| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൪-൬. ഖീരരുക്ഖോപമസുത്താദിവണ്ണനാ
4-6. Khīrarukkhopamasuttādivaṇṇanā
൨൩൧-൨൩൩. ചതുത്ഥേ അപ്പഹീനട്ഠേന അത്ഥി, തേനേവാഹ സോ അപ്പഹീനോതി. പരിത്താതി, പബ്ബതമത്തമ്പി രൂപം അനിട്ഠം അരജനീയം പരിത്തം നാമ ഹോതി, ഏവരൂപാപിസ്സ രൂപാ ചിത്തം പരിയാദിയന്തീതി ദസ്സേതി. കോ പന വാദോ അധിമത്താനന്തി ഇട്ഠാരമ്മണം പനസ്സ രജനീയം വത്ഥു ചിത്തം പരിയാദിയതീതി ഏത്ഥ കാ കഥാ? ഏത്ഥ ച നഖപിട്ഠിപമാണമ്പി മണിമുത്താദി രജനീയം വത്ഥു അധിമത്താരമ്മണമേവാതി വേദിതബ്ബം. ദഹരോതിആദീനി തീണിപി അഞ്ഞമഞ്ഞവേവചനാനേവ. ആഭിന്ദേയ്യാതി പഹരേയ്യ പദാലേയ്യ വാ. പഞ്ചമേ തദുഭയന്തി തം ഉഭയം. ഛട്ഠം ഉത്താനമേവ.
231-233. Catutthe appahīnaṭṭhena atthi, tenevāha so appahīnoti. Parittāti, pabbatamattampi rūpaṃ aniṭṭhaṃ arajanīyaṃ parittaṃ nāma hoti, evarūpāpissa rūpā cittaṃ pariyādiyantīti dasseti. Ko pana vādo adhimattānanti iṭṭhārammaṇaṃ panassa rajanīyaṃ vatthu cittaṃ pariyādiyatīti ettha kā kathā? Ettha ca nakhapiṭṭhipamāṇampi maṇimuttādi rajanīyaṃ vatthu adhimattārammaṇamevāti veditabbaṃ. Daharotiādīni tīṇipi aññamaññavevacanāneva. Ābhindeyyāti pahareyya padāleyya vā. Pañcame tadubhayanti taṃ ubhayaṃ. Chaṭṭhaṃ uttānameva.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya
൪. ഖീരരുക്ഖോപമസുത്തം • 4. Khīrarukkhopamasuttaṃ
൫. കോട്ഠികസുത്തം • 5. Koṭṭhikasuttaṃ
൬. കാമഭൂസുത്തം • 6. Kāmabhūsuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൪-൬. ഖീരരുക്ഖോപമസുത്താദിവണ്ണനാ • 4-6. Khīrarukkhopamasuttādivaṇṇanā
