| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૭. ખિપ્પનિસન્તિસુત્તવણ્ણના
7. Khippanisantisuttavaṇṇanā
૯૭. સત્તમે ખિપ્પનિસન્તીતિ ખિપ્પનિસામનો સીઘં જાનિતું સમત્થો. સુતાનઞ્ચ ધમ્માનન્તિ સુતપ્પગુણાનં તન્તિધમ્માનં. અત્થૂપપરિક્ખીતિ અત્થં ઉપપરિક્ખકો. અત્થમઞ્ઞાય ધમ્મમઞ્ઞાયાતિ અટ્ઠકથઞ્ચ પાળિઞ્ચ જાનિત્વા. ધમ્માનુધમ્મપ્પટિપન્નો હોતીતિ નવલોકુત્તરધમ્માનં અનુરૂપધમ્મભૂતં સસીલકં પુબ્બભાગપ્પટિપદં પટિપન્નો હોતિ. નો ચ કલ્યાણવાચોતિ ન સુન્દરવચનો. ન કલ્યાણવાક્કરણોતિ ન સુન્દરવચનઘોસો હોતિ. પોરિયાતિઆદીહિ સદ્ધિં નો-કારો યોજેતબ્બોયેવ. ગુણપરિપુણ્ણાય અપલિબુદ્ધાય અદોસાય અગળિતપદબ્યઞ્જનાય અત્થં વિઞ્ઞાપેતું સમત્થાય વાચાય સમન્નાગતો ન હોતીતિ અત્થો. ઇમિના ઉપાયેન સબ્બત્થ અત્થો વેદિતબ્બો.
97. Sattame khippanisantīti khippanisāmano sīghaṃ jānituṃ samattho. Sutānañca dhammānanti sutappaguṇānaṃ tantidhammānaṃ. Atthūpaparikkhīti atthaṃ upaparikkhako. Atthamaññāya dhammamaññāyāti aṭṭhakathañca pāḷiñca jānitvā. Dhammānudhammappaṭipanno hotīti navalokuttaradhammānaṃ anurūpadhammabhūtaṃ sasīlakaṃ pubbabhāgappaṭipadaṃ paṭipanno hoti. No ca kalyāṇavācoti na sundaravacano. Na kalyāṇavākkaraṇoti na sundaravacanaghoso hoti. Poriyātiādīhi saddhiṃ no-kāro yojetabboyeva. Guṇaparipuṇṇāya apalibuddhāya adosāya agaḷitapadabyañjanāya atthaṃ viññāpetuṃ samatthāya vācāya samannāgato na hotīti attho. Iminā upāyena sabbattha attho veditabbo.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૭. ખિપ્પનિસન્તિસુત્તં • 7. Khippanisantisuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૭-૧૦. ખિપ્પનિસન્તિસુત્તાદિવણ્ણના • 7-10. Khippanisantisuttādivaṇṇanā
