| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
10. гийдааг̇ирисуд̇д̇аван̣н̣анаа
10. Kīṭāgirisuttavaṇṇanā
174. звам̣ мз суд̇анд̇и гийдааг̇ирисуд̇д̇ам̣. д̇ад̇т̇а гаасийсууд̇и звам̣наамагз ж̇анабад̣̇з. зт̇а д̇умхзби, бхигкавзд̇и зт̇а д̇умхзби, бхигкавз, имз бан̃жа аанисам̣сз самбассамаанаа ан̃н̃ад̇рзва рад̇д̇ибхож̇анаа бхун̃ж̇ат̇а. ид̇и бхаг̇аваа рад̇д̇им̣ вигаалабхож̇анам̣, д̣̇иваа вигаалабхож̇ананд̇и имаани д̣̇вз бхож̇анаани згаббахаарзна аж̇ахаабзд̇ваа згасмим̣ самаяз д̣̇иваа вигаалабхож̇анамзва ж̇ахаабзси, буна гаалам̣ ад̇инаамзд̇ваа рад̇д̇им̣ вигаалабхож̇анам̣ ж̇ахаабзнд̇о звамааха. гасмаа? имаани хи д̣̇вз бхож̇анаани вад̇д̇амаанаани ваддз аажин̣н̣аани самаажин̣н̣аани над̣̇им̣ од̇ин̣н̣ауд̣̇агам̣ вияа анубагканд̣̇аани, ниваад̇зсу жа гхарзсу субхож̇анаани бхун̃ж̇ид̇ваа вад̣дхид̇аа сукумаалаа гулабуд̇д̇аа д̣̇вз бхож̇анаани згаббахаарзна баж̇аханд̇аа гиламанд̇и. д̇асмаа згаббахаарзна аж̇ахаабзд̇ваа бхад̣̇д̣̇аалисуд̇д̇з д̣̇иваа вигаалабхож̇анам̣ ж̇ахаабзси, ид̇ха рад̇д̇им̣ вигаалабхож̇анам̣. ж̇ахаабзнд̇о бана на д̇аж̇ж̇ид̇ваа ваа ниг̇г̇ан̣хид̇ваа ваа, д̇зсам̣ бахаанабажжаяаа бана аббааб̣аад̇хад̇ан̃жа сан̃ж̇ааниссат̇аад̇и звам̣ аанисам̣сам̣ д̣̇ассзд̇ваава ж̇ахаабзси. гийдааг̇ирийд̇и д̇асса ниг̇амасса наамам̣.
174.Evaṃme sutanti kīṭāgirisuttaṃ. Tattha kāsīsūti evaṃnāmake janapade. Etha tumhepi, bhikkhaveti etha tumhepi, bhikkhave, ime pañca ānisaṃse sampassamānā aññatreva rattibhojanā bhuñjatha. Iti bhagavā rattiṃ vikālabhojanaṃ, divā vikālabhojananti imāni dve bhojanāni ekappahārena ajahāpetvā ekasmiṃ samaye divā vikālabhojanameva jahāpesi, puna kālaṃ atināmetvā rattiṃ vikālabhojanaṃ jahāpento evamāha. Kasmā? Imāni hi dve bhojanāni vattamānāni vaṭṭe āciṇṇāni samāciṇṇāni nadiṃ otiṇṇaudakaṃ viya anupakkhandāni, nivātesu ca gharesu subhojanāni bhuñjitvā vaḍḍhitā sukhumālā kulaputtā dve bhojanāni ekappahārena pajahantā kilamanti. Tasmā ekappahārena ajahāpetvā bhaddālisutte divā vikālabhojanaṃ jahāpesi, idha rattiṃ vikālabhojanaṃ. Jahāpento pana na tajjitvā vā niggaṇhitvā vā, tesaṃ pahānapaccayā pana appābādhatañca sañjānissathāti evaṃ ānisaṃsaṃ dassetvāva jahāpesi. Kīṭāgirīti tassa nigamassa nāmaṃ.
175. ассаж̇ибунаб̣б̣асугаад̇и ассаж̇и жа бунаб̣б̣асуго жа часу чаб̣б̣аг̇г̇иязсу д̣̇вз г̇ан̣аажарияаа. бан̣д̣уго лохид̇аго мзд̇д̇ияо бхуммаж̇аго ассаж̇и бунаб̣б̣асугод̇и имз ча ж̇анаа чаб̣б̣аг̇г̇ияаа наама. д̇зсу бан̣д̣угалохид̇агаа ад̇д̇ано барисам̣ г̇ахзд̇ваа саавад̇т̇ияам̣ васанд̇и, мзд̇д̇ияабхуммаж̇агаа рааж̇аг̇ахз, имз д̣̇вз ж̇анаа гийдааг̇ирисмим̣ ааваасигаа хонд̇и. ааваасигаад̇и ниб̣ад̣̇д̇хаваасино, д̇ам̣ниб̣анд̇хаа агад̇ам̣ сзнаасанам̣ гаронд̇и, ж̇ин̣н̣ам̣ бадисан̇каронд̇и, гад̇з иссараа хонд̇и. гаалиганд̇и анааг̇ад̇з гаалз бад̇д̇аб̣б̣ам̣ аанисам̣сам̣.
175.Assajipunabbasukāti assaji ca punabbasuko ca chasu chabbaggiyesu dve gaṇācariyā. Paṇḍuko lohitako mettiyo bhummajako assaji punabbasukoti ime cha janā chabbaggiyā nāma. Tesu paṇḍukalohitakā attano parisaṃ gahetvā sāvatthiyaṃ vasanti, mettiyabhummajakā rājagahe, ime dve janā kīṭāgirismiṃ āvāsikā honti. Āvāsikāti nibaddhavāsino, taṃnibandhā akataṃ senāsanaṃ karonti, jiṇṇaṃ paṭisaṅkharonti, kate issarā honti. Kālikanti anāgate kāle pattabbaṃ ānisaṃsaṃ.
178. маяаа жзд̇ам̣, бхигкавзд̇и ид̇ха гим̣ д̣̇ассзд̇и? бхигкавз, д̣̇ивасасса д̇аяо ваарз бхун̃ж̇ид̇ваа сукавзд̣̇анам̣язва уббаад̣̇знд̇о на имасмим̣ саасанз гижжагаарий наама ход̇и, зд̇д̇агаа бана взд̣̇анаа сзвид̇аб̣б̣аа, зд̇д̇агаа на сзвид̇аб̣б̣аад̇и зд̇амад̇т̇ам̣ д̣̇ассзд̇ум̣ имам̣ д̣̇зсанам̣ аарабхи. зваруубам̣ сукавзд̣̇анам̣ баж̇ахат̇аад̇и ид̣̇ан̃жа г̇зхассид̇асоманассавасзна вуд̇д̇ам̣, убасамбаж̇ж̇а вихарат̇аад̇и ид̣̇ан̃жа нзгкаммасид̇асоманассавасзна . ид̇о барзсуби д̣̇вийсу ваарзсу г̇зхассид̇анзгкаммасид̇аанам̣язва д̣̇оманассаанан̃жа убзгкаанан̃жа васзна ад̇т̇о взд̣̇ид̇аб̣б̣о.
178.Mayā cetaṃ, bhikkhaveti idha kiṃ dasseti? Bhikkhave, divasassa tayo vāre bhuñjitvā sukhavedanaṃyeva uppādento na imasmiṃ sāsane kiccakārī nāma hoti, ettakā pana vedanā sevitabbā, ettakā na sevitabbāti etamatthaṃ dassetuṃ imaṃ desanaṃ ārabhi. Evarūpaṃ sukhavedanaṃ pajahathāti idañca gehassitasomanassavasena vuttaṃ, upasampajja viharathāti idañca nekkhammasitasomanassavasena . Ito paresupi dvīsu vāresu gehassitanekkhammasitānaṃyeva domanassānañca upekkhānañca vasena attho veditabbo.
181. звам̣ сзвид̇аб̣б̣аасзвид̇аб̣б̣авзд̣̇анам̣ д̣̇ассзд̇ваа ид̣̇аани язсам̣ аббамаад̣̇зна гижжам̣ гад̇д̇аб̣б̣ам̣, язсан̃жа на гад̇д̇аб̣б̣ам̣, д̇з д̣̇ассзд̇ум̣ наахам̣, бхигкавз , саб̣б̣зсам̣язваад̇иаад̣̇имааха. д̇ад̇т̇а гад̇ам̣ д̇зсам̣ аббамаад̣̇знаад̇и д̇зсам̣ яам̣ аббамаад̣̇зна гад̇д̇аб̣б̣ам̣, д̇ам̣ гад̇ам̣. ануломигаанийд̇и бадибад̇д̇иануломаани гаммадтаанасаббааяаани, яад̇т̇а васанд̇зна саггаа хонд̇и маг̇г̇апалаани баабун̣ид̇ум̣. инд̣̇рияаани саманнаанаяамаанаад̇и сад̣̇д̇хаад̣̇ийни инд̣̇рияаани самаанам̣ гурумаанаа.
181. Evaṃ sevitabbāsevitabbavedanaṃ dassetvā idāni yesaṃ appamādena kiccaṃ kattabbaṃ, yesañca na kattabbaṃ, te dassetuṃ nāhaṃ, bhikkhave, sabbesaṃyevātiādimāha. Tattha kataṃ tesaṃ appamādenāti tesaṃ yaṃ appamādena kattabbaṃ, taṃ kataṃ. Anulomikānīti paṭipattianulomāni kammaṭṭhānasappāyāni, yattha vasantena sakkā honti maggaphalāni pāpuṇituṃ. Indriyānisamannānayamānāti saddhādīni indriyāni samānaṃ kurumānā.
182. сад̇д̇имз, бхигкавз, буг̇г̇алаад̇и ид̇ха гим̣ д̣̇ассзд̇и? язсам̣ аббамаад̣̇зна гаран̣ийяам̣ над̇т̇и, д̇з д̣̇вз хонд̇и. язсам̣ ад̇т̇и, д̇з бан̃жаад̇и звам̣ саб̣б̣зби имз сад̇д̇а буг̇г̇алаа хонд̇ийд̇и имамад̇т̇ам̣ д̣̇ассзд̇и.
182.Sattime, bhikkhave, puggalāti idha kiṃ dasseti? Yesaṃ appamādena karaṇīyaṃ natthi, te dve honti. Yesaṃ atthi, te pañcāti evaṃ sabbepi ime satta puggalā hontīti imamatthaṃ dasseti.
д̇ад̇т̇а убхад̇обхааг̇авимуд̇д̇од̇и д̣̇вийхи бхааг̇зхи вимуд̇д̇о. аруубасамаабад̇д̇ияаа руубагааяад̇о вимуд̇д̇о, маг̇г̇зна наамагааяад̇о. со жад̇уннам̣ аруубасамаабад̇д̇ийнам̣ згзгад̇о вудтааяа сан̇каарз саммасид̇ваа арахад̇д̇ам̣ бад̇д̇аанам̣ жад̇уннам̣, нирод̇хаа вудтааяа арахад̇д̇ам̣ бад̇д̇аанааг̇аамино жа васзна бан̃жавид̇хо ход̇и. баал̣и банзд̇т̇а – ‘‘гад̇амо жа буг̇г̇ало убхад̇обхааг̇авимуд̇д̇о, ид̇хзгажжо буг̇г̇ало адта вимогкз гааязна пусид̇ваа вихарад̇и, бан̃н̃ааяа жасса д̣̇исваа аасаваа баригкийн̣аа хонд̇ий’’д̇и (бу. ба. 208) звам̣ абхид̇хаммз адтавимогкалаабхино васзна ааг̇ад̇аа.
Tattha ubhatobhāgavimuttoti dvīhi bhāgehi vimutto. Arūpasamāpattiyā rūpakāyato vimutto, maggena nāmakāyato. So catunnaṃ arūpasamāpattīnaṃ ekekato vuṭṭhāya saṅkhāre sammasitvā arahattaṃ pattānaṃ catunnaṃ, nirodhā vuṭṭhāya arahattaṃ pattaanāgāmino ca vasena pañcavidho hoti. Pāḷi panettha – ‘‘katamo ca puggalo ubhatobhāgavimutto, idhekacco puggalo aṭṭha vimokkhe kāyena phusitvā viharati, paññāya cassa disvā āsavā parikkhīṇā hontī’’ti (pu. pa. 208) evaṃ abhidhamme aṭṭhavimokkhalābhino vasena āgatā.
бан̃н̃аавимуд̇д̇од̇и бан̃н̃ааяа вимуд̇д̇о. со сугкавибассаго, жад̇уухи жхаанзхи вудтааяа арахад̇д̇ам̣ бад̇д̇аа жад̇д̇ааро жаад̇и имзсам̣ васзна бан̃жавид̇хова ход̇и. баал̣и банзд̇т̇а адтавимогкабадигкзбавасзнзва ааг̇ад̇аа. яат̇ааха – ‘‘на хзва ко адта вимогкз гааязна пусид̇ваа вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и буг̇г̇ало бан̃н̃аавимуд̇д̇о’’д̇и.
Paññāvimuttoti paññāya vimutto. So sukkhavipassako, catūhi jhānehi vuṭṭhāya arahattaṃ pattā cattāro cāti imesaṃ vasena pañcavidhova hoti. Pāḷi panettha aṭṭhavimokkhapaṭikkhepavaseneva āgatā. Yathāha – ‘‘na heva kho aṭṭha vimokkhe kāyena phusitvā viharati, paññāya cassa disvā āsavā parikkhīṇā honti. Ayaṃ vuccati puggalo paññāvimutto’’ti.
пудтанд̇ам̣ сажчигарод̇ийд̇и гааяасагкий. яо жхаанапассам̣ батамам̣ пусад̇и, бажчаа нирод̇хам̣ ниб̣б̣аанам̣ сажчигарод̇и, со сод̇аабад̇д̇ипаладтам̣ аад̣̇им̣ гад̇ваа яаава арахад̇д̇амаг̇г̇адтаа чаб̣б̣ид̇хо хонд̇ийд̇и взд̣̇ид̇аб̣б̣о. д̇знзвааха – ‘‘ид̇хзгажжо буг̇г̇ало адта вимогкз гааязна пусид̇ваа вихарад̇и, бан̃н̃ааяа жасса д̣̇исваа згажжз аасаваа баригкийн̣аа хонд̇и. аяам̣ вужжад̇и буг̇г̇ало гааяасагкий’’д̇и.
Phuṭṭhantaṃ sacchikarotīti kāyasakkhī. Yo jhānaphassaṃ paṭhamaṃ phusati, pacchā nirodhaṃ nibbānaṃ sacchikaroti, so sotāpattiphalaṭṭhaṃ ādiṃ katvā yāva arahattamaggaṭṭhā chabbidho hontīti veditabbo. Tenevāha – ‘‘idhekacco puggalo aṭṭha vimokkhe kāyena phusitvā viharati, paññāya cassa disvā ekacce āsavā parikkhīṇā honti. Ayaṃ vuccati puggalo kāyasakkhī’’ti.
д̣̇идтанд̇ам̣ бад̇д̇од̇и д̣̇идтиббад̇д̇о. д̇ад̇рид̣̇ам̣ сан̇кзбалагкан̣ам̣ – д̣̇угкаа сан̇каараа, суко нирод̇ход̇и н̃аад̇ам̣ ход̇и д̣̇идтам̣ вид̣̇ид̇ам̣ сажчигад̇ам̣ пусид̇ам̣ бан̃н̃ааяаад̇и д̣̇идтиббад̇д̇о. вид̇т̇аарад̇о банзсоби гааяасагки вияа чаб̣б̣ид̇хо ход̇и. д̇знзвааха – ‘‘ид̇хзгажжо буг̇г̇ало ид̣̇ам̣ д̣̇угканд̇и яат̇аабхууд̇ам̣ баж̇аанаад̇и…бз… аяам̣ д̣̇угканирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и, д̇ат̇ааг̇ад̇аббавзд̣̇ид̇аа жасса д̇хаммаа бан̃н̃ааяа вод̣̇идтаа хонд̇и вожарид̇аа…бз… аяам̣ вужжад̇и буг̇г̇ало д̣̇идтиббад̇д̇о’’д̇и (бу. ба. 208).
Diṭṭhantaṃ pattoti diṭṭhippatto. Tatridaṃ saṅkhepalakkhaṇaṃ – dukkhā saṅkhārā, sukho nirodhoti ñātaṃ hoti diṭṭhaṃ viditaṃ sacchikataṃ phusitaṃ paññāyāti diṭṭhippatto. Vitthārato panesopi kāyasakkhi viya chabbidho hoti. Tenevāha – ‘‘idhekacco puggalo idaṃ dukkhanti yathābhūtaṃ pajānāti…pe… ayaṃ dukkhanirodhagāminī paṭipadāti yathābhūtaṃ pajānāti, tathāgatappaveditā cassa dhammā paññāya vodiṭṭhā honti vocaritā…pe… ayaṃ vuccati puggalo diṭṭhippatto’’ti (pu. pa. 208).
сад̣̇д̇хаавимуд̇д̇од̇и сад̣̇д̇хааяа вимуд̇д̇о. соби вуд̇д̇анаязнзва чаб̣б̣ид̇хо ход̇и. д̇знзвааха – ‘‘ид̇хзгажжо буг̇г̇ало ид̣̇ам̣ д̣̇угканд̇и – яат̇аабхууд̇ам̣ баж̇аанаад̇и…бз… аяам̣ д̣̇угканирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и . д̇ат̇ааг̇ад̇аббавзд̣̇ид̇аа жасса д̇хаммаа бан̃н̃ааяа вод̣̇идтаа хонд̇и вожарид̇аа…бз… но жа ко яат̇аа д̣̇идтиббад̇д̇асса. аяам̣ вужжад̇и буг̇г̇ало сад̣̇д̇хаавимуд̇д̇о’’д̇и (бу. ба. 208). зд̇зсу хи сад̣̇д̇хаавимуд̇д̇асса буб̣б̣абхааг̇амаг̇г̇агкан̣з сад̣̇д̣̇аханд̇асса вияа огаббзнд̇асса вияа ад̇химужжанд̇асса вияа жа гилзсагкаяо ход̇и, д̣̇идтиббад̇д̇асса буб̣б̣абхааг̇амаг̇г̇агкан̣з гилзсажчзд̣̇аган̃аан̣ам̣ ад̣̇анд̇хам̣ д̇икин̣ам̣ суурам̣ худ̇ваа вахад̇и. д̇асмаа яат̇аа наама наад̇ид̇икин̣зна асинаа гад̣̇алим̣ чинд̣̇анд̇асса чиннадтаанам̣ на мадтам̣ ход̇и, аси на сийгхам̣ вахад̇и, сад̣̇д̣̇о суяяад̇и, б̣алавад̇аро вааяаамо гаад̇аб̣б̣о ход̇и, зваруубаа сад̣̇д̇хаавимуд̇д̇асса буб̣б̣абхааг̇амаг̇г̇абхааванаа. яат̇аа бана нисид̇аасинаа гад̣̇алим̣ чинд̣̇анд̇асса чиннадтаанам̣ мадтам̣ ход̇и, аси сийгхам̣ вахад̇и, сад̣̇д̣̇о на суяяад̇и, б̣алававааяаамагижжам̣ на ход̇и, зваруубаа бан̃н̃аавимуд̇д̇асса буб̣б̣абхааг̇амаг̇г̇абхааванаа взд̣̇ид̇аб̣б̣аа.
Saddhāvimuttoti saddhāya vimutto. Sopi vuttanayeneva chabbidho hoti. Tenevāha – ‘‘idhekacco puggalo idaṃ dukkhanti – yathābhūtaṃ pajānāti…pe… ayaṃ dukkhanirodhagāminī paṭipadāti yathābhūtaṃ pajānāti . Tathāgatappaveditā cassa dhammā paññāya vodiṭṭhā honti vocaritā…pe… no ca kho yathā diṭṭhippattassa. Ayaṃ vuccati puggalo saddhāvimutto’’ti (pu. pa. 208). Etesu hi saddhāvimuttassa pubbabhāgamaggakkhaṇe saddahantassa viya okappentassa viya adhimuccantassa viya ca kilesakkhayo hoti, diṭṭhippattassa pubbabhāgamaggakkhaṇe kilesacchedakañāṇaṃ adandhaṃ tikhiṇaṃ sūraṃ hutvā vahati. Tasmā yathā nāma nātitikhiṇena asinā kadaliṃ chindantassa chinnaṭṭhānaṃ na maṭṭhaṃ hoti, asi na sīghaṃ vahati, saddo suyyati, balavataro vāyāmo kātabbo hoti, evarūpā saddhāvimuttassa pubbabhāgamaggabhāvanā. Yathā pana nisitaasinā kadaliṃ chindantassa chinnaṭṭhānaṃ maṭṭhaṃ hoti, asi sīghaṃ vahati, saddo na suyyati, balavavāyāmakiccaṃ na hoti, evarūpā paññāvimuttassa pubbabhāgamaggabhāvanā veditabbā.
д̇хаммам̣ ануссарад̇ийд̇и д̇хаммаанусаарий. д̇хаммод̇и бан̃н̃аа, бан̃н̃аабуб̣б̣ан̇г̇амам̣ маг̇г̇ам̣ бхаавзд̇ийд̇и ад̇т̇о. сад̣̇д̇хаанусааримхи жа зсзва наяо. убхо банзд̇з сод̇аабад̇д̇имаг̇г̇адтааязва. вуд̇д̇амби жзд̇ам̣ – ‘‘яасса буг̇г̇аласса сод̇аабад̇д̇ипаласажчигирияааяа бадибаннасса бан̃н̃инд̣̇рияам̣ ад̇химад̇д̇ам̣ ход̇и, бан̃н̃ааваахим̣ бан̃н̃аабуб̣б̣ан̇г̇амам̣ арияамаг̇г̇ам̣ бхаавзд̇и . аяам̣ вужжад̇и буг̇г̇ало д̇хаммаанусаарий’’д̇и (бу. ба. 208). д̇ат̇аа – ‘‘яасса буг̇г̇аласса сод̇аабад̇д̇ипаласажчигирияааяа бадибаннасса сад̣̇д̇хинд̣̇рияам̣ ад̇химад̇д̇ам̣ ход̇и, сад̣̇д̇хааваахим̣ сад̣̇д̇хаабуб̣б̣ан̇г̇амам̣ арияамаг̇г̇ам̣ бхаавзд̇и. аяам̣ вужжад̇и буг̇г̇ало сад̣̇д̇хаанусаарий’’д̇и. аяамзд̇т̇а сан̇кзбо. вид̇т̇аарад̇о банзсаа убхад̇обхааг̇авимуд̇д̇аад̣̇игат̇аа висуд̣̇д̇химаг̇г̇з бан̃н̃аабхааванаад̇хигаарз вуд̇д̇аа. д̇асмаа д̇ад̇т̇а вуд̇д̇анаязнзва взд̣̇ид̇аб̣б̣аа. яаа банзсаа зд̇зсам̣ вибхааг̇ад̣̇ассанад̇т̇ам̣ ид̇ха баал̣и ааг̇ад̇аа, д̇ад̇т̇а яасмаа руубасамаабад̇д̇ияаа винаа аруубасамаабад̇д̇ияо наама над̇т̇и, д̇асмаа ааруббаад̇и вуд̇д̇зби адта вимогкаа вуд̇д̇аава хонд̇ийд̇и взд̣̇ид̇аб̣б̣аа.
Dhammaṃ anussaratīti dhammānusārī. Dhammoti paññā, paññāpubbaṅgamaṃ maggaṃ bhāvetīti attho. Saddhānusārimhi ca eseva nayo. Ubho panete sotāpattimaggaṭṭhāyeva. Vuttampi cetaṃ – ‘‘yassa puggalassa sotāpattiphalasacchikiriyāya paṭipannassa paññindriyaṃ adhimattaṃ hoti, paññāvāhiṃ paññāpubbaṅgamaṃ ariyamaggaṃ bhāveti . Ayaṃ vuccati puggalo dhammānusārī’’ti (pu. pa. 208). Tathā – ‘‘yassa puggalassa sotāpattiphalasacchikiriyāya paṭipannassa saddhindriyaṃ adhimattaṃ hoti, saddhāvāhiṃ saddhāpubbaṅgamaṃ ariyamaggaṃ bhāveti. Ayaṃ vuccati puggalo saddhānusārī’’ti. Ayamettha saṅkhepo. Vitthārato panesā ubhatobhāgavimuttādikathā visuddhimagge paññābhāvanādhikāre vuttā. Tasmā tattha vuttanayeneva veditabbā. Yā panesā etesaṃ vibhāgadassanatthaṃ idha pāḷi āgatā, tattha yasmā rūpasamāpattiyā vinā arūpasamāpattiyo nāma natthi, tasmā āruppāti vuttepi aṭṭha vimokkhā vuttāva hontīti veditabbā.
гааязна пусид̇ваад̇и сахаж̇аад̇анаамагааязна пусид̇ваа. бан̃н̃ааяа жасса д̣̇исваад̇и бан̃н̃ааяа жа зд̇асса арияасажжад̇хаммз д̣̇исваа. згажжз аасаваад̇и батамамаг̇г̇аад̣̇ийхи бахаад̇аб̣б̣аа згад̣̇зсааасаваа. д̇ат̇ааг̇ад̇аббавзд̣̇ид̇аад̇и д̇ат̇ааг̇ад̇зна бавзд̣̇ид̇аа жад̇усажжад̇хаммаа. бан̃н̃ааяа вод̣̇идтаа хонд̇ийд̇и имасмим̣ таанз сийлам̣ гат̇ид̇ам̣, имасмим̣ самаад̇хи, имасмим̣ вибассанаа, имасмим̣ маг̇г̇о, имасмим̣ паланд̇и звам̣ ад̇т̇зна ад̇т̇з гааран̣зна гааран̣з жин̣н̣ажарид̇ад̇д̇аа маг̇г̇абан̃н̃ааяа суд̣̇идтаа хонд̇и. вожарид̇аад̇и вижарид̇аа. сад̣̇д̇хаа нивидтаа ход̇ийд̇и огаббанасад̣̇д̇хаа бад̇идтид̇аа ход̇и. мад̇д̇асо ниж̇жхаанам̣ каманд̇ийд̇и мад̇д̇ааяа ологанам̣ каманд̇и. сад̣̇д̇хаамад̇д̇анд̇и сад̣̇д̇хааязва, ид̇арам̣ д̇ассзва взважанам̣
Kāyena phusitvāti sahajātanāmakāyena phusitvā. Paññāya cassa disvāti paññāya ca etassa ariyasaccadhamme disvā. Ekacce āsavāti paṭhamamaggādīhi pahātabbā ekadesaāsavā. Tathāgatappaveditāti tathāgatena paveditā catusaccadhammā. Paññāya vodiṭṭhā hontīti imasmiṃ ṭhāne sīlaṃ kathitaṃ, imasmiṃ samādhi, imasmiṃ vipassanā, imasmiṃ maggo, imasmiṃ phalanti evaṃ atthena atthe kāraṇena kāraṇe ciṇṇacaritattā maggapaññāya sudiṭṭhā honti. Vocaritāti vicaritā. Saddhā niviṭṭhā hotīti okappanasaddhā patiṭṭhitā hoti. Mattaso nijjhānaṃ khamantīti mattāya olokanaṃ khamanti. Saddhāmattanti saddhāyeva, itaraṃ tasseva vevacanaṃ
ид̇и имзсу аббамаад̣̇зна гаран̣ийязсу буг̇г̇алзсу д̇аяо бадивид̣̇д̇хамаг̇г̇апалаа сзкаа. д̇зсу ануломасзнаасанам̣ сзвамаанаа галяаан̣амид̇д̇з бхаж̇амаанаа инд̣̇рияаани саманнаанаяамаанаа анубуб̣б̣зна арахад̇д̇ам̣ г̇ан̣ханд̇и. д̇асмаа д̇зсам̣ яат̇аатид̇ова баал̣иад̇т̇о. авасаанз бана д̣̇вз сод̇аабад̇д̇имаг̇г̇асаман̇г̇ино. д̇зхи д̇асса маг̇г̇асса ануломасзнаасанам̣ сзвид̇ам̣, галяаан̣амид̇д̇аа бхаж̇ид̇аа, инд̣̇рияаани саманнаанийд̇аани. убари бана д̇ин̣н̣ам̣ маг̇г̇аанам̣ ад̇т̇ааяа сзвамаанаа бхаж̇амаанаа саманнаанаяамаанаа анубуб̣б̣зна арахад̇д̇ам̣ баабун̣иссанд̇ийд̇и аяамзд̇т̇а баал̣иад̇т̇о.
Iti imesu appamādena karaṇīyesu puggalesu tayo paṭividdhamaggaphalā sekhā. Tesu anulomasenāsanaṃ sevamānā kalyāṇamitte bhajamānā indriyāni samannānayamānā anupubbena arahattaṃ gaṇhanti. Tasmā tesaṃ yathāṭhitova pāḷiattho. Avasāne pana dve sotāpattimaggasamaṅgino. Tehi tassa maggassa anulomasenāsanaṃ sevitaṃ, kalyāṇamittā bhajitā, indriyāni samannānītāni. Upari pana tiṇṇaṃ maggānaṃ atthāya sevamānā bhajamānā samannānayamānā anupubbena arahattaṃ pāpuṇissantīti ayamettha pāḷiattho.
вид̇ан̣д̣аваад̣̇ий бана имамзва баал̣им̣ г̇ахзд̇ваа – ‘‘логуд̇д̇арамаг̇г̇о на згажид̇д̇агкан̣иго, б̣ахужид̇д̇агкан̣иго’’д̇и вад̣̇ад̇и. со вад̇д̇аб̣б̣о – ‘‘яад̣̇и ан̃н̃зна жид̇д̇зна сзнаасанам̣ бадисзвад̇и, ан̃н̃зна галяаан̣амид̇д̇з бхаж̇ад̇и, ан̃н̃зна инд̣̇рияаани саманнаанзд̇и, ан̃н̃ам̣ маг̇г̇ажид̇д̇анд̇и санд̇хааяа д̇вам̣ ‘на згажид̇д̇агкан̣иго маг̇г̇о, б̣ахужид̇д̇агкан̣иго’д̇и вад̣̇аси, звам̣ санд̇з сзнаасанам̣ сзвамаано нийлобхаасам̣ баб̣б̣ад̇ам̣ бассад̇и, ванам̣ бассад̇и, миг̇абагкийнам̣ сад̣̇д̣̇ам̣ сун̣аад̇и, бубпапалаанам̣ г̇анд̇хам̣ гхааяад̇и, баанийяам̣ биванд̇о расам̣ сааяад̇и, нисийд̣̇анд̇о нибаж̇ж̇анд̇о пассам̣ пусад̇и. звам̣ д̇з бан̃жавин̃н̃аан̣асаман̇г̇ийби логуд̇д̇арад̇хаммасаман̇г̇ийязва бхависсад̇и. сажз банзд̇ам̣ самбадижчаси, сад̇т̇аараа сад̣̇д̇хим̣ бадивируж̇жхаси. сад̇т̇аараа хи бан̃жавин̃н̃аан̣агааяаа зганд̇ам̣ аб̣яаагад̇аава вуд̇д̇аа, д̇ам̣саман̇г̇исса гусалаагусалам̣ бадигкид̇д̇ам̣, логуд̇д̇арамаг̇г̇о жа зганд̇агусало. д̇асмаа баж̇ахзд̇ам̣ ваад̣̇а’’нд̇и бан̃н̃абзд̇аб̣б̣о. сажз бан̃н̃ад̇д̇им̣ на убаг̇ажчад̇и, ‘‘г̇ажча баад̇ова вихаарам̣ бависид̇ваа яааг̇ум̣ биваахий’’д̇и уяяож̇зд̇аб̣б̣о.
Vitaṇḍavādī pana imameva pāḷiṃ gahetvā – ‘‘lokuttaramaggo na ekacittakkhaṇiko, bahucittakkhaṇiko’’ti vadati. So vattabbo – ‘‘yadi aññena cittena senāsanaṃ paṭisevati, aññena kalyāṇamitte bhajati, aññena indriyāni samannāneti, aññaṃ maggacittanti sandhāya tvaṃ ‘na ekacittakkhaṇiko maggo, bahucittakkhaṇiko’ti vadasi, evaṃ sante senāsanaṃ sevamāno nīlobhāsaṃ pabbataṃ passati, vanaṃ passati, migapakkhīnaṃ saddaṃ suṇāti, pupphaphalānaṃ gandhaṃ ghāyati, pānīyaṃ pivanto rasaṃ sāyati, nisīdanto nipajjanto phassaṃ phusati. Evaṃ te pañcaviññāṇasamaṅgīpi lokuttaradhammasamaṅgīyeva bhavissati. Sace panetaṃ sampaṭicchasi, satthārā saddhiṃ paṭivirujjhasi. Satthārā hi pañcaviññāṇakāyā ekantaṃ abyākatāva vuttā, taṃsamaṅgissa kusalākusalaṃ paṭikkhittaṃ, lokuttaramaggo ca ekantakusalo. Tasmā pajahetaṃ vāda’’nti paññapetabbo. Sace paññattiṃ na upagacchati, ‘‘gaccha pātova vihāraṃ pavisitvā yāguṃ pivāhī’’ti uyyojetabbo.
183. наахам̣ , бхигкавз, аад̣̇игзнзваад̇и ахам̣, бхигкавз, батамамзва ман̣д̣уугасса уббад̇ид̇ваа г̇аманам̣ вияа ан̃н̃аараад̇ханам̣ арахад̇д̇з бад̇идтаанам̣ на вад̣̇аами. анубуб̣б̣асигкаад̇и гаран̣ад̇т̇з бажжад̇д̇аважанам̣. барад̇о бад̣̇ад̣̇ваязби зсзва наяо. сад̣̇д̇хааж̇аад̇од̇и огаббанияасад̣̇д̇хааяа ж̇аад̇асад̣̇д̇хо. убасан̇гамад̇ийд̇и г̇аруунам̣ самийбам̣ г̇ажчад̇и. баяирубаасад̇ийд̇и санд̇игз нисийд̣̇ад̇и. д̇хаарзд̇ийд̇и саад̇хугам̣ гад̇ваа д̇хаарзд̇и. чанд̣̇о ж̇ааяад̇ийд̇и гад̇д̇угамяад̇аагусалажчанд̣̇о ж̇ааяад̇и. уссахад̇ийд̇и вийрияам̣ гарод̇и. д̇улзд̇ийд̇и анижжам̣ д̣̇угкам̣ анад̇д̇аад̇и д̇улаяад̇и. д̇улаяид̇ваа бад̣̇ахад̇ийд̇и звам̣ д̇ийран̣авибассанааяа д̇улаяанд̇о маг̇г̇абад̇хаанам̣ бад̣̇ахад̇и. бахид̇ад̇д̇од̇и бзсид̇ажид̇д̇о. гааязна жзва барамасажжанд̇и наамагааязна ниб̣б̣аанасажжам̣ сажчигарод̇и. бан̃н̃ааяа жаад̇и наамагааяасамбаяуд̇д̇ааяа маг̇г̇абан̃н̃ааяа бадивиж̇жхад̇и бассад̇и.
183.Nāhaṃ, bhikkhave, ādikenevāti ahaṃ, bhikkhave, paṭhamameva maṇḍūkassa uppatitvā gamanaṃ viya aññārādhanaṃ arahatte patiṭṭhānaṃ na vadāmi. Anupubbasikkhāti karaṇatthe paccattavacanaṃ. Parato padadvayepi eseva nayo. Saddhājātoti okappaniyasaddhāya jātasaddho. Upasaṅkamatīti garūnaṃ samīpaṃ gacchati. Payirupāsatīti santike nisīdati. Dhāretīti sādhukaṃ katvā dhāreti. Chando jāyatīti kattukamyatākusalacchando jāyati. Ussahatīti vīriyaṃ karoti. Tuletīti aniccaṃ dukkhaṃ anattāti tulayati. Tulayitvā padahatīti evaṃ tīraṇavipassanāya tulayanto maggapadhānaṃ padahati. Pahitattoti pesitacitto. Kāyena ceva paramasaccanti nāmakāyena nibbānasaccaṃ sacchikaroti. Paññāya cāti nāmakāyasampayuttāya maggapaññāya paṭivijjhati passati.
ид̣̇аани яасмаа д̇з сад̇т̇у ааг̇аманам̣ суд̇ваа бажжуг̇г̇аманамад̇д̇амби на агам̣су, д̇асмаа д̇зсам̣ жарияам̣ г̇араханд̇о сааби наама, бхигкавз, сад̣̇д̇хаа наахосийд̇иаад̣̇имааха. д̇ад̇т̇а гийвад̣̇уурзвимзд̇и гид̇д̇агам̣ д̣̇уурз таанз. яож̇анасад̇амби яож̇анасахассамби абагганд̇аад̇и вад̇д̇ум̣ ваддад̇и, на бана гин̃жи ааха. жад̇уббад̣̇ам̣ взяяаагаран̣анд̇и жад̇усажжаб̣яаагаран̣ам̣ санд̇хааяа вуд̇д̇ам̣.
Idāni yasmā te satthu āgamanaṃ sutvā paccuggamanamattampi na akaṃsu, tasmā tesaṃ cariyaṃ garahanto sāpi nāma, bhikkhave, saddhā nāhosītiādimāha. Tattha kīvadūrevimeti kittakaṃ dūre ṭhāne. Yojanasatampi yojanasahassampi apakkantāti vattuṃ vaṭṭati, na pana kiñci āha. Catuppadaṃ veyyākaraṇanti catusaccabyākaraṇaṃ sandhāya vuttaṃ.
184. яассуд̣̇д̣̇идтассаад̇и яасса уд̣̇д̣̇идтасса. яоби со, бхигкавз, сад̇т̇аад̇и б̣аахирагасад̇т̇аарам̣ д̣̇ассзд̇и. зваруубийд̇и звам̣ж̇аад̇игаа. бан̣обан̣авияаад̇и бан̣авияаа жа обан̣авияаа жа . на убзд̇ийд̇и на ход̇и. гаяавиггаяагаалз вияа аг̇гхавад̣дханахаабанам̣ на ход̇ийд̇и ад̇т̇о. аяам̣ г̇он̣о гим̣ аг̇гхад̇и, вийсад̇и аг̇гхад̇ийд̇и бхан̣анд̇о бан̣ад̇и наама. на вийсад̇и аг̇гхад̇и, д̣̇аса аг̇гхад̇ийд̇и бхан̣анд̇о обан̣ад̇и наама. ид̣̇ам̣ бадисзд̇хзнд̇о ааха ‘‘бан̣обан̣авияаа на убзд̇ий’’д̇и. ид̣̇аани д̇ам̣ бан̣обан̣авияам̣ д̣̇ассзд̇ум̣ зван̃жа но асса, ат̇а нам̣ гарзяяаама, на жа но звамасса, на нам̣ гарзяяаамаад̇и ааха.
184.Yassuddiṭṭhassāti yassa uddiṭṭhassa. Yopiso, bhikkhave, satthāti bāhirakasatthāraṃ dasseti. Evarūpīti evaṃjātikā. Paṇopaṇaviyāti paṇaviyā ca opaṇaviyā ca . Na upetīti na hoti. Kayavikkayakāle viya agghavaḍḍhanahāpanaṃ na hotīti attho. Ayaṃ goṇo kiṃ agghati, vīsati agghatīti bhaṇanto paṇati nāma. Na vīsati agghati, dasa agghatīti bhaṇanto opaṇati nāma. Idaṃ paṭisedhento āha ‘‘paṇopaṇaviyā na upetī’’ti. Idāni taṃ paṇopaṇaviyaṃ dassetuṃ evañca no assa, atha naṃ kareyyāma, na ca no evamassa, na naṃ kareyyāmāti āha.
гим̣ бана, бхигкавзд̇и, бхигкавз, яам̣ д̇ат̇ааг̇ад̇о саб̣б̣асо аамисзхи висам̣садто вихарад̇и, звам̣ висам̣садтасса сад̇т̇уно зваруубаа бан̣обан̣авияаа гим̣ яуж̇ж̇иссад̇и? барияог̇аахияа вад̇д̇ад̇од̇и барияог̇аахид̇ваа угкибид̇ваа г̇ахзд̇ваа вад̇д̇анд̇асса. аяамануд̇хаммод̇и аяам̣ сабхааво. ж̇аанаад̇и бхаг̇аваа, наахам̣ ж̇аанаамийд̇и бхаг̇аваа згаасанабхож̇анз аанисам̣сам̣ ж̇аанаад̇и, ахам̣ на ж̇аанаамийд̇и маяи сад̣̇д̇хааяа д̣̇ивасасса д̇аяо ваарз бхож̇анам̣ бахааяа згаасанабхож̇анам̣ бхун̃ж̇ад̇и. рул̣аханийяанд̇и роханийяам̣. ож̇аванд̇анд̇и синзхаванд̇ам̣. гаамам̣ д̇ажо жаад̇и иминаа жад̇уран̇г̇авийрияам̣ д̣̇ассзд̇и. зд̇т̇а хи д̇ажо згам̣ ан̇г̇ам̣, нхаару згам̣, адти згам̣, мам̣салохид̇ам̣ зганд̇и звам̣ жад̇уран̇г̇асаманнааг̇ад̇ам̣ вийрияам̣ ад̇хидтахид̇ваа арахад̇д̇ам̣ аббад̇ваа на вудтахиссаамийд̇и звам̣ бадибаж̇ж̇ад̇ийд̇и д̣̇ассзд̇и. сзсам̣ саб̣б̣ад̇т̇а уд̇д̇аанамзва. д̣̇зсанам̣ бана бхаг̇аваа нзяяабуг̇г̇аласса васзна арахад̇д̇анигуудзна нидтаабзсийд̇и.
Kiṃ pana, bhikkhaveti, bhikkhave, yaṃ tathāgato sabbaso āmisehi visaṃsaṭṭho viharati, evaṃ visaṃsaṭṭhassa satthuno evarūpā paṇopaṇaviyā kiṃ yujjissati? Pariyogāhiya vattatoti pariyogāhitvā ukkhipitvā gahetvā vattantassa. Ayamanudhammoti ayaṃ sabhāvo. Jānāti bhagavā, nāhaṃ jānāmīti bhagavā ekāsanabhojane ānisaṃsaṃ jānāti, ahaṃ na jānāmīti mayi saddhāya divasassa tayo vāre bhojanaṃ pahāya ekāsanabhojanaṃ bhuñjati. Ruḷahanīyanti rohanīyaṃ. Ojavantanti sinehavantaṃ. Kāmaṃ taco cāti iminā caturaṅgavīriyaṃ dasseti. Ettha hi taco ekaṃ aṅgaṃ, nhāru ekaṃ, aṭṭhi ekaṃ, maṃsalohitaṃ ekanti evaṃ caturaṅgasamannāgataṃ vīriyaṃ adhiṭṭhahitvā arahattaṃ appatvā na vuṭṭhahissāmīti evaṃ paṭipajjatīti dasseti. Sesaṃ sabbattha uttānameva. Desanaṃ pana bhagavā neyyapuggalassa vasena arahattanikūṭena niṭṭhāpesīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
гийдааг̇ирисуд̇д̇аван̣н̣анаа нидтид̇аа.
Kīṭāgirisuttavaṇṇanā niṭṭhitā.
д̣̇уд̇ияаваг̇г̇аван̣н̣анаа нидтид̇аа.
Dutiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. гийдааг̇ирисуд̇д̇ам̣ • 10. Kīṭāgirisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. гийдааг̇ирисуд̇д̇аван̣н̣анаа • 10. Kīṭāgirisuttavaṇṇanā
