| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
(бан̃жамо бхааг̇о)
(Pañcamo bhāgo)
16. д̇им̣санибаад̇о
16. Tiṃsanipāto
[151] 1. гим̣чанд̣̇аж̇аад̇агаван̣н̣анаа
[151] 1. Kiṃchandajātakavaṇṇanā
гим̣чанд̣̇о гимад̇хиббааяод̇и ид̣̇ам̣ сад̇т̇аа ж̇зд̇аванз вихаранд̇о убосат̇агаммам̣ аараб̣бха гат̇зси. згад̣̇ивасан̃хи сад̇т̇аа б̣ахуу убаасагз жа убаасигааяо жа убосат̇игз д̇хаммассаванад̇т̇ааяа ааг̇анд̇ваа д̇хаммасабхааяам̣ нисиннз ‘‘убосат̇игаад̇т̇а убаасагаа’’д̇и бужчид̇ваа ‘‘аама, бханд̇з’’д̇и вуд̇д̇з ‘‘саад̇ху во гад̇ам̣ убосат̇ам̣ гаронд̇зхи, бораан̣агаа убад̣дхуубосат̇агаммасса ниссанд̣̇зна маханд̇ам̣ яасам̣ бадилабхим̣суу’’д̇и вад̇ваа д̇зхи яаажид̇о ад̇ийд̇ам̣ аахари.
Kiṃchandokimadhippāyoti idaṃ satthā jetavane viharanto uposathakammaṃ ārabbha kathesi. Ekadivasañhi satthā bahū upāsake ca upāsikāyo ca uposathike dhammassavanatthāya āgantvā dhammasabhāyaṃ nisinne ‘‘uposathikāttha upāsakā’’ti pucchitvā ‘‘āma, bhante’’ti vutte ‘‘sādhu vo kataṃ uposathaṃ karontehi, porāṇakā upaḍḍhūposathakammassa nissandena mahantaṃ yasaṃ paṭilabhiṃsū’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇о д̇хаммзна раж̇ж̇ам̣ гаарзнд̇о сад̣̇д̇хо ахоси д̣̇аанасийлаубосат̇агаммзсу аббамад̇д̇о. со сзсзби амажжаад̣̇аяо д̣̇аанаад̣̇ийсу самаад̣̇абзси. бурохид̇о банасса барабидтимам̣сиго лан̃ж̇акаад̣̇аго гуудавинижчаяиго ахоси. рааж̇аа убосат̇ад̣̇ивасз амажжаад̣̇аяо баггосаабзд̇ваа ‘‘убосат̇игаа хот̇аа’’д̇и ааха. бурохид̇о убосат̇ам̣ на самаад̣̇ияи. ат̇а нам̣ д̣̇иваа лан̃ж̇ам̣ г̇ахзд̇ваа гуудад̣д̣ам̣ гад̇ваа убадтаанам̣ ааг̇ад̇ам̣ рааж̇аа ‘‘д̇умхз убосат̇игаа’’д̇и амажжз бужчанд̇о ‘‘д̇вамби аажарияа убосат̇иго’’д̇и бужчи. со ‘‘аамаа’’д̇и мусааваад̣̇ам̣ гад̇ваа баасаад̣̇аа од̇ари. ат̇а нам̣ зго амажжо ‘‘нану д̇умхз на убосат̇игаа’’д̇и жод̣̇зси. со ааха – ‘‘ахам̣ взлааяамзва бхун̃ж̇им̣, г̇зхам̣ бана г̇анд̇ваа мукам̣ вигкаалзд̇ваа убосат̇ам̣ ад̇хидтааяа сааяам̣ на бхун̃ж̇иссаами, рад̇д̇им̣ сийлам̣ рагкиссаами, звам̣ мз убад̣дхуубосат̇агаммам̣ бхависсад̇ий’’д̇и? ‘‘саад̇ху, аажарияаа’’д̇и. со г̇зхам̣ г̇анд̇ваа д̇ат̇аа агааси. бунзгад̣̇ивасам̣ д̇асмим̣ винижчаяз нисиннз ан̃н̃ад̇араа сийлавад̇ий ид̇т̇ий ад̣д̣ам̣ гаронд̇ий гхарам̣ г̇анд̇ум̣ алабхамаанаа ‘‘убосат̇агаммам̣ наад̇иггамиссаамий’’д̇и убагадтз гаалз мукам̣ вигкаалзд̇ум̣ аарабхи. д̇асмим̣ кан̣з б̣раахман̣асса субаггаанам̣ амб̣апалаанам̣ амб̣абин̣д̣и аахарияид̇т̇а. со д̇ассаа убосат̇игабхаавам̣ н̃ад̇ваа ‘‘имаани каад̣̇ид̇ваа убосат̇игаа хохий’’д̇и ад̣̇ааси. саа д̇ат̇аа агааси. зд̇д̇агам̣ б̣раахман̣асса гаммам̣.
Atīte bārāṇasiyaṃ brahmadatto dhammena rajjaṃ kārento saddho ahosi dānasīlauposathakammesu appamatto. So sesepi amaccādayo dānādīsu samādapesi. Purohito panassa parapiṭṭhimaṃsiko lañjakhādako kūṭavinicchayiko ahosi. Rājā uposathadivase amaccādayo pakkosāpetvā ‘‘uposathikā hothā’’ti āha. Purohito uposathaṃ na samādiyi. Atha naṃ divā lañjaṃ gahetvā kūṭaḍḍaṃ katvā upaṭṭhānaṃ āgataṃ rājā ‘‘tumhe uposathikā’’ti amacce pucchanto ‘‘tvampi ācariya uposathiko’’ti pucchi. So ‘‘āmā’’ti musāvādaṃ katvā pāsādā otari. Atha naṃ eko amacco ‘‘nanu tumhe na uposathikā’’ti codesi. So āha – ‘‘ahaṃ velāyameva bhuñjiṃ, gehaṃ pana gantvā mukhaṃ vikkhāletvā uposathaṃ adhiṭṭhāya sāyaṃ na bhuñjissāmi, rattiṃ sīlaṃ rakkhissāmi, evaṃ me upaḍḍhūposathakammaṃ bhavissatī’’ti? ‘‘Sādhu, ācariyā’’ti. So gehaṃ gantvā tathā akāsi. Punekadivasaṃ tasmiṃ vinicchaye nisinne aññatarā sīlavatī itthī aḍḍaṃ karontī gharaṃ gantuṃ alabhamānā ‘‘uposathakammaṃ nātikkamissāmī’’ti upakaṭṭhe kāle mukhaṃ vikkhāletuṃ ārabhi. Tasmiṃ khaṇe brāhmaṇassa supakkānaṃ ambaphalānaṃ ambapiṇḍi āhariyittha. So tassā uposathikabhāvaṃ ñatvā ‘‘imāni khāditvā uposathikā hohī’’ti adāsi. Sā tathā akāsi. Ettakaṃ brāhmaṇassa kammaṃ.
со абарабхааг̇з гаалам̣ гад̇ваа химаванд̇абад̣̇зсз госигиг̇ан̇г̇ааяа д̇ийрз д̇ияож̇анигз амб̣аванз раман̣ийяз бхуумибхааг̇з собхаг̇г̇аббад̇д̇з ганагавимаанз алан̇гад̇асирисаяанз суд̇д̇аббаб̣уд̣̇д̇хо вияа ниб̣б̣ад̇д̇и алан̇гад̇абадияад̇д̇о уд̇д̇амаруубад̇харо сол̣асасахассад̣̇зваган̃н̃аабаривааро. со рад̇д̇ин̃н̃зва д̇ам̣ сирисамбад̇д̇им̣ анубход̇и. взмаанигабзд̇абхаавзна хисса гаммасаригкаго вибааго ахоси, д̇асмаа арун̣з уг̇г̇ажчанд̇з амб̣аванам̣ бависад̇и, бавидтагкан̣зязвасса д̣̇иб̣б̣ад̇д̇абхааво анд̇арад̇хааяад̇и, асийд̇ихад̇т̇ад̇аалагканд̇хаббамаан̣о ад̇д̇абхааво ниб̣б̣ад̇д̇ад̇и, сагаласарийрам̣ жхааяад̇и, субубпид̇агим̣суго вияа ход̇и. д̣̇вийсу хад̇т̇зсу згзгаава ан̇г̇ули, д̇ад̇т̇а махаагуд̣̇д̣̇аалаббамаан̣аа накаа хонд̇и. д̇зхи накзхи ад̇д̇ано бидтимам̣сам̣ паалзд̇ваа уббаадзд̇ваа каад̣̇анд̇о взд̣̇анааббад̇д̇о махааравам̣ раванд̇о д̣̇угкам̣ анубход̇и. суурияз ад̇т̇ан̇г̇ад̇з д̇ам̣ сарийрам̣ анд̇арад̇хааяад̇и, д̣̇иб̣б̣асарийрам̣ ниб̣б̣ад̇д̇ад̇и, алан̇гад̇абадияад̇д̇аа д̣̇иб̣б̣анаадагид̇т̇ияо наанаад̇уурияаани г̇ахзд̇ваа бариваарзнд̇и. со махаасамбад̇д̇им̣ анубхаванд̇о раман̣ийяз амб̣аванз д̣̇иб̣б̣абаасаад̣̇ам̣ абхирухад̇и. ид̇и со убосат̇игааяа ид̇т̇ияаа амб̣апалад̣̇аанасса ниссанд̣̇зна д̇ияож̇анигам̣ амб̣аванам̣ бадилабхад̇и , лан̃ж̇ам̣ г̇ахзд̇ваа гуудад̣д̣агаран̣аниссанд̣̇зна бана бидтимам̣сам̣ уббаадзд̇ваа каад̣̇ад̇и, убад̣дхуубосат̇асса ниссанд̣̇зна рад̇д̇им̣ самбад̇д̇им̣ анубход̇и, сол̣асасахассанаадагид̇т̇ийхи баривуд̇о барижаарзси.
So aparabhāge kālaṃ katvā himavantapadese kosikigaṅgāya tīre tiyojanike ambavane ramaṇīye bhūmibhāge sobhaggappatte kanakavimāne alaṅkatasirisayane suttappabuddho viya nibbatti alaṅkatapaṭiyatto uttamarūpadharo soḷasasahassadevakaññāparivāro. So rattiññeva taṃ sirisampattiṃ anubhoti. Vemānikapetabhāvena hissa kammasarikkhako vipāko ahosi, tasmā aruṇe uggacchante ambavanaṃ pavisati, paviṭṭhakkhaṇeyevassa dibbattabhāvo antaradhāyati, asītihatthatālakkhandhappamāṇo attabhāvo nibbattati, sakalasarīraṃ jhāyati, supupphitakiṃsuko viya hoti. Dvīsu hatthesu ekekāva aṅguli, tattha mahākuddālappamāṇā nakhā honti. Tehi nakhehi attano piṭṭhimaṃsaṃ phāletvā uppāṭetvā khādanto vedanāppatto mahāravaṃ ravanto dukkhaṃ anubhoti. Sūriye atthaṅgate taṃ sarīraṃ antaradhāyati, dibbasarīraṃ nibbattati, alaṅkatapaṭiyattā dibbanāṭakitthiyo nānātūriyāni gahetvā parivārenti. So mahāsampattiṃ anubhavanto ramaṇīye ambavane dibbapāsādaṃ abhiruhati. Iti so uposathikāya itthiyā ambaphaladānassa nissandena tiyojanikaṃ ambavanaṃ paṭilabhati , lañjaṃ gahetvā kūṭaḍḍakaraṇanissandena pana piṭṭhimaṃsaṃ uppāṭetvā khādati, upaḍḍhūposathassa nissandena rattiṃ sampattiṃ anubhoti, soḷasasahassanāṭakitthīhi parivuto paricāresi.
д̇асмим̣ гаалз б̣аараан̣асирааж̇аа гаамзсу д̣̇осам̣ д̣̇исваа исибаб̣б̣аж̇ж̇ам̣ баб̣б̣аж̇ид̇ваа ад̇хог̇ан̇г̇ааяа раман̣ийяз бхуумибад̣̇зсз бан̣н̣асаалам̣ гаарзд̇ваа ун̃чаажарияааяа яаабзнд̇о вихааси. ат̇згад̣̇ивасам̣ д̇амхаа амб̣аванаа махаагхадаббамаан̣ам̣ амб̣абаггам̣ г̇ан̇г̇ааяа бад̇ид̇ваа сод̇зна вуяхамаанам̣ д̇асса д̇аабасасса барибхог̇ад̇ид̇т̇аабхимукам̣ аг̇амааси. со мукам̣ д̇хованд̇о д̇ам̣ маж̇жхз над̣̇ияаа ааг̇ажчанд̇ам̣ д̣̇исваа уд̣̇агам̣ д̇аранд̇о г̇анд̇ваа аад̣̇ааяа ассамабад̣̇ам̣ аахарид̇ваа аг̇яааг̇аарз табзд̇ваа сад̇т̇агзна паалзд̇ваа яаабанамад̇д̇ам̣ каад̣̇ид̇ваа сзсам̣ гад̣̇алибан̣н̣зхи бадижчаад̣̇зд̇ваа бунаббунам̣ д̣̇ивасз д̣̇ивасз яаава баригкаяаа каад̣̇и. д̇асмим̣ бана кийн̣з ан̃н̃ам̣ палаапалам̣ каад̣̇ид̇ум̣ наасагки, расад̇ан̣хааяа б̣аж̇жхид̇ваа ‘‘д̇амзва амб̣абаггам̣ каад̣̇иссаамий’’д̇и над̣̇ийд̇ийрам̣ г̇анд̇ваа над̣̇им̣ ологзнд̇о ‘‘амб̣ам̣ алабхид̇ваа на удтахиссаамий’’д̇и саннидтаанам̣ гад̇ваа нисийд̣̇и. со д̇ад̇т̇а нираахааро згамби д̣̇ивасам̣, д̣̇взби, д̇ийн̣и, жад̇у, бан̃жа, ча д̣̇ивасаани ваад̇аад̇абзна барисуссанд̇о амб̣ам̣ ологзнд̇о нисийд̣̇и. ат̇а сад̇д̇амз д̣̇ивасз над̣̇ийд̣̇звад̇аа ааваж̇ж̇амаанаа д̇ам̣ гааран̣ам̣ н̃ад̇ваа ‘‘аяам̣ д̇аабасо д̇ан̣хаавасиго худ̇ваа сад̇д̇аахам̣ нираахааро г̇ан̇г̇ам̣ ологзнд̇о нисийд̣̇и, имасса амб̣абаггам̣ ад̣̇аад̇ум̣ на яуд̇д̇ам̣, алабханд̇о мариссад̇и, д̣̇ассаами д̇ассаа’’д̇и ааг̇анд̇ваа г̇ан̇г̇ааяа убари аагаасз тад̇ваа д̇зна сад̣̇д̇хим̣ саллабанд̇ий батамам̣ г̇аат̇амааха –
Tasmiṃ kāle bārāṇasirājā kāmesu dosaṃ disvā isipabbajjaṃ pabbajitvā adhogaṅgāya ramaṇīye bhūmipadese paṇṇasālaṃ kāretvā uñchācariyāya yāpento vihāsi. Athekadivasaṃ tamhā ambavanā mahāghaṭappamāṇaṃ ambapakkaṃ gaṅgāya patitvā sotena vuyhamānaṃ tassa tāpasassa paribhogatitthābhimukhaṃ agamāsi. So mukhaṃ dhovanto taṃ majjhe nadiyā āgacchantaṃ disvā udakaṃ taranto gantvā ādāya assamapadaṃ āharitvā agyāgāre ṭhapetvā satthakena phāletvā yāpanamattaṃ khāditvā sesaṃ kadalipaṇṇehi paṭicchādetvā punappunaṃ divase divase yāva parikkhayā khādi. Tasmiṃ pana khīṇe aññaṃ phalāphalaṃ khādituṃ nāsakkhi, rasataṇhāya bajjhitvā ‘‘tameva ambapakkaṃ khādissāmī’’ti nadītīraṃ gantvā nadiṃ olokento ‘‘ambaṃ alabhitvā na uṭṭhahissāmī’’ti sanniṭṭhānaṃ katvā nisīdi. So tattha nirāhāro ekampi divasaṃ, dvepi, tīṇi, catu, pañca, cha divasāni vātātapena parisussanto ambaṃ olokento nisīdi. Atha sattame divase nadīdevatā āvajjamānā taṃ kāraṇaṃ ñatvā ‘‘ayaṃ tāpaso taṇhāvasiko hutvā sattāhaṃ nirāhāro gaṅgaṃ olokento nisīdi, imassa ambapakkaṃ adātuṃ na yuttaṃ, alabhanto marissati, dassāmi tassā’’ti āgantvā gaṅgāya upari ākāse ṭhatvā tena saddhiṃ sallapantī paṭhamaṃ gāthamāha –
1.
1.
‘‘гим̣чанд̣̇о гимад̇хиббааяо, зго саммаси гхаммани;
‘‘Kiṃchando kimadhippāyo, eko sammasi ghammani;
гим̣бад̇т̇аяаано гим̣ зсам̣, гзна ад̇т̇зна б̣раахман̣аа’’д̇и.
Kiṃpatthayāno kiṃ esaṃ, kena atthena brāhmaṇā’’ti.
д̇ад̇т̇а чанд̣̇од̇и аж̇жхаасаяо. ад̇хиббааяод̇и жид̇д̇ам̣. саммасийд̇и ажчаси. гхамманийд̇и г̇имхз. зсанд̇и зсанд̇о. б̣раахман̣аад̇и баб̣б̣аж̇ид̇ад̇д̇аа д̇аабасам̣ аалабад̇и. ид̣̇ам̣ вуд̇д̇ам̣ ход̇и – б̣раахман̣а, д̇вам̣ гим̣ ад̇хиббааяо гим̣ жинд̇знд̇о гим̣ бад̇т̇знд̇о гим̣ г̇авзсанд̇о гзнад̇т̇зна имасмим̣ г̇ан̇г̇аад̇ийрз г̇ан̇г̇ам̣ ологзнд̇о нисиннод̇и.
Tattha chandoti ajjhāsayo. Adhippāyoti cittaṃ. Sammasīti acchasi. Ghammanīti gimhe. Esanti esanto. Brāhmaṇāti pabbajitattā tāpasaṃ ālapati. Idaṃ vuttaṃ hoti – brāhmaṇa, tvaṃ kiṃ adhippāyo kiṃ cintento kiṃ patthento kiṃ gavesanto kenatthena imasmiṃ gaṅgātīre gaṅgaṃ olokento nisinnoti.
д̇ам̣ суд̇ваа д̇аабасо нава г̇аат̇аа абхааси –
Taṃ sutvā tāpaso nava gāthā abhāsi –
2.
2.
‘‘яат̇аа махаа ваарид̇харо, гумбхо субарин̣аахаваа;
‘‘Yathā mahā vāridharo, kumbho supariṇāhavā;
д̇ат̇уубамам̣ амб̣абаггам̣, ван̣н̣аг̇анд̇харасуд̇д̇амам̣.
Tathūpamaṃ ambapakkaṃ, vaṇṇagandharasuttamaṃ.
3.
3.
‘‘д̇ам̣ вуяхамаанам̣ сод̇зна, д̣̇исваанаамаламаж̇жхимз;
‘‘Taṃ vuyhamānaṃ sotena, disvānāmalamajjhime;
баан̣ийбхи нам̣ г̇ахзд̇ваана, аг̇яааяад̇анамаахарим̣.
Pāṇībhi naṃ gahetvāna, agyāyatanamāhariṃ.
4.
4.
‘‘д̇ад̇о гад̣̇алибад̇д̇зсу, нигкибид̇ваа саяам̣ ахам̣;
‘‘Tato kadalipattesu, nikkhipitvā sayaṃ ahaṃ;
сад̇т̇зна нам̣ вигаббзд̇ваа, куббибаасам̣ ахааси мз.
Satthena naṃ vikappetvā, khuppipāsaṃ ahāsi me.
5.
5.
‘‘сохам̣ абзд̇ад̣̇арат̇о, б̣яанд̇ийбхууд̇о д̣̇укагкамо;
‘‘Sohaṃ apetadaratho, byantībhūto dukhakkhamo;
ассаад̣̇ам̣ наад̇хиг̇ажчаами, палзсван̃н̃зсу гзсужи.
Assādaṃ nādhigacchāmi, phalesvaññesu kesuci.
6.
6.
‘‘сосзд̇ваа нууна маран̣ам̣, д̇ам̣ мамам̣ аавахиссад̇и;
‘‘Sosetvā nūna maraṇaṃ, taṃ mamaṃ āvahissati;
амб̣ам̣ яасса палам̣ саад̣̇у, мад̇хураг̇г̇ам̣ манорамам̣;
Ambaṃ yassa phalaṃ sādu, madhuraggaṃ manoramaṃ;
яамуд̣̇д̇харим̣ вуяхамаанам̣, уд̣̇ад̇хисмаа махан̣н̣авз.
Yamuddhariṃ vuyhamānaṃ, udadhismā mahaṇṇave.
7.
7.
‘‘агкаад̇ам̣ д̇з маяаа саб̣б̣ам̣, яасмаа убавасаамахам̣;
‘‘Akkhātaṃ te mayā sabbaṃ, yasmā upavasāmahaṃ;
раммам̣ бад̇и нисинносми, бут̇уломааяуд̇аа бут̇у.
Rammaṃ pati nisinnosmi, puthulomāyutā puthu.
8.
8.
‘‘д̇ван̃жа ко мзва агкаахи, ад̇д̇аанамабалааяини;
‘‘Tvañca kho meva akkhāhi, attānamapalāyini;
гаа ваа д̇вамаси галяаан̣и, гисса ваа д̇вам̣ сумаж̇жхимз.
Kā vā tvamasi kalyāṇi, kissa vā tvaṃ sumajjhime.
9.
9.
‘‘руббабаддабалимадтийва, б̣яаг̇гхийва г̇ирисаануж̇аа;
‘‘Ruppapaṭṭapalimaṭṭhīva, byagghīva girisānujā;
яаа санд̇и наарияо д̣̇звзсу, д̣̇зваанам̣ барижааригаа.
Yā santi nāriyo devesu, devānaṃ paricārikā.
10.
10.
‘‘яаа жа мануссалогасмим̣, руубзнаанвааг̇ад̇ид̇т̇ияо;
‘‘Yā ca manussalokasmiṃ, rūpenānvāgatitthiyo;
руубзна д̇з сад̣̇исий над̇т̇и, д̣̇звзсу г̇анд̇хаб̣б̣амануссалогз;
Rūpena te sadisī natthi, devesu gandhabbamanussaloke;
будтааси мз жаарубуб̣б̣ан̇г̇и, б̣руухи нааман̃жа б̣анд̇хавз’’д̇и.
Puṭṭhāsi me cārupubbaṅgi, brūhi nāmañca bandhave’’ti.
д̇ад̇т̇а ваарид̇харо гумбход̇и уд̣̇агагхадо. субарин̣аахаваад̇и сусан̣таано. ван̣н̣аг̇анд̇харасуд̇д̇аманд̇и ван̣н̣аг̇анд̇харасзхи уд̇д̇амам̣. д̣̇исваанаад̇и д̣̇исваа. амаламаж̇жхимзд̇и ниммаламаж̇жхз. д̣̇звад̇ам̣ аалабанд̇о звамааха. баан̣ийбхийд̇и хад̇т̇зхи. аг̇яааяад̇анамаахаринд̇и ад̇д̇ано аг̇г̇ихуд̇асаалам̣ аахарим̣. вигаббзд̇ваад̇и вижчинд̣̇ид̇ваа. ‘‘виганд̇зд̇ваа’’д̇иби баато. ‘‘каад̣̇и’’нд̇и баатасзсо. ахааси мзд̇и д̇ам̣ ж̇ивхаг̇г̇з табид̇амад̇д̇амзва сад̇д̇а расахаран̣исахассаани парид̇ваа мама куд̣̇ан̃жа бибаасан̃жа хари. абзд̇ад̣̇арат̇од̇и виг̇ад̇агааяажид̇д̇ад̣̇арат̇о . суд̇хаабхож̇анам̣ бхуд̇д̇асса вияа хи д̇асса саб̣б̣ад̣̇арат̇ам̣ абахари. б̣яанд̇ийбхууд̇од̇и д̇асса амб̣абаггасса виг̇ад̇анд̇о ж̇аад̇о, баригкийн̣аамб̣абагго худ̇ваад̇и ад̇т̇о. д̣̇укагкамод̇и д̣̇угкзна асаад̇зна гааяагкамзна жзва жид̇д̇агкамзна жа саманнааг̇ад̇о. ан̃н̃зсу бана гад̣̇алибанасаад̣̇ийсу палзсу барид̇д̇агамби ассаад̣̇ам̣ наад̇хиг̇ажчаами, саб̣б̣аани мз ж̇ивхааяа табид̇амад̇д̇аани д̇ид̇д̇агаанзва самбаж̇ж̇анд̇ийд̇и д̣̇ийбзд̇и.
Tattha vāridharo kumbhoti udakaghaṭo. Supariṇāhavāti susaṇṭhāno. Vaṇṇagandharasuttamanti vaṇṇagandharasehi uttamaṃ. Disvānāti disvā. Amalamajjhimeti nimmalamajjhe. Devataṃ ālapanto evamāha. Pāṇībhīti hatthehi. Agyāyatanamāharinti attano aggihutasālaṃ āhariṃ. Vikappetvāti vicchinditvā. ‘‘Vikantetvā’’tipi pāṭho. ‘‘Khādi’’nti pāṭhaseso. Ahāsi meti taṃ jivhagge ṭhapitamattameva satta rasaharaṇisahassāni pharitvā mama khudañca pipāsañca hari. Apetadarathoti vigatakāyacittadaratho . Sudhābhojanaṃ bhuttassa viya hi tassa sabbadarathaṃ apahari. Byantībhūtoti tassa ambapakkassa vigatanto jāto, parikkhīṇaambapakko hutvāti attho. Dukhakkhamoti dukkhena asātena kāyakkhamena ceva cittakkhamena ca samannāgato. Aññesu pana kadalipanasādīsu phalesu parittakampi assādaṃ nādhigacchāmi, sabbāni me jivhāya ṭhapitamattāni tittakāneva sampajjantīti dīpeti.
сосзд̇ваад̇и нираахаарад̇ааяа сосзд̇ваа сугкаабзд̇ваа. д̇ам̣ маманд̇и д̇ам̣ мама. яассаад̇и яам̣ асса, ахосийд̇и ад̇т̇о. ид̣̇ам̣ вуд̇д̇ам̣ ход̇и – яам̣ палам̣ мама саад̣̇у ахоси, яамахам̣ г̇амбхийрз бут̇улауд̣̇агагканд̇хасан̇каад̇з махан̣н̣авз вуяхамаанам̣ д̇ад̇о уд̣̇ад̇хисмаа уд̣̇д̇харим̣, д̇ам̣ амб̣ам̣ мама маран̣ам̣ аавахиссад̇ийд̇и ман̃н̃аами, маяхам̣ д̇ам̣ алабханд̇асса ж̇ийвид̇ам̣ наббавад̇д̇иссад̇ийд̇и. убавасаамийд̇и куббибаасаахи убаг̇ад̇о васаами. раммам̣ бад̇и нисинносмийд̇и раман̣ийяам̣ над̣̇им̣ бад̇и ахам̣ нисинно. бут̇уломааяуд̇аа бут̇ууд̇и аяам̣ над̣̇ий бут̇уломзхи мажчзхи ааяуд̇аа бут̇у вибулаа, аби наама мз ид̇о сод̇т̇и бхавзяяаад̇и ад̇хиббааяо. абалааяинийд̇и абалааяид̇ваа мама саммукз тид̇зд̇и д̇ам̣ д̣̇звад̇ам̣ аалабад̇и. ‘‘абалаасиний’’д̇иби баато, балаасарахид̇з анаваж̇ж̇асарийрзд̇и ад̇т̇о. гисса ваад̇и гисса ваа гааран̣аа ид̇хааг̇ад̇аасийд̇и бужчад̇и.
Sosetvāti nirāhāratāya sosetvā sukkhāpetvā. Taṃ mamanti taṃ mama. Yassāti yaṃ assa, ahosīti attho. Idaṃ vuttaṃ hoti – yaṃ phalaṃ mama sādu ahosi, yamahaṃ gambhīre puthulaudakakkhandhasaṅkhāte mahaṇṇave vuyhamānaṃ tato udadhismā uddhariṃ, taṃ ambaṃ mama maraṇaṃ āvahissatīti maññāmi, mayhaṃ taṃ alabhantassa jīvitaṃ nappavattissatīti. Upavasāmīti khuppipāsāhi upagato vasāmi. Rammaṃ pati nisinnosmīti ramaṇīyaṃ nadiṃ pati ahaṃ nisinno. Puthulomāyutā puthūti ayaṃ nadī puthulomehi macchehi āyutā puthu vipulā, api nāma me ito sotthi bhaveyyāti adhippāyo. Apalāyinīti apalāyitvā mama sammukhe ṭhiteti taṃ devataṃ ālapati. ‘‘Apalāsinī’’tipi pāṭho, palāsarahite anavajjasarīreti attho. Kissa vāti kissa vā kāraṇā idhāgatāsīti pucchati.
руубабаддабалимадтийваад̇и судту баримаж̇ж̇ид̇аган̃жанабаддасад̣̇исий. б̣яаг̇гхийваад̇и лийлаавилаасзна д̇арун̣аб̣яаг̇гхабод̇игаа вияа. д̣̇зваананд̇и чаннам̣ гаамааважарад̣̇зваанам̣. яаа жа мануссалогасминд̇и яаа жа мануссалогз. руубзнаанвааг̇ад̇ид̇т̇ияод̇и руубзна анвааг̇ад̇аа ид̇т̇ияо над̇т̇ийд̇и ад̇д̇ано самбхааванааяа звамааха. д̇ава руубасад̣̇исааяа наама на бхавид̇аб̣б̣анд̇и хисса ад̇хиббааяо. г̇анд̇хаб̣б̣амануссалогзд̇и муулаг̇анд̇хаад̣̇иниссид̇зсу г̇анд̇хаб̣б̣зсу жа мануссалогз жа. жаарубуб̣б̣ан̇г̇ийд̇и жаарунаа буб̣б̣ан̇г̇зна уурулагкан̣зна саманнааг̇ад̇з. нааман̃жа б̣анд̇хавзд̇и ад̇д̇ано наамаг̇од̇д̇ан̃жа б̣анд̇хавз жа маяхам̣ агкаахийд̇и вад̣̇ад̇и.
Rūpapaṭṭapalimaṭṭhīvāti suṭṭhu parimajjitakañcanapaṭṭasadisī. Byagghīvāti līlāvilāsena taruṇabyagghapotikā viya. Devānanti channaṃ kāmāvacaradevānaṃ. Yā ca manussalokasminti yā ca manussaloke. Rūpenānvāgatitthiyoti rūpena anvāgatā itthiyo natthīti attano sambhāvanāya evamāha. Tava rūpasadisāya nāma na bhavitabbanti hissa adhippāyo. Gandhabbamanussaloketi mūlagandhādinissitesu gandhabbesu ca manussaloke ca. Cārupubbaṅgīti cārunā pubbaṅgena ūrulakkhaṇena samannāgate. Nāmañca bandhaveti attano nāmagottañca bandhave ca mayhaṃ akkhāhīti vadati.
д̇ад̇о д̣̇звад̇хийд̇аа адта г̇аат̇аа абхааси –
Tato devadhītā aṭṭha gāthā abhāsi –
11.
11.
‘‘яам̣ д̇вам̣ бад̇и нисинноси, раммам̣ б̣раахман̣а госигим̣;
‘‘Yaṃ tvaṃ pati nisinnosi, rammaṃ brāhmaṇa kosikiṃ;
саахам̣ бхусаалаяаавуд̇т̇аа, варавааривахогхасаа.
Sāhaṃ bhusālayāvutthā, varavārivahoghasā.
12.
12.
‘‘наанаад̣̇умаг̇ан̣аагин̣н̣аа , б̣ахугаа г̇ириганд̣̇араа;
‘‘Nānādumagaṇākiṇṇā , bahukā girikandarā;
мамзва бамукаа хонд̇и, абхисанд̣̇анд̇и баавусз.
Mameva pamukhā honti, abhisandanti pāvuse.
13.
13.
‘‘ат̇о б̣ахуу ванад̇од̣̇аа, нийлавааривахинд̇хараа;
‘‘Atho bahū vanatodā, nīlavārivahindharā;
б̣ахугаа нааг̇авид̇д̇од̣̇аа, абхисанд̣̇анд̇и вааринаа.
Bahukā nāgavittodā, abhisandanti vārinā.
14.
14.
‘‘д̇аа амб̣аж̇амб̣улаб̣уж̇аа, нийбаа д̇аалаа жуд̣̇умб̣араа;
‘‘Tā ambajambulabujā, nīpā tālā cudumbarā;
б̣ахууни палаж̇аад̇аани, ааваханд̇и абхин̣хасо.
Bahūni phalajātāni, āvahanti abhiṇhaso.
15.
15.
‘‘яам̣ гин̃жи убхад̇о д̇ийрз, палам̣ бад̇ад̇и амб̣уни;
‘‘Yaṃ kiñci ubhato tīre, phalaṃ patati ambuni;
асам̣саяам̣ д̇ам̣ сод̇асса, палам̣ ход̇и васаануг̇ам̣.
Asaṃsayaṃ taṃ sotassa, phalaṃ hoti vasānugaṃ.
16.
16.
‘‘зд̇ад̣̇ан̃н̃ааяа мзд̇хаави, бут̇убан̃н̃а сун̣охи мз;
‘‘Etadaññāya medhāvi, puthupañña suṇohi me;
маа рожаяа мабхисан̇г̇ам̣, бадисзд̇ха ж̇анаад̇хиба.
Mā rocaya mabhisaṅgaṃ, paṭisedha janādhipa.
17.
17.
‘‘на ваахам̣ вад̣дхавам̣ ман̃н̃з, яам̣ д̇вам̣ радтаабхивад̣дхана;
‘‘Na vāhaṃ vaḍḍhavaṃ maññe, yaṃ tvaṃ raṭṭhābhivaḍḍhana;
аажзяяамаано рааж̇иси, маран̣ам̣ абхиган̇каси.
Āceyyamāno rājisi, maraṇaṃ abhikaṅkhasi.
18.
18.
‘‘д̇асса ж̇аананд̇и бид̇аро, г̇анд̇хаб̣б̣аа жа сад̣̇звагаа;
‘‘Tassa jānanti pitaro, gandhabbā ca sadevakā;
яз жааби исаяо логз, сан̃н̃ад̇ад̇д̇аа д̇абассино;
Ye cāpi isayo loke, saññatattā tapassino;
асам̣саяам̣ д̇зби ж̇аананд̇и, бадтабхууд̇аа яасассино’’д̇и.
Asaṃsayaṃ tepi jānanti, paṭṭhabhūtā yasassino’’ti.
д̇ад̇т̇а госигинд̇и яам̣ д̇вам̣, б̣раахман̣а, раммам̣ госигим̣ г̇ан̇г̇ам̣ бад̇и нисинно. бхусаалаяаавуд̇т̇аад̇и бхусз жан̣д̣асод̇з аалаяо яасса вимаанасса, д̇асмим̣ ад̇хивад̇т̇аа, г̇ан̇г̇адтагавимаанаваасинийд̇и ад̇т̇о. варавааривахогхасаад̇и варавааривахзна огхзна саманнааг̇ад̇аа. бамукаад̇и д̇аа вуд̇д̇аббагаараа г̇ириганд̣̇араа мам̣ бамукам̣ гаронд̇и, ахам̣ д̇аасам̣ баамогкаа хомийд̇и д̣̇ассзд̇и. абхисанд̣̇анд̇ийд̇и санд̣̇анд̇и бавад̇д̇анд̇и, д̇ад̇о д̇ад̇о ааг̇анд̇ваа мам̣ госигиг̇ан̇г̇ам̣ бависанд̇ийд̇и ад̇т̇о. ванад̇од̣̇аад̇и на гзвалам̣ ганд̣̇араава, ат̇а ко б̣ахуу ванад̇од̣̇аа д̇амхаа д̇амхаа ванамхаа уд̣̇агааниби мам̣ б̣ахууни бависанд̇и. нийлавааривахинд̇хараад̇и ман̣иван̣н̣зна нийлавааринаа яуд̇д̇з уд̣̇агагканд̇хасан̇каад̇з вахз д̇хаараяанд̇ияо. нааг̇авид̇д̇од̣̇аад̇и нааг̇аанам̣ вид̇д̇игаарзна д̇ханасан̇каад̇зна ваа уд̣̇агзна саманнааг̇ад̇аа. вааринаад̇и зваруубаа хи б̣ахуу над̣̇ияо мам̣ вааринаава абхисанд̣̇анд̇и буурзнд̇ийд̇и д̣̇ассзд̇и.
Tattha kosikinti yaṃ tvaṃ, brāhmaṇa, rammaṃ kosikiṃ gaṅgaṃ pati nisinno. Bhusālayāvutthāti bhuse caṇḍasote ālayo yassa vimānassa, tasmiṃ adhivatthā, gaṅgaṭṭhakavimānavāsinīti attho. Varavārivahoghasāti varavārivahena oghena samannāgatā. Pamukhāti tā vuttappakārā girikandarā maṃ pamukhaṃ karonti, ahaṃ tāsaṃ pāmokkhā homīti dasseti. Abhisandantīti sandanti pavattanti, tato tato āgantvā maṃ kosikigaṅgaṃ pavisantīti attho. Vanatodāti na kevalaṃ kandarāva, atha kho bahū vanatodā tamhā tamhā vanamhā udakānipi maṃ bahūni pavisanti. Nīlavārivahindharāti maṇivaṇṇena nīlavārinā yutte udakakkhandhasaṅkhāte vahe dhārayantiyo. Nāgavittodāti nāgānaṃ vittikārena dhanasaṅkhātena vā udakena samannāgatā. Vārināti evarūpā hi bahū nadiyo maṃ vārināva abhisandanti pūrentīti dasseti.
д̇аад̇и д̇аа над̣̇ияо. ааваханд̇ийд̇и зд̇аани амб̣аад̣̇ийни аагад̣дханд̇и. саб̣б̣аани хи зд̇аани убаяог̇ад̇т̇з бажжад̇д̇аважанаани. ат̇а ваа д̇аад̇и убаяог̇аб̣ахуважанам̣. ааваханд̇ийд̇и имаани амб̣аад̣̇ийни д̇аа над̣̇ияо ааг̇ажчанд̇и, убаг̇ажчанд̇ийд̇и ад̇т̇о, звам̣ убаг̇ад̇аани бана мама сод̇ам̣ бависанд̇ийд̇и ад̇хиббааяо. сод̇ассаад̇и яам̣ убхад̇о д̇ийрз ж̇аад̇аругкзхи палам̣ мама амб̣уни бад̇ад̇и, саб̣б̣ам̣ д̇ам̣ мама сод̇ассзва васаануг̇ам̣ ход̇и. над̇т̇зд̇т̇а сам̣саяод̇и звам̣ амб̣абаггасса над̣̇ийсод̇зна ааг̇аманагааран̣ам̣ гат̇зси.
Tāti tā nadiyo. Āvahantīti etāni ambādīni ākaḍḍhanti. Sabbāni hi etāni upayogatthe paccattavacanāni. Atha vā tāti upayogabahuvacanaṃ. Āvahantīti imāni ambādīni tā nadiyo āgacchanti, upagacchantīti attho, evaṃ upagatāni pana mama sotaṃ pavisantīti adhippāyo. Sotassāti yaṃ ubhato tīre jātarukkhehi phalaṃ mama ambuni patati, sabbaṃ taṃ mama sotasseva vasānugaṃ hoti. Natthettha saṃsayoti evaṃ ambapakkassa nadīsotena āgamanakāraṇaṃ kathesi.
мзд̇хаави бут̇убан̃н̃аад̇и убхаяам̣ аалабанамзва. маа рожаяаад̇и звам̣ д̇ан̣хаабхисан̇г̇ам̣ маа рожаяа. бадисзд̇хаад̇и бадисзд̇хзхи нанд̇и рааж̇аанам̣ овад̣̇ад̇и. вад̣дхаванд̇и бан̃н̃аавад̣дхабхаавам̣ бан̣д̣ид̇абхаавам̣. радтаабхивад̣дханаад̇и радтасса абхивад̣дхана. аажзяяамаанод̇и мам̣салохид̇зхи аажияанд̇о вад̣дханд̇о, д̇арун̣ова худ̇ваад̇и ад̇т̇о. рааж̇исийд̇и д̇ам̣ аалабад̇и. ид̣̇ам̣ вуд̇д̇ам̣ ход̇и – яам̣ д̇вам̣ нираахаарад̇ааяа суссамаано д̇арун̣ова самаано амб̣алобхзна маран̣ам̣ абхиган̇каси, на вз ахам̣ д̇ава имам̣ бан̣д̣ид̇абхаавам̣ ман̃н̃аамийд̇и.
Medhāvi puthupaññāti ubhayaṃ ālapanameva. Mā rocayāti evaṃ taṇhābhisaṅgaṃ mā rocaya. Paṭisedhāti paṭisedhehi nanti rājānaṃ ovadati. Vaḍḍhavanti paññāvaḍḍhabhāvaṃ paṇḍitabhāvaṃ. Raṭṭhābhivaḍḍhanāti raṭṭhassa abhivaḍḍhana. Āceyyamānoti maṃsalohitehi āciyanto vaḍḍhanto, taruṇova hutvāti attho. Rājisīti taṃ ālapati. Idaṃ vuttaṃ hoti – yaṃ tvaṃ nirāhāratāya sussamāno taruṇova samāno ambalobhena maraṇaṃ abhikaṅkhasi, na ve ahaṃ tava imaṃ paṇḍitabhāvaṃ maññāmīti.
д̇ассаад̇и яо буг̇г̇ало д̇ан̣хаавасиго ход̇и, д̇асса д̇ан̣хаавасигабхаавам̣ ‘‘бид̇аро’’д̇и сан̇кам̣ г̇ад̇аа б̣рахмаано жа сад̣̇д̇хим̣ гаамааважарад̣̇звзхи г̇анд̇хаб̣б̣аа жа вуд̇д̇аббагаараа д̣̇иб̣б̣ажагкугаа исаяо жа асам̣саяам̣ ж̇аананд̇и. анажчарияан̃жзд̇ам̣, яам̣ д̇з ид̣̇д̇химанд̇о ж̇аанзяяум̣, ‘‘асуго хи наама д̇ан̣хаавасиго ход̇ий’’д̇и. буна д̇зсам̣ бхаасамаанаанам̣ важанам̣ суд̇ваа язби д̇зсам̣ бадтабхууд̇аа яасассино барижаарагаа, д̇зби ж̇аананд̇и. баабагаммам̣ гаронд̇асса хи рахо наама над̇т̇ийд̇и д̇аабасасса сам̣взг̇ам̣ уббаад̣̇знд̇ий звамааха.
Tassāti yo puggalo taṇhāvasiko hoti, tassa taṇhāvasikabhāvaṃ ‘‘pitaro’’ti saṅkhaṃ gatā brahmāno ca saddhiṃ kāmāvacaradevehi gandhabbā ca vuttappakārā dibbacakkhukā isayo ca asaṃsayaṃ jānanti. Anacchariyañcetaṃ, yaṃ te iddhimanto jāneyyuṃ, ‘‘asuko hi nāma taṇhāvasiko hotī’’ti. Puna tesaṃ bhāsamānānaṃ vacanaṃ sutvā yepi tesaṃ paṭṭhabhūtā yasassino paricārakā, tepi jānanti. Pāpakammaṃ karontassa hi raho nāma natthīti tāpasassa saṃvegaṃ uppādentī evamāha.
д̇ад̇о д̇аабасо жад̇ассо г̇аат̇аа абхааси –
Tato tāpaso catasso gāthā abhāsi –
19.
19.
‘‘звам̣ вид̣̇ид̇ваа вид̣̇уу саб̣б̣ад̇хаммам̣, вид̣̇д̇хам̣санам̣ жаванам̣ ж̇ийвид̇асса;
‘‘Evaṃ viditvā vidū sabbadhammaṃ, viddhaṃsanaṃ cavanaṃ jīvitassa;
на жийяад̇ий д̇асса нарасса баабам̣, сажз на жзд̇зд̇и вад̇хааяа д̇асса.
Na cīyatī tassa narassa pāpaṃ, sace na ceteti vadhāya tassa.
20.
20.
‘‘исибууг̇асаман̃н̃аад̇з , звам̣ логяаа вид̣̇ид̇аа сад̇и;
‘‘Isipūgasamaññāte , evaṃ lokyā viditā sati;
анарияабарисамбхаасз, баабагаммам̣ ж̇иг̇ийсаси.
Anariyaparisambhāse, pāpakammaṃ jigīsasi.
21.
21.
‘‘сажз ахам̣ мариссаами, д̇ийрз д̇з бут̇усуссон̣и;
‘‘Sace ahaṃ marissāmi, tīre te puthusussoṇi;
асам̣саяам̣ д̇ам̣ асилого, маяи бзд̇з ааг̇амиссад̇и.
Asaṃsayaṃ taṃ asiloko, mayi pete āgamissati.
22.
22.
‘‘д̇асмаа хи баабагам̣ гаммам̣, рагкассзва сумаж̇жхимз;
‘‘Tasmā hi pāpakaṃ kammaṃ, rakkhasseva sumajjhime;
маа д̇ам̣ саб̣б̣о ж̇ано бажчаа, багудтааяи маяи мад̇з’’д̇и.
Mā taṃ sabbo jano pacchā, pakuṭṭhāyi mayi mate’’ti.
д̇ад̇т̇а звам̣ вид̣̇ид̇ваад̇и яат̇аа ахам̣ сийлан̃жа анижжад̇ан̃жа ж̇аанаами, звам̣ ж̇аанид̇ваа тид̇асса. вид̣̇ууд̇и вид̣̇уно. саб̣б̣ад̇хамманд̇и саб̣б̣ам̣ сужарид̇ад̇хаммам̣. д̇ивид̇хан̃хи сужарид̇ам̣ ид̇ха саб̣б̣ад̇хаммод̇и ад̇хиббзд̇ам̣. вид̣̇д̇хам̣сананд̇и бхан̇г̇ам̣. жавананд̇и жуд̇им̣. ж̇ийвид̇ассаад̇и ааяуно. ид̣̇ам̣ вуд̇д̇ам̣ ход̇и – звам̣ вид̣̇ид̇ваа тид̇асса бан̣д̣ид̇асса саб̣б̣ам̣ сужарид̇ад̇хаммам̣ ж̇ийвид̇асса жа анижжад̇ам̣ ж̇аананд̇асса зваруубасса нарасса баабам̣ на жийяад̇и на вад̣дхад̇и. сажз на жзд̇зд̇и вад̇хааяа д̇ассаад̇и д̇асса сан̇кам̣ г̇ад̇асса барабуг̇г̇аласса вад̇хааяа на жзд̇зд̇и на багаббзд̇и, нзва барабуг̇г̇алам̣ вад̇хааяа жзд̇зд̇и, нааби барасанд̇агам̣ винаасзд̇и, ахан̃жа гассажи вад̇хааяа ажзд̇зд̇ваа гзвалам̣ амб̣абаггз аасан̇г̇ам̣ гад̇ваа г̇ан̇г̇ам̣ ологзнд̇о нисинно, д̇вам̣ маяхам̣ гим̣ наама агусалам̣ бассасийд̇и.
Tattha evaṃ viditvāti yathā ahaṃ sīlañca aniccatañca jānāmi, evaṃ jānitvā ṭhitassa. Vidūti viduno. Sabbadhammanti sabbaṃ sucaritadhammaṃ. Tividhañhi sucaritaṃ idha sabbadhammoti adhippetaṃ. Viddhaṃsananti bhaṅgaṃ. Cavananti cutiṃ. Jīvitassāti āyuno. Idaṃ vuttaṃ hoti – evaṃ viditvā ṭhitassa paṇḍitassa sabbaṃ sucaritadhammaṃ jīvitassa ca aniccataṃ jānantassa evarūpassa narassa pāpaṃ na cīyati na vaḍḍhati. Sace na ceteti vadhāya tassāti tassa saṅkhaṃ gatassa parapuggalassa vadhāya na ceteti na pakappeti, neva parapuggalaṃ vadhāya ceteti, nāpi parasantakaṃ vināseti, ahañca kassaci vadhāya acetetvā kevalaṃ ambapakke āsaṅgaṃ katvā gaṅgaṃ olokento nisinno, tvaṃ mayhaṃ kiṃ nāma akusalaṃ passasīti.
исибууг̇асаман̃н̃аад̇зд̇и исиг̇ан̣зна судту ан̃н̃аад̇з исийнам̣ саммад̇з. звам̣ логяаад̇и д̇вам̣ наама баабабавааханзна логасса хид̇аад̇и звам̣ вид̣̇ид̇аа. сад̇ийд̇и сад̇и собханз уд̇д̇амзд̇и аалабанамзд̇ам̣. анарияабарисамбхаасзд̇и ‘‘д̇асса ж̇аананд̇и бид̇аро’’д̇иаад̣̇игааяа асунд̣̇арааяа барибхаасааяа саманнааг̇ад̇з. ж̇иг̇ийсасийд̇и маяи баабз асам̣виж̇ж̇анд̇зби мам̣ звам̣ барибхаасанд̇ий жа барамаран̣ам̣ аж̇жхубзгканд̇ий жа ад̇д̇ано баабагаммам̣ г̇авзсаси уббаад̣̇зси. д̇ийрз д̇зд̇и д̇ава г̇ан̇г̇аад̇ийрз. бут̇усуссон̣ийд̇и бут̇улааяа сунд̣̇арааяа сон̣ияаа саманнааг̇ад̇з. бзд̇зд̇и амб̣абаггам̣ алабхид̇ваа баралогам̣ г̇ад̇з, мад̇зд̇и ад̇т̇о. багудтааяийд̇и аггоси г̇арахи нинд̣̇и. ‘‘багвад̇т̇аасий’’д̇иби баато.
Isipūgasamaññāteti isigaṇena suṭṭhu aññāte isīnaṃ sammate. Evaṃ lokyāti tvaṃ nāma pāpapavāhanena lokassa hitāti evaṃ viditā. Satīti sati sobhane uttameti ālapanametaṃ. Anariyaparisambhāseti ‘‘tassa jānanti pitaro’’tiādikāya asundarāya paribhāsāya samannāgate. Jigīsasīti mayi pāpe asaṃvijjantepi maṃ evaṃ paribhāsantī ca paramaraṇaṃ ajjhupekkhantī ca attano pāpakammaṃ gavesasi uppādesi. Tīre teti tava gaṅgātīre. Puthusussoṇīti puthulāya sundarāya soṇiyā samannāgate. Peteti ambapakkaṃ alabhitvā paralokaṃ gate, mateti attho. Pakuṭṭhāyīti akkosi garahi nindi. ‘‘Pakvatthāsī’’tipi pāṭho.
д̇ам̣ суд̇ваа д̣̇звад̇хийд̇аа бан̃жа г̇аат̇аа абхааси –
Taṃ sutvā devadhītā pañca gāthā abhāsi –
23.
23.
‘‘ан̃н̃аад̇амзд̇ам̣ ависаяхасаахи, ад̇д̇аанамамб̣ан̃жа д̣̇ад̣̇аами д̇з д̇ам̣;
‘‘Aññātametaṃ avisayhasāhi, attānamambañca dadāmi te taṃ;
яо д̣̇уб̣б̣аж̇з гаамаг̇ун̣з бахааяа, санд̇ин̃жа д̇хамман̃жа ад̇хидтид̇оси.
Yo dubbaje kāmaguṇe pahāya, santiñca dhammañca adhiṭṭhitosi.
24.
24.
‘‘яо хид̇ваа буб̣б̣асан̃н̃ог̇ам̣, бажчаасам̣яож̇анз тид̇о;
‘‘Yo hitvā pubbasaññogaṃ, pacchāsaṃyojane ṭhito;
ад̇хамман̃жзва жарад̇и, баабан̃жасса бавад̣дхад̇и.
Adhammañceva carati, pāpañcassa pavaḍḍhati.
25.
25.
‘‘зхи д̇ам̣ баабаяиссаами, гаамам̣ аббоссуго бхава;
‘‘Ehi taṃ pāpayissāmi, kāmaṃ appossuko bhava;
убанаяаами сийд̇асмим̣, вихараахи ануссуго.
Upanayāmi sītasmiṃ, viharāhi anussuko.
26.
26.
‘‘д̇ам̣ бубпарасамад̇д̇збхи, вагган̇г̇зхи аринд̣̇ама;
‘‘Taṃ puppharasamattebhi, vakkaṅgehi arindama;
гон̃жаа маяуураа д̣̇ивияаа, голадтимад̇хусаал̣игаа;
Koñcā mayūrā diviyā, kolaṭṭhimadhusāḷikā;
гууж̇ид̇аа хам̣сабууг̇зхи, гогилзд̇т̇а баб̣од̇харз.
Kūjitā haṃsapūgehi, kokilettha pabodhare.
27.
27.
‘‘амб̣зд̇т̇а виббасаакаг̇г̇аа, балаалакаласаннибхаа;
‘‘Ambettha vippasākhaggā, palālakhalasannibhā;
госамб̣асалал̣аа нийбаа, баггад̇аалавиламб̣ино’’д̇и.
Kosambasalaḷā nīpā, pakkatālavilambino’’ti.
д̇ад̇т̇а ан̃н̃аад̇амзд̇анд̇и ‘‘г̇арахаа д̇з бхависсад̇ийд̇и вад̣̇анд̇о амб̣абаггад̇т̇ааяа вад̣̇асий’’д̇и зд̇ам̣ гааран̣ам̣ маяаа ан̃н̃аад̇ам̣. ависаяхасаахийд̇и рааж̇аано наама д̣̇уссахам̣ саханд̇и, д̇зна нам̣ аалабанд̇ий звамааха. ад̇д̇аананд̇и д̇ам̣ аалин̇г̇ид̇ваа амб̣аванам̣ наяанд̇ий ад̇д̇аанан̃жа д̇з д̣̇ад̣̇аами д̇ан̃жа амб̣ам̣. гаамаг̇ун̣зд̇и ган̃жанамаалаасзд̇ажчад̇д̇абадиман̣д̣ид̇з вад̇т̇угаамз. санд̇ин̃жа д̇хамман̃жаад̇и д̣̇уссийляавуубасамзна санд̇исан̇каад̇ам̣ сийлан̃жзва сужарид̇ад̇хамман̃жа. ад̇хидтид̇осийд̇и яо д̇вам̣ имз г̇ун̣з убаг̇ад̇о, зд̇зсу ваа бад̇идтид̇од̇и ад̇т̇о.
Tattha aññātametanti ‘‘garahā te bhavissatīti vadanto ambapakkatthāya vadasī’’ti etaṃ kāraṇaṃ mayā aññātaṃ. Avisayhasāhīti rājāno nāma dussahaṃ sahanti, tena naṃ ālapantī evamāha. Attānanti taṃ āliṅgitvā ambavanaṃ nayantī attānañca te dadāmi tañca ambaṃ. Kāmaguṇeti kañcanamālāsetacchattapaṭimaṇḍite vatthukāme. Santiñca dhammañcāti dussīlyavūpasamena santisaṅkhātaṃ sīlañceva sucaritadhammañca. Adhiṭṭhitosīti yo tvaṃ ime guṇe upagato, etesu vā patiṭṭhitoti attho.
буб̣б̣асан̃н̃ог̇анд̇и буримаб̣анд̇ханам̣. бажчаасам̣яож̇анзд̇и бажчимаб̣анд̇ханз. ид̣̇ам̣ вуд̇д̇ам̣ ход̇и – амбхо д̇аабаса яо маханд̇ам̣ раж̇ж̇асиривибхавам̣ бахааяа амб̣абаггамад̇д̇з расад̇ан̣хааяа б̣аж̇жхид̇ваа ваад̇аад̇абам̣ аг̇ан̣зд̇ваа над̣̇ийд̇ийрз суссамаано нисийд̣̇ад̇и, со махаасамуд̣̇д̣̇ам̣ д̇арид̇ваа взланд̇з сам̣сийд̣̇анабуг̇г̇аласад̣̇исо. яо буг̇г̇ало расад̇ан̣хаавасиго ад̇хамман̃жзва жарад̇и, расад̇ан̣хаавасзна гарияамаанам̣ баабан̃жасса бавад̣дхад̇ийд̇и. ид̇и саа д̇аабасам̣ г̇араханд̇ий звамааха.
Pubbasaññoganti purimabandhanaṃ. Pacchāsaṃyojaneti pacchimabandhane. Idaṃ vuttaṃ hoti – ambho tāpasa yo mahantaṃ rajjasirivibhavaṃ pahāya ambapakkamatte rasataṇhāya bajjhitvā vātātapaṃ agaṇetvā nadītīre sussamāno nisīdati, so mahāsamuddaṃ taritvā velante saṃsīdanapuggalasadiso. Yo puggalo rasataṇhāvasiko adhammañceva carati, rasataṇhāvasena kariyamānaṃ pāpañcassa pavaḍḍhatīti. Iti sā tāpasaṃ garahantī evamāha.
гаамам̣ аббоссуго бхаваад̇и згам̣сзнзва амб̣абаггз нираалаяо хохи. сийд̇асминд̇и сийд̇алз амб̣аванз. д̇анд̇и звам̣ вад̣̇амаанаава д̣̇звад̇аа д̇аабасам̣ аалин̇г̇ид̇ваа урз нибаж̇ж̇аабзд̇ваа аагаасз багканд̇аа д̇ияож̇анигам̣ д̣̇иб̣б̣аамб̣аванам̣ д̣̇исваа сагун̣асад̣̇д̣̇ан̃жа суд̇ваа д̇аабасасса аажигканд̇ий ‘‘д̇а’’нд̇и звамааха. бубпарасамад̇д̇збхийд̇и бубпарасзна мад̇д̇зхи. вагган̇г̇зхийд̇и ван̇гаг̇ийвзхи сагун̣зхи абхинаад̣̇ид̇анд̇и ад̇т̇о. ид̣̇аани д̇з сагун̣з аажигканд̇ий ‘‘гон̃жаа’’д̇иаад̣̇имааха. д̇ад̇т̇а д̣̇ивияаад̇и д̣̇иб̣яаа. голадтимад̇хусаал̣игаад̇и голадтисагун̣аа жа наама суван̣н̣асаал̣игаа сагун̣аа жа. зд̇з д̣̇иб̣б̣асагун̣аа зд̇т̇а васанд̇ийд̇и д̣̇ассзд̇и. гууж̇ид̇аа хам̣сабууг̇зхийд̇и хам̣саг̇ан̣зхи убагууж̇ид̇аа виравасан̇гхаддид̇аа. гогилзд̇т̇а баб̣од̇харзд̇и зд̇т̇а амб̣аванз гогилаа вассанд̇ияо ад̇д̇аанам̣ баб̣од̇хзнд̇и н̃аабзнд̇и. амб̣зд̇т̇аад̇и амб̣аа зд̇т̇а. виббасаакаг̇г̇аад̇и палабхаарзна онамид̇асаакаг̇г̇аа. балаалакаласаннибхаад̇и бубпасаннижаязна саалибалаалакаласад̣̇исаа. баггад̇аалавиламб̣инод̇и баггад̇аалапалавиламб̣ино. зваруубаа ругкаа жа зд̇т̇а ад̇т̇ийд̇и амб̣аванам̣ ван̣н̣зд̇и.
Kāmaṃ appossuko bhavāti ekaṃseneva ambapakke nirālayo hohi. Sītasminti sītale ambavane. Tanti evaṃ vadamānāva devatā tāpasaṃ āliṅgitvā ure nipajjāpetvā ākāse pakkhantā tiyojanikaṃ dibbaambavanaṃ disvā sakuṇasaddañca sutvā tāpasassa ācikkhantī ‘‘ta’’nti evamāha. Puppharasamattebhīti puppharasena mattehi. Vakkaṅgehīti vaṅkagīvehi sakuṇehi abhināditanti attho. Idāni te sakuṇe ācikkhantī ‘‘koñcā’’tiādimāha. Tattha diviyāti dibyā. Kolaṭṭhimadhusāḷikāti kolaṭṭhisakuṇā ca nāma suvaṇṇasāḷikā sakuṇā ca. Ete dibbasakuṇā ettha vasantīti dasseti. Kūjitā haṃsapūgehīti haṃsagaṇehi upakūjitā viravasaṅghaṭṭitā. Kokilettha pabodhareti ettha ambavane kokilā vassantiyo attānaṃ pabodhenti ñāpenti. Ambetthāti ambā ettha. Vippasākhaggāti phalabhārena onamitasākhaggā. Palālakhalasannibhāti pupphasannicayena sālipalālakhalasadisā. Pakkatālavilambinoti pakkatālaphalavilambino. Evarūpā rukkhā ca ettha atthīti ambavanaṃ vaṇṇeti.
ван̣н̣аяид̇ваа жа бана д̇аабасам̣ д̇ад̇т̇а од̇аарзд̇ваа ‘‘имасмим̣ амб̣аванз амб̣аани каад̣̇анд̇о ад̇д̇ано д̇ан̣хам̣ буурзхий’’д̇и вад̇ваа баггаами. д̇аабасо амб̣аани каад̣̇ид̇ваа д̇ан̣хам̣ буурзд̇ваа виссамид̇ваа амб̣аванз вижаранд̇о д̇ам̣ бзд̇ам̣ д̣̇угкам̣ анубхаванд̇ам̣ д̣̇исваа гин̃жи вад̇д̇ум̣ наасагки. суурияз бана ад̇т̇ан̇г̇ад̇з д̇ам̣ наадагид̇т̇ибариваарид̇ам̣ д̣̇иб̣б̣асамбад̇д̇им̣ анубхавамаанам̣ д̣̇исваа д̇иссо г̇аат̇аа абхааси –
Vaṇṇayitvā ca pana tāpasaṃ tattha otāretvā ‘‘imasmiṃ ambavane ambāni khādanto attano taṇhaṃ pūrehī’’ti vatvā pakkāmi. Tāpaso ambāni khāditvā taṇhaṃ pūretvā vissamitvā ambavane vicaranto taṃ petaṃ dukkhaṃ anubhavantaṃ disvā kiñci vattuṃ nāsakkhi. Sūriye pana atthaṅgate taṃ nāṭakitthiparivāritaṃ dibbasampattiṃ anubhavamānaṃ disvā tisso gāthā abhāsi –
28.
28.
‘‘маалий гиридий гааяуурий, ан̇г̇ад̣̇ий жанд̣̇ануссад̣̇о;
‘‘Mālī kiriṭī kāyūrī, aṅgadī candanussado;
рад̇д̇им̣ д̇вам̣ барижаарзси, д̣̇иваа взд̣̇зси взд̣̇анам̣.
Rattiṃ tvaṃ paricāresi, divā vedesi vedanaṃ.
29.
29.
‘‘сол̣асид̇т̇исахассаани, яаа д̇змаа барижааригаа;
‘‘Soḷasitthisahassāni, yā temā paricārikā;
звам̣ махаанубхаавоси, аб̣бхуд̇о ломахам̣сано.
Evaṃ mahānubhāvosi, abbhuto lomahaṃsano.
30.
30.
‘‘гим̣ гаммамагарий буб̣б̣з, баабам̣ ад̇д̇ад̣̇укаавахам̣;
‘‘Kiṃ kammamakarī pubbe, pāpaṃ attadukhāvahaṃ;
яам̣ гарид̇ваа мануссзсу, бидтимам̣саани каад̣̇асий’’д̇и.
Yaṃ karitvā manussesu, piṭṭhimaṃsāni khādasī’’ti.
д̇ад̇т̇а маалийд̇и д̣̇иб̣б̣амаалаад̇харо. гиридийд̇и д̣̇иб̣б̣авзтанад̇харо. гааяуурийд̇и д̣̇иб̣б̣аабхаран̣абадиман̣д̣ид̇о. ан̇г̇ад̣̇ийд̇и д̣̇иб̣б̣ан̇г̇ад̣̇асаманнааг̇ад̇о. жанд̣̇ануссад̣̇од̇и д̣̇иб̣б̣ажанд̣̇анавилид̇д̇о. барижаарзсийд̇и инд̣̇рияаани д̣̇иб̣б̣ависаязсу жаарзси. д̣̇иваад̇и д̣̇иваа бана махаад̣̇угкам̣ анубхоси. яаа д̇змаад̇и яаа д̇з имаа. аб̣бхуд̇од̇и мануссалогз абхууд̇абуб̣б̣о. ломахам̣санод̇и яз д̇ам̣ бассанд̇и, д̇зсам̣ ломаани хам̣санд̇и. буб̣б̣зд̇и буримабхавз. ад̇д̇ад̣̇укааваханд̇и ад̇д̇ано д̣̇угкаавахам̣. мануссзсууд̇и яам̣ мануссалогз гад̇ваа ид̣̇аани ад̇д̇ано бидтимам̣саани каад̣̇асийд̇и бужчад̇и.
Tattha mālīti dibbamālādharo. Kiriṭīti dibbaveṭhanadharo. Kāyūrīti dibbābharaṇapaṭimaṇḍito. Aṅgadīti dibbaṅgadasamannāgato. Candanussadoti dibbacandanavilitto. Paricāresīti indriyāni dibbavisayesu cāresi. Divāti divā pana mahādukkhaṃ anubhosi. Yā temāti yā te imā. Abbhutoti manussaloke abhūtapubbo. Lomahaṃsanoti ye taṃ passanti, tesaṃ lomāni haṃsanti. Pubbeti purimabhave. Attadukhāvahanti attano dukkhāvahaṃ. Manussesūti yaṃ manussaloke katvā idāni attano piṭṭhimaṃsāni khādasīti pucchati.
бзд̇о д̇ам̣ сан̃ж̇аанид̇ваа ‘‘д̇умхз мам̣ на сан̃ж̇аанаат̇а, ахам̣ д̇умхаагам̣ бурохид̇о ахосим̣, ид̣̇ам̣ мз рад̇д̇им̣ сукаанубхаванам̣ д̇умхз ниссааяа гад̇асса убад̣дхуубосат̇асса ниссанд̣̇зна лад̣̇д̇хам̣, д̣̇иваа д̣̇угкаанубхаванам̣ бана маяаа багад̇асса баабассзва ниссанд̣̇зна. ахан̃хи д̇умхзхи винижчаяз табид̇о гуудад̣д̣ам̣ гарид̇ваа лан̃ж̇ам̣ г̇ахзд̇ваа барабидтимам̣сиго худ̇ваа д̇асса д̣̇иваа гад̇асса гаммасса ниссанд̣̇зна ид̣̇ам̣ д̣̇угкам̣ анубхаваамий’’д̇и вад̇ваа г̇аат̇аад̣̇ваяамааха –
Peto taṃ sañjānitvā ‘‘tumhe maṃ na sañjānātha, ahaṃ tumhākaṃ purohito ahosiṃ, idaṃ me rattiṃ sukhānubhavanaṃ tumhe nissāya katassa upaḍḍhūposathassa nissandena laddhaṃ, divā dukkhānubhavanaṃ pana mayā pakatassa pāpasseva nissandena. Ahañhi tumhehi vinicchaye ṭhapito kūṭaḍḍaṃ karitvā lañjaṃ gahetvā parapiṭṭhimaṃsiko hutvā tassa divā katassa kammassa nissandena idaṃ dukkhaṃ anubhavāmī’’ti vatvā gāthādvayamāha –
31.
31.
‘‘аж̇жхзнаани бадиг̇г̇аяха, гаамзсу г̇ад̇хид̇о ахам̣;
‘‘Ajjhenāni paṭiggayha, kāmesu gadhito ahaṃ;
ажарим̣ д̣̇ийгхамад̣̇д̇хаанам̣, барзсам̣ ахид̇ааяахам̣.
Acariṃ dīghamaddhānaṃ, paresaṃ ahitāyahaṃ.
32.
32.
‘‘яо бидтимам̣сиго ход̇и, звам̣ уггажжа каад̣̇ад̇и;
‘‘Yo piṭṭhimaṃsiko hoti, evaṃ ukkacca khādati;
яат̇аахам̣ аж̇ж̇а каад̣̇аами, бидтимам̣саани ад̇д̇ано’’д̇и.
Yathāhaṃ ajja khādāmi, piṭṭhimaṃsāni attano’’ti.
д̇ад̇т̇а аж̇жхзнаанийд̇и взд̣̇з. бадиг̇г̇аяхаад̇и бадиг̇г̇ахзд̇ваа ад̇хийяид̇ваа. ажаринд̇и бадибаж̇ж̇им̣. ахид̇ааяаханд̇и ахид̇ааяа ад̇т̇анаасанааяа ахам̣. яо бидтимам̣сигод̇и яо буг̇г̇ало барзсам̣ бидтимам̣сакаад̣̇аго бисун̣о ход̇и. уггажжаад̇и угганд̇ид̇ваа.
Tattha ajjhenānīti vede. Paṭiggayhāti paṭiggahetvā adhīyitvā. Acarinti paṭipajjiṃ. Ahitāyahanti ahitāya atthanāsanāya ahaṃ. Yo piṭṭhimaṃsikoti yo puggalo paresaṃ piṭṭhimaṃsakhādako pisuṇo hoti. Ukkaccāti ukkantitvā.
ид̣̇ан̃жа бана вад̇ваа д̇аабасам̣ бужчи – ‘‘д̇умхз гат̇ам̣ ид̇хааг̇ад̇аа’’д̇и. д̇аабасо саб̣б̣ам̣ вид̇т̇аарзна гат̇зси. ‘‘ид̣̇аани бана, бханд̇з, ид̇хзва васиссат̇а, г̇амиссат̇аа’’д̇и. ‘‘на васиссаами, ассамабад̣̇ам̣язва г̇амиссаамий’’д̇и. бзд̇о ‘‘саад̇ху, бханд̇з, ахам̣ во ниб̣ад̣̇д̇хам̣ амб̣абаггзна убадтахиссаамий’’д̇и вад̇ваа ад̇д̇ано аанубхаавзна ассамабад̣̇зязва од̇аарзд̇ваа ‘‘анугган̣таа ид̇хзва васат̇аа’’д̇и бадин̃н̃ам̣ г̇ахзд̇ваа г̇ад̇о. д̇ад̇о бадтааяа ниб̣ад̣̇д̇хам̣ амб̣абаггзна убадтахи. д̇аабасо д̇ам̣ барибхун̃ж̇анд̇о гасин̣абаригаммам̣ гад̇ваа жхаанаабхин̃н̃аа ниб̣б̣ад̇д̇зд̇ваа б̣рахмалогабарааяан̣о ахоси.
Idañca pana vatvā tāpasaṃ pucchi – ‘‘tumhe kathaṃ idhāgatā’’ti. Tāpaso sabbaṃ vitthārena kathesi. ‘‘Idāni pana, bhante, idheva vasissatha, gamissathā’’ti. ‘‘Na vasissāmi, assamapadaṃyeva gamissāmī’’ti. Peto ‘‘sādhu, bhante, ahaṃ vo nibaddhaṃ ambapakkena upaṭṭhahissāmī’’ti vatvā attano ānubhāvena assamapadeyeva otāretvā ‘‘anukkaṇṭhā idheva vasathā’’ti paṭiññaṃ gahetvā gato. Tato paṭṭhāya nibaddhaṃ ambapakkena upaṭṭhahi. Tāpaso taṃ paribhuñjanto kasiṇaparikammaṃ katvā jhānābhiññā nibbattetvā brahmalokaparāyaṇo ahosi.
сад̇т̇аа убаасагаанам̣ имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз гзжи сод̇аабаннаа ахзсум̣, гзжи сагад̣̇ааг̇аамино, гзжи анааг̇аамино. д̇ад̣̇аа д̣̇звад̇хийд̇аа уббалаван̣н̣аа ахоси, д̇аабасо бана ахамзва ахосинд̇и.
Satthā upāsakānaṃ imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne keci sotāpannā ahesuṃ, keci sakadāgāmino, keci anāgāmino. Tadā devadhītā uppalavaṇṇā ahosi, tāpaso pana ahameva ahosinti.
гим̣чанд̣̇аж̇аад̇агаван̣н̣анаа батамаа.
Kiṃchandajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 511. гим̣чанд̣̇аж̇аад̇агам̣ • 511. Kiṃchandajātakaṃ
