| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਖੋਮਦਾਯਕਤ੍ਥੇਰਅਪਦਾਨવਣ੍ਣਨਾ
10. Khomadāyakattheraapadānavaṇṇanā
ਨਗਰੇ ਬਨ੍ਧੁਮਤਿਯਾਤਿਆਦਿਕਂ ਆਯਸ੍ਮਤੋ ਖੋਮਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਯਪ੍ਪਤ੍ਤੋ ਸਾਸਨੇ ਅਭਿਪ੍ਪਸਨ੍ਨੋ ਰਤਨਤ੍ਤਯਮਾਮਕੋ વਿਪਸ੍ਸਿਸ੍ਸ ਭਗવਤੋ ਸਨ੍ਤਿਕੇ ਧਮ੍ਮਂ ਸੁਤ੍વਾ ਪਸਨ੍ਨਮਾਨਸੋ ਖੋਮਦੁਸ੍ਸੇਨ ਪੂਜਂ ਅਕਾਸਿ। ਸੋ ਤਦੇવ ਮੂਲਂ ਕਤ੍વਾ ਯਾવਜੀવਂ ਪੁਞ੍ਞਾਨਿ ਕਤ੍વਾ ਤਤੋ ਦੇવਲੋਕੇ ਨਿਬ੍ਬਤ੍ਤੋ। ਛਸੁ ਦੇવੇਸੁ ਅਪਰਾਪਰਂ ਦਿਬ੍ਬਸੁਖਂ ਅਨੁਭવਿਤ੍વਾ ਤਤੋ ਚવਿਤ੍વਾ ਮਨੁਸ੍ਸਲੋਕੇ ਚਕ੍ਕવਤ੍ਤਿਆਦਿਅਨੇਕવਿਧਮਨੁਸ੍ਸਸਮ੍ਪਤ੍ਤਿਂ ਅਨੁਭવਿਤ੍વਾ ਪਰਿਪਾਕਗਤੇ ਪੁਞ੍ਞਸਮ੍ਭਾਰੇ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਯਪ੍ਪਤ੍ਤੋ ਸਤ੍ਥੁ ਸਨ੍ਤਿਕੇ ਧਮ੍ਮਂ ਸੁਤ੍વਾ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਨਚਿਰਸ੍ਸੇવ ਅਰਹਤ੍ਤਂ ਪਾਪੁਣਿ। ਕਤਪੁਞ੍ਞਨਾਮੇਨ ਖੋਮਦਾਯਕਤ੍ਥੇਰੋਤਿ ਪਾਕਟੋ।
Nagare bandhumatiyātiādikaṃ āyasmato khomadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ kulagehe nibbatto vayappatto sāsane abhippasanno ratanattayamāmako vipassissa bhagavato santike dhammaṃ sutvā pasannamānaso khomadussena pūjaṃ akāsi. So tadeva mūlaṃ katvā yāvajīvaṃ puññāni katvā tato devaloke nibbatto. Chasu devesu aparāparaṃ dibbasukhaṃ anubhavitvā tato cavitvā manussaloke cakkavattiādianekavidhamanussasampattiṃ anubhavitvā paripākagate puññasambhāre imasmiṃ buddhuppāde kulagehe nibbatto vayappatto satthu santike dhammaṃ sutvā paṭiladdhasaddho pabbajitvā vipassanaṃ vaḍḍhetvā nacirasseva arahattaṃ pāpuṇi. Katapuññanāmena khomadāyakattheroti pākaṭo.
੧੮੪. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਦਸ੍ਸੇਨ੍ਤੋ ਨਗਰੇ ਬਨ੍ਧੁਮਤਿਯਾਤਿਆਦਿਮਾਹ। ਤਤ੍ਥ ਬਨ੍ਧੁ વੁਚ੍ਚਤਿ ਞਾਤਕੋ, ਤੇ ਬਨ੍ਧੂ ਯਸ੍ਮਿਂ ਨਗਰੇ ਅਞ੍ਞਮਞ੍ਞਂ ਸਙ੍ਘਟਿਤਾ વਸਨ੍ਤਿ, ਤਂ ਨਗਰਂ ‘‘ਬਨ੍ਧੁਮਤੀ’’ਤਿ વੁਚ੍ਚਤਿ। ਰੋਪੇਮਿ ਬੀਜਸਮ੍ਪਦਨ੍ਤਿ ਦਾਨਸੀਲਾਦਿਪੁਞ੍ਞਬੀਜਸਮ੍ਪਤ੍ਤਿਂ ਰੋਪੇਮਿ ਪਟ੍ਠਪੇਮੀਤਿ ਅਤ੍ਥੋ।
184. So attano pubbakammaṃ saritvā somanassajāto pubbacaritāpadānaṃ dassento nagare bandhumatiyātiādimāha. Tattha bandhu vuccati ñātako, te bandhū yasmiṃ nagare aññamaññaṃ saṅghaṭitā vasanti, taṃ nagaraṃ ‘‘bandhumatī’’ti vuccati. Ropemi bījasampadanti dānasīlādipuññabījasampattiṃ ropemi paṭṭhapemīti attho.
ਖੋਮਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Khomadāyakattheraapadānavaṇṇanā samattā.
ਤਤਿਯਸ੍ਸ ਸੁਭੂਤਿવਗ੍ਗਸ੍ਸ વਣ੍ਣਨਾ ਸਮਤ੍ਤਾ।
Tatiyassa subhūtivaggassa vaṇṇanā samattā.
ਚਤੁਭਾਣવਾਰવਣ੍ਣਨਾ ਨਿਟ੍ਠਿਤਾ।
Catubhāṇavāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧੦. ਖੋਮਦਾਯਕਤ੍ਥੇਰਅਪਦਾਨਂ • 10. Khomadāyakattheraapadānaṃ
