| Library / Tipiṭaka / तिपिटक • Tipiṭaka / जातकपाळि • Jātakapāḷi |
१६. तिंसनिपातो
16. Tiṃsanipāto
५११. किंछन्दजातकं (१)
511. Kiṃchandajātakaṃ (1)
१.
1.
किंछन्दो किमधिप्पायो, एको सम्मसि घम्मनि।
Kiṃchando kimadhippāyo, eko sammasi ghammani;
किं पत्थयानो किं एसं, केन अत्थेन ब्राह्मण॥
Kiṃ patthayāno kiṃ esaṃ, kena atthena brāhmaṇa.
२.
2.
तथूपमं अम्बपक्कं, वण्णगन्धरसुत्तमं॥
Tathūpamaṃ ambapakkaṃ, vaṇṇagandharasuttamaṃ.
३.
3.
तं वुय्हमानं सोतेन, दिस्वानामलमज्झिमे।
Taṃ vuyhamānaṃ sotena, disvānāmalamajjhime;
पाणीहि नं गहेत्वान, अग्यायतनमाहरिं॥
Pāṇīhi naṃ gahetvāna, agyāyatanamāhariṃ.
४.
4.
ततो कदलिपत्तेसु, निक्खिपित्वा सयं अहं।
Tato kadalipattesu, nikkhipitvā sayaṃ ahaṃ;
सत्थेन नं विकप्पेत्वा, खुप्पिपासं अहासि मे॥
Satthena naṃ vikappetvā, khuppipāsaṃ ahāsi me.
५.
5.
६.
6.
सोसेत्वा नून मरणं, तं ममं आवहिस्सति।
Sosetvā nūna maraṇaṃ, taṃ mamaṃ āvahissati;
अम्बं यस्स फलं सादु, मधुरग्गं मनोरमं।
Ambaṃ yassa phalaṃ sādu, madhuraggaṃ manoramaṃ;
यमुद्धरिं वुय्हमानं, उदधिस्मा महण्णवे॥
Yamuddhariṃ vuyhamānaṃ, udadhismā mahaṇṇave.
७.
7.
अक्खातं ते मया सब्बं, यस्मा उपवसामहं।
Akkhātaṃ te mayā sabbaṃ, yasmā upavasāmahaṃ;
रम्मं पति निसिन्नोस्मि, पुथुलोमायुता पुथु॥
Rammaṃ pati nisinnosmi, puthulomāyutā puthu.
८.
8.
का वा त्वमसि कल्याणि, किस्स वा त्वं सुमज्झिमे॥
Kā vā tvamasi kalyāṇi, kissa vā tvaṃ sumajjhime.
९.
9.
या सन्ति नारियो देवेसु, देवानं परिचारिका॥
Yā santi nāriyo devesu, devānaṃ paricārikā.
१०.
10.
या च मनुस्सलोकस्मिं, रूपेनान्वागतित्थियो।
Yā ca manussalokasmiṃ, rūpenānvāgatitthiyo;
रूपेन ते सदिसी नत्थि, देवेसु गन्धब्बमनुस्सलोके 11।
Rūpena te sadisī natthi, devesu gandhabbamanussaloke 12;
पुट्ठासि मे चारुपुब्बङ्गि, ब्रूहि नामञ्च बन्धवे॥
Puṭṭhāsi me cārupubbaṅgi, brūhi nāmañca bandhave.
११.
11.
यं त्वं पति निसिन्नोसि, रम्मं ब्राह्मण कोसिकिं।
Yaṃ tvaṃ pati nisinnosi, rammaṃ brāhmaṇa kosikiṃ;
साहं भुसालया वुत्था, वरवारिवहोघसा॥
Sāhaṃ bhusālayā vutthā, varavārivahoghasā.
१२.
12.
नानादुमगणाकिण्णा, बहुका गिरिकन्दरा।
Nānādumagaṇākiṇṇā, bahukā girikandarā;
ममेव पमुखा होन्ति, अभिसन्दन्ति पावुसे॥
Mameva pamukhā honti, abhisandanti pāvuse.
१३.
13.
अथो बहू वनतोदा, नीलवारिवहिन्धरा।
Atho bahū vanatodā, nīlavārivahindharā;
बहुका नागवित्तोदा, अभिसन्दन्ति वारिना॥
Bahukā nāgavittodā, abhisandanti vārinā.
१४.
14.
बहूनि फलजातानि, आवहन्ति अभिण्हसो॥
Bahūni phalajātāni, āvahanti abhiṇhaso.
१५.
15.
यं किञ्चि उभतो तीरे, फलं पतति अम्बुनि।
Yaṃ kiñci ubhato tīre, phalaṃ patati ambuni;
असंसयं तं सोतस्स, फलं होति वसानुगं॥
Asaṃsayaṃ taṃ sotassa, phalaṃ hoti vasānugaṃ.
१६.
16.
एतदञ्ञाय मेधावि, पुथुपञ्ञ सुणोहि मे।
Etadaññāya medhāvi, puthupañña suṇohi me;
मा रोचय मभिसङ्गं, पटिसेध जनाधिप॥
Mā rocaya mabhisaṅgaṃ, paṭisedha janādhipa.
१७.
17.
न वाहं वड्ढवं 15 मञ्ञे, यं त्वं रट्ठाभिवड्ढन।
Na vāhaṃ vaḍḍhavaṃ 16 maññe, yaṃ tvaṃ raṭṭhābhivaḍḍhana;
आचेय्यमानो राजिसि, मरणं अभिकङ्खसि॥
Āceyyamāno rājisi, maraṇaṃ abhikaṅkhasi.
१८.
18.
तस्स जानन्ति पितरो, गन्धब्बा च सदेवका।
Tassa jānanti pitaro, gandhabbā ca sadevakā;
ये चापि इसयो लोके, सञ्ञतत्ता तपस्सिनो।
Ye cāpi isayo loke, saññatattā tapassino;
१९.
19.
एवं विदित्वा विदू सब्बधम्मं, विद्धंसनं चवनं जीवितस्स।
Evaṃ viditvā vidū sabbadhammaṃ, viddhaṃsanaṃ cavanaṃ jīvitassa;
न चीयती तस्स नरस्स पापं, सचे न चेतेति वधाय तस्स॥
Na cīyatī tassa narassa pāpaṃ, sace na ceteti vadhāya tassa.
२०.
20.
२१.
21.
सचे अहं मरिस्सामि, तीरे ते पुथुसुस्सोणि।
Sace ahaṃ marissāmi, tīre te puthusussoṇi;
असंसयं तं असिलोको, मयि पेते आगमिस्सति॥
Asaṃsayaṃ taṃ asiloko, mayi pete āgamissati.
२२.
22.
२३.
23.
अञ्ञातमेतं अविसय्हसाहि, अत्तानमम्बञ्च ददामि ते तं।
Aññātametaṃ avisayhasāhi, attānamambañca dadāmi te taṃ;
सो दुच्चजे कामगुणे पहाय, सन्तिञ्च धम्मञ्च अधिट्ठितोसि॥
So duccaje kāmaguṇe pahāya, santiñca dhammañca adhiṭṭhitosi.
२४.
24.
यो हित्वा पुब्बसञ्ञोगं, पच्छा संयोजने ठितो।
Yo hitvā pubbasaññogaṃ, pacchā saṃyojane ṭhito;
अधम्मञ्चेव चरति, पापञ्चस्स पवड्ढति॥
Adhammañceva carati, pāpañcassa pavaḍḍhati.
२५.
25.
एहि तं पापयिस्सामि, कामं अप्पोस्सुको भव।
Ehi taṃ pāpayissāmi, kāmaṃ appossuko bhava;
उपानयामि सीतस्मिं, विहराहि अनुस्सुको॥
Upānayāmi sītasmiṃ, viharāhi anussuko.
२६.
26.
तं पुप्फरसमत्तेभि, वक्कङ्गेहि अरिन्दम।
Taṃ puppharasamattebhi, vakkaṅgehi arindama;
कोञ्चा मयूरा दिविया, कोलट्ठिमधुसाळिका।
Koñcā mayūrā diviyā, kolaṭṭhimadhusāḷikā;
कूजिता हंसपूगेहि, कोकिलेत्थ पबोधरे॥
Kūjitā haṃsapūgehi, kokilettha pabodhare.
२७.
27.
२८.
28.
रत्तिं त्वं परिचारेसि, दिवा वेदेसि वेदनं॥
Rattiṃ tvaṃ paricāresi, divā vedesi vedanaṃ.
२९.
29.
सोळसित्थिसहस्सानि, या तेमा परिचारिका।
Soḷasitthisahassāni, yā temā paricārikā;
एवं महानुभावोसि, अब्भुतो लोमहंसनो॥
Evaṃ mahānubhāvosi, abbhuto lomahaṃsano.
३०.
30.
किं कम्ममकरी पुब्बे, पापं अत्तदुखावहं।
Kiṃ kammamakarī pubbe, pāpaṃ attadukhāvahaṃ;
यं करित्वा मनुस्सेसु, पिट्ठिमंसानि खादसि॥
Yaṃ karitvā manussesu, piṭṭhimaṃsāni khādasi.
३१.
31.
अचरिं दीघमद्धानं, परेसं अहितायहं॥
Acariṃ dīghamaddhānaṃ, paresaṃ ahitāyahaṃ.
३२.
32.
यो पिट्ठिमंसिको होति, एवं उक्कच्च खादति।
Yo piṭṭhimaṃsiko hoti, evaṃ ukkacca khādati;
यथाहं अज्ज खादामि, पिट्ठिमंसानि अत्तनोति॥
Yathāhaṃ ajja khādāmi, piṭṭhimaṃsāni attanoti.
किंछन्दजातकं पठमं।
Kiṃchandajātakaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [१५१] १. किंछन्दजातकवण्णना • [151] 1. Kiṃchandajātakavaṇṇanā
