| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. кзмагасуд̇д̇ам̣
7. Khemakasuttaṃ
89. згам̣ самаяам̣ самб̣ахулаа т̇зраа бхигкуу госамб̣ияам̣ вихаранд̇и гхосид̇аараамз. д̇зна ко бана самаязна ааяасмаа кзмаго б̣ад̣̇аригаараамз вихарад̇и ааб̣аад̇хиго д̣̇угкид̇о б̣аал̣хаг̇илаано. ат̇а ко т̇зраа бхигкуу сааяанхасамаяам̣ бадисаллаанаа вудтид̇аа ааяасманд̇ам̣ д̣̇аасагам̣ ааманд̇зсум̣ – ‘‘зхи д̇вам̣, аавусо д̣̇аасага, язна кзмаго бхигку д̇знубасан̇гама; убасан̇гамид̇ваа кзмагам̣ бхигкум̣ звам̣ вад̣̇зхи – ‘т̇зраа д̇ам̣, аавусо кзмага, звамаахам̣су – гажжи д̇з, аавусо, каманийяам̣, гажжи яаабанийяам̣, гажжи д̣̇угкаа взд̣̇анаа бадиггаманд̇и но абхиггаманд̇и, бадиггамосаанам̣ бан̃н̃ааяад̇и но абхиггамо’’’д̇и? ‘‘звамаавусо’’д̇и ко ааяасмаа д̣̇аасаго т̇зраанам̣ бхигкуунам̣ бадиссуд̇ваа язнааяасмаа кзмаго д̇знубасан̇гами; убасан̇гамид̇ваа ааяасманд̇ам̣ кзмагам̣ зд̇ад̣̇авожа – ‘‘т̇зраа д̇ам̣, аавусо кзмага, звамаахам̣су – ‘гажжи д̇з, аавусо, каманийяам̣…бз… но абхиггамо’’’д̇и? ‘‘на мз, аавусо, каманийяам̣ на яаабанийяам̣…бз… абхиггамосаанам̣ бан̃н̃ааяад̇и но бадиггамо’’д̇и.
89. Ekaṃ samayaṃ sambahulā therā bhikkhū kosambiyaṃ viharanti ghositārāme. Tena kho pana samayena āyasmā khemako badarikārāme viharati ābādhiko dukkhito bāḷhagilāno. Atha kho therā bhikkhū sāyanhasamayaṃ paṭisallānā vuṭṭhitā āyasmantaṃ dāsakaṃ āmantesuṃ – ‘‘ehi tvaṃ, āvuso dāsaka, yena khemako bhikkhu tenupasaṅkama; upasaṅkamitvā khemakaṃ bhikkhuṃ evaṃ vadehi – ‘therā taṃ, āvuso khemaka, evamāhaṃsu – kacci te, āvuso, khamanīyaṃ, kacci yāpanīyaṃ, kacci dukkhā vedanā paṭikkamanti no abhikkamanti, paṭikkamosānaṃ paññāyati no abhikkamo’’’ti? ‘‘Evamāvuso’’ti kho āyasmā dāsako therānaṃ bhikkhūnaṃ paṭissutvā yenāyasmā khemako tenupasaṅkami; upasaṅkamitvā āyasmantaṃ khemakaṃ etadavoca – ‘‘therā taṃ, āvuso khemaka, evamāhaṃsu – ‘kacci te, āvuso, khamanīyaṃ…pe… no abhikkamo’’’ti? ‘‘Na me, āvuso, khamanīyaṃ na yāpanīyaṃ…pe… abhikkamosānaṃ paññāyati no paṭikkamo’’ti.
ат̇а ко ааяасмаа д̣̇аасаго язна т̇зраа бхигкуу д̇знубасан̇гами; убасан̇гамид̇ваа т̇зрз бхигкуу зд̇ад̣̇авожа – ‘‘кзмаго, аавусо, бхигку звамааха – ‘на мз, аавусо, каманийяам̣…бз… абхиггамосаанам̣ бан̃н̃ааяад̇и но бадиггамо’’’д̇и. ‘‘зхи д̇вам̣, аавусо д̣̇аасага, язна кзмаго бхигку д̇знубасан̇гама; убасан̇гамид̇ваа кзмагам̣ бхигкум̣ звам̣ вад̣̇зхи – ‘т̇зраа д̇ам̣, аавусо кзмага, звамаахам̣су – бан̃жимз, аавусо, убаад̣̇аанагканд̇хаа вуд̇д̇аа бхаг̇авад̇аа, сзяяат̇ид̣̇ам̣ – руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо . имзсу ааяасмаа кзмаго бан̃жасу убаад̣̇аанагканд̇хзсу гин̃жи ад̇д̇ам̣ ваа ад̇д̇анияам̣ ваа саманубассад̇ий’’’д̇и?
Atha kho āyasmā dāsako yena therā bhikkhū tenupasaṅkami; upasaṅkamitvā there bhikkhū etadavoca – ‘‘khemako, āvuso, bhikkhu evamāha – ‘na me, āvuso, khamanīyaṃ…pe… abhikkamosānaṃ paññāyati no paṭikkamo’’’ti. ‘‘Ehi tvaṃ, āvuso dāsaka, yena khemako bhikkhu tenupasaṅkama; upasaṅkamitvā khemakaṃ bhikkhuṃ evaṃ vadehi – ‘therā taṃ, āvuso khemaka, evamāhaṃsu – pañcime, āvuso, upādānakkhandhā vuttā bhagavatā, seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho . Imesu āyasmā khemako pañcasu upādānakkhandhesu kiñci attaṃ vā attaniyaṃ vā samanupassatī’’’ti?
‘‘звамаавусо’’д̇и ко ааяасмаа д̣̇аасаго т̇зраанам̣ бхигкуунам̣ бадиссуд̇ваа язнааяасмаа кзмаго д̇знубасан̇гами; убасан̇гамид̇ваа…бз… т̇зраа д̇ам̣, аавусо кзмага, звамаахам̣су – ‘‘бан̃жимз, аавусо, убаад̣̇аанагканд̇хаа вуд̇д̇аа бхаг̇авад̇аа, сзяяат̇ид̣̇ам̣ – руубубаад̣̇аанагканд̇хо…бз… вин̃н̃аан̣убаад̣̇аанагканд̇хо. имзсу ааяасмаа кзмаго бан̃жасу убаад̣̇аанагканд̇хзсу гин̃жи ад̇д̇ам̣ ваа ад̇д̇анияам̣ ваа саманубассад̇ий’’д̇и? ‘‘бан̃жимз , аавусо, убаад̣̇аанагканд̇хаа вуд̇д̇аа бхаг̇авад̇аа, сзяяат̇ид̣̇ам̣ – руубубаад̣̇аанагканд̇хо…бз… вин̃н̃аан̣убаад̣̇аанагканд̇хо. имзсу кваахам̣, аавусо, бан̃жасу убаад̣̇аанагканд̇хзсу на гин̃жи ад̇д̇ам̣ ваа ад̇д̇анияам̣ ваа саманубассаамий’’д̇и.
‘‘Evamāvuso’’ti kho āyasmā dāsako therānaṃ bhikkhūnaṃ paṭissutvā yenāyasmā khemako tenupasaṅkami; upasaṅkamitvā…pe… therā taṃ, āvuso khemaka, evamāhaṃsu – ‘‘pañcime, āvuso, upādānakkhandhā vuttā bhagavatā, seyyathidaṃ – rūpupādānakkhandho…pe… viññāṇupādānakkhandho. Imesu āyasmā khemako pañcasu upādānakkhandhesu kiñci attaṃ vā attaniyaṃ vā samanupassatī’’ti? ‘‘Pañcime , āvuso, upādānakkhandhā vuttā bhagavatā, seyyathidaṃ – rūpupādānakkhandho…pe… viññāṇupādānakkhandho. Imesu khvāhaṃ, āvuso, pañcasu upādānakkhandhesu na kiñci attaṃ vā attaniyaṃ vā samanupassāmī’’ti.
ат̇а ко ааяасмаа д̣̇аасаго язна т̇зраа бхигкуу д̇знубасан̇гами; убасан̇гамид̇ваа т̇зрз бхигкуу зд̇ад̣̇авожа – ‘‘кзмаго, аавусо, бхигку звамааха – ‘бан̃жимз, аавусо, убаад̣̇аанагканд̇хаа вуд̇д̇аа бхаг̇авад̇аа, сзяяат̇ид̣̇ам̣ – руубубаад̣̇аанагканд̇хо…бз… вин̃н̃аан̣убаад̣̇аанагканд̇хо. имзсу кваахам̣, аавусо, бан̃жасу убаад̣̇аанагканд̇хзсу на гин̃жи ад̇д̇ам̣ ваа ад̇д̇анияам̣ ваа саманубассаамий’’’д̇и. ‘‘зхи д̇вам̣, аавусо д̣̇аасага, язна кзмаго бхигку д̇знубасан̇гама; убасан̇гамид̇ваа кзмагам̣ бхигкум̣ звам̣ вад̣̇зхи – ‘т̇зраа д̇ам̣, аавусо кзмага, звамаахам̣су – бан̃жимз, аавусо, убаад̣̇аанагканд̇хаа вуд̇д̇аа бхаг̇авад̇аа, сзяяат̇ид̣̇ам̣ – руубубаад̣̇аанагканд̇хо…бз… вин̃н̃аан̣убаад̣̇аанагканд̇хо. но жз гирааяасмаа кзмаго имзсу бан̃жасу убаад̣̇аанагканд̇хзсу гин̃жи ад̇д̇ам̣ ваа ад̇д̇анияам̣ ваа саманубассад̇и. д̇знахааяасмаа кзмаго арахам̣ кийн̣аасаво’’’д̇и.
Atha kho āyasmā dāsako yena therā bhikkhū tenupasaṅkami; upasaṅkamitvā there bhikkhū etadavoca – ‘‘khemako, āvuso, bhikkhu evamāha – ‘pañcime, āvuso, upādānakkhandhā vuttā bhagavatā, seyyathidaṃ – rūpupādānakkhandho…pe… viññāṇupādānakkhandho. Imesu khvāhaṃ, āvuso, pañcasu upādānakkhandhesu na kiñci attaṃ vā attaniyaṃ vā samanupassāmī’’’ti. ‘‘Ehi tvaṃ, āvuso dāsaka, yena khemako bhikkhu tenupasaṅkama; upasaṅkamitvā khemakaṃ bhikkhuṃ evaṃ vadehi – ‘therā taṃ, āvuso khemaka, evamāhaṃsu – pañcime, āvuso, upādānakkhandhā vuttā bhagavatā, seyyathidaṃ – rūpupādānakkhandho…pe… viññāṇupādānakkhandho. No ce kirāyasmā khemako imesu pañcasu upādānakkhandhesu kiñci attaṃ vā attaniyaṃ vā samanupassati. Tenahāyasmā khemako arahaṃ khīṇāsavo’’’ti.
‘‘звамаавусо’’д̇и ко ааяасмаа д̣̇аасаго т̇зраанам̣ бхигкуунам̣ бадиссуд̇ваа язнааяасмаа кзмаго…бз… т̇зраа д̇ам̣, аавусо кзмага, звамаахам̣су – ‘‘бан̃жимз, аавусо, убаад̣̇аанагканд̇хаа вуд̇д̇аа бхаг̇авад̇аа, сзяяат̇ид̣̇ам̣ – руубубаад̣̇аанагканд̇хо…бз… вин̃н̃аан̣убаад̣̇аанагканд̇хо; но жз гирааяасмаа кзмаго имзсу бан̃жасу убаад̣̇аанагканд̇хзсу гин̃жи ад̇д̇ам̣ ваа ад̇д̇анияам̣ ваа саманубассад̇и, д̇знахааяасмаа кзмаго арахам̣ кийн̣аасаво’’д̇и. ‘‘бан̃жимз, аавусо, убаад̣̇аанагканд̇хаа вуд̇д̇аа бхаг̇авад̇аа, сзяяат̇ид̣̇ам̣ – руубубаад̣̇аанагканд̇хо…бз… вин̃н̃аан̣убаад̣̇аанагканд̇хо. имзсу кваахам̣, аавусо, бан̃жасу убаад̣̇аанагканд̇хзсу на гин̃жи ад̇д̇ам̣ ваа ад̇д̇анияам̣ ваа саманубассаами , на жамхи арахам̣ кийн̣аасаво; аби жа мз, аавусо, бан̃жасу убаад̣̇аанагканд̇хзсу ‘асмий’д̇и ад̇хиг̇ад̇ам̣, ‘аяамахамасмий’д̇и на жа саманубассаамий’’д̇и.
‘‘Evamāvuso’’ti kho āyasmā dāsako therānaṃ bhikkhūnaṃ paṭissutvā yenāyasmā khemako…pe… therā taṃ, āvuso khemaka, evamāhaṃsu – ‘‘pañcime, āvuso, upādānakkhandhā vuttā bhagavatā, seyyathidaṃ – rūpupādānakkhandho…pe… viññāṇupādānakkhandho; no ce kirāyasmā khemako imesu pañcasu upādānakkhandhesu kiñci attaṃ vā attaniyaṃ vā samanupassati, tenahāyasmā khemako arahaṃ khīṇāsavo’’ti. ‘‘Pañcime, āvuso, upādānakkhandhā vuttā bhagavatā, seyyathidaṃ – rūpupādānakkhandho…pe… viññāṇupādānakkhandho. Imesu khvāhaṃ, āvuso, pañcasu upādānakkhandhesu na kiñci attaṃ vā attaniyaṃ vā samanupassāmi , na camhi arahaṃ khīṇāsavo; api ca me, āvuso, pañcasu upādānakkhandhesu ‘asmī’ti adhigataṃ, ‘ayamahamasmī’ti na ca samanupassāmī’’ti.
ат̇а ко ааяасмаа д̣̇аасаго язна т̇зраа бхигкуу…бз… т̇зрз бхигкуу зд̇ад̣̇авожа – ‘‘кзмаго, аавусо, бхигку звамааха – бан̃жимз, аавусо, убаад̣̇аанагканд̇хаа вуд̇д̇аа бхаг̇авад̇аа, сзяяат̇ид̣̇ам̣ – руубубаад̣̇аанагканд̇хо…бз… вин̃н̃аан̣убаад̣̇аанагканд̇хо. имзсу кваахам̣, аавусо, бан̃жасу убаад̣̇аанагканд̇хзсу на гин̃жи ад̇д̇ам̣ ваа ад̇д̇анияам̣ ваа саманубассаами, на жамхи арахам̣ кийн̣аасаво; аби жа мз , аавусо, бан̃жасу убаад̣̇аанагканд̇хзсу ‘асмий’д̇и ад̇хиг̇ад̇ам̣, ‘аяамахамасмий’д̇и на жа саманубассаамий’’д̇и.
Atha kho āyasmā dāsako yena therā bhikkhū…pe… there bhikkhū etadavoca – ‘‘khemako, āvuso, bhikkhu evamāha – pañcime, āvuso, upādānakkhandhā vuttā bhagavatā, seyyathidaṃ – rūpupādānakkhandho…pe… viññāṇupādānakkhandho. Imesu khvāhaṃ, āvuso, pañcasu upādānakkhandhesu na kiñci attaṃ vā attaniyaṃ vā samanupassāmi, na camhi arahaṃ khīṇāsavo; api ca me , āvuso, pañcasu upādānakkhandhesu ‘asmī’ti adhigataṃ, ‘ayamahamasmī’ti na ca samanupassāmī’’ti.
‘‘зхи д̇вам̣, аавусо д̣̇аасага, язна кзмаго бхигку д̇знубасан̇гама; убасан̇гамид̇ваа кзмагам̣ бхигкум̣ звам̣ вад̣̇зхи – ‘т̇зраа д̇ам̣, аавусо кзмага, звамаахам̣су – яамзд̇ам̣, аавусо кзмага, асмийд̇и вад̣̇зси, гимзд̇ам̣ асмийд̇и вад̣̇зси? руубам̣ асмийд̇и вад̣̇зси, ан̃н̃ад̇ра руубаа асмийд̇и вад̣̇зси, взд̣̇анам̣… сан̃н̃ам̣… сан̇каарз… вин̃н̃аан̣ам̣ асмийд̇и вад̣̇зси, ан̃н̃ад̇ра вин̃н̃аан̣аа асмийд̇и вад̣̇зси. яамзд̇ам̣, аавусо кзмага, асмийд̇и вад̣̇зси. гимзд̇ам̣ асмийд̇и вад̣̇зсий’’’д̇и?
‘‘Ehi tvaṃ, āvuso dāsaka, yena khemako bhikkhu tenupasaṅkama; upasaṅkamitvā khemakaṃ bhikkhuṃ evaṃ vadehi – ‘therā taṃ, āvuso khemaka, evamāhaṃsu – yametaṃ, āvuso khemaka, asmīti vadesi, kimetaṃ asmīti vadesi? Rūpaṃ asmīti vadesi, aññatra rūpā asmīti vadesi, vedanaṃ… saññaṃ… saṅkhāre… viññāṇaṃ asmīti vadesi, aññatra viññāṇā asmīti vadesi. Yametaṃ, āvuso khemaka, asmīti vadesi. Kimetaṃ asmīti vadesī’’’ti?
‘‘звамаавусо’’д̇и ко ааяасмаа д̣̇аасаго т̇зраанам̣ бхигкуунам̣ бадиссуд̇ваа язнааяасмаа кзмаго д̇знубасан̇гами; убасан̇гамид̇ваа ааяасманд̇ам̣ кзмагам̣ зд̇ад̣̇авожа – т̇зраа д̇ам̣, аавусо кзмага, звамаахам̣су – ‘‘яамзд̇ам̣, аавусо кзмага, ‘асмий’д̇и вад̣̇зси, гимзд̇ам̣ ‘асмий’д̇и вад̣̇зси? руубам̣ ‘асмий’д̇и вад̣̇зси ан̃н̃ад̇ра руубаа ‘асмий’д̇и вад̣̇зси? взд̣̇анам̣… сан̃н̃ам̣… сан̇каарз… вин̃н̃аан̣ам̣ ‘асмий’д̇и вад̣̇зси ан̃н̃ад̇ра вин̃н̃аан̣аа ‘асмий’д̇и вад̣̇зси? яамзд̇ам̣, аавусо кзмага, ‘асмий’д̇и вад̣̇зси, гимзд̇ам̣ ‘асмий’д̇и вад̣̇зси’’д̇и? ‘‘алам̣, аавусо д̣̇аасага, гим̣ имааяа санд̇хааванигааяа! аахараавусо, д̣̇ан̣д̣ам̣; ахамзва язна т̇зраа бхигкуу д̇знубасан̇гамиссаамий’’д̇и.
‘‘Evamāvuso’’ti kho āyasmā dāsako therānaṃ bhikkhūnaṃ paṭissutvā yenāyasmā khemako tenupasaṅkami; upasaṅkamitvā āyasmantaṃ khemakaṃ etadavoca – therā taṃ, āvuso khemaka, evamāhaṃsu – ‘‘yametaṃ, āvuso khemaka, ‘asmī’ti vadesi, kimetaṃ ‘asmī’ti vadesi? Rūpaṃ ‘asmī’ti vadesi aññatra rūpā ‘asmī’ti vadesi? Vedanaṃ… saññaṃ… saṅkhāre… viññāṇaṃ ‘asmī’ti vadesi aññatra viññāṇā ‘asmī’ti vadesi? Yametaṃ, āvuso khemaka, ‘asmī’ti vadesi, kimetaṃ ‘asmī’ti vadesi’’ti? ‘‘Alaṃ, āvuso dāsaka, kiṃ imāya sandhāvanikāya! Āharāvuso, daṇḍaṃ; ahameva yena therā bhikkhū tenupasaṅkamissāmī’’ti.
ат̇а ко ааяасмаа кзмаго д̣̇ан̣д̣амолуб̣бха язна т̇зраа бхигкуу д̇знубасан̇гами; убасан̇гамид̇ваа т̇зрзхи бхигкуухи сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ кзмагам̣ т̇зраа бхигкуу зд̇ад̣̇авожум̣ – ‘‘яамзд̇ам̣, аавусо кзмага, ‘асмий’д̇и вад̣̇зси, гимзд̇ам̣ ‘асмий’д̇и вад̣̇зси? руубам̣ ‘асмий’д̇и вад̣̇зси, ан̃н̃ад̇ра руубаа ‘асмий’д̇и вад̣̇зси? взд̣̇анам̣… сан̃н̃ам̣… сан̇каарз… вин̃н̃аан̣ам̣ ‘асмий’д̇и вад̣̇зси, ан̃н̃ад̇ра вин̃н̃аан̣аа ‘асмий’д̇и вад̣̇зси? яамзд̇ам̣, аавусо кзмага, ‘асмий’д̇и вад̣̇зси, гимзд̇ам̣ ‘асмий’д̇и вад̣̇зсий’’д̇и? ‘‘на кваахам̣, аавусо, руубам̣ ‘асмий’д̇и вад̣̇аами; наби ан̃н̃ад̇ра руубаа ‘асмий’д̇и вад̣̇аами. на взд̣̇анам̣… на сан̃н̃ам̣… на сан̇каарз… на вин̃н̃аан̣ам̣ ‘асмий’д̇и вад̣̇аами; наби ан̃н̃ад̇ра вин̃н̃аан̣аа ‘асмий’д̇и вад̣̇аами. аби жа мз, аавусо, бан̃жасу убаад̣̇аанагканд̇хзсу ‘асмий’д̇и ад̇хиг̇ад̇ам̣ ‘аяамахамасмий’д̇и на жа саманубассаами’’.
Atha kho āyasmā khemako daṇḍamolubbha yena therā bhikkhū tenupasaṅkami; upasaṅkamitvā therehi bhikkhūhi saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinnaṃ kho āyasmantaṃ khemakaṃ therā bhikkhū etadavocuṃ – ‘‘yametaṃ, āvuso khemaka, ‘asmī’ti vadesi, kimetaṃ ‘asmī’ti vadesi? Rūpaṃ ‘asmī’ti vadesi, aññatra rūpā ‘asmī’ti vadesi? Vedanaṃ… saññaṃ… saṅkhāre… viññāṇaṃ ‘asmī’ti vadesi, aññatra viññāṇā ‘asmī’ti vadesi? Yametaṃ, āvuso khemaka, ‘asmī’ti vadesi, kimetaṃ ‘asmī’ti vadesī’’ti? ‘‘Na khvāhaṃ, āvuso, rūpaṃ ‘asmī’ti vadāmi; napi aññatra rūpā ‘asmī’ti vadāmi. Na vedanaṃ… na saññaṃ… na saṅkhāre… na viññāṇaṃ ‘asmī’ti vadāmi; napi aññatra viññāṇā ‘asmī’ti vadāmi. Api ca me, āvuso, pañcasu upādānakkhandhesu ‘asmī’ti adhigataṃ ‘ayamahamasmī’ti na ca samanupassāmi’’.
‘‘сзяяат̇ааби, аавусо, уббаласса ваа бад̣̇умасса ваа бун̣д̣арийгасса ваа г̇анд̇хо. яо ну ко звам̣ вад̣̇зяяа – ‘бад̇д̇асса г̇анд̇хо’д̇и ваа ‘ван̣н̣асса 1 г̇анд̇хо’д̇и ваа ‘гин̃ж̇агкасса г̇анд̇хо’д̇и ваа саммаа ну ко со вад̣̇амаано вад̣̇зяяаа’’д̇и? ‘‘но хзд̇ам̣, аавусо’’. ‘‘яат̇аа гат̇ам̣, банаавусо, саммаа б̣яаагарамаано б̣яаагарзяяаа’’д̇и? ‘‘‘бубпасса г̇анд̇хо’д̇и ко, аавусо, саммаа б̣яаагарамаано б̣яаагарзяяаа’’д̇и. ‘‘звамзва кваахам̣, аавусо, на руубам̣ ‘асмий’д̇и вад̣̇аами, наби ан̃н̃ад̇ра руубаа ‘асмий’д̇и вад̣̇аами. на взд̣̇анам̣… на сан̃н̃ам̣… на сан̇каарз… на вин̃н̃аан̣ам̣ ‘асмий’д̇и вад̣̇аами, наби ан̃н̃ад̇ра вин̃н̃аан̣аа ‘асмий’д̇и вад̣̇аами. аби жа мз, аавусо, бан̃жасу убаад̣̇аанагканд̇хзсу ‘асмий’д̇и ад̇хиг̇ад̇ам̣ ‘аяамахамасмий’д̇и на жа саманубассаами’’.
‘‘Seyyathāpi, āvuso, uppalassa vā padumassa vā puṇḍarīkassa vā gandho. Yo nu kho evaṃ vadeyya – ‘pattassa gandho’ti vā ‘vaṇṇassa 2 gandho’ti vā ‘kiñjakkhassa gandho’ti vā sammā nu kho so vadamāno vadeyyā’’ti? ‘‘No hetaṃ, āvuso’’. ‘‘Yathā kathaṃ, panāvuso, sammā byākaramāno byākareyyā’’ti? ‘‘‘Pupphassa gandho’ti kho, āvuso, sammā byākaramāno byākareyyā’’ti. ‘‘Evameva khvāhaṃ, āvuso, na rūpaṃ ‘asmī’ti vadāmi, napi aññatra rūpā ‘asmī’ti vadāmi. Na vedanaṃ… na saññaṃ… na saṅkhāre… na viññāṇaṃ ‘asmī’ti vadāmi, napi aññatra viññāṇā ‘asmī’ti vadāmi. Api ca me, āvuso, pañcasu upādānakkhandhesu ‘asmī’ti adhigataṃ ‘ayamahamasmī’ti na ca samanupassāmi’’.
‘‘гин̃жааби, аавусо, арияасаавагасса бан̃жорамбхааг̇ияаани сам̣яож̇анаани бахийнаани бхаванд̇и, ат̇а квасса ход̇и – ‘яо жа бан̃жасу убаад̣̇аанагканд̇хзсу анусахаг̇ад̇о асмийд̇и маано, асмийд̇и чанд̣̇о, асмийд̇и анусаяо асамуухад̇о. со абарзна самаязна бан̃жасу убаад̣̇аанагканд̇хзсу уд̣̇аяаб̣б̣аяаанубассий вихарад̇и – ид̇и руубам̣, ид̇и руубасса самуд̣̇аяо, ид̇и руубасса ад̇т̇ан̇г̇амо; ид̇и взд̣̇анаа… ид̇и сан̃н̃аа… ид̇и сан̇каараа… ид̇и вин̃н̃аан̣ам̣, ид̇и вин̃н̃аан̣асса самуд̣̇аяо, ид̇и вин̃н̃аан̣асса ад̇т̇ан̇г̇амо’д̇и. д̇ассимзсу бан̃жасу убаад̣̇аанагканд̇хзсу уд̣̇аяаб̣б̣аяаанубассино вихарад̇о яобисса ход̇и бан̃жасу убаад̣̇аанагканд̇хзсу анусахаг̇ад̇о ‘асмий’д̇и, маано ‘асмий’д̇и, чанд̣̇о ‘асмий’д̇и анусаяо асамуухад̇о, соби самуг̇гхаад̇ам̣ г̇ажчад̇и.
‘‘Kiñcāpi, āvuso, ariyasāvakassa pañcorambhāgiyāni saṃyojanāni pahīnāni bhavanti, atha khvassa hoti – ‘yo ca pañcasu upādānakkhandhesu anusahagato asmīti māno, asmīti chando, asmīti anusayo asamūhato. So aparena samayena pañcasu upādānakkhandhesu udayabbayānupassī viharati – iti rūpaṃ, iti rūpassa samudayo, iti rūpassa atthaṅgamo; iti vedanā… iti saññā… iti saṅkhārā… iti viññāṇaṃ, iti viññāṇassa samudayo, iti viññāṇassa atthaṅgamo’ti. Tassimesu pañcasu upādānakkhandhesu udayabbayānupassino viharato yopissa hoti pañcasu upādānakkhandhesu anusahagato ‘asmī’ti, māno ‘asmī’ti, chando ‘asmī’ti anusayo asamūhato, sopi samugghātaṃ gacchati.
‘‘сзяяат̇ааби , аавусо, вад̇т̇ам̣ сам̣гилидтам̣ малаг̇г̇ахид̇ам̣. д̇амзнам̣ саамигаа раж̇агасса анубад̣̇аж̇ж̇ум̣. д̇амзнам̣ раж̇аго уусз ваа каарз ваа г̇омаяз ваа саммад̣̇д̣̇ид̇ваа ажчз уд̣̇агз вигкаалзд̇и. гин̃жааби д̇ам̣ ход̇и вад̇т̇ам̣ барисуд̣̇д̇хам̣ барияод̣̇аад̇ам̣, ат̇а квасса ход̇и язва анусахаг̇ад̇о уусаг̇анд̇хо ваа каараг̇анд̇хо ваа г̇омаяаг̇анд̇хо ваа асамуухад̇о. д̇амзнам̣ раж̇аго саамигаанам̣ д̣̇зд̇и. д̇амзнам̣ саамигаа г̇анд̇хабарибхаавид̇з гаран̣д̣агз нигкибанд̇и. яобисса ход̇и анусахаг̇ад̇о уусаг̇анд̇хо ваа каараг̇анд̇хо ваа г̇омаяаг̇анд̇хо ваа асамуухад̇о, соби самуг̇гхаад̇ам̣ г̇ажчад̇и. звамзва ко, аавусо, гин̃жааби арияасаавагасса бан̃жорамбхааг̇ияаани сам̣яож̇анаани бахийнаани бхаванд̇и, ат̇а квасса ход̇и язва бан̃жасу убаад̣̇аанагканд̇хзсу анусахаг̇ад̇о ‘асмий’д̇и, маано ‘асмий’д̇и, чанд̣̇о ‘асмий’д̇и анусаяо асамуухад̇о. со абарзна самаязна бан̃жасу убаад̣̇аанагканд̇хзсу уд̣̇аяаб̣б̣аяаанубассий вихарад̇и. ‘ид̇и руубам̣, ид̇и руубасса самуд̣̇аяо, ид̇и руубасса ад̇т̇ан̇г̇амо; ид̇и взд̣̇анаа… ид̇и сан̃н̃аа… ид̇и сан̇каараа… ид̇и вин̃н̃аан̣ам̣, ид̇и вин̃н̃аан̣асса самуд̣̇аяо, ид̇и вин̃н̃аан̣асса ад̇т̇ан̇г̇амо’д̇и. д̇асса имзсу бан̃жасу убаад̣̇аанагканд̇хзсу уд̣̇аяаб̣б̣аяаанубассино вихарад̇о яобисса ход̇и бан̃жасу убаад̣̇аанагканд̇хзсу анусахаг̇ад̇о ‘асмий’д̇и, маано ‘асмий’д̇и, чанд̣̇о ‘асмий’д̇и анусаяо асамуухад̇о, соби самуг̇гхаад̇ам̣ г̇ажчад̇ий’’д̇и.
‘‘Seyyathāpi , āvuso, vatthaṃ saṃkiliṭṭhaṃ malaggahitaṃ. Tamenaṃ sāmikā rajakassa anupadajjuṃ. Tamenaṃ rajako ūse vā khāre vā gomaye vā sammadditvā acche udake vikkhāleti. Kiñcāpi taṃ hoti vatthaṃ parisuddhaṃ pariyodātaṃ, atha khvassa hoti yeva anusahagato ūsagandho vā khāragandho vā gomayagandho vā asamūhato. Tamenaṃ rajako sāmikānaṃ deti. Tamenaṃ sāmikā gandhaparibhāvite karaṇḍake nikkhipanti. Yopissa hoti anusahagato ūsagandho vā khāragandho vā gomayagandho vā asamūhato, sopi samugghātaṃ gacchati. Evameva kho, āvuso, kiñcāpi ariyasāvakassa pañcorambhāgiyāni saṃyojanāni pahīnāni bhavanti, atha khvassa hoti yeva pañcasu upādānakkhandhesu anusahagato ‘asmī’ti, māno ‘asmī’ti, chando ‘asmī’ti anusayo asamūhato. So aparena samayena pañcasu upādānakkhandhesu udayabbayānupassī viharati. ‘Iti rūpaṃ, iti rūpassa samudayo, iti rūpassa atthaṅgamo; iti vedanā… iti saññā… iti saṅkhārā… iti viññāṇaṃ, iti viññāṇassa samudayo, iti viññāṇassa atthaṅgamo’ti. Tassa imesu pañcasu upādānakkhandhesu udayabbayānupassino viharato yopissa hoti pañcasu upādānakkhandhesu anusahagato ‘asmī’ti, māno ‘asmī’ti, chando ‘asmī’ti anusayo asamūhato, sopi samugghātaṃ gacchatī’’ti.
звам̣ вуд̇д̇з, т̇зраа бхигкуу ааяасманд̇ам̣ кзмагам̣ зд̇ад̣̇авожум̣ – ‘‘на ко 3 маяам̣ ааяасманд̇ам̣ кзмагам̣ вихзсаабзкаа бужчимха, аби жааяасмаа кзмаго бахоси д̇асса бхаг̇авад̇о саасанам̣ вид̇т̇аарзна аажигкид̇ум̣ д̣̇зсзд̇ум̣ бан̃н̃аабзд̇ум̣ бадтабзд̇ум̣ виварид̇ум̣ вибхаж̇ид̇ум̣ уд̇д̇аанийгаад̇ум̣. д̇аяид̣̇ам̣ ааяасмад̇аа кзмагзна д̇асса бхаг̇авад̇о саасанам̣ вид̇т̇аарзна аажигкид̇ам̣ д̣̇зсид̇ам̣ бан̃н̃аабид̇ам̣ бадтабид̇ам̣ виварид̇ам̣ вибхаж̇ид̇ам̣ уд̇д̇аанийгад̇а’’нд̇и.
Evaṃ vutte, therā bhikkhū āyasmantaṃ khemakaṃ etadavocuṃ – ‘‘na kho 4 mayaṃ āyasmantaṃ khemakaṃ vihesāpekhā pucchimha, api cāyasmā khemako pahosi tassa bhagavato sāsanaṃ vitthārena ācikkhituṃ desetuṃ paññāpetuṃ paṭṭhapetuṃ vivarituṃ vibhajituṃ uttānīkātuṃ. Tayidaṃ āyasmatā khemakena tassa bhagavato sāsanaṃ vitthārena ācikkhitaṃ desitaṃ paññāpitaṃ paṭṭhapitaṃ vivaritaṃ vibhajitaṃ uttānīkata’’nti.
ид̣̇амавожа ааяасмаа кзмаго. ад̇д̇аманаа т̇зраа бхигкуу ааяасмад̇о кзмагасса бхаасид̇ам̣ абхинанд̣̇ум̣. имасмин̃жа бана взяяаагаран̣асмим̣ бхан̃н̃амаанз садтимад̇д̇аанам̣ т̇зраанам̣ бхигкуунам̣ анубаад̣̇ааяа аасавзхи жид̇д̇аани вимужжим̣су, ааяасмад̇о кзмагасса жаад̇и. сад̇д̇амам̣.
Idamavoca āyasmā khemako. Attamanā therā bhikkhū āyasmato khemakassa bhāsitaṃ abhinanduṃ. Imasmiñca pana veyyākaraṇasmiṃ bhaññamāne saṭṭhimattānaṃ therānaṃ bhikkhūnaṃ anupādāya āsavehi cittāni vimucciṃsu, āyasmato khemakassa cāti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. кзмагасуд̇д̇аван̣н̣анаа • 7. Khemakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. кзмагасуд̇д̇аван̣н̣анаа • 7. Khemakasuttavaṇṇanā
