Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā)

    3. гисааг̇од̇амийсуд̇д̇аван̣н̣анаа

    3. Kisāgotamīsuttavaṇṇanā

    164. д̇ад̇ияз гисааг̇од̇амийд̇и аббамам̣салохид̇ад̇ааяа гисаа, г̇од̇амийд̇и банассаа наамам̣. буб̣б̣з гира саавад̇т̇ияам̣ згасмим̣ гулз асийд̇игодид̇ханам̣ саб̣б̣ам̣ ан̇г̇аараава ж̇аад̇ам̣. гудумб̣иго ан̇г̇аараж̇аад̇аани анийхарид̇ваа – ‘‘авассам̣ гожи бун̃н̃аваа бхависсад̇и, д̇асса бун̃н̃зна буна баагад̇игам̣ бхависсад̇ий’’д̇и суван̣н̣ахиран̃н̃асса жаадияо буурзд̇ваа аабан̣з табзд̇ваа самийбз нисийд̣̇и. ат̇згаа д̣̇уг̇г̇ад̇агуласса д̇хийд̇аа – ‘‘ад̣дхамаасагам̣ г̇ахзд̇ваа д̣̇аарусаагам̣ аахариссаамий’’д̇и вийт̇им̣ г̇ад̇аа д̇ам̣ д̣̇исваа гудумб̣игам̣ ааха – ‘‘аабан̣з д̇аава д̇ханам̣ зд̇д̇агам̣, г̇зхз гид̇д̇агам̣ бхависсад̇ий’’д̇и. гим̣ д̣̇исваа амма звам̣ гат̇зсийд̇и? имам̣ хиран̃н̃асуван̣н̣анд̇и. со ‘‘бун̃н̃авад̇ий зсаа бхависсад̇ий’’д̇и д̇ассаа васанадтаанам̣ бужчид̇ваа аабан̣з бхан̣д̣ам̣ бадисаамзд̇ваа д̇ассаа маад̇аабид̇аро убасан̇гамид̇ваа звамааха – ‘‘амхаагам̣ г̇зхз ваяаббад̇д̇о д̣̇аараго ад̇т̇и, д̇ассзд̇ам̣ д̣̇ааригам̣ д̣̇зт̇аа’’д̇и. гим̣ саами д̣̇уг̇г̇ад̇зхи сад̣̇д̇хим̣ гзл̣им̣ гаросийд̇и? мид̇д̇асант̇аво наама д̣̇уг̇г̇ад̇зхиби сад̣̇д̇хим̣ ход̇и, д̣̇зт̇а нам̣, гудумб̣асааминий бхависсад̇ийд̇и нам̣ г̇ахзд̇ваа гхарам̣ аанзси. саа сам̣ваасаманвааяа буд̇д̇ам̣ виж̇аад̇аа. буд̇д̇о бад̣̇асаа аахин̣д̣анагаалз гааламагааси. саа д̣̇уг̇г̇ад̇агулз уббаж̇ж̇ид̇ваа махаагулам̣ г̇анд̇вааби ‘‘буд̇д̇авинаасам̣ бад̇д̇аамхий’’д̇и уббаннаб̣алавасогаа буд̇д̇асса сарийрагижжам̣ ваарзд̇ваа д̇ам̣ мад̇агал̣зварам̣ аад̣̇ааяа наг̇арз виббалабанд̇ий жарад̇и.

    164. Tatiye kisāgotamīti appamaṃsalohitatāya kisā, gotamīti panassā nāmaṃ. Pubbe kira sāvatthiyaṃ ekasmiṃ kule asītikoṭidhanaṃ sabbaṃ aṅgārāva jātaṃ. Kuṭumbiko aṅgārajātāni anīharitvā – ‘‘avassaṃ koci puññavā bhavissati, tassa puññena puna pākatikaṃ bhavissatī’’ti suvaṇṇahiraññassa cāṭiyo pūretvā āpaṇe ṭhapetvā samīpe nisīdi. Athekā duggatakulassa dhītā – ‘‘aḍḍhamāsakaṃ gahetvā dārusākaṃ āharissāmī’’ti vīthiṃ gatā taṃ disvā kuṭumbikaṃ āha – ‘‘āpaṇe tāva dhanaṃ ettakaṃ, gehe kittakaṃ bhavissatī’’ti. Kiṃ disvā amma evaṃ kathesīti? Imaṃ hiraññasuvaṇṇanti. So ‘‘puññavatī esā bhavissatī’’ti tassā vasanaṭṭhānaṃ pucchitvā āpaṇe bhaṇḍaṃ paṭisāmetvā tassā mātāpitaro upasaṅkamitvā evamāha – ‘‘amhākaṃ gehe vayappatto dārako atthi, tassetaṃ dārikaṃ dethā’’ti. Kiṃ sāmi duggatehi saddhiṃ keḷiṃ karosīti? Mittasanthavo nāma duggatehipi saddhiṃ hoti, detha naṃ, kuṭumbasāminī bhavissatīti naṃ gahetvā gharaṃ ānesi. Sā saṃvāsamanvāya puttaṃ vijātā. Putto padasā āhiṇḍanakāle kālamakāsi. Sā duggatakule uppajjitvā mahākulaṃ gantvāpi ‘‘puttavināsaṃ pattāmhī’’ti uppannabalavasokā puttassa sarīrakiccaṃ vāretvā taṃ matakaḷevaraṃ ādāya nagare vippalapantī carati.

    згад̣̇ивасам̣ махад̇ияаа б̣уд̣̇д̇хавийт̇ияаа д̣̇асаб̣аласса санд̇игам̣ г̇анд̇ваа – ‘‘буд̇д̇асса мз арог̇абхаавад̇т̇ааяа бхзсаж̇ж̇ам̣ д̣̇зт̇а бхаг̇аваа’’д̇и ааха. г̇ажча саавад̇т̇им̣ аахин̣д̣ид̇ваа яасмим̣ г̇зхз мад̇абуб̣б̣о над̇т̇и, д̇ад̇о сид̣̇д̇хад̇т̇агам̣ аахара, буд̇д̇асса д̇з бхзсаж̇ж̇ам̣ бхависсад̇ийд̇и. саа наг̇арам̣ бависид̇ваа д̇хураг̇зхад̇о бадтааяа бхаг̇авад̇аа вуд̇д̇анаязна г̇анд̇ваа сид̣̇д̇хад̇т̇агам̣ яаажанд̇ий гхарз гхарз, ‘‘гуд̇о д̇вам̣ зваруубам̣ гхарам̣ бассиссасий’’д̇и вуд̇д̇аа гад̇ибаяаани г̇зхаани аахин̣д̣ид̇ваа – ‘‘саб̣б̣зсамби гирааяам̣ д̇хаммад̇аа, на маяхам̣ буд̇д̇ассзваа’’д̇и саалааяам̣ чавам̣ чад̣д̣зд̇ваа баб̣б̣аж̇ж̇ам̣ яаажи. сад̇т̇аа ‘‘имам̣ баб̣б̣ааж̇зд̇уу’’д̇и бхигкуниубассаяам̣ бзсзси. саа кураг̇г̇зязва арахад̇д̇ам̣ баабун̣и. имам̣ т̇зрим̣ санд̇хааяа ‘‘ат̇а ко гисааг̇од̇амий’’д̇и вуд̇д̇ам̣.

    Ekadivasaṃ mahatiyā buddhavīthiyā dasabalassa santikaṃ gantvā – ‘‘puttassa me arogabhāvatthāya bhesajjaṃ detha bhagavā’’ti āha. Gaccha sāvatthiṃ āhiṇḍitvā yasmiṃ gehe matapubbo natthi, tato siddhatthakaṃ āhara, puttassa te bhesajjaṃ bhavissatīti. Sā nagaraṃ pavisitvā dhuragehato paṭṭhāya bhagavatā vuttanayena gantvā siddhatthakaṃ yācantī ghare ghare, ‘‘kuto tvaṃ evarūpaṃ gharaṃ passissasī’’ti vuttā katipayāni gehāni āhiṇḍitvā – ‘‘sabbesampi kirāyaṃ dhammatā, na mayhaṃ puttassevā’’ti sālāyaṃ chavaṃ chaḍḍetvā pabbajjaṃ yāci. Satthā ‘‘imaṃ pabbājetū’’ti bhikkhuniupassayaṃ pesesi. Sā khuraggeyeva arahattaṃ pāpuṇi. Imaṃ theriṃ sandhāya ‘‘atha kho kisāgotamī’’ti vuttaṃ.

    згамаасийд̇и згаа ааси. руд̣̇аммукийд̇и руд̣̇амаанамукий вияа. ажжанд̇ам̣ мад̇абуд̇д̇аамхийд̇и зд̇т̇а анд̇ам̣ ад̇ийд̇ам̣ ажжанд̇ам̣, бхааванабум̣сагамзд̇ам̣. ид̣̇ам̣ вуд̇д̇ам̣ ход̇и – яат̇аа буд̇д̇амаран̣ам̣ анд̇ам̣ ад̇ийд̇ам̣ ход̇и, звам̣ мад̇абуд̇д̇аа ахам̣, ид̣̇аани мама буна буд̇д̇амаран̣ам̣ наама над̇т̇и. бурисаа зд̇ад̣̇анд̇игаад̇и бурисааби мз зд̇ад̣̇анд̇игаава . яо мз буд̇д̇амаран̣асса анд̇о, бурисаанамби мз зсзванд̇о, абхаб̣б̣аа ахам̣ ид̣̇аани бурисам̣ г̇авзсид̇унд̇и. саб̣б̣ад̇т̇а вихад̇аа нанд̣̇ийд̇и саб̣б̣зсу канд̇хааяад̇анад̇хаад̇убхаваяониг̇ад̇итид̇иниваасзсу мама д̇ан̣хаананд̣̇ий вихад̇аа. д̇амогканд̇ход̇и авиж̇ж̇аагканд̇хо. бад̣̇аалид̇од̇и н̃аан̣зна бхинно. д̇ад̇ияам̣.

    Ekamāsīti ekā āsi. Rudammukhīti rudamānamukhī viya. Accantaṃ mataputtāmhīti ettha antaṃ atītaṃ accantaṃ, bhāvanapuṃsakametaṃ. Idaṃ vuttaṃ hoti – yathā puttamaraṇaṃ antaṃ atītaṃ hoti, evaṃ mataputtā ahaṃ, idāni mama puna puttamaraṇaṃ nāma natthi. Purisā etadantikāti purisāpi me etadantikāva . Yo me puttamaraṇassa anto, purisānampi me esevanto, abhabbā ahaṃ idāni purisaṃ gavesitunti. Sabbattha vihatā nandīti sabbesu khandhāyatanadhātubhavayonigatiṭhitinivāsesu mama taṇhānandī vihatā. Tamokkhandhoti avijjākkhandho. Padālitoti ñāṇena bhinno. Tatiyaṃ.







    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. гисааг̇од̇амийсуд̇д̇ам̣ • 3. Kisāgotamīsuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. гисааг̇од̇амийсуд̇д̇аван̣н̣анаа • 3. Kisāgotamīsuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact