| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
10. згаад̣̇асаганибаад̇о
10. Ekādasakanipāto
1. гисааг̇од̇амийт̇зрийг̇аат̇ааван̣н̣анаа
1. Kisāgotamītherīgāthāvaṇṇanā
згаад̣̇асаганибаад̇з галяаан̣амид̇д̇ад̇аад̇иаад̣̇игаа гисааг̇од̇амияаа т̇зрияаа г̇аат̇аа. аяам̣ гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа згад̣̇ивасам̣ сад̇т̇у санд̇игз д̇хаммам̣ сун̣анд̇ий сад̇т̇аарам̣ згам̣ бхигкуним̣ луукажийварад̇хаарийнам̣ аг̇г̇адтаанз табзнд̇ам̣ д̣̇исваа ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа габбасад̇асахассам̣ д̣̇звамануссзсу сам̣саранд̇ий имасмим̣ б̣уд̣̇д̇хуббаад̣̇з саавад̇т̇ияам̣ д̣̇уг̇г̇ад̇агулз ниб̣б̣ад̇д̇и. г̇од̇амийд̇иссаа наамам̣ ахоси. гисасарийрад̇ааяа бана ‘‘гисааг̇од̇амий’’д̇и вохарийяид̇т̇а. д̇ам̣ бад̇игулам̣ г̇ад̇ам̣ д̣̇уг̇г̇ад̇агуласса д̇хийд̇аад̇и барибхавим̣су. саа згам̣ буд̇д̇ам̣ виж̇ааяи. буд̇д̇алаабхзна жассаа саммаанам̣ агам̣су. со банассаа буд̇д̇о аад̇хаавид̇ваа барид̇хаавид̇ваа гийл̣анагаалз гааламагааси. д̇знассаа согуммаад̣̇о уббаж̇ж̇и.
Ekādasakanipāte kalyāṇamittatātiādikā kisāgotamiyā theriyā gāthā. Ayaṃ kira padumuttarassa bhagavato kāle haṃsavatīnagare kulagehe nibbattitvā viññutaṃ patvā ekadivasaṃ satthu santike dhammaṃ suṇantī satthāraṃ ekaṃ bhikkhuniṃ lūkhacīvaradhārīnaṃ aggaṭṭhāne ṭhapentaṃ disvā adhikārakammaṃ katvā taṃ ṭhānantaraṃ patthesi. Sā kappasatasahassaṃ devamanussesu saṃsarantī imasmiṃ buddhuppāde sāvatthiyaṃ duggatakule nibbatti. Gotamītissā nāmaṃ ahosi. Kisasarīratāya pana ‘‘kisāgotamī’’ti voharīyittha. Taṃ patikulaṃ gataṃ duggatakulassa dhītāti paribhaviṃsu. Sā ekaṃ puttaṃ vijāyi. Puttalābhena cassā sammānaṃ akaṃsu. So panassā putto ādhāvitvā paridhāvitvā kīḷanakāle kālamakāsi. Tenassā sokummādo uppajji.
саа ‘‘ахам̣ буб̣б̣з барибхавабад̇д̇аа худ̇ваа буд̇д̇асса ж̇аад̇агаалад̇о бадтааяа саггаарам̣ баабун̣им̣ , имз маяхам̣ буд̇д̇ам̣ б̣ахи чад̣д̣зд̇умби вааяаманд̇ий’’д̇и согуммаад̣̇авасзна мад̇агал̣зварам̣ ан̇гзнаад̣̇ааяа ‘‘буд̇д̇асса мз бхзсаж̇ж̇ам̣ д̣̇зт̇аа’’д̇и г̇зхад̣̇ваарабадибаадияаа наг̇арз вижарад̇и. мануссаа ‘‘бхзсаж̇ж̇ам̣ гуд̇о’’д̇и барибхаасанд̇и. саа д̇зсам̣ гат̇ам̣ на г̇ан̣хаад̇и. ат̇а нам̣ зго бан̣д̣ид̇абурисо ‘‘аяам̣ буд̇д̇асогзна жид̇д̇авигкзбам̣ бад̇д̇аа, зд̇иссаа бхзсаж̇ж̇ам̣ д̣̇асаб̣алоязва ж̇ааниссад̇ий’’д̇и жинд̇зд̇ваа, ‘‘амма, д̇ава буд̇д̇асса бхзсаж̇ж̇ам̣ саммаасамб̣уд̣̇д̇хам̣ убасан̇гамид̇ваа бужчаа’’д̇и ааха. саа сад̇т̇у д̇хаммад̣̇зсанаавзлааяам̣ вихаарам̣ г̇анд̇ваа ‘‘буд̇д̇асса мз бхзсаж̇ж̇ам̣ д̣̇зт̇а бхаг̇аваа’’д̇и ааха. сад̇т̇аа д̇ассаа убаниссаяам̣ д̣̇исваа ‘‘г̇ажча наг̇арам̣ бависид̇ваа яасмим̣ г̇зхз гожи мад̇абуб̣б̣о над̇т̇и, д̇ад̇о сид̣̇д̇хад̇т̇агам̣ аахараа’’д̇и ааха. саа ‘‘саад̇ху, бханд̇з’’д̇и д̇удтамаанасаа наг̇арам̣ бависид̇ваа батамаг̇зхзязва ‘‘сад̇т̇аа мама буд̇д̇асса бхзсаж̇ж̇ад̇т̇ааяа сид̣̇д̇хад̇т̇агам̣ аахараабзд̇и. сажз зд̇асмим̣ г̇зхз гожи мад̇абуб̣б̣о над̇т̇и, сид̣̇д̇хад̇т̇агам̣ мз д̣̇зт̇аа’’д̇и ааха. го ид̇ха мад̇з г̇ан̣зд̇ум̣ саггод̇ийд̇и. гим̣ д̇зна хи алам̣ сид̣̇д̇хад̇т̇агзхийд̇и д̣̇уд̇ияам̣ д̇ад̇ияам̣ гхарам̣ г̇анд̇ваа б̣уд̣̇д̇хаанубхаавзна виг̇ад̇уммаад̣̇аа багад̇ижид̇д̇з тид̇аа жинд̇зси – ‘‘сагаланаг̇арз аяамзва нияамо бхависсад̇и, ид̣̇ам̣ хид̇аанугамбинаа бхаг̇авад̇аа д̣̇идтам̣ бхависсад̇ий’’д̇и сам̣взг̇ам̣ лабхид̇ваа д̇ад̇ова б̣ахи нигкамид̇ваа буд̇д̇ам̣ аамагасусаанз чад̣д̣зд̇ваа имам̣ г̇аат̇амааха –
Sā ‘‘ahaṃ pubbe paribhavapattā hutvā puttassa jātakālato paṭṭhāya sakkāraṃ pāpuṇiṃ , ime mayhaṃ puttaṃ bahi chaḍḍetumpi vāyamantī’’ti sokummādavasena matakaḷevaraṃ aṅkenādāya ‘‘puttassa me bhesajjaṃ dethā’’ti gehadvārapaṭipāṭiyā nagare vicarati. Manussā ‘‘bhesajjaṃ kuto’’ti paribhāsanti. Sā tesaṃ kathaṃ na gaṇhāti. Atha naṃ eko paṇḍitapuriso ‘‘ayaṃ puttasokena cittavikkhepaṃ pattā, etissā bhesajjaṃ dasabaloyeva jānissatī’’ti cintetvā, ‘‘amma, tava puttassa bhesajjaṃ sammāsambuddhaṃ upasaṅkamitvā pucchā’’ti āha. Sā satthu dhammadesanāvelāyaṃ vihāraṃ gantvā ‘‘puttassa me bhesajjaṃ detha bhagavā’’ti āha. Satthā tassā upanissayaṃ disvā ‘‘gaccha nagaraṃ pavisitvā yasmiṃ gehe koci matapubbo natthi, tato siddhatthakaṃ āharā’’ti āha. Sā ‘‘sādhu, bhante’’ti tuṭṭhamānasā nagaraṃ pavisitvā paṭhamageheyeva ‘‘satthā mama puttassa bhesajjatthāya siddhatthakaṃ āharāpeti. Sace etasmiṃ gehe koci matapubbo natthi, siddhatthakaṃ me dethā’’ti āha. Ko idha mate gaṇetuṃ sakkotīti. Kiṃ tena hi alaṃ siddhatthakehīti dutiyaṃ tatiyaṃ gharaṃ gantvā buddhānubhāvena vigatummādā pakaticitte ṭhitā cintesi – ‘‘sakalanagare ayameva niyamo bhavissati, idaṃ hitānukampinā bhagavatā diṭṭhaṃ bhavissatī’’ti saṃvegaṃ labhitvā tatova bahi nikkhamitvā puttaṃ āmakasusāne chaḍḍetvā imaṃ gāthamāha –
‘‘на г̇аамад̇хаммо ниг̇амасса д̇хаммо, на жаабияам̣ згагуласса д̇хаммо;
‘‘Na gāmadhammo nigamassa dhammo, na cāpiyaṃ ekakulassa dhammo;
саб̣б̣асса логасса сад̣̇звагасса, зсзва д̇хаммо яад̣̇ид̣̇ам̣ анижжад̇аа’’д̇и. (аба. т̇зрий 2.3.82);
Sabbassa lokassa sadevakassa, eseva dhammo yadidaṃ aniccatā’’ti. (apa. therī 2.3.82);
зван̃жа бана вад̇ваа сад̇т̇у санд̇игам̣ аг̇амааси. ат̇а нам̣ сад̇т̇аа ‘‘лад̣̇д̇хо д̇з, г̇од̇ами, сид̣̇д̇хад̇т̇аго’’д̇и ааха. ‘‘нидтид̇ам̣, бханд̇з, сид̣̇д̇хад̇т̇агзна гаммам̣, бад̇идтаа бана мз хот̇аа’’д̇и ааха. ат̇ассаа сад̇т̇аа –
Evañca pana vatvā satthu santikaṃ agamāsi. Atha naṃ satthā ‘‘laddho te, gotami, siddhatthako’’ti āha. ‘‘Niṭṭhitaṃ, bhante, siddhatthakena kammaṃ, patiṭṭhā pana me hothā’’ti āha. Athassā satthā –
‘‘д̇ам̣ буд̇д̇абасусаммад̇д̇ам̣, б̣яаасад̇д̇аманасам̣ нарам̣;
‘‘Taṃ puttapasusammattaṃ, byāsattamanasaṃ naraṃ;
суд̇д̇ам̣ г̇аамам̣ махогхова, мажжу аад̣̇ааяа г̇ажчад̇ий’’д̇и. (д̇ха. ба. 287) –
Suttaṃ gāmaṃ mahoghova, maccu ādāya gacchatī’’ti. (dha. pa. 287) –
г̇аат̇амааха .
Gāthamāha .
г̇аат̇аабарияосаанз яат̇аатид̇аава сод̇аабад̇д̇ипалз бад̇идтааяа сад̇т̇аарам̣ баб̣б̣аж̇ж̇ам̣ яаажи. сад̇т̇аа баб̣б̣аж̇ж̇ам̣ ануж̇аани. саа сад̇т̇аарам̣ д̇игкад̇д̇ум̣ бад̣̇агкин̣ам̣ гад̇ваа ванд̣̇ид̇ваа бхигкунубассаяам̣ г̇анд̇ваа баб̣б̣аж̇ид̇ваа убасамбад̣̇ам̣ лабхид̇ваа нажирассзва яонисоманасигаарзна гаммам̣ гаронд̇ий вибассанам̣ вад̣дхзси. ат̇ассаа сад̇т̇аа –
Gāthāpariyosāne yathāṭhitāva sotāpattiphale patiṭṭhāya satthāraṃ pabbajjaṃ yāci. Satthā pabbajjaṃ anujāni. Sā satthāraṃ tikkhattuṃ padakkhiṇaṃ katvā vanditvā bhikkhunupassayaṃ gantvā pabbajitvā upasampadaṃ labhitvā nacirasseva yonisomanasikārena kammaṃ karontī vipassanaṃ vaḍḍhesi. Athassā satthā –
‘‘яо жа вассасад̇ам̣ ж̇ийвз, абассам̣ амад̇ам̣ бад̣̇ам̣;
‘‘Yo ca vassasataṃ jīve, apassaṃ amataṃ padaṃ;
згаахам̣ ж̇ийвид̇ам̣ сзяяо, бассад̇о амад̇ам̣ бад̣̇а’’нд̇и. (д̇ха. ба. 114) –
Ekāhaṃ jīvitaṃ seyyo, passato amataṃ pada’’nti. (dha. pa. 114) –
имам̣ обхаасаг̇аат̇амааха.
Imaṃ obhāsagāthamāha.
саа г̇аат̇аабарияосаанз арахад̇д̇ам̣ баабун̣ид̇ваа баригкааравалан̃ж̇з барамуггадтаа худ̇ваа д̇ийхи луукзхи саманнааг̇ад̇ам̣ жийварам̣ баарубид̇ваа вижари. ат̇а нам̣ сад̇т̇аа ж̇зд̇аванз нисинно бхигкунияо бадибаадияаа таананд̇арз табзнд̇о луукажийварад̇хаарийнам̣ аг̇г̇адтаанз табзси. саа ад̇д̇ано бадибад̇д̇им̣ бажжавзгкид̇ваа ‘‘сад̇т̇аарам̣ ниссааяа маяаа аяам̣ висзсо лад̣̇д̇хо’’д̇и галяаан̣амид̇д̇ад̇ааяа басам̣саамукзна имаа г̇аат̇аа абхааси –
Sā gāthāpariyosāne arahattaṃ pāpuṇitvā parikkhāravalañje paramukkaṭṭhā hutvā tīhi lūkhehi samannāgataṃ cīvaraṃ pārupitvā vicari. Atha naṃ satthā jetavane nisinno bhikkhuniyo paṭipāṭiyā ṭhānantare ṭhapento lūkhacīvaradhārīnaṃ aggaṭṭhāne ṭhapesi. Sā attano paṭipattiṃ paccavekkhitvā ‘‘satthāraṃ nissāya mayā ayaṃ viseso laddho’’ti kalyāṇamittatāya pasaṃsāmukhena imā gāthā abhāsi –
213.
213.
‘‘галяаан̣амид̇д̇ад̇аа мунинаа, логам̣ аад̣̇исса ван̣н̣ид̇аа;
‘‘Kalyāṇamittatā muninā, lokaṃ ādissa vaṇṇitā;
галяаан̣амид̇д̇з бхаж̇амаано, аби б̣аало бан̣д̣ид̇о асса.
Kalyāṇamitte bhajamāno, api bālo paṇḍito assa.
214.
214.
‘‘бхаж̇ид̇аб̣б̣аа саббурисаа, бан̃н̃аа д̇ат̇аа вад̣дхад̇и бхаж̇анд̇аанам̣;
‘‘Bhajitabbā sappurisā, paññā tathā vaḍḍhati bhajantānaṃ;
бхаж̇амаано саббурисз, саб̣б̣зхиби д̣̇угкзхи бамужжзяяа.
Bhajamāno sappurise, sabbehipi dukkhehi pamucceyya.
215.
215.
‘‘д̣̇угкан̃жа виж̇аанзяяа, д̣̇угкасса жа самуд̣̇аяам̣ нирод̇хам̣;
‘‘Dukkhañca vijāneyya, dukkhassa ca samudayaṃ nirodhaṃ;
адтан̇г̇иган̃жа маг̇г̇ам̣, жад̇д̇аариби арияасажжаани.
Aṭṭhaṅgikañca maggaṃ, cattāripi ariyasaccāni.
216.
216.
‘‘д̣̇угко ид̇т̇ибхааво, агкаад̇о бурисад̣̇аммасаарат̇инаа;
‘‘Dukkho itthibhāvo, akkhāto purisadammasārathinā;
сабад̇д̇игамби хи д̣̇угкам̣, аббзгажжаа сагим̣ виж̇аад̇ааяо.
Sapattikampi hi dukkhaṃ, appekaccā sakiṃ vijātāyo.
217.
217.
‘‘г̇алагз аби ганд̇анд̇и, сукумаалинияо висаани каад̣̇анд̇и;
‘‘Galake api kantanti, sukhumāliniyo visāni khādanti;
ж̇анамаарагамаж̇жхаг̇ад̇аа, убхоби б̣яасанаани анубхонд̇и.
Janamārakamajjhagatā, ubhopi byasanāni anubhonti.
218.
218.
‘‘убавиж̇ан̃н̃аа г̇ажчанд̇ий, ад̣̇д̣̇асаахам̣ бад̇им̣ мад̇ам̣;
‘‘Upavijaññā gacchantī, addasāhaṃ patiṃ mataṃ;
бант̇амхи виж̇ааяид̇ваана, аббад̇д̇аава сагам̣ гхарам̣.
Panthamhi vijāyitvāna, appattāva sakaṃ gharaṃ.
219.
219.
‘‘д̣̇вз буд̇д̇аа гаалагад̇аа, бад̇ий жа бант̇з мад̇о габан̣игааяа;
‘‘Dve puttā kālakatā, patī ca panthe mato kapaṇikāya;
маад̇аа бид̇аа жа бхаад̇аа, д̣аяханд̇и жа згажид̇агааяам̣.
Mātā pitā ca bhātā, ḍayhanti ca ekacitakāyaṃ.
220.
220.
‘‘кийн̣агулийнз габан̣з, анубхууд̇ам̣ д̇з д̣̇укам̣ абаримаан̣ам̣;
‘‘Khīṇakulīne kapaṇe, anubhūtaṃ te dukhaṃ aparimāṇaṃ;
ассуу жа д̇з бавад̇д̇ам̣, б̣ахууни жа ж̇аад̇исахассаани.
Assū ca te pavattaṃ, bahūni ca jātisahassāni.
221.
221.
‘‘васид̇аа сусаанамаж̇жхз, ат̇оби каад̣̇ид̇аани буд̇д̇амам̣саани;
‘‘Vasitā susānamajjhe, athopi khāditāni puttamaṃsāni;
хад̇агулигаа саб̣б̣аг̇арахид̇аа, мад̇абад̇игаа амад̇амад̇хиг̇ажчим̣.
Hatakulikā sabbagarahitā, matapatikā amatamadhigacchiṃ.
222.
222.
‘‘бхаавид̇о мз маг̇г̇о, арияо адтан̇г̇иго амад̇аг̇аамий;
‘‘Bhāvito me maggo, ariyo aṭṭhaṅgiko amatagāmī;
ниб̣б̣аанам̣ сажчигад̇ам̣, д̇хаммаад̣̇аасам̣ авзгким̣хам̣.
Nibbānaṃ sacchikataṃ, dhammādāsaṃ avekkhiṃhaṃ.
223.
223.
‘‘ахамамхи ганд̇асаллаа, охид̇абхаараа гад̇ан̃хи гаран̣ийяам̣;
‘‘Ahamamhi kantasallā, ohitabhārā katañhi karaṇīyaṃ;
гисааг̇од̇амий т̇зрий, вимуд̇д̇ажид̇д̇аа имам̣ бхан̣ий’’д̇и.
Kisāgotamī therī, vimuttacittā imaṃ bhaṇī’’ti.
д̇ад̇т̇а галяаан̣амид̇д̇ад̇аад̇и галяаан̣о бхад̣̇д̣̇о сунд̣̇аро мид̇д̇о зд̇ассаад̇и галяаан̣амид̇д̇о. яо яасса сийлаад̣̇иг̇ун̣асамаад̣̇абзд̇аа, агхасса гхаад̇аа, хид̇асса вид̇хаад̇аа, звам̣ саб̣б̣аагаарзна убагааро мид̇д̇о ход̇и, со буг̇г̇ало галяаан̣амид̇д̇о, д̇асса бхааво галяаан̣амид̇д̇ад̇аа, галяаан̣амид̇д̇аванд̇ад̇аа. мунинаад̇и сад̇т̇аараа. логам̣ аад̣̇исса ван̣н̣ид̇аад̇и галяаан̣амид̇д̇з ануг̇анд̇аб̣б̣анд̇и сад̇д̇алогам̣ уд̣̇д̣̇исса –
Tattha kalyāṇamittatāti kalyāṇo bhaddo sundaro mitto etassāti kalyāṇamitto. Yo yassa sīlādiguṇasamādapetā, aghassa ghātā, hitassa vidhātā, evaṃ sabbākārena upakāro mitto hoti, so puggalo kalyāṇamitto, tassa bhāvo kalyāṇamittatā, kalyāṇamittavantatā. Munināti satthārā. Lokaṃ ādissa vaṇṇitāti kalyāṇamitte anugantabbanti sattalokaṃ uddissa –
‘‘сагаламзвид̣̇ам̣, аананд̣̇а, б̣рахмажарияам̣ яад̣̇ид̣̇ам̣ галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа’’ (сам̣. ни. 5.2). ‘‘галяаан̣амид̇д̇ассзд̇ам̣, мзгхияа, бхигкуно баадиган̇кам̣ галяаан̣асахааяасса галяаан̣асамбаван̇гасса яам̣ сийлаваа бхависсад̇и баад̇имогкасам̣варасам̣вуд̇о вихариссад̇ий’’д̇и (уд̣̇аа. 31) жа звамаад̣̇инаа басам̣сид̇аа.
‘‘Sakalamevidaṃ, ānanda, brahmacariyaṃ yadidaṃ kalyāṇamittatā kalyāṇasahāyatā kalyāṇasampavaṅkatā’’ (saṃ. ni. 5.2). ‘‘Kalyāṇamittassetaṃ, meghiya, bhikkhuno pāṭikaṅkhaṃ kalyāṇasahāyassa kalyāṇasampavaṅkassa yaṃ sīlavā bhavissati pātimokkhasaṃvarasaṃvuto viharissatī’’ti (udā. 31) ca evamādinā pasaṃsitā.
галяаан̣амид̇д̇з бхаж̇амаанод̇иаад̣̇и галяаан̣амид̇д̇ад̇ааяа аанисам̣сад̣̇ассанам̣. д̇ад̇т̇а аби б̣аало бан̣д̣ид̇о ассаад̇и галяаан̣амид̇д̇з бхаж̇амаано буг̇г̇ало буб̣б̣з суд̇аад̣̇ивирахзна б̣аалоби самаано ассуд̇асаванаад̣̇инаа бан̣д̣ид̇о бхавзяяа.
Kalyāṇamitte bhajamānotiādi kalyāṇamittatāya ānisaṃsadassanaṃ. Tattha api bālo paṇḍito assāti kalyāṇamitte bhajamāno puggalo pubbe sutādivirahena bālopi samāno assutasavanādinā paṇḍito bhaveyya.
бхаж̇ид̇аб̣б̣аа саббурисаад̇и б̣аалассааби бан̣д̣ид̇абхаавахзд̇уд̇о б̣уд̣̇д̇хаад̣̇аяо саббурисаа гаалзна гаалам̣ убасан̇гаманаад̣̇инаа сзвид̇аб̣б̣аа. бан̃н̃аа д̇ат̇аа бавад̣дхад̇и бхаж̇анд̇аананд̇и галяаан̣амид̇д̇з бхаж̇анд̇аанам̣ д̇ат̇аа бан̃н̃аа вад̣дхад̇и б̣руухад̇и баарибуурим̣ г̇ажчад̇и. яат̇аа д̇зсу яо гожи кад̇д̇ияаад̣̇иго бхаж̇амаано саббурисз саб̣б̣зхиби ж̇аад̇иаад̣̇ид̣̇угкзхи бамужжзяяаад̇и яож̇анаа.
Bhajitabbā sappurisāti bālassāpi paṇḍitabhāvahetuto buddhādayo sappurisā kālena kālaṃ upasaṅkamanādinā sevitabbā. Paññā tathā pavaḍḍhati bhajantānanti kalyāṇamitte bhajantānaṃ tathā paññā vaḍḍhati brūhati pāripūriṃ gacchati. Yathā tesu yo koci khattiyādiko bhajamāno sappurise sabbehipi jātiādidukkhehi pamucceyyāti yojanā.
мужжанавид̇хим̣ бана галяаан̣амид̇д̇авид̇хинаа д̣̇ассзд̇ум̣ ‘‘д̣̇угкан̃жа виж̇аанзяяаа’’д̇иаад̣̇и вуд̇д̇ам̣. д̇ад̇т̇а жад̇д̇аари арияасажжаанийд̇и д̣̇угкан̃жа д̣̇угкасамуд̣̇аяан̃жа нирод̇хан̃жа адтан̇г̇игам̣ маг̇г̇ан̃жаад̇и имаани жад̇д̇аари арияасажжаани виж̇аанзяяа бадивиж̇жхзяяаад̇и яож̇анаа.
Muccanavidhiṃ pana kalyāṇamittavidhinā dassetuṃ ‘‘dukkhañca vijāneyyā’’tiādi vuttaṃ. Tattha cattāri ariyasaccānīti dukkhañca dukkhasamudayañca nirodhañca aṭṭhaṅgikaṃ maggañcāti imāni cattāri ariyasaccāni vijāneyya paṭivijjheyyāti yojanā.
‘‘д̣̇угко ид̇т̇ибхааво’’д̇иаад̣̇игаа д̣̇вз г̇аат̇аа ан̃н̃ад̇арааяа яагкинияаа ид̇т̇ибхаавам̣ г̇араханд̇ияаа бхаасид̇аа. д̇ад̇т̇а д̣̇угко ид̇т̇ибхааво агкаад̇од̇и жабалад̇аа, г̇аб̣бхад̇хааран̣ам̣, саб̣б̣агаалам̣ барабадиб̣ад̣̇д̇хавуд̇д̇ид̇аад̇и звамаад̣̇ийхи аад̣̇ийнавзхи ид̇т̇ибхааво д̣̇угкод̇и, бурисад̣̇аммасаарат̇инаа бхаг̇авад̇аа гат̇ид̇о. сабад̇д̇игамби д̣̇угканд̇и сабад̇д̇аваасо сабад̇д̇ияаа сад̣̇д̇хим̣ сам̣ваасоби д̣̇угко, аяамби ид̇т̇ибхаавз аад̣̇ийнавод̇и ад̇хиббааяо. аббзгажжаа сагим̣ виж̇аад̇ааяод̇и згажжаа ид̇т̇ияо згаваарамзва виж̇аад̇аа, батамаг̇аб̣бхз виж̇ааяанад̣̇угкам̣ асаханд̇ияо. г̇алагз аби ганд̇анд̇ийд̇и ад̇д̇ано г̇ийвамби чинд̣̇анд̇и. сукумаалинияо висаани каад̣̇анд̇ийд̇и сукумааласарийраа ад̇д̇ано сукумаалабхаавзна кзд̣̇ам̣ ависаханд̇ияо висааниби каад̣̇анд̇и. ж̇анамаарагамаж̇жхаг̇ад̇аад̇и ж̇анамаараго вужжад̇и муул̣хаг̇аб̣бхо. маад̇уг̇аамаж̇анасса маараго, маж̇жхаг̇ад̇аа ж̇анамаарагаа гужчиг̇ад̇аа, муул̣хаг̇аб̣бхаад̇и ад̇т̇о. убхоби б̣яасанаани анубхонд̇ийд̇и г̇аб̣бхо г̇аб̣бхиний жаад̇и д̣̇взби ж̇анаа маран̣ан̃жа мааран̣анд̇игаб̣яасанаани жа баабун̣анд̇и. абарз бана бхан̣анд̇и ‘‘ж̇анамаарагаа наама гилзсаа, д̇зсам̣ маж̇жхаг̇ад̇аа гилзсасанд̇аанабад̇ид̇аа убхоби ж̇ааяаабад̇игаа ид̇ха гилзсабарил̣аахавасзна, ааяад̇им̣ д̣̇уг̇г̇ад̇ибариггилзсавасзна б̣яасанаани баабун̣анд̇ий’’д̇и. имаа гира д̣̇вз г̇аат̇аа саа яагкиний буримад̇д̇абхаавз ад̇д̇ано анубхууд̇ад̣̇угкам̣ ануссарид̇ваа ааха. т̇зрий бана ид̇т̇ибхаавз аад̣̇ийнававибхааванааяа бажжанубхаасанд̇ий авожа.
‘‘Dukkhoitthibhāvo’’tiādikā dve gāthā aññatarāya yakkhiniyā itthibhāvaṃ garahantiyā bhāsitā. Tattha dukkho itthibhāvo akkhātoti capalatā, gabbhadhāraṇaṃ, sabbakālaṃ parapaṭibaddhavuttitāti evamādīhi ādīnavehi itthibhāvo dukkhoti, purisadammasārathinā bhagavatā kathito. Sapattikampi dukkhanti sapattavāso sapattiyā saddhiṃ saṃvāsopi dukkho, ayampi itthibhāve ādīnavoti adhippāyo. Appekaccā sakiṃ vijātāyoti ekaccā itthiyo ekavārameva vijātā, paṭhamagabbhe vijāyanadukkhaṃ asahantiyo. Galake api kantantīti attano gīvampi chindanti. Sukhumāliniyo visāni khādantīti sukhumālasarīrā attano sukhumālabhāvena khedaṃ avisahantiyo visānipi khādanti. Janamārakamajjhagatāti janamārako vuccati mūḷhagabbho. Mātugāmajanassa mārako, majjhagatā janamārakā kucchigatā, mūḷhagabbhāti attho. Ubhopi byasanāni anubhontīti gabbho gabbhinī cāti dvepi janā maraṇañca māraṇantikabyasanāni ca pāpuṇanti. Apare pana bhaṇanti ‘‘janamārakā nāma kilesā, tesaṃ majjhagatā kilesasantānapatitā ubhopi jāyāpatikā idha kilesapariḷāhavasena, āyatiṃ duggatiparikkilesavasena byasanāni pāpuṇantī’’ti. Imā kira dve gāthā sā yakkhinī purimattabhāve attano anubhūtadukkhaṃ anussaritvā āha. Therī pana itthibhāve ādīnavavibhāvanāya paccanubhāsantī avoca.
‘‘убавиж̇ан̃н̃аа г̇ажчанд̇ий’’д̇иаад̣̇игаа д̣̇вз г̇аат̇аа бадаажаарааяа т̇зрияаа бавад̇д̇им̣ аараб̣бха бхаасид̇аа. д̇ад̇т̇а убавиж̇ан̃н̃аа г̇ажчанд̇ийд̇и убаг̇ад̇авиж̇ааяанагаалаа маг̇г̇ам̣ г̇ажчанд̇ий, абад̇д̇аава сагам̣ г̇зхам̣ бант̇з виж̇ааяид̇ваана бад̇им̣ мад̇ам̣ ад̣̇д̣̇асам̣ аханд̇и яож̇анаа.
‘‘Upavijaññā gacchantī’’tiādikā dve gāthā paṭācārāya theriyā pavattiṃ ārabbha bhāsitā. Tattha upavijaññā gacchantīti upagatavijāyanakālā maggaṃ gacchantī, apattāva sakaṃ gehaṃ panthe vijāyitvāna patiṃ mataṃ addasaṃ ahanti yojanā.
габан̣игааяаад̇и вараагааяа. имаа гира д̣̇вз г̇аат̇аа бадаажаарааяа д̇ад̣̇аа согуммаад̣̇абад̇д̇ааяа вуд̇д̇аагаарасса анугаран̣авасзна ид̇т̇ибхаавз аад̣̇ийнававибхааванад̇т̇амзва т̇зрияаа вуд̇д̇аа.
Kapaṇikāyāti varākāya. Imā kira dve gāthā paṭācārāya tadā sokummādapattāya vuttākārassa anukaraṇavasena itthibhāve ādīnavavibhāvanatthameva theriyā vuttā.
убхаяамбзд̇ам̣ уд̣̇аахаран̣абхаавзна аанзд̇ваа ид̣̇аани ад̇д̇ано анубхууд̇ам̣ д̣̇угкам̣ вибхаавзнд̇ий ‘‘кийн̣агулинз’’д̇иаад̣̇имааха. д̇ад̇т̇а кийн̣агулинзд̇и бхог̇аад̣̇ийхи баариж̇ун̃н̃абад̇д̇агулигз. габан̣зд̇и барамааван̃н̃аад̇ам̣ бад̇д̇з. убхаяан̃жзд̇ам̣ ад̇д̇ано зва ааманд̇анаважанам̣. анубхууд̇ам̣ д̇з д̣̇укам̣ абаримаан̣анд̇и имасмим̣ ад̇д̇абхаавз, ид̇о буримад̇д̇абхаавзсу ваа анаббагам̣ д̣̇угкам̣ д̇аяаа анубхавид̇ам̣. ид̣̇аани д̇ам̣ д̣̇угкам̣ згад̣̇зсзна вибхаж̇ид̇ваа д̣̇ассзд̇ум̣ ‘‘ассуу жа д̇з бавад̇д̇а’’нд̇иаад̣̇и вуд̇д̇ам̣.д̇ассад̇т̇о – имасмим̣ анамад̇аг̇г̇з сам̣саарз бариб̣бхаманд̇ияаа б̣ахугаани ж̇аад̇исахассаани согаабхибхууд̇ааяа ассу жа бавад̇д̇ам̣, ависзсид̇ам̣ гад̇ваа вуд̇д̇ан̃жзд̇ам̣, махаасамуд̣̇д̣̇асса уд̣̇агад̇оби б̣ахугамзва сияаа.
Ubhayampetaṃ udāharaṇabhāvena ānetvā idāni attano anubhūtaṃ dukkhaṃ vibhāventī ‘‘khīṇakuline’’tiādimāha. Tattha khīṇakulineti bhogādīhi pārijuññapattakulike. Kapaṇeti paramaavaññātaṃ patte. Ubhayañcetaṃ attano eva āmantanavacanaṃ. Anubhūtaṃ te dukhaṃ aparimāṇanti imasmiṃ attabhāve, ito purimattabhāvesu vā anappakaṃ dukkhaṃ tayā anubhavitaṃ. Idāni taṃ dukkhaṃ ekadesena vibhajitvā dassetuṃ ‘‘assū ca te pavatta’’ntiādi vuttaṃ.Tassattho – imasmiṃ anamatagge saṃsāre paribbhamantiyā bahukāni jātisahassāni sokābhibhūtāya assu ca pavattaṃ, avisesitaṃ katvā vuttañcetaṃ, mahāsamuddassa udakatopi bahukameva siyā.
васид̇аа сусаанамаж̇жхзд̇и мануссамам̣сакаад̣̇игаа сунакий син̇г̇аалий жа худ̇ваа сусаанамаж̇жхз вусид̇аа. каад̣̇ид̇аани буд̇д̇амам̣саанийд̇и б̣яаг̇гхад̣̇ийбиб̣ил̣аараад̣̇игаалз буд̇д̇амам̣саани каад̣̇ид̇аани. хад̇агулигаад̇и винадтагулавам̣саа. саб̣б̣аг̇арахид̇аад̇и саб̣б̣зхи гхараваасийхи г̇арахид̇аа г̇арахаббад̇д̇аа. мад̇абад̇игаад̇и вид̇хаваа. имз бана д̇аяо багаарз буримад̇д̇абхаавз ад̇д̇ано ануббад̇д̇з г̇ахзд̇ваа вад̣̇ад̇и. звам̣бхууд̇ааби худ̇ваа ад̇хижжа лад̣̇д̇хааяа галяаан̣амид̇д̇асзвааяа амад̇амад̇хиг̇ажчи,ниб̣б̣аанам̣ ануббад̇д̇аа.
Vasitā susānamajjheti manussamaṃsakhādikā sunakhī siṅgālī ca hutvā susānamajjhe vusitā. Khāditāni puttamaṃsānīti byagghadīpibiḷārādikāle puttamaṃsāni khāditāni. Hatakulikāti vinaṭṭhakulavaṃsā. Sabbagarahitāti sabbehi gharavāsīhi garahitā garahappattā. Matapatikāti vidhavā. Ime pana tayo pakāre purimattabhāve attano anuppatte gahetvā vadati. Evaṃbhūtāpi hutvā adhicca laddhāya kalyāṇamittasevāya amatamadhigacchi,nibbānaṃ anuppattā.
ид̣̇аани д̇амзва амад̇аад̇хиг̇амам̣ баагадам̣ гад̇ваа д̣̇ассзд̇ум̣ ‘‘бхаавид̇о’’д̇иаад̣̇и вуд̇д̇ам̣. д̇ад̇т̇а бхаавид̇од̇и вибхаавид̇о уббаад̣̇ид̇о вад̣дхид̇о бхааванаабхисамаяавасзна бадивид̣̇д̇хо. д̇хаммаад̣̇аасам̣ авзгким̣ханд̇и д̇хаммамаяам̣ аад̣̇аасам̣ ад̣̇д̣̇агким̣ абассим̣ ахам̣.
Idāni tameva amatādhigamaṃ pākaṭaṃ katvā dassetuṃ ‘‘bhāvito’’tiādi vuttaṃ. Tattha bhāvitoti vibhāvito uppādito vaḍḍhito bhāvanābhisamayavasena paṭividdho. Dhammādāsaṃ avekkhiṃhanti dhammamayaṃ ādāsaṃ addakkhiṃ apassiṃ ahaṃ.
ахамамхи ганд̇асаллаад̇и арияамаг̇г̇зна самужчиннаг̇аараад̣̇исаллаа ахам̣ амхи. охид̇абхаараад̇и оробид̇агаамаканд̇хагилзсаабхисан̇каарабхаараа. гад̇ан̃хи гаран̣ийяанд̇и барин̃н̃аад̣̇ибхзд̣̇ам̣ сол̣асавид̇хамби гижжам̣ гад̇ам̣ барияосид̇ам̣. сувимуд̇д̇ажид̇д̇аа имам̣ бхан̣ийд̇и саб̣б̣асо вимуд̇д̇ажид̇д̇аа гисааг̇од̇амий т̇зрий имамад̇т̇ам̣ ‘‘галяаан̣амид̇д̇ад̇аа’’д̇иаад̣̇инаа г̇аат̇ааб̣анд̇хавасзна абхан̣ийд̇и ад̇д̇аанам̣ барам̣ вияа т̇зрий вад̣̇ад̇и. д̇ад̇рид̣̇ам̣ имиссаа т̇зрияаа абад̣̇аанам̣ (аба. т̇зрий 2.3.55-94) –
Ahamamhi kantasallāti ariyamaggena samucchinnagārādisallā ahaṃ amhi. Ohitabhārāti oropitakāmakhandhakilesābhisaṅkhārabhārā. Katañhi karaṇīyanti pariññādibhedaṃ soḷasavidhampi kiccaṃ kataṃ pariyositaṃ. Suvimuttacittā imaṃ bhaṇīti sabbaso vimuttacittā kisāgotamī therī imamatthaṃ ‘‘kalyāṇamittatā’’tiādinā gāthābandhavasena abhaṇīti attānaṃ paraṃ viya therī vadati. Tatridaṃ imissā theriyā apadānaṃ (apa. therī 2.3.55-94) –
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
‘‘д̇ад̣̇аахам̣ хам̣савад̇ияам̣, ж̇аад̇аа ан̃н̃ад̇арз гулз;
‘‘Tadāhaṃ haṃsavatiyaṃ, jātā aññatare kule;
убзд̇ваа д̇ам̣ нараварам̣, саран̣ам̣ самубааг̇амим̣.
Upetvā taṃ naravaraṃ, saraṇaṃ samupāgamiṃ.
‘‘д̇хамман̃жа д̇асса ассосим̣, жад̇усажжуубасан̃хид̇ам̣;
‘‘Dhammañca tassa assosiṃ, catusaccūpasañhitaṃ;
мад̇хурам̣ барамассаад̣̇ам̣, ваддасанд̇исукаавахам̣.
Madhuraṃ paramassādaṃ, vaṭṭasantisukhāvahaṃ.
‘‘д̇ад̣̇аа жа бхигкуним̣ вийро, луукажийварад̇хаариним̣;
‘‘Tadā ca bhikkhuniṃ vīro, lūkhacīvaradhāriniṃ;
табзнд̇о зд̇ад̣̇аг̇г̇амхи, ван̣н̣аяий бурисуд̇д̇амо.
Ṭhapento etadaggamhi, vaṇṇayī purisuttamo.
‘‘ж̇анзд̇ваанаббагам̣ бийд̇им̣, суд̇ваа бхигкунияаа г̇ун̣з;
‘‘Janetvānappakaṃ pītiṃ, sutvā bhikkhuniyā guṇe;
гаарам̣ гад̇ваана б̣уд̣̇д̇хасса, яат̇аасад̇д̇и яат̇ааб̣алам̣.
Kāraṃ katvāna buddhassa, yathāsatti yathābalaṃ.
‘‘нибажжа муниварам̣ д̇ам̣, д̇ам̣ таанамабхибад̇т̇аяим̣;
‘‘Nipacca munivaraṃ taṃ, taṃ ṭhānamabhipatthayiṃ;
д̇ад̣̇аанумод̣̇и самб̣уд̣̇д̇хо, тааналаабхааяа нааяаго.
Tadānumodi sambuddho, ṭhānalābhāya nāyako.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇аа, орасаа д̇хамманиммид̇аа;
‘‘Tassa dhammesu dāyādā, orasā dhammanimmitā;
гисааг̇од̇амий наамзна, хзссаси сад̇т̇у саавигаа.
Kisāgotamī nāmena, hessasi satthu sāvikā.
‘‘д̇ам̣ суд̇ваа муд̣̇ид̇аа худ̇ваа, яааваж̇ийвам̣ д̇ад̣̇аа ж̇инам̣;
‘‘Taṃ sutvā muditā hutvā, yāvajīvaṃ tadā jinaṃ;
мзд̇д̇ажид̇д̇аа барижарим̣, бажжаязхи винааяагам̣.
Mettacittā paricariṃ, paccayehi vināyakaṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
‘‘убадтааго махзсисса, д̇ад̣̇аа ааси нариссаро;
‘‘Upaṭṭhāko mahesissa, tadā āsi narissaro;
гаасирааж̇аа гигий наама, б̣аараан̣асибуруд̇д̇амз.
Kāsirājā kikī nāma, bārāṇasipuruttame.
‘‘бан̃жамий д̇асса д̇хийд̇аасим̣, д̇хаммаа наамзна виссуд̇аа;
‘‘Pañcamī tassa dhītāsiṃ, dhammā nāmena vissutā;
д̇хаммам̣ суд̇ваа ж̇инаг̇г̇асса, баб̣б̣аж̇ж̇ам̣ самарожаяим̣.
Dhammaṃ sutvā jinaggassa, pabbajjaṃ samarocayiṃ.
‘‘ануж̇аани на но д̇аад̇о, аг̇аарзва д̇ад̣̇аа маяам̣;
‘‘Anujāni na no tāto, agāreva tadā mayaṃ;
вийсавассасахассаани, вижаримха ад̇анд̣̇ид̇аа.
Vīsavassasahassāni, vicarimha atanditā.
‘‘гомаариб̣рахмажарияам̣, рааж̇аган̃н̃аа сукзд̇хид̇аа;
‘‘Komāribrahmacariyaṃ, rājakaññā sukhedhitā;
б̣уд̣̇д̇хобадтаананирад̇аа, муд̣̇ид̇аа сад̇д̇а д̇хийд̇аро.
Buddhopaṭṭhānaniratā, muditā satta dhītaro.
‘‘саман̣ий саман̣аг̇уд̇д̇аа жа, бхигкуний бхигкуд̣̇ааяигаа;
‘‘Samaṇī samaṇaguttā ca, bhikkhunī bhikkhudāyikā;
д̇хаммаа жзва суд̇хаммаа жа, сад̇д̇амий сан̇гхад̣̇ааяигаа.
Dhammā ceva sudhammā ca, sattamī saṅghadāyikā.
‘‘кзмаа уббалаван̣н̣аа жа, бадаажаараа жа гун̣д̣алаа;
‘‘Khemā uppalavaṇṇā ca, paṭācārā ca kuṇḍalā;
ахан̃жа д̇хаммад̣̇иннаа жа, висаакаа ход̇и сад̇д̇амий.
Ahañca dhammadinnā ca, visākhā hoti sattamī.
‘‘д̇зхи гаммзхи сугад̇зхи, жзд̇анаабан̣ид̇хийхи жа;
‘‘Tehi kammehi sukatehi, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘бажчимз жа бхавз д̣̇аани, ж̇аад̇аа сздтигулз ахам̣;
‘‘Pacchime ca bhave dāni, jātā seṭṭhikule ahaṃ;
д̣̇уг̇г̇ад̇з ад̇ханз надтз, г̇ад̇аа жа сад̇ханам̣ гулам̣.
Duggate adhane naṭṭhe, gatā ca sadhanaṃ kulaṃ.
‘‘бад̇им̣ табзд̇ваа сзсаа мз, д̣̇зссанд̇и ад̇ханаа ид̇и;
‘‘Patiṃ ṭhapetvā sesā me, dessanti adhanā iti;
яад̣̇аа жа бассууд̇аа аасим̣, саб̣б̣зсам̣ д̣̇аяид̇аа д̇ад̣̇аа.
Yadā ca passūtā āsiṃ, sabbesaṃ dayitā tadā.
‘‘яад̣̇аа со д̇арун̣о бхад̣̇д̣̇о, гомалаго сукзд̇хид̇о;
‘‘Yadā so taruṇo bhaddo, komalako sukhedhito;
сабаан̣амива ганд̇о мз, д̇ад̣̇аа яамавасам̣ г̇ад̇о.
Sapāṇamiva kanto me, tadā yamavasaṃ gato.
‘‘согаддаад̣̇ийнавад̣̇анаа, ассунзд̇д̇аа руд̣̇аммукаа;
‘‘Sokaṭṭādīnavadanā, assunettā rudammukhā;
мад̇ам̣ гун̣абамаад̣̇ааяа, вилабанд̇ий г̇амаамахам̣.
Mataṃ kuṇapamādāya, vilapantī gamāmahaṃ.
‘‘д̇ад̣̇аа згзна санд̣̇идтаа, убзд̇ваабхисаггуд̇д̇амам̣;
‘‘Tadā ekena sandiṭṭhā, upetvābhisakkuttamaṃ;
авожам̣ д̣̇зхи бхзсаж̇ж̇ам̣, буд̇д̇асан̃ж̇ийвананд̇и бхо.
Avocaṃ dehi bhesajjaṃ, puttasañjīvananti bho.
‘‘на виж̇ж̇анд̇з мад̇аа яасмим̣, г̇зхз сид̣̇д̇хад̇т̇агам̣ д̇ад̇о;
‘‘Na vijjante matā yasmiṃ, gehe siddhatthakaṃ tato;
аахараад̇и ж̇ино ааха, винаяобааяаговид̣̇о.
Āharāti jino āha, vinayopāyakovido.
‘‘д̇ад̣̇аа г̇амид̇ваа саавад̇т̇им̣, на лабхим̣ д̇аад̣̇исам̣ гхарам̣;
‘‘Tadā gamitvā sāvatthiṃ, na labhiṃ tādisaṃ gharaṃ;
гуд̇о сид̣̇д̇хад̇т̇агам̣ д̇асмаа, д̇ад̇о лад̣̇д̇хаа сад̇им̣ ахам̣.
Kuto siddhatthakaṃ tasmā, tato laddhā satiṃ ahaṃ.
‘‘гун̣абам̣ чад̣д̣аяид̇ваана, убзсим̣ логанааяагам̣;
‘‘Kuṇapaṃ chaḍḍayitvāna, upesiṃ lokanāyakaṃ;
д̣̇уурад̇ова мамам̣ д̣̇исваа, авожа мад̇хурассаро.
Dūratova mamaṃ disvā, avoca madhurassaro.
‘‘яо жа вассасад̇ам̣ ж̇ийвз, абассам̣ уд̣̇аяаб̣б̣аяам̣;
‘‘Yo ca vassasataṃ jīve, apassaṃ udayabbayaṃ;
згаахам̣ ж̇ийвид̇ам̣ сзяяо, бассад̇о уд̣̇аяаб̣б̣аяам̣.
Ekāhaṃ jīvitaṃ seyyo, passato udayabbayaṃ.
‘‘на г̇аамад̇хаммо ниг̇амасса д̇хаммо, на жаабияам̣ згагуласса д̇хаммо;
‘‘Na gāmadhammo nigamassa dhammo, na cāpiyaṃ ekakulassa dhammo;
саб̣б̣асса логасса сад̣̇звагасса, зсзва д̇хаммо яад̣̇ид̣̇ам̣ анижжад̇аа.
Sabbassa lokassa sadevakassa, eseva dhammo yadidaṃ aniccatā.
‘‘саахам̣ суд̇ваанимаа г̇аат̇аа, д̇хаммажагкум̣ висод̇хаяим̣;
‘‘Sāhaṃ sutvānimā gāthā, dhammacakkhuṃ visodhayiṃ;
д̇ад̇о вин̃н̃аад̇асад̣̇д̇хаммаа, баб̣б̣аж̇им̣ анаг̇аарияам̣.
Tato viññātasaddhammā, pabbajiṃ anagāriyaṃ.
‘‘д̇ат̇аа баб̣б̣аж̇ид̇аа санд̇ий, яун̃ж̇анд̇ий ж̇инасаасанз;
‘‘Tathā pabbajitā santī, yuñjantī jinasāsane;
на жирзнзва гаалзна, арахад̇д̇амабаабун̣им̣.
Na cireneva kālena, arahattamapāpuṇiṃ.
‘‘ид̣̇д̇хийсу жа васий хоми, д̣̇иб̣б̣ааяа сод̇ад̇хаад̇уяаа;
‘‘Iddhīsu ca vasī homi, dibbāya sotadhātuyā;
баражид̇д̇аани ж̇аанаами, сад̇т̇усаасанагааригаа.
Paracittāni jānāmi, satthusāsanakārikā.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
кзбзд̇ваа аасавз саб̣б̣з, висуд̣̇д̇хаасим̣ суниммалаа.
Khepetvā āsave sabbe, visuddhāsiṃ sunimmalā.
‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;
‘‘Pariciṇṇo mayā satthā, kataṃ buddhassa sāsanaṃ;
охид̇о г̇аруго бхааро, бхаванзд̇д̇и самуухад̇аа.
Ohito garuko bhāro, bhavanetti samūhatā.
‘‘яассад̇т̇ааяа баб̣б̣аж̇ид̇аа, аг̇аарасмаанаг̇аарияам̣;
‘‘Yassatthāya pabbajitā, agārasmānagāriyaṃ;
со мз ад̇т̇о ануббад̇д̇о, саб̣б̣асам̣яож̇анагкаяо.
So me attho anuppatto, sabbasaṃyojanakkhayo.
‘‘ад̇т̇ад̇хамманируд̇д̇ийсу, бадибхаанз д̇ат̇зва жа;
‘‘Atthadhammaniruttīsu, paṭibhāne tatheva ca;
н̃аан̣ам̣ мз вималам̣ суд̣̇д̇хам̣, б̣уд̣̇д̇хасздтасса ваахасаа.
Ñāṇaṃ me vimalaṃ suddhaṃ, buddhaseṭṭhassa vāhasā.
‘‘сан̇гаарагуудаа аахид̇ваа, сусаанаа рат̇ияааби жа;
‘‘Saṅkārakūṭā āhitvā, susānā rathiyāpi ca;
д̇ад̇о сан̇гхаадигам̣ гад̇ваа, луукам̣ д̇хаарзми жийварам̣.
Tato saṅghāṭikaṃ katvā, lūkhaṃ dhāremi cīvaraṃ.
‘‘ж̇ино д̇асмим̣ г̇ун̣з д̇удто, луукажийварад̇хааран̣з;
‘‘Jino tasmiṃ guṇe tuṭṭho, lūkhacīvaradhāraṇe;
табзси зд̇ад̣̇аг̇г̇амхи, барисаасу винааяаго.
Ṭhapesi etadaggamhi, parisāsu vināyako.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
гисааг̇од̇амийт̇зрийг̇аат̇ааван̣н̣анаа нидтид̇аа.
Kisāgotamītherīgāthāvaṇṇanā niṭṭhitā.
згаад̣̇асанибаад̇аван̣н̣анаа нидтид̇аа.
Ekādasanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. гисааг̇од̇амийт̇зрийг̇аат̇аа • 1. Kisāgotamītherīgāthā
