| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. किसलयपूजकत्थेरअपदानं
6. Kisalayapūjakattheraapadānaṃ
२८.
28.
‘‘नगरे द्वारवतिया, मालावच्छो ममं अहु।
‘‘Nagare dvāravatiyā, mālāvaccho mamaṃ ahu;
उदपानो च तत्थेव, पादपानं विरोहनो॥
Udapāno ca tattheva, pādapānaṃ virohano.
२९.
29.
‘‘सबलेन उपत्थद्धो, सिद्धत्थो अपराजितो।
‘‘Sabalena upatthaddho, siddhattho aparājito;
ममानुकम्पमानो सो, गच्छते अनिलञ्जसे॥
Mamānukampamāno so, gacchate anilañjase.
३०.
30.
‘‘अञ्ञं किञ्चि न पस्सामि, पूजायोग्गं महेसिनो।
‘‘Aññaṃ kiñci na passāmi, pūjāyoggaṃ mahesino;
असोकं पल्लवं दिस्वा, आकासे उक्खिपिं अहं॥
Asokaṃ pallavaṃ disvā, ākāse ukkhipiṃ ahaṃ.
३१.
31.
‘‘बुद्धस्स ते किसलया, गच्छतो यन्ति पच्छतो।
‘‘Buddhassa te kisalayā, gacchato yanti pacchato;
३२.
32.
‘‘चतुन्नवुतितो कप्पे, पल्लवं अभिरोपयिं।
‘‘Catunnavutito kappe, pallavaṃ abhiropayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
३३.
33.
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
३४.
34.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा किसलयपूजको थेरो इमा गाथायो अभासित्थाति।
Itthaṃ sudaṃ āyasmā kisalayapūjako thero imā gāthāyo abhāsitthāti.
किसलयपूजकत्थेरस्सापदानं छट्ठं।
Kisalayapūjakattherassāpadānaṃ chaṭṭhaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. तमालपुप्फियत्थेरअपदानादिवण्णना • 1-10. Tamālapupphiyattheraapadānādivaṇṇanā
