| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೪. ಖತ್ತಿಯಸುತ್ತವಣ್ಣನಾ
4. Khattiyasuttavaṇṇanā
೧೪. ಖೇತ್ತತೋ ವಿವಾದಾ ಸತ್ತೇ ತಾಯತೀತಿ ಖತ್ತಿಯೋ। ವದತಿ ದೇವತಾ ಅತ್ತನೋ ಅಜ್ಝಾಸಯವಸೇನ। ದ್ವಿಪದಾದೀನನ್ತಿ ಆದಿ-ಸದ್ದೇನ ಚತುಪ್ಪದಭರಿಯಪುತ್ತಾ ಗಹಿತಾ। ಬುದ್ಧಾದಯೋತಿ ಆದಿ-ಸದ್ದೇನ ಆಜಾನೀಯಸುಸ್ಸೂಸಭರಿಯಸ್ಸವಪುತ್ತಾ। ದ್ವಿಪದಾನಂ ಸೇಟ್ಠೋತಿ ಏತ್ಥ ದ್ವಿಪದಾನಂ ಏವ ಸೇಟ್ಠೋತಿ ನಾಯಂ ನಿಯಮೋ ಇಚ್ಛಿತೋ, ಸೇಟ್ಠೋ ಏವಾತಿ ಪನ ಇಚ್ಛಿತೋ, ತಸ್ಮಾ ಸಮ್ಬುದ್ಧೋ ದ್ವಿಪದೇಸು ಅಞ್ಞೇಸು ತತ್ಥ ಚ ಉಪ್ಪಜ್ಜನತೋ ಸೇಟ್ಠೋ ಏವ ಸಬ್ಬೇಸಮ್ಪಿ ಉತ್ತರಿತರಸ್ಸ ಅಭಾವತೋತಿ ಅಯಮೇತ್ಥ ಅತ್ಥೋ। ತೇನಾಹ ‘‘ಉಪ್ಪಜ್ಜಮಾನೋ ಪನೇಸಾ’’ತಿಆದಿ। ಕಾರಣಾಕಾರಣಂ ಆಜಾನಾತೀತಿ ಆಜಾನೀಯೋ। ಗಣ್ಹಾಪೇಥಾತಿ ಯಥಾ ಉದಕೋ ನ ತೇಮಿಸ್ಸತಿ, ಏವಂ ವಾಳಂ ಗಣ್ಹಾಪೇಥ। ‘‘ಅಸುಸ್ಸೂಸಾ’’ತಿ ಕೇಚಿ ಪಠನ್ತಿ। ಆಸುಣಮಾನೋತಿ ಸಪ್ಪಟಿಸ್ಸವೋ ಹುತ್ವಾ ವಚನಸಮ್ಪಟಿಚ್ಛಕೋ।
14. Khettato vivādā satte tāyatīti khattiyo. Vadati devatā attano ajjhāsayavasena. Dvipadādīnanti ādi-saddena catuppadabhariyaputtā gahitā. Buddhādayoti ādi-saddena ājānīyasussūsabhariyassavaputtā. Dvipadānaṃ seṭṭhoti ettha dvipadānaṃ eva seṭṭhoti nāyaṃ niyamo icchito, seṭṭho evāti pana icchito, tasmā sambuddho dvipadesu aññesu tattha ca uppajjanato seṭṭho eva sabbesampi uttaritarassa abhāvatoti ayamettha attho. Tenāha ‘‘uppajjamāno panesā’’tiādi. Kāraṇākāraṇaṃ ājānātīti ājānīyo. Gaṇhāpethāti yathā udako na temissati, evaṃ vāḷaṃ gaṇhāpetha. ‘‘Asussūsā’’ti keci paṭhanti. Āsuṇamānoti sappaṭissavo hutvā vacanasampaṭicchako.
ಖತ್ತಿಯಸುತ್ತವಣ್ಣನಾ ನಿಟ್ಠಿತಾ।
Khattiyasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೪. ಖತ್ತಿಯಸುತ್ತಂ • 4. Khattiyasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೪. ಖತ್ತಿಯಸುತ್ತವಣ್ಣನಾ • 4. Khattiyasuttavaṇṇanā
