| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[85] 5. гим̣баггаж̇аад̇агаван̣н̣анаа
[85] 5. Kiṃpakkajātakavaṇṇanā
ааяад̇им̣ д̣̇осам̣ наан̃н̃ааяаад̇и ид̣̇ам̣ сад̇т̇аа ж̇зд̇аванз вихаранд̇о згам̣ угган̣тид̇абхигкум̣ аараб̣бха гат̇зси. ан̃н̃ад̇аро гира гулабуд̇д̇о б̣уд̣̇д̇хасаасанз урам̣ д̣̇ад̇ваа баб̣б̣аж̇ид̇о згад̣̇ивасам̣ саавад̇т̇ияам̣ бин̣д̣ааяа жаранд̇о згам̣ алан̇гад̇аид̇т̇им̣ д̣̇исваа угган̣ти. ат̇а нам̣ аажарияубаж̇жхааяаа сад̇т̇у санд̇игам̣ аанаяим̣су. сад̇т̇аа ‘‘сажжам̣ гира д̇вам̣ бхигку угган̣тид̇осий’’д̇и бужчид̇ваа ‘‘сажжа’’нд̇и вуд̇д̇з ‘‘бан̃жа гаамаг̇ун̣аа наамзд̇з бхигку барибхог̇агаалз раман̣ийяаа. со бана д̇зсам̣ барибхог̇о нираяаад̣̇ийсу бадисанд̇хид̣̇ааяагад̇д̇аа гим̣баггапалабарибхог̇асад̣̇исо ход̇и. гим̣баггапалам̣ наама ван̣н̣аг̇анд̇харасасамбаннам̣, каад̣̇ид̇ам̣ бана анд̇аани кан̣д̣ид̇ваа ж̇ийвид̇агкаяам̣ баабзд̇и. буб̣б̣з б̣ахуу б̣аалаж̇анаа д̇асса д̣̇осам̣ ад̣̇исваа ван̣н̣аг̇анд̇харасзсу б̣аж̇жхид̇ваа д̇ам̣ палам̣ барибхун̃ж̇ид̇ваа ж̇ийвид̇агкаяам̣ баабун̣им̣суу’’д̇и вад̇ваа д̇зхи яаажид̇о ад̇ийд̇ам̣ аахари.
Āyatiṃ dosaṃ nāññāyāti idaṃ satthā jetavane viharanto ekaṃ ukkaṇṭhitabhikkhuṃ ārabbha kathesi. Aññataro kira kulaputto buddhasāsane uraṃ datvā pabbajito ekadivasaṃ sāvatthiyaṃ piṇḍāya caranto ekaṃ alaṅkataitthiṃ disvā ukkaṇṭhi. Atha naṃ ācariyupajjhāyā satthu santikaṃ ānayiṃsu. Satthā ‘‘saccaṃ kira tvaṃ bhikkhu ukkaṇṭhitosī’’ti pucchitvā ‘‘sacca’’nti vutte ‘‘pañca kāmaguṇā nāmete bhikkhu paribhogakāle ramaṇīyā. So pana tesaṃ paribhogo nirayādīsu paṭisandhidāyakattā kiṃpakkaphalaparibhogasadiso hoti. Kiṃpakkaphalaṃ nāma vaṇṇagandharasasampannaṃ, khāditaṃ pana antāni khaṇḍitvā jīvitakkhayaṃ pāpeti. Pubbe bahū bālajanā tassa dosaṃ adisvā vaṇṇagandharasesu bajjhitvā taṃ phalaṃ paribhuñjitvā jīvitakkhayaṃ pāpuṇiṃsū’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сад̇т̇аваахо худ̇ваа бан̃жахи сагадасад̇зхи буб̣б̣анд̇аабаранд̇ам̣ г̇ажчанд̇о адавимукам̣ бад̇ваа мануссз саннибаад̇зд̇ваа ‘‘имиссаа адавияаа висаругкаа наама ад̇т̇и, маа ко мам̣ анаабужчаа буб̣б̣з акаад̣̇ид̇абуб̣б̣аани палаапалаани каад̣̇ид̇т̇аа’’д̇и овад̣̇и. мануссаа адавим̣ ад̇иггамид̇ваа адавимукз згам̣ гим̣баггаругкам̣ палабхаараон̣амид̇асаакам̣ ад̣̇д̣̇асам̣су. д̇асса канд̇хасаакаабад̇д̇апалаани сан̣таанаван̣н̣арасаг̇анд̇хзхи амб̣асад̣̇исаанзва. д̇зсу згажжз ван̣н̣аг̇анд̇харасзсу б̣аж̇жхид̇ваа амб̣апаласан̃н̃ааяа палаани каад̣̇им̣су, згажжз ‘‘сад̇т̇аваахам̣ бужчид̇ваа каад̣̇иссаамаа’’д̇и г̇ахзд̇ваа адтам̣су. б̣од̇хисад̇д̇о д̇ам̣ таанам̣ бад̇ваа яз г̇ахзд̇ваа тид̇аа, д̇з палаани чад̣д̣аабзд̇ваа, яз каад̣̇амаанаа адтам̣су, д̇з ваманам̣ гаарзд̇ваа д̇зсам̣ бхзсаж̇ж̇ам̣ ад̣̇ааси. д̇зсу згажжз арог̇аа ж̇аад̇аа, батамамзва каад̣̇ид̇ваа тид̇аа бана ж̇ийвид̇агкаяам̣ бад̇д̇аа. б̣од̇хисад̇д̇оби ижчид̇адтаанам̣ сод̇т̇инаа г̇анд̇ваа лаабхам̣ лабхид̇ваа буна сагадтаанамзва ааг̇анд̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Atīte bārāṇasiyaṃ brahmadatte rajjaṃ kārente bodhisatto satthavāho hutvā pañcahi sakaṭasatehi pubbantāparantaṃ gacchanto aṭavimukhaṃ patvā manusse sannipātetvā ‘‘imissā aṭaviyā visarukkhā nāma atthi, mā kho maṃ anāpucchā pubbe akhāditapubbāni phalāphalāni khāditthā’’ti ovadi. Manussā aṭaviṃ atikkamitvā aṭavimukhe ekaṃ kiṃpakkarukkhaṃ phalabhāraoṇamitasākhaṃ addasaṃsu. Tassa khandhasākhāpattaphalāni saṇṭhānavaṇṇarasagandhehi ambasadisāneva. Tesu ekacce vaṇṇagandharasesu bajjhitvā ambaphalasaññāya phalāni khādiṃsu, ekacce ‘‘satthavāhaṃ pucchitvā khādissāmā’’ti gahetvā aṭṭhaṃsu. Bodhisatto taṃ ṭhānaṃ patvā ye gahetvā ṭhitā, te phalāni chaḍḍāpetvā, ye khādamānā aṭṭhaṃsu, te vamanaṃ kāretvā tesaṃ bhesajjaṃ adāsi. Tesu ekacce arogā jātā, paṭhamameva khāditvā ṭhitā pana jīvitakkhayaṃ pattā. Bodhisattopi icchitaṭṭhānaṃ sotthinā gantvā lābhaṃ labhitvā puna sakaṭṭhānameva āgantvā dānādīni puññāni katvā yathākammaṃ gato.
сад̇т̇аа д̇ам̣ вад̇т̇ум̣ гат̇зд̇ваа абхисамб̣уд̣̇д̇хо худ̇ваа имам̣ г̇аат̇амааха –
Satthā taṃ vatthuṃ kathetvā abhisambuddho hutvā imaṃ gāthamāha –
85.
85.
‘‘ааяад̇им̣ д̣̇осам̣ наан̃н̃ааяа, яо гаамз бадисзвад̇и;
‘‘Āyatiṃ dosaṃ nāññāya, yo kāme paṭisevati;
вибааганд̇з хананд̇и нам̣, гим̣баггамива бхагкид̇а’’нд̇и.
Vipākante hananti naṃ, kiṃpakkamiva bhakkhita’’nti.
д̇ад̇т̇а ааяад̇им̣ д̣̇осам̣ наан̃н̃ааяаад̇и анааг̇ад̇з д̣̇осам̣ на ан̃н̃ааяа, аж̇аанид̇ваад̇и ад̇т̇о. яо гаамз бадисзвад̇ийд̇и яо вад̇т̇угаамз жа гилзсагаамз жа бадисзвад̇и. вибааганд̇з хананд̇и нанд̇и д̇з гаамаа д̇ам̣ бурисам̣ ад̇д̇ано вибаагасан̇каад̇з анд̇з нираяаад̣̇ийсу уббаннам̣ наанаббагаарзна д̣̇угкзна сам̣яож̇аяамаанаа хананд̇и. гат̇ам̣? гим̣баггамива бхагкид̇анд̇и, яат̇аа барибхог̇агаалз ван̣н̣аг̇анд̇харасасамбад̇д̇ияаа манаабам̣ гим̣баггапалам̣ анааг̇ад̇ад̣̇осам̣ ад̣̇исваа бхагкид̇ам̣ анд̇з ханад̇и, ж̇ийвид̇агкаяам̣ баабзд̇и, звам̣ барибхог̇агаалз манаабааби гаамаа вибаагагаалз хананд̇ийд̇и д̣̇зсанам̣ яат̇аанусанд̇хим̣ баабзд̇ваа сажжаани багаасзси, сажжабарияосаанз угган̣тид̇абхигку сод̇аабад̇д̇ипалам̣ баабун̣и. сзсабарисааяаби гзжи сод̇аабаннаа, гзжи сагад̣̇ааг̇аамино, гзжи анааг̇аамино, гзжи араханд̇о ахзсум̣.
Tattha āyatiṃ dosaṃ nāññāyāti anāgate dosaṃ na aññāya, ajānitvāti attho. Yo kāme paṭisevatīti yo vatthukāme ca kilesakāme ca paṭisevati. Vipākante hananti nanti te kāmā taṃ purisaṃ attano vipākasaṅkhāte ante nirayādīsu uppannaṃ nānappakārena dukkhena saṃyojayamānā hananti. Kathaṃ? Kiṃpakkamiva bhakkhitanti, yathā paribhogakāle vaṇṇagandharasasampattiyā manāpaṃ kiṃpakkaphalaṃ anāgatadosaṃ adisvā bhakkhitaṃ ante hanati, jīvitakkhayaṃ pāpeti, evaṃ paribhogakāle manāpāpi kāmā vipākakāle hanantīti desanaṃ yathānusandhiṃ pāpetvā saccāni pakāsesi, saccapariyosāne ukkaṇṭhitabhikkhu sotāpattiphalaṃ pāpuṇi. Sesaparisāyapi keci sotāpannā, keci sakadāgāmino, keci anāgāmino, keci arahanto ahesuṃ.
сад̇т̇ааби имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа барисаа б̣уд̣̇д̇хабарисаа ахоси, сад̇т̇аваахо бана ахамзва ахоси’’нд̇и.
Satthāpi imaṃ dhammadesanaṃ āharitvā jātakaṃ samodhānesi – ‘‘tadā parisā buddhaparisā ahosi, satthavāho pana ahameva ahosi’’nti.
гим̣баггаж̇аад̇агаван̣н̣анаа бан̃жамаа.
Kiṃpakkajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 85. гим̣баггаж̇аад̇агам̣ • 85. Kiṃpakkajātakaṃ
