| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಖೋಮದಾಯಕತ್ಥೇರಅಪದಾನಂ
10. Khomadāyakattheraapadānaṃ
೧೮೪.
184.
‘‘ನಗರೇ ಬನ್ಧುಮತಿಯಾ, ಅಹೋಸಿಂ ವಾಣಿಜೋ ತದಾ।
‘‘Nagare bandhumatiyā, ahosiṃ vāṇijo tadā;
ತೇನೇವ ದಾರಂ ಪೋಸೇಮಿ, ರೋಪೇಮಿ ಬೀಜಸಮ್ಪದಂ॥
Teneva dāraṃ posemi, ropemi bījasampadaṃ.
೧೮೫.
185.
‘‘ರಥಿಯಂ ಪಟಿಪನ್ನಸ್ಸ, ವಿಪಸ್ಸಿಸ್ಸ ಮಹೇಸಿನೋ।
‘‘Rathiyaṃ paṭipannassa, vipassissa mahesino;
ಏಕಂ ಖೋಮಂ ಮಯಾ ದಿನ್ನಂ, ಕುಸಲತ್ಥಾಯ ಸತ್ಥುನೋ॥
Ekaṃ khomaṃ mayā dinnaṃ, kusalatthāya satthuno.
೧೮೬.
186.
‘‘ಏಕನವುತಿತೋ ಕಪ್ಪೇ, ಯಂ ಖೋಮಮದದಿಂ ತದಾ।
‘‘Ekanavutito kappe, yaṃ khomamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಖೋಮದಾನಸ್ಸಿದಂ ಫಲಂ॥
Duggatiṃ nābhijānāmi, khomadānassidaṃ phalaṃ.
೧೮೭.
187.
ಸತ್ತರತನಸಮ್ಪನ್ನೋ, ಚತುದೀಪಮ್ಹಿ ಇಸ್ಸರೋ॥
Sattaratanasampanno, catudīpamhi issaro.
೧೮೮.
188.
‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ।
‘‘Paṭisambhidā catasso, vimokkhāpi ca aṭṭhime;
ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ’’॥
Chaḷabhiññā sacchikatā, kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಖೋಮದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā khomadāyako thero imā gāthāyo abhāsitthāti.
ಖೋಮದಾಯಕತ್ಥೇರಸ್ಸಾಪದಾನಂ ದಸಮಂ।
Khomadāyakattherassāpadānaṃ dasamaṃ.
ತಸ್ಸುದ್ದಾನಂ –
Tassuddānaṃ –
ಸುಸೂತಿ ಉಪವಾನೋ ಚ, ಸರಣೋ ಸೀಲಗಾಹಕೋ।
Susūti upavāno ca, saraṇo sīlagāhako;
ಅನ್ನಸಂಸಾವಕೋ ಖೋಮದಾಯೀ ಚ, ದಸೇವ ತತಿಯೇ ಗಣೇ।
Annasaṃsāvako khomadāyī ca, daseva tatiye gaṇe;
ಅಞ್ಜಲೀ ಖೋಮದಾಯೀ ಚ, ದಸೇವ ತತಿಯೇ ಗಣೇ।
Añjalī khomadāyī ca, daseva tatiye gaṇe;
ಪಞ್ಚಾಲೀಸೀತಿಸತಂ ವುತ್ತಾ, ಗಾಥಾಯೋ ಸಬ್ಬಪಿಣ್ಡಿತಾ॥
Pañcālīsītisataṃ vuttā, gāthāyo sabbapiṇḍitā.
ಸುಭೂತಿವಗ್ಗೋ ತತಿಯೋ।
Subhūtivaggo tatiyo.
ಚತುತ್ಥಭಾಣವಾರಂ।
Catutthabhāṇavāraṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧೦. ಖೋಮದಾಯಕತ್ಥೇರಅಪದಾನವಣ್ಣನಾ • 10. Khomadāyakattheraapadānavaṇṇanā
