипалаад̣̇ийни баабун̣им̣су.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne kodhano bhikkhu anāgāmiphale patiṭṭhahi, aññe bahū sotāpattiphalādīni pāpuṇiṃsu.
д̇ад̣̇аа галааб̣урааж̇аа д̣̇звад̣̇ад̇д̇о ахоси, сзнаабад̇и саарибуд̇д̇о, канд̇иваад̣̇ий д̇аабасо бана ахамзва ахосинд̇и.
Tadā kalāburājā devadatto ahosi, senāpati sāriputto, khantivādī tāpaso pana ahameva ahosinti.
канд̇иваад̣̇ийж̇аад̇агаван̣н̣анаа д̇ад̇ияаа.
Khantivādījātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 313. канд̇ийваад̣̇ийж̇аад̇агам̣ • 313. Khantīvādījātakaṃ
